معصوموں کا قتلِ عام

بیت لحم یروشلم سے تقریباً پانچ میل کے فاصلے پر ایک چھوٹا سا گاؤں تھا۔ یوسف اور مریم ناصرت میں اپنے گھر سے بہت دور شمال کی طرف سفر کر چکے تھے۔ وہ بیت لحم میں رجسٹر ہونے اور ٹیکس کی ادائیگی کرنے کے لیے آئے تھے کیونکہ وہ داؤد کی اولاد تھے، جو ایک ہزار سال پہلے بیت لحم میں پیدا ہوئے تھے۔ یسوع کی پیدائش اس وقت ہوئی جب وہ وہاں تھے۔

یہ سب کچھ بادشاہ ہیرودیس اعظم کے دور میں ہوا۔ ہیرودیس پیدائشی طور پر یہودی نہیں تھا۔ وہ عیسو کی نسل سے تھا، ایک ادومی، ادوم کا رہنے والا اِک شخص۔ اس کے آباؤ اجداد نے یہودی مذہب قبول کر لیا تھا۔ تاہم، یہودی لوگ ہمیشہ ہیرودیس کو شک کی نگاہ سے دیکھتے تھے، اور اسے ’’آدھا یہودی‘‘ کہتے تھے۔

مؤرخ جوزیفس نے کہا کہ ہیرودیس کو روم نے گلیل کا نگران مقرر کیا تھا جب وہ پچیس سال کا تھا۔ اس کے بعد ہیرودیس نے اسے فلسطین کا بادشاہ بنانے کے لیے رومی سینیٹ کو رقم ادا کی، اور اسے آگسٹس سیزر نے بڑی شان و شوکت اور تقریب کے درمیان یہودی ریاست کا بادشاہ بنا دیا۔ ڈاکٹر میرل ایف انگر نے کہا،

ہیرودیس نہ صرف نسل کے اعتبار سے ایک ادومین اور مذہب میں یہودی تھا بلکہ وہ عملی طور پر ایک کافر اور کردار میں ایک عفریت تھا۔ بادشاہ کے طور پر اپنی انتظامیہ کے دوران اس نے خود کو انتہائی چالاک، غیرت مند، ظالم اور انتقامی ثابت کیا۔ اس نے اپنی بادشاہی طاقت کا استعمال انتہائی غاصبانہ مزاج کے ساتھ کیا… اس کی نو یا دس بیویاں تھیں اور محض شک کی بنا پر اس نے اپنی پسندیدہ بیوی مریم اور اس کے بیٹوں، ارسطوبولس اور الیگزینڈر کو موت کے گھاٹ اتار دیا… اور آخر کار جب وہ بستر مرگ پر تھا، مرنے سے صرف پانچ دن پہلے، اس نے اپنے بیٹے اینٹی پیٹر کو قتل کرنے کا حکم دیا۔ یہ کوئی تعجب کی بات نہیں ہے کہ آگسٹس [سیزر] نے [کہا ہوگا] ’’ھیرودیس کا پالتو سؤر بننا اس کا بیٹا بننے سے بہتر ہے‘‘… [ڈاکٹر ایڈم کلارک نے کہا کہ سیزر کے بیان کا نکتہ یہ تھا کہ ہیرودیس کی یہودیت نے اس کے خنزیروں کو مارنے سے منع کیا تھا، ’’لہذا اس کا سؤر محفوظ رہے گا، جہاں اس کا اپنا بیٹا اپنی جان سے ہاتھ دھو بیٹھے۔‘‘] ہیرودیس کے سب سے زیادہ بدنام زمانہ جرائم میں سے ایک اس وقت پیش آیا جب وہ بستر مرگ پر تھا۔ اُس نے حکم دیا کہ ’’پوری یہودی قوم کے تمام اہم آدمی‘‘ اُس کے حضور حاضر ہوں۔ پھر اس نے انہیں ہپوڈروم [میدان] میں بند کر دیا اور اسے سپاہیوں نے گھیر لیا۔ اس نے حکم دیا کہ اس کی اپنی موت کے فوراً بعد، جس کی اسے توقع تھی کہ جلد ہی ہو جائے گی، ان سب کو قتل کر دیا جائے، تاکہ بظاہر، کم از کم، ’’اس کا جنازہ ایک یادگار سوگ کے اعزاز‘‘ کا متحمل ہو سکے۔ شاہی بدبخت مر گیا لیکن ہپوڈروم میں لوگوں کے بارے میں حکم کبھی جاری نہیں ہوا (میرل ایف انگر، پی ایچ ڈی Merrill F. Unger, Ph.D.، اُونگر کی بائبل کی نئی لغت The New Unger’s Bible Dictionary، موڈی پریسMoody Press ، 1988، صفحہ 556-558)۔

مشرق کے مجوسیوں کو ہیرودیس کے بارے میں ان حقائق کا علم نہیں تھا۔ وہ بچوں کی مانند معصومیت اور کھلے دل سے اس کے پاس آئے اور پوچھا،

’’کہاں ہے وہ جو یہودیوں کا بادشاہ پیدا ہوا ہے کیونکہ ہم نے مشرق میں اُس کا ستارہ دیکھا ہے اور اُس کی عبادت کرنے آئے ہیں‘‘ (متی 2: 2)۔

’’یہودیوں کا بادشاہ؟‘‘ ہیرودیس کا غیرت مند، ظالمانہ اور فریب خوردہ دل اس خوفناک خوف کے ساتھ پیچھے ہٹ گیا کہ کوئی اور، کوئی ’’یہودیوں کا بادشاہ‘‘ اس کی جگہ لے لے، اور اس کا تخت چھین لے۔ اس لیے بادشاہ نے ان [مجوسیوں] کو اس بچے کو تلاش کرنے کے لیے بھیجا اور کہا۔

’’جب وہ تمہیں مل جائے تو آ کر مجھے خبر دو تاکہ میں بھی جا کر اُسے سجدہ کروں‘‘ (متی 2: 8)۔

مجوسیوں نے مسیح بچےکو پایا، اس کی عبادت کی، اور اسے قیمتی تحائف پیش کیے۔ لیکن خدا کی طرف سے انہیں خبردار کیا گیا کہ وہ ہیرودیس کے پاس واپس نہ جائیں، اور وہ بادشاہ کو یہ بتائے بغیر اپنے ملک واپس چلے گئے کہ یسوع کہاں ہے۔

’’پھر ہیرودیس کو جب مجوسیوں کی دھوکہ بازیوں کا پتہ چلا تو اُسے بہت غصہ آیا، اُس نے یروشلم اور اُس کی تمام سرحدوں کے اندر سپاہی بھیج کر تمام لڑکوں کو جو دو سال یا اُس سے کم عمر کے تھے قتل کروا دیا۔ اُس نے (دو سال) کے اُس وقت کا حساب اُس صحیح اِطلاع کی بنیاد پر لگایا گیا تھا جو مجوسیوں سے حاصل کر چکا تھا‘‘ (متی 2: 16)۔

ہیرودیس کی اپنی بیوی اور بچوں کو قتل کروانے کے بارے میں جاننے کے بعد، مجھے حیرت نہیں ہوتی کہ اس نے ان بے سہارا بچوں کا قتل عام کروایا، [کیونکہ وہ] خود خداوند یسوع مسیح کو قتل کرنے کی کوشش میں تھا۔ ہم ایسے وحشیانہ رویے کا حساب کیسے لے سکتے ہیں؟ کیا ہم بتا سکتے ہیں کہ انسان اتنا نیچے کیسے گِر سکتا ہے؟ کم از کم تین وضاحتیں ہیں۔

I۔ پہلی بات، ہیرودیس آدم کی اولاد میں سے تھا۔

گناہ کی جڑ اس حقیقت میں پنہاں ہے کہ تمام انسان پیدائشی طور پر گنہگار ہیں۔ ہر مرد اور عورت کا تعلق – واپس آدم تک خون سے ہے۔ آدم کا گناہ اور جرم اس کی تمام اولاد، پوری نسل انسانی پر عائد کیا گیا تھا۔ جب ہمارے پہلے والدین نے خُدا کے خلاف بغاوت کی، تو ایک زہر تھا جو جینز ]ڈی این اےDNA ]، خون کے دھارے اور نسلِ انسانی کی روح میں گھلایا گیا۔

خدا کی مقدس شریعت کہتی ہے،

’’تُو خُداوند اپنے خُدا سے اپنے سارے دِل، اپنی ساری جان اور اپنی ساری طاقت سے پیار کر‘‘ (استثنا 6: 5)۔

لیکن ناپاک گنہگاروں کے زہر آلود خون اور آلودہ روح کو خدا سے کوئی محبت نہیں ہے۔

میں کہتا ہوں کہ ہیرودیس نے کبھی بھی خدا سے محبت نہیں کی۔ اوہ، اس نے کہا کہ وہ خدا پر یقین رکھتا ہے۔ یہاں تک کہ اس نے یروشلم میں ہیکل کو دوبارہ تعمیر کیا۔ وہ سبت کے دن وہاں گیا اور رسمی نماز پڑھی۔ لیکن کیا آپ سوچتے ہیں کہ اُس نے کبھی خُدا سے محبت کی؟ کیا آپ کو لگتا ہے کہ اس نے کبھی واقعی اپنے دل سے خدا سے دعا کی ہے؟

اور، اب، کیا میں آپ سے پوچھ سکتا ہوں، کیا آپ اس لحاظ سے ہیرودیس سے اتنے ہی مختلف ہیں؟ کیا آپ ایمانداری سے کہہ سکتے ہیں کہ آپ خدا سے محبت کرتے ہیں؟ کیا آپ ایمانداری سے کہہ سکتے ہیں کہ آپ خدا سے دعا کرتے ہیں؟ یا زبور نویس نے آپ کو بیان کیا جب اس نے کہا،

’’شریر، اپنے چہرے کے گھمنڈ سے، خدا کی تلاش نہیں کرے گا: خدا اس کے تمام خیالات میں نہیں ہے‘‘ (زبور 10: 4)؟

آپ گرجہ گھر آ سکتے ہیں کیونکہ یہ آپ کی عادت ہے، یا اس لیے کہ آپ کے یہاں دوست ہیں، لیکن آپ کرتے ہیں۔

’’خُداوند اپنے خُدا سے اپنے سارے دِل، اپنی ساری جان اور اپنی ساری طاقت سے پیار‘‘ (استثنا 6: 5)۔

’’اوہ،‘‘ کوئی شاید کہہ سکتا ہے، ’’لیکن میں تو ہیرودیس کی طرح برا نہیں ہوں۔‘‘ میں اس بات سے اتفاق کرتا ہوں کہ آپ اتنے گہرے گناہ میں نہیں ڈوبے ہیں جتنے اس نے آخرکار کیے تھے۔ لیکن میں آپ سے متفق نہیں ہوں اگر آپ کو لگتا ہے کہ آپ کا دل اس سے مختلف ہے۔ اگر آپ اپنے آپ کے ساتھ ایماندار ہیں تو مجھے لگتا ہے کہ آپ کو اس بات سے اتفاق کرنا پڑے گا کہ آپ کا دل خدا سے زیادہ محبت نہیں کرتا، یہ کہ آپ کا دل خدا کے بجائے خود پر مرکوز ہے،

’’کیونکہ لوگ اپنی ذات سے محبت کرنے والے ہوں گے‘‘ (II۔ تیمتھیس 3: 2)

بجائے اِس کے کہ خدا سے محبت کرنے والے ہوں۔

اب، میں جانتا ہوں کہ آپ اسے سننا نہیں چاہتے، لیکن مجھے حیرت ہے کہ کیا آپ کا ضمیر اس سے متفق نہیں ہے۔ مجھے حیرت ہے کہ کیا آپ سوچ رہے ہوں گے، ’’اس میں کچھ سچائی ہے۔ میں واقعی خدا سے محبت نہیں کرتا۔ حقیقت میں میں نے شاید ہی کبھی خدا کے بارے میں سوچا ہو۔‘‘ اور، پھر، یہ کہ آپ کے بارے میں سچ ہے، آپ کا دل ہیرودیس کے دل سے کیسے مختلف ہے؟ وہ ہر ہفتے مندر جاتا تھا۔ وہ رسم سے گزرا،

’’وہ دینداروں کی سی وضع تو رکھیں گے لیکن زندگی میں دینداری کا کوئی اثر قبول نہیں کریں گے‘‘ (II تیمتھیس 3: 5)۔

کیا یہ آپ کے بارے میں بھی سچ نہیں ہے؟ کیا یہ سچ نہیں ہے کہ آپ کے پاس مذہب کی ظاہری شکل ہے، لیکن کوئی باطنی حقیقت نہیں، خدا کو جاننے اور اس سے محبت کرنے میں کوئی حقیقی خوشی نہیں؟ کیا یہ سچ نہیں ہے کہ آپ کا دل گنہگار، بے دین ہے؟ کیا یہ سچ نہیں ہے کہ آپ نے خدا سے ایسی محبت نہ کرکے مقدس شریعت کو توڑا ہے جیسا کہ آپ کو کرنا چاہئے؟

اور اس طرح، معاملے کی بالکل جڑ میں، آپ کے دل کے بالکل مرکز میں، آپ آدم کے اتنے ہی تباہ شدہ بچے ہیں جتنا ہیرودیس تھا۔ آپ کا دل، خُدا کے لیے محبت کی کمی میں، اُس کی طرح گنہگار ہے۔

II۔ دوسری بات، ہیرودیس بد سے بدتر ہوتا چلا گیا۔

آپ کو نہیں لگتا کہ وہ ایک قاتل کے طور پر شروع ہوا ہے، کیا آپ [بھی ایسے ہی ہیں]؟ ہرگز نہیں! اس نے زندگی کا آغاز بچپن میں کیا، پھر وہ نوعمر تھا، اور پھر ایک نوجوان بالغ۔ جب وہ چھوٹا تھا تو اس نے کبھی کسی کو قتل نہیں کیا اور نہ ہی مجھے لگتا ہے کہ اس نے جوانی کے ابتدائی سالوں میں ایسا کام کیا تھا۔ لیکن اس وقت بھی اس کا دل غلط تھا۔ اور اس کے دل کے غلط رغبت، غلط رجحان نے اسے زندگی کی غلط سمت میں لا کھڑا کیا۔ جیسا کہ میری ماں کہتی تھی، ’’وہ بد سے بدتر ہوتا چلا گیا۔‘‘

بائبل ہمیں اس بارے میں خبردار کرتی ہے جب یہ کہتی ہے،

’’شریر اور فتنہ باز بد سے بدتر ہوتے جائیں گے‘‘ (II تیمتھیس 3: 13)۔

جو شخص مسیح میں ایمان لائے بغیر غیر تبدیل شدہ رہتا ہے وہ وقت کے ساتھ ساتھ بد سے بدتر ہوتا جائے گا۔

اس کے بارے میں کوئی غلطی نہ کریں۔ جتنی دیر آپ مسیح میں ایمان لائے بغیر غیر تبدیل شدہ رہیں گے آپ کا دل اتنا ہی خراب ہوتا جائے گا،

’’اپنے ضمیر کو گرم لوہے سے جلانا یا جُھلسانا‘‘ (I تیمتھیس 4: 2)۔

یہ سوچنا ایک عام غلطی ہے کہ آپ جتنے زیادہ واعظ سنیں گے اتنا ہی زیادہ امکان ہے کہ آپ مسیح میں ایمان لا کر تبدیل ہو جائیں گے۔ حقائق بتاتے ہیں کہ یہ سچ نہیں ہے۔ حقیقت میں، سچائی اِس کے برعکس ہے. آپ جتنا زیادہ انجیل کا اعلان کرتے ہوئے سنیں گے، اور مسیح کو رد کریں گے، اتنا ہی کم امکان ہے کہ آپ کبھی [مسیح میں ایمان لا کر] تبدیل ہو جائیں گے۔ جیسا کہ آپ مسیح کو مسترد کرتے ہیں، آپ کے ضمیر کو زیادہ سے زیادہ جھنجھوڑ دیا جائے گا، جب تک کہ یہ اتنا سخت، اتنا اٹل، اتنا ناقابل اثر نہ ہو جائے، کہ آپ کی

’’[حالت] ان کی بعد کی حالت سے پہلے سے بھی ابتر ہوتی ہے‘‘ (II پطرس 2: 20)۔

اوہ، کیا آپ کے بارے میں یہ کہا جائے گا کہ آپ ’’بدتر سے بدتر‘‘ ہوتے گئے؟ کیا آپ کے بارے میں کہا جائے گا، کہ آپ کے ضمیر کو گرم لوہے سے جُھلسا دیا گیا تھا؟ کیا آپ کے بارے میں کہا جائے گا، کہ آپ کا ’’آخری انجام ابتدا سے بدتر تھا‘‘؟ مجھے پورا یقین ہے کہ وہ سب باتیں آپ کے بارے میں کہی جائیں گی، جیسا کہ وہ ہیرودیس کی تھیں، اگر آپ مسیح میں ایمان لائے بغیر غیر تبدیل شدہ حالت میں، جیسے آپ ہیں، اسی طرح چلتے رہے! وہ بد سے بدتر ہوتا چلا گیا – اور آپ بھی ایسا ہی کریں گے!

III۔ تیسری بات، ہیرودیس نے فضل کے ذرائع کی انکاری کی تھی۔

فضل کا ذریعہ مقدس صحیفے اور واعظ ہیں جو ایک شخص سنتا ہے۔ فقیہوں نے ہیرودیس کو بتایا کہ مسیح کہاں پیدا ہوگا۔ اُنہوں نے اُس کے لیے میکاہ 5: 2 کا حوالہ دیا،

’’لیکن اے بیت لحم افراتہ، اگرچہ تو یہوداہ کے ہزاروں لوگوں میں چھوٹا ہے، پھر بھی تجھ میں سے میرے لیے ایک حاکم نکلے گا؛ جو سارے اسرائیل پر حکومت کرے گا، وہ ایام ازل سے ہے، اس کا ظہور قدیم زمانے سے ہے‘‘ (میکاہ 5:2)۔

کیا اس نے بائبل کو سنا؟ کیا اس نے نوزائیدہ نجات دہندہ پر بھروسہ کیا؟ کیا وہ مسیح میں ایمان لا کر تبدیل ہوا تھا؟ نہیں، اس نے بائبل میں دیے گئے فضل کے اس ذرائع کو مسترد کر دیا۔ وہ بائبل سے بے نیاز تھا۔

کیا اس نے مجوسیوں کی تبلیغ سنی؟ نہیں! اس نے ان کو دھوکہ دینے کی کوشش کی، تاکہ وہ یسوع کو مار سکے! اگر اُس نے اُن کی تبلیغ پر توجہ دی ہوتی تو وہ اُٹھ کر بیت اللحم جا کر مسیح کی عبادت کیوں نہ کرتا؟ آخرکار، بیت اللحم صرف پانچ میل دور تھا! لیکن اس نے ان مجوسیوں کی تبلیغ پر کان نہیں دھرا۔ صرف یسوع کے پاس آنے اور نجات پانے کے بجائے، اس نے مبلغین کے ساتھ کھیل کھیلا اور فضل کے اس ذریعہ کو بھی رد کر دیا!

اور دیکھو ہیرودیس کے ساتھ کیا ہوا! یہاں تک کہ جب وہ بیت لحم میں ان چھوٹے بچوں کو قتل کر رہا تھا، اس پر خوفناک عذاب نازل ہو رہا تھا، جیسے اس کے جسم میں ایک خوفناک بیماری دوڑ رہی تھی۔ ڈاکٹر گل نے کہا،

[دو قدیم مؤرخین] جوزیفس اور اس کی طرف سے یوسیبیس نے اس کی دردناک موت کے بارے میں جو بیان دیا ہے، وہ اس طرح ہے: اسے جلنے والے بخار نے اپنی لپیٹ میں لے لیا، اس کے پورے جسم پر ناقابل برداشت خارش تھی، اور درد کی مسلسل تکلیف تھی۔ اس کے پاؤں ایک مرضِ استسقا کے ساتھ سوج گئے؛ اس کے پیٹ کے نچلے حصے میں سوزش تھی۔ اس کے [نجی] حصوں میں گندگی تھی، جس سے کیڑے پیدا ہوتے ہیں۔ سانس لینے میں دشواری اور سانس کا پھولنا تھا، اور اس کے تمام حصوں میں تشّنج تھا؛ اس کو بھوک بہت لگ رہی تھی، سانس میں بدبو آ رہی تھی، اور اس کی آنتیں السر سے بھری ہوئی تھیں۔ جب اس نے پایا کہ استعمال کیے گئے تمام ذرائع بے اثر ہیں، اور اسے مرنا ضروری ہے، تو اس نے [خودکشی] کرنے کی کوشش کی لیکن اسے روک دیا گیا، اور اس کے فوراً بعد نہایت ہی لاچارگی سے [مر گیا] (جان گل، ڈی ڈیJohn Gill D.D.، نئے عہد نامہ کی ایک تفسیرAn Exposition of the New Testament، دی بیپٹسٹ اسٹینڈرڈ بیئرر، 1989 دوبارہ پرنٹ، جلد اوّل، صفحہ 7)۔

ان قدیم مؤرخین، جوزیفس اور یوسیبیئس نے جو تصویر ہمیں دی ہے، وہ واقعی خوفناک ہے۔ گویا ہمیں اس شخص کی جھلک نظر آتی ہے جو جہنم کی جلتی ہوئی گہرائیوں میں اترتا ہے،

’’جہاں ان کا کیڑا نہیں مرتا، اور آگ نہیں بجھتی‘‘ (مرقس 9: 48)۔

اگر آپ کو پہلے سے ہی ’’ناپسندیدہ خیالات اور حرکات‘‘ کے حوالے نہیں کیا گیا ہے (رومیوں 1: 28) تو میں آپ کو پوری سنجیدگی کے ساتھ یسوع مسیح کے پاس نجات کے لیے آنے کی تاکید کرتا ہوں، جب کہ ابھی بھی وقت ہے۔

’’اور روح اور دلہن کہتے ہیں، آؤ۔ اور جو سنتا ہے وہ کہے، آؤ۔ اور جو پیاسا ہے وہ آئے‘‘ (مکاشفہ 22: 17)۔

روح القدس کہتا ہے، ’’مسیح کے پاس آؤ‘‘۔ دلہن، مقامی چرچ اور اس کے تمام لوگ کہتے ہیں، ’’مسیح کے پاس آؤ‘‘۔ یہاں ہر وہ شخص جو نجات کا پیاسا ہے مسیح کے پاس آئے! وہ آپ کے گناہوں کی ادائیگی کے لیے صلیب پر مرا۔ وہ جسمانی طور پر مردوں میں سے جی اُٹھا۔ وہ آسمان پر خدا کے داہنے ہاتھ پر بیٹھا آپ کے لیے دعا کر رہا ہے۔ یسوع مسیح کے پاس آئیں۔ آپ کے گناہ اس کے خون سے دھل جائیں گے۔ ہیرودیس کے ساتھ جہنم کے جلتے گڑھے میں مت جائیں! یسوع مسیح کے پاس آئیں اور اُس کے قیمتی خون سے پاک صاف ہو جائیں – تاکہ آپ خُدا کی جنت میں ہمیشہ اُس کے ساتھ رہ سکیں! آمین۔

(واعظ کا اختتام)
آپ انٹر نیٹ پر ہر ہفتے ڈاکٹر ہائیمرز کے واعظ www.sermonsfortheworld.com
یا پر پڑھ سکتے ہیں ۔ "مسودہ واعظ Sermon Manuscripts " پر کلک کیجیے۔

یہ مسوّدۂ واعظ حق اشاعت نہیں رکھتے ہیں۔ آپ اُنہیں ڈاکٹر ہائیمرز کی اجازت کے بغیر بھی استعمال کر سکتے
ہیں۔ تاہم، ڈاکٹر ہائیمرز کے ہمارے گرجہ گھر سے ویڈیو پر دوسرے تمام واعظ اور ویڈیو پیغامات حق
اشاعت رکھتے ہیں اور صرف اجازت لے کر ہی استعمال کیے جا سکتے ہیں۔