حقیقی طور پر مسیح میں ایمان لا کر تبدیل ہونے والے بہت سی مصیبتوں سے کیوں نہیں بچ سکتے!

آج کل امریکہ اور یورپ میں اِس تلاوت پر انتہائی کم واعظوں کی تبلیغ کی جاتی ہے۔ پھر بھی یہی ایک [تلاوت] ہے جو بہت اہمیت کی حامل ہے۔ اس تلاوت کو جانے اور اس پر عمل کیے بغیر، مجھے شک ہے کہ آپ خدا کی بادشاہی میں داخل نہیں ہو سکیں گے، نا ہی تو ابھی نا ہی مستقبل میں جب آپ مر جائیں گے۔

پولوس رسول کو سنگسار کیا گیا تھا اور لسترہ شہر میں مردہ حالت میں چھوڑ دیا گیا تھا۔ لیکن پولُوس میں اُس وقت زندگی کی ایک لہر دوڑ گئی جب شاگرد اُس کے ارد گرد کھڑے ہو گئے، بلا شبہ [وہ] دعا مانگ رہے تھے۔ خدا نے ان کی دعاؤں کا جواب دیا۔ وہ قریباً موت کے قریب سے جی اُٹھا تھا، یا شاید خود موت سے ہی (اس پر کلام واضح نہیں ہے)۔ جی اٹھنے کے بعد وہ جلد ہی دوبارہ تبلیغ کرنے لگا۔ ہم سب کے لیے کیا مثال ہے! پولوس پوری طاقت کے ساتھ اُٹھا اور اپنے معاون برنباس کے ساتھ ڈربی شہر گیا۔ وہاں سے انہوں نے لسترا اور اکونیم کا سفر کیا اور آخر کار انطاکیہ گئے، گمراہ لوگوں کو مسیح کے مصلوب ہونے اور جی اٹھنے کی انجیل کی تبلیغ کی۔

ان شہروں میں بھی، پولوس اور برنباس نے شاگردوں کو منادی کی، یعنی انہوں نے ان لوگوں کو منادی کی جنہوں نے حال ہی میں کہا تھا کہ وہ مسیح کی پیروی کرنا چاہتے ہیں۔ لیکن پولوس اس بات کو یقینی بنانا چاہتا تھا کہ انہوں نے مسیح میں ایمان لانے کی حقیقی تبدیلی کا تجربہ کیا ہے۔ وہ چاہتا تھا کہ وہ ’’[ایمان میں] پختہ‘‘ ہوں، یعنی اپنے ایمان میں مضبوط ہوں۔ وہ اس بات کو یقینی بنانا چاہتا تھا کہ انہوں نے صرف انجیل کے حقائق پر یقین نہیں کیا تھا، بلکہ یہ کہ انہوں نے مسیح میں ایمان لانے کی حقیقی تبدیلی کا تجربہ کیا تھا۔ اس نے ایسا کیسے کیا؟

I. سب سے پہلے، پولس نے نئے شاگردوں کی روحوں کو پختہ کیا اور اُنہیں تقویت پہنچائی۔ اور اُن حوصلہ افزائی کی کہ وہ اُس ایمان پر قائم رہیں جس پر یقین کرنے کا اُنہوں نے دعویٰ کیا تھا۔

تلاوت کہتی ہے،

’’وہ شاگردوں کی حوصلہ افزائی کرتے اور اُنہیں نصیحت دیتے تھے کہ اپنے ایمان پر مضبوطی سے قائم رہو‘‘ (اعمال 14: 22 الف)۔

پولوس اس بات کو یقینی بنانا چاہتا تھا کہ ان نوجوان شاگردوں کی ’’روحیں‘‘ واقعی مسیح میں ایمان لا کر تبدیل ہو چکی ہیں۔ وہ اس بات کو یقینی بنانا چاہتا تھا کہ وہ صرف برائے نام مسیحی نہیں ہیں، نہ صرف وہ لوگ جنہوں نے انجیل کے عقائد کو سیکھا ہے، بلکہ یہ کہ وہ حقیقی مسیحی کے طور پر جینا جاری رکھیں گے۔ وہ ان سے چاہتا تھا۔

’’[ان کی] بُلاہٹ اور چُناؤ کو یقینی بنانے کے لیے مستعدی سے کام لیں‘‘ (II پطرس 1: 10)۔

اور اس طرح پولوس نے ان کو [ایمان میں] پُختہ کیا، اس بات کو یقینی بنایا کہ وہ سمجھتے ہیں کہ اگر وہ ’’ایمان میں‘‘ جینا جاری رہے تو وہ کس تکلیف سے گزریں گے۔ بصورت دیگر، اگر وہ نہیں جانتے تھے کہ حقیقی مسیحی بننے کے لیے انہیں کس مصیبت سے گزرنا پڑے گا، تو وہ اپنے گرجہ گھر سے دور ہو جائیں گے اور مسیح سے مرتد ہو جائیں گے، اور خدا کی بادشاہی میں داخل نہیں ہوں گے۔ پولوس کے لیے صرف یہ الفاظ کافی نہیں تھے کہ ’’انہوں نے مسیح کو قبول کیا‘‘۔ وہ جانتا تھا کہ انھیں یہ سن کر مضبوط ہونا چاہیے کہ انھیں حقیقی، مضبوط مسیحی بننے کے لیے کیا قیمت ادا کرنی پڑے گی، جو مسیح اور کلیسیا کے لیے اپنی زندگی کے آخر تک برداشت کریں گے۔ پولُوس نہیں چاہتا تھا کہ وہ اُن جیسے بنیں۔

’’وہ اُن میں جڑ نہیں پکڑنے پاتا، اور وہ کچھ دِنوں تک قائم رہتے ہیں اور جب اُن پر اِس کلام کی وجہ سے مصیبت نازل ہوتی ہے تو فوراً وہ ً پسپا ہو جاتے ہیں‘‘ (مرقس 4: 17)۔

اور لوقا مزید کہتا ہے کہ جب مشکلات آتی ہیں تو بہت سے لوگ جو حقیقی طور پر مسیح میں ایمان لا کر تبدیل نہیں ہوتے ہیں پسپا ہو جائیں گے۔

’’وہ جڑ نہیں پکڑنے پاتے اور کچھ عرصہ کے لیے جو یقین کرتے ہیں اور آزمائش کے وقت پسپا ہو جاتے ہیں‘‘ (لوقا 8: 13)۔

مسیح نے کہا کہ مصیبت، ایذا رسانی اور آزمائش بہت سے جھوٹے مسیحیوں کو کلیسیا سے اور مسیح میں اپنے نام نہاد ’’ایمان‘‘ سے دور ہونے کا سبب بنے گی۔

نہیں، ان کا ایمان اس سے زیادہ مضبوط اور گہرا ہونا چاہیے تھا۔ اور یوں پولوس مصروف تھا۔

’’[اُن نئے] شاگردوں کی روحوں کو پختہ کرنے میں اور ایمان میں قائم کرنے میں‘‘ (اعمال 14: 22 الف)۔

یہ پہلا کام ہے جو پولوس نے ان نئے شاگردوں کے ساتھ کیا۔ وہ تھا۔

’’[اُنہیں] پختہ کرنا اور ایمان میں قائم رکھنا‘‘ (اعمال 14: 22 الف)۔

پولوس جانتا تھا کہ اگر ان کی مسیح میں ایمان لانے کی تبدیلی پختہ نہیں تھی، تو وہ گناہ میں واپس چلے جائیں گے، اور آخرکار مسیح اور کلیسیا سے دور ہو جائیں گے۔

لیکن پھر پولوس نے انہیں دوسری چیز دی جو انہیں مضبوط، ثابت قدم، غیر منقولہ طور پر مسیح میں ایمان لا کر تبدیل ہونے کے لیے سننے کی ضرورت تھی۔

II۔ دوسری بات، پولوس نے انہیں بتایا کہ انہیں خدا کی بادشاہی میں داخل ہونے کے لیے ’’بہت زیادہ مصیبت‘‘ میں سے گزرنا پڑے گا۔

’’وہ شاگردوں کی حوصلہ افزائی کرتے اور اُنہیں نصیحت دیتے تھے کہ اپنے ایمان پر مضبوطی سے قائم رہو اور کہتے تھے کہ خدا کی بادشاہی میں داخل ہونے کے لیے ہمیں بہت سے مصیبتوں کا سامنا کرنا لازم ہے‘‘ (اعمال 14: 22)۔

تلاوت پر جینیوا بائبل Geneva Bible یہ رائے پیش کرتی ہے:

مسیحی مذہبی خدمات سرانجام دینے والوں کا یہی کام ہے، نہ صرف تعلیم دینا، بلکہ اُنہیں جو سکھایا جاتا ہے کہ [مصائب اور مصیبت] کی صلیب اٹھانے کے لیے تیار رہنا وہ اِس بات کی تصدیق بھی کرتے رہتے ہیں۔ (1599 جنیوا مطالعۂ بائبل The 1599 Geneva Study Bible، ٹولے لیج پریسTolle Lege Press ، 2006 دوبارہ اشاعت، اعمال 14: 22 پر غور طلب بات)۔

آج ہم امریکہ اور یورپ میں ایسی تبلیغ کہاں سنتے ہیں؟ ہم توقع کرتے ہیں کہ تیسری دنیا کے مسیحی خدا کی بادشاہی میں داخل ہونے کے لیے بہت زیادہ ایذارسانیوں، اور ’’بہت سی مصیبتوں‘‘ (جنیوا بائبل) سے گزریں گے۔ لیکن یہاں مغربی دنیا میں ہم بھی اکثر جنت کی ’’آسان سواری‘‘ کی توقع کرتے ہیں، بغیر کسی مصیبت یا ایذارسانی کے۔ یہ، میرے لیے، ایک المیہ ہے – صرف اس لیے کہ یہ بائبل کے لیے درست نہیں ہے۔ بائبل واضح طور پر ہمیں کئی حوالے دیتی ہے جو ظاہر کرتے ہیں کہ حقیقی مسیحیوں کو تمام مشکلات، مصیبتوں اور تکلیفوں سے گزرنا چاہیے، ورنہ وہ سچے مسیحی نہیں ہو سکتے۔ بائبل سکھاتی ہے کہ آپ بڑی مشکلوں اور پریشانیوں، اور بہت سی مصیبتوں کو برداشت کیے بغیر ’’خدا کی بادشاہی میں داخل‘‘ نہیں ہو سکتے۔ جیسا کہ ہماری تلاوت کہتی ہے،

’’وہ شاگردوں کی حوصلہ افزائی کرتے اور اُنہیں نصیحت دیتے تھے کہ اپنے ایمان پر مضبوطی سے قائم رہو اور کہتے تھے کہ خدا کی بادشاہی میں داخل ہونے کے لیے ہمیں بہت سے مصیبتوں کا سامنا کرنا لازم ہے‘‘ (اعمال 14: 22)۔

کیا مغرب میں ہمارے سنڈے سکولوں میں یہ پڑھایا جاتا ہے؟ کیا یہ ہماری انجیلی بشارت کی تبلیغ میں سکھایا جاتا ہے؟ کیا ہم لوگوں کو بتاتے ہیں کہ جب وہ مسیحی بننے میں دلچسپی ظاہر کرتے ہیں تو انہیں سختی اور مصیبت سے گزرنا چاہیے؟ کیا ہم انہیں فوراً بتاتے ہیں، جیسا کہ پولوس نے کیا، کہ جب وہ یہ دعویٰ کرتے ہیں کہ وہ یسوع پر ایمان رکھتے ہیں تو انہیں بہت سی مشکلات اور پریشانیوں سے گزرنا ہوگا؟ اکثر ہم ایسا نہیں کرتے۔ اور یہ ایک اہم وجہ ہے کہ ہمارے پاس بہت کم حقیقی مذہب تبدیل کرنے والے ہیں، اتنے افسوس کی بات ہے کہ یہاں امریکہ اور یورپ میں بہت کم حقیقی مسیحی ہیں – بہت کم جو مسیح کے لیے تکلیف اٹھانے کو تیار ہیں۔

’’خدا کی بادشاہی میں داخل‘‘ ہونے کے لیے آپ کو بہت سی مصیبتوں اور بہت سے مصائب اور مشکلات سے گزرنا ہوگا۔ اور اگر آپ کو اِس بات پر یقین نہیں ہے تو آپ کو جان بنیعان John Bunyan کی مقدس مقامات کے مسافر کی پیش قدمی Pilgrim’s Progress کو پڑھنا چاہیے، جہاں بنیعان بار بار یہ بات بالکل واضح کرتے ہیں۔

اگر آپ ایک حقیقی مسیحی بننا چاہتے ہیں تو آپ زندگی کے ایک انتہائی مشکل راستے میں داخل ہو رہے ہیں۔ اور میں چاہتا ہوں کہ آپ کئی ’’مصیبتوں‘‘ کے بارے میں سوچیں اگر آپ ’’خدا کی بادشاہی میں داخل ہونا‘‘ چاہتے ہیں تو اِن میں سے آپ کو گزرنا پڑے گا۔

1. آپ کو اپنے دنیاوی دوستوں کو کھونے کے ’’دُکھ‘‘ سے گزرنا چاہیے۔ پولوس اس کو II کرنتھیوں 6: 17 میں بالکل واضح کرتا ہے،

’’ان میں سے نکل آؤ اور الگ ہو جاؤ‘‘ (II کرنتھیوں 6: 17)۔

گمراہ ہوئے لوگوں کے ساتھ مہربانی کرنا درست ہے جب وہ گرجہ گھر میں آتے ہیں۔ لیکن بائبل سکھاتی ہے، II کرنتھیوں 6: 11-18 میں، کہ آپ کو ان گمراہ ہوئے دوستوں سے الگ ہونا چاہیے جو مسیح اور کلیسیا میں کوئی دلچسپی نہیں رکھتے۔

’’جو کوئی…دنیا کا دوست بنے گا وہ خدا کا دشمن ہے‘‘ (یعقوب 4: 4)۔

ڈاکٹر میک آرتھر درست کہتے ہیں کہ یعقوب 4: 4، ’’محبت کو ایک مضبوط جذباتی لگاؤ کے معنی میں بیان کرتی ہے۔ دنیا کی چیزوں کے لیے گہری اور قربتی خواہش رکھنے والے اس بات کا ثبوت دیتے ہیں کہ وہ چھٹکارا نہیں پاتے‘‘ (میک آرتھر کا مطالعۂ بائبل The MacArthur Study Bible، ورڈ بائبلزWord Bibles، 1997؛ یعقوب 4: 4 پر غور طلب بات)۔ اگر آپ ایک حقیقی مسیح میں تبدیل شُدہ ہونا چاہتے ہیں تو آپ کو ’’تباہی کے شہر‘‘ کو چھوڑنا چاہیے، اور اُن لوگوں کو جو اس میں ہیں، جیسا کہ زائر نے جان بنعیان کی کتاب مقدس مقامات کے مسافر کی پیش قدمی Pilgrim’s Progress میں کیا تھا۔

’’ہمیں بہت زیادہ مصیبتوں [’بے شمار دُکھوں سے،‘ 1599 کی جنیوا بائبل] سے گزر کر خدا کی بادشاہی میں داخل ہونا چاہیے‘‘ (اعمال 14: 22)۔

گرجہ گھر میں پرورش پانے والے نوجوانوں کو بھی مسیح میں ایمان نہ لائے ہوئے غیر تبدیل شدہ لوگوں کے ساتھ دوستی سے خود کو الگ کرنا چاہیے۔ II کرنتھیوں 6: 17۔18 آیت میں سب پر لاگو ہوتا ہے۔ اگر آپ ’’خدا کی بادشاہی میں داخل ہونا‘‘ چاہتے ہیں تو آپ کو دنیاوی، گمراہ ہوئے دوستوں کو کھونے کے ’’دُکھ‘‘ سے گزرنا ہوگا (اعمال 14: 22)۔ آپ میں سے کچھ نوجوانوں کو چاہیے کہ وہ دنیاوی دوستوں کو ترک کر دیں اگر آپ کبھی بھی حقیقی مسیحی بننے کی امید رکھتے ہیں۔

’’ہمیں [بہت سی مصیبتوں] کے ذریعے خدا کی بادشاہی میں داخل ہونا چاہیے‘‘ (اعمال 14: 22)۔

2. آپ کو خود پر شک کرنے اور خود کی مذمت کرنے کے ’’دُکھ‘‘ سے بھی گزرنا چاہیے کیونکہ،

’’فطری آدمی خُدا کے روح کی چیزیں نہیں پاتا: کیونکہ وہ اُس کے لیے بے وقوفی ہیں: نہ ہی وہ اُن کو جان سکتا ہے، کیونکہ وہ روحانی طور پر پہچانی جاتی ہیں‘‘ (I کرنتھیوں 2: 14)۔

’’کیونکہ جسمانی نیت [جسمانی ذہن] خدا کے خلاف دشمنی ہے‘‘ (رومیوں 8: 7)۔ ’’اور جسم سے اُس کا مطلب انسان ہے جو دوبارہ پیدا نہیں ہوتا‘‘ (دی جنیوا بائبل، رومیوں 8: 7 پر غور طلب بات)۔

مسیح میں ایمان نہ لایا ہوا غیر تبدیل شدہ بندہ، غیر تخلیق شدہ دماغ ’’خدا کے خلاف‘‘ ہے۔ اس لیے آپ مسیحی بننا ’’سیکھ‘‘ نہیں سکتے۔ وہ تمام چیزیں جو آپ محض ’’سیکھتے ہیں‘‘ آپ کے ذہن میں ایک الجھن ہیں لہٰذا، آپ کو خود پر شک کرنے اور خود کی مذمت کرنے کے ’’دُکھ‘‘ سے گزرنا چاہیے، یہاں تک کہ آپ کو یہ جاننے کی اپنی صلاحیت پر بھی شک کرنا چاہیے کہ کیسے نجات پائی جائے۔ اور آپ کو اپنے آپ کا انصاف کرنا چاہئے اور اپنے آپ کو ایک ایسے شخص کے طور پر مجرم قرار دینا چاہئے جو ’’فطری طور پر‘‘ قہر و غضب‘‘ کا بچہ ہے (افسیوں 2: 3)۔

     یہ ایک بہت بڑا ’’دُکھ‘‘ ہے کہ ایک مغرور شخص اپنے آپ کو تسلیم کر لے کہ اس کا

’’دل ہر چیز سے بڑھ کر دھوکے باز اور سخت بدکار ہے‘‘ (یرمیاہ 17: 9)۔

لیکن آپ کو اس دُکھ و تکلیف سے گزرنا چاہیے جب تک کہ آپ اس بات پر متفق نہ ہو جائیں کہ آپ کا دل سخت شریر ہے اور آپ نجات کے بارے میں اپنے آپ پر بھروسہ نہیں کر سکتے۔

’’ہمیں [بہت سی مصیبتوں] کے ذریعے خدا کی بادشاہی میں داخل ہونا چاہیے‘‘ (اعمال 14: 22)۔

3. آپ کو گناہ کی سزایابی کے ’’دُکھ‘‘ سے بھی گزرنا چاہیے۔

’’اور جب وہ [خُدا کا روح] آئے گا تو وہ [آپ کو] گناہ کی ملامت کرے گا‘‘ (یوحنا 16: 8)۔

روح القدس کا پہلا کام دنیا کو گناہ پر قائل کرنا ہے۔ اس کا مطلب ہے کہ خُدا آپ کو پچھلے گناہوں کی سزا سنائے گا۔ لیکن اس کا مطلب اس سے زیادہ ہے۔ اس کا مطلب یہ ہے کہ خُدا آپ کو گناہ کی فطرت رکھنے کا مجرم ٹھہرائے گا، کہ آپ کی فطرت ہی گناہ میں ’’مردہ‘‘ ہے (افسیوں 2: 1، 5)، اور یہ کہ آپ ’’فطری طور پر غضب کے بچے‘‘ ہیں (افسیوں 2: 3)۔ آپ کو اس ’’دُکھ‘‘ کو اس وقت تک برداشت کرنا چاہیے جب تک آپ ایمانداری سے نہیں کہہ سکتے، ’’میں جانتا ہوں کہ مجھ میں (یعنی میرے جسم میں) کوئی اچھی چیز نہیں رہتی‘‘ (رومیوں 7: 18)۔ 1599 جنیوا بائبل اس آیت کے بارے میں کہتی ہے، ’’یہ برائی، یا گناہ، یا گناہ کا قانون، مکمل طور پر اُن مُردوں کے پاس ہوتا ہے جو دوبارہ پیدا نہیں ہوتے۔‘‘ آپ کو ایک ایسی فطرت رکھنے کا مجرم قرار دیا جانا چاہیے جو مکمل طور پر اِخلاقی زوال کا شکار ہے، جس پر آپ بھروسہ یا انحصار نہیں کر سکتے، یا اعتبار نہیں کر سکتے۔ آپ کو اس جگہ آنا چاہیے جہاں آپ کو اپنے بدکار دل پر بھروسہ نہ ہو۔

’’ہمیں [بہت سی مصیبتوں] کے ذریعے خدا کی بادشاہی میں داخل ہونا چاہیے‘‘ (اعمال 14: 22)۔

لیکن ایک اور ’’دُکھ‘‘ ہے جس سے آپ کو خدا کی بادشاہی میں داخل ہونے کے لیے گزرنا ہوگا۔

4. آپ کو ’’کوشش کرنے‘‘ کے ’’دُکھ‘‘ سے گزرنا چاہیے۔ یسوع نے کہا،

’’تنگ دروازے سے داخل ہونے کی کوشش کر‘‘ (لوقا 13: 24)۔

لفظ ’’جدوجہد یا کوشش‘‘ کا ترجمہ یونانی لفظ ’’ایگونائیزومائی agōnizomai‘‘ سے کیا گیا ہے، جس کا لفظی مطلب ہے ’’جدوجہد کرنا‘‘ (سٹرانگ Strong)۔ مسیح نے کہا، ’’اندر داخل ہونے کے لیے جدوجہد کرو۔‘‘ یہ آپ کے لیے یہ کہنے کی کوئی گنجائش نہیں چھوڑتا، ’’میں کچھ نہیں کر سکتا۔‘‘ جی ہاں، مسیح نے کہا، آپ کچھ کر سکتے ہیں۔ آپ جدوجہد کر سکتے ہیں، کوشش کر سکتے ہیں، اپنی پوری طاقت سے لڑ سکتے ہیں، مسیح میں داخل ہونے کے لیے اذیت کے ساتھ۔ اگرچہ آپ اندرونی درد سے لرز رہے ہیں، آپ کو مسیح یسوع میں داخل ہونے کے لیے اپنی پوری طاقت کے ساتھ لڑنا چاہیے۔ ’’اندر داخل ہونے کی کوشش کرو‘‘ (لوقا 13: 24)۔ اس طرح کی جدوجہد تکلیف دہ ہوگی لیکن، جب آپ آخرکار مسیح کے پاس آئیں گے، تو آپ اسے پائیں گے کہ وہ کھلے بازوؤں کے ساتھ آپ کا انتظار کر رہا ہے۔ یسوع نے کہا،

’’اگر کوئی اندر داخل ہو گا تو وہ نجات پائے گا‘‘ (یوحنا 10: 9)۔

اس لیے اس میں داخل ہونے کے لیے اپنی پوری طاقت اور مقصد کے ساتھ جدوجہد اور کوشش کریں۔ تب آپ کو معلوم ہوگا اور محسوس ہوگا۔

’’اس کے بیٹے یسوع مسیح کا خون ہمیں تمام گناہوں سے پاک کرتا ہے‘‘ (I یوحنا 1: 7)۔

(واعظ کا اختتام)
آپ انٹر نیٹ پر ہر ہفتے ڈاکٹر ہائیمرز کے واعظ www.sermonsfortheworld.com
یا پر پڑھ سکتے ہیں ۔ "مسودہ واعظ Sermon Manuscripts " پر کلک کیجیے۔

یہ مسوّدۂ واعظ حق اشاعت نہیں رکھتے ہیں۔ آپ اُنہیں ڈاکٹر ہائیمرز کی اجازت کے بغیر بھی استعمال کر سکتے
ہیں۔ تاہم، ڈاکٹر ہائیمرز کے ہمارے گرجہ گھر سے ویڈیو پر دوسرے تمام واعظ اور ویڈیو پیغامات حق
اشاعت رکھتے ہیں اور صرف اجازت لے کر ہی استعمال کیے جا سکتے ہیں۔