مقامی گرجا گھر میں مسیحی محبت کے لیے دعا مانگنا

آیت تین میں شاگردوں کے سوالوں پر یہ دو آیات یسوع کے جواب کا حصہ ہیں۔

’’تیری آمد اور دُنیا کے آخر ہونے کا نشان کیا ہے؟‘‘ (متی 24: 3)۔

اُنہوں نے مسیح سے ایک ایسی نشانی مانگی جو اُس کی دوسری آمد اور دُنیا کے خاتمے کی قربت کو ظاہر کرے۔ دراصل، لفظ ’’دنیا‘‘ لفظی طور پر ’’زمانہ‘‘ ہے [سٹرانگStrong]۔ لہٰذا، وہ مسیح سے ایک ایسی نشانی مانگ رہے تھے جو اُس کے آنے کی قربت اور اِس ’’زمانے‘‘ کے خاتمے کو ظاہر کرے۔ دنیا کے خاتمے سے پہلے ایک اور ’’زمانہ‘‘ ہو گا۔ اِس زمانے کے ختم ہو جانے کے بعد ایک اور زمانہ ہو گا۔ بادشاہی کا دور، زمین پر مسیح کی ایک ہزار سالہ حکومت، اس دور کے ختم ہونے کے بعد آئے گی۔ تو شاگرد پوچھ رہے تھے کہ یہ موجودہ زمانہ، یا انتظام کب ختم ہو گا۔

’’تیری آمد اور دُنیا [اس زمانے] کے آخر ہونے کا نشان کیا ہے؟‘‘ (متی 24: 3)۔

ایک اور واعظ میں کئی نشانات میں پیش کروں گا جو یسوع نے انہیں دی تھیں۔ روحانی طور پر ہوشیار لوگ سمجھتے ہیں کہ چیزیں زیادہ دیر تک نہیں چل سکتیں جیسا کہ وہ ہیں۔ بہت سے سائنسدان، جو مسیحی نہیں ہیں، ہمیں بتا رہے ہیں کہ عالمگیری حدت، زیادہ آبادی، اور ہمارے سیارے کی بگڑتی ہوئی حالت یہ ظاہر کرتی ہے کہ دنیا اپنی موجودہ حالت میں زیادہ دیر نہیں چل سکتی۔

روحانی مسیحی جانتے ہیں کہ یہ سائنس دان درست ہیں، نہ صرف اس لیے کہ جسمانی دنیا بگڑ رہی ہے، بلکہ اس لیے کہ سچے مسیحی یہ سمجھتے ہیں کہ یہ بتانے کے اور طریقے بھی ہیں کہ ہم اس دور کے اختتام کے قریب ہیں۔ وہ یہ جانتے ہیں کیونکہ وہ دیکھتے ہیں کہ بائبل نے آخری وقت کے لیے جو پیشین گوئیاں کی تھیں وہ آج موجود ہیں۔ مسیح نے شاگردوں کے سوال کے جواب میں ان میں سے بہت سی پیشین گوئیاں کیں،

’’تیری آمد اور دُنیا [اس زمانے] کے آخر ہونے کا نشان کیا ہے؟‘‘ (متی 24: 3)۔

آج کی رات میں متی 24: 12۔13 آیات میں سے اُن نشانات میں سے ایک کو پیش کروں گا۔

’’بے دینی کے بڑھ جانے کے باعث کئی لوگوں کی محبت ٹھنڈی پڑ جائے گی۔ لیکن جو کوئی آخر تک برداشت کرے گا وہ نجات پائے گا‘‘ (متی 24: 12۔13)۔

اس ایک نشانی سے ہم بتا سکتے ہیں کہ ہماری موجودہ ثقافت، اور طرز زندگی، اختتام کے قریب ہے – اور یہ کہ مسیح کی دوسری آمد بہت قریب ہے۔ آئیے ہم ان دو آیات میں مسیح کی پیشن گوئی کو توڑتے ہیں اور دیکھتے ہیں کہ ان کا مطلب کیا ہے۔ مجھے یقین ہے کہ ہماری تلاوت خصوصی طور پر اُس زمانے کی بات کرتی ہے جس میں ہم اب رہتے ہیں۔

I۔ پہلی بات، مسیح نے کہا لاقانونیت بڑھ جائے گی۔

’’اور بے دینی کے بڑھ جانے کے باعث …‘‘ (متی 24: 12)۔

اُس لفظ ’’بے دینیiniquity‘‘ کا ترجمہ یونانی لفظ ’’آنومیہ anomia‘‘ کی ایک قسم سے کیا گیا ہے۔ اِس کا مطلب ’’لاقانونیت‘‘ ہوتا ہے [سٹرانگ Strong]۔

لاقانونیت آج دنیا کے بیشتر حصوں میں ایک بہت بڑا مسئلہ ہے۔ معاشرے کے تقریباً ہر طبقے میں قانون کھلے عام توڑے جاتے ہیں۔ لوگ قانون توڑنے کے لیے تقریباً کچھ بھی کرتے ہیں۔ اس کے نتیجے میں معاشرہ تیزی سے ٹوٹ پھوٹ کا شکار ہو رہا ہے۔ مجھے یقین ہے کہ آپ ان لاقانونیت کے رجحانات سے واقف ہیں جو خاص طور پر مغربی دنیا میں ہماری ثقافت کی بنیاد کو تباہ کر رہے ہیں، اس لیے میں لاقانونیت کے اس پہلو پر مزید کوئی تبصرہ نہیں کروں گا۔ عام طور پر لاقانونیت مغرب میں ہماری ثقافت کو تباہ کر رہی ہے۔ ایسا لگتا ہے کہ ہم رومی سلطنت جیسے دور میں ہیں جب اس کا زوال آیا تھا اور وہ اختتام پزیر ہوئی تھی۔ لاقانونیت رومی سلطنت کے زوال اور خاتمے کا سبب بنی۔ مغربی دنیا میں آج حالات خود کو دہرا رہے ہیں۔ لاقانونیت سے اب امریکہ، یورپ اور کئی دیگر مغربی ممالک کو خاتمے کا خطرہ ہے۔

لیکن متی 24: 12-13 کا سیاق و سباق عام طور پر دنیا کی نسبت مسیحیوں کی حالت زار پر زیادہ توجہ مرکوز کرتا دکھائی دیتا ہے۔ یہ خاص طور پر بارہویں آیت میں سچ ہے۔ جوں جوں ہمارا زمانہ خاتمے کے قریب آتا جا رہا ہے ہمیں یہاں پر پیش کیا گیا ہے کہ مسیحیوں کے ساتھ کیا رونما ہو گا۔ بیرونی دنیا میں لاقانونیت کا کلیسیاؤں کے اندر زبردست اثر پڑے گا، خاص طور پر یہاں مغرب میں، کیونکہ وہ زمانہ جس میں ہم رہتے ہیں ختم ہو رہا ہے اور مسیح کی دوسری آمد قریب آ رہی ہے۔ دنیا میں لاقانونیت گرجا گھروں میں سے چھن کر گزر رہی ہے۔

’’اور لاقانونیت [بے دینی] کے بڑھ جانے کے باعث [گرجا گھروں میں] کئی لوگوں کی محبت ٹھنڈی پڑ جائے گی…‘‘ (متی 24: 12)۔

’’اور چونکہ لاقانونیت بہت زیادہ ہوگی‘‘ گرجا گھروں میں مسیحی محبت کی کمی ظاہر ہوگی۔ لاقانونیت دنیا سے ہمارے گرجا گھروں میں پھیل گئی ہے۔ جس کا نتیجہ – مسیحی محبت سرد پڑ رہی ہے – درحقیقت یہ زیادہ تر مغربی گرجا گھروں میں عملی طور پر غائب ہے۔

تلاوت میں ایک اور لفظ ہے جو اہم ہے – لفظ ’’کثرت‘‘۔ اس کا ترجمہ یونانی لفظ ’’پلیتھونوسplēthonos‘‘ کی ایک قسم سے کیا گیا ہے اور اس کا مطلب ’’اضافہ، یا ضرب‘‘ ہوتا ہے [سٹرانگ Strong]۔ جیسا کہ میں نے کہا، معاشرے کی یہ لاقانونیت گرجا گھروں کو متاثر کرتی ہے۔ جیسا کہ ڈاکٹر فرانسس شیفر نے اکثر اشارہ کیا، گرجا گھر مسلسل دنیا کی روح کے ساتھ مل رہے ہیں (یا جذب ہو رہے ہیں)۔ جیسا کہ دنیا کی روح کے لیے یہ رہائش جاری ہے، شیطانی نظریات اور فلسفے گرجا گھروں میں داخل ہوتے ہیں۔ غیر تبدیل شدہ اور غیر روحانی گرجا گھر کے ارکان اس ’’غیرقانونی‘‘ روح کو گرجا گھروں میں لے آتے ہیں۔ یہ خود کو گرجا گھر کی تقسیم، گرجا گھر کے اراکین کے درمیان نفرت، گرجا گھر کے رہنماؤں کے خلاف بغاوت، اور گرجا گھروں کے اندر، خاص طور پر یہاں مغرب میں بہت سے دوسرے جسمانی طریقوں سے ظاہر ہوتا ہے۔ گرجا گھر کے ارکان اس قدر خود پرست بن جاتے ہیں کہ ان کی کوئی رفاقت ہی نہیں ہوتی ہے۔ ابتدائی گرجہ گھر کا ’’کوینونیا\شراکت داری koinonia‘‘ ختم ہو گیا ہے۔ ہمارے گرجا گھر میں گھومنے والے ایک بھٹکے ہوئے شخص کے ساتھ اجنبی جیسا سلوک کیا جاتا ہے۔ آخری دنوں کے گرجا گھروں میں محبت نہیں ہے۔

II۔ دوسری بات، ہماری جماعت میں لاقانونیت کی یہ دخل اندازی مسیحی محبت کے نقصان کا سبب ہے۔

’’اور چونکہ [لاقانونیت] بڑھے گی، بہت سے لوگوں کی محبت ٹھنڈی پڑ جائے گی‘‘ (متی 24: 12)۔

’’چونکہ‘‘ لاقانونیت معاشرے میں بڑھتی ہے اور گرجا گھروں میں گھس جاتی ہے، ’’بہت سے لوگوں کی محبت سرد پڑ جائے گی۔‘‘ لفظ ’’بڑھنا grow‘‘ کا ترجمہ ’’پلیتھونوسPlēthonos‘‘ سے کیا گیا ہے۔ یونانی میں، اس کا لفظی مطلب ہے ’’اضافہ‘‘ [سٹرانگStrong]۔ بہت سے حقیقی مسیحیوں کی محبت [حد سے زیادہ] ٹھنڈی ہو جائے گی۔

ہمیں آنسوؤں کے ساتھ کہنا پڑتا ہے کہ یہ آج ہمارے مغربی گرجا گھروں کی ایک بہترین تصویر ہے۔ ڈاکٹر کیگن اور میں دونوں نے اس کا تجربہ ہمارے مسیح میں ایمان لا کر تبدیل ہونے سے پہلے بائبل پر یقین رکھنے والے گرجا گھروں میں کیا تھا۔ ہم سے کسی نے بات نہیں کی۔ ہر ایک خاندان اپنے آپ اِس قدر مگن تھا کہ جب ہم نوجوان تھے تو مسیحیت اِختیار کرنے کے بعد انہیں ہم سے محبت کرنے میں کوئی دلچسپی نہیں تھی۔ ہم خود مختار فضل سے مسیح کے پاس آئے، نہ کہ کیوںکہ گرجا گھر کے لوگوں نے ہم سے محبت کا اظہار کیا۔

ڈاکٹر جے ورنن میگی کی توضیح کرتے ہوئے، ’’جب [معاشرے میں] بے انصافی بہت زیادہ ہوتی ہے تو بہت سے لوگوں کی محبت ٹھنڈی پڑ جاتی ہے، اور یہ زمانے کے آخر میں اور بھی زیادہ سچ ہے‘‘ (جے ورن میگی J. Vernon McGee، بائبل میں سے Thru the Bible، تھامس نیلسن اشاعت خانے Thomas Nelson Publishers، 1983، جلد IV، صفحہ 127؛ متی 24: 12 پر غور طلب بات)۔

ڈاکٹر جان گل نے 18ویں صدی میں زندگی بسر کی تھی۔ اُنہیں بائبل کی پیشن گوئی کی مکمل سمجھ نہیں تھی۔ پھر بھی ڈاکٹر گِل کو متی 24: 12 میں ہماری تلاوت کے بارے میں بہت زیادہ بصیرت حاصل تھی۔ ان الفاظ پر تبصرہ کرتے ہوئے، ’’اور کیونکہ بے دینی بہت زیادہ ہے،‘‘ ڈاکٹر گل نے کہا،

مطلب یا تو اشتعال انگیز ظلم و ستم کی بددیانتی اور بغض، جو [بہت زیادہ] بڑھے گی [جیسا کہ ہم چین، ہندوستان، ایران اور دیگر اقوام میں مسیحیوں کے خلاف دیکھتے ہیں؛ اور مغربی میڈیا میں پیش کردہ مسیحیت کی نفرت میں]؛ یا مرتدوں کی غلطی اور خیانت اور نفرت [جیسے نام نہاد ’’بڑے بڑے فرقوں میں آزاد خیال لوگوں کی غلطی، غداری، اور نفرت]؛ یا جھوٹے اساتذہ کی غلطیاں اور بدعتیں [جیسا کہ ہم بہت سے بڑے بڑے گرجا گھروں میں دیکھتے ہیں]؛ یا کچھ لوگوں کی زندگیوں میں برائی… جو مسیحی کہلاتے ہیں [جیسا کہ آج کے قدامت پسند گرجا گھروں میں]؛ کیونکہ ان میں سے ہر ایک کا اشارہ [متی 24: 12] میں ملتا ہے۔ اور سب کو شامل کیا جا سکتا ہے، جیسا کہ یہاں بات کی گئی بے پناہ بدکاری کو پورا کرنا۔ جس کے نتائج ہوں گے ’’بہت سے لوگوں کی محبت ٹھنڈی پڑ جائے گی۔‘‘ یہ بہت سے لوگوں کا معاملہ ہوگا لیکن سب کا نہیں۔ کیونکہ [بکثرت] بے دینی کے درمیان، کچھ ایسے ہیں، جن کی مسیح سے، اس کی انجیل سے، اور [دوسرے حقیقی مسیحیوں] سے محبت کی [کمزوری نہیں ہوگی]، اور اس کے ذریعے… جھوٹے [مسیحیوں] کی غداری سے، وہ خود [نامزد] مسیحیوں سے [خوف زدہ] تھے، یہ نہیں جانتے تھے کہ کس پر بھروسہ کیا جائے… اور اگرچہ بے دینیت کی طاقت… تقریباً ختم ہو چکی تھی [اور اگرچہ حقیقی مسیحیوں سے محبت] بہت [سرد] ہو چکی ہے۔ وہ سب کے سب بے دینی کے پھیلاؤ سے ٹھنڈے نہیں ہوں گے۔ چونکہ یہ بات یہ نہیں کہتی کہ ان کی محبت ختم ہو جائے گی، لیکن یہ سرد ہو جائے گی (جان گل، ڈی ڈی John Gill, D.D.، نئے عہد نامہ کی ایک تفسیر An Exposition of the New Testament، دی بپٹسٹ اسٹینڈرڈ بیئررThe Baptist Standard Bearer، 1989 دوبارہ اشاعت، صفحہ 289-290؛ متی 24: 12 پر غور طلب بات)۔

ہم ڈاکٹر گِل سے اتفاق کرتے ہیں کہ ہمارے گرجا گھروں میں اکثر اقراری مسیحیوں کی مسیحی محبت خوفناک حد تک سرد ہو رہی ہے۔ پھر بھی کچھ نجات پا جائیں گے اگرچہ ان کی محبت ٹھنڈی ہو گئی ہے۔ لیکن اگلی آیت میں ایک اور وعدہ ہے جس سے ہماری حوصلہ افزائی ہونی چاہیے۔

III۔ تیسری بات، وہ جو آخر تک برداشت کر جائیں گے نجات پا جائیں گے۔

مہربانی سے کھڑے ہو جائیں اور متی 24: 13 با آواز بُلند پڑھیں۔

’’لیکن جو کوئی آخر تک برداشت کرے گا وہ نجات پائے گا‘‘ (متی 24: 12۔13)۔

آپ تشریف رکھ سکتے ہیں۔ ڈاکٹر میگی نے کہا،

آخر تک کون برداشت کرے گا؟... جن پر وہ شروع میں مہر لگاتا ہے، یقیناً۔ [خدا] اپنے [لوگوں] کو انجام تک پہنچائے گا (جے ورنن میگی، گذشتہ بات کے تسلسل میں ibid.، صفحہ 127؛ متی 24: 13 پر غور طلب بات)۔

جو لوگ حقیقی معنوں میں مسیح میں ایمان لا کر تبدیل ہوتے ہیں ان پر خُدا کی روح کی مہر ہوتی ہے، جیسا کہ نوح پر کشتی میں مہر لگائی گئی تھی۔ وہ تمام جو مسیح میں مہر بند ہیں آخر تک برداشت کریں گے۔ لیکن تمام جھوٹے مذہب تبدیل کرنے والے لوگ ’’آخری زمانے‘‘ کے بڑھتے ہوئے دباؤ کی وجہ سے گمراہ ہو جائیں گے۔

اِطلاق

ہم آخر وقت میں رہتے ہیں۔ سچی سائنس اور بائبل کی پیشین گوئیاں اس کی نشاندہی کرتی ہیں۔ آخری زمانے کے گرجا گھر، خاص طور پر مغرب میں، ایک دوسرے کے لیے بہت کم محبت رکھتے ہیں اور کھوئے ہوئے لوگوں کے لیے کوئی بھی [محبت] نہیں رکھتے۔ گرجا گھروں میں جسمانی نیت رکھنے والے لوگ زائرین سے منہ موڑ لیتے ہیں اور ان کے لیے کوئی محبت نہیں رکھتے۔ کوئی تعجب کی بات نہیں کہ ان کی انجیلی بشارت مسیح میں ایمان لا کر تبدیل ہونے والے بہت کم لوگ پیدا کرتی ہے۔ شیطان ان گرجا گھروں میں راج کرتا ہے جن میں کوئی مسیحی محبت نہیں ہے (agape)۔ اس رکاوٹ کو دور کرنے کے لیے ہمیں اپنے گرجہ گھر میں مسیح کی محبت کو حاصل کرنے اور برقرار رکھنے کے لیے دعا مانگنی چاہیے اور لڑنا چاہیے۔ یہ آسان نہیں ہوگا۔ حقیقت میں یہ خدا کی قدرت کے بغیر ناممکن ہے۔ اس لیے ہمیں اپنے گرجا گھر میں آنے والے کھوئے ہوئے لوگوں کی تبدیلی کے لیے دعا اور روزہ رکھنے کے لیے زیادہ وقت لگانا چاہیے۔ ہمیں اپنے درمیان خُدا کی موجودگی کے لیے روزہ رکھنا چاہیے اور دعا کرنی چاہیے، کیونکہ صرف خُدا ہی ہمیں ایک دوسرے سے پیار کروا سکتا ہے، اور صرف خُدا ہی ہمیں اُن نئے لوگوں سے پیار کروا سکتا ہے جو وہ ہمارے گرجا گھر میں لاتا ہے۔

میں اپنے رہنماؤں، اور ہم میں سے بہترین مسیحیوں سے کہہ رہا ہوں کہ وہ ہفتے میں ایک دن روزہ رکھیں اور خدا سے دعا مانگیں کہ وہ ہم میں ایک دوسرے کے لیے پیار پیدا کرے، اور ہمارے گرجا گھر میں آنے والے کھوئے یا بھٹکے ہوئے لوگوں کے لیے محبت پیدا کرے۔ براہِ کرم کھڑے ہو جائیں اور گائیں ’’اُنہیں محبت سےاندر لے کر آئیں‘‘، جو انجیل کے پرانے گانے، ’’اُںہیں اندر لے کر آئیں‘‘ سے اخذ کیا گیا ہے۔

توجہ سے سُنو! یہ چرواہے کی آواز ہے جو میں سُنتا ہوں،
   باہر تاریک اور غمگین شہر میں،
بھیڑوں کو بُلا رہا ہے جو بھٹک گئی ہیں
   وہ مقامی گرجا گھر سے بہت دور نکل چکی ہیں۔
اُنہیں محبت سے اندر لائیں، اُنہیں محبت سے اندر لائیں، اُنہیں گناہ کے میدانوں میں سے محبت سے اندر لائیں؛
اُنہیں محبت سے اندر لائیں، اُنہیں محبت سے اندر لائیں، آوارہ گردی کرتی ہوئی بھیڑوں کو یسوع کے پاس لائیں۔
کون اس رحمدل نجات دہندہ کی مانند اُن کی مدد کرے گا،
   بھٹکتی ہوئی بھیڑوں کو تلاش کرنے کے لیے اُس کی مدد کریں؟
جو کھوئی ہوئی بھیڑوں کو گرجا گھر کے ریوڑ میں لائے گا،
   جہاں پر وہ سردی سے پناہ میں آ جائیں گی؟
اُنہیں محبت سے اندر لائیں، اُنہیں محبت سے اندر لائیں، اُنہیں گناہ کے میدانوں میں سے محبت سے اندر لائیں؛
اُنہیں محبت سے اندر لائیں، اُنہیں محبت سے اندر لائیں، آوارہ گردی کرتی ہوئی بھیڑوں کو یسوع کے پاس لائیں۔
   (’’اُنہیں اندر لے کر آئیںBring Them In‘‘ شاعر ایلیکسزینہ تھامس Alexcenah Thomas، 19ویں صدی؛
   ڈاکٹر ہائیمرز نے ترمیم کی۔ عنوان کو ’’اُنہیں محبت سے اندر لائیں Love Them In‘‘ میں بدلا گیا۔)

(واعظ کا اختتام)
آپ انٹر نیٹ پر ہر ہفتے ڈاکٹر ہائیمرز کے واعظ www.sermonsfortheworld.com
یا پر پڑھ سکتے ہیں ۔ "مسودہ واعظ Sermon Manuscripts " پر کلک کیجیے۔

یہ مسوّدۂ واعظ حق اشاعت نہیں رکھتے ہیں۔ آپ اُنہیں ڈاکٹر ہائیمرز کی اجازت کے بغیر بھی استعمال کر سکتے
ہیں۔ تاہم، ڈاکٹر ہائیمرز کے ہمارے گرجہ گھر سے ویڈیو پر دوسرے تمام واعظ اور ویڈیو پیغامات حق
اشاعت رکھتے ہیں اور صرف اجازت لے کر ہی استعمال کیے جا سکتے ہیں۔