اے خداوند! مجھے تیرے گھر سے محبت ہے!

اب، میں چاہتا ہوں کہ ہم اپنی توجہ داؤد بادشاہ کے الفاظ کی طرف مبذول کریں، جبکہ میں ’’اے خُداوند! مجھے تیرے گھر سے محبت ہے‘‘ عنوان سے ایک واعظ پیش کرتا ہوں۔ واعظ کی تلاوت زبور 26: 8 ہے۔

’’اے خداوند میں تیری سکونت گاہ اور تیری جلالی بارگاہ کو عزیز رکھتا ہوں‘‘ (زبور 26: 8)۔

مسیح کے زمانے سے بہت پہلے، جب داؤد نے یہ الفاظ لکھے تو گرجا گھر یعنی کلیسیا کی عمارتیں نہیں تھیں، جیسا کہ آج ہمارے پاس ہے۔ بیت المقدس ابھی تک یروشلم میں نہیں بنایا گیا تھا۔ وہ عبادت گاہ داؤد کے بیٹے بادشاہ سلیمان نے بنوائی تھی۔ ہماری تلاوت میں داؤد نے جس عبادت گاہ کا ذکر کیا ہے وہ شیلوہ کا خیمہ تھا۔ میری بیوی علیانہ اور میں اس جگہ پر گئے ہیں۔ ہم نے کھدائی اور خیمے کی بنیاد کا خاکہ دیکھا ہے، جہاں داؤد خدا کی عبادت کرنے گیا تھا۔ یہ بات شیلوہ کے خیمہ کے تعلق کے بارے میں ہے کہ جب داؤد نے کہا،

’’مجھے تیری سکونت گاہ سے محبت ہے،‘‘

اے خدواند، جہاں تو رہتا ہے میں تیرے گھر سے پیار کرتا ہوں،

’’تیری جلالی بارگاہ کو عزیز رکھتا ہوں،‘‘

وہ جگہ جہاں تیرا جلال بسیرا کرتا ہے۔

آج، اس نظام میں، ہم شیلوہ کے خیمے میں خدا کی عبادت کرنے کے لیے مزید نہیں جاتے۔ اس عمارت میں اس کی بنیاد کی کھدائی کے سوا کچھ نہیں بچا۔ آج، اس نظام میں، ہم یروشلم کے ہیکل میں خدا کی عبادت کرنے کے لیے مزید نہیں جائیں گے۔ اس عمارت میں کچھ بھی باقی نہیں بچا، سوائے اس دیوار کے ایک حصے کے جو کبھی اس کے چاروں طرف تھی، جسے ’’گریہ و زاری کی دیوار‘‘ کہا جاتا ہے۔ آج، اس نظام میں، خدا کا گھر مقامی نئے عہد نامے کی کلیسیا ہے، جسے پولوس رسول نے بیان کیا ہے،

’’خُدا کا گھر، جو زندہ خدا کی کلیسیا، سچائی اور حق کا ستون ہے‘‘ (I۔ تیمتھیس 3: 15)۔

اور اس طرح، داؤد کے الفاظ کو ہمارے جیسے انجیل کی منادی کرنے والے گرجا گھر پر لاگو کرنا، اور اپنے تمام دلوں سے کہنا بالکل قابل قبول اور درست ہے۔

’’اے خداوند میں تیری سکونت گاہ اور تیری جلالی بارگاہ کو عزیز رکھتا ہوں‘‘ (زبور 26: 8)۔

اور ہم ییل یونیورسٹیYale University کے صدر ٹموتھی ڈوائٹTimothy Dwight اور اس عظیم امریکی مبلغ جوناتھن ایڈورڈزJonathan Edwards کے پوتے کے ساتھ کہہ سکتے ہیں،

[میں تیرے گرجا گھر سے محبت کرتا ہوں، اے خداوند]،
تیرے مسکن کا گھر،
کلیسیا کو ہمارے بہترین نجات دہندہ نے بچایا
اپنے قیمتی خون سے۔
(’’خداوند، میں تیری بادشاہی سے پیار کرتا ہوںI Love Thy Kingdom, Lord‘‘ شاعر ٹموتھی ڈوائٹTimothy Dwight،1752 - 1817)۔

’’اے خداوند میں تیری سکونت گاہ اور تیری جلالی بارگاہ کو عزیز رکھتا ہوں‘‘ (زبور 26: 8)۔

میں آپ کے ساتھ بہت ایمانداری سے اور لگی لپٹی لگائے بغیر کہوں گا۔ میں اپنے گرجا گھر سے محبت کرتا ہوں! اور میں جانتا ہوں کہ آپ بھی اسے پسند کرتے ہیں!

I۔ پہلی بات، ہم اپنے گھر سے محبت کیوں کرتے ہیں۔

ہم اس سے محبت کرتے ہیں کیونکہ یہ خدا کا مسکن ہے، وہ جگہ جہاں خدا اپنے لوگوں کے دلوں میں رہتا ہے۔ یہ عمارت مقدس نہیں ہے، اور ہم کبھی نہیں کہتے، اور نہ ہی ہم مانتے ہیں کہ خدا اس عمارت کی بیرونی حویلی میں رہتا ہے۔ لیکن خُدا اپنے لوگوں کے دلوں میں رہتا ہے، اور جب ہم یہاں اِس جگہ اُس کی عبادت کرنے کے لیے جمع ہوتے ہیں، تو ہم بجا طور پر کہہ سکتے ہیں کہ یہ خُدا کے رہنے کی جگہ ہے، یہ اُس کا مسکن ہے! جب اپنے خدا کو جاننے والے یہاں ہوتے ہیں تو خدا خود موجود ہوتا ہے، ان کے اندر رہتا ہے، ان کی ستائش میں ظاہر ہوتا ہے۔

’’خُدا کا گھر، جو زندہ خدا کی کلیسیا ہے‘‘ (I۔ تیمتھیس 3: 15)۔

میں اپنے گرجا گھر سے محبت کرتا ہوں کیونکہ خدا یہاں ہے۔ ہمارے دلوں میں، ہماری عبادت کے گیتوں میں، ہماری دعاؤں میں، وہ تقدس اور خوشی ہے جو آپ کو کہیں اور نہیں مل سکتی۔

اس شہر کی تنہا، تاریک سڑکوں پر نکل جائیے، آپ کو اس کی حقیقت نظر آئے گی۔ آپ کو ان گلیوں یا ان سڑکوں میں خدا کی مقدس خوشی اور موجودگی نہیں ملے گی۔ چند بلاکس کے فاصلے پر بڑی، کثیر المنزلہ دفتری عمارتوں میں جائیں۔ آپ کو خدا کی موجودگی کا احساس نہیں ہوگا۔ باسکٹ بال کے کھیل کے لیے سٹیپلز سینٹر میں جائیں، اور آپ کو بہت شور، بہت زیادہ چیخ و پکار سنائی دے گی – لیکن آپ کو یہ احساس نہیں ہوگا کہ خدا وہاں موجود ہے۔ کسی شراب خانے یا ڈانس ہال میں جائیں اور آپ کو چمکتی ہوئی روشنیاں نظر آئیں گی اور بہت ساری موسیقی سنیں گے – لیکن آپ خالی ہاتھ آئیں گے، کیونکہ موسیٰ اور یسوع اور پولوس کا مقدس خُدا اپنے آپ کو ظاہر نہیں کرتا، یا اپنے آپ کی تصدیق نہیں کرتا، یا اپنے آپ کو اس طرح کی رنگ رلیوں میں ظاہر نہیں کرتا۔ یہ گرجا گھر کے لیے ہوتا ہے جہاں آپ کو بعد میں محسوس کرنے کے لیے آنا چاہیے اور زندگی کے مقصد کو اور معنی کو اور خدا کی حقیقت کو تلاش کرنا چاہیے۔

اے خدا، مجھے تیرے گھر سے پیار ہے، کیونکہ تو یہاں ہے! تو یہاں ہمارے گیتوں اور ہماری تعریفوں میں ہے! تو یہاں ہمارے دلوں میں ہے – جب ہم رفاقت اور اشتراک کے لیے اکٹھے ہوتے ہیں! اس لیے میں اپنے گرجا گھر سے محبت کرتا ہوں!

’’اے خداوند میں تیری سکونت گاہ اور تیری جلالی بارگاہ کو عزیز رکھتا ہوں‘‘ (زبور 26: 8)۔

II۔ دوسری بات، جو ہم اپنے گرجا گھر میں پسند کرتے ہیں۔

ہم اپنے گرجا گھر کے لوگوں سے پیار کرتے ہیں۔ ہم ان سے اس لیے محبت نہیں کرتے کیونکہ وہ گرجا گھر کے باہر کے لوگوں سے مختلف نظر آتے ہیں۔ وہ ایک جیسے نظر آتے ہیں۔ لیکن ہمارے گرجا گھر کے لوگوں کے بارے میں مکمل طور پر کچھ خوبصورت ہے۔ ایک شخص جو ہم سے ملنے آ رہا ہے، جو پہلے کبھی یہاں نہیں آیا، اسے احساس ہوتا ہے۔ وہ اکثر مجھ سے کہتے ہیں، ’’آپ کے گرجا گھر میں وہ لوگ بہت خاص ہیں۔ ان کے پاس کُچھ نہ کچھ خاص ہے۔ ان کے بارے میں کچھ حیرت انگیز ہے۔‘‘ وہ نہیں جانتے کہ یہ کیا ہے، لیکن میں جانتا ہوں کہ یہ کیا ہے! خدا آپ کے دلوں میں ہے! یہی چیز رفاقت کو بہت پیارا بناتی ہے! ہمارے گرجا گھر میں مجھے یہی پسند ہے!

ہم اپنے گرجا گھر کے پیغام سے بھی پیار کرتے ہیں، ہماری تبلیغ کا موضوع، جس موضوع کا ہم اعلان کرتے ہیں،

’’خدا نے مسیح کے ذریعہ دُنیا والوں سے میل ملاپ کر لیا … اُس نے میل ملاپ کا یہ پیغام ہمارے سپرد کر دیا‘‘ (II کرنتھیوں 5: 19)۔

ہم کہتے ہیں،

’’مسیح یسوع دُنیا میں گنہگاروں کو نجات دلانے کے لیے آیا‘‘(I تمتھیس 1: 15)۔

ہم کہتے ہیں،

’’کیونکہ خُدا نے دنیا سے ایسی محبت رکھی کہ اُس نے اپنا اکلوتا بیٹا بخش دیا، تاکہ جو کوئی اُس پر ایمان لائے ہلاک نہ ہو بلکہ ہمیشہ کی زندگی پائے‘‘ (یوحنا 3: 16)۔

ہم مصلوب ہونے والے مسیح کی تبلیغ کرتے ہیں، صلیب پر تبدلیاتی طور پر مرتے ہوئے – ہماری جگہ پر – اپنے گناہوں کی ادائیگی کے لیے۔ ہم مسیح کی لازوال خوشخبری کی تبلیغ کرتے ہیں، اس کے کفارہ دینے والے خون کے ذریعے گنہگاروں کی نجات! ہم خوشخبری سناتے ہیں – کہ مسیح مُردوں میں سے جی اُٹھا ہے، کہ مرد ہو یا عورت ایمان کے ساتھ اُس کے پاس آ سکتے ہیں اور گناہ کی سزا سے بچ سکتے ہیں، اور اُس میں ہمیشہ کی زندگی پا سکتے ہیں۔ مجھے ہمارے گرجا گھر کا پیغام پسند ہے!

’’اے خداوند میں تیری سکونت گاہ اور تیری جلالی بارگاہ کو عزیز رکھتا ہوں‘‘ (زبور 26: 8)۔

III۔ تیسری بات، ہم اپنے گرجا گھر کے لیے اپنی محبت کیسے ظاہر کرتے ہیں۔

اگر آپ آج رات یہاں دیکھنے کے لیے آئے ہوئے ہیں، تو ہو سکتا ہے کہ آپ کو اگلی بات پوری طرح سمجھ نہ آئے جو میں کہنے جا رہا ہوں۔ لیکن سن لیں شاید اس میں سے تھوڑا سا آپ کے دل و دماغ میں اتر جائے۔

ہم اپنی محبت صرف لفظوں میں نہیں دکھاتے۔ ہم ہزار بار کہہ سکتے ہیں کہ ہم اپنے گرجا گھر سے محبت کرتے ہیں اور پھر بھی حقیقت میں اُس کا یہ مطلب ہی نہ ہو۔ یعقوب رسول نے اسے دو ٹوک الفاظ میں بیان کیا جب اس نے کہا،

’’کلام کو محض کانوں ہی سے نہ سُنو، اور نہ ہی خود فریبی میں مبتلا ہو بلکہ کلام پر عمل کرنے والے بنو‘‘ (یعقوب 1: 22)۔

ہم اپنی کلیسیا کے لیے اپنی محبت کو صرف الفاظ سے نہیں ظاہر کرتے، بلکہ اپنے اعمال سے بھی، جو کچھ ہم مقدس صحیفوں کی فرمانبرداری میں کرتے ہیں۔

ہم خُدا کے گھر کے لیے دعا مانگ کر اپنی محبت ظاہر کرتے ہیں۔ ہم خُدا کے گھر کے لیے اپنی محبت کو انجیلی بشارت کے لیے جا کر، اور بھٹکے ہوؤں اور تنہا لوگوں کو مسیح کی شاندار انجیل کی منادی سننے کے لیے لا کر ظاہر کرتے ہیں۔ اور، ہاں، ہم اپنے پیسے کی قربانی دے کر خُدا کے گھر کے لیے اپنی محبت کا اظہار کرتے ہیں، تاکہ یہ گرجا گھر آنے والے برسوں تک لاس اینجلز کے شہری مرکز میں بھٹکے ہوئے اور تنہا لوگوں کے لیے مسیح میں خُدا کی محبت کا اعلان کرے۔ اور اس لیے ہم پیارے زبور نویس، داؤد بادشاہ کے ساتھ کہہ سکتے ہیں،

’’اے خداوند میں تیری سکونت گاہ اور تیری جلالی بارگاہ کو عزیز رکھتا ہوں‘‘ (زبور 26: 8)۔

آمین۔

(واعظ کا اختتام)
آپ انٹر نیٹ پر ہر ہفتے ڈاکٹر ہائیمرز کے واعظ www.sermonsfortheworld.com
یا پر پڑھ سکتے ہیں ۔ "مسودہ واعظ Sermon Manuscripts " پر کلک کیجیے۔

یہ مسوّدۂ واعظ حق اشاعت نہیں رکھتے ہیں۔ آپ اُنہیں ڈاکٹر ہائیمرز کی اجازت کے بغیر بھی استعمال کر سکتے
ہیں۔ تاہم، ڈاکٹر ہائیمرز کے ہمارے گرجہ گھر سے ویڈیو پر دوسرے تمام واعظ اور ویڈیو پیغامات حق
اشاعت رکھتے ہیں اور صرف اجازت لے کر ہی استعمال کیے جا سکتے ہیں۔