یسوع باہر گیا اور ایک محصول لینے والے کو دیکھا جس کا نام لاوی تھا۔ یہ متی کا دوسرا نام تھا۔ یسوع نے متی کو اپنے پیچھے آنے کے لیے بلایا،

’’اور وہ اُٹھا اور سب کچھ چھوڑ کر اُس کے پیچھے ہو لیا‘‘ (لوقا 5: 28)۔

متی ایک محصول لینے والا، روم کا ٹیکس جمع کرنے والا تھا۔ یہودی محصول لینے والوں سے نفرت کرتے تھے، کیونکہ روم کی طرف سے انہیں قانون کی ضرورت سے کہیں زیادہ یہودیوں پر ٹیکس لگانے کی اجازت تھی۔ اس کے بعد وہ اپنی جمع کردہ رقم کا ایک حصہ بدل لیتے، اور باقی اپنے لیے رکھ لیتے۔ اس طرح، زیادہ تر محصول لینے والے بہت امیر تھے، اور دوسرے یہودی ان سے نفرت کرتے تھے۔ وہ یہودی لوگوں کی طرف سے غلیظ گنہگار کے طور پر شمار کیے گئے تھے۔

جب متی نے یسوع کی پیروی کی، ’’اس نے سب کچھ چھوڑ دیا،‘‘ یعنی اس نے ٹیکس جمع کرنے کا بہت ہی منافع بخش کاروبار چھوڑ دیا، ’’اور اس کی پیروی کی۔‘‘

پھر متی نے اپنے گھر میں دعوت کی۔ دوسرے ٹیکس وصول کرنے والوں اور ہر قسم کے گنہگاروں کا ایک بہت بڑا ہجوم اس کھانے کی اِس ضیافت میں آیا۔ وہ بدترین قسم کے لوگ تھے۔ زینوZeno، شاعر نے کہا، ’’تمام محصول لینے والے سب کے سب ڈاکو ہیں۔‘‘ فریسیوں کا ان محصول لینے والوں، یا ان کے دوستوں سے کوئی تعلق نہیں تھا، جنہیں فریسی ’’گنہگار‘‘ کہتے تھے۔

جب ضیافت پر محصول لینے والوں اور گنہگاروں کے اِس بڑے ہجوم سے گھر بھر گیا تو فریسی کُھسر پُھسر کرتے اور بڑبڑاتے ہوئے آئے۔ انہوں نے شاگردوں سے کہا،

’’تم محصول لینے والوں اور گنہگاروں کے ساتھ کیوں کھاتے پیتے ہو؟‘‘ (لوقا 5: 30)۔

یسوع ضیافت چھوڑ کر فریسیوں کو جواب دینے کے لیے باہر آ گیا،

’’بیماروں کو طبیب کی ضرورت ہوتی ہے؛ تندرستوں کو نہیں۔ میں راستبازوں کو نہیں بلکہ گنہگاروں کو توبہ کرنے کے لیے بُلانے آیا ہوں‘‘ (لوقا 5: 31 – 32)۔

یسوع نے فریسیوں کو ان گنہگاروں کو ضیافت میں بلانے کی وجہ بتائی۔ اُس نے کہا کہ جن کی صحت اچھی ہے انہیں ڈاکٹر کی ضرورت نہیں ہے۔ صرف ان لوگوں کو ضرورت ہے جن کو بیماریاں ہیں۔ فقیہ اور فریسی، اپنی اپنی رائے میں، گناہ کی بیماری سے آزاد تھے۔ چونکہ فقیہ اور فریسی شریعت کی پابندی کرتے تھے اس لیے وہ اپنے آپ کو بیمار اور گناہ کی حالت میں نہیں سمجھتے تھے۔ فریسی اس دن کے آرتھوڈوکس یعنی تقلید پسند یہودی تھے۔ کاتب وہ تھے جو بائبل کی نقلیں بناتے تھے اور بائبل کی تعلیم دیتے تھے۔ انہوں نے یہ نہیں سوچا کہ انہیں عظیم طبیب، یسوع کی ضرورت ہے۔ ان کا خیال تھا کہ

’’وہ اپنے آپ کو راستباز اور دوسروں کو ناچیز سمجھتے تھے‘‘ (لوقا 18: 9)۔

اور یسوع کا جواب ان مغرور، خود مطمئن فریسیوں کے لیے ایک ملامت تھا،

’’بیماروں کو طبیب کی ضرورت ہوتی ہے؛ تندرستوں کو نہیں۔ میں راستبازوں کو نہیں بلکہ گنہگاروں کو توبہ کرنے کے لیے بُلانے آیا ہوں‘‘ (لوقا 5: 31 – 32)۔

اب، یہاں اس کا اطلاق ہے. اگر آپ محسوس کرتے ہیں کہ آپ ٹھیک ہیں، آپ کو یسوع کی کوئی ضرورت نظر نہیں آئے گی۔ اگر، دوسری طرف، آپ محسوس کرتے ہیں کہ آپ برباد ہو گئے ہیں اور گناہ کی حالت میں مر رہے ہیں، تو یسوع آپ کے لیے اہم ہو گا، اور آپ اپنی روح کو شفا دینے اور اپنے آپ کو گناہ اور اس کے نتائج سے بچانے کے لیے اس کی تلاش کریں گے۔ یہ ضروری ہے کہ آپ کو اپنے گناہ کا احساس، اپنی ناامیدی کا احساس، اپنی ناکامی کا احساس ہو – ورنہ آپ مسیح کے لیے اپنی ضرورت محسوس نہیں کریں گے۔

’’بیماروں کو طبیب کی ضرورت ہوتی ہے؛ تندرستوں کو نہیں‘‘ (لوقا 5: 31)۔

I۔ پہلی بات، جو لوگ اپنے طرز زندگی سے مطمئن ہیں انہیں یسوع کی کوئی ضرورت محسوس نہیں ہوتی۔

یہی وجہ ہے کہ ہم مقامی گرجہ گھر میں مسیحی رفاقت کی خوشی پر زور دیتے ہیں۔ ہم چاہتے ہیں کہ آپ دیکھیں کہ گرجہ گھر ایک خوشی کی جگہ ہے جہاں آپ دیرپا دوست بنا سکتے ہیں۔ سچ ہے، یہ کوئی بہت روحانی وجہ نہیں ہے، لیکن ایک بے خبر بھٹکا ہوا شخص بہت روحانی نہیں ہے۔ بھٹکا ہوا شخص ہے۔

’’قصوروں اور گناہوں میں مُردہ‘‘ (افسیوں 2: 1)۔

گناہ کی حالت میں، بھٹکا ہوا شخص خدا کی باتوں کے لیے ’’مردہ‘‘ ہوتا ہے۔ لیکن وہ بہت اچھی طرح سے تنہا محسوس کر سکتا ہے۔ اور وہ محسوس کر سکتا ہے کہ وہ گرجہ گھر میں لوگوں کی خدمات اور دوستی سے لطف اندوز ہوتا ہے۔ یہ اکثر پہلی چیز ہوتی ہے جو کسی شخص کو خوشخبری سننے کی طرف راغب کرتی ہے۔

کیا ان محصول لینے والوں اور گنہگاروں کے ساتھ ایسا نہیں ہوا؟ متی نے

’’خود اپنے گھر میں ایک بہت بڑی ضیافت ترتیب دی: اور وہاں محصول لینے والوں اور دوسرے لوگوں کا جو ضیافت میں شریک تھے بڑا مجمع تھا‘‘ (لوقا 5: 29)۔

وہ آئے اور یسوع اور شاگردوں کے ساتھ کھانا کھانے بیٹھ گئے۔ اور جیسا کہ آپ چاروں اناجیل پڑھتے ہیں آپ دیکھیں گے کہ یسوع نے اکثر ایسا کیا تھا – اتنی کثرت سے کہ یہ ان اہم اعتراضات میں سے ایک تھا جو کاتبوں اور فریسیوں کو اس کی منادی کے بارے میں تھا۔ تھوڑی دیر بعد، لوقا کی انجیل کہتی ہے،

’’بہت سے محصول لینے والے اور گنہگار لوگ یسوع کے پاس جمع ہو کر اُس کی باتیں سُن رہے تھے۔ فریسی اور شریعت کے عالم شکایت کرتے اور کہتے تھے کہ یہ آدمی گنہگاروں سے میل جول رکھتا ہے اور اُن کے ساتھ کھاتا پیتا بھی ہے‘‘ (لوقا 15: 1 – 2)۔

دوبارہ، یسوع نے فریسیوں کو یہ کہتے ہوئے جواب دیا،

’’ابنِ آدم کھاتا پیتا آیا؛ اور تم لوگ کہتے ہو کہ دیکھو اِس آدمی کو، یہ کھاؤ، شرابی اور محصول لینے والوں اور گنہگاروں کا یار ہے‘‘ (لوقا 7: 34)۔

آپ دیکھیں گے، جیسا کہ آپ انجیل پڑھتے ہیں، کہ یسوع اکثر گنہگاروں کے ساتھ کھاتا تھا۔ اور مجھے لگتا ہے کہ ہم اس سے کچھ سیکھ سکتے ہیں۔ یہ بھٹکے ہوئے لوگ یسوع کی طرف متوجہ ہوئے کیونکہ وہ ان کے ساتھ دوستانہ [روئیہ رکھتا] تھا۔ اور ان میں سے بہت سوں نے نجات پا لی۔

میں سمجھتا ہوں کہ وہ اپنے طرزِ زندگی سے اتنے غیر مطمئن ہو گئے کہ وہ مسیح کی طرف متوجہ ہو گئے۔ محصول لینے والے متی نے کیا، جیسا کہ ہم لوقا کے پانچویں باب میں دیکھتے ہیں۔ محصول لینے والے زکائی نے کیا، جیسا کہ ہم لوقا انیس باب میں دیکھتے ہیں۔ اور یسوع نے اس سے کہا۔

’’اے زکائی جلدی سے نیچے اُتر آ کیونکہ آج میں تیرے گھر میں مہمان بن کے آنے والا ہوں۔ پس وہ فوراً نیچے اُتر آیا اور خوشی خوشی یسوع کو اپنے گھر لے گیا۔ یہ دیکھ کر سارے لوگ بُڑبُڑانے لگے کہ یہ ایک گنہگار کا مہمان جا بنا ہے … اور یسوع نے اُس سے کہا، آج اِس گھر میں نجات آئی ہے … اور ابنِ آدم گم شدہ کو ڈھونڈنے اور بچانے آیا ہے‘‘ (لوقا 19: 5 – 10)۔

مغرور فقیہوں اور فریسیوں نے مسیح کی کوئی ضرورت محسوس نہیں کی۔ لیکن محصول لینے والے اور گنہگار اس کے پاس آئے اور نجات پا گئے۔

’’بیماروں کو طبیب کی ضرورت ہوتی ہے؛ تندرستوں کو نہیں‘‘ (لوقا 5: 31)۔

جو لوگ اپنے طرزِ زندگی سے مطمئن ہیں وہ یسوع کی کوئی ضرورت محسوس نہیں کریں گے۔ لیکن جو لوگ اپنے طرزِ زندگی سے تنگ آ چکے ہیں وہ اُس کے پاس آئیں گے اور نجات پائیں گے۔

اپنے بارے میں کیا خیال ہے؟ میں تجربے سے جانتا ہوں کہ یہ آپ میں سے بہت سے لوگوں کے لیے سچ ہے۔ اگر آپ اپنی زندگی سے جس طرح سے مطمئن ہیں، آپ کو یسوع کی کوئی ضرورت نظر نہیں آئے گی، اور آپ کو نجات نہیں ملے گی۔ اگر آپ اپنی زندگی سے اس طرح خوش ہیں جیسی کہ یہ ہے، تو آپ کو مسیح کے آنے اور کچھ تبدیل کرنے کی کوئی ضرورت نہیں نظر آئے گی۔

’’بیماروں کو طبیب کی ضرورت ہوتی ہے؛ تندرستوں کو نہیں‘‘ (متی 9: 12)۔

II۔ دوسری بات، جو لوگ اپنی بے دینی سے مطمئن ہیں وہ یسوع کی ضرورت کو محسوس نہیں کرتے۔

ہمارے شہر کو دیکھو۔ اس میں موجود لوگوں کے بارے میں سوچو۔ کیا ان میں سے بہت سے لوگ خدا کے بارے میں سنجیدگی سے سوچتے ہیں؟ آپ جانتے ہیں کہ وہ نہیں سوچتے ہیں۔ بائبل کہتی ہے،

’’کوئی خدا کا طالب نہیں‘‘ (رومیوں 3: 11)۔

جب تک کہ روح القدس کے کام کے ذریعے آپ پر خُدا کا فضل نہیں آتا، آپ کبھی بھی مسیح میں خُدا کی تلاش نہیں کریں گے۔ آپ ایک بےدین حالت میں خدا کے بغیر جینے اور مرنے کے لئے مطمئن ہو جائیں گے۔

لیکن اگر خدا کا فضل آپ کے دل میں کام کرنے لگتا ہے، تو آپ اپنی زندگی سے جیسی کہ وہ ہے مطمئن نہیں ہو پائیں گے۔ آپ ہر چیز کو مختلف طریقے سے دیکھنا شروع کر دیں گے۔ ہوسکتا ہے کہ آپ لوگوں کے ہجوم میں ہوں اور سوچنے لگیں، ’’یہ لوگ کس لیے جی رہے ہیں؟ یہ خدا کی فکر کیوں نہیں کرتے؟‘‘ آپ خود اپنی زندگی اور اپنی آنے والی موت کے بارے میں سوچنا شروع کر دیں گے۔ آپ کو خود اپنا مذہب بہت سطحی نظر آنے لگے گا، اور بالکل بھی مددگار نہیں ہو گا۔ دوسرے لوگ جو بھی بہانے بناتے ہیں، یہ بہانے اب آپ کے لیے مناسب نہیں لگیں گے۔ اور آپ محسوس کرنے لگیں گے کہ زندگی میں صرف کھانے، سونے، مطالعہ کرنے اور کھیلنے کے علاوہ اور بھی بہت کچھ ہونا چاہیے۔

جب خُدا کا فضل آپ کی زندگی میں کام کرنا شروع کر دے گا تو آپ کو اپنی بے دینی کا احساس ہو گا۔ آپ محسوس کرنے لگیں گے۔

’’خدا کی دی ہوئی زندگی میں اُن کا کوئی حصہ نہیں‘‘ (افسیوں 4: 18)۔

آپ سوچنے لگیں گے کہ خدا آپ کے لیے اجنبی ہے، اور یہ کہ آپ اُس کے بغیر بری حالت میں ہیں،

’’نااُمیدی کے بغیر اور دُنیا میں خدا کے بغیر‘‘ (اِفسیوں 2: 12)۔

اور اس لیے میں آپ سے پوچھتا ہوں، کیا آپ اپنی زندگی سے پوری طرح مطمئن ہیں جیسی کہ یہ ہے؟ اگر آپ ہیں، تو بہت کم امید ہے کہ آپ مسیح کے پاس آئیں گے۔ آپ ویسے ہی زندگی بسر کرتے رہیں گے جیسے آپ ہیں – ذاتی طور پر خدا کو جانے بغیر جینے اور مرنے میں مطمئن ہیں۔

’’بیماروں کو طبیب کی ضرورت ہوتی ہے؛ تندرستوں کو نہیں‘‘ (لوقا 5: 31)۔

اگر آپ بے دین زندگی سے مطمئن ہیں تو آپ کو یسوع کی کوئی ضرورت محسوس نہیں ہوگی۔

خاص طور پر نوجوانوں میں یہ رجحان پایا جاتا ہے کہ مذہب میں ضرورت سے زیادہ دلچسپی لینا کمزوری کی علامت ہے۔ جو لوگ سچے مسیحی نہیں ہیں وہ یہ سوچتے ہیں کہ جو لوگ خدا میں بہت زیادہ دلچسپی رکھتے ہیں وہ قدرے عجیب، قدرے نرالے، بالکل نارمل نہیں ہیں۔

یہ عام طور پر نہیں بولا جاتا ہے۔ لوگ عام طور پر یہ نہیں کہتے، ’’وہ لڑکا عجیب قسم کا ہے۔ وہ چلا جاتا ہے اور خود نماز پڑھتا ہے۔‘‘ وہ ایک اصول کے طور پر یہ نہیں کہتے ہیں۔ لیکن وہ سوچتے ہیں۔ اور آپ کے غیر مسیحی دوست یہ سوچتے ہیں۔ وہ ایسی باتیں کہیں گے، ’’زیادہ مذہبی مت بنو۔ جنونی مت بنو‘‘ – اس ہی طرح کی باتیں۔ اس کے بہت عام ہونے کی وجہ یہ ہے کہ انسان گناہ کی حالت میں ہے۔

’’اِس لیے کہ جسمانی نیت خدا کی مخالفت کرتی ہے [خدا سے بغاوت کرتی ہے]‘‘ (رومیوں 8: 7)۔

اپنی غیرنجات یافتہ حالت میں، تمام انسان ہوتے ہیں

’’فطرتاً قہر کے بچے‘‘ (افسیوں 2: 3)۔

یہی وجہ ہے کہ غیر نجات یافتہ دوست اور رشتہ دار آپ کو خدا کی تلاش میں سنجیدہ نہ ہونے پر قائل کرنے کی ہر ممکن کوشش کریں گے۔ وہ آپ کو کسی دوسرے گرجہ گھر، یا ’’ان کے اپنے‘‘ گرجہ گھر میں لے جانے کی کوشش کر سکتے ہیں – آپ کو اس گرجہ گھر میں واپس آنے سے روکنے کے لیے کچھ بھی کر سکتے ہیں! کیوں؟ کیونکہ وہ جانتے ہیں کہ ’’ان کا اپنا‘‘ گرجہ گھر ٹھنڈا [غیر مذہبی سا] ہے، اور یہ کہ خدا وہاں نہیں ہے۔ ان کا اصل مقصد آپ کو خدا سے دور رکھنے کی کوشش کرنا ہے،

’’اِس لیے کہ جسمانی نیت خدا کی مخالفت کرتی ہے‘‘ (رومیوں 8: 7)۔

اپنی غیر اِصلاح یافتہ حالت میں، بنی نوع انسان خدا کے خلاف بغاوت میں ہے۔ جب خدا آپ کو پکارنا شروع کرے گا، آپ کے بھٹکے ہوئے دوست اور رشتہ دار آپ کو واپس کھینچنے اور آپ کو خدا سے دور رکھنے کی کوشش کریں گے۔ جان بنیعن John Bunyan نے اس کے بارے میں اپنی معیاری کتاب زائر کی پیش قدمی Pilgrim's Progress میں لکھا ہے۔ اس شخص کی خود اپنی بیوی نے اسے واپس کھینچنے کی کوشش کی جب خدا نے اسے پکارنا شروع کیا! والدین اور بھٹکے ہوئے دوست آپ کے ساتھ ایسا ہی کر سکتے ہیں۔

لیکن یسوع نے کہا،

’’میں تم سے سچ کہتا ہوں کہ وہ وقت آ رہا ہے بلکہ آ چکا ہے، جب مُردے خدا کے بیٹے کی آواز سُنیں گے اور جو اُسے سُنیں گے، سُن کر زندہ رہیں گے‘‘ (یوحنا 5: 25)۔

اگرچہ آپ افسیوں 2: 1، 5 کے مطابق روحانی طور پر مر چکے ہیں، خدا کا بیٹا آپ کو پکارنا شروع کر دیتا ہے۔ اپنی مردہ حالت میں، آپ ’’خدا کے بیٹے کی آواز سنتے ہیں۔‘‘ جب ایسا ہوتا ہے تو آپ خدا کے بیٹے یسوع کے بغیر اپنی زندگی گزارنے میں مزید مطمئن نہیں ہوں گے۔ آپ کچھ اور چاہیں گے۔ پھر آپ یسوع مسیح کو ڈھونڈیں گے۔ لیکن جب تک آپ غیربیدار [سوئی ہوئی] اور مردہ حالت میں ہیں، آپ مسیح کے بغیر جینے اور مرنے کے لیے مطمئن رہیں گے۔ صرف جب روح القدس آپ کو دکھاتا ہے کہ آپ کے اندر کچھ غلط ہے – کہ آپ کا دل بے دین ہے – تب ہی جب آپ اپنے اندر یہ عیب دیکھیں گے تو آپ یسوع مسیح میں دلچسپی پیدا کریں گے۔

’’بیماروں کو طبیب کی ضرورت ہوتی ہے؛ تندرستوں کو نہیں‘‘ (لوقا 5: 31)۔

III۔ تیسری بات، جو اپنے دل کی برائیوں سے مطمئن ہوتے ہیں وہ یسوع کی ضرورت کو محسوس نہیں کرتے

غور کریں کہ جب بھی میں نے کہا ہے کہ آپ کو ’’یسوع کی کوئی ضرورت محسوس نہیں ہوتی‘‘۔ اس سے قطع نظر کہ لوگ کیا کہتے ہیں، زندگی کے اہم فیصلوں میں ان کی رہنمائی ان کے دماغ کی بجائے ان کے جذبات سے ہوتی ہے۔ سب سے زیادہ ذہین شخص اصل میں کہے گا، ’’مجھے لگتا ہے کہ آپ غلط ہیں.‘‘ آپ انہیں اس طرح کے الفاظ کہتے ہوئے سنیں گے، ’’مجھے لگتا ہے کہ آپ کا واعظ بہت منفی ہے،‘‘ اور جب وہ یہ کہتے ہیں تو وہ بالکل درست ہیں۔ میں ان سے متفق ہوں۔ یہ ان کے احساسات ہیں، نہ کہ ان کی دانشمندی جو انہیں زندگی کے ان عظیم سوالات میں متحرک کرتی ہے۔ اور یہ بات خدا جانتا ہے،

’’کیونکہ وہ ہماری سرشت سے واقف ہے، اور اُسے یاد ہے کہ ہم خاکی ہیں‘‘ (زبور 103: 14)۔

اور یہی وجہ ہے کہ خُدا عام طور پر ہمارے جذبات سے پہلے بات کرتا ہے۔ جب روح القدس اپنا قائل کرنے والا کام شروع کرتا ہے، تو وہ ہمیں گناہ کا احساس دلاتا ہے۔

غور کریں کہ بائبل کتنی بار ہمیں بتاتی ہے کہ کب لوگ مسیح میں ایمان لا کر تبدیل ہوئے تھے یا جذباتی طور پر متاثر ہوئے تھے۔ جس عورت نے یسوع کے پاؤں چومے وہ جذباتی ہو گئی۔

’’ایک بدچلن عورت جو اُسی شہر کی تھی، یہ سُن کے کہ یسوع اُس فریسی کے گھر میں کھانا کھانے بیٹھا ہے سنگِ مرمر کے عطردان میں عِطر لائی۔ اُس نے یسوع کے پاؤں کے پاس پیچھے کھڑی ہو کے رونا شروع کر دیا اور وہ اپنے آنسوؤں سے اُس کے پاؤں بھگونے لگی اور اپنے سر کے بالوں سے اُنہیں پونچھ کر بار بار چومنے لگی‘‘ (لوقا 7: 37 – 38)۔

جلد ہی وہ یسوع کے پاس آئی اور نجات پا گئی۔

’’اُن کے دِلوں پر چوٹ لگی‘‘ (اعمال 2: 37)۔

اس کا واقعی میں مطلب ہے کہ اُن کے ’’دِل میں چوٹ‘‘ لگی تھی۔ یہ جذبات کی بات کرتا ہے۔ فلپی شہر کا قیدخانے کا نگران

’’کپکپاتا ہوا آیا‘‘ (اعمال 16: 29)۔

پولوس رسول نے کہا،

’’ہائے! میں کیسا بدبخت آدمی ہوں! اِس موت کے بدن سے مجھے کون چھڑائے گا؟‘‘ (رومیوں 7: 24)۔

بائبل میں یہ معاملات ظاہر کرتے ہیں کہ خُدا عام طور پر ایک شخص کے جذبات کو متحرک کرتا ہے، تاکہ وہ اپنے بُرے دل سے مطمئن نہ ہو جائے۔ اب، میں عام طور پر کہتا ہوں – کیونکہ ہر معاملہ ایک جیسا نہیں ہوتا۔ لوگ مختلف طریقے سے تیار کیے جاتے ہیں۔ کچھ لوگ کافی جذباتی ہوتے ہیں۔ عظیم مبشر جان ویزلی ایک انتہائی جذباتی شخص تھے۔ میں اُن کے رونے کا تصور نہیں کر سکتا۔ ہوسکتا ہے کہ وہ اپنی زندگی میں کبھی روئے ہوں، لیکن مجھے اِسے پڑھنا یاد نہیں، اور میں نے ان کی زندگی کی کہانی کئی بار پڑھی ہے۔ اور جب جان ویزلی نے نجات پائی تو کوئی ظاہری جذبات نہیں تھے۔ عجیب بات ہے کہ جب اُنہوں نے منادی کی تو بہت سے لوگ بہت جذبات اور انتہائی سزایابی میں آ گئے، اور یہاں تک کہ ظاہری چیخ و پکار کرنے لگے اور چیخنے لگے۔ لیکن جان ویزلی نے خود ان جذبات کا اظہار نہیں کیا جس رات اُنہوں نے نجات پائی تھی۔ وہ روئے نہیں تھے۔ انہوں نے ’’چوٹ‘‘ محسوس نہیں کی۔ وہ کپکپائے نہیں تھے۔ وہ زور زور سے روئے نہیں تھے۔ وہ صرف کہتے ہیں، ’’میں نے محسوس کیا کہ میں نے مسیح پر بھروسہ کیا‘‘ (جان ویزلی John Wesley، جان ویزلی کے اعمال The Works of John Wesley، بیکرBaker، 1979، جلد اول، صفحہ 103)۔ یہی اس کے بارے میں تھا! ’’میں نے محسوس کیا کہ میں نے مسیح پر بھروسہ کیا تھا۔‘‘ لیکن یہاں تک کہ یہ سردمہر چھوٹا سا انسان، جس نے اپنی زندگی میں بہت کم جذبات کا مظاہرہ کیا، یہاں تک کہ جان ویزلی نے کہا، ’’میں نے محسوس کیا کہ میں نے مسیح پر بھروسہ کیا تھا۔‘‘ اس کے دل میں ایک جذباتی تصدیق تھی کہ وہ نجات دہندہ پر بھروسہ کرتا ہے۔ اور اسی لیے میں کہہ رہا ہوں کہ ہر ایک معاملہ مختلف ہوگا، اور جان ویزلی، اگرچہ وہ روئے یا چیخ نہیں رہے، اگرچہ اُن کی آنکھوں میں آنسو نہیں آئے، ایک ایسے مقام پر پہنچے تھے جہاں وہ جانتے تھے کہ اُن کا ایک بھٹکا ہوا اور گناہ گار دل ہے۔ اور تمام حقیقی تبدیلیوں میں مشترک فرق، وہ چیز ہے جو تمام مسیح میں ایمان لانے والی حقیقی تبدیلیوں میں ایک جیسی ہے، وہ یہ ہے – لوگ اپنے آپ سے باطنی طور پر عدم اطمینان کا شکار ہو جاتے ہیں۔ وہ اپنے دل کو دیکھتے ہیں اور وہ وہاں گناہ دیکھتے ہیں۔ وہ اپنے آپ میں جو دیکھتے ہیں اسے ناپسند کرتے ہیں۔ وہ اپنے ہی دل سے ناراض ہیں! وہ اس بات سے ناراض ہیں کہ وہ کون ہیں۔

میرے خیال میں محصول لینے والوں اور گنہگاروں کے یسوع کے پاس اتنی آسانی سے آنے کے پیچھے یہ ایک انسانی عنصر تھا – جب کہ کاتب اور فریسی اس سے دور رہے۔

’’بیماروں کو طبیب کی ضرورت ہوتی ہے؛ تندرستوں کو نہیں‘‘ (لوقا 5: 31)۔

آج رات آپ سے میرا سوال یہ ہے: کیا آپ مطمئن نہیں ہیں؟ کیا آپ اپنے طرز زندگی سے ناخوش ہیں؟ کیا آپ خدا کے بغیر جینے سے بیمار ہیں؟ کیا آپ اپنے دل سے ناراض ہیں؟ کیا آپ اپنے گناہوں کی سزایابی محسوس کرتے ہیں؟ اگر ان چیزوں کے بارے میں آپ میں کسی حد تک ناراضگی اور گناہ کی سزایابی ہے، تو آپ عظیم طبیب یسوع کے پاس آنے کے لیے تیار ہو سکتے ہیں۔ آخرکار، مسیح ہی واحد ہے جو آپ کو گناہ سے نجات دلا سکتا ہے۔ وہ واحد ہے جو آپ کے گناہ کی ادائیگی کے لیے قربان ہو گیا۔ وہ واحد ہے جو جسمانی طور پر مردوں میں سے جی اُٹھا تاکہ آپ کو زندگی بخشے۔ وہ واحد شخص ہے جو خدا کے داہنے ہاتھ پر بیٹھا ہے، اوپر آسمان پر، آپ کے لیے دعا کر رہا ہے۔ کیا آپ اس کے پاس آنے کے لیے تیار ہیں؟ کیا آپ اُس کے خون کے ذریعے اپنے گناہ سے پاک صاف ہونے کے لیے تیار ہیں؟

’’بیماروں کو طبیب کی ضرورت ہوتی ہے؛ تندرستوں کو نہیں‘‘ (لوقا 5: 31)۔

ہم آپ کے ساتھ اس کمرے کی طرف جانے والی داخلی جگہ میں اس بارے میں بات کرنے کے لیے تیار ہیں۔ اگر آپ مسیح میں نجات کے بارے میں ہمارے ساتھ بات کرنا چاہتے ہیں، تو براہِ کرم اپنی نشست پر رہیں جب کہ باقی آپ کے لیے دعا کرنے کے لیے دوسرے کمرے میں جائیں۔

(واعظ کا اختتام)
آپ انٹر نیٹ پر ہر ہفتے ڈاکٹر ہائیمرز کے واعظ www.sermonsfortheworld.com
یا پر پڑھ سکتے ہیں ۔ "مسودہ واعظ Sermon Manuscripts " پر کلک کیجیے۔

یہ مسوّدۂ واعظ حق اشاعت نہیں رکھتے ہیں۔ آپ اُنہیں ڈاکٹر ہائیمرز کی اجازت کے بغیر بھی استعمال کر سکتے
ہیں۔ تاہم، ڈاکٹر ہائیمرز کے ہمارے گرجہ گھر سے ویڈیو پر دوسرے تمام واعظ اور ویڈیو پیغامات حق
اشاعت رکھتے ہیں اور صرف اجازت لے کر ہی استعمال کیے جا سکتے ہیں۔