انجیلی بشارت کی تبلیغ اور خدا کا کلام

آج صبح میں نے لوقا کے آٹھویں باب سے مماثلت والے حوالے پر منادی کی۔ لیکن مرقس کی انجیل ہمیں کچھ تفصیلات فراہم کرتی ہے جو لوقا میں نہیں ہیں۔ مثال کے طور پر تیرہویں آیت پر غور کریں،

’’تم یہ تمثیل نہیں سمجھے؟ تو باقی سب تمثیلیں کیسے سمجھو گے؟‘‘ (مرقس 4: 13)۔

اگر وہ بیج بونے والے کی سادہ سی تمثیل کو نہیں سمجھ سکتے تو وہ مزید پیچیدہ تمثیلوں کو سمجھنے کی امید کیسے کر سکتے ہیں؟ بونے والے کی تمثیل ایک کسان کی بات کرتی ہے جو بیج بکھیرنے نکلتا ہے۔ بیج چار قسم کی مٹی پر گرتا ہے۔ پہلی تین قسم کی مٹی پھل نہیں لاتی۔ آخری قسم [کی مٹی پھل] لاتی ہے۔ یہ ایک بہت سادہ کہانی ہے. یہ ایک بہت ہی سادہ سچائی کی تصویر کشی کرتی ہے۔ یہ تین قسم کے لوگوں کی تصویر کشی ہے جو مسیح میں ایمان لا کر تبدیل نہیں ہوتے ہیں، اور ایک قسم جو مسیح میں ایمان لا کر بدلتے ہیں۔ یہ بہت بنیادی تعلیمات ہیں۔

پھر بھی یہ سوچنا ایک بڑی غلطی ہے کہ آپ کو اسے سننے کی ضرورت نہیں ہے – چاہے آپ نے اسے پہلے بھی کئی بار سنا ہو – کیونکہ یہی بنیادی تمثیل ہے، جو انجیلی بشارت اور مسیح میں ایمان لانے کی تبدیلی کی واضح تصویر پیش کرتی ہے۔ اگر اس میں موجود سچائیاں آپ کی روح کو نہیں جکڑتیں تو دوسری، گہری اور پیچیدہ تمثیلوں کی طرف جانے کا کوئی فائدہ نہیں۔ اگر آپ اس کو نہیں سمجھتے تو آپ باقی کو نہیں سمجھ پائیں گے۔

بالکل شروع ہی میں، تمثیل کے آغاز میں، ہم دو عظیم سچائیوں کو سیکھتے ہیں جو کُلیدی ہیں، بنیادی ہیں، جن پر مسیحیت کا انحصار ہے۔ یہ وہ سچائیاں ہیں جو ہمارے گرجا گھر میں ہر نئے فرد کو جاننے کی ضرورت ہے، اور جن کے بارے میں ہر بوڑھے کو یاد دلانے کی ضرورت ہے۔

I۔ پہلی بات، خدا کے کلام کی فضیلت۔

بیج بونے والا کیا بوتا ہے؟ وہ کلام [کا بیج] بوتا ہے۔ چودھویں آیت پر نظر ڈالیں۔

’’بونے والا خدا کے کلام کا بیج بوتا ہے‘‘ (مرقس 4: 14)۔

متی، مرقس اور لوقا تینوں اس حقیقت کو ریکارڈ کرتے ہیں کہ بونے والا کلام بوتا ہے۔ یہاں ’’کلام‘‘، جیسے دوسرے جگہوں کی طرح، مقدس صحیفے، مقدس بائبل، خدا کا کلام ہے۔ یہ بائبل کے الفاظ ہیں جو خدا بشروں کو مسیح میں ایمان دِلا کر تبدیل کرنے کے لیے استعمال کرتا ہے۔ اسے ’’روح کی تلوار، جو کہ خدا کا کلام ہے‘‘ کہا جاتا ہے (افسیوں 6: 17)۔ خُدا کے کلام کے ساتھ ’’شیطان کے آتشین تیروں‘‘ پر قابو پا لیا جاتا ہے (افسیوں 6: 16)۔ مقدس صحیفے ایک تیز تلوار کی مانند ہیں۔ ہم فولادی تلوار سے دشمن کو شکست نہیں دے سکتے۔ ہمیں روح کی تلوار کا استعمال کرنا چاہیے، جو کہ خدا کا کلام ہے۔ اگر بائبل، خدا کا انتہائی کلام، سچی مسیحیت کے دشمنوں پر قابو نہیں پاتی، تو پھر وہ غالب نہیں آ پائیں گے۔ واحد تلوار جو ہمیں دی گئی ہے وہ خدا کا کلام ہے۔ اور یہ واقعی ایک قوی کلام ہے!

’’بونے والا خدا کے کلام کا بیج بوتا ہے‘‘ (مرقس 4: 14)۔

مزید برآں، کلام کو دل میں گھسنا چاہیے، ورنہ مسیح میں ایمان لانے کی تبدیلیاں رونما نہیں ہوں گی۔ میرے پسندیدہ زبوروں میں سے ایک کہتا ہے، ’’تیرے کلام کا دروازہ روشنی دیتا ہے؛ یہ سادہ لوحوں کو سمجھ دیتا ہے‘‘ (زبور 119: 130)۔ اگر کلام کے الفاظ، وہ انتہائی الفاظ، روح میں داخل نہیں ہوتے ہیں، تو کوئی تبدیلی واقع نہیں ہوگی۔

’’بونے والا خدا کے کلام کا بیج بوتا ہے‘‘ (مرقس 4: 14)۔

میرے خیال میں یہ ان طریقوں میں سے ایک ہے جو برسوں کے دوران انجیلی بشارت کی تبلیغ غلط ہوتی گئی۔ پرانے پیوریٹن مبشروں نے کلام کی تبلیغ کی۔ انہوں نے خدا کے کلام کا مطالعہ کیا۔ انہوں نے خدا کے کلام پر غور کیا، اور دعا کی۔ اور پھر وہ اپنے منبر پر گئے اور خدا کے کلام کی تبلیغ کی۔ پہلی عظیم بیداری میں، ہاویل ہیرس، ڈینیئل رولینڈ، جارج وائٹ فیلڈ اور جان ویزلی جیسے لوگوں نے غیر ترقی یافتہ لیکن ممکنہ طور پر مفید زمین پر واقعی میں ہل چلایا اور بے جان گرجا گھروں کو ان کی جڑوں تک ہلا دیا۔ ہاویل ہیرس (1714-1773) نے اپنے سامنے بائبل رکھی اور اپنے پھیپھڑوں کی آخری حد تک زور سے بول کر خدا کے کلام کی تبلیغ کی – اکثر ایک وقت میں دو دو یا تین تین گھنٹے تبلیغ کی۔ اس کی تبلیغ نے چرچ آف انگلینڈ کی بنیاد کو ہلا کر رکھ دیا۔ لوگ کانپتے، آہیں بھرتے، چیختے، اور زمین پر گر پڑتے – بالکل بھی نہیں، کسی بھی معنی میں نہیں، جو ہم آج کرشماتی مسن والوں کے جلسوں میں دیکھتے ہیں۔ اوہ، نہیں! کرشماتی مشن کے پیغامات ہوول ہیرس کے روح کو پھڑکا ڈالنے والے واعظوں کی ناقص، سطحی سی نقول ہیں! بالغ عمر کے لوگ گناہ کی سزایابی کے تحت زمین پر گر پڑتے اور ساری ساری رات اوراگلے آدھے دن تک چیختے رہتے کہ خُدا اُن کو بخشے! ہاول ہیرس کی تبلیغ اور جدید کرشماتی مشن والوں کی تبلیغ میں یہی فرق ہے۔ ہاویل ہیرس کا ایک واعظ بینی ہنBenny Hinn کے پورے ہجوم کو اڑا کر رکھ دے گا! وہ گھر بھاگیں گے اور پلنگ کے نیچے چھپ جائیں گے! جب ہیریس نے منادی کی تو لوگ گناہ کی سزایابی کے تحت بیقرار ہو گئے، ان کے اپنے مکمل اخلاقی زوال سے ڈرتے ہوئے، اور انہیں تسلی نہیں دی جا سکتی تھی جب تک کہ ان میں راستبازی اور مسیح کی راستبازی کا ایک عمل قطعی مکمل طور پر تہمت یا الزام نہ لگا دے۔ کوئی بھی اور بات ان کی آہوں اور چیخوں کو خاموش نہیں کرا سکتی تھی۔ لیکن ہاول ہیرس کی تبلیغ اور جدید کرشمہ سازی میں فرق یہ ہے کہ ہیرس نے اپنے سامنے ایک کھلی بائبل رکھی اور اس کے الفاظ کی تبلیغ کی، اور اس [بائبل] کے لفظوں میں ہتھوڑا مارا، اور دھمکی دی، ملامت کی، تنبیہ کی، اور اپنے سننے والوں کی کلام کے ساتھ حوصلہ افزائی کی – اپنے پھیپھڑوں کی آخری حد تک تبلیغ کی – جو کہ، اگر کہا جائے تو، میرا یقین ہے کہ گمراہ گنہگاروں کو تبلیغ کرنے کا واحد بائبلی طریقہ ہے، اور میں اِسے بائبل سے ثابت کر سکتا ہوں۔ لیکن یہ ایک اور واعظ کی منتظر ہے۔ میرا نقطہ یہ ہے کہ یہ عظیم، دنیا کو بدل ڈالنے والے مبلغین، جیسے ہاویل ہیرس، ڈینیل رولینڈز، کرسمس ایونز، اور بِلاشبہ جارج وائٹ فیلڈ اور جان ویزلی اور چارلس ویزلی، ان میں سے ہر ایک تھا، جیسا کہ ویزلی نے تحریر کیا، ’’ایک کتاب کا آدمی‘‘۔ اور وہ کتاب بائبل تھی، اور اس کتاب سے انہوں نے ایک مردہ کلیسیا اور مرتی ہوئی قوم کی بنیادیں ہلا دیں۔

’’بونے والا خدا کے کلام کا بیج بوتا ہے‘‘ (مرقس 4: 14)۔

یاد رکھیں کہ یہ لوگ بائبل کے استاد نہیں تھے، جیسا کہ ہم انہیں آج جانتے ہیں۔ اوہ، نہیں! ہم بائبل اساتذہ سے تنگ آچکے ہیں۔ ہم ہاویل ہیرس چاہتے ہیں! اور ہم اُس وقت تک اُسے پکارنا بند نہیں کریں گے جب تک کہ کوئی، کسی نہ کسی جگہ، ہیریس جیسے آدمی کو اُس کی کلیسیا میں ڈھیل دینے کی ہمت نہ کرے – اور اُسے اجازت دے کہ یا تو اُس کلیسیا کو تباہ کر دے یا اُسے تبدیل کر دے! تب (اور تب ہی) حیات نو ہو سکتا ہے!

زندہ خدا کا کلام، ہاول ہیرس جیسے آدمی کے منہ میں، خُداوند کی ایک [ایسی تلوار ہے جو تعظیم، تعجب یا خوف کے گہرے احساس کو جنم دیتی ہے] اور وہ خوفناک تلوار ہے! خدا ایسے آدمیوں کو، ایلیاہ اور یوحنا بپتسمہ دینے والے کی روح [کی صورت] میں جلد بھیجے! امریکہ میں ہمارا مسیحی طرز زندگی ختم ہو گیا ہے۔ خُدا مبلغین بھیجے جو اپنا منہ کھولیں اور خُدا کی آگ کو اُنڈیل دیں، کلیسیا کو بھڑکا دیں تاکہ باغی اپنی جان کے لیے بھاگیں۔ کھوئے ہوئے یا گمراہ بندے کو بھڑکائیں، وہ سخت سزایابی کے تحت آتے ہیں۔ نجات پائے ہوئے کو بھڑکائیں، تو وہ نماز میں منہ کے بل گر جاتے ہیں۔ اوہ، ایلیاہ کا خدا کہاں ہے؟ وہ مرد جن کے پاس روح کی تلوار، خُدا کے کلام کے علاوہ کوئی دوسری تلوار نہیں، وہ مرد جو اس تلوار کو انجیلی بشارت کے احیاء یا حیات نو کے مقصد میں بے رحمی سے چلانے کے لیے تیار ہیں – یہی اس وقت کی ضرورت ہے!

’’بونے والا خدا کے کلام کا بیج بوتا ہے‘‘ (مرقس 4: 14)۔

یہ وہ پہلی بات ہے جس کی توجہ تلاوت میں ہماری جانب دلائی گئی ہے – خدا کے کلام کی فضیلت، برہنہ، واضح، سخت بائبل کی تبلیغ، جو دشمن کو مار ڈالے گی، فلستی کا ختنہ کرے گی، مُردوں کو جگائے گی اور خدا کے لوگوں کو ایک لشکر کی طرح مسیح سے انکار کرنے والی دنیا سے باہر کر دے گی۔ خدا کے کلام کی فضیلت – جیسا کہ یہ بونے والے کی تمثیل میں سکھایا جاتا ہے۔

’’بونے والا خدا کے کلام کا بیج بوتا ہے‘‘ (مرقس 4: 14)۔

II۔ دوسری بات، خدا کے کلام کی تاثیر۔

جب یسوع نے یہ تمثیل دی تو وہ جانتا تھا کہ ہر کوئی [یسوع میں ایمان لا کر] تبدیل نہیں ہو گا۔ تمثیل کے انتہائی الفاظ میں اس نے ہمیں واضح طور پر بتایا، اور تصویری طور پر اس حقیقت کو بیان کیا کہ زیادہ تر لوگ کلام کی منادی کرنے سے تبدیل نہیں ہوں گے۔ کچھ لوگ شیطان کو ان کے دلوں سے نکالنے دیں گے۔ کچھ کو تبدیل ہوئے بغیر، صرف ایک لمحاتی جذباتی تجربہ ہوگا۔ دوسرے لوگ تبدیل ہوتے دکھائی دیں گے، لیکن ایک مقامی گرجہ گھر سے، اور ایک اہم عقیدے سے ’’آزمائش کے وقت پسپا ہوتے دکھائی دیں گے‘‘۔

لیکن مسیح یہ بھی جانتا تھا کہ کچھ لوگ گہرائی تک متاثر ہوں گے، حقیقی سزایابی کے تحت آئیں گے، کلام کے ذریعے ان کے باطن کی انتہائی گہرائیوں تک ہل جائیں گے، اس سے باطنی طور پر زخمی ہو جائیں گے، مسیح میں ایمان لانے والی تبدیلی میں پیدائش میں ہونے والی دردِ زہ جیسی اذیت میں سے گزریں گے – اور آخر میں، زندہ، پھل دینے والے مسیحی ہوں گے۔

میں نے غیرتبدیل شُدہ حالت میں سو واعظ سنے ہیں۔ لیکن اگرچہ یہ بُلند آواز، پرانے زمانے کے جنوبی بپتسمہ دینے والے واعظ تھے، لیکن وہ پاک کلام کے انتہائی الفاظ کے بجائے کہانیوں اور تمثیلوں پر زیادہ مرکوز تھے۔ یہ اس وقت تک نہیں تھا جب تک میں نے ایک پرانے زمانے کے بائبل پریسبیٹیرین کو نہیں سنا تھا، جو حقیقت میں کلام پاک کے حوالوں ہی کی تبلیغ کرتا تھا، کہ میں آخرکار مسیح میں ایمان لا کر تبدیل ہو گیا تھا۔ آج میں اس شخص کی مثال پر عمل کرنے کی کوشش کرتا ہوں۔ اس کی طرح، اور ہاویل ہیرس کی طرح، اور وائٹ فیلڈ کی طرح، اور عظیم سپرجیئن کی طرح، میں چند کہانیاں سناتا ہوں، اور چند مثالیں دیتا ہوں۔ غور کریں کہ میں نے اس واعظ میں ایک بھی ایسی چیز نہیں دی جسے اب ’’مِثال‘‘ کہا جاتا ہے۔ کیوں؟ کیونکہ یہ مثالیں نہیں بلکہ خود خدا کا انتہائی کلام ہے جو بائبل کی تبلیغ کے ذریعے انسانی روح کو تبدیل کرتا ہے۔

’’بونے والا خدا کے کلام کا بیج بوتا ہے‘‘ (مرقس 4: 14)۔

ناکہ کہانیاں اور مِثالیں۔

’’کیونکہ خدا کا کلام زندہ اور مؤثر ہے اور وہ ہر دو دھاری تلوار سے زیادہ تیز ہے، یہاں تک کہ جان اور روح کی تقسیم تک کو چیر ڈالتا ہے، اور ہڈیوں کے جوڑوں اور گودے تک کو چیرتا ہوا گزر جاتا ہے، اور دِل کے خیالوں اور اِرادوں کو جانچتا ہے‘‘ (عبرانیوں 4: 12)۔

بائبل کہتی ہے کہ آپ نے گناہ کیا ہے۔ آپ کے گناہ خدا کی کتابوں میں درج ہیں۔ آپ کے گناہ غیر نجات یافتہ مُردوں کی آخری عدالت میں آپ کا سامنا کریں گے۔ آپ کے گناہ آپ کو جہنم کے گڑھے میں بھیج دیں گے۔ ہر وقت اور ابدیت کے لیے، آپ شعلوں میں روتے رہیں گے! آپ کو بائبل کا پیغام ضرور سننا چاہیے اور اس پر عمل کرنا چاہیے، ورنہ آپ خُدا کے غضب سے بچ نہیں سکتے!

یہ بائبل، خدا کا کلام ہے، جو لوگوں کے دلوں کو چیر ڈالتا ہے، انہیں بے چین اور خوفزدہ کرتا ہے، ان کی آنکھوں اور دلوں میں آنسو لاتا ہے، انہیں گرجا گھر سے بھگانا چاہتا ہے – لیکن عجیب اور پراسرار طور پر، انہیں دوبارہ واپس کھینچتا ہے، لرزتے اور روتے ہوئے، مسیح کی انجیل کی طاقت سے تبدیل ہونے کے لیے۔ یہ بائبل ہے، زندہ خُدا کا کلام، جو اُن کے گناہوں سے سخت دلوں کو پِگھلاتا ہے، اُنہیں دیکھاتا ہے کہ اُنہوں نے خُدا کو ناراض کیا ہے، اُنہیں اپنے مقدس خون سے رحم، راستبازی اور پاکیزگی کے لیے یسوع کے قدموں کے پاس آنے پر مجبور کرتا ہے۔ اس لیے

’’بونے والا خدا کے کلام کا بیج بوتا ہے‘‘ (مرقس 4: 14)۔

میں آج رات آپ سے پوچھتا ہوں، کیا خدا کے کلام کی منادی نے آپ کو اس طرح متاثر کیا ہے؟ کیا اس نے آپ کو پکارا،

’’ہائے میں کس قدر بدبخت انسان ہوں! مجھے اِس موت کے جسم سے کون نجات دلائے گا؟‘‘ (رومیوں 7: 24)۔

اگر آپ نے آج رات خُدا کے کلام کی تبلیغ کے تحت پریشان اور غمگین اور کھوئے ہوئے محسوس کیا ہے، تو میں آپ سے پوچھتا ہوں – ’’کیا آپ یسوع مسیح کے پاس آئیں گے؟ کیا آپ اُس کے خون کے وسیلے سے اپنے گناہوں سے پاک ہونا چاہیں گے؟‘‘ آپ کے پریشان دل کو پرسکون کرنے کا کوئی دوسرا راستہ نہیں ہے۔ آپ کے لیے نجات کا تجربہ کرنے کا کوئی دوسرا راستہ نہیں ہے۔ آپ کے گناہوں کی معافی کا کوئی دوسرا راستہ نہیں ہے۔ آپ کے لیے خُدا کے ساتھ صلح کرنے کا کوئی دوسرا راستہ نہیں ہے۔ آپ ہمیشہ ناامید اور کھوئے ہوئے اور گنہگار محسوس کریں گے جب تک کہ آپ یسوع کے پاس نہیں آتے اور اس کے ذریعہ نجات نہیں پاتے۔

’’لہٰذا ایمان کے ذریعے راستباز ٹھہرائے جانے سے، ہم اپنے خداوند یسوع مسیح کے ذریعے خُدا کے ساتھ صلح رکھتے ہیں‘‘ (رومیوں 5: 1)۔

کیا آپ مسیح کے پاس آئیں گے؟ ہم تفتیشی کمرے میں آپ کا انتظار کریں گے تاکہ آپ کو مشورہ دیا جا سکے۔

’’بونے والا خدا کے کلام کا بیج بوتا ہے‘‘ (مرقس 4: 14)۔

میں نے آج رات کلام کی تبلیغ کرنے کی پوری کوشش کی ہے۔ میرا واعظ ختم ہو گیا ہے۔ اب، کیا آپ یسوع پر بھروسہ کریں گے اور نجات پائیں گے؟

اگر آپ اس سادہ واعظ سے اپنے دل میں مان گئے ہیں، اگر آپ چاہتے ہیں کہ یسوع آپ کے گناہ کو صاف کرے، تو کمرے کے پچھلے حصے میں جائیں اور مناد صاحب آپ کو تفتیشی کمرے میں لے جائیں گے تاکہ آپ سے مشاورت کی جا سکے۔ لیکن اس وقت تک نہ جائیں جب تک کہ آپ کی روح خدا کے کلام سے چھید نہ جائے۔ اس وقت تک نہ جائیں جب تک کہ آپ کو گناہ کا احساس نہ ہو۔

آؤ اے بوجھل اور تھکے ہوئے لوگو؛
اپنی تمام تر احتیاط کے ساتھ آؤ۔
گنہگار پریشان ضمیر کے ساتھ آتے ہیں
آپ کے تمام گناہ یسوع کو برداشت کرنے دیں۔
اے بھاری دل، اے تھکی ہوئی جان،
اپنے تمام رنج و غم اور اپنی تمام پریشانیاں لاؤ،
اے گناہ گار توبہ کرنے والے، معافی پیاری ہے
یسوع کے قدموں میں آنے کے لیے یہ آپ کی ہے۔
(’’اے بوجھل دِل والے O Heavy Hearted‘‘ شاعر ڈاکٹر جان آر رائس Dr. John R. Rice،1895۔1980)۔

(واعظ کا اختتام)
آپ انٹر نیٹ پر ہر ہفتے ڈاکٹر ہائیمرز کے واعظ www.sermonsfortheworld.com
یا پر پڑھ سکتے ہیں ۔ "مسودہ واعظ Sermon Manuscripts " پر کلک کیجیے۔

یہ مسوّدۂ واعظ حق اشاعت نہیں رکھتے ہیں۔ آپ اُنہیں ڈاکٹر ہائیمرز کی اجازت کے بغیر بھی استعمال کر سکتے
ہیں۔ تاہم، ڈاکٹر ہائیمرز کے ہمارے گرجہ گھر سے ویڈیو پر دوسرے تمام واعظ اور ویڈیو پیغامات حق
اشاعت رکھتے ہیں اور صرف اجازت لے کر ہی استعمال کیے جا سکتے ہیں۔