ہار مانے بغیر کوئی نجات نہیں!

ایک مشہور ’’فیصلہ ساز‘‘ کتابچہ ان الفاظ سے شروع ہوتا ہے، ’’خدا آپ سے پیار کرتا ہے، اور آپ کی زندگی کے لیے ایک شاندار منصوبہ پیش کرتا ہے۔‘‘ اس طرح کتابچہ شروع ہوتا ہے۔ مسیحیت کو خدا کی طرف کم کر دیا گیا ہے جو ’’آپ کی زندگی کے لیے ایک شاندار منصوبہ‘‘ پیش کرتی ہے۔ اگرچہ یہ مکمل طور پر جھوٹ نہیں ہے، یہ صرف آدھا سچ ہے۔ پوری سچائی زیادہ بائبلی ہوگی۔ یہ بہتر ہوگا کہ کتابچہ کو مسیح کے ’’سخت‘‘ الفاظ سے شروع کیا جائے، ایسے الفاظ جو خُداوند کے منہ سے نکلتے ہیں بجائے کہ کسی انجیلی بشارت کو بیچنے والے بندے کے قلم سے۔

میں جانتا ہوں کہ بیچنے والے بندے کیسے کام کرتے ہیں۔ میرے والد اور ان کے دو بھائی بیچنے والے بندے تھے۔ جیسا کہ پرانی کہاوت ہے، وہ ایسکیموس کو آئس کیوب بیچ سکتے ہیں! میں نے ان سے سیکھا کہ بیچنے والے بندے مشکلات کو کم کرتے ہیں۔ ’’کوئی مسئلہ نہیں ہوگا،‘‘ وہ کہتے ہیں۔ وہ ہر چیز کو اس وقت تک آسان اور آسان بنا دیتے ہیں جب تک کہ وہ ’’بیچنے کے معاملے سے نمٹ نہ لیں۔‘‘

مجھے ڈر ہے کہ ’’فیصلہ کرنے والے‘‘ مبلغین بہت زیادہ بیچنے والے لوگوں کی طرح ہیں جنہیں میں جانتا ہوں۔ وہ آپ پر ’’گنہگار کی دعا‘‘ کہنے کے لیے دباؤ ڈالتے ہیں تاکہ ’’آپ کو [مسیحی بنانے کے] ’’معاملے کو نمٹا لیں۔‘‘ پھر وہ آپ کو بتاتے ہیں کہ مسیحی زندگی کتنی آسان ہے۔ میں نے حال ہی میں ایک کو سنا جس نے حقیقت میں کہا، ’’آپ جو چاہیں گناہ کر سکتے ہیں۔‘‘ وہ سوچتے ہیں کہ اس قسم کے بیچنے کے موقعے کے ذریعے وہ کسی کو ’’پسند‘‘ کر سکتے ہیں اور کبھی کبھار گرجا گھر آ سکتے ہیں۔ تاہم، اس نقطہ نظر کے ساتھ ایک مسئلہ ہے. یہ جھوٹ ہے! یہ آدھا سچ ہو سکتا ہے لیکن آدھا سچ بھی آدھا جھوٹ ہوتا ہے۔ آپ لوگوں کو اُن سے جھوٹ بول کر مسیحی بننے پر آمادہ نہیں کر سکتے!

یسوع کوئی ہوشیار سیلزمین [بیچنے والا بندہ] نہیں تھا۔ اس کے برعکس! لوگوں کے ساتھ اپنے برتاؤ کے بالکل شروع میں، مسیح نے بار بار یہ بات بہت واضح کی کہ ایک حقیقی مسیحی بننے کے لیے کیا ضروری ہے۔

اب، جیسا کہ ہم متی 16: 24-26 میں اپنی تلاوت کو دیکھتے ہیں، آئیے دو سادہ سچائیوں کو ذہن میں رکھیں۔

I۔ پہلی بات، جن لوگوں سے یسوع نے بات کی تھی وہ ابھی تک یسوع میں ایمان لا کر تبدیل نہیں ہوئے تھے۔

آپ بلاشبہ جانتے ہیں کہ یہوداہ تبدیل نہیں ہوا تھا۔ اُس نے تقریباً تین سال تک مسیح کی پیروی کی، لیکن وہ ’’جہنم یا بربادی کا بیٹا‘‘ ہی رہا۔ اس نے مسیح کو دھوکہ دیا، خودکشی کی، اور ’’خود اپنی جگہ‘‘، جہنم میں چلا گیا۔ تو یہ بات واضح ہے کہ کم از کم ایک بندہ یہوداہ، جس سے یسوع نے بات کی تھی تبدیل نہیں ہوا تھا۔ لیکن پطرس کے بارے میں کیا خیال ہے؟ ٹھیک ہے، اگر آپ آیات 21 اور 22 پڑھیں گے تو آپ دیکھیں گے کہ پطرس انجیل پر یقین نہیں کرتا تھا۔ جب یسوع نے انہیں بتایا کہ وہ

’’قتل کیا جائے گا، اور تیسرے دِن مُردوں میں سے جی اُٹھے گا‘‘ (متی 16: 21)،

پطرس نے اُسے [یسوع کو] ملامت کی، یہ کہتے ہوئے،

’’ہرگز نہیں، تیرے ساتھ ایسا کبھی نہ ہو گا‘‘ (متی 16: 22)۔

یسوع مُڑا اور پطرس سے کہا،

’’اے شیطان، میرے پاس سے دور ہو جا: تُو میرے راستے میں رکاوٹ بن رہا ہے، تجھے خدا کی باتوں کا نہیں بلکہ آدمیوں کی باتوں کا خیال ہے‘‘ (متی 16: 23)۔

یہ میرا عقیدہ ہے کہ پطرس اور دوسرے رسول اس وقت تک مسیح میں ایمان لا کر تبدیل نہیں ہوئے جب تک کہ مسیح اپنے جی اُٹھنے کے بعد ان پر ظاہر نہیں ہوا، جب اُس نے

’’اُن پر پھونکا اور اُن سے کہا، تم پاک روح پاؤ‘‘ (یوحنا 20: 22)۔

ڈاکٹر جے ورنن میگی اور ڈاکٹر ڈبلیو اے کرسویل کا یہی نظریہ تھا۔ ڈاکٹر میگی نے کہا،

یہ سچ ہے کہ شمعون پطرس نے کچھ سمجھداری کا مظاہرہ کیا جب اس نے کہا کہ یسوع ہی مسیح ہے، لیکن یہ چند منٹ بعد ہی تھا کہ اس نے یسوع سے کہا کہ صلیب پر نہ جانا اور مرنا۔ میں ذاتی طور پر یقین رکھتا ہوں کہ جس وقت ہمارے خُداوند نے اُن پر پھونک ماری، اور کہا، ’’تم روح القدس حاصل کرو،‘‘ اِن لوگوں کو دوبارہ احیاء ملی [دوبارہ پیدا ہوئے]۔ اس سے پہلے، وہ خُدا کے رُوح کی طرف سے مسلط نہیں ہوئے تھے۔ بائبل میں لفظ ’’ان پر پھونک ماری‘‘ صرف ایک بار آتا ہے۔ پیدائش [2: 7] میں خدا نے آدم میں زندگی کی سانس پھونک دی۔ میں یہاں یقین رکھتا ہوں [یوحنا 20: 22 میں] کہ یسوع مسیح نے ان لوگوں کو خدا کی روح دے کر ہمیشہ کی زندگی پھونک دی (جے ورنن میگی، ٹی ایچ۔ ڈی۔ J. Vernon McGee, Th.D.، بائبل میں سے Thru the Bible، تھامس نیلسن پبلیشرز، 1983، جلد چہارم، صفحہ 498)۔

ڈاکٹر کرسویل نے بنیادی طور پر یہی کہا:

جیسا کہ آدم کی زندگی خُدا کی سانس کے ذریعے دی گئی تھی، اسی طرح رسولوں کو روحانی زندگی کا تحفہ مسیح کے پھونکنے سے دیا گیا تھا (ڈبلیو اے کرسویل، پی ایچ۔ ڈی۔ W. A. Criswell, Ph.D.، کرسویل کا مطالعہ بائبل The Criswell Study Bible، تھامس نیلسن پبلیشرز، 1979، صفحہ 1271، یوحنا 20: 22 پر غور طلب بات)۔

ایسا معاملہ ہونے کی وجہ سے، ہماری تلاوت کے الفاظ میں جن لوگوں سے یسوع نے بات کی تھی، وہ ابھی تک غیر تبدیل شدہ تھے۔ میرے خیال میں یہ بہت اہم ہے۔ اس کا مطلب ہے کہ ہماری تلاوت میں مسیح کے الفاظ اصرار کے ساتھ انجیلی بشارت پر مبنی ہیں۔ مجھے یقین ہے کہ یہ سچ ہے۔ میرا یقین ہے کہ مسیح کے الفاظ توبہ اور ایمان کا تجربہ کرنے کی اپیل ہیں، جو تبدیلی کے دو حصے ہیں۔ توبہ اور ایمان تبدیلی کے دو رخ ہیں۔ توبہ کے بغیر سچے انجیلی بشارت پر مبنی ایمان جیسی کوئی چیز نہیں ہے۔ توبہ اور ایمان مسیح میں ایمان لانے کی ایک حقیقی تبدیلی میں ایک ساتھ چلتے ہیں۔ اور میں مانتا ہوں کہ ان آیات کو آج گمشدہ لوگوں تک انجیلی بشارت کے ساتھ منادی کرنا اتنا ہی ضروری ہے جتنا کہ مسیح کے زمانے میں تھا۔

II۔ دوسرا، جو پیغام ہم مسیح میں ایمان نہ لائے ہوئے غیر تبدیل شدہ لوگوں کو سناتے ہیں اسی طرح ہونا چاہیے جیسا کہ وہ پیغام جو کہ مسیح نے ابھی تک اُس پر ایمان نہ لائے ہوئے غیر تبدیل شدہ لوگوں کو دیا تھا۔

آئیے کھڑے ہوں اور متی 16: 24۔26 کی تلاوت کو باآواز بُلند پڑھیں۔

’’تب یسوع نے اپنے شاگردوں سے کہا، اگر کوئی میری پیروی کرنا چاہتا ہے تو وہ اپنی خودی کا انکار کرے اور اپنی صلیب اُٹھائے اور میرے پیچھے ہو لے۔ کیونکہ جو کوئی اپنی جان کو محفوظ رکھنا چاہے گا اُسے کھوئے گا اور جو اُسے میری خاطر کھوئے گا پھر سے پا لے گا۔ اگر کوئی آدمی ساری دُنیا حاصل کر لے لیکن اپنی جان کا نقصان اُٹھائے تو اُسے کیا فائدہ ہو گا؟ یا آدمی اپنی جان کے بدلے میں کیا دے گا؟‘‘ (متی 16: 24۔26)۔

آپ تشریف رکھ سکتے ہیں۔

نجات کے لیے درکار واحد چیز یسوع پر ایمان ہے۔ لیکن انسانی دل اس وقت تک کے لیے پیچھے ہٹ جاتا ہے جب تک کہ وہ یسوع میں توبہ اور ایمان کو بچانے کا تجربہ نہ کرے۔ گمراہ یا کھوئے ہوئے لوگ اپنا اعتماد مسیح کے بجائے دوسری چیزوں پر رکھتے ہیں۔ میرے نزدیک، یہ خداوند کی نجات کی وضاحت نہیں ہے، بلکہ ایمان کے ساتھ مسیح کو توبہ کرنے اور قبول کرنے کے لیے روح کی تیاری کی تفصیل ہے۔

وہ بشر جو خودی سے انکار کرنے کو تیار نہیں ہے وہ مسیح پر بھروسہ نہیں کرے گا۔ وہ بشر جو مشکلات برداشت کرنے کے لیے تیار نہیں ہے وہ مسیح پر بھروسہ نہیں کرے گا۔ وہ بشر جو مسیح کے مصائب میں پیروی کرنے کو تیار نہیں ہے وہ مسیح پر بھروسہ نہیں کرے گا۔ وہ بشر جو مصیبتوں، ملامتوں اور اذیتوں سے محفوظ رہنا چاہتا ہے، وہ مسیح پر بھروسہ نہیں کرے گا۔ وہ بشر جو مسیح کی وجہ سے کچھ بھی برداشت کرنے کو تیار نہیں ہے وہ مسیح پر بھروسہ نہیں کرے گا۔ کوئی حقیقی نجات نہیں ہے جب تک کہ بشر یسوع مسیح کے سامنے ہتھیار نہ ڈال دے!

یہ سب بہت عملی ہے، آپ جانتے ہیں۔ یہ بالکل وہیں پر ہوتا ہے جہاں ہم رہتے ہیں۔ اس شہر میں برائے نام مسیحیوں کی کثرت ہے۔ یہ ان لوگوں سے بھرا ہوا ہے جو اپنے آپ کو مسیحی کہتے ہیں۔ لیکن کتنے لوگ مسیح کے ان الفاظ کو سنجیدگی سے لیتے ہیں؟

’’اگر کوئی میری پیروی کرنا چاہتا ہے تو وہ اپنی خودی کا انکار کرے اور اپنی صلیب اُٹھائے اور میرے پیچھے ہو لے‘‘ (متی 16: 24)۔

یہ الفاظ کسی خاص طبقے کے لوگوں کو، نام نہاد کہلائے جانے والے ’’مقدسین‘‘ کو نہیں دیے گئے ہیں۔ جی نہیں، یسوع کہتا ہے، ’’اگر کوئی بندہ میرے پیچھے آئے تو وہ اپنی خودی کا انکار کرے۔‘‘ یہ کسی بھی ایسے شخص کے لیے ہے جو حقیقی مسیحی بننا چاہتا ہے۔ یہ اختیاری نہیں ہے۔

کوئی کہہ سکتا ہے، ’’آپ مجھ سے اپنی پوری زندگی بدلنے کی امید کیسے رکھ سکتے ہیں؟ میں نے ویسے پرورش نہیں پائی جیسے آپ نے پائی۔‘‘ اس کے دو جواب ہیں۔ سب سے پہلے، یہ میں نے نہیں کہا تھا! یہ یسوع ہی تھا جس نے یہ کہا تھا۔ دوسرا، میری پرورش بطور مسیحی نہیں ہوئی تھی۔ مجھے بچپن میں گرجہ گھر نہیں لے جایا گیا تھا۔ میرا خاندان برائے نام مسیحی بھی نہیں تھا۔ مجھے اپنے دونوں والدین کے ساتھ ایک ہی وقت میں گرجہ گھر میں بیٹھنے کا واحد موقع اُس وقت ملا تھا جب میں نے ان سے التجا کی کہ وہ میرے ساتھ بپتسمہ دینے والے گرجہ گھر میں ’’گڈ فرائیڈے‘‘ کی عبادت میں آئیں۔ اور میرے والد پادری کی اس عبادت میں کہی گئی بات پر غصے میں تھے۔ اُںہوں نے کہا کہ وہ پھر کبھی بپٹسٹ گرجا گھر نہیں جائیں گے۔ یہ واحد موقع تھا جب میں اپنے دونوں والدین کے ساتھ ایک ساتھ گرجہ گھر گیا تھا، جب میں چودہ سال کا تھا، حالانکہ میرے دونوں والدین اپنے بڑھاپے میں گرجا گھر آئے تھے، ان کی طلاق اور دوبارہ شادی کرنے کے کافی عرصے بعد۔ بڑھاپے میں وہ دونوں بھرپوراُمید کے ساتھ مسیحی ہوئے تھے۔ میری والدہ اسی سال کی عمر میں ایک بہت ہی شاندار مسیحی بن گئیں۔

لہذا، میں نے مسیحی ہونے کے لیے پرورش نہیں پائی تھی۔ اور نہ ہی ہمارے گرجہ گھر میں زیادہ تر لوگوں نے پائی تھی۔ ان میں سے تقریباً سبھی بعد میں نوعمری اور نوجوان بالغوں کے طور پر مسیح میں ایمان لا کر تبدیل ہوئے تھے۔ پس یسوع کے یہ الفاظ آپ پر لاگو ہوتے ہیں، جیسا کہ اُنہیں ہم سب پر لاگو کیا تھا۔

’’اگر کوئی میری پیروی کرنا چاہتا ہے تو وہ اپنی خودی کا انکار کرے اور اپنی صلیب اُٹھائے اور میرے پیچھے ہو لے‘‘ (متی 16: 24)۔

اور پھر یسوع نے کہا،

’’کیونکہ جو کوئی اپنی جان کو محفوظ رکھنا چاہے گا اُسے کھوئے گا اور جو اُسے میری خاطر کھوئے گا پھر سے پا لے گا‘‘ (متی 16: 25)۔

اِس تلاوت کے بارے میں ڈاکٹر گِل نے کہا،

جو شخص اپنے آپ کو مصیبتوں، ملامتوں، ایذارسانی اور موت سے بچانے کا خواہشمند ہو؛ اور ایسا کرنے کے لیے ایسا طریقہ اختیار کرتا ہے، جیسا کہ مسیح کو ترک کر کے، اس کی انجیل کا انکار کر کے، اور اس کی وجہ سے اپنا پیشہ چھوڑ کر؛ اور ایسا کرنے سے، لوگوں کی حمایت کو لبھاتا ہے، خود کو دُنیاوی دلالی کی خاطر… عزت، سکون، لذت اور زندگی، اس سے محروم ہو جائے گی۔ وہ اپنے آپ کو خدا کے غضب، ہمیشہ کی سزا، جہنم میں روح اور جسم کی تباہی کے لیے بے نقاب کرے گا… اور جو بھی میری خاطر اپنی جان کھو دے گا؛ یعنی، وہ زندگی کی لذتوں اور راحتوں کو ترک کرنے کے لیے تیار ہے… مسیح اور انجیل کی خاطر، اس کا انکار کرنے کے بجائے، خود کو زندگی دینے کے لیے… تو اسے مل جائے گا؛ دوسری دنیا میں، بڑا فائدہ ہو گا؛ وہ ایک لافانی اور ابدی زندگی کا لطف اٹھائے گا (جان گل، ڈی۔ڈی۔ John Gill D.D.، پرانے اور نئے عہدنامے کی ایک تفسیر An Exposition of the Old and New Testament، دی بیپٹسٹ سٹینڈرڈ بیئرر، 1989 دوبارہ اشاعت، جلد 7، صفحہ 189، متی 16: 25 پر غور طلب بات)۔

اور، پھر، آئیے تلاوت کی آخری آیت کو پڑھیں۔ مہربانی سے کھڑے ہو جائیں اور متی 16: 26 آیت کو باآوازِ بُلند پڑھیں۔

’’کیونکہ اگر کوئی آدمی ساری دُنیا حاصل کر لے لیکن اپنی جان کا نقصان اُٹھائے تو اُسے کیا فائدہ ہو گا؟ یا آدمی اپنی جان کے بدلے میں کیا دے گا؟‘‘ (متی 16: 26)۔

آپ تشریف رکھ سکتے ہیں۔

جنوب مشرقی ایشیا اور چین میں کمیونسٹ حکومت کی پابندیوں اور ظلم و ستم کے باوجود مسیحیت بڑی تیزی سے بڑھ رہی ہے۔ برما (جسے اب میانمار کہا جاتا ہے) میں فوجی حکومت نے طاقت کے ذریعے ملک کو مسیحیوں سے نجات دلانے کا پروگرام شروع کر چکا ہے۔ اس منصوبے کا عنوان ہے، ’’برما میں مسیحی مذہب کو ختم کرنے کا پروگرام۔‘‘ بینیڈکٹ راجرز، عالمگیر سطح پر مسیحی یکجہتی کی وکالت کے جنوبی ایشیا کے افسر نے کہا، ’’[برما میں] تقریباً ہر قسم کی انسانی حقوق کی خلاف ورزیاں ہو رہی ہیں‘‘ (آج کی مسیحیت Christianity Today، اپریل، 2007، صفحہ 21)۔ اس کے باوجود برما اور تھائی لینڈ کے درمیان سرحدوں کے ساتھ ساتھ، مسیحیت حیران کن شرح سے بڑھ رہی ہے، ہر سال ہزاروں لوگ مسیح کے پاس آتے ہیں۔ اور جس طرح چین میں ’’مسیحی مذہب کو ختم کرنے‘‘ کا منصوبہ ناکام ہوا ہے، اسی طرح یہ برما میں بھی ناکام ہو جائے گا۔ کیوں؟ کیونکہ خُدا مسیح کے الفاظ کی سچائی کو دیکھنے کے لیے ایشیا میں لاکھوں لوگوں کی آنکھیں کھول رہا ہے،

’’کیونکہ اگر کوئی آدمی ساری دُنیا حاصل کر لے لیکن اپنی جان کا نقصان اُٹھائے تو اُسے کیا فائدہ ہو گا؟ یا آدمی اپنی جان کے بدلے میں کیا دے گا؟‘‘ (متی 16: 26)۔

آج کی مسیحیت Christianity Today کا وہی ایڈیشن جس نے برما کی صورتحال کو رپورٹ کیا، رپورٹ کرتا ہے کہ ایک کمیونسٹ ’’حکومت کے زیر اہتمام سروے میں چین میں 300 ملین مذہبی ایماندار پائے گئے۔ حکومتی اعدادوشمار نے پہلے یہ تعداد 100 ملین بتائی تھی‘‘ (آج کی مسیحیت Christianity Today، گذشتہ بات کے تسلسل میں ibid.)۔ لیکن یہ خیال کیا جاتا ہے کہ 300 ملین کی تعداد بھی شاید چین میں مسیحیوں کی اصل تعداد سے کم ہے، جو واقعی حیران کن ہے: شاید 400 ملین یا اس سے زیادہ تعداد ہے۔ ایک اندازے کے مطابق چین میں ہر گھنٹے میں ایک ہزار سے زیادہ لوگ مسیحیت کو اختیار کرتے ہیں – ہر روز چوبیس گھنٹے! اب چین میں ہر اتوار کو پورے یورپ کے مقابلے زیادہ لوگ گرجا گھر میں آتے ہیں۔ موجودہ ترقی کی شرح پر، جنوب مشرقی ایشیا اور چین نہ صرف یورپ بلکہ امریکہ کو بھی اگلی ایک دہائی میں فعال مسیحیوں کی تعداد میں پیچھے چھوڑ دیں گے۔ ایشیا میں مسیحیت کا دھماکہ دنیا کی تاریخ میں مسیحیت کے سب سے بڑے احیاء میں سے ایک ہے۔ اور ہم اس پر خداوند کا شکر ادا کرتے ہیں۔

ایسٹ چائنا نارمل یونیورسٹی کے پروفیسر ڈاکٹر لیو ژونگیو نے سماجی طور پر چین میں مسیحیت کی تیز رفتار نشوونما کی وضاحت کی، جب انہوں نے کہا، ’’زیادہ تر چینی غیر مستحکم اور بے بنیاد زندگیوں سے پریشانی محسوس کرتے ہیں... وہ اپنی زندگیوں کو مضبوط کرنے کے لیے کچھ تلاش کر رہے ہیں‘‘ (آج کی مسیحیت Christianity Today، گذشتہ بات کے تسلسل میں ibid.)۔ یہ ایک کمیونسٹ کا سماجی جواب ہے۔ لیکن حقیقی جواب اس حقیقت میں مضمر ہے کہ خدا ایشیائی باشندوں کی روحانی آنکھیں مسیح کے الفاظ کی سچائی کے لیے کھول رہا ہے،

’’کیونکہ اگر کوئی آدمی ساری دُنیا حاصل کر لے لیکن اپنی جان کا نقصان اُٹھائے تو اُسے کیا فائدہ ہو گا؟ یا آدمی اپنی جان کے بدلے میں کیا دے گا؟‘‘ (متی 16: 26)۔

اِس کے باوجود، افسوسناک طور پر، جب ایشیائی امریکہ میں آتے ہیں تو وہ مادیت پرستی میں نگلے جاتے ہیں، جو انہیں زیادہ تر امریکیوں کی جھوٹی بے دینیت کی فضولیت سے اندھا کر دیتی ہے۔

چو سی اُنگ ہوئیCho Seung-hui نے گزشتہ ہفتے ورجینیا ٹیک میں کالج کے 32 طالب علموں کو قتل کیا، اور پھر خود کو ہلاک کر لیا۔ یہ [خبر] اس ہفتے تمام خبروں میں چلتی رہی ہے۔ لیکن یہاں ان کہی کہانی ہے۔ چو 1984 میں سیول، جنوبی کوریا میں پیدا ہوا تھا۔ اس کا خاندان کوریا میں غریب تھا، کرائے کے تہہ خانے میں رہتا تھا۔ سیول میں ان کے سابق مالک مکان نے کہا، ’’وہ [جنوبی کوریا میں] غریب زندگی گزار رہے تھے۔‘‘ انہوں نے یہ بھی کہا کہ چو کے والد نے انہیں بتایا، ’’وہ امریکہ جا رہے تھے کیونکہ یہاں رہنا مشکل ہے۔‘‘

چو کا خاندان 1992 میں، جب وہ 8 سال کا تھا، اپنے والدین اور ایک بڑی بہن کے ساتھ امریکہ چلا گیا۔ والدین نے اپنی بیٹی کو پرنسٹن یونیورسٹی اور اپنے بیٹے کو ورجینیا ٹیک میں پڑھانے کی خاطر داخل کرنے کے لیے ڈرائی کلینر پر کام کیا۔ انہوں نے صبح سویرے سے لے کر رات گئے تک طویل گھنٹوں کام کیا، تاکہ وہ اپنے بچوں کو وہ سب کچھ دے سکے جو وہ خرید سکتے ہیں۔ لیکن وہ پیسے کمانے میں اتنے مصروف تھے کہ ان کے پاس چو کے ساتھ گزارنے کے لیے بہت کم وقت تھا۔ وہ اکیلا ہو گیا۔ پھر وہ باہر نکل گیا۔ اب وہ اور 32 دیگر طلباء مر چکے ہیں۔

چو کی موت میں ہر اُس ایشیائی کے لیے ایک سبق ہے جو یہاں ’’گولڈن ماؤنٹین‘‘ پر آتا ہے، جیسا کہ چینی امریکہ کو کہتے ہیں۔ اس سانحہ سے ایشیائی والدین کو جو سبق سیکھنا چاہیے وہ یہ ہے:

’’کیونکہ اگر کوئی آدمی ساری دُنیا حاصل کر لے لیکن اپنی جان کا نقصان اُٹھائے تو اُسے کیا فائدہ ہو گا؟ یا آدمی اپنی جان کے بدلے میں کیا دے گا؟‘‘ (متی 16: 26)۔

امریکی والدین کو بھی یہ سبق سیکھنا چاہیے۔

نوجوانو، چو سی اُنگ ہوئی کا المیہ آپ کو اپنی زندگی کی پوری سمت اور مقصد پر نظر ثانی کرنے پر مجبور کرے۔ پیسے کو اپنی زندگی میں ایک ثانوی چیز بنائیں، ورنہ آپ امریکی مادیت کے کھلونوں اور پیدائشی زیورات کے درمیان کسی نہ کسی طریقے سے اپنی جان کھو دیں گے۔ ابھی فیصلہ کریں کہ پیسے جمع کرنے کو ایک ثانوی حصول بنائیں۔ یسوع مسیح کو اپنی زندگی میں پہلی جگہ پر رکھیں! جب بھی دروازہ کھلا ہوتا ہے گرجا گھر میں رہیں۔ اس مقامی گرجہ گھر میں یسوع مسیح کے لیے کافی وقت نکالیں۔ ایسا کرنے پر آپ کے والدین اور دوستوں کو آپ کو ’’احمق‘‘ کہنے دیں۔ وہ غلط ہوں گے جب وہ [ایسا] کریں گے،

’’کیونکہ اگر کوئی آدمی ساری دُنیا حاصل کر لے لیکن اپنی جان کا نقصان اُٹھائے تو اُسے کیا فائدہ ہو گا؟ یا آدمی اپنی جان کے بدلے میں کیا دے گا؟‘‘ (متی 16: 26)۔

وہ کہہ سکتے ہیں کہ آپ گرجہ گھر میں بہت زیادہ وقت گزار رہے ہیں، اور وہ آپ کی حوصلہ شکنی [گرجا گھر میں] آنے کے لیے کر سکتے ہیں۔ لیکن وہ لوگ غلط ہوں گے – اور آپ یسوع مسیح کو اپنی زندگی میں پہلی جگہ دینے کے لیے درست ہوں گے۔

ڈیٹریچ بونہیفرDietrich Bonhoeffer جرمنی میں ایک لوتھرن پادری تھا جِنہوں نے مسیح کی تبلیغ کی اور دوسری جنگ عظیم کے دوران ہٹلر کے خلاف مزاحمت کی۔ اُس جنگ کے خاتمے سے چند دن پہلے ہٹلر کے نازیوں نے اُن کی گردن کو رسی سے کس کر وار کیا، اور وہ 39 سال کی عمر میں یسوع مسیح کے لیے شہید ہو گئے۔ اُنہیں اُن کے عقیدے کی وجہ سے تشدد کا نشانہ بنایا گیا اور قتل کر دیا گیا، جو کہ ایک مسیحی کی بُلاہٹ کو حاصل ہونے والا سب سے بڑا اعزاز ہے، وہ اعزاز جسے خدا اپنے بیٹے کی خاطر قربان ہونے کے لیے قیمتی شمار کرتا ہے۔ جنگ سے ٹھیک پہلے اُن کی شاگردی کی قیمت The Cost of Discipleship کے عنوان سے لکھی گئی ایک کتاب میں، بونہوفر نے اب مشہور ہونے والے یہ الفاظ لکھے، ’’جب مسیح کسی آدمی کو پکارتا ہے، تو وہ اسے آنے اور مرنے کی پیشکش کرتا ہے‘‘ (ڈیٹریچ بونہیفرDietrich Bonhoeffer، شاگردی کی قیمت The Cost of Discipleship، کولیئر بُکس، 1963 دوبارہ اشاعت، صفحہ 99)۔ بونہیفر نے اس پر یقین کیوں کیا، اور واقعی میں، مسیح کے لیے قربان ہو کر ایسا کیا؟ اس نے ایسا اس لیے کیا کیونکہ اس نے محسوس کیا کہ مسیح سے وابستگی ’’صرف تنہا یسوع مسیح کی غلامی سے زیادہ کچھ نہیں، ہر پروگرام، ہر آئیڈیل، [انسانی] قوانین کے ہر سیٹ کو مکمل طور پر توڑنا ہوتا ہے۔ کوئی دوسری اہمیت ممکن نہیں، کیونکہ یسوع ہی واحد اہمیت ہے۔ یسوع کے علاوہ کسی چیز کی کوئی اہمیت نہیں، وہ اکیلا ہی اہمیت رکھتا ہے۔‘‘ (بونہیفر، گذشتہ بات کی تسلسل میں ibid.، صفحہ 63)۔

ایمان کے وسیلے سے مسیح کے پاس آئیں! خود کو اُس کے سپرد کر دیں! اُس پر بھروسہ کریں! اُس کے پاس آئیں چاہے اس کی کوئی بھی قیمت کیوں نہ چُکانی پڑے! کیونکہ آخر میں صرف مسیح ہی اہمیت رکھتا ہے، اور ’’جب مسیح کسی آدمی کو پکارتا ہے، تو وہ اسے آنے اور قربان ہونے کی پیشکش کرتا ہے۔‘‘ کیونکہ یہ اس دنیا کی لذتوں اور منافعوں کے لیے مرنے میں ہے کہ ہم یسوع مسیح میں ابدی زندگی کے لیے نئے سرے سے پیدا ہوئے ہیں۔ اور، آخر میں، صرف مسیح ہی اہمیت رکھتا ہے!

’’کیونکہ اگر کوئی آدمی ساری دُنیا حاصل کر لے لیکن اپنی جان کا نقصان اُٹھائے تو اُسے کیا فائدہ ہو گا؟ یا آدمی اپنی جان کے بدلے میں کیا دے گا؟‘‘ (متی 16: 26)۔

مسیح کے پاس آئیں۔ اپنے آپ کو ایمان کے وسیلے سے اُس کے حوالے کر دیں، اور اس کا خون آپ کے ہر گناہ کو دھو دے گا۔ ایمان کے وسیلے سے مسیح کے پاس آئیں۔ اپنے دل کو اس کے حوالے کر دیں۔ وہ مُردوں میں سے جی اُٹھا ہے، آسمان میں خدا باپ کے داہنے ہاتھ پر بیٹھا ہے۔ دنیا کی لذتوں اور گناہوں کو قربان کر کے یسوع کے پاس آئیں، کیونکہ یہ اُس کے ساتھ ایمان کے وسیلے سے مرنے اور جینے میں ہے کہ ہم ابدی زندگی کے لیے دوبارہ پیدا ہوتے ہیں! یہی مسیح میں ایمان لانے کی حقیقی تبدیلی ہے! آئیے کھڑے ہو کر آپ کے گیتوں کے ورق پر سے گیت نمبر سات گائیں۔ پورے جوش و خروش سے گائیں!

ٓقا کو اپنا بہترین پیش کریں؛
     اپنی جوانی کی قوت کو پیش کر دیں۔
اپنی جان کا چمکتا دمکتا ہوا جذبہ حوالے کر دیں۔
     سچائی کی جنگ میں۔
یسوع نے مثال قائم کی ہے؛
     وہ جوان اور بہادر بہت نڈر تھا۔
اُسے اپنی وفاداری پیش کر دیں،
     اسے بہترین دیں جو آپ کے پاس ہے۔
آقا کو اپنا بہترین پیش کریں؛
     اپنی جوانی کی قوت کو پیش کر دیں۔
نجات کے مکمل بکتر میں ملبوس،
حق کی جنگ میں شامل ہوں۔
آقا کو اپنا بہترین پیش کریں؛
     اسے اپنے دل میں پہلی جگہ دیں۔
اسے اپنی عبادت میں اولیت جگہ پر رکھیں؛
     ہر حصے کو مقدس کریں۔
بانٹیں اور تمہیں دیا جائے گا۔
     خدا نے اپنے پیارے بیٹے کو دیا۔
شکر گزاری سے اس [خدا] کی خدمت کی تلاش میں،
اسے بہترین دیں جو آپ کے پاس ہے۔
آقا کو اپنا بہترین پیش کریں؛
     اپنی جوانی کی قوت کو پیش کر دیں۔
نجات کے مکمل بکتر میں ملبوس،
     حق کی جنگ میں شامل ہوں۔
آقا کو اپنا بہترین پیش کریں؛
     اس کے علاوہ کوئی بھی اس کی محبت کے لائق نہیں ہے۔
اس نے خود کو آپ کے فدیے کے لیے دے دیا،
     عالم بالا میں اُس نے اپنے جلال کو ترک کر دیا۔
بڑبڑائے بغیر اپنی جان دے دی،
     آپ کو گناہ کی بربادی سے بچانے کے لیے۔
دِل سے اُس کو اپنی تعظیم پیش کریں؛
     اسے بہترین دیں جو آپ کے پاس ہے۔
آقا کو اپنا بہترین پیش کریں؛
     اپنی جوانی کی قوت کو پیش کر دیں۔
نجات کے مکمل بکتر میں ملبوس،
     حق کی جنگ میں شامل ہوں۔
(’’آقا کو اپنا بہترین پیش کروGive of Your Best to the Master‘‘
شاعر ہاورڈ بی گروس Howard B. Grose، 1851۔1939)۔

(واعظ کا اختتام)
آپ انٹر نیٹ پر ہر ہفتے ڈاکٹر ہائیمرز کے واعظ www.sermonsfortheworld.com
یا پر پڑھ سکتے ہیں ۔ "مسودہ واعظ Sermon Manuscripts " پر کلک کیجیے۔

یہ مسوّدۂ واعظ حق اشاعت نہیں رکھتے ہیں۔ آپ اُنہیں ڈاکٹر ہائیمرز کی اجازت کے بغیر بھی استعمال کر سکتے
ہیں۔ تاہم، ڈاکٹر ہائیمرز کے ہمارے گرجہ گھر سے ویڈیو پر دوسرے تمام واعظ اور ویڈیو پیغامات حق
اشاعت رکھتے ہیں اور صرف اجازت لے کر ہی استعمال کیے جا سکتے ہیں۔