ایک گمراہ شخص کو گرجا گھر کیوں آنا چاہیے

ارتداد کے ان عجیب دنوں میں مقامی گرجا گھر کی بہت سے لوگ تذلیل کر رہے ہیں اور اسے غیر اہم سمجھتے ہیں۔ میں متفق نہیں ہوں۔ پرانے زمانے کی بپٹسٹ کے طور پر میں مقامی نئے عہد نامے کے گرجہ گھر کی فضیلت اور ضرورت پر یقین کرنے کے لیے کافی ہوں! یسوع نے کہا،

’’اس چٹان پر میں اپنا گرجہ گھر بناؤں گا؛ اور جہنم کے دروازے اس پر غالب نہیں آئیں گے‘‘ (متی 16: 18)۔

مجھے یقین ہے کہ وہ یروشلم میں مقامی کلیسیا یا گرجہ گھر کے بارے میں بات کر رہا تھا۔ اُس نے کہا، ’’میں اپنی کلیسیا بناؤں گا۔‘‘ مسیح کلیسیاؤں یعنی [مقامی گرجا گھروں] کی تعمیر کے لیے آیا تھا اور کچھ نہیں۔ کیوں؟ کیونکہ مقامی گرجہ گھر کی جگہ کوئی اور چیز نہیں لے سکتی!

ہمارے بعد از مسیحی دور کے نوجوانوں کو ہر اتوار کو نئے عہد نامے کے بپتسمہ دینے والے گرجہ گھر میں ہونے کی ضرورت ہے! مجھے یہ کہنے پر تنقید کا نشانہ بنایا گیا ہے – لیکن میں یہ کہتا رہوں گا – کیونکہ یہ قطعی سچائی ہے! ہر مرتبہ جب بھی دروازہ کھلا ہوتا ہے آپ کو اس گرجہ گھر میں ہونے کی ضرورت ہے۔

’’لیکن،‘‘ آپ کہتے ہیں، ’’میں مسیحی نہیں ہوں۔ کیا مجھے گرجا گھر آنے کے لیے مسیحی ہونے تک انتظار نہیں کرنا چاہیے؟‘‘ نہیں! یہ شیطان کی طرف سے ایک تِلملاتا خیال ہے۔ وہ جھوٹا ہے، اور جھوٹ کا باپ ہے۔ یہاں تک کہ اگر آپ ابھی تک مسیحی نہیں ہیں، آپ کو ہر اتوار کو اس گرجہ گھر میں ہونے کی ضرورت ہے!

یسوع نے کہا، ’’لوگوں کو مجبور کرو کہ وہ آئیں‘‘ (لوقا 14: 23)۔ اُس نے یہ نہیں کہا، ’’جاؤ اور اُنہیں خوشخبری کا ایک کِتابچہ دو۔‘‘ میں انجیل کے خطوط کے خلاف نہیں ہوں۔ ان کے لیے خداوند کا شکر ہے۔ لیکن مسیح کے زمانے میں ان کے پاس کوئی پرنٹنگ پریس یعنی چھاپا خانہ نہیں تھا۔ ان کے پاس کاغذ بھی نہیں تھا جیسا کہ ہم جانتے ہیں! یہی وجہ ہے کہ یسوع نے یہ نہیں کہا، ’’جاؤ اور انہیں کاغذ کا ایک ٹکڑا دو۔‘‘ ان کے پاس کچھ بھی نہیں تھا! نہیں! اُس نے کہا، ’’باہر شاہراہوں اور باڑوں میں جاؤ، اور لوگوں کو مجبور کرو کہ وہ آئیں، تاکہ میرا گھر بھر جائے‘‘ (لوقا 14: 23)۔

آپ میں سے بہت سے لوگوں کو آج کی صبح یہاں لایا گیا تھا۔ یہ آپ کی زندگی میں پہلی بار ہے کہ آپ انجیل کی منادی کرنے والے کسی گرجہ گھر میں تھے۔ ہم گاڑیوں میں کیوں گئے اور آپ کو لِفٹ دے کر یہاں کیوں لائے؟ ہم نے یہ کیا کیونکہ یسوع مسیح نے ہمیں ایسا کرنے کو کہا تھا! اُس نے کہا، ’’باہر جاؤ… اور لوگوں کو مجبور کرو کہ وہ آئیں، تاکہ میرا گھر بھر جائے۔‘‘ مجھے اس سے کوئی فرق نہیں پڑتا کہ ایسا کرنے پر کون ہم پر تنقید کرتا ہے – ہم کبھی رکنے والے نہیں ہیں! مسیح نے ہمیں کہا کہ آپ کو اُس [یسوع کے] گھر میں لے آئیں، ’’زندہ خدا کی کلیسیا، سچائی کا ستون اور زمین‘‘ (1 تیمتھیس 3: 15)۔

کون جائے گا اور اس چرواہے کی مدد کرے گا، اس کی مدد کرے گا کہ بھٹکنے والوں کو تلاش کرے؟
کھوئے ہوئے لوگوں کو کون لائے گا، کہاں ٹھنڈ سے پناہ ملے گی؟
اُنہیں اندر لے کر آئیں، اُنہیں اندر لے کر آئیں، اُنہیں گناہ کے میدانوں میں سے اندر لے کر آئیں؛
اُنہیں اندر لے کر آئیں، اُنہیں اندر لے کر آئیں، آوارہ گردی کرتے ہوؤں کو یسوع کے پاس لائیں۔
(’’اُنہیں اندر لے کر آئیںBring Them In‘‘ شاعر ایلیکسزینہ تھامس Alexcenah Thomas، 19ویں صدی)۔

’’راستوں اَور کھیتوں کی باڑوں کی طرف نکل جا اَور لوگوں کو مجبُور کر کہ وہ آئیں۔‘‘ انہیں گناہ کے کھیتوں سے باہر لے آؤ! ’’گمشدہ لوگوں کو کون [جماعت یعنی مقامی کلیسیا میں] واپس لائے گا؟‘‘ ’’فولڈ fold‘‘ کیا ہے؟ یہ مقامی گرجا گھر یا کلیسیا ہے – یہی ہے جس کی بات ہو رہی ہے! انہیں مقامی گرجا گھر میں لے آئیں – اور پھر نجات پانے کے لیے یسوع کے پاس لائیں! اسی لیے ہم آج صبح آپ کو یہاں لائے ہیں! کسی کو بتائیں کہ میں نے یہ کہا – اور اسے انٹرنیٹ پر ڈال دیں! میں ایک پرانے زمانے کے بپتسمہ دینے والے کے طور پر نئے عہد نامے کے مقامی گرجہ گھر کی اولیت پر یقین کر سکنے کے لیے کافی ہوں۔ کچھ جدید بپتسمہ دینے والے گرجا گھر کی [حیثیت کو] گھٹ کر دیتے ہیں اور کہتے ہیں کہ یہ اہم نہیں ہے۔ سرا سر بکواس! مسیح نے کہا، ’’اس چٹان پر میں اپنا گرجہ گھر بناؤں گا‘‘! ہمیں ’’شاہراہوں اور باڑوں میں جانے کی ضرورت ہے، اور لوگوں کو مجبور کرنے کی ضرورت ہے کہ وہ آئیں، تاکہ میرا گھر بھر جائے‘‘!

کیا گمشدہ یعنی گمراہ لوگوں کو گرجہ گھر لایا جانا چاہیے؟ آپ شرط لگاتے ہیں! یہاں تک کہ اگر آپ حقیقی مسیحی نہیں ہیں، تو آپ کو اس انجیل کی منادی کرنے والے گرجہ گھر میں ہونے کی ضرورت ہے۔ میں آپ کو چھ وجوہات بتانے جا رہا ہوں جن میں آپ کو ہر اتوار کو یہاں اس گرجہ گھر میں ہونے کی ضرورت ہے۔ اب آپ سنیں۔ ارتداد کے اس دور میں – آپ یہ ٹی وی پر نہیں سنیں گے، آپ آج کسی بھی جگہ یہ نہیں سنیں گے۔ نوجوانو، غور سے سنیں۔ یہاں چھ وجوہات ہیں جن کے لیے آپ کو گرجہ گھر میں ہر بار دروازہ کھلا ہونے کی صورت میں موجود ہونے کی ضرورت ہے۔

I۔ پہلی بات – اچھے دوست بنانے کے لیے گرجا گھر ایک بہترین جگہ ہے۔

ہم معذرت کیے بغیر کہتے ہیں، ’’تنہا کیوں رہا جائے؟ گھر چلے آئیں – گرجا گھر کے لیے!‘‘ یہ پرانا شہر آج نوجوانوں کے لیے ایک تنہا جگہ ہے۔ بہت کم لوگ ہیں جن پر آپ اعتماد کر سکتے ہیں۔ یہ شہر ’’زنا، ناجائز جنسی تعلقات، ناپاکی، شہوت پرستی، بت پرستی، جادو ٹونے، نفرت، فرق، تقلید، غیض وغضب، جھگڑے و فساد، فتنوں، بدعتوں، حسد، قتل، شراب نوشی، بدگمانیوں سے بھرا ہوا ہے‘‘ (گلتیوں 5: 19-21)۔ یہ پرانا شہر ایک جہنم ہے، اور آپ جانتے ہیں! آپ کو اپنے دوست بنانے کے لیے اچھے لوگ کہاں ملیں گے؟ ایک بار میں؟ رقص کی ایک تقریب میں؟ منشیات کی پارٹی میں؟ بس آپ کو ایسے دوست کہاں ملیں گے جن پر آپ بھروسہ کر سکیں؟ گھر چلے آئیں – گرجہ گھر کے لیے! یہ وہ جگہ ہے جہاں آپ کو ’’محبت، خوشی، امن، تحمل، نرمی، نیکی، ایمان، حلیمی، تحمل‘‘ والے لوگ ملیں گے (گلتیوں 5: 22-23)۔ گھر چلے آئیں – گرجہ گھر کے لیے! کچھ حقیقی دوست تلاش کریں جن پر آپ اعتماد کر سکتے ہیں!

لہذا، پہلے نمبر پر، گرجہ گھر آئیں کیونکہ اچھے دوست بنانے کے لیے یہ زمین پر بہترین جگہ ہے – اس لیے آپ تنہا نہیں ہوں گے۔ یہ پہلی وجہ ہے کہ جب بھی دروازہ کھلا ہوتا ہے تو آپ کو گرجہ گھر میں ہونا چاہیے۔

II۔ دوسری بات – اتوار کو ہونے کے لیے گرجا گھر بہترین جگہ ہے۔

اتوار وہ دن ہے جس دن مسیح مُردوں میں سے جی اُٹھا۔ یہ رومن کیلنڈر پر ہفتے کا پہلا دن تھا۔ 1 کرنتھیوں 16: 2 کے مطابق، ابتدائی مسیحی ہر ہفتے کے ’’پہلے دن‘‘ اِکٹھے ہو کر ملتے تھے۔ وہ دوسرے دنوں میں ایک ساتھ ملتے تھے، جیسا کہ ہم اپنے گرجہ گھر میں کرتے ہیں۔ لیکن اُنہوں نے پہلا دن خاص طور پر اتوار کو مسیح کے جی اُٹھنے کو یاد کرنے کے لیے الگ رکھا۔ ’’اور وہ رسولوں کی تعلیم اور رفاقت میں اور روٹی توڑنے اور دعاؤں میں ثابت قدم رہے‘‘ (اعمال 2: 42)۔

گرجا گھر اتوار کو ہونے کی بہترین جگہ ہے۔ میں جانتا ہوں کہ یہ آپ کو عجیب لگ سکتا ہے۔ آپ اس عظیم بے دین، بے خدا شہر لاس اینجلز سے باہر آتے ہیں، جہاں ہر چیز اتوار کو گرجا گھر میں ہونے کے خلاف ہے۔ یہاں تک کہ وہ اتوار کی صبح کو اتوار کی عبادت کے روایتی وقت کے دوران، لاس اینجلس میراتھن دوڑاتے ہیں۔ وہ سڑکوں کو بند کر دیتے ہیں، جس سے ہمارے لیے یہاں شہر کے بیچ میں گرجا گھر جانا انتہائی مشکل ہو جاتا ہے۔ جب انہیں گرجا گھر میں ہونا چاہیے تو دسیوں ہزار لوگ سڑکوں پر بے دردی سے دوڑتے ہیں۔

جب پرانے زمانے کا بپتسمہ دینے والا ایک مبلغ آپ کو بتاتا ہے کہ آپ کو ہر اتوار کی صبح انجیل کی تبلیغ کرنے والے گرجہ گھر میں ہونا چاہیے، میں جانتا ہوں کہ یہ آپ کے لیے ایک نو کافر پس منظر سے تعلق رکھنے والے نوجوانوں کے لیے مشکل اور مشکل ترین لگتا ہے۔ لیکن یہ اب بھی سچ ہے۔ گرجا گھر اتوار کو ہونے کے لیے بہترین جگہ ہے – ہر اتوار! کیوں؟ کیونکہ

’’دُنیا اور اُس کی ہوس مٹ جاتی ہے لیکن جو خُدا کی مرضی پر چلتا ہے وہ ابد تک قائم رہتا ہے‘‘ (1 یوحنا 2: 17)۔

یہ دنیا ختم ہو رہی ہے۔ جلد ہی لاس اینجلس میراتھن میں بھاگنے والے تمام لوگ مر جائیں گے۔ ان میں سے تقریباً سب جہنم میں ہوں گے۔ جہنم میں میراتھن رنر کے بارے میں سوچو۔ یسوع نے کہا،

’’اور جہنم میں عذاب میں مبتلا ہو کر اُس نے اپنی آنکھیں اُوپر اُٹھائیں‘‘ (لوقا 16: 23)۔

وہاں جہنم میں، وہ لوگ جو خُدا کے بارے میں سب کچھ بھول گئے تھے کاش وہ گرجہ گھر میں خوشخبری سننے کے لیے ہوتے۔ وہ چاہتے ہیں کہ وہ لاس ویگاس، یا کسی دنیاوی پارٹی، یا مطالعہ، یا کام کے لئے بھاگے نہ ہوتے۔ جہنم میں، وہ خواہش کریں گے کہ وہ اپنی ترجیحات کو درست کر لیتے۔ وہ چاہیں گے کہ انہوں نے ’’خُدا کی مرضی‘‘ پوری کی ہوتی (1 یوحنا 2: 17)۔ لیکن تب بہت دیر ہو چکی ہو گی۔ جہنم میں انہیں مسیح کی خوشخبری سننے اور اس پر ایمان لا کر نجات پانے کا ایک اور موقع کبھی نہیں ملے گا، جیسا کہ اعمال 16: 31 ہمیں کرنے کو کہتا ہے۔ تب یسوع کے ذریعے نجات پانے کے لیے ان کے لیے بہت دیر ہو جائے گی۔

اوہ، میں آپ سے التجا کرتا ہوں، بے دین زندگی گزارنا جاری نہ رکھیں۔ ہر اتوار کو گرجہ گھر میں موجود ہوں۔ خوشخبری کو سنیں۔ یسوع کے پاس آئیں۔ اُس کی طرف سے نجات حاصل کریں۔ پھر ہر اتوار – اور ہر دوسرے دن بھی اسی کے لیے جیئیں۔

’’دُنیا اور اُس کی ہوس مٹ جاتی ہے لیکن جو خُدا کی مرضی پر چلتا ہے وہ ابد تک قائم رہتا ہے‘‘ (1 یوحنا 2: 17)۔

اگر آپ مسیح پر ایمان لا کر تبدیل ہونا چاہتے ہیں تو گرجا گھر اتوار کو موجود ہونے کے لیے بہترین جگہ ہے۔ اگر آپ ایک مضبوط مسیحی بننا چاہتے ہیں تو گرجا گھر [اِس کے لیے] بہترین جگہ ہے۔ گرجا گھر خدا کی عبادت کے لیے بہترین جگہ ہے:

’’کلیسیا کے درمیان میں تیری مدح سرائی کروں گا‘‘ (عبرانیوں 2: 12)۔

منافقین کہیں کہ وہ ساحل سمندر پر یا پارک میں خدا کی عبادت کرتے ہیں - لیکن آپ کہتے ہیں،

’’کلیسیا کے درمیان میں تیری مدح سرائی کروں گا‘‘ (عبرانیوں 2: 12)۔

اِتوار کا دِن گزارنے کے لیے گرجا گھر بہترین جگہ ہے – ہر اِتوار کا دِن!

III۔ تیسری بات، بائبل سیکھنے اور حقیقی مسیحیت کے بارے میں جاننے کے لیے گرجا گھر بہترین جگہ ہے۔

بہت سے مشرقی لوگ جو ہمارے گرجہ گھر میں آتے ہیں (اور دوسرے) کہتے ہیں کہ وہ ’’مذید سیکھنا چاہتے ہیں۔‘‘ مجھے امید ہے کہ جب آپ یہ کہتے ہیں تو آپ منافق نہیں ہو رہے ہیں – لیکن مجھے ڈر ہے کہ بہت سے ہیں۔ وہ کہتے ہیں، ’’میں مذید سیکھنا چاہتا ہوں‘‘ ایک معافی یا عُذرداری کے طور پر، خدا کی چیزوں کے بارے میں سنجیدہ نہ ہونے کا ایک بہانہ۔

اگر آپ ’’مذید سیکھنے‘‘ کے بارے میں سنجیدہ ہیں، تو پھر اتوار کو زیادہ سیکھنے کے لیے گرجہ گھر سے بہتر کوئی جگہ نہیں ہے۔ پولوس نے افسس میں کلیسیا کے قائدین سے کہا،

’’اس لیے اپنے آپ کا اور اُس تمام ریوڑ کا خیال رکھو، جن پر روح القدس نے تمہیں نگران بنایا ہے، تاکہ خُدا کی کلیسیا کو پالو [یعنی زرخیز بناؤ]، جسے اُس نے اپنے خون سے خریدا ہے‘‘ (اعمال 20: 28)۔

گرجا گھر وہ جگہ ہے جہاں آپ کو بائبل کی تعلیمات [مہیا کی جاتی] کھلائی جاتی ہیں۔ گرجا گھر وہ جگہ ہے جہاں آپ مسیح کے بارے میں ’’مذید جانتے‘‘ ہیں۔

آپ اس کے بارے میں کسی بےدین دعوت میں، یا کسی دوست کے گھر، یا سان فرانسسکو، یا لاس ویگاس میں ’’مذید نہیں جانتے‘‘! جی نہیں! آپ گرجا گھر میں اور زیادہ سیکھتے ہیں! یہ وہ جگہ ہے جہاں آپ خوشخبری سیکھیں گے اور مسیح کے خون کے ذریعے اپنی روح کو جہنم کے عذاب سے بچائیں گے! ہر اتوار کو گرجہ گھر میں رہیں – اگر آپ خُدا کے کلام کو سیکھنے میں سنجیدہ ہیں! گرجا گھر سچی مسیحیت کے بارے میں جاننے کے لیے بہترین جگہ ہے – ہر اتوار!

IV۔ چوتھی بات، آپ ابدیت کے بارے میں سوچیں اِس کے لیے گرجا گھر بہترین جگہ ہے۔

ہم اکثر ابدیت کے بارے میں گیت گاتے ہیں، جیسے جی بیدار کر ڈالنے والا شمالی آئرلینڈ کا یہ کورس،

ابدیت، ابدیت،
ابدیت کہاں گزارو گے؟

ابدیت کہاں گزاریں گے؟ ابدیت ایک طویل مدت ہے - یہ ہمیشہ اور ہمیشہ کے لیے ہے۔ ابدیت لامتناہی طوالت کی مدت ہے۔ ابدیت لازوال ہے، کبھی نہ ختم ہونے والی، وقت سے آگے، بے انتہا ہے۔ آپ ابدیت کہاں گزاریں گے؟

دنیا میں جن لوگوں کو آپ جانتے ہیں، وہ کبھی بھی سنجیدگی سے نہیں سوچتے کہ وہ ہمیشہ کے لیے کہاں جائیں گے۔ آپ کو اتوار کو گرجہ گھر میں ہونے کی ضرورت ہے، بار بار، گرجہ گھر میں، اپنی ابدی روح اور اس کی لازوال تقدیر کے بارے میں سامنا کرنے کے لیے۔ ’’تم ابدیت کہاں گزاریں گے؟‘‘ آپ کے کھوئے ہوئے دوست آپ سے یہ سوال کسی سنجیدگی کے ساتھ نہیں پوچھیں گے۔ یہ گرجہ گھر میں ہے کہ آپ ’’ابدی نجات‘‘ کے بارے میں سنیں گے (عبرانیوں 5: 9)۔ یہ گرجا گھر میں ہے کہ آپ یسوع کی خوشخبری سنیں گے، جس نے کہا،

’’میں انہیں ہمیشہ کی زندگی دیتا ہوں اور وہ کبھی ہلاک نہیں ہوں گے‘‘ (یوحنا 10: 28)۔

یہ گرجہ گھر میں ہوتا ہے کہ آپ کو ’’ابدی آگ کے انتقام‘‘ (یہوداہ 7) سے خبردار کیا جائے گا، ’’ابدی سزا کے خطرے‘‘ (مرقس 3: 29) سے آگاہ کیا جائے گا۔ یہ اس ہی طرح کے گرجہ گھر میں ہوتا ہے کہ آپ کو اس عظیم سوال کے بارے میں سوچنے پر مجبور کیا جائے گا – ’’میں ابدیت کہاں گزاروں گا؟‘‘ لہذا، میں دوبارہ کہتا ہوں، آپ کو ابدیت کے بارے میں سوچنے پر مجبور کرنے کے لیے گرجا گھر بہترین جگہ ہے۔

یسوع کے پاس آنے، اور یسوع میں ایمان لا کر تبدیل ہو کر حاصل کرنے کے لیے ایک حقیقی جنت ہے۔ ایک حقیقی جہنم بھی ہے جس سے اِجتناب کرنا ہے اور اس سے بچنا ہے – لہذا آپ وہاں نہیں جائیں گے۔ آپ وہاں کھوئے یا گمراہ ہوئے لوگوں کے ساتھ جنت یا جہنم کے بارے میں تقریبا کچھ نہیں سنیں گے۔ جو کچھ آپ ان سے لازمی سنتے ہیں وہ زیادہ تر فضول گفتگو، رومن کیتھولک چرچ کے طریقوں اور رسومات کے لیے جارحانہ شرائط ، یا کرشماتی پرچار ہوگا۔ آپ کو بے وقوفی، جہالت، احمقانہ، شرارتی، یا دھوکے باز طرز عمل ، اور بکواس بہت زیادہ سننے کو ملے گی۔ جن لوگوں کو آپ جانتے ہیں وہ بائبل سے ناواقف ہیں اور انہیں خدا کی سمجھ نہیں ہے۔ انہیں بائبل میں ’’احمق‘‘ کہا گیا ہے۔ اور جو وہ آپ کو خدا کے بارے میں بتاتے ہیں وہ احمقانہ بات ہے۔

’’اُس کے منہ کی باتوں کا آغاز حماقت ہے اور اُس کی بات کا انجام شرارتی دیوانگی ہے‘‘ (واعظ 10: 13)۔

یہاں تک کہ آپ کے کالج کے پروفیسر، آپ کے بے دین کالجوں میں، خدا اور بائبل کے بارے میں احمقوں کی طرح بات کرتے ہیں – کیونکہ وہ خدا کی چیزوں سے ناواقف ہیں۔ ان کے پاس ابدی چیزوں کے بارے میں کوئی جواب نہیں ہے۔ وہ آیت بائیں بازو کے، تمباکو نوشی کرنے والے ملحد کی وضاحت کرتی ہے جو آپ کے کالج کی کلاس کو پڑھاتا ہے:

’’اُس کے منہ کی باتوں کا آغاز حماقت ہے اور اُس کی بات کا انجام شرارتی دیوانگی ہے‘‘ (واعظ 10: 13)۔

گرجہ گھر میں ضرور آئیں! یہ وہ جگہ ہے جہاں آپ کو معلوم ہوگا کہ مسیح کے ذریعے ابدی زندگی کیسے حاصل کی جائے – اور جہنم کے ابدی عذابوں سے کیسے بچنا ہے۔ لہذا، میں کہتا ہوں، آپ کو ابدیت کے بارے میں سوچنے پر مجبور کرنے کے لیے گرجا گھر بہترین جگہ ہے۔

V۔ پانچویں بات، دعا کرنا سیکھنے اور دوسروں سے اپنے لیے دعا کروانے کے لیے گرجا گھر بہترین جگہ ہے۔

شاگردوں نے یسوع سے کہا، ’’خداوند، ہمیں دعا کرنا سکھا‘‘ (لوقا 11: 1)۔ اور مسیح نے انہیں دعا کرنا سکھایا۔ لیکن مسیح اب یہاں نہیں ہے۔ اس نے لوگوں کو دعا کرنے کا طریقہ سکھانے کے لیے زمین پر مقامی کلیسیا یعنی گرجا گھر چھوڑا ہے۔

جب پطرس کو قید میں ڈالا گیا تھا، ’’گرجا گھر یعنی کلیسیا کی طرف سے اُس کے لیے خُدا کے حضور دعا کی گئی تھی‘‘ (اعمال 12: 5)۔ دعا کرنے پر اپنی عظیم کتاب میں ڈاکٹر ٹورے Dr. Torrey نے اس آیت کو یہ بتانے کے لیے استعمال کیا کہ دعا کیسے کی جائے۔ کلیسیا یعنی گرجا گھر نے خدا سے پطرس کے لیے دعا کی۔ اور اس گرجہ گھر کی دعائیں قبول ہوئیں اور پطرس کو نجات ملی۔

میں آپ سے یہ وعدہ کرتا ہوں – اگر آپ اتوار کو اس گرجا گھر میں آتے ہیں تو لوگ آپ کے لیے دعا کریں گے، بالکل اسی طرح جیسے اس گرجہ گھر نے پطرس کے لیے دعا کی تھی۔ جب آپ پہلی بار گرجہ گھر آئیں گے تو کچھ عظیم مرد اور دعا کرنے والی خواتین آپ کے لیے نام لے کر دعا کرنا شروع کر دیں گی۔ جب آپ دوسری بار آئیں گے تو اس سے بھی زیادہ لوگ آپ کے لیے دعائیں کرنا شروع کر دیں گے۔ آپ کا نام مجھے چارٹ پر دیا جائے گا، اور میں خود آپ کے لئے ہر روز دعا کرنے لگوں گا۔ ہم آپ کے لیے دعا کرتے رہیں گے جب تک کہ آپ تبدیل نہیں ہو جاتے – اور پھر ہم ایک نئے مسیحی کے طور پر آپ کے لیے دعا کرتے رہیں گے۔

آپ کو لاس اینجلس میں کوئی اور جگہ کبھی نہیں ملے گی جہاں اتنے زیادہ لوگ آپ کے لیے خدا سے دعا کریں گے، جیسا کہ آپ کو اس گرجا گھر میں ملے گا۔ ہم آپ کے لیے جہنم سے بچنے کے لیے، اور یسوع کے ذریعے نجات پانے کے لیے دعا کریں گے۔ اور اس لیے، میں کہتا ہوں، کہ گرجہ گھر دعا کرنا سیکھنے کے لیے، اور دوسروں سے اپنے لیے دعا کروانے کی بہترین جگہ ہے۔

VI۔ چھٹی بات – خوشخبری سننے کے لیے گرجا گھر بہترین جگہ ہے۔

ایک پرانے جنوبی بپتسمہ دینے والے مصنف وینس ہیونر Vance Havner نے ایک بار کہا تھا، ’’جو کلیسیا میں سے نہیں جیتے جاتے اُنہیں گرجا گھر کے لیے جیتنا دشوار ہوتا ہے‘‘ (وانس ہیونرVance Havner، توبہ یا کچھ اور! Repent or Else!)۔

میں جانتا ہوں کہ کچھ لوگ گرجہ گھر سے باہر نجات پاتے ہیں – اور پھر رفاقت میں آتے ہیں۔ لیکن اب تک ہمارے گرجہ گھر میں لوگوں کی سب سے بڑی تعداد نے یہاں گرجہ گھر آنے سے اور خوشخبری سننے سے نجات پائی۔ آج صبح یہاں کتنے لوگوں نے گرجا گھر کی عبادت میں نجات پائی تھی؟ کیا آپ کھڑے ہو جائیں گے؟ آپ بیٹھ سکتے ہیں۔ اب، آپ میں سے کتنے لوگوں نے کہیں اور سے نجات پائی ہے – گرجا گھر کی عبادت کے علاوہ؟ کیا آپ کھڑے ہو جائیں گے؟ آپ بیٹھ سکتے ہیں۔ آپ دیکھ سکتے ہیں کہ ہمارے گرجہ گھر میں تقریباً ہر شخص نے گرجا گھر کی عبادت میں نجات پائی۔ اسی لیے میں کہتا ہوں کہ گرجا گھر مسیح کی خوشخبری سننے اور نجات پانے کے لیے بہترین جگہ ہے۔

ہر گرجا گھر کی عبادت میں مَیں لوگوں کو بتاتا ہوں کہ کیسے نجات پائی جائے،

’’کیونکہ مَیں نے فیصلہ کیا ہُوا تھا کہ جَب تک تمہارے درمیان رہُوں گا خُداوؔند یِسوع المسیح مصلُوب کی مُنادی کے سِوا کسی اَور بات پر زور نہ دُوں گا‘‘ (I کرنتھیوں 2: 2)۔

میں ہر عبادت میں مصلوب مسیح کی تبلیغ کرتا ہوں، اتوار کی صبح اور اتوار کی رات، دہائیوں کے بعد، سال بہ سال۔ آپ مسیح کی خوشخبری سنے بغیر ہمارے گرجہ گھر میں نہیں آ سکتے۔

کیونکہ ایک بڑی اہم بات یہ ہے جو مُجھ تک پہُنچی اَور مَیں نے تُمہیں سُنائی ہے: کِتاب مُقدّس کے مُطابق المسیح ہمارے گُناہوں کے لیٔے قُربان ہُوا، دفن ہُوا اَور کِتاب مُقدّس کے مُطابق تیسرے دِن مُردوں میں سے زندہ ہو گیا‘‘ (I کرنتھیوں 15: 3۔4)۔

مسیح آپ کے گناہوں کا کفارہ ادا کرنے کے لیے صلیب پر مر گیا۔ اُس نے صلیب پر اپنا خون بہایا تاکہ آپ کے گناہوں کو دھویا جا سکے۔ مسیح جسمانی طور پر مردوں میں سے جی اُٹھا، اور تیسرے آسمان پر چڑھ گیا، جہاں وہ اب خُدا کے داہنے ہاتھ پر بیٹھا ہے۔

آپ کو کیا کرنا چاہیے؟ توبہ کریں اور انجیل پر یقین کریں۔ ’’خُداوند یسوع مسیح پر یقین رکھیں، اور آپ نجات پائیں گے‘‘ (اعمال 16: 31)۔

میں آپ سے نجات پانے کے بارے میں بات کرنا چاہتا ہوں۔ اگر آپ مجھ سے بات کرنا چاہتے ہیں تو براہِ کرم اپنی نشست چھوڑ دیں، اور آکر یہاں اس منبر کے سامنے کھڑے ہو جائیں جب ہم گانے کے ورق پر کھڑے ہوکر حمدوثنا کا آخری گیت گائیں گے۔

(واعظ کا اختتام)
آپ انٹر نیٹ پر ہر ہفتے ڈاکٹر ہائیمرز کے واعظ www.sermonsfortheworld.com
یا پر پڑھ سکتے ہیں ۔ "مسودہ واعظ Sermon Manuscripts " پر کلک کیجیے۔

یہ مسوّدۂ واعظ حق اشاعت نہیں رکھتے ہیں۔ آپ اُنہیں ڈاکٹر ہائیمرز کی اجازت کے بغیر بھی استعمال کر سکتے
ہیں۔ تاہم، ڈاکٹر ہائیمرز کے ہمارے گرجہ گھر سے ویڈیو پر دوسرے تمام واعظ اور ویڈیو پیغامات حق
اشاعت رکھتے ہیں اور صرف اجازت لے کر ہی استعمال کیے جا سکتے ہیں۔