وہ اُن کی سُنیں

وہ چیز جو لوقا کے سولہویں باب کو بہت دلکش بناتی ہے وہ یہ ہے کہ یہاں پر آپ جہنم میں ایک آدمی اور جنت میں دوسرے آدمی کے درمیان گفتگو کر رہے ہیں۔ مجھے قطعی طور پر یقین نہیں ہے کہ انہوں نے کس طرح بات چیت کی – لیکن ان کی بات چیت ضرور ہوئی تھی۔ جب نیل آرمسٹرانگ چاند پر گیا تو مجھے یاد ہے کہ اس نے وائٹ ہاؤس میں صدر نکسن کو ٹیلی فون کیا تھا۔ لبرل نیوز میڈیا اسے کبھی نہیں دکھاتا، لیکن اس وقت یہ ٹی وی پر تھا۔ وہ صدر کو برا دکھانے کے لیے ہر ممکن کوشش کرتے ہیں، اور نہیں چاہتے کہ ہم ان کی تمام اچھی باتیں یاد رکھیں۔ ہم نے صدر نکسن کو اس شخص سے بات کرتے ہوئے دیکھا جب وہ چاند کی سطح پر کھڑا تھا!

لہذا، خدا کی طاقت کو دیکھتے ہوئے، یہاں ہمیں حیران نہیں ہونا چاہئے کہ جہنم میں ایک آدمی جنت میں ایک آدمی کے ساتھ بات کر سکتا ہے. خُدا نے اِس کو ممکن بنایا چاہے اُس نے جو مرضی ذریعہ منتخب کیا۔

پوری بائبل میں یہ واحد جگہ ہے جہاں جہنم میں ایک آدمی اور جنت میں ایک آدمی کے درمیان بات چیت ہوتی ہے۔ جیسا کہ یہ دو آدمی بات کرتے ہیں، ہم جنت اور جہنم کے بارے میں بہت کچھ سیکھتے ہیں۔ ہم ان کی گفتگو سے بہت سی دوسری باتیں بھی سیکھتے ہیں۔

مثال کے طور پر، جہنم میں آدمی چاہتا ہے کہ خُدا ایک آدمی کو جنت میں آزاد کرے، اور اسے زمین پر واپس آنے دے – تاکہ وہ جہنم میں جکڑے ہوئے آدمی کے پانچ کھوئے ہوئے بھائیوں کو گواہی دے سکے۔ لیکن اُسے انکار کر دیا جاتا ہے. جنت والا آدمی اسے جھڑکتا ہے، اور ہماری تلاوت کے الفاظ پیش کرتا ہے:

’’اُن کے پاس موسیٰ اور انبیاء تو ہیں؛ وہ اُن کی سُنیں‘‘ لوقا 16: 29)۔

اگر آپ آج رات یہاں ہیں، تو میں چاہتا ہوں کہ آپ اس کے بارے میں سوچیں۔ آپ بلا شبہ انتظار کر رہے ہیں کہ ہم اس واعظ کے بعد، تفتیشی کمرے میں آپ سے بات کریں گے۔ لیکن ہمیں ایسا کرنے کی ضرورت نہیں ہے۔ ہم ایسا کرنے کے پابند نہیں ہیں۔ وہ جِنہیں نجات دلائی گئی ہے ان میں سے پچانوے فیصد سے زیادہ کو کبھی بھی کوئی مشورہ نہیں دیا گیا۔ جب میں مسیح میں ایمان لا کر تبدیل ہوا تو مجھے مشورہ نہیں دیا گیا۔ میری بیوی کو مشورہ نہیں دیا گیا تھا. لوتھر کو مشورہ نہیں دیا گیا تھا۔ بنیعان کو مشورہ نہیں دیا گیا تھا۔ وائٹ فیلڈ کو مشورہ نہیں دیا گیا تھا۔ ویزلی کو مشورہ نہیں دیا گیا تھا۔ سپرجیئن کو مشورہ نہیں دیا گیا تھا۔ آر اے ٹورے کو مشورہ نہیں دیا گیا تھا۔ ان میں سے کسی کی بھی ذاتی مشاورت نہیں تھی۔ ان کے پاس صرف ایک واعظ تھا – جو موسیٰ، نبیوں، یا مسیح کے رسولوں کی تحریروں پر مبنی تھا۔ رسولوں نے جو کچھ کہا وہ موسیٰ اور انبیاء کی باتوں پر مبنی تھا۔ ’’موسیٰ اور انبیاء‘‘ ایک جملہ ہے جس کا مطلب صرف ’’بائبل‘‘ ہے۔

’’اُن کے پاس موسیٰ اور انبیاء تو ہیں؛ وہ اُن کی سُنیں‘‘ (لوقا 16: 29)۔

کیوں نہ لعزر کو اس شخص کے کھوئے ہوئے بھائیوں کی گواہی دینے کے لیے آسمان سے واپس بھیج دیا جائے؟ لیکن اس سے کوئی فائدہ نہیں ہوا ہوتا اگر وہ موسیٰ یا نبیوں کی بات نہیں سنتے۔ یہ میرا پہلا نکتہ ہے۔

I۔ پہلی بات، تلاوت یہ ظاہر کرتی ہے کہ آپ کو نصحیت کرنا اگر آپ بائبل کی منادی کے وسیلے سے، موسیٰ اور نبیوں کی منادی کے ذریعے بیدار نہیں ہوتے تو یہ ہمارے لیے کوئی بہتری نہیں ہو گی۔

اگر آپ واعظ کے الفاظ کو اپنی روح میں ڈوب جانے دینے سے انکار کرتے ہیں تو اس سے کیا فائدہ ہوگا کہ اگر آسمان سے کوئی مشیر نیچے آئے اور آج رات تفتیشی کمرے میں آپ کے ساتھ دو گھنٹے گزارے؟ اس سے آپ کی مدد کیسے ہوگی؟ یہ بالکل مدد نہیں کرے گا. آپ ویسے ہی ٹھنڈے سے اور مردہ سے اور بے جان سے اور گمراہ ہوئے چھوڑتے ہیں جیسے جب آپ اس میں داخل ہوئے تھے۔ اگر آپ بائبل کی منادی کے ذریعے بیدار نہیں ہوئے اور گناہ کے مرتکب نہیں ہوئے ہیں تو خود آسمان سے ایک فرشتہ آپ کو نجات کے لیے مشورہ نہیں دے سکتا!

’’اُن کے پاس موسیٰ اور انبیاء تو ہیں؛ وہ اُن کی سُنیں‘‘ (لوقا 16: 29)۔

جب ابرہام نے لعزر کو اُن کھوئے ہوئے بھائیوں کو مشورہ دینے کے لیے بھیجنے سے انکار کیا تو کیا وہ ’’بے ہودگی‘‘ تھی؟ نہیں، ہرگز نہیں۔ وہ محض حقیقت پسندانہ تھا۔ وہ جانتا تھا کہ لعزر کی نصیحت اُن کے لیے کوئی فائدہ مند نہیں ہو گی جب تک کہ وہ بائبل اور بائبل کی منادی سے سزایابی کے تحت نہ ہوں۔ اور اگر وہ اس طرح کی سزایابی کے تحت تھے، تو پھر بھی انہیں آسمان سے مشیروں کی ضرورت نہیں تھی۔ تمام لوگوں جو مسیح میں ایمان لا کر تبدیل ہو چکے ہوتے ہیں اُن میں سے پچانوے فیصد کو ضرورت ہی نہیں پڑتی۔

اس نکتے کو واضح کرنے کے لیے میں یہاں رکتا ہوں۔ افسیوں 4: 7-16، عبرانیوں 13: 17 اور پاک کتاب کے بہت سے دوسرے حصے کے مطابق، خدا نے آپ کی رہنمائی کے لیے گرجا گھروں میں پادریوں اور دیگر رہنماوں کو رکھا ہے۔

یاد رکھیں ابراہام نے کہا تھا، ’’وہ اُن کے سُنیں۔‘‘ اُن دِنوں میں لوگوں کے پاس اپنی اپنی بائبل نہیں ہوتی تھی۔ اُن دِنوں میں بڑے بڑے طوماروں [سکرولز] پر تحریر کی جاتی تھی۔ انہوں نے صرف بائبل کو عبادت گاہوں میں پڑھتے اور رسولوں اور دوسرے مبلغین کے ذریعہ منادی کرتے سنا۔ ’’وہ اُن کی سُنیں۔‘‘ اگر وہ منادی نہیں سنیں گے، تو وہ مسیح میں ایمان لا کر تبدیل نہیں ہوں گے!

اگر آپ تبلیغ کو نہیں سنتے اور اسے دل میں نہیں اپناتے ہیں تو آپ کو ہمارا یہ مشورہ دینا آپ کے لیے کچھ بھی بہتری نہیں کرے گا!

اس کے علاوہ، آپ کو یہ جاننے کی ضرورت ہے کہ ’’موسیٰ اور انبیاء‘‘عہد نامہ قدیم کے تمام صحیفے کی جانب نشاندہی کرتے ہیں۔ ’’موسیٰ‘‘ سے مراد بائبل کی پہلی پانچ کتابیں ہیں، اور ’’انبیاء‘‘ سے مراد باقی عہد نامہ قدیم ہے۔ اگر آپ مسیح میں ایمان لا کر تبدیل ہونے کی امید رکھتے ہیں تو آپ کو بائبل کی تبلیغ کو سننا، اور دل میں اپنا لینا چاہیے۔

’’اُن کے پاس موسیٰ اور انبیاء تو ہیں؛ وہ اُن کی سُنیں‘‘ (لوقا 16: 29)۔

ہمارے لیے آپ کو مشورہ دینے سے آپ کو کوئی فائدہ نہیں ہوگا اگر خُدا کے کلام کی تبلیغ کے ذریعے پہلے آپ گناہ کی سزایابی میں نہیں ہوتے اور بیدار نہیں ہوتے۔

II۔ دوسری بات، تلاوت ظاہر کرتی ہے کہ آپ کو مسیح میں ایمان لا کر تبدیل ہونے کے لیے انسانوں پر انحصار نہیں کرنا چاہیے۔

جہنم میں آدمی نے سوچا کہ اس کے بھائیوں کو ایک انسان کے ذریعے بچایا جا سکتا ہے، جِسے ان سے بات کرنے کے لیے جنت سے واپس بھیجا گیا۔ لیکن اسے اِن الفاظ سے ڈانٹ پڑتی ہے،

’’اُن کے پاس موسیٰ اور انبیاء تو ہیں؛ وہ اُن کی سُنیں‘‘ (لوقا 16: 29)۔

اس میں آپ کے لیے بھی ایک سبق ہے۔ آپ نے بہت سے انسانوں کو یہ کہتے سنا ہے کہ آپ کو بچایا جانا چاہیے، لیکن اس نے اب تک آپ کو متاثر نہیں کیا، کیا ایسا ہے؟ آپ کے والدین یا دوست ہیں جنہوں نے آپ کو نجات پانے کے لیے کہا ہے۔ لیکن آپ نے ان کی بات نہیں سنی، کیا آپ نے اُن کی بات سُنی؟ کیوں نہیں؟ میرے خیال میں اس کی وجہ یہ ہے کہ آپ جانتے ہیں کہ وہ غلط ہیں۔ وہ کامل نہیں ہیں۔ وہ غلطیاں کرتے ہیں۔ آپ اسے ہر روز دیکھتے ہیں۔ آپ مسیحی دوستوں اور مسیحی والدین کو دیکھتے اور سنتے ہیں۔ آپ جانتے ہیں کہ وہ کامل نہیں ہیں۔ آپ کیسے یقین کر سکتے ہیں کہ وہ صحیح نہیں ہیں جب وہ آپ کو نجات کے بارے میں بتاتے ہیں؟ مجھے یقین ہے کہ آپ سوچتے ہیں، ’’یہ لوگ کامل نہیں ہیں۔ یہ کبھی کبھی فیصلے میں غلطیاں کرتے ہیں۔ وہ مجھے کامل لوگ نہیں لگتے۔ جب وہ مجھے نجات پانے کے لیے کہتے ہیں تو میں ان کی بات کیوں سنوں؟‘‘ کیا آپ کبھی کبھی ایسا نہیں سوچتے؟ یقینا آپ ایسا سوچتے ہیں!

اسی لیے ابراہیم نے کہا،

’’اُن کے پاس موسیٰ اور انبیاء تو ہیں؛ وہ اُن کی سُنیں‘‘ (لوقا 16: 29)۔

اگر آپ کبھی بھی مسیح میں ایمان لا کر تبدیل ہونے والے ہیں، تو آپ کو مسیحیوں کی طرف دیکھنا چھوڑ دینا ہوگا اور یہ سوچنا شروع کرنا ہوگا کہ بائبل آپ کو کیا کہتی ہے!

نوجوان لوگ جو اپنے ذہنوں کو ’’مسیحیوں‘‘ کی باتوں پر مرکوز رکھتے ہیں اور مسیحیت کے بارے میں نوعمری، بچگانہ نظریے سے کبھی باہر نہیں جاتے! میں پھر دہراتا ہوں، اگر آپ کبھی بھی ان مسیحیوں کو دیکھنے سے پیچھے نہیں ہٹیں گے جنہیں آپ جانتے ہیں، تو آپ کبھی بھی مسیح میں ایمان لا کر تبدیل نہیں ہوں گے۔ کبھی نہیں! کبھی نہیں! کبھی نہیں!

کسی دن آپ گرجہ گھر کو صرف ایک احمقانہ تجربہ سمجھیں گے جو آپ نے بچپن میں کیا تھا۔ مسیحیت صرف بچپن کا ایک خیالی تصور ہو گا جو آپ میں ابھرا ہے – جب تک کہ آپ مسیحیوں کو دیکھنا نہ بند کر دیں اور یہ سوچنا نہ شروع کر دیں کہ بائبل آپ کو کیا کہتی ہے!

بائبل آپ کو دکھاتی ہے کہ آپ گنہگار ہیں۔ بائبل کے قوانین آپ کو دکھانے کے لیے تحریر کیے گئے تھے کہ آپ ان پر مکمل طور سے برقرار نہیں رہ سکتے۔ قانون آپ کو اپنے گناہ کو دیکھنے کے لیے دیا گیا ہے، آپ کو یہ دیکھنے کی طرف راغب کرنے کے لیے کہ آپ خُدا کو خوش کرنے کے لیے کافی اچھے نہیں ہو سکتے، آپ کو خُدا کی نظر میں مجرم محسوس کرنے کے لیے، اور آپ کو یسوع مسیح کی طرف اُس کے خون میں پاک صاف کرنے کے لیے لے جانے کے لیے دیا گیا ہے!

’’اُن کے پاس موسیٰ اور انبیاء تو ہیں؛ وہ اُن کی سُنیں‘‘ (لوقا 16: 29)۔

بائبل کو آپ کو بتانے دیجیے کہ آپ ایک گنہگار ہیں! خُدا کے کلام کی منادی کو آپ کو اپنے گناہ کو دیکھنے پر مجبور کر لینے دیجیے! بائبل کو آپ کی حوصلہ افزائی کرنے دیں اور آپ کو یہ دیکھنے کے لیے مجبور ہو لینے دیں کہ آپ کبھی بھی ایک مقدس خُدا کو خوش کرنے کے لیے اتنے اچھے نہیں ہو سکتے! خُدا کے کلام کی منادی آپ کو خُدا کی نظر میں اپنے گناہ کے لیے قصوروار ہونے کا احساس دلا لینے دیجیے! بائبل کو آپ کو یسوع مسیح کے خون میں پاک صاف ہو لینے کے لیے آپ کو لے جانے دیں!

’’اُن کے پاس موسیٰ اور انبیاء تو ہیں؛ وہ اُن کی سُنیں‘‘ (لوقا 16: 29)۔

III۔ تیسری بات، تلاوت ظاہر کرتی ہے کہ آپ کو درحقیقت موسیٰ اور انبیاء سے متاثر ہونا چاہیے۔

صرف ایک اور واعظ کو ہی بیٹھ کر سُن لینا کافی نہیں ہے۔ مسیح میں ایمان لا کر تبدیل ہونے کے لیے، آپ کو خُدا کے کلام سے باطنی طور پر متاثر ہونا چاہیے۔ خدا کے کلام کی منادی کا آپ پر باطنی طور پر اثر ہونا چاہیے۔

ان دس احکام کو لے لیں جو خدا نے موسیٰ کو دیے تھے۔ تبدیل ہونے کے لیے آپ کو سوچنا چاہیے کہ آپ نے خدا کے ان دس قوانین کو کیسے توڑا ہے۔ آپ کو اپنی چوری، اپنے گندے خیالات، اپنے گناہ کے کاموں، اپنے بے دین دل کے بارے میں سوچنا چاہیے۔ آپ کو اپنے اندر ضرور کہنا چاہیے، ’’میں نے ان قوانین پر عمل نہیں کیا جو خُدا نے موسیٰ کو دیے تھے۔‘‘ آپ کو اپنے اندر دیکھنا چاہیے کہ آپ ایک گنہگار ہیں – خروج 20: 3-17 میں خُدا کے دس احکام کی روشنی میں۔ آپ کو یہ دیکھنا چاہیے کہ آپ ایک غلیظ بدمعاش، واقعی ایک بے دین گنہگار ہیں!

نبیوں کو بھی آپ کو یہ دکھا لینے دیجیے۔ اشعیا آپ کو آپ کی باطنی بدکاری دکھائے، جیسا کہ موسیٰ نے آپ کو ظاہری بغاوت دکھائی ہے۔ اشعیا نبی کو سنیں جیسا کہ وہ آپ کو بتاتا ہے کہ آپ کا

’’… پورا سر زخمی ہے، اور سارا دل بیمار ہے‘‘ (اشعیا 1: 5)۔

کیا آپ کے بارے میں یہ سچ نہیں ہے؟ یہ ہے، کیا یہ نہیں ہے؟ آپ کا پورا سر زخمی ہے، ہے نا؟ کیا آپ کے سر سے گزرنے والی چیزیں آپ کو بیمار نہیں کرتی ہیں؟ کیا آپ اپنے خیالات پر شرمندہ نہیں ہیں؟ آپ اپنے جیسے زخمی سر کے ساتھ جنت میں جانے کی امید کیسے کر سکتے ہیں؟ اور کیا آپ کا سارا دل بیہوش، مصیبت زدہ اور برباد نہیں ہے؟ کیا آپ کا دل خدا سے دور نہیں ہے؟ کیا آپ اپنے دل سے ذرا بھی شرمندہ نہیں ہیں؟ کیا آپ اس دل سے بیمار نہیں ہیں جس میں خدا سے محبت نہیں ہے؟ کیا آپ اپنی دعاؤں کے کم ہونے سے بیمار نہیں ہیں؟ اوہ، آپ کا

’’… پورا سر زخمی ہے، اور سارا دِل مریض ہو چکا ہے۔ پاؤں کے تلوے سے سر کی چوٹی تک (تمہارا) کوئی حصہ بھی سالم نہیں ہے؛ صرف زخم اور چوٹیں اور سڑے ہوئے گھاؤ ہیں: جنہیں نہ تو صاف کیا گیا ہے اور نہ اُن پر پٹی باندھی گئی ہے نہ ہی اُن پر تیل ملا گیا ہے‘‘ (اشعیا 1: 5۔6)۔

ہائے! اپنی زندگی کو دیکھیں! موسیٰ ظاہر کرتا ہے کہ آپ ایک منافق کے سوا کچھ نہیں ہیں – ایک گناہ گار منافق۔ اشعیا نبی ظاہر کرتا ہے کہ آپ باطنی طور پر اور ظاہری طور پر برباد ہو گئے ہیں۔ ہائے! موسیٰ اور انبیاء سے متاثر ہو جائیں!

’’اُن کے پاس موسیٰ اور انبیاء تو ہیں؛ وہ اُن کی سُنیں‘‘ (لوقا 16: 29)۔

ہائے! آج کی رات آئیں اور کہیں، ’’میں برباد اور ختم ہو گیا ہوں! میں ایک گنہگار ہوں اور کچھ اور نہیں ہو سکتا! خدا کی نظر میں میری راستبازی غلیظ ہے! میں ایک کیڑا ہوں، ایک بوسیدہ دنیا میں ایک بوسیدہ زندگی میں گھوم رہا ہوں، مجھے کوئی امید نہیں ہے! میں برباد ہو چکا ہوں، اور ناامید ہوں!‘‘

’’اُن کے پاس موسیٰ اور انبیاء تو ہیں؛ وہ اُن کی سُنیں‘‘ (لوقا 16: 29)۔

پھر جہنم کے بارے میں سوچیں۔ وہ آدمی جس نے ابراہیم سے بات کی تھی۔ وہ شخص جس پر ابراہیم نے ہماری تلاوت کہی تھی، ’’میں اِن شعلوں میں عذاب میں ہوں‘‘ (لوقا 16: 24)۔ کیا آپ بھی اِن شعلوں میں تڑپتے نہیں رہیں گے؟ اور کیا آپ اس میں عذاب کے مستحق نہیں ہوں گے؟ آپ جیسا باغی، بے دین، باطنی طور پر تباہ شدہ گنہگار ابدی عذاب سے کیسے بچ سکتا ہے؟ کیسے؟ کیسے؟ کیسے؟

موسیٰ اور نبی واضح طور پر ظاہر کرتے ہیں کہ آپ مستحق ہیں، بھرپور طریقے سے، خدا کی موجودگی سے تمام ابدیت کے لیے، اور دائمیت کے لیے خارج کیے جانے کے لیے – اور جلد ہی آپ کے بارے میں کہا جائے گا، جیسا کہ ابراہیم نے کہا تھا، ’’تم عذاب میں مبتلا ہو‘‘ (لوقا 16: 25)۔ وہ عذاب شدید تر ہوں گے – اور وہ ابدی ہوں گے۔ وہ عذاب کبھی ختم نہیں ہوں گے۔ ہمیں اس آدمی کے بارے میں بتایا گیا ہے، ’’اور وہ پکارا‘‘ (لوقا 16: 24)۔ آپ جہنم میں بھی روئیں گے۔ لیکن آپ کے آنسو شعلوں سے جھلس جائیں گے اس سے پہلے کہ وہ آپ کے گالوں پر گریں۔ اور کوئی آپ پر رحم نہیں کرے گا۔ آپ نے اپنی جان کی پرواہ کیے بغیر دنیا میں اپنی زندگی بسر کی۔ آپ جیسے جاہل احمق پر کون ترس کھائے گا جب آپ جہنم میں روتے ہیں؟ خدا ترس نہیں کھائے گا۔ وہ جان لے گا کہ آپ کے پاس تبدیل ہونے کا ہر موقع تھا اور آپ نے اس کے بجائے لاپرواہی کی اور بے وقوف بنایا۔ آپ کے نجات پائے ہوئے دوست نہیں! نہیں، نہیں! وہ کہیں گے، ابراہیم کے ساتھ، کہ آپ کے پاس موسیٰ اور انبیاء تھے اور آپ ان کی بات سننے کے لیے بہت زیادہ احمق گنہگار تھے۔ جب آپ روتے ہیں تو جنت میں کسی دوست سے آپ پر ترس کھانے کی توقع نہ رکھیں، ’’میں اِن شعلوں میں تڑپ رہا ہوں‘‘ (لوقا 16: 24)۔

اگر آپ ترس اور رحم اور مدد اور نجات چاہتے ہیں، تو آپ کو اسے ابھی تلاش کرنا چاہیے – جب کہ آپ زندہ ہیں – ابھی ہی، جب کہ خدا اس واعظ کے ذریعے آپ کے دل سے بات کر رہا ہے۔

’’اُن کے پاس موسیٰ اور انبیاء تو ہیں؛ وہ اُن کی سُنیں‘‘ (لوقا 16: 29)۔

ہائے، یسوع کی سُنیں، جیسا کہ وہ اشعیا نبی کے ذریعے کہتا ہے:

’’میری طرف دیکھو اور نجات پاؤ‘‘ (اشعیا 45: 22)

کیا آپ آج رات یسوع مسیح کو دیکھیں گے؟ کیا آپ اُس کی طرف دیکھیں گے اور اُس کے ابدی خون کے ذریعے اپنے گناہوں سے مسیح میں ایمان لا کر تبدیل ہو جائیں گے؟ کیا آپ اپنے دل میں، اپنی روح کے پوشیدہ مقام میں کہیں گے،

بغیر ایک التجا کے، میں جیسا بھی ہوں، مگر کہ تیرا خون میرے لیے بہایا گیا،
اور کہ تو مجھے اپنے پاس بُلانے کے لیے بیقرار ہے، اے خُدا کے برّے، میں آیا، میں آیا؟
   (’’میں جیسا بھی ہوں Just As I Am‘‘ شاعرہ شارلٹ ایلیٹ Charlotte Elliott، 1789۔1871)۔

(واعظ کا اختتام)
آپ انٹر نیٹ پر ہر ہفتے ڈاکٹر ہائیمرز کے واعظ www.sermonsfortheworld.com
یا پر پڑھ سکتے ہیں ۔ "مسودہ واعظ Sermon Manuscripts " پر کلک کیجیے۔

یہ مسوّدۂ واعظ حق اشاعت نہیں رکھتے ہیں۔ آپ اُنہیں ڈاکٹر ہائیمرز کی اجازت کے بغیر بھی استعمال کر سکتے
ہیں۔ تاہم، ڈاکٹر ہائیمرز کے ہمارے گرجہ گھر سے ویڈیو پر دوسرے تمام واعظ اور ویڈیو پیغامات حق
اشاعت رکھتے ہیں اور صرف اجازت لے کر ہی استعمال کیے جا سکتے ہیں۔