تباہ کن عادات کی زنجیروں کو توڑنا

رومی شاعر اووِڈ Ovid نے کہا تھا، ’’کوئی چیز عادت سے زیادہ مضبوط نہیں ہے۔‘‘ عظیم لغت نگار (پہلی انگریزی لغت کے مرتب کرنے والے)، ڈاکٹر سیموئل جانسن نے کہا، ’’عادات ایسی زنجیریں ہیں جو بہت چھوٹی ہوتی ہیں جنہیں محسوس نہیں کیا جا سکتا جب تک کہ وہ ٹوٹنے کے قابل نہ ہوں۔‘‘

جب فرانس کی باسٹیل Bastille جیل تباہ ہونے والی تھی تو ان قیدیوں میں سے ایک کو باہر لایا گیا جو اس کے ایک تاریک کوٹھری میں طویل عرصے سے جکڑا ہوا تھا۔ لیکن اپنی آزادی پر خوشی منانے کے بجائے، اس نے ان سے التجا کی کہ وہ اسے واپس اپنے تہ خانے میں لے جائیں۔ آپ نے دیکھا کہ اسے روشنی دیکھے اتنا عرصہ گزر چکا تھا کہ اس کی آنکھیں سورج کی چمک کو برداشت نہیں کر سکتی تھیں۔

اس کے علاوہ، اس نے کہا، اس کے تمام دوست مر چکے تھے، اس کے پاس کوئی گھر نہیں تھا، اور اس کی ٹانگیں ہلنے سے انکاری تھیں۔ اب اس کی اصل خواہش یہ تھی کہ وہ واپس جا کر اس اندھیری جیل میں مر جائے جہاں وہ اتنے سالوں سے قید تھا۔

یہ ایک سچی کہانی ہے۔ یہ عادت کی طاقت کو ظاہر کرتی ہے۔ عادتیں خود زندگی سے زیادہ مضبوط ہو سکتی ہیں۔ ایک پرانی ہسپانوی کہاوت ہے کہ ’’عادات مکڑی کے جالے میں دھاگوں کی طرح شروع ہوتی ہیں، لیکن قید کی زنجیروں کی طرح ختم ہوتی ہیں۔‘‘ فرانسسی باسٹیل [جیل] میں وہ غریب آدمی اندھیرے میں اتنا عرصہ گزار چکا تھا کہ اندھیرے میں جکڑے رہنے کی عادت نے اسے دھوپ میں معمول کی زندگی گزارنے سے روکا جب اسے آخرکار آزاد ہونے کا موقع ملا۔ وہ عادت سے مجبور تھا کہ اندھیرے میں اپنی زنجیروں میں واپس چلا جائے۔

اور یہاں گرجہ گھر میں آج صبح اُس کی طرح لوگ ہیں۔ آپ کو گرجہ گھر جانے کی عادت نہیں ہے، اس لیے آپ دوبارہ اپنے گناہ کی زنجیروں اور تاریکی میں رینگیں گے، اور آپ وہاں کسی دن اندھیرے میں مر جائیں گے – بغیر امید کے اور بغیر خدا کے – یہ سب اس لیے کہ آپ کے گرجہ گھر میں نہ آنے کی عادت نے آپ کو اس گرجہ گھر میں ہمارے ساتھ ایک نئی اور خوش اور آزاد زندگی گزارنے سے روکا! اندھیرے سے باہر آئیں! ہمارے ساتھ گرجہ گھر آئیں! اپنی تنہائی سے باہر آئیں! تنہا کیوں ہیں؟ گرجا گھر [میں عبادت کرنے کے لیے] گھر چلیں آئیں! اور پھر خدا کے بیٹے یسوع مسیح کے پاس آئیں۔ وہ اپنے خون سے آپ کے گناہوں کو دھو دے گا، اور آپ خُدا کے غضب اور سزا سے آزاد ہو جائیں گے۔

اب آج صبح میں ’’تباہ کن عادات کی زنجیروں کو توڑنے‘‘ پر بات کروں گا۔ میں دو نکات میں اس سے نمٹوں گا۔

1. تباہ کن عادات کس طرح زنجیریں بناتی ہیں جو آپ کو غلامی میں جکڑتی ہیں۔

2. عادت کی زنجیروں کو توڑنے اور آزاد ہونے کے لیے آپ کیا کر سکتے ہیں۔

I۔ تباہ کن عادتیں کس طرح زنجیروں کو تشکیل دیتی ہیں جو آپ کو غلام بناتی ہیں۔

مینگ کارین Mang Karin ایک فلپائنی سٹیل ورکر تھا جس کی منیلا میں پولیس ڈیپارٹمنٹ نے ایسے لوگوں کو قید کرنے کے لیے سٹیل کا ایک پنجرہ بنانے کی خاطر خدمات حاصل کر رکھی تھیں جنہیں پولیس نے گرفتار کر لیا تھا۔ اس نے پنجرے پر کام کیا جب تک کہ یہ ختم نہ ہو جائے۔ پولیس ڈیپارٹمنٹ نے اسے ادائیگی کی اور وہ رقم لے کر اپنے کچھ دوستوں کے ساتھ نشے میں نکل گیا۔ وہ ساری رات پیتے رہے۔ نشے کی حالت میں گھر پہنچ کر پولیس نے اسے کرفیو کی خلاف ورزی کرنے پر اٹھایا۔ انہوں نے اسے اپنے بنائے ہوئے سٹیل کے پنجرے میں ڈال دیا اور اسے تھانے میں حراست میں لے لیا۔ وہ پہلا شخص تھا جسے اس ہی کے اپنے بنائے ہوئے پنجرے میں بند کیا تھا!

اس طرح بری عادتیں کام کرتی ہیں۔ جیسا کہ ڈاکٹر سیموئل جانسن نے کہا، ’’عادات ایسی زنجیریں ہیں جو بہت چھوٹی ہوتی ہیں جنہیں محسوس نہیں کیا جا سکتا جب تک کہ وہ ٹوٹنے کے قابل نہ ہوں۔‘‘

I سموئیل، دوسرے باب میں عیلی کے بیٹوں کے ساتھ ایسا ہی ہوا۔ بائبل کہتی ہے، ’’اور کاہنوں کا لوگوں کے ساتھ رواج (عمل) یہ تھا، کہ… جتنا گوشت شہ شاخہ کانٹے میں پھنس کر اوپر آ جاتا [کاہن] وہ اپنے لیے لے لیتا ہے‘‘ (1 سموئیل 2: 13-14)۔ یہ لوگ قدیم اسرائیل میں کاہن تھے۔ بائبل میں بتائی گئی اُن کی ’’رسم‘‘ سے زیادہ لینا احبار 7: 34 میں ایک غلط ’’رواج‘‘ تھا۔ یہ ان کی عادت بن گئی۔ انہوں نے اسے بار بار کیا، یہاں تک کہ وہ عادت کے غلام بن گئے۔ آخر میں، اگر کسی نے انہیں جتنا چاہا دینے سے انکار کر دیا، تو انہوں نے کہا، ’’تم اسے ابھی [مجھے] دو: اور اگر نہیں، تو میں زبردستی لے لوں گا‘‘ (1 سموئیل 2: 16)۔ وہ اپنے ’’رواج‘‘ یا عادت کے اس قدر غلام بن گئے کہ آخرکار وہ ڈھونگ سے کچھ زیادہ ہی بن گئے۔ بائبل کہتی ہے:

’’اِس لیے نوجوان لوگوں کا خدا کی نظر میں یہ بہت بڑا گناہ تھا کیونکہ اُن کی اِس حرکت سے خداوند کی قربانی کی تحقیر ہوتی تھی‘‘ (I سیموئیل 2: 17)۔

اُن کی گناہ کی عادات اُنہیں جنسی برائی کی طرف بھی لے گئیں، اور ’’وہ اُن عورتوں کے ساتھ ہمبستری کرتے تھے جو خیمہ اجتماع کے دروازے پر [خدمت کرنے کی خاطر] اِکٹھی ہوتی تھیں‘‘ (I سموئیل 2: 22)۔ وہ اب زنجیروں میں جکڑے ہوئے اور گنہگار تھے، جو خود کو تباہ کرنے والی عادتوں کے غلام تھے۔

ان کے والد عیلی نے انہیں خبردار کرنے کی کوشش کی۔ اس نے کہا تم ایسی باتیں کیوں کرتے ہو؟ (I سموئیل 2: 23)۔ لیکن بائبل کہتی ہے، ’’اِس کے باوجود اُنہوں نے اپنے باپ کی بات نہیں سنی‘‘ (I سموئیل 2: 25)۔ وہ اب مکمل طور پر گناہ کی عادتوں کے قابو میں تھے، اور یہاں تک کہ ان کا باپ بھی انہیں روک نہیں سکتا تھا۔

یہی وہ طریقہ ہے جس سے گناہ سے بھرپور، تباہ کن عادات آپ کی زندگی پر قبضہ کر لیتی ہیں اور آپ کی حقیقی خوشی اور آزادی کے امکانات کو برباد کر دیتی ہیں۔ آپ بری عادتوں کے ایسے غلام بن سکتے ہیں کہ خدا بھی آپ کی مدد نہیں کر سکتا۔ گزشتہ اتوار کو ایک نوجوان جو ہماری صبح کی عبادت میں آیا تھا واعظ کے دوران باہر بھاگا۔ پھر وہ میری منادی سننے کے لیے اجتماع گاہ میں واپس آیا۔ لیکن وہ اپنی کرسی پر بیٹھ کر کسمساتا رہا۔ جلد ہی وہ دوبارہ عبادت میں سے جانا چاہتا تھا۔ وہ خاموش نہیں بیٹھ سکتا تھا، حالانکہ باقی سب اس واعظ پر گہری توجہ دے رہے تھے جو کہ میں تنہائی کے موضوع پر تبلیغ کر رہا تھا۔ میں بتا سکتا تھا کہ وہ بھی اس بات میں بہت دلچسپی رکھتا تھا کہ میں تنہائی پر قابو پانے کے بارے میں کیا کہتا ہوں – لیکن ایسا لگتا ہے کہ وہ خاموش بیٹھ ہی نہیں سکتا تھا۔ میں نے محسوس کیا کہ وہ کسی محرک دوا [ذہنی نظام کو چُست رکھنے والی دوائی] کو استعمال کرتا تھا، شاید جسے وہ ’’اَپرزuppers‘‘ کہتے ہیں۔ وہ کسی بات پر اتنا مگن تھا کہ وہ خود کو اُس واعظ کے سننے پر مجبور نہیں کر سکتا تھا، جس کے بارے میں اُس کے دماغ نے اسے بتایا تھا کہ یہ اہم ہے۔

مجھے ڈر ہے کہ اس کی منشیات کی عادت نے اُسے ایسا غلام بنا دیا ہے کہ وہ کبھی بھی حقیقی مسیحی نہیں بن سکے گا اور مسیح کے ذریعے نجات حاصل نہیں کر سکے گا۔ یہی ان جوانوں کے ساتھ ہوا تھا جو عیلی کے بیٹے تھے۔ وہ گناہ کے اس قدر غلام بن گئے کہ بائبل کہتی ہے، ’’اس کے باوجود اُنہوں نے اپنے باپ کی بات نہیں مانی، کیونکہ خُداوند اُن کو مار ڈالے گا‘‘ (I سموئیل 2: 25)۔ وہ اس مقام پر کیسے پہنچے جہاں خدا نے انہیں موت کے گھاٹ اتارنا چاہا؟ وہ ناقابل معافی گناہ کر چکے تھے۔

جب آپ گناہ کی عادات میں اس حد تک چلے جاتے ہیں، تو آخر کار خُدا آپ سے دستبردار ہو جاتا ہے – اور تب نجات پانے میں بہت دیر ہو چکی ہوتی ہے۔ بائبل کہتی ہے، ’’افرائیم بتوں سے جڑا ہوا ہے: اسے چھوڑ دو‘‘ (ہوسیع 4: 17)۔ افرائیم گناہ کی عادتوں میں اتنا آگے نکل گیا تھا کہ خُدا نے کہا، ’’اسے تنہا چھوڑ دو۔‘‘ اور جب خُدا آپ کو اکیلا چھوڑ دیتا ہے، تو آپ آخری حد عبور کر چکے ہوتے ہیں – مسیح کے ذریعہ نجات پانے میں بہت دیر ہو چکی ہے! آپ کو ایک گناہ سے بھری زندگی اور ہمیشہ کے لیے جہنم میں چھوڑ دیا جاتا ہے – جب تک کہ آپ زندہ ہیں! بائبل کہتی ہے، ’’جو [زندگی] عیش و عشرت میں جیتی ہے وہ زندہ رہتے ہوئے مردہ ہے‘‘ (I۔ تیمتھیس 5: 6)۔ وہ چلتی ہوئی مردہ عورت ہے۔ آپ چلتے پھرتے ایک مردہ آدمی ہیں – جب آخر کار خدا آپ کو تنہا چھوڑ دیتا ہے۔

میں ایک نوجوان کو جانتا ہوں جو گناہ سے بھری ایک دعوت میں گیا تھا۔ کسی نے بندوق نکالی اور ایک گولی ہوا میں چلا دی۔ خدا نے اسے خوفزدہ کرنے اور جزوی طور پر بیدار کرنے کے لیے استعمال کیا۔ چند ہفتوں تک وہ بچائے نہ جانے کی اپنی خطرناک حالت پر کچھ حد تک جاگ رہا تھا۔ لیکن اس نے مسیح میں مکمل تبدیلی کے لیے دباؤ نہیں ڈالا۔ اس کے بجائے، وہ اسکول میں اپنے گمراہ ہوئے دوستوں کے ساتھ واپس جانے لگا۔ اس نے ان کے ساتھ ’’دھوکے اور فریب‘‘ میں رہنا شروع کر دیا اور [اُن کے ساتھ مل کر لوگوں کو] بے وقوف بنانا شروع کر دیا۔ دھیرے دھیرے اس کے چہرے پر سنجیدہ، خوف زدہ تاثرات اس کا ساتھ چھوڑ گئے اور اس کے چہرے پر ایک بار پھر بے حسی نظر آنے لگی۔ اب، جب ڈاکٹر کیگن یا میں واعظ کے بعد ان سے بات کرتے ہیں، تو وہ نجات کے لیے اتنا ہی سردمہر اور بے نیاز ہوتا ہے جتنا کہ وہ پہلے تھا۔

مجھے یقین ہے کہ خدا نے اپنے فضل سے اس نوجوان کو بیدار کیا۔ لیکن اُس نے اُس بُلاہٹ اور گناہ کے اعتقاد کو پرے دھکیل دیا جو روح القدس نے اُسے دیا تھا۔ اب خُدا کا رُوح اُس سے جُدا ہو گیا ہے۔ کیا خُدا واپس آئے گا اور اُسے اپنے خطرے اور مسیح کی ضرورت کے لیے دوبارہ بیدار کرے گا؟ مجھے نہیں معلوم۔ یہ خدا پر منحصر ہے – مجھ پر نہیں۔ میں صرف اس کی تبلیغ جاری رکھ سکتا ہوں – اور دعا کرتا ہوں کہ خدا واپس آئے اور اسے دوبارہ بیدار کرے۔ لیکن میں اسے خبردار کرتا ہوں - اور ان سب کو جو اس جیسے ہیں –

’’جو آدمی بار بار مُتنبّہ کئے جانے پر بھی سرکشی کرتا ہے وہ ناگہاں تباہ کیا جائے گا، اَور اُس کا کویٔی چارہ نہ ہوگا۔ ‘‘ (امثال 29: 1)۔

اگر آپ ڈھٹائی کا مظاہرہ کرتے ہیں جب خدا آپ کو ملامت کرتا ہے، تو آپ بغیر کسی علاج یا مدد کے اچانک تباہ ہو جائیں گے۔

آپ نے دیکھا، عیلی کے بیٹوں کے ساتھ ایسا ہی ہوا۔ انہوں نے گناہ کیا۔ انہوں نے دوبارہ گناہ کیا۔ رفتہ رفتہ گناہ نے ان پر ایسا زور پکڑا کہ انہیں خدا کی مدد ملنے میں دیر ہو گئی۔ ’’خداوند اُن کو مار ڈالے گا‘‘ (I سموئیل 2: 25)۔

وہ کچھ عرصہ اسی طرح زندگی گزارتے رہے۔ انہوں نے سوچا کہ وہ ٹھیک ہیں۔ ان کے ضمیروں نے انہیں مزید پریشان نہیں کیا۔ انہیں اس کا احساس نہیں تھا کیونکہ وہ ’’ماضی کا احساس‘‘ تھا (افسیوں 4: 19)۔

’’تمام حساسیت کو کھونے کے بعد، اُنہُوں نے اَپنے آپ کو شہوت پرستی کے حوالہ کر دیا ہے، اَور وہ ہر طرح کے ناپاک کام بڑے شوق سے کرتے ہیں‘‘ (اِفِسیوں 4: 19)۔

جب آپ بری عادتوں کی زنجیروں میں جکڑے جاتے ہیں، تو آپ ’’ماضی کے احساسات‘‘ میں اِس قدر گم ہوتے ہیں کہ خُدا پھر کبھی آپ کے ضمیر سے بات نہیں کرتا، خُدا آپ کو دوبارہ کبھی آپ کی گنہگاری نہیں دکھاتا۔ اور پھر خُدا آپ کو ’’ذبح‘‘ کرنے کے لیے تیار ہے – حالانکہ آپ اسے نہیں جانتے (I سموئیل 2: 25)۔

آخر میں، بائبل ہمیں بتاتی ہے کہ ایک جنگ کے دوران ان دو جوانوں، عیلی کے بیٹوں کے ساتھ کیا ہوا:

’’اور خداوند کا صندوق اُن کے ہاتھ سے نکل گیا اور عیلی کے دونوں بیٹے، حُفنی اور فینحاس بھی مارے گئے‘‘ (I سیموئیل 4: 11)۔

ان کی گناہ کی عادتیں ایسی زنجیریں بن گئیں جنہیں وہ توڑ نہیں سکتے تھے۔ وہ اُن کے دشمنوں فلستینیوں کے ہاتھوں مارے گئے، کیونکہ خُدا اُن سے دور ہو گیا تھا اور اُنہیں مرنے کے لیے چھوڑ دیا تھا۔

آپ کے ساتھ یہی ہوگا اگر آپ گناہ کرتے رہیں گے جب تک کہ گناہ ایسی عادت نہ بن جائے آپ اسے چھوڑ نہیں سکتے۔ اس کے بارے میں کوئی غلطی نہ کریں، بائبل کہتی ہے، ’’گناہ کی اجرت موت ہے‘‘ (رومیوں 6: 23)۔ ’’جو جان گناہ کرتی ہے وہ مر جائے گی‘‘ (حزقی ایل 18: 4، 20)۔

اسے یاد رکھیں، اگر آپ اس واعظ میں باقی سب کچھ بھول جاتے ہیں: تباہ کن، گناہ آمیز عادتیں ان دیکھی زنجیریں بناتی ہیں جو آپ کو غلام بنا دیتی ہیں – اور آخرکار آپ کو تباہ کر دیتی ہیں۔

II۔ آپ گناہ کی عادات کی زنجیروں کو توڑنے اور آزاد ہو جانے کے لیے کیا کر سکتے ہیں؟

گناہ کی بری عادتوں کو چھوڑنے کے دو اصول ہیں۔ پہلا ٹامس اے کیمپسThomas a Kempis نے دیا ہے، جو اصلاح سے پہلے کے آدمی تھے۔ اور دوسرا مشنری جان آر موٹ John R. Mott نے دیا ہے۔

1. تھامس اے کیمپس، اگرچہ دوسری چیزوں میں غلط تھا، لیکن اس نے بالکل درست کہا جب اس نے کہا، ’’عادت عادت پر قابو پاتی ہے۔‘‘ اس کا مطلب یہ تھا کہ – کسی بری عادت کو چھوڑنے کے لیے آپ کو اس کی جگہ اچھی عادت پیدا کرنی چاہیے۔

اس محاورے، اس قول میں بڑی سچائی ہے۔ مثال کے طور پر، اگر آپ کو دنیاوی لوگوں کے ساتھ شراب پینے یا منشیات لینے کی بری عادت ہے، تو آپ اس عادت کو ایک نئی عادت سے چھوڑ سکتے ہیں – اتوار اور ہفتہ کی رات کو گرجہ گھر آئیں۔ آپ اس وقت کو ’’پُر‘‘ کرتے ہیں جب آپ بری عادتوں [کے وقت] پر ایک نئی عادت کے ساتھ عمل کرتے ہیں – گرجہ گھر میں آنا۔

2. جان آر موٹ نے کہا، ’’میں کسی ایسے آدمی کو کبھی بھی نہیں جانتا تھا کہ وہ کسی بری عادت پر دھیرے دھیرے قابو پا لے۔‘‘ مجھے یقین ہے کہ وہ صحیح تھا۔ اس کا مطلب یہ تھا – کسی بری عادت کو چھوڑنے کے لیے آپ کو اسے ایک ہی بار میں روکنا ہوگا، اور اسے دوبارہ کبھی نہیں کرنا ہوگا۔

میری والدہ پینسٹھ سال تک ہر روز سگریٹ کے تین پیکٹ پیتی تھیں۔ یہ عادت اس کے اندر اس قدر پیوست تھی کہ یہ لفظی طور پر اُن کی زندگی کا حصہ تھی۔ لیکن جس دن وہ مسیحیت میں آئیں اُںہوں نے سگریٹ ہمیشہ کے لیے چھوڑ دی۔ وہ اکثر کہا کرتی تھی، ’’جب تم چھوڑتے ہو، تم چھوڑ دیتے ہو، تم یہ نہیں کہتے کہ ’میں چھوڑنے کی کوشش کر رہی ہوں۔‘‘‘ وہ جان آر موٹ کے محاورے کو ثابت کر رہی تھی، ’’میں کسی ایسے آدمی کو کبھی بھی نہیں جانتا تھا کہ وہ کسی بری عادت پر دھیرے دھیرے قابو پا لے۔‘‘

ایک خاتون جو کئی سالوں سے بہت زیادہ سگریٹ نوشی کرتی تھی کچھ عرصہ قبل ہمارے گرجہ گھر میں آئی تھی۔ میں نے اسے اپنی ماں کی بپتسمہ کی تصویریں دکھائیں اور بتایا کہ ماں نے کہا، ’’جب تم نے چھوڑ دیا تو تم نے چھوڑ دیا۔‘‘ اگلے ہفتے میں نے اس خاتون سے پوچھا کہ کیا اس نے چھوڑ دیا ہے۔ ’’اوہ، ہاں،‘‘ وہ بولی۔ ’’جب بھی میں سگریٹ پینا چاہتی تھی، مجھے ڈاکٹر ہائیمرز کی والدہ کی بات یاد آتی تھی – ’جب تم چھوڑ دیتے ہو، تم چھوڑ دیتے ہو‘۔‘‘ میری والدہ کو خوشی ہوئی ہوگی کہ سگریٹ نوشی چھوڑنے میں ان کے تجربے نے اس عورت کی مدد کی ہے – جو اب ہمارے گرجہ گھر کی رکن ہے۔

لہذا، تباہ کن، بری عادتوں پر قابو پانے کے لیے ہمارے پاس دو عظیم اصول ہیں۔

1. بری عادت کو اچھی عادت سے بدل دیں۔

2. بری عادت کو ایک ساتھ چھوڑ دیں – اور اس کی طرف کبھی واپس نہ جانے کا عزم کریں۔ بری عادت کو چھوڑنے کے لیے – اسے چھوڑ دو!

بری عادت کو چھوڑنے میں، ماہرین نفسیات ہمیں بتاتے ہیں کہ چار ضروری اقدامات ہیں:

1. ’’میں یہ کروں گا‘‘ (ایک یقینی، طے شدہ عمل)۔

2. کئی ہفتوں تک جدوجہد (یہ نازک وقت ہے – آپ کو اس دوران ایک بار بھی بری عادت نہیں دہرانی چاہیے)۔

3. عادت کو دہرانے کی خواہش کا بتدریج کم ہونا۔

4. آزادی

غلط کھانے کی عادت، کے علاوہ اور بہت سی دوسری بری عادتوں کو روکنے کے لیے آپ ان چار نکات کا استعمال کر سکتے ہیں۔

ایسا ہی ہوتا ہے جب آپ گرجہ گھر سے غیرحاضر ہونے کی عادت کو توڑتے ہیں اور ہر اتوار کو آنے کی نئی عادت کو شروع کرتے ہیں۔ (ذہن میں مندرجہ بالا نکات پر جائیں)۔

گرجا گھر سے غیرحاضر ہونے کی عادت سب کی سب سے بری اور تباہ کن بری عادت ہے۔ کیوں؟ سب سے پہلے، کیونکہ یہ آپ کو خوشخبری سننے سے روکتی ہے، کہیں آپ کو نجات نہ مل جائے۔ دوسرے، کیونکہ یہ آپ کو اپنی تنہائی پر قابو پانے کے لیے قریبی مسیحی دوست بنانے سے روکتی ہے۔ اور بہت سے دوسرے بھیانک نتائج ہیں جو گرجہ گھر سے غیر حاضری کی اس بری عادت سے آتے ہیں۔

اب، یہ عادت آپ میں سے بہت سے لوگوں میں گہرائی سے پیوست ہے۔ کئی نسلوں تک آپ میں سے بہت سے لوگوں کے پاس کبھی کوئی ایسا نہیں تھا جو ایک حقیقی مسیحی ہو یا باقاعدگی سے گرجہ گھر جاتا ہو۔ آپ کو اس عادت کی زنجیروں کو توڑنا پڑے گا جس نے نسل در نسل آپ کے خاندان کو تباہ کر دیا ہے!

آپ کے والدین کا جھوٹا مذہب ہو سکتا ہے – جیسے بدھ مت، ہندو مت، کیتھولک ازم، یا پینٹی کوسٹل ازم۔ یا وہ ملحد یا اِگنوسٹک ہو سکتے ہیں۔ اگر آپ یسوع مسیح کے ذریعے نجات پانا چاہتے ہیں تو آپ کو اپنے والدین کے جھوٹے مذہب کی زنجیروں کو توڑنا پڑے گا۔

آپ ان تباہ کن مذہبی عادات کو چھوڑنے کے لئے تمام پریشانیوں میں کیوں جائیں؟ کیونکہ یسوع مسیح نے کہا:

”راہ اَور حق اَور زندگی میں ہی ہُوں۔ میرے وسیلہ کے بغیر کویٔی باپ کے پاس نہیں آتا‘‘ (یُوحنّا 14: 6)۔

صرف یسوع مسیح ہی آپ کو جینے کا صحیح راستہ دکھا سکتے ہیں۔ صرف وہ ہی آپ کو سچائی کی طرف لے جا سکتا ہے۔ وہ ہی واحد ہے جو آپ کو ابدی زندگی دے سکتا ہے۔ اور صرف یسوع مسیح ہی ہے جو آپ کی خدا سے صُلح کروا سکتا ہے، اور آپ کو خدا کی حضوری میں لا سکتا ہے۔

آپ نے دیکھا، یسوع، خُدا کا بیٹا، آپ کے گناہوں کی قیمت اور کفارہ ادا کرنے کے لیے صلیب پر مرا۔ لیکن وہ مردہ نہیں رہا۔ وہ جسمانی طور پر مردوں میں سے جی اُٹھا۔ وہ آسمان پر چڑھ گیا، اور وہ اب زندہ ہے، خدا کے داہنے ہاتھ پر بیٹھا ہے – اوپر آسمان پر – ایک اور وسعت میں۔

اور ایک اور بات – یسوع مسیح آپ کو مدد اور طاقت اور فضل دے سکتا ہے جو آپ کو اپنی زندگی میں تباہ کن گناہ کی عادتوں پر قابو پانے کے لیے درکار ہے۔ اگلے اتوار اور ہر اتوار کو گرجا گھر واپس آئیں۔ یہ شروعات ہے۔ یہ دوسرے کاموں کی غرض سے گرجا گھر سے غیرحاضر ہو جانے والی اُس ایک تباہ کُن پرانی عادت کے بدلے میں ایک نئی اچھی عادت ہے۔ اور پھر مسیح بخود کے پاس آئیں۔ وہ آپ کے گناہوں کو معاف کر دے گا۔ وہ آپ کو بچائے گا۔ وہ آپ کو ایک نئی اور ابدی زندگی دے گا۔

حقیقی مسیحیت صرف ایک فلسفہ یا اخلاقیات کا نظام نہیں ہے۔ حقیقی مسیحیت زندہ مسیح کو جاننے والی بات ہے۔ وہ ابھی زندہ ہے – اور اگر آپ اسے جان لیں گے، تو وہ آپ کو گناہ سے بچائے گا۔ مسیح کی طرف پہلا قدم اگلے اتوار کو واپس آنے کا فیصلہ کر رہا ہے۔

جب آپ ایک حقیقی مسیحی بن جائیں گے تو ہماری تلاوت کے الفاظ آپ کی زندگی میں ایک حقیقت بن جائیں گے:

’’لیکن خدا کا شکر ہے کہ اگرچہ پہلے تم گناہ کے غلام تھے لیکن اب دِل سے اُس تعلیم کے تابع ہو گئے ہو جو تمہارے سپرد کی گئی ہے۔ تم گناہ کی غلامی سے آزادی پا کر راستبازی کی غلامی میں آ گئے‘‘ (رومیوں 6: 17۔18)۔

مسیح میں ایمان لانے کی تبدیلی کے وقت بری عادتوں کو اچھی عادتوں سے بدل دیا جاتا ہے۔ جیسا کہ ڈاکٹر جان آر رائس نے اپنے ایک گانے میں کہا:

میرے سارے گناہ معاف ہو گئے؛ گناہ کی زنجیریں پارہ پارہ ہو جاتی ہیں،
اور میرا سارا دل پیش کر دیا گیا ہے، یسوع کے لیے، صرف یسوع کے لیے۔
   (’’یسوع، صرف یسوعJesus, Only Jesus ‘‘ شاعر ڈاکٹر جان آر رائسDr. John R. Rice، 1895-1980)۔

(واعظ کا اختتام)
آپ انٹر نیٹ پر ہر ہفتے ڈاکٹر ہائیمرز کے واعظ www.sermonsfortheworld.com
یا پر پڑھ سکتے ہیں ۔ "مسودہ واعظ Sermon Manuscripts " پر کلک کیجیے۔

یہ مسوّدۂ واعظ حق اشاعت نہیں رکھتے ہیں۔ آپ اُنہیں ڈاکٹر ہائیمرز کی اجازت کے بغیر بھی استعمال کر سکتے
ہیں۔ تاہم، ڈاکٹر ہائیمرز کے ہمارے گرجہ گھر سے ویڈیو پر دوسرے تمام واعظ اور ویڈیو پیغامات حق
اشاعت رکھتے ہیں اور صرف اجازت لے کر ہی استعمال کیے جا سکتے ہیں۔