انسان دا دِل – بچپن ای توں بدکار

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایتھے سانوں انسان دے دِل دے مکمل اِخلاقی زوال دی اِک واضح تصویر لبھدی اے۔ ایہ گل انتہائی قابلِ غور اے کہ اگرچہ دورِ حاضرہ دے ترجمیاں وِچ ایہنوں ’’انسان دے دِل دا رُجحان‘‘ (نئی انٹرنیشنل نسخہٗ بائبل NIV) یا ”انسان دے دل دا ارادہ“ نئی امریکن معیاری بائبل (NASB) قرار دِتا گیا اے، لیکن پرانے زمانے دے ترجمیاں وِچ ایہنوں ’’انسان دے دِل دے تصورات‘‘ (1599 کی جنیوا بائبل وِچ) تے (کِنگ جیمس نسخہٗ بائبل KJV وِچ) کے طور پر بیان کیتا گیا ہے۔ چنانچہ، جدوں اَسی موجودہ دور دے تے پرانے زمانے دے ترجمیاں دا موازنہ کرنے آں تے ساڈے ذہن وِچ ایہ سوال پیدا ہوندا اے کہ کی انسان دا دِل محض بُرائی وَل ای مائل اے، یا فیر خود آپئے اُوہدے اپنے ’’تصورات‘‘ ای ’’اُوہدے بچپن توں ای بُرے‘‘ نے؟ جدوں اَسی عبرانی تلاوت دا جائزہ لیہنے آں تے معلوم ہوندا اے کہ سانوں پرانے زمانے تے ترجمیاں دی تائید کرنی چائیدی اے، یعنی ایہ انسان دے دِل دا ’’تصور‘‘ اے جیہڑا بُرا اے، نہ کہ محض اُوہدا ’’رجحان‘‘ یا ’’اِرادہ‘‘۔ ’’رُجحان‘‘ دا مطلب اے ’’بُرانئی وَل جھکاؤ، بُرائی وَل مائل ہونا، یا بُرائی وَل اِک فطری استعداد یا میلان [رغبت]۔‘‘ اویں، ایہ موجودہ دور دے ترجمے تلاوت دے اصل مفہوم نوں کمزور کر دیہندے نے۔ عبرانی تلاوت سانوں دسدی اے کہ انسان محض بُرائی وَل مائل یا جُھکیا ہویا ای نئیں اے بلکہ اُوہدے دِؒ دے ’’تصورات‘‘ اے بذات خود بُرے نے۔ ایہ محض بُرائی وَل اِک جھکاؤ یا میلان نئیں، بلکہ ایہ بذات خود بُرائی اے!

ایویں، اَسی ویکھنے آں کہ دورِ حاضرہ دے ترجمے چنگی پرانی اصلاح تے مکمل اِخلاقی زوال دے بپٹست نظریے توں پیچھے ہٹ کے واپس کیتھولک کلیسیا دے نقطہ نظر وَل ٹر گئے نے کہ انسان صرف بُرائی وَل ’’مائل‘‘ اے۔ لہٰذا دورِ جاضرہ دے ترجمے سانوں رومن کیتھولک نظریے وَل واپس لے جاندے نے جیس وِچ انسان دا دِل صرف بُرائی وَل ’’مائل‘‘ ہوندا اے۔ ایہ لوتھر، اصلاح پسنداں تے ابتدائی بپتسمہ دین آلیاں وگریاں دا نظریہ نئیں اے۔ موجود دور تے ترجمہ نگاراں دے نیڑے انسان بُرائی وَل محض ’’مائل‘‘ اے۔ ایہ گل ظاہر کردی اے کہ جدید ترجمے ساڈے بپٹسٹ/پروٹسٹنٹ اِمتیازات نوں چھپانے وِچ کیس طرح مدد کردے نے تے روم دے نال عالمگرانہ طور تے شامل ہون نوں زیادہ توں زیادہ قابلِ فہم بناندے نے۔

لیکن ساڈے پروٹسٹنٹ تے بپٹسٹ آباؤ اِجداد دے نیڑے، انسان محض جزوی طور تے وِگڑیا ہویا (یا گناہ آلود) نئیں اے، بلکہ اُو اپنی گناہ آلود حالت تے قابو پان وچ کُجھ مدد دین دی صلاحیت رکھدا اے، یعنی اُو خود نوں ایس حالت توں نجات دلان دے لئی ’’اپنا حصہ‘‘ پا سکدا اے۔ ماہرین الہٰیات ایہنوں ’’سائنرجزم یعنی متحد عمل synergism کہندے نے۔ مگر پُرانے دور دے اصلاح کا تے پیوریٹنزPuritans دا نظریہ ایہو جیہا نئیں سی۔ اُوہناں دا مننا سی کہ انسان ’’گناہواں وِچ مُردہ‘‘ اے (افسیوں 2: 5)۔

جے پُرانے دور دے پیوریٹنز سچے سن، تے میرا مننا اے کہ اُو سچے ای سن تے گناہ وِچ مبتلا انسان وِچ محض گناہ کرن دا صرف رجحان ای نئیں پایا جاندا۔ جی ہرگز نئیں!

’’اِنسان دے دِل دا ہر خیال [ناکہ اُوہدا رجحان] بچپن ای توں بدی وَل مائل اے‘‘ (پیدائش 8: 21)۔

ایہ عبرانی لفظ ظاہر کردا اے پرانے دور دے مبلغین تے ماہرین الہٰیات درست سن تے دورِ حاضرہ دے غلط نے۔ نئے دور دے لوکی تلاوت وِچ ایس لفظ دی اہمیت نوں گھٹ کرن دی کوشش کردے نے تے اُوہنوں ’رومن کیتھولک‘ مفہوم دیہندے نے، جیہڑی کہ کِدرے بوہتی نرم اے تے غیر تبدیل شُدہ (یعنی ایمان نہ لیہان آلے) انسان دے نفسانی ذہن دے لئی زیادہ قابلِ قبول اے۔ عبرانی لفظ جیس دا ترجمہ ’تصورimagination‘ کیتا گیا اے، اُوہدا ترجمہ ’رجحانinclination‘ یا ’اِرادہ intent‘ نئیں ہونا چائیدا اے۔ ’کنگ جیمس بائبل KJV‘ وِچ اِستعمال ہون آلا لفظ ’تصور‘ اِک ایہو جئے عبرانی لفظ توں ماخوذ اے جیس دا مطلب اے ’’مقصد، ہیّت، یا [ذہن دی] ساخت‘‘ (سٹرانگ # 336)۔ انسان دے دل دا انتہائی مقصد، اُوہدی ہیّت تے اُوہدی ساخت ای ’’اُوہدے بچپن توں ای بُری اے‘‘، نہ کہ صرف اُوہدی رجحانات تے اِرادے! لہٰذا، دورِ حاضرہ دے ترجمے وِچ اِستعمال ہون آلے الفاظ دی نسبت ’کِنگ جیمس بائبل‘ دا لفظ ’تصور‘ کِدرے بہتر اے۔ ’تصور‘ پورے دِل دی کیفیت نوں بیان کردا اے، نہ کہ محض اُوہدے کسی رجحان یا اِرادے نوں۔

پیدائش 8: 21 وگری آیتاں دی روشنی وِچ، 16ویں صدی دی ’بیداری‘ نے انسان دے ’مکمل اِخلاقی زوال‘ توں متعلق بائبلی تعلیم نوں دوبارہ بحال کیتا۔

’’انسان دے دِل دا ہر خیال [مقصد، ہیّت] بچپن توں ای بدی وَل مائل اے‘‘ (پیدائش 8: 21)۔

I۔ پہلی گل، طوفان توں پہلاں انسان دی ایہو ای حالت سی۔

’’خدا نے ویکھیا کہ زمین تے انسان دی بدی بہوتی ودھ گئی اے تے اُوہدے دِل دے خیالات ہمیشہ بدی وَل مائل رہندے نے‘‘ (پیدائش 6: 5)۔

انسانی فطرت دے بارے وِچ ایہ اُو نظریہ نئیں اے جیہڑا اکثر لوکاں دا اے۔ قدیم زمانے وِچ، غیر مسیحی قوماں انسان دے وقار تے اُوہدی اچھائی دا ذکر کیا کردی سن۔ قدیم فلسفیاں دا کہنا سی کہ اِنسان اِک برتر مخلوق اے، جیس وِث خود نوں بہتر بنان دی صلاحیت موجود اے، جیویں کہ مغرب وِچ سقراط تے مشرق وِچ کنفیوشس نے کہیا سی۔ بعد ازاں، عہد مسیحیت وِچ وی، بہتیرے لوکاں نے انسان دی صلاحیتاں تے اُوہدی فطرت دی بھرپور تحسین کیتی۔

ایہ ایراسمسErasmus (1466-1536) دی کیتھولک تعلیم تے اصلاح پسنداں دے وِچکار بنیادی فرق سی۔ کی انسان مکمل طور تے اِخلاقی زوال وِچ ڈِگیا ہویا سی، یا انسانی فطرت وِچ کوئی ایہو جئی شے رہ گئی سی جیہڑی خدا دے نال تعاون کر سکے؟ ایراسمس نے کہیا کہ انسان دا دِل خدا دے نال تعاون کرن دے لئی آزاد اے، کہ انسان خدا دی فرمانبرداری دے لئی ’’فیصلہ‘‘ کر سکدا اے۔ اصلاح پسنداں نے کہیا کہ ایہ جھوٹ اے،

’’اُوہدے دِل دے خیالات ہمیشہ بدی وَل مائل رہندے نے‘‘ (پیدائش 6: 5)۔

’مکمل اِخلاقی زوال‘ نوں لوتھر نے اُو ’’مرکزی نکتہ‘‘ قرار دِتا جیس تے سب کُجھ منحصر اے، کیوں جے ایہدے نال ایہ طے ہوندا اے کہ آیا مسیحیت ’فضل‘ دا مذہب ہووے گی یا ’اعمال‘ دا۔

اگرچہ کیتھولک کلیسیا تے فیصلہ سازی تے زور دین آلے‘‘، بپٹسٹ تے پروٹسٹنٹ ایہ تعلیم دیہندے نے کہ انسان نوں خدا وَل رجوع کرن یا جواب دین دی آزادی اے، لیکن بائبل ایہدے بالکل برعکس تعلیم دیہندی اے۔ بائبل دسدی اے کہ انسان باغِ عدن وِچ (گناہ چہ) ڈِگ گیا سی۔

’’اِک آدمی دے ذریعے گناہ دُنیا وِچ آیا، تے گناہ دے ذریعے موت تے ایویں موت سارے انساناں تیکر پھیل گئی‘‘ (رومیوں 5: 12)۔

آدم دی نافرمانی دی وجہ توں سارے لوکی گنہگار شمار کیتے گئے کیوں جے

’’اُوہدے اپنے وانگوں اِک پُتر پیدا ہویا‘‘ (پیدائش 5: 3)۔

اُوہدے لئی ممکن ای نئیں سی کہ کسی دوجی طرح دے پُتر دا پیو بن سکے، کیوں جے

’’کیہڑا ناپاک وِچوں پاک شے کڈ سکدا اے؟ کوئی وی نئیں‘‘

نتیجے دے طور تے، ساری نسل انسانیت نے اُو فطرتاں وراثت وِچ پائیاں جیہڑیاں نے

”اُمید توں محروم تے دُنیا وِچ خدا دے بغیر‘‘ (افسیوں 2: 12)۔

تے ایویں، سارے بنی نوع انسان پیدا ہوندے نے جیویں

”میں بدی وِچ تشکیل پایا تے میری ماں نے میہنوں گناہ چہ حاملہ کیتا‘‘ (زبور 51: 5)؛

”کیوں جے ساریاں نے گناہ کیتا اے تے خدا دے جلال توں محروم نے‘‘

ایس لئی خداوند نے ہیٹاں نسل انسانی تے نظر پائی تے کہیا،

’’کوئی راستباز نئیں، اِک وی نئیں … سارے دے سارے گمراہ ہو گئے نے … کوئی نئیں جیہڑا بھلائی کردا ہووے، اِک وی نئیں‘‘ (رومیوں 3: 10، 12)۔

ایس لئی، جدوں خدا نے آسمان توں ہیٹاں نظر پائی، تے اُوہنے

’’ویکھیا کہ زمین تے انسان دی بدی بہوتی زیادہ ہو گئی سی تے کہ اُوہدے دِل دے خیالات ہمیشہ بدی وَل مائل رہندے نے‘‘ (پیدائش 6: 5)۔

کوئی کہہ سکدا اے، ’’ایہ اعلیٰ کیلونزم اے!‘‘ لیکن تُسی غلط اُو۔ میں جان ویزلی دے اِک واعظ دی تشریح کر رہیا آں، جیہڑا اِک آرمینیائی سی تے بالکل کیلونسٹ نئیں سی! (’’موروثی گناہ توں Of Original Sin‘‘ تحریر محترم جناب جان ویزلی، ایم اے۔ Rev.John Wesley, M.A.، جان ویزلی دے اعمال The Works of John Wesley، بیکر کُتب گھر Baker Book House، دوبارہ اشاعت 1979، جلد VI، صفحات 54۔55)۔ میں شاید ایہنی ای آسانی نال ساڈے مشہور بپتسمہ دین آلے پیشوا جان بنعیان یا سپرجیئن جیہڑے کہ ساڈے زمانے دے بپتسمہ دین آلے مبلغ نے، دی تشریح کر سکنا آں! ایہ حقیقی بپتسمہ دین آلیا تے پروٹسٹنٹ آرتھوڈوکس دا اِک مرکزی نقطہ اے، اگرچہ ایہ ہُن کیتھولک تے انجیلی بشارت دی ’’فیصلہ پسندی‘‘ دے ذریعہ بِگڑ چکیا اے۔ ایہ مکمل بگاڑ یا اِخلاقی زوال دا نطریہ اے جیہڑا بپٹسٹاں دی گریٹ لندن کانفیشن، پریسبائٹیرینز دے ویسٹ منسٹر کانفیشن، لوتھرین دے ہائیڈلبرگ کانفیشن، تے چرچ آف انگلینڈ دے انتیس آرٹیکلز وِچ پایا جاندا اے۔ ایہ انسان دی مکمل بدحالی یا اِخلاقی زوال دا نظریہ اے، جیہڑا اِک پاسے تے رومن کیتھولک دے وِچکار بنیادی فرق سی تے دوجے پاسے بپتسمہ دین آلیاں تے پروٹسٹنٹاں دے وِچکار بنیادی فرق اے، ’’اُو قبضہ جیس وَل ساریاں دا رُخ اے۔‘‘ تلاوت ایس غلط تعلیم نوں درست کردی اے۔ ایہ سیلاب توں پہلاں انسان دی تاریک تصویر پیش کردی اے۔

تے خدا نے ویکھیا کہ زمین تے انسان دی بدی بہوتی زیادہ ہو گئی سی، تے کہ اُوہدے دِل دے خیالات ہمیشہ بید وَل مائل رہندے نے‘‘ (پیدائش 6: 5)۔

II۔ دوجی گل، طوفان دے بعد وی انسان دی ایہو ای حالت رئی۔

ایس عظیم تباہی نال انسان وِچ کُجھ وی نئیں بدلیا۔ سیلاب توں پہلاں خدا نے انسان وَل ویکھیا تے ویکھا

’’کہ اُوہدے دِل دے خیالات ہمیشہ بدی وَل مائل رہندے نے‘‘ (پیدائش 6: 5)۔

’’انسان دے دِل دے خیالات پچپن توں ای ہیں‘‘ (پیدائش 8: 21)۔

چنانچہ، اِک اِضافی خیال ایہ اے کہ انسان دے دِل دی بُری فطرت بچپن ای توں، یعنی ’’اُوہدی نوعمری دے زمانے توں‘‘، موجود ہوندی اے۔

”اُو پیدا ہوندے ای بھٹک جاندی اے‘‘ (زبور 58: 3)۔

طوفان نوح دے بعد وی صورت حال بالکل اُونج ای اے … تُسی شاید ایہ اُمید کیتی ہووے گی کہ ایہنے ہولناک فیصلے … جیہدے وِچ محض آٹھ بندے ای بچ پائے سن … کہ ہُن انسان دی فطرت وِچ بہتری آئے گی۔ [لیکن] اینج نئیں اے … اُوہی خدا جِنہے طوفان توں پہلاں انسان نوں ویکھ کے ایہ قرار دِتا سی کہ اُوہدے خیالات بُرے نے، طوفان دے بعد وی اُوہناں دے بارے وِچ اُوہی فیصلہ سنندا اے۔ اے خدا! انسانی فطرت کیہنی مایوس کُن اے! ایہ کیہنا ناممکن اے کہ نفسانی ذہن خدا دے نال صلح کر سکے! … ایتھوں تیکر کہ تیرے فیصلیاں(عذاباں) دے دے سیلاب وی ایہنوں ایہدے بُرے تصورات توں پاک نئیں کر سکدے! … ڈاکٹر ڈِک Dr. Dick کہندے نے، ’’انسان دے سارے خیالات، ساریاں خواہشاں تے سارے اِرادے، خواہ صراحتا! ہون یا اشارتاً، بُرے ہوندے نے، کیوں جے اُوہناں دا موضوع ای کُھلم کُھلا گناہ تے مبنی ہوندا اے، یا ایس لئی کہ اُوہناں دی بنیاد کسی پاکیزی اصول تے نئیں ہوندی تے نہ ای اُوہناں دا رُخ کسی درست مقصد وَل ہوندا اے۔ اینج نئیں اے کہ انسانی روح کدی کدی وگاڑ (اِخلاقی زوال) دے زیر اثر آندی ہووے، بلکہ ایہ تے اُوہدی عادت تے کیفیت اے۔ کوئی ایہو جیہا جملہ تشکیل دینا ناممکن اے جیہڑا ایہدی مکمل تباہ حالی (فساد) نوں ایس توں زیادہ واضح انداز وِچ بیان کر سکے‘‘ (سی ایچ سپرجیئن، ”انسانی زوال تے الہی رحمت Human Depravity and Divine Mercy“، میٹروپولیٹن عبادت گاہ دی واعظ گاہ The Metropolitan Tabernacle Pulpit، پلگرم پبلیکیشنز، 1979 دی دوبارہ اشاعت، جلد گیارہ، صفحات 99-100)۔

’’اُوہدے دِل دے خیالات دا ہر تصور ہمیشہ صرف بدی وَل مائل رہندا اے‘‘ (پیدائش 6: 5)۔

”انسان دے دل دے خیالات اُوہدی نوعمری توں ای بُرے ہوندے نے۔“ (پیدائش 8: 21)

’’اُوہناں دی عقل تاریک ہو گئی اے، تے اُو اپنی سخت دِلی دے باعث جیہڑی اُوہناں وِچ اے جہالت وِچ گرفتار نے تے خدا دی دِتی ہوئی حیاتی وِچ اُوہناں دا کوئی حصہ نئیں‘‘ (افسیوں 4: 18)۔

ایہو ای وجہ اے کہ اٹھارویں صدی دے حمدوثنا دے گیت لکھن آلے جوزف ہارٹ نے انسان نوں ایویں بیان کیتا: ’’گنہگار تے پست، اِک سخت دِل گروہ، اِک باغی نسل‘‘ (’’خدا دے سارے چُنے ہوئے مقدسو، آؤ‘‘شاعر جوزف ہارٹ، 1712-1768)۔ اگرچہ جوزف ہارٹ دی پرورش اِک مسیحی گھرانے وِچ ہوئی سی، لین اُو (ایمان دی تبدیلی دے تجربے توں) محروم رئے۔ اُوہناں نے کہیا،

اپنی عمر دے اکیسویں ورے دے لگ بھگ، میں اپنی جان دے معاملے وِچ شدید بے چینی دا شکار ہون لگا … گناہ کرن تے توبہ کرن، نیک اعمال دی کوشش کرن تے (خدا دے غضب توں) ڈرن دے ایس پرتشویش سلسلے وِچ، میں اَگے ودھدا رہیا، ایتھوں تیکر کہ میں اپنی فطرت دی بُرائی، اپنے دِل دی فریب کاری تے سختی … اپنی مسیحی حیاتی دے سطحی پن، تے اپنی عقیدت دی انّھی کیفیت دے احساس وِچ مذید گہرائی تیکر دھنسدا چلا گیا۔ میں ویکھیا کہ میں اِک خطرناک حالت وِچ آں، تے ایس توں پہلاں کہ میں خود نوں ’مسیحی‘ کہہ سکاں … میرے کول ایس توں کِدرے بہتر مذہب (یا ایمان) وہنا چائیدا اے جیہڑا ہُنے تیکر میرے تجربے وِچ رہیا سی … لیکن، افسوس! ایہ کام میرے لئی ایہنا ای ناممکن سی جِنہا کہ مُردیاں نوں زندہ کر دینا (جوزف ہارٹJoseph Hart، ہارٹ دے حمدوثنا دے گیت Hart’s Hymns، اولڈ پاتھس گوسپل پریس Old Paths Gospel Press، دوبارہ اشاعت 1965، دیباچہ، صفحات v۔vi)۔

میرا اِک بیلی، جیہڑا ایریزونا دے شہر ٹیمپے Tempe وِچ اِک پادری سی، اپنی حیاتی دے آخیرلے دِناں وِچ، جدوں اُو ہولی ہولی موت وَل ودھ رہیا سی، ہر چند دِناں تے بعد میہنوں ٹیلیفون تے گل کیا کردا سی۔ ساڈی ایہناں متعدد گفتگوواں وِچوں ہر اِک دے دوران، اُو ایس سوال تے گہری سوچ وِچ ڈوب جاندا تے حیران ہوندا کہ اَج ساڈی کلیسیاواں وِچ گناہ دے تحت سزایابی دا احساس ایہنا گھٹ کیوں اے۔ اُو ساڈی ہر گفتگو وِچ ایہو ای کہندا، ’’میہنوں حیرت اے کہ اَج گناہ دا احساس ایہنا گھٹ کیوں اے؟‘‘ میں جانندا سی کہ اُو موت دے قریب اے تے کینسر دی وجہ توں شدید تکلیف وِچ مبتلا اے، ایہ کینسر اُوہدے سارے جسم وِچ پھیل چکیا سی، ایس لئی میں اُوہنوں کوئی مشورہ دین دے بجائے صرف اُوہدیاں گلاں سُنیاں، تاکہ اُوہدے آخیرلے لمحات دے خیالات وِچ کوئی خلل نہ پاواں۔ ’’میہنوں حیرت اے کہ اَج گناہ دے تحت سزایابی دا احساس ایہنا گھٹ کیوں اے؟‘‘ اُوہنے ساڈی گفتگوواں دے دوران بار بار ایہو ای گل کہی۔ موت دے بستر تے پیہئے ہوئے، ایہ گل ایہنوں بے حد پریشان کر رئی سی۔ کُجھ عرصہ بعد، میں اُوہدی اَخیرلی رسومات (جنازے) وِچ شرکت د ےلئی ایریزونا گیا۔ اُوتھے کئی ممتاز بپٹسٹ مبلغاں نے خطان کیتا، لیکن میہنوں ٹھیک توں یاد نئیں کہ اُوہناں نے کی کہیا۔ جدوں میں اُوہدے کلیسیا دے کھچا کھچ بھرے ہال وِچ بیٹھا سی، تے بار بار ایس ای سوال دے بارے وِچ سوچدا رہیا، ’’اَج گناہ دے تحت سزایابی دا احساس ایہنا گھٹ کیوں اے؟‘‘ پوری آخیرلی رسماں دے دوران، اُوہدے ایہ الفاظ میرے ذہن وِچ گونجدے رئے۔

آہستہ آہستہ، اُوہدے جنازے دے بعد دے ہفتیاں تے میہنیاں وِچ، آخر کار میں اِک جواب تے پہنچیا۔ میں محسوس کرنا شروع کیتا کہ ایہدا جواب اِک انتہائی اہم سوال اے، درحقیقت ایہناں بُرے دِناں دے بارے وِچ سب توں اہم گل اے جیہڑی اِک مبلغ سوچ سکدا اے۔ تے ہُن میہنوں لگدا اے کہ میرے کول جواب اے۔ اَسی گناہ دے تحت سزایابی نوں اینج نئیں ویکھدے جیس دا جوزف ہارٹ، تے بہتیرے دوجے لوکاں نے پہلی عظیم بیداری وِچ، وڈے پیمانے تے تجربہ کیتا کیوں جے اَسی گناہ دے تحت سزایابی آلے واعظاں دی تبلیغ نئیں کرنے آں تے ساڈے وِچوں چند لوکی دِل توں دعا منگنے آں کہ بھٹکے ہوئے لوکاں نوں روح دی سزا دیہن آلی ایس اذیت دا سامنا کرنا پیہئے جیویں کہ جوزف ہارٹ تے ہزارہا دوجے لوکاں نے محسوس کیتا، بہتر تے واضح روحانی ادوار وِچ۔ ہُن اَسی سوچنے آں کہ ہارٹ وانگوں یقین اہم نئیں اے، شاید عجیب، یا نفسیاتی طور تے عجیب اے۔ ہُن اَسی سوچنے آں کہ سانوں صرف بائبل دی تعلیم دین دی لوڑ اے، تے لوکاں دے لئی ایس طرح دے اعتقاد دی تلاش دے لئی دعا تے تبلیغ کرن دی لوڑ نئیں۔ مبلغین اِک فوری فیصلے نال مطمئن ہو گئے نے تے اُو روح دی اذیت نوں بھُل گئے نے جیس دا تجربہ ساڈے آباؤ اِجداد نے کیتا سی جدوں اُوہنان نے حقیقی تبدیلی دا تجربہ کیتا سی۔ لیکن میں ’’مسیح دے لئی‘‘ فوری تے غیر جذباتی فیصلیاں نال مطمئن نئیں آں۔ میں جاننا آن کہ ایہو جئے ’’فیصلے‘‘ انسانی دِل نوں حقیقی معنیاں وِچ تبدیل نئیں کرن گے۔ حقیقی تبدیلیاں تقریباً ہمیشہ روح دی کُجھ اذیتاں دے نلا ہوندی اے جیس نال جوزف ہارٹ اپنی تبدیلی دے دوران لنگہے سن، جیہڑی اُوس زمانے وِچ بہوتی عام سی، لیکن ساڈے زمانے وِچ بہوتی گھٹ اے۔

تے، ایویں، میہنوں گناہ دے تحت سزایابی دے سچے دِل دہلا دین آلے یقین دی حقیقت دی تبلیغ کرنی چائیدی اے۔ میہنوں تہانوں ماضی دے احیاء [حیات نو دے اِجلاساں] دے حقیقی مرداں تے عورتاں دی اپنی تبلیغ وِچ مثالاں دیہنیاں چائیدیاں نے جِنہاں نے اپنے دِلاں دی بُری حالت نوں جان لیہیا سی۔ یاد رکھو کے 18ویں صدی دے عظیم مبشر جارج وائٹ فیلڈ نے بار بار اپنی اَکھاں وِچ اَتھروواں دے نال، جدوں اُوہناں دا دِل جذبات نال پھٹن دے لئی تیار سی کہیا کہ کوئی وی حقیقی معنیاں وِچ اُدھوں تیکر تبدیل نئیں ہو سکدا جدوں تیکر کہ اُوہنوں یقین نہ ہووے کہ اُو اِک مکمل طور تے منحرف گنہگار اے، جیہڑا ایہنوں محسوس کراندا اے۔

’’میں کیہو جیہا بدبخت انسان آں! ایس موت دے بدن توں میہنوں کون چھڑائے گا؟‘‘ (رومیوں 7: 24)۔

جے خدا وَلوں عطا کردہ ایہو جئی اندرونی مایوسی نہ ہووے، تے شاید ای کوئی مسیح چہ سکون پا سکے، یا اُوہدے اُوس لہو دے وسیلے نال پاک ہو سکے جیہڑا سارے گناہواں دا کفارہ ادا کردا اے۔

تے تہاڈی روح دا کی حال اے؟ کی تُسی مسیح وِچ پیش کی جان آلی نجات دی دعوت دے نال سرد مہر اُو؟ جے اینج اے، تے کی ایہدی وجہ ایہ نئیں کہ تُسی اپنے دِل دی ہولناک فطرت نوں محسوس ای نئیں کیتا؟ کی ایہدی وجہ ایہ نئیں کہ تُسی ایہ سمجھنے نال قاصر رئے اُو کہ تُسی اِک ناپاک وجود اُو، تے ایہ کہ تُسی اپنے دِل دی گہرائیاں وِچ یسوع دی کوئی لوڑ محسوس نئیں کردے؟

جے تُسی محسوس کردے اُو کہ تہاڈا دِل مسخ ہو چکیا اے تے بدکار اے تے تُسی مسیح دے کول نٹھے چلے آؤ گے، کوئی سوال نئیں کرو گے، اُوہدے کول کیویں آنا اے دے بارے وِچ کوئی جواب نئیں لبھہو گے۔ تُسی یسوع دے کول نٹھو گے، اُوہدے قدماں وِچ ڈِگو گے، تے گناہ دی وجہ توں اینج دی لٹ گئی تے مُردہ، اپنی تباہ شدہ روح نوں بچان دے لئی اُوہنوں التجا کرو گے۔

ویکھو، اُو تہاڈے لئی سولی تے جان دیہندا اے، تاکہ تہاڈے گناہ دی ہولناک قیمت ادا کر سکے! ویکھو کہ، اُو مُردیاں وِچوں جی اُٹھدا اے تاکہ تہاڈی ایس زخمی روح نوں حیاتی بخشے، جیہڑی ’زوال‘ (گناہ وِچ ڈِگن) دے باعث وِگڑ چکی سی تے تباہ ہو گئی سی! جے تہانوں اپنی وِگڑی ہوئی حالت دا ذرا جیہا وی احساس اے، تے مسیح دی پناہ وِچ نٹھے چلے آُؤ، خود نوں پوری طرح اُوہدی بانہواں دے حوالے کر دیو، تے یسوع تہاڈے ایس اِخلاقی وِگاڑ نوں شفا دے گا تے تہاڈے اندر ’’اِک درست روح‘‘ بحال کر دے گا۔ جے تہانوں اپنے گناہ دا ذرا جیہا وی احساس اے، تے فوراً یسوع دے کول آ جاؤ! ’’ہُن ایس سرخ دھارے (لہو) وِچ ڈبکی لگاؤ، جیہڑی تہانوں برف وانگوں سفید کر دیہندا اے!‘‘

کیوں جے یسوع نے اپنا بیش قیمت لہو وگایا،
   یسوع نے عطا کرن دے لئی بکثرت برکات دِتیاں،
سُرخی مائل سیلاب وِچ ہُنے ڈُبکی لگاؤ
   جیہڑا برف وانگوں سفید شفاف دھو ڈالدا اے۔
صرف اُوس ای تے پروہسا کرو، صرف اُوس ای تے پروہسا کرو،
   ہُنے صرف اُوس تے ای پروہسا کرو،
اُو تہانوں بچائے گا، اُو تہانوں بچائے گا،
   اُو ہُنے تہانوں بچائے گا۔
(’’صرف اُوس ای تے پروہسا کروOnly Trust Him ‘‘ شاعر جان ایچ. سٹاکٹن John H. Stockton، 1813۔1877).

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔