فرحت بخش خوشبو

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

اَسی ویکھیا کہ بائبل دی توجہ خود نوح تے نئیں بلکہ قربانیاں تے مرکوز اے۔ اَسی ویکھیا کہ کیویں کُجھ عظیم تے خدا ترس مفسرین نے غلطی نال اپنی توجہ نوح دی خدا ترسی تے اُوہدی دعاواں وَل مبذول کر لی۔ قربانی تے تبصرہ کرن دے بجائے، اُوہناں نے اپنی توجہ نوح، اُوہدی پارسائی تے دعاواں تے مرکوز کر دِتی۔

میرے خیال وِچ ایہ ساڈے دور دا اِک حقیقی مسئلہ اے، تے اینج لگدا اے کہ ایہ صورتحال مذید وِگڑدی جا رئی اے۔ اَج کل مسیحیت دا مرکز زیادہ تر انسان دے ’’احساسات‘‘ تے ’’اعمال‘‘ بنندے جا رئے نے، جدوں کہ مسیح دی ایس معروضی تے خارجی قربانی تے توجہ گھٹ ہوندی جا رئی اے؛ تے ایویں اُوہناں نے …

’’خالق دے بجائے مخلوق دی عبادت تے خدمت کیتی‘‘ (رومیوں 1:25)۔

مسیحیت دا مرکز محض راستباز ہون دا احساس ای نئیں اے بلکہ راستباز ٹھہرایا جانا وی اے۔ یسوع دے کول آن دے لئی ایس حد تیکر احساسِ جرم دا ہونا ضروری اے جیہڑا سانوں اُوہدے وَل لے جائے، لیکن میرا نئیں مننا کہ ایمان لیہیان آلے بندے نوں ہر ویلے تے ہمیشہ خود نوں راستباز محسوس کردے رہنا چائیدا اے۔ ایمان وِچ کدی کدی اُتار چڑھاؤ آ سکدا اے تے اُوہدی لو مدھم پے سکدی اے۔ مگر رسول سانوں ایہ نئیں کہندا کہ اَسی ایمان دے ذریعے توں نجات پانے آں۔ اُو کہندا اے کہ اَس ’’ایمان دے وسیلے توں ای نجات پانے آں‘‘ (افسیوں 8: 2)۔ نجات دین آلی چیز خود ایمان نئیں اے، بلکہ مسیح اے جیہڑا سانوں نجات بخشدا اے۔ جدوں اَسی مسیح وِچ ’’ایمان دے وسیلے توں نجات‘‘ پا لیہنے آں، تے بعد وِچ کدی کدی سانوں ایہ محسوس ہو سکدا اے کہ ساڈٓا ایمان کافی نئیں اے، تے ایہ گل درست وی ہو سکدی اے۔ لیکن ساڈی نجات ایمان دی وجہ توں نئیں، بلکہ ایمان دے وسیلے نال ہوندی اے۔ تے اگرچہ ساڈی آدمیتی فطرت (یعنی اُو انسانی فطرت جیہڑا ایمان لیہان دے بعد وی باقی رہندی اے) دی وجہ توں ساڈا ایمان کدی کدی مدھم پے سکدا اے، فیر وی اَسی راستباز ای ٹھہرائے رہنے آں کیوں جے اَسی …

”خدا دی قدرت نال محفوظ رکھے جانے آں‘‘ (I پطرس 1: 5)۔

’’فیر کیہڑا نجات پا سکدا اے؟ تے یسوع نے اُوہناں وَل ویکھ کے کہیا، ایہ انساناں دے لئی تے ناممکن اے لیکن خدا دے لئی نئیں، کیوں جے خدا توں سب کُجھ ہو سکدا اے‘‘ (مرقس 10: 26۔27)۔

خدا نجات دلان آلے ایمان نوں ممکن بناندا اے۔ تے، اینج، جدوں اِک بندہ یسوع وِچ ایمان دے ذریعے نجات پاندا اے، تے اُوہدے کول ’’ہمیشہ دی حیاتی ہوندی اے، تے اُو سزا دا مستحق نئیں قرار پائے گا، بلکہ موت توں حیاتی وِچ منتقل ہو جاندا اے‘‘ (یوحنا 5: 24) – چاہے اُو ہمیشہ محسوس کردا اے کہ اُو موت توں حیاتی وِچ چلا گیا اے یا نئیں، کیوں جے،

’’ایہ باپ دی مرضی اے جس نے میہنوں پیہجھیا اے کہ میں اُوہناں وِچوں کسی نوں ہاتھوں نہ جان دیاں جِنہاں نوں اُوہنے میہنوں دِتا اے بلکہ آخیرلے دِن فیر توں زندہ کر دیاں‘‘ (یوحںا 6: 39)۔

ایہ سچ اے کیوں جے یسوع نے سارے سچے مذہب بدلن آلیاں دے بارے وِچ کہیا،

’’میں اُوہناں نوں ہمیشہ دی حیاتی دیہنا آں تے اُو کدی ہلاک نہ ہون گے‘‘ (یوحنا 10: 28)۔

”خدا دی قدرت نال محفوظ رکھے جانے آں‘‘ (I پطرس 1: 5)۔

ایہ سب کُجھ ظاہر کردا اے کہ ساڈی نجات ایمان دلان دے بعد (یا ایس توں پہلاں) دے ساڈے موجودہ احساسات دے وسیلے توں نئیں، بلکہ اُوس ایمان دے تحفے دے ذریعے ہوندی اے جیہڑا سانوں اُوس ویلے عطا کیتا جاندا اے جدوں اَسی یوسع مسیح راستباز ٹھہرائے جانے آں۔ چنانچہ، جدوں خدا کسی بندے نوں یسوع تے نجات بخشن آلا ایمان عطا کردا اے، تے اُو اُوہنوں واپس نئیں لیہندا۔ تے اُودھوں توں ایمان لیہایا ہویا بندہ یسوع اُوتے، تے سولی تے اُوہدی قربانی تے پروہسا رکھدا اے۔ ایمان لیہیان دے بعد اُوہدا ایمان گھٹ ودھ سکدا اے، لیکن اُوہدی نجات مسیح یسوع وِچ محفوظ رئے گی۔ تے ایہ گل سانوں نوح دی قربانی توں متعلق ساڈی اصل تلاوت وَل واپس لے جاندی اے:

’’تے جدوں اُوہناں دی فرحت بخش خوشبو خداند تیکر پہنچی تے خداوند نے دِل ای دِل وِچ کہیا، میں انسان دے سبب توں فیر کدی زمین تے لعنت نئیں پھیہجاں گا … ‘‘ (پیدائش 8: 21)۔

ایس تلاوت دا مرکز نگاہ نوح دا مسلسل تے کامل ایمان یا اطاعت نئیں، بلکہ مسیح اے جیس دی عکاسی نوح دی قربانیاں وِچ کیتی گئی اے۔ چنانچہ، ساڈی تلاوت دا مرکزی نکتہ ایہ اے کہ ایہناں قربانیاں نے خدا تے کی اثر پایا۔

اَسی ایس تلاوت وِچ دو بنیادی خیالات ویکھ سکنے آں: (1) ایہ قربانیاں مسیح دی قربانی وَل اشارہ کردیاں سن؛ تے (2) ایس طرح ایہناں قربانیاں نے خدا دے غضب نوں تشفی بخشی۔

I۔ پہلی بات، نوح دی قربانیاں مسیح دی قربانی وَل نشاندہی کردیاں نے۔

’’تے خداوند تیکر اُو فرحت بخش خوشبو پہنچی …‘‘ (پیدائش 8: 21)۔

جنیوا بائبلThe Geneva Bible وِچ، 1599 دا پرانا ترجمہ، الفاظ ’’اُو فرحت بخش خوشبو‘‘ نوں ’’آرام دی فرحت‘‘ دے طور تے پیش کردا اے۔ ایہدا ترجمہ ’’آرام دی خوشبو‘‘ دے طور تے وی کیتا جا سکدا اے۔ جنیوا بائبل وچ تبصرہ کہندا اے، ’’ایویں اُوہنے اپنے آپ نوں مطمئن تے اپنے غصے دا آرام ظاہر کیتا‘‘ (1599 دی جنیوا بائبل The 1599 Geneva Bible، ٹولے لیج پریس Tolle Lege Press، 2006 دوبارہ اشاعت، پیدائش 8: 21 تے غور طلب گل)۔ مارٹن لوتھر نے کہیا،

عبرانی اصطلاح دا مطلب اے ’’آرام دی خوشبو‘‘۔ ایہدا مفہوم ایہ اے کہ خدا دی غضب دی تشفی ہوئی تے صلح دا ماحول قائم ہویا۔ کوئی ایہ سوال کر سکدا اے کہ موسیٰ نے محض ایہ کیوں کہیا کہ خدا نے آرام دی خوشبو محسوس کیتی، تے ایہ کیوں نئیں کہیا کہ اُوہنے نوح تے اُوہدی قربانی نوں قبول فرمایا؟ میرے نیڑے، گفتگو دا ایہ انداز ایس گل دی نشاندہی کردا اے کہ خدا ایس قدر قریب سی کہ اُو … قربانی دی مہک محسوس کر سکدا سی۔ ایہدے نال موسیٰ دا مقصد ایہ ظاہر کرنا اے کہ اُو (قربانی) اُوہنوں بہوتی پسند آئی … موسیٰ نے گفتگو دا ایہ اسلوب ایس لئی اختیار کیتا تاکہ اَسی … خدا دے فضل نوں سمجھ سکیے (مارٹن لوتھر، Th.D.، لوتھر دا پیدائش دی کتاب تے تبصرہ Luther’s Commentary of Genesis، ژونڈروان پبلشنگ ہاؤس، 1958 دی اشاعتِ نو، جلد اول، صفحہ 157)۔

’’تے خداوند تیکر اُو فرحت بخش خوشبو پہنچی …‘‘ (پیدائش 8: 21)۔

میتھیو ھنری نے ایس نکتے نوں واضح کیتا جدوں اُوہنے کہیا،

اُوہدے وِچ اُوس [خدا] دی نظر نوح دی [اُوس] قربانی تے ایہنی نئیں سی جیہنی مسیح دی اپنی اُوس قربانی تے سی، جیس دی علامت تے عکاسی نوح دی قربانی دے ذریعے کیتی گئی سی (میتھیو ھنری دا ساری بائبل تے تبصرہ Matthew Henry’s Commentary on the Whole Bible، ہینڈریکسن پبلیشرز، 1996 دی دوبارہ اشاعت، جلد اول، صفحہ 55)۔

ایس تشبیہ دی تکمیل مسیح دی سولی تے قربانی اے، جیس دا ذکر نئے عہدنامے وِچ افسیوں 5: 2 وِچ لبھدا اے؛ جیویں کہ میتھیو ھنری نے اپنے تبصے وِچ کُجھ اَگے چل کے ایہدی نشاندہی کیتی اے۔

’’مسیح نے وی ساڈے نال محبت کیتی تے اپنے آپ نوں ساڈے لئی خوشبو وانگوں خدا دی نذر کر کے قربان کیتا‘‘ (افسیوں 5: 2)۔

میہنوں اِک وری فیر ایہ کہنا چائیدا اے کہ نوح دی قربانی نے سولی تے مسیح دی قربانی وَل اشارہ کیتا سی۔ اَج خداوند دی عشائے ربانی دا اشارہ ماضی وِچ سولی تے دِتی گئی مسیح دی قربانی وَل اے۔ عہد عتیق دی قربانیاں نے مسیح وَل اشارہ کیتا سی؛ تے خداوند دا عشائے ربانی مسیح وَل (ماضی دے حوالے) اشارہ کردا اے۔

’’ایہ گل میرے تیکر خداوند دے ذریعے پہنچی تے میں تہاڈے تیکر پہنچا دِتی کہ خداوند یسوع نے جیس راتی اُو پھڑوایا گیا روٹی لئی تے خدا دا شکر ادا کر کے توڑی تے کہیا، ایہ میرا بدن اے جیہڑے تہٓاڈے لئی اے، میری یادگاری دے لئی ایہو ای کیتا کرو۔ اُوسی طرح اُوہنے کھان دے بعد پیالہ وی لیہیا تے کہیا، ایہ پیالہ میرے لہو وِچ نیا عہد اے۔ جدوں وی ایہنوں پیو میری یادگاری دے لئی پیا کرو۔ کیوں جے جدوں کدی تسی ایہ روٹی کھاندے تے ایس پیالہ وِچوں پیہندے اُو تے خداوند یسوع دی موت دا اِظہار کردے اُو جدوں تیکر کہ اُو فیر نہ آئے‘‘ (I کرنتھیوں 11: 23۔26)۔

جدوں اَسی خداوند دے عشائیہ وِچ شامل ہونے آں تے اَسی روٹی کھانے آں تے اینج اُوہدی ’’یادگاری‘‘ وِچ کیتا جاندا اے تاکہ سانوں یاد دلایا جا سکے کہ مسیح دا بدن ساڈے گناہواں دا کفارہ ادا کرن دے لئی سولی تے کیلاں نال ٹھوکیا گیا سی۔ فیر اَسی پیالہ لیہنے آں، جیویں کہ مسیح نے کہیا سی، ’’میری یادگاری وِچ۔‘‘ ایہ پیالہ سانوں مسیح دے اُوس لہو دی یاد دلاندا اے جیہڑا سانوں ساڈے گناہواں توں پاک کرن دے لئی سولی تے وگایا گیا سی۔

’’تے جدوں اُو کھانا کھا رئے سن تے یسوع نے روٹی لئی تے برکت دے کے اُوہدے ٹکڑے کیتے تے شاگرداں نوں دے کے کہیا، لو تے کھاؤ۔ ایہ میرا بدن اے۔ فیر اُوہنے پیالہ لیہیا تے خدا دا شکر ادا کیتا تے اُوہناں نوں دے کے کہیا، تُسی سارے ایہدے وِچوں پیو کیوں جے ایہ نئے عہد دا میرا اُو لہو اے جیہڑا بہتیریاں دی گناہواں دی معافی دے لئی وگایا جاندا اے‘‘ (متی 26: 26۔28)۔

اَسی سولی تے مسیح دی قربانی دی ’’یادگاری‘‘ دے طور تے روٹی تے پیالہ لیہنے آں۔ اینج ایس لئی کیتا جاندا اے کیوں جے اَسی سولی تے مسیح دی قربانی دی مسلسل یاد دہانی دی لوڑ رہندی اے۔ ایس ای لئی اَسی خداوند دا عشائیہ [عشائے ربانی] مسیح دی ’’یادگاری‘‘ وِچ منانے آں۔

ایس دور دے نظام وِچ، عشائے ربانی پیچھے ماضی وَل، یعنی سولی تے مسیح دی قربانی وَل اشارہ کردا اے۔ لیکن عہد عتیق دی قربانیاں، جِنہاں وِچ نوح دی قربانیاں وی شامل نے، مستقبل وَل اشارہ کردیاں سن، یعنی مسیح دے ایس دُکھ تے موت وَل جیہڑا اُوہنے انسان دے گناہ دی سزا چکان دے لئی برداشت کیتی۔ ایس ای لئی

’’تے خداوند تیکر اُو فرحت بخش خوشبو پہنچی …‘‘ (پیدائش 8: 21)۔

ایہدی وجہ ایہ سی کہ خدا نے نوح دی قربانی وِچ اپنے اِکلوتے پُتر دی آں آلی قربانی نوں ویکھیا۔

II۔ دوجی گل، پس، نوح دی قربانی خداوند دے قہر دی تشفی کردی اے۔

’’خداوند تیکر اُو فرحت بخش خوشبو پہنچی …‘‘ (پیدائش 8: 21)۔

1599 دی جنیوا بائبل نے ایس تلاوت دا ترجمہ ایویں کردے ہوئے ایس خیال نوں اُجاگر کیتا: ’’خداوند نے آرام دی خوشبو محسوس کیتی۔‘‘ جنیوا بائبل دی حاشتے وِچ غور طلب گل کہندی اے: ’’ایہدے ذریعے اُو [خدا] طاہر کردا اے کہ اُو راضی ہو گیا اے تے اُوہدے غضب دی تشفی ہو گئی اے‘‘ 1599 دی جنیوا بائبل The 1599 Geneva Bible، ٹولے لیج پریس Tolle Lege Press، 2006 دوبارہ اشاعت، پیدائش 8: 21 تے غور طلب گل)۔ ڈاکٹر رائیری (Dr. Ryrie) نے کہیا کہ اس آیت دا لفظی مطلب اے ”اطمینان دی مہک“ (چارلس سی رائیری پی ایچ۔ ڈی۔، Charles C. Ryrie, Ph.D.، رائیری دا مطالعہ بائبل The Ryrie Study Bible، موڈی پریس، 1978، پیدائش 8: 21 تے حاشیے دی غور طلب گل)۔ خداوند نے سکون تے اطمینان دی مہک محسوس کیتی۔

ایہدا مطلب ایہ اے کہل خدا نے نوح دی قربانیاں وِچ اپنے پُتر، خداوند یسوع مسیح دی آن آلی قربانی نوں ویکھیا تے اُو مطمئن ہویا؛ اُوہدا غضب تھم گیا تے اُوہدے قہر دی تشفی ہو گئی۔ I یوحنا 4: 10 کہندی اے:

’’محبت ایہ نئیں کہ اَسی اُوہدے نال محبت کیتی بلکہ ایہ اے کہ اُوہنے ساڈے نال محبت کیتی تے اپنے پُتر نوں ساڈے گناہواں دا کفارہ بنن دے لئی پیہجھیا۔‘‘ (I یوحنا 4: 10)

’’یسوع نے گناہ دے خلاف خدا دے عدالتی فیصلے تے قہر نوں اپنی ذات تے قبول کر لیہیا تے اپنی موت دے ذریعے اُوس فیصلے نوں مکمل طور تے اپنے اُوتے لے لیہیا‘‘ (اصلاحی مطالعہ بائبل دی روح Spirit of the Reformation Study Bible، ژونڈروان اشاعت گھر Zondervan Publishing House، 2003، I یوحنا 2: 2 دے حاشیے وِچ غور طلب گل)۔ پہلا یوحنا 4: 10 دے حوالے توں ڈاکٹر گل نے کہیا،

ایہ ضروری اے کہ [انسان دے] گناہواں دا کفارہ ادا کیتا جائے یا اُوہناں دی تلافی کیتی جائے جیس توں مُراد مسیح دا اُوہناں دے لئی کفارہ بنندا اے تاکہ خدا دے عدل دا تقاضا پورا ہو … تے خدا دا اُو غضب جیس دا متسحق گناہ ہوندا ا، ٹل جائے یا اُوہدی تشفی ہو جائے (جان گل، ڈی ڈی John Gill, D.D.، نئے عہدنامے دی اِک تفسیر An Exposition of the New Testament، دی بیپٹسٹ اسٹینڈرڈ بیئرر The Baptist Standard Bearer، 1989 دی دوبارہ اشاعت، جلد سوم، صفحہ 647)۔

ایہو ای وجہ اے کہ خدا نے ’’فرحت بخش خوشبو سونگھی‘‘، ’’آرام دی خوشبو‘‘ تے ’’اطمینان دی مہک‘‘ (پیدائش 8: 21)۔ ایہ ایس لئی سی کہ اُوہنے نوح دی سوختنی قربانیاں وِچ یسوع دی اِک تصویر، اِک تشبیہ، اپنے انصاف نوں پورا کرن تے گناہ دے خلاف اپنے غضب نوں گھٹ کرن دے لئی سولی تے مردے ہوئے ویکھی سی۔ اُوہدے غضب دی ’’تسلی‘‘ ہوئی جدوں اُوہنے نوح دی قربانیاں دی خوشبو سونگھی– کیوں جے اُوہنے سولی تے مسیح دے کفارے دی تصویر کشی کیتی۔ جوزف ہارٹ نے ایس گل نوں بہوتا واضح کیتا جدوں اُوہنے لکھیا،

گناہ دی تاریک کوٹھری وِچ جدوں اَسی پیہئے سی،
تے رحمت نے پکاریا ’’معاف کر دیو‘‘ تے عدل نے کہیا ’’رُک جاؤ‘‘۔
مگر یسوع نے جواب دِتا: ’’ایہناں نوں آزاد کر دیو!ً
ایہناں نوں معاف کر دیو تے میہنوں سزا دو۔‘‘
(شاعر جوزف ہارٹ Joseph Hart دی نظم ”وہ خوشخبری The Gospel“، 1712-1768)۔

ایس گل نوں تہاڈے تے واضح کرن دے لئی میہنوں ایہدے توں بہتر کوئی طریقہ نئیں سوجھدا کہ سپرجیئن دے ایہ الفاظ پڑھ کے سناواں:

     جدوں میں اپنے گناہواں دی سزایابی دے ہیٹاں دبیا ہویا سی، تے میہنوں خدا دے عدل دا گہرا تے شدید احساس سی۔ گناہ، خواہ دوجیاں دے نیڑے کُجھ وی ہووے، میرے لئی اِک ناقابلِ برداشت بوجھ بن گیا سی … میں خود نوں ایس قدر شدید گنہگار سمجھدا سی کہ میہنوں یاد اے کہ میں ایہ محسوس کردا سی کہ جے خدا میہنوں گناہ دی سزا نہ دیوے، تے اُوہنوں اینج ضرور کرنا چائیدا اے … میہنوں ایہ احساس سی کہ … جیہڑا گناہ میں کیتا اے، اُوہدی سزا ملنی ای چائیدی اے …
     میں یسوع دی قربانی دے ذریعے نجات دے منصوبے دے بارے وِچ سُن رکھیا سی، لیکن … ایہ گل میرے تے اِک نئے انکشاف وانگوں ظاہر ہوئی کہ یسوع نوں ای ’’ساڈے گناہواں دا کفارہ‘‘ قرار دِتا گیا اے (I یوحنا 2: 2)...
     یسوع ساڈی خاطر موت دی سزا اُٹھا چکیا اے! ذرا ایس حیرت انگیز منظر نوں تے ویکھو! اُو اُوتھے سولی تے لٹکیا ہویا اے! ایہ اُو سب توں وڈا نظارہ اے جِنہوں تُسی کدی ویکھ پاؤ گے … اُو اُوتھے لٹکا ہویا، ناقابلِ بیان اذیت سہہ رہیا اے – اِک راستباز، ناراستاں دی خاطر – تاکہ اُو سانوں خدا تیکر پہنچا سکے۔ آہ، ایس منظر دا کی ای جلال اے! اُو بے گناہ جیہڑا دُکھ اُٹھا رہیا اے! اُو قدوس جِنہوں مجرم ٹھہرایا گیا! اُو ابدی بابرکت ہستی جِنہوں لعنت ٹھہرایا گیا! اُو لامحدود جلالی ہستی جِنہوں شرمناک موت دِتی گئی! جِنہاں بوہتا میں خدا دے پتر دے دُکھاں تے غور کرنا آں، اُوہناں ای میہنوں یقین ہوندا جاندا اے کہ ایہ دُکھ میرے معاملے دا حل نے … یسوع دی محبت بھری قربانی ساڈے گناہواں دے سارے دے سارے پہاڑاں نوں اپنے اندر سمو کر ختم کر سکدی اے … خدا گنہگار نوں نجات دے گا کیوں جے اُوہنے اپنے ای پُتر دا وی دریغ نئیں کیتا۔ خدا تہاڈی خطاواں نوں درگزر کر سکدا اے کیوں جے اُوہنے اُو ساریاں خطاواں اپنے اِکلوتے پُتر تے سُٹ دِتیا سن …
     جے تُسی اُوہدے تے ایمان رکھدے اُو، تے میں تہانوں کہنا آں کہ تُسی جہنم وِچ نئیں جا سکدے، کیوں جے اینج ہون نال اُوہدی کامل قربانی بے اثر ہو جائے گی۔ جے خداوند یسوع مسیح میری تھاں تے مریا، تے میہنوں وی کیوں مرنا چائیدا اے؟ … کاش کہ تہانوں اُو فضل لبھے … کہ تُسی اپنی نظراں یسوع تے جماؤ، جیہڑا گنہگار انسان دے لئی رحمت دا سرچشمہ اے! … آؤ … اَسی اپنی جاناں ہمیشہ دے لئی اُوہدے حوالے کر دیے جِنہے گنہگاراں دی خاطر اپنا لہو وگایا۔ اَیس اُوسی نجات دہندہ … دے وسیلے توں نجات پاواں گے۔ جے اُوہدے تے پروہسا کردے ہوئے تُسی ہلاک ہوندے اُو، تے میہنوں وی ہلاک ہونا پیہئے گا۔ اُوس خوشخبری تے اپنے اعتماد نوں ثابت کرن دے لئی میں ہُور کی کر سکنا آں جیہڑی تہاڈے سامنے پیش کیتی گئی اے؟ (سی۔ ایچ۔ سپرجیئن C. H. Spurgeon، ’’اِک عادل خدا‘‘ A Just God، چیپل لائبریری Chapel Library، پینساکولا Pensacola، فلوریڈا Florida)۔

ایہ ساڈی زیر بحث تلاوت دا اِک عمدہ اِطلاق اے۔ ایمان لیہیان دے اپنے تجربے دے دوران، سپرجیئن تے ایہ حقیقت آشکارہ ہوئی کہ خدا دا انصاف یسوع تے ڈِگنا چائیدا اے، جیہڑا ’’ساڈے گناہواں دا کفارہ‘‘ اے (I یوحنا 2: 2)۔ ایہدے وقوع پذیر ہون دے لئی، تہانوں یسوع وَل رجوع کرنا ہووے گا، اُوہدے کول آنا ہووے گا تے اُوہدے تے پروہسا کرنا ہووے گا۔ جدوں اینج ہووے گا، تے خدا دے غضب دی تشفی ہو جائی گی تے تہاڈے گناہ اُوہدے لہو نال دُھل کے پاک ہو جان گے۔

آؤ اے گنہگارو، جیہڑے بھٹکے ہوئے تے نااُمید اُو،
   یسوع دا لہو تہانوں رہائی دِلا سکدا اے؛
کیوں جے اُوہنے تہاڈے وِچوں بدترین لوکاں نوں وی بچایا،
   جدوں اُوہنے میرے وگرے بدحال گنہگار نوں نجات دِتی۔
تے میں جاننی آں، ہاں، میں جاننی آں،
   کہ یسوع دا لہو بدترین گنہگار نوں وی پاک کر سکدا اے۔
(’’ہاں میں جاننی آں! Yes, I Know!“ شاعرہ اینا ڈبلیو واٹر مین Anna W. Waterman، 1920)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔