سیلاب توں متعلق چار سوالات دے جوابات

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

کلام مقدس دا ایہ حوالہ سانوں دسدا اے کہ اَخیرلے دِناں وِچ لوکی بائبل دا مخول اُڑٓان گے۔ ایہ سانوں دسدا اے کہ اُو مسیح دی دوجی آمد تے حمتی عدالت تے یقین نئیں رکھن گے۔ ایہدے وِچ کہیا گیا اے کہ اُو ’’جان بُجھ کے انجان‘‘ بن جان گے ایس حقیقت توں کہ خدا نے عظیم طوفان دے پانیاں دے ذریعے دُںیا دا انصاف کیتا سی۔ ایہ دسدا اے کہ اُو یکساں نظامِ فطرت uniformitarianism دے قائل تے ڈارون دے نظریات دے پیروکار ہون گے، جیہڑے ایس خیال نوں ٹھکرا دیہندے نے کہ خدا دُنیا دا اِنصاف غضبناک قیامت دے ذریعے کرے گے، جیویں کہ اُوہنے ماضی وِچ طوفان دے ذریعے دُنیا دا انصاف کیتا سی۔

لیکن ’’اَخیرلے دِناں‘‘ دے لوکی ڈاروِچ دے اِرتقائی نظریے تے ارضیات دے یکسان نطامِ فطرت آلے تصورات وِچ ایس قدر ڈُوبے ہوئے نے کہ نوح دے زمانے دے طوفان دے بارے وِچ اُوہناں دے ذہناں وِث بہتیرے سوالات نے۔ اَج میں چند منٹ کَڈ کے اُوہناں وِچوں کُجھ سوالاں دے جواب دیاں گا۔

I۔ پہلی گل، غاراں وِچ وَسن آلے لوکاں دے بارے وِچ کیا خیال اے؟

اَسی غاراں وِچ رہین آلے لوکاں دے بارے چہ سُنیا اے۔ کی ایہو جئی کوئی مخلوق سی؟ ٹھیک اے، یقیناً ایہو جئے لوکی سن! ڈاکٹر ہائیمرز دی والدہ تے ابو، اُوہناں دے دادا ڈیڈ فلاورزDad Flowers، انیسویں صدی دے اوآخر وِچ، جدوں بھینساں دے بہوتے وڈے ریوڑ موجود سن، نیبراسکا دے میدانی علاقیاں وِچ اِک چھوٹے بچے وانگوں، زمین دے ہیٹاں، گارے تے گھاس پھوس نال بنے اِک گھر sod House وِچ رہندے سن۔ ڈاکٹر جان آر رائس نے کُجھ لوکاں دے بارے وِچ دسیا جیہڑے جانندے سن کہ اُو مغربی ٹیکساس دے اِک غار وِچ اُوس ویلے رہندے سن جدوں اُو اِک چھوٹا لڑکا سن، کیوں جے اُوہناں نے اِک چھوٹا جیہا فارم خریدن دے لئی ریزہ ریزہ جوڑ کر پیسے بچائے سن۔ بہتیرے مقامی امریکی پہاڑاں توں کھوڈے گئے غاراں تے گھراں وِچ رہندے سن۔ بِلاشبہ پوری تاریخ وِچ ایہو جئے لوکی رہندے نے جیہڑے غاراں تے زیر زمین مکاناں وِچ رہندے سن۔

لیکن اُو نام نہاد ’’غاراں دی باسی‘‘ اَج دے انساناں توں ذرا وی مختلف نئیں سن۔ اُوہناں دے جیہڑے باقیات (آثارِ متحجر) لبھے نے، اُوہناں وِچوں کُجھ عجیب و غریب وکھائی دیہندے نے۔ مگر میں لاس اینجلز دی سڑکاں تے رات دے ویلے ایہو جئے لوکاں نوں ویکھیا اے جیہڑے عجیب لگدے نے۔ ایہدے مطلب ایہ ہرگز نئیں کہ اُو گنوار یا ناقص العقل نے۔ ایہدا سادہ جیہا مطلب ایہ اے کہ اُوہناں وِچوں کُجھ بیمار نے، کُجھ جسمانی نقائص دا شکار نے تے کُجھ بہوتے عمر رسیدہ نے۔ جے اُوہناں دیاں ہڈیاں فسول بن جان تے صدیاں بعد لبھہن، تے کوئی وی ایہ سوچ سکدا اے کہ اُو کوئی دوجی نوع (نسل) سن یا کوئی ’’گمشدہ کڑی‘‘ سن۔ لیکن اینج نئیں اے۔ جی ہاں، انسانی نسل وِچ ہمیشہ توں جسمانی نقائص تے انوکھی خصوصیات پائی جاندی رہیاں نے۔ ہاں، ہمیشہ ایہو جئے لوکی وی رئے نے جیہڑے پُلاں دی ہیٹاں، غاراں یا زمین وِچ کھودے گئے گڑھیاں وِچ رہندے نے۔ لیکن ایہ ڈاروِن دے نظریہٗ اِرتقاء دا ثبوت نئیں اے۔ ایہ صرف ایس گل دا ثبوت اے کہ گناہ نے انسان نوں، تے ایس زمین نوں جیس تے اُو بستا اے، شدید نقصان پہنچایا اے۔

تے فیر ایہناں ’’غاراں دی تصویراں‘‘ دا کی معاملہ اے جیہڑیاں فرانس تے دیگر مقامت تے غاراں دی دیواریاں تے بنائی گئیاں سن؟ درحقیقت، ایہ کوئی ایہو جئی غیر معمولی شے تے نئیں اے، ہے نا؟ اُلجھن دا شکار تے اکثر نشے وِچ دُھت نوجوان لاس اینجلز، شکاگو، نیویارک تے دُنیا بھر دے دیگر کئی شہراں وِچ عمارتاں دی دیواراں تے ایہو جئی ای ’’علامتی تحریراں‘‘ (یا عجیب و غریب نقوش) بناندے رہندے نے۔ ایہ لڑکے کوئی ’’غاراں دے باسی‘‘ نئیں نے، بلکہ محض گلیاں وِچ آوارہ پھرن آلے، نجات پائے جان توں محروم بچے تے گنہگار نے – بالکل اُوہناں لوکاں وانگوں جیہڑے صدیاں توں دیواراں تے عمارتاں تے یا دیواراں تے بھدی جئی آرائش [گرافٹی] کُنندہ کردے رہندے نے۔ فرانس دے کسی غٓر وِچ موجود تصاویر ’’غاراں دی باسیاں‘‘ دا ایس توں بوہتا ثبوت نئیں دیہندیاں جِنہاں کہ مشرقی لاس اینجلز دی دیواراں تے بنی گرافٹی دیہندی اے! ایہدے وِچ حیرت دی گل نئیں کہ فرانس دے کسی غار وِچ رہن آلے، یا شاید اُوتھے کھیڈن آلے بچے، دیوار تے جانوراں دی تصاویر بنان۔ بچیاں نوں ہمیشہ توں جانوراں دی تصاویر بنانا پسند رہیا اے۔ ایہ ’’گنوار یا ناقص العقل ہون دا‘‘ یا ’’گمشدہ کڑیاں‘‘ دے طور تے ’’غاراں دی باسیاں‘‘ دا کوئی ’’ثبوت‘‘ نئیں اے!

II۔ دوجی گل، ڈائینوسارز دی نال کی رونما ہویا سی؟

ڈاکٹر جان سی وھٹکومب Dr. John C. Whitcomb تے ڈاکٹر ہنری ایم مورس Henry M. Morris نے اپنی اہم تصنیف پیدائش کا سیلاب The Genesis Flood وِچ کہیا،

ایہناں طاقتور مخلوقات دا اچانک معدوم ہو جانا جِنہاں دے بارے وِچ کہیا جاندا اے کہ اُوہناں نے لمبے عرصے تیکر زمین تے حکمرانی دی یکساں نظام فطرت دی ارضیاتی سائنس جیہڑی آثارِ متحجر [فوسلز] جانداراں تے اُوہناں نال متعلقہ باقیات دا مطالعہ کردی اے (uniformitarian paleontology) دی عظیم اِسراراں وِچوں اِک اے۔ ایس حوالے توں مختلف نظریات پیش کیتے گئے نے، مثلا آتش فشاں دے ذریعے تباہی، ماحولیاتی تبدیلیاں، ممالیہ جانوراں دی بڑھدی ہوئی تعداد دا ڈائینوسار دے انڈے کھا جانا، یا ڈٓئینوسار وِچ کسی قسم دی وبائی بیماری دا پھیلنا وغیرہ۔
ایہ اُو چند نظریات نے جیہڑے دُنیا بھر وِچ ڈائینوسار دے اچانک معدوم ہون دی وضاحت دے لئی پیش کیتے گئے نے۔ اگرچہ ہر نظریہ کسی خاص مقام تے کُجھ ڈائینوسار دی ہلاکت دی توجیہ تے پیش کر سکنا آں، لیکن اُوہناں وِچوں کسی اِک یا کئی نظریات دے مجموعے دا اِطلاق پوری دُںیا وِچ اُوہناں دی معدوم ہون دے واقعے تے کرن دی کوششاں ناکام رہیاں نے … [تاہم] بائبل وِچ ذکر کیتے گئے ’’نوح دے طوفان‘‘ دا ایس معاملےدا اِک نہایت مناسب حل پیش کردا اے … ایہ عظیم الجثہ رینگن آلے جانور طوفان دے پانیاں دی نذر ہو گئے، ڈوب گئے تے اُوہناں پانیاں دے ہیٹاں دب گئے (جان سی وھٹکومب ٹی ایچ ڈی تے ہنری ایم مورس پی ایچ ڈی، پیدائش دا سیلاب The Genesis Flood، بیکر کُتب گھر Baker Book House، 1983 ایڈیشن، صفحات 279-280)۔

III۔ تیجی گل، طوفان نوح توں پہلاں لوکی ایہنی لمبی عمراں تیکر کیوں زندہ رہندے سن؟

ریکارڈز دے مطابق طوفانِ نوح توں پہلاں انسان 900 وریاں یا ایس توں وی زیادہ عمر تیکر زندہ رہندہ سی! ایہناں اعداد و شمار دی درستگی دے مضبوط ترین ثبوتاں وِچوں اِک ایہ حقیقت اے کہ طوفان دے بعد، بزرگاں دی عمراں وِچ بتدریج لیکن مسلسل کمی واقع ہوندی گئی: نوح جیہڑا 950 وریاں زندہ رہیا) توں لے کے عیبر Eber (464 ورے، ابراہیم جیہڑا 175 ورے دی عمر وِچ وفات پا گیا، تے موسیٰ جیہڑا 120 وریاں دی عمر وِچ ضعیف العمری دے عالم وِچ رخصت ہونے تیکر؛ تے آخر کار ایہ عمر بائبل وِچ ذکر کیتے گئے اُوس 70 سالہ دورانیے (زبور 90: 10) تیکر آن پہنچی جیہڑی اَج ساڈی موجودہ اوسط عمر دے بہوتی نیڑے اے۔ طوفان دے بعد عمر دے دورانیے وِچ ایہ کمی، طوفان دے دوران زمین دے گرد موجود حفاظتی غلاف دے ختم ہو جان دے ساڈے تصور نال بالکل مطابقت رکھدی اے۔ جیویں کہ اَسی غور کیتا اے، آبی بخارات تے مشتمل ایہ غلاف … پوری دُنیا وِچ اِک گرم، خوشگوار تے بظاہر صحت بخش ماحول فراہم کردا سی۔ شاید ایس غلاف دا سب توں اہم اثر اُو حفاظتی کردار سی جیہڑا اُوہنے خلا توں زمین تے پیہن آلی شدید تابکاری شعاعواں دے خلاف ادا کیتا (حوالے دا ذکر کیتا گیا، صفحہ 399)۔
تابکاری دے جسمانی تے موروثی اثرات دے بارے وِچ جیہڑی معلومات فراہم نے، اُوہناں دی روشنی وِچ ایہ نتیجہ اخذ کرنا یقیناً قرین قیاس اے کہ طوفانِ نوح دے بعد گزرن آلی صدیاں دے دوران انسان تے … ایہناں اثرات دے مجموعی جمع ہون دے نتیجے وِچ بتدریج تنزلی تے عمر وِچ کمی واقع ہوئی اے۔ ایہ اثر خاص طور تے فوفان دے فوراً بعد دی صدیاں وِچ نمایاں رہیا ہووے گا، جیس دی وجہ زمین دے گرد موجود بخارات دی ایس تہہ دا ختم ہو کے برس جانا سی جیہڑا ایس توں پہلاں ماحول وِچ موجود تقریباً ساری تابکاری نوں روک لیہندی سی … چنانچہ طوفان توں پہلاں دے حالات جسمانی صحت تے طویل عمری دے لئی انتہائی ساز گار سن۔ درجہ حرارت دا اعتدال، ماحولیاتی تابکاری توں پاک ماحول، تے بخارات دی ایس تہہ توں وابستہ دیگر عوامل، ایہناں ساریاں نے ایہدے وِچ اپنا کردار ادا کیتا … سیلاب دے بعد، غلاف نوں بہوتی چھیتی ای ختم کر دِتا گیا، ایہدے حفاظتی اثرات وڈے پیمانے تے ختم ہو گئے، تے عام صحت تے لمبی عمر وِچ، جزوی طور تے حالیہ دہائیاں وِچ طب چہ پیشرفت دی وجہ توں طویل زوال شروع ہویا … ایس زوال دی بڑی وجہ بلاشبہ زمین دی سطح تے اُوہدے باسیاں تے تابکاری دے اثرات وِچ ہون آلا زبردست اضافہ قرار دی جا سکدی اے … ایہ گل صاف ظاہر ہوندی اے کہ تابکاری وِچ اِضافے دے ایہو جئے کسی وی دور نے یقیناً وڈے پیمانے تے حیاتیاتی تنزلی دی وجہ بننا سی۔ تے بائبل وی درحقیقت بنی نوع انسان دی عمومی تاریخ دے بارے وِچ ایہو ای تعلیم دیہندی اے (حوالے دا ذکر کیتا گیا، صفحات 404-405)۔

IV۔ چوتھی گل، کشتی وِچ کیوں افزائش نسل نئیں ہوئی سی؟

ظاہر اے کہ اِک ای واعظ وِچ طوفان نوح توں متعلق سارے سوالاں دے جواب نئیں دِتے جا سکدے۔ ایس موضوع تے مذید مطالعے دے لئی براہ کرم حوالے وِچ دِتی گئی کتاباں دا مطالعہ کرو، پیدائش [دی کتاب وِچ نوح] دا سیلاب The Genesis Flood تے ڈاکٹر ہنری ایم مورس دی بائبل دا دفاع کرن آلیاں دا مطالعہ The Defender’s Study Bible ورلڈ پبلشنگ، 1995 وِچ موجود غور طلب گلاں یعنی نوٹس؛ تے ڈاکٹر ایم آر ڈیحان دی کتاب نوح دا زمانہ The Days of Noah ژونڈروان پبلشنگ ہاؤس، 1963۔ وقت دی کمی دے پیشِ نظر، میں صرف اِخ ہُور جواب پیش کراں گا۔ ڈاکٹر ایم آر ڈیحان نے اپنی بہترین مختصر کتاب نوح کا زمانہ The Days of Noah وِچ ایس گل دی نشاندہی کیتی اے کہ کشتی دے اندر کوئی بچہ پیدا نئیں ہویا سی۔ اُوہناں نے کہیا،

اَسی اپنی گل دا خاتمہ اِک انتہائی عملی مشاہدے تے کرنے آں۔ کشتی وِچ قیام دے پورے اِک ورے دے دوران کسی وی جانور، پرندے یا انسان دی اولاد دی پیدائش دا کوئی ریکارڈ نئیں لبھہدا۔ جانور جوڑے جوڑے دی شکل وِچ اندر گئے سن (سوائے ’پاک‘ جانوراں دے جیہڑا تعداد وِچ سات سن) تے بظاہر اُو اینج وی باہر وی آئے۔ نوح دے پُتراں دے ہاں کشتی دے اندر کوئی اولاد نئیں ہوئی، تے ایس گل دا کوئی اشارہ وی نئیں لبھہدا کہ جانوراں تے پرندیاں دے معاملے وِچ صورتحال مختلف رئی ہووے۔ پورے اِک ورے تیکر نسل دی افزائش یا تعداد وِچ اِضافے دا کوئی عمل نئیں ہویا۔ ایس توں مِلن آلا سبق واضح ہونا چائیدا اے۔ کشتی وِچ داخل ہونا ہر اِک دے لئی ذاتی [انتخاب] سی۔ والدین اپنے بچیاں دے لئی [انتخاب] نئیں کر سکدے۔ چونکہ مسیح نجات دی کشتی دی [تشبیہ پیش کردا اے]، ایس لئی اَسی سیکھنے آں کہ کسی نوں اپنے باپ دے مذہب نال نئیں بچایا جا سکدا … اُو اپنے والدین دے مذہب یا پرہیزگاری یا مثال دی وجہ توں نئیں بچ سکدے، بغیر کسی ذاتی انتخاب دے [مسیح دے کول آن دے لئی] … میں تہانوں یسوع دے الفاظ یاد دلانا آں،

’’میں تہانوں سچ سچ کہنا آں کہ جدوں تیکر کوئی نئے سرے توں پیدا نہ ہووے اُو خدا دی بادشاہی نوں نئیں ویکھ سکدا‘‘ (یوحنا 3: 3) …

میرے دوست، کشتی وِچ داخل ہون آلے بالغ افراد دی تعداد صرف اَٹھ سی، کیوں جے اُوہناں نے خدا دے وعدے تے یقین کتیا تے اُوہدے مطابق عمل کیتا [تے کشتی وِچ داخل ہوئے]۔ کوئی وی بندہ کشتی دے اندر قدرتی پیدائش دے ذریعے داخل نئیں ہویا سی … تہاڈا مذہب، تہاڈے اعمال، تہاڈی کلیسیا، تہاڈے بیلی تے تہاڈے پیارے تہانوں نجات نئیں دلا سکدے۔ [تہاڈا] خدا دے پُتر تے ذذاتی ایمان ہونا ضروری اے (ایم آر ڈیحان، نوح دا زمانہ The Days of Noah، ژونڈروان پبلشنگ ہاؤس، 1963، صفحات 176-177)۔

ایس حقیقت نال کہ کشتی وِچ کوئی بچہ پیدا نئیں ہویا، ایہ ظاہر ہوندا اے کہ محض گرجا گھر وِچ پیدا ہون تے اُوتھے پرورش پا کے ودھن دی وجہ توں کوئی وی نجات نئیں پاندا۔ تہاڈے وِچوں ہر اِک نو، خواہ تُسی ’’گرجا گھر وِچ پرورش پائے بچیاں‘‘ دے طور تے پلے ودھے ہون یا ساڈی تبلیغی کوششاں دے ذریعے تُسی گرجا گھر وِچ شامل ہوئے اُو – ہر اِک نوں تہاڈے وِچوں ہر کسی نوں ذاتی طور تے مسیح دے کول آنا ہووے گا۔ جیویں نوح، اُوہدی ووہٹی تے اُوہناں دے پُتراں تے بہوواں وِچوں ہر اِک نے کشتی وِچ داخل ہون دا فیسلہ خود کیتا سی، اُویں ای تہانوں وی خود مسیح وِچ داخل ہون دا فیصلہ کرنا ہووے گا۔ کوئی دوجا شخص تہاڈی تھاں تے ایہ کام نئیں کر سکدا۔

جدوں تُسی مسیح دے کول آندے اُو، تے تہاڈے گناہ خدا دی نظراں توں مسیح دے قیمتی لہو دے ہیٹاں لُک جاندے نے۔ اَسی ہُنے اِک پرانا گیت گایا سی جیہڑا ایس کیفیت دی بہترین عکاسی کردا اے۔ تہانوں خدا دے قہر تے عدالت توں بچن دے لئی یسوع وِچ پناہ لیہنی چائیدی اے، بالکل اینج جیویں نوح خدا دے عذاب توں بچن دے لئی کشتی وِچ پناہ گزین ہویا سی۔

اُوس چٹان دی پناہ وِچ جیہڑی میرے توں بُلند تر اے،
   میری روح اپنی کشمکش تے غماں وِچ پرواز کر کے پہنچے؛
گنہگار تے تھکیا ہارا، میں تیرا ای ہو کے رہوواں؛
   اے مبارک ’’ازل توں ابد تیکر قائم چٹان‘‘، میں تیرے ای وِچ پناہ لیہنا آں۔
تجھ وچ لُکن نال، تجھ وچ لُکن نال،
   تُو بابرکت اے ’’ازل توں ابد تیکر قائم چٹان،‘‘
میں تجھ وچ لُک رہیا واں۔
   (’’تجھ وچ لُکن نال Hiding in Thee ‘‘ شاعر ولیم او۔ کُشینگ William o. Cushing، 1823۔1902)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔