ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایہ حوالہ آن آلے سیلاب دی وجوہات توں شروع ہوندا اے۔ زمین وِگڑ چکی سی (عبرانی – ’’برباد‘‘) تے ظلم و تشدد نال بھری ہوئی سی۔ پرانے عہدنامے دے عالم ڈاکٹر میرل ایف اُونگر نے کہیا،

زمین دی بدکاری نوح دی خدا پرستی نال متصادم اے۔ ایس حصے وِچ لفظ ’’زمین‘‘ چھ وری آندا اے، جیہڑا ایس گل دی نشاندہی کردا اے کہ سیلاب دُنیا بھر وِچ ہونا سی نہ کہ مقامی ہونا سی۔ تین وری فعل ’’بدکاری کرنا‘‘ ہوندا اے، جیہڑا بنی نوع انسان دے مکمل انحطاط تے زور دیہندا اے۔ دو وری لفظ ’’ظلم و تشدد‘‘ (حماس hāmās، ’’لاقانونیت lawlessness‘‘) پایا جاندا اے، جہیڑا عالمی اِخلاقی بدکاری دا نتیجہ ظاہر کردا اے (میرل ایف انگر، پی ایچ ڈی Merrill F. Unger, Ph.D.، پرانے عہد نامے تے اُونگر دا تبصرہ Unger’s Commentary on the Old Testament، موڈی پریس، 1981، جلد اول، صفحہ 38)۔

خداوند یسوع مسیح نے کہیا،

’’لیکن جیویں کہ نوح دے دِناں وِچ ہویا سی، اُوس ای وانگوں ابنِ آدم دی آمد وی ہووے گی‘‘ (متی 24: 37)۔

ایس لئی سانوں اَج ایہناں مجروع یا خوفناک حالات دی تکرار تے حیران نئیں ہونا چائیدا۔

’’خدا دی نگاہ وِچ زمین وی وِگڑ چکی سی تے زمین ظلم و تشدد نال بھر چکی سی‘‘ (پیدائش 6: 11)۔

ڈاکٹر ایم۔ آر۔ ڈیحان نے کہیا،

ایہ شورش، قتل و غارت گری تے بلا اشتعال قتل تے ظالمانہ جرائم دا دور سی۔ کی سانوں ایتھے تبصرہ کرن دی لوڑ اے؟ کی تاریخ وِچ کدی کوئی ایہو جیہا دور آیا اے جیس وِچ اَج توں بوہتے وحشیانہ، بِلا اِشتعال مظالم درج ہون؟ ایہ اِک افسوسناک دور اے (ایم آر ڈیحان، ایم ڈی M. R. DeHaan, M.D.، نوح دا زمانہ The Days of Noah، ژونڈروان اشاعتی گھر Zondervan Publishing House، 1963، صفحہ 48)۔

اپنی کتاب ڈارون توں ہٹلر تیکرFrom Darwin to Hitler: ارتقائیEvolutionary اخلاقیات Ethics، یوجینکس Eugenics[پیدا ہونے والی اولاد میں بہتری سے متعلق یا اس کا سبب بننا]، اور جرمنی میں نسل پرستیRacism in Germany ، (پالگریو میکملنPalgrave Macmillan، 2004، صفحہ 232-233) وِچ، ڈاکٹر رچرڈ وائیکارٹ Dr. Richard Weikart نے کہیا، ’’ہٹلر تے ڈارون دے اثر نوں جھٹلانا ہووے گا … بے وقوفی، تاہم، خاص طور تے چونکہ نازاِزم Nazism[شوشلزم دی اِک شکل جیہدے وِچ نسل پرستی تے توسیع پسندی تے اِک مضبوط رہنام دی اطاعت شامل اے] دے سارے عالمین نے ایس گل نوں ختم کر دِتا اے۔ ڈاروِن اِزم دے بغیر … نہ تے ہٹلر تے نہ ای اُوہدے نازی پیروکاراں دے کول اپنے آپ نوں تے اپنے بیلیاں نوں ایہ باور کران دے لئی ضروری سائنسی بنیاداں حاصل ہوندیاں کہ دُنیا دے سب توں وڈے طُلماں وِچوں اِک واقعی اِخلاقی طور تے قابلِ تعریف سی‘‘ (رچرڈ وائیکارٹ، پی ایچ ڈی ، کیلیفورنیا اسٹیٹ یونیورسٹی وِچ جدید یورپی تاریخ دے اِک ایسوسی ایٹ پروفیسر نے)۔ ڈاکٹر وائیکارٹ نے کہیا، ’’[ڈارونزم] ایہ دسن وِچ وی مدد کردا اے کہ کیوں بہتیرے پڑھے لکھے جرمن نازیاں دے نال تعاون کرن گے تے طبّی عملے سمیت ہولوکاسٹ وِچ حصہ لین گے۔ جدوں اُوہنے یوجینکس، معذوراں دے لئی آسانی نال دَم کڈن دی موت، تے نسلی قتل و غارت نوں اپنایا، تے ہٹلر ایس گل وَل متوجہ ہو رہیا سی جیہڑی کہ [ڈاروِنیاں] دے وِچکار خیالات وِچ وسیع پیمانے تے گردش کر رئی سی‘‘ (پچھلی گل دے تسلسل وِچ ibid.، صفحہ 232)۔

ڈاکٹر سی ایل کیگن نے نشاندہی کیی ’’کہ ڈارون دی انسانیت تے تعلیم … بیسویں صدی دے دوران، ایس فلسفیانہ نظام دے فاشزم، کمیونزم، تے اسقاط حمل دی تحریک تے اثرات دے ذریعے، 100 ملین توں بہوتے لوکاں دی موت دے لئی براہ راست یا بالواسطہ ذمہ دار سی‘‘ (سی ایل کیگن پی ایچ ڈی۔ C. L. Cagan, Ph.D.، ڈاروِن توں ذہن سازی تیکر From Darwin to Design، وائٹیکر اشاعتی گھر Whitaker House Publishers، 2006، صفحہ 14)۔ ڈاکٹر ہنری ایم مورس نے ڈارونزم دے اثرات دی اِک ہُور وی تفصیلی وضاحت کیتی جدوں اُوہناں نے کہیا،

خاص طور تے پچھلی صدی دے دوران، ایس مایوس کُن نطریے توں کہ انسان محض اِک اِرتقائی جانور اے۔ نسل پرستی، معاشی سامراج، کمیونزم، نازی اِزم، جنسی بے راہ روی تے وگاڑ، جارحانہ عسکریت پسندی، نوزائیدہ قتل، نسل کُشی تے ہر طرح دی برائیاں نوں کسی نہ کسی گروہ وَلوں ایس بنیاد تے پروان چڑھایا گیا اے کہ چونکہ اُو اِرتقاء تے مبنی سن، ایس لئی اُو ’’سائنسی‘‘ سن تے ایس لئی طویل عرصے توں موروثیت دے پابند سن۔ (ھنری ایم مورس، پی ایچ ڈی Henry M. Morris, Ph.D.، جدید سائنس دے لئی بائبل دی بنیاد The Biblical Basis for Modern Science، بیکر کتاب گھرBaker Book House، 1984، صفحہ 403)۔

ڈارونسٹاں دے ہتھوں سٹھ ملین توں زیادہ امریکیی بچے اسقاط حمل نال مر چکے نے۔ ایس نظریہ دے بالواسطہ یا براہ راست نتیجے دے طور تے، ڈارون دے اِرتقاء دے سماجی مضمرات نال پیدا ہون آلی مختلف جنگاں تے تحریکاں دے ذریعے مذید سٹھ ملین ہلاک ہوئے۔ جدوں ڈاروِن دے اِرتقاء دے اثرات دا موازنہ کیتا جائے تے عسکریت پسند اِسلامی انتہا پسنداں وَلوں ہون آلا تشدد بہوتا گھٹ اے۔

’’خدا دی نگاہ وِچ زمین وی وِگڑ چکی سی تے زمین ظلم و تشدد نال بھر چکی سی‘‘ (پیدائش 6: 11)۔

جیویں کہ ڈاکٹر ڈیحان نے کہیا،

ایہ تشدد، قتل و غارت تے بِلا اشتعال قتل تے ظالمانہ جرائم دا دور سی۔ کی سانوں ایتھے تبصرہ کرن دی لوڑ اے؟ کی تاریخ وِچ کدی کوئی ایہو جیہا دور آیا اے جیہدے وِچ اَج توں بوہتا وحشیانہ، بِلا اشتعال مظالم درج ہون؟ ایہ اِک افسوسناک زمانہ اے (ایم آر ڈیحان ایم ڈی M. R. DeHaan, M.D.، پچھلی گل تے تسلسل وِچ ibid.)۔

ڈاکٹر ڈان بوائز نے کہیا،

میں تہانوں یاد دلانا آں کہ ہٹلر نے 1939 وِچ ذہنی طور تے معذور بندیاں نوں قتل کر کے اپنی قتل دی میراتھاناں دا آغاز کیتا۔ ایہدے بعد اُوہنے قیدیاں نوں مار کے بھیڑ نال بھریاں جیلاں دا مسئلہ حل کیتا تے فیر بزرگاں دی پناہ گاہواں وِچ وڈیرے لوکاں دا قتل شروع کیتا گیا۔ 400,000 توں زیادہ بے بس لوکاں نوں قتل کرن دے بعد، ہٹلر نے یہودیاں تے حملہ شروع کیتا … جان آر رائس نے [کہیا] ریکارڈ توں پتہ چلدا اے کہ جرمن [پادریاں] وَلوں [ایس سب تے] سوال اُٹھان دے لئی صرف تین خطوط لکھے گئے سن۔ اُودھوں گرجا گھراں نے احتجاج نئیں کیتا، ایس ای وجہ توں ہُن بہتیرے امریکی گرجا گھر اسقاط حمل دے خلاف احتجاج نئیں کردے نے۔ ایہ فیشن نئیں اے (ڈان بوائز، ای ڈی ایجوکیشن Don Boys, Ed. D.، لبرل ازم: ریت دی اِک رسی Liberalism: A Rope of Sand، سورڈ آف دی لارڈ پبلشرزSword of the Lord Publishers، 1979، صفحہ 18)۔

’’زمین خدا دی نظر وِچ وِگڑ چکی سی، تے ظلم و تشدد نال بھری ہوئی سی۔ خدا نے ویکھیا کہ زمین بہوتی وِگڑ چکی اے کیوں جے زمین تے سارے لوکاں نے اپنے طور طریقے وِگاڑ لیہئے سن۔ چنانچہ خدا نے نوح نوں کہیا، میں ساریاں لوکاں دا خاتمہ کرن نوں آں کیوں جے زمین اُوہناں لوکاں دی وجہ توں ظلم نال بھر گئی اے۔ ایس لئی میں یقیناً نوعِ اِنسان تے زمین دوواں نوں تباہ کر دیاں گا‘‘ (پیدائش 6: 11۔13)۔

’’لیکن جیویں کہ نوح دے دِناں وِچ ہویا سی، ایویں ای ابنِ آدم دی آمد وی ہووے گی‘‘ (متی 24: 37)۔

لیکن خدا نے نوح تے اُوہدے خاندان دے لئی نجات دا راستہ فراہم کیتا۔ مہربانی نال پیدائش 6: 14 نوں اُوچی واج نال پڑھو۔

’’توں گوپھر دی لکڑ دی اِک کشتی بنا۔ اُوہدے وِچ کمرے بنائیں تے اُوہنوں ادر تے باہر توں رال نال پوت دیویں‘‘ (پیدائش 6: 14)۔

جیس عبرانی لفظ نے ’’کشتی‘‘ دا ترجمہ کیتا اُو ’’تباہ tebah‘‘ اے۔ ایہدا سیدھا جیہا مطلب ’’ٹوکرا‘‘ اے۔ ایہ پرانے عہدنامے وِچ صرف دو تھاواں تے استعمال ہویا اے – نوح دی کشتی نوں بیان کرن دے لئی ہویا، تے یوکبد نے اپنے بچے موسیٰ نوں دریا دے بہاؤ دے نال حفاظت دے نال لے جان دے لئی بنایا سی، ایہدے لئی ہویا (خروج 2: 3، 5)۔ نوح نے جیہڑی کشتی بنائی اُو کشتی نئیں سی۔ ایہ ’’گوپھر دی لکڑی‘‘ نال بنیا اِک بہوتا وڈا ڈبہ سی۔ ڈاکٹر میگی نے کہیا، ’’گوپھر دی لکڑی تقریباً ناقابلِ تباہی لکڑی اے جیویں کیلیفورنیا وِچ ساڈی ریڈ ووڈ‘‘ ہوندی اے (جے ورنن میگی ٹی ایچ ڈی۔ J. Vernon McGee, Th.D.، بائبل وِچوں Thru the Bible، تھامس نیلسن پبلیشرز Thomas Nelson Publishers، 1981، جلد اول، صفحہ 39)۔ ڈاکٹر میگی نے کہیا،

کشتی دے بارے وِچ زیادہ تر لوکاں دا تاثر اُو اے جیہڑا اُوہناں نوں چھوٹے سنڈے سکول دی تصویراں نے دِتا سی جیس دی وجہ توں ایہ اِک بدبانی کشتی وانگوں وکھائی دیہندی اے۔ ایہ، میرے لئی، اِک بہوتی ای مضحکہ خیز قسم دی تمسخرانہ نقل سی۔ ایہ کشتی دی تصویر دے بجائے اُوہدا تضحیکی خاکہ سی جیویں کہ ایہ اصل وِچ سی (جے ورنن میگی ٹی ایچ ڈی۔ J. Vernon McGee, Th.D.، پچھلی گل دے تسلسل وِچ ibid.)۔

صندوق دی لکڑ نوں واٹر پروف بنان دے لئی اِک موٹی بٹومینس پچ [تار کول لُک] نال ڈھانپ دِتا گیا سی۔ میرے خیال وِچ ڈاکٹر ایم آر ڈیحان دی تفصیل درست اے:

کی تُسی جانندے اُو کہ صندوق دے بیرونی حصے نوں رنگ کرن دے لئی کیہڑا رنگ استعمال کیتا جاندا سی؟ ایہ بالکل سیاہ سی۔ ایس عجیب و غریب جہاز تے کسی سجاوٹ یا علامت یا ناں دا وی کوئی ذکر نئیں اے۔ ایہ صرف اِک وڈا کال صندوق سی، چُنج وگرے اگلے حصے دے بغیر تے گولائی وگرے بچھلے حصے دے بغیر۔ ایہ کشتی رانی دے لئی نئیں بنائی گئی سی بلکہ محض تیرن دے لئی بنائی گئی سی، ایس لئی ایہدے وِچ کوئی بادبان، چپّو یا جسمانی حرکت دے دوجے ذرائع نئیں سن۔ تفصیل نال اَسی ایہ سمجھنے آں کہ دوویں پاسے مربع نما سن تے اُوہدے پہلو وِچ صرف اِک بوہا سی، جدوں کہ زمین توں کھڑکی کِدروں وی نظر نئیں آندی سی۔ کھڑکی نوں ویکھن دے لئی زمین توں 45 فٹ اُوتے اُٹھنا ضروری اے، تے اُوتھے صندوق دی چھٹ تے اِک … کھڑکی … سی۔ ایہ صندوق سمندر توں کئی میل دور خشک زمین تے بنایا گیا سی۔ اُوہنے تماشیاں دے سامنے اِک عجیب منظر پیش کیتا ہووے گا۔ ایتھے اِک بہوتا وڈا صندوق سی … سامنے آلے حصے توں لے کے پچھلے حصے تیکر کالا سیاہ … اَسی آسانی نال اندازہ لگا سکنے آں کہ نوح دے زمانے دے لوکاں نے اُوہدی محنت نوں کیہنی حقارت نال ویکھیا سی۔ کیہنا مضحکہ خیز، اُوہناں نے سوچیا ہووے گا، اِک سیاہ صندوق نوں بنانا جیہڑا اِک تابوت وانگوں نظر آندا سی، تے پانی دے سیلاب دی پیشن گوئی دا کرنا جدوں کہ زمین تے ہُنے تیکر بارش نئیں ہوئی سی۔ یقیناً فطری انسان دی ایس وِچ کوئی دلچسپی نئیں سی۔ اُوہناں دے کول صرف خدا دا کلام سی، تے جے اُوہناں نے اُوہنوں ٹھکرا دِتا تے اُو بھٹک گئے۔ جے اُو ظاہر شکلاں دے باوجود اُوہدے تے یقین کردے تے اُو اندر داخل ہو سکدے سن تے نجات پا سکدے سن۔ ایہ سب خداوند یسوع دے بارے وِچ سچ سی۔ اُوہدے بارے وِچ یسعیاہ کہندا اے، ’’لوکاں نے اُوہنوں حقیر جانیا تے رد کیتا، اُو اِک غمگین انسان سی جیہڑا رنج توں آشنا سی۔ تے اُوس بندے وانگوں سی جِنہوں ویکھ کے لوکی مُنہ موڑ لیہندے نے اُو حقیر سمجھیا گیا تے اَسی اُوہدی کُجھ قدر نہ کیتی،‘‘ یسعیاہ 53:3 (ایم آر ڈیحان، ایم ڈی M. R. DeHaan, M.D.، پچھلی گل دے تسلسل وِچ ibid.، صفحات 172۔173)۔

فیر خدا نے کشتی دی جسامت تے شکل پیش کیتی۔ پیدائش 6: 15-16 آیتاں نوں ویکھو،

’’توں ایویں کریں کہ کشتی تین سو ہتھ لمبی، پچاس ہتھ چوڑی، تے تیس ہتھ اُوچی ہووے۔ توں اُوہدی چھت توں لے کے ہتھ بھر ہیٹاں تیکر روشندان بنانا۔ کشتی دے اندر تین درجے بنانا ہیٹلا، وِچکارلا تے اُوتلا، تے کشتی دا بوہا کشتی دے پہلو وِچ رکھنا‘‘ (پیدائش 6: 15۔16)۔

لمبائی 300 ہتھ سی۔ چوڑائی 50 ہتھ سی۔ اونچائی 30 ہتھ سی۔ ڈاکٹر ہنری ایم مورس نے کہیا،

بہوتی محتاط طور تے، فرض کرو کہ اِک ہتھ صرف 17.5 انچ ہے، جیہڑا کہ ہُن تیکر جیویں کہ معلوم اے، سارے کیوبٹس [اِک ہتھ آلے پیمانیاں] وِچ سب توں چھوٹا اے۔ ایس صورت وِچ، صندوق 438 فٹ لمبا، 72.9 فٹ چوڑا تے 43.8 فٹ اوچا ہوندا۔ ایہ ہائیڈروڈینامک طور تے وکھایا جا سکدا اے کہ اینج دے طول و عرض دا اِک بہوتا وڈا صندوق انتہائی مستحکم ہووے گا، جیس دا اُلٹنا ناممکن اے۔ بہوتی وڈی لہراں دے سمندر وِچ وی، کشتی نوں کسی وی زاویے نال 90 ڈگری توں گھٹ تیکر جھکایا جا سکدا اے تے ایہدے فوراً بعد خود ای ٹھیک ہو جائے گی۔ مذید برآں، ایہ خود نوں وڈی لہر دی پیش قدمی دی سمت دے نال متوازی سیدھ وِچ لیہیاندی اے تے ایویں زیادہ تر ویلے گھٹ توں گھٹ جھکاؤ دا شکار ہوندی اے۔
     [لمبائی، چوڑائی اُونچائی دی] وسعتاں دے حساب نال، کشتی دی کُل حجمی صلاحیت تقریباً 1,400,000 کیوبک فٹ سی، جیہڑی کہ جدید امریکی ریل روڈز تے استعمال ہون آلی 522 معیاری مویشیاں دی کاراں دی حجمی صلاحیت دے برابر اے۔ چونکہ ایہ معلوم اے کہ اِک سٹاک کار وِچ تقریباً 240 بھیڑاں منتقل کیتی جا سکدیاں نے، ایس لئی کشتی وِچ کُل 125,000 بھیڑاں لے جائی جا سکدیاں سن (ہنری ایم مورس، پی ایچ ڈیHenry M. Morris, Ph.D.، پیدائش دا سیلابThe Genesis Flood ، بیکر کُتب گھر Baker Book House، 1986 ایڈیشن، صفحہ 181)۔
     چونکہ، جیویں کہ اَسی پہلاں ای ویکھ چکے آں، کشتی اِک لکھ پچیس ہزار بھیڑاں لے جا سکدی سی، تے چونکہ زمینی جانوراں دی اوسط جسامت یقیناً اِک بھیڑ توں گھٹ اے، ایس لئی ظاہر اے کہ ایہدی صلاحیت دا 60 فیصد توں زیادہ جانوراں دے لئی استعمال نئیں کرنا پیہئے گا۔ درحقیقت، ایہ ایس توں گھٹ ہوندا، کیوں کہ بائبل دی ’’قسم‘‘ شاید جدید حیاتیات دی من مانی ’’نسلاں‘‘ دے زمرے توں کافی وسیع اے … ایویں، کشتی دا مخصوص سائز ایہناں جانوراں دے لئی مثالی طور تے مناسب معلوم ہوندا اے جِنہاں نوں ایہنوں لے جانا سی (ہنری ایم مورس، پی ایچ ڈیHenry M. Morris, Ph.D.، پچھلی گل دے تسلسل وِچ ibid.، صفحہ 185)۔

ڈاکٹر مورس نے مزید کہیا کہ جانوراں نوں جمع کرن وِچ کوئی سنگین مسئلہ نئیں سی کیوں جے زمین یکساں طور تے گرم سی۔ ایہدے علاوہ، جانور اِک دوجے توں الگ نئیں سن، جیویں کہ ہُن نے، کیوں جے دُنیا دا جغرافیہ کم و پیش یکساں سی۔ ایس لئی ایہناں نوں سفر کرن دے لئی کوئی زیادہ فاصلہ نئیں سی۔ خدا نے نوح دسیا کہ جانور ’’تیرے کول آن گے‘‘ (پیدائش 6: 20)۔ آنے والے طوفان نوں محسوس کردے ہوئے، جِنہاں نوں محفوظ کیتا جانا ہووے گا، اُوفطری طور تے کشتی وَل ہجرت کر جان گے۔ ہجرت کی طرح ہائبرنیشن، شاید تخلیق دے ویلے توں کُجھ انفرادی جانوراں وِچ اِک پوشیدہ جینیاتی صلاحیت سی۔ اُو جانور کشتی وِچ داخل ہوئے، تے سیلاب دے گھٹ درجہ حرارت دے جواب وِچ، نیم نیند وِچ چلے گئے، اُوہناں نوں بہوتی گھٹ خوراک دی لوڑ سی، جدوں تیکر کہ سیلاب ختم نئیں ہو گیا۔

اُو خدا جِنہے کائنات نوں تخلیق کیتا اُو یقینی طور تے چند ہزار جانوراں نوں کشتی وِچ منتقل کرن دا سبب بن سکدا سی! اُو خدا جِنہے پہلا حیران کُن پیچیدہ جاندار خلیہ تخلیق کیتا اُو یقینی طور تے ایہناں جانوراں نوں، نیم ہائبرنیٹنگ حالت وِچ، سیلاب دے ذریعے کشتی وِچ زندہ رہن دا سبب بن سکدا سی! ایویں، سوال پُچھیا جانا چائیدا اے: کی خدا ایہ شیواں کر سکدا اے؟ بہتیرے سائنسدان، تمام شعبیاں وِچ، ہُن کہہ رئے نے کہ ایہ ممکن اے کہ بائبل وِچ دِتی گئی کشتی تے سیلاب دا بیان درست ہووے۔ ایہناں منن آلے سائنسداناں دی واج علمی حلقیاں وِچ اِک عرصے توں خاموش اے۔ ہُن، بہوتے عرصے بعد، آخیر کار کُجھ حلقیاں وِچ اُوہناں دی سُنی جا رئی اے۔ ہُن ویلہ ہو چکیا اے! اَسی بہوتے طویل ویلے توں یکساں ارضیات تے ڈاروِن دے اِرتقاء دے تسلط وِچ رہ رئے آں۔ انیسویں صدی دے ایہناں پرانے وکٹورین نظریات نوں ہُن بائبل تے یقین رکھن آلے ماہرین تعلیم دی ودھدی ہوئی تعداد دے ذریعہ چیلنج کیتا جا رہیا اے، جیویں کہ ڈاکٹر سی ایل کیگن، جِنہاں نے UCLA توں ریاضی وِچ پی ایچ ڈی دی ڈگری حاصل کیتی اے۔ خدا کرے اُوہناں دی تعداد وِچ اِضافہ ہووے۔ خدا کرے اُو قائم رہن۔ خدا دا ناں کافراں دے وِچکار جلال پائے۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔