ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
ایک بدکار شہر کی للکار(پیدائش کی کتاب پر واعظ # 38) پادری ایمریٹس جناب محترم ڈاکٹر آر ایل ہائیمرز جونئیر کی جانب سے تحریر کیا گیا ایک واعظ ’’تے قائین خداوند دے حضور توں نکل گیا تے عدن دے مشرق وِچ نود دے علاقے وِچ جا بسیا۔ تے قائین اپنی ووہٹی کے کول گیا تے اُو حاملہ ہوئی تے اُوہنے حنوک نوں جنم دِتا۔ فیر قائین نے اِک شہر وسایا تے اُوہدا ناں اپنے پُتر دے ناں تے حنوک رکھیا۔ حنوک توں عیراد پیدا ہویا تے عیراد توں محویاایل پیدا ہویا۔ تے محویاایل توں متوساایل پیدا ہویا تے متوساایل توں لمک پیدا ہویا۔ لمک نے دو عورتاں نال ویاہ کیتا، اُوہناں وِچوں اِک دا ناں عَدہ تے دوجی دا ضِلّہ سی۔ عَدہ دے ہاں یابل پیدا ہویا، اُو اُوہناں دا باپ سی جیہڑے خیمیاں وِچ رہندے سن تے مویشی پالدے سن۔ اُوہدے بھہرا دا ناں یوبل سی، اُو اُوہناں لوکاں دا باپ سی جیہڑے بانسری تے بربط وجاندے سن۔ ضِلّہ دے ہاں وی تے بلقائِن نامی پُتر پیدا ہویا جیہڑا پیتل تے لوہے نال مختلف قسم دے اوزار بناندا سی۔ تے بلقائِن دی بہن نعمہ سی۔ لمک نے اپنی ووہٹیاں نوں کہیا، اے عَدہ تے ضِلّہ میری گل سنو؛ اے لمک دی بیویو! میرے سُخن تے کان دھرو۔ میں اِک بندے نوں جِنہے میہنوں زخمی کیتا سی مار ڈالیا اے، تے چوٹ کھا کے اِک نوجوان نوں قتل کر دِتا۔ جے قائین دا بدلہ ست گُنا لیہیا جائے گا تے لمک دا سَتّر تے سات گُنا‘‘ (پیدائش 4: 16۔24)۔ |
پیدائش دا ایہ حصہ تہذیب دے عروج دا اِک مختصر جائزہ پیش کردا اے۔ ایہنوں دو حصیاں وِچ تقسیم کیا گیا اے: (1) قائین دی اولاد تے (2) سیت دی اولاد۔ ایہناں دوویں افرادی گروہواں دے نال کی ہویا ایہدی وضاحت کرن دے لئی میں تہانوں دو امریکی خانداناں دی کہانی پیش کراں گا، جیہڑے دوویں اٹھارہویں صدی وِچ پیدا ہوئے۔
پہلا خاندان جوکس Jukes نامی شخص دا سی، جیہڑا پہلی عظیم بیداری دے زمانے وِچ رہندا سی، لیکن ایہدے نال متاثر نئیں ہویا تے اینج، مسیحی نئیں بنیا۔ ڈاکٹر اے ٹی پیئرسن نے کہیا،
جوکس دے ناں نال جانے جان آلے اِک خاندان دی تاریخ وِچ محتاط [تحقیق] ہوئی اے، تے ایہ فقر [غربت] تے بدمعاشی [بُرائی تے جرم]، بے حیائی تے پاگل پن، عصمت فروشی تے شراب نوشی دے طویل ریکارڈ دے طور تے نمایاں اے۔
ایس … خاندانی نسل دی کُل 1,200 اولاداں دا سراغ لگایا گیا اے۔ ایہناں وِچوں تقریباً 400 جسمانی طور تے خود نوں تباہ کر چکے سن۔ 310 پیشہ ور مفلس [بھکاری] سن۔ 130 سزا یافتہ مجرم۔ 60 عادی چور … تے 7 قاتل، جدوں کہ پورے 1,200 [جوکس دی اولاد] وِچوں صرف 20 نے کدی تجارت سِکھی، تے ایہناں وِچوں اَدھیاں نے تے اپنی تجارت جیل وِچ سِکھی (ڈاکٹر اے ٹی پیئرسنDr. A. T. Pierson، ’’جوکس دا خاندان The Jukes Family،‘‘ پال لی ٹین، 7,700 مثالوں دا انسائیکلوپیڈیا Encyclopedia of 7,700 Illustrations دے انسائیکلوپیڈیا وِچوں نقل کیتا گیا اے، ایشورینس پبلیشرز Assurance Publishers، 1979، صفحہ 961)۔
دوسرا امریکی خاندان جوناتھن ایڈورڈزJonathan Edwards نال تعلق رکھدا اے، جیہڑے پہلی عظیم بیداری د ےعظیم مبلغ تے ماہر الہٰیات سن، جیہڑے کہ خدا پرست ماں پیو دے پُتر سن۔ اُو اِک خدا پرست پادری دے پُتر سن، تے اُوہناں توں پہلاں، اُوہناں دے والدہ تے والد، ڈاکٹر سیلمان سٹوڈارڈDr. Solomon Stoddard ، وی اِک پادری سن۔ ایڈورڈز بزرگ شخص دے انتقال توں دو وریاں پہلاں ڈاکٹر سٹوڈارڈ دے گرجا گھر وِچ ایسوسی ایٹ [شریک کار] پادری بن گئے، تے جدوں اُو مر گئے تے اُوہناں دی تھاں پادری بنے۔ جدوں اَسی جوناتھن ایڈورڈز دی اولاد دی تاریخ دا سراغ لگانے آں تے سانوں پتہ چلدا اے کہ اُوہناں وِچوں 400 مسیحیاں دے طور تے بہترین سن۔ ایڈورڈز دی اولاد وِچ 14 کالج دی صدر تے 100 پروفیسر شامل سن۔ اُوہناں وِچوں مذید 100 انجیل دے مبشرین، مشنری تے مذہبی اساتذہ بن گئے۔ اُوہناں وِچوں 100 توں زیادہ وکیل تے جج بن گئے۔ ایہدے علاوہ، جوناتھن ایڈورڈز دی اولاد وِچوں 60 ڈاکٹر بن گئے، تے دیگر 60 اعلیٰ عہدے دے مصنفین، یا اخبارات دے ایڈیٹر بن گئے۔
درحقیقت، تقریباً ہر اہم صنعت وِچ جوناتھن ایڈورڈز دی اولاد وِچوں اِک یا اِک توں زیادہ ترقی دین آلے ہوندے نے (توضیح پیش کیتی پال لی ٹین، ٹی ایچ ڈیPaul Lee Tan, Th.D.، 7,700 مثالاں دا انسائیکلوپیڈیا Encyclopedia of 7,700 Illustrations، ایشورینس پبلیشرز Assurance Publishers، 1979، صفحہ 962)۔
جوکس خاندان دے تقابل نا، اُوہدی بُرائی، جرم، غربت تے گناہ دی ہولناک تاریخ، تے ایڈورڈز خاندان دی خدا پرستی تے کامیابی دی تاریخ دے نال اَسی ایس بُرائی دی اِک تصویری مثال ویکھنے آں جیہڑی مسٹر جوکس نے نسل در نسل اپنی افسوسناک طور تے تباہ شُدہ نسلاں تیکر منتقل کیتی، تے مسیح دے لئی خدا دی افادیت جیہڑی کہ جوناتھن ایڈورڈز نے اپنی آل اولاد وِچ منتقل کیتی۔
آن آلے وریاں وِچ تہاڈے خاندان دی کہانی سُنائے جائے گی۔ کی ایہ اِک خوفناک گندگی ہووے گی جیہڑی تُسی اپنے خاندان دے مستقبل دے بچیاں نوں ، آن آلی نسلاں وِچ منتقل کردے اُو، یا تُسی اپنی اولاد نوں خدائی ورثہ دیو گے؟
تُسی اپنے ہتھاں وِچ ایہناں اُوہنے تیکر پیدا نہ ہوئے بچیاں دی میراث رکھی اے۔ جے تُسی مسیح دے کول آندے اُو، ایمان لیہیا کے تبدیل ہوندے اُو تے اِک خدائی حیاتی لگنہاندے اُو، تے اُو مسیح دی وجہ توں اہم مرد تے عورتاں بن سکدے نے۔ لیکن، جے تُسی تبدیل ہون وِچ ناکام رہندے اُو، تے مسیح تے کلیسیا نال مُنہ موڑ لیہندے اُو، تے ایس گل دا کافی امکان اے کہ تہاڈی اولاد اِک افسوسناک بدکار گروہ بن جائے گی جیہڑی خدا دی بادشاہی دے لئی کوئی چنگا کام کیتے بغیر اپنی حیاتیاں لنگہاندے نے۔ تُسی واقعی وِچ اپنے بچیاں تے اُوہناں دیاں اولاداں دی میراث اپنے ہتھ وِچ رکھدے اُو۔ جے تُسی ہُنے مسیحی بنن وِچ ناکام رہندے اُو، تے اُو تہاڈے توں وہ بہوتے مایوس کُن پس منظر دے وارث ہون گے۔ ایہ اِک کُھلی حقیقت اے، تے اِرتداد تے بدکاری دے ایہناں تاریک دِناں وِچ اِک بہوتی ای سنجیدہ حقیقت اے۔ اَج اِک نوجوان دے طور تے ایہ تہاڈی ذمہ داری اے کہ مکمل طور تے مسیح دے کول آؤ، تے ہر قیمت تے اُوہدے لئی حیاتی بسر کرو۔ جے تُسی اینج کردے اُو، تے تہاڈے بچیاں تے اُوہناں دیاں اولاد نوں مستقبل وِچ، جدوں تُسی چلے جاؤ گے، تبدیل ہون تے نتیجہ خیز مسیحی لوکی بنن دا بہوتا زیادہ موقع لبھے گا۔ ایہ صریح حقائق نے جیہڑے تاریخ وِچ بار بار ثابت ہوئے نے۔
تے، میں کہنا آں، سوچو! اَج تُسی جو کُجھ مسیح دے نال کردے اُو اُوہدا اثر اُوہناں نسلاں تے پیہئے گا جیہڑیاں ہُنے تیکر پیدا نئیں ہوئیاں، اچھائی دے لئی یا بُرائی دے لئی۔
ایویں ایہ قائین دے خاندان تے سیت دے خاندان دے نال سی۔ اُوہناں دی تاریخ ایتھے پیدائش دے چوتھے باب وِچ درج اے۔ آئیے قائین دے خاندان دا سراغ لگائیے۔
ایہ بُرا شروع ہویا۔ اُوہدے ’’خاندان دا بزرگ‘‘ قائین سی، اِک ایہو جیہا شخص جیس نے خدا دے مشورے دا مقابلہ کیتا، حیاتی وِچ اپنا راستہ منگیا، تے نکل جان یا چلے جان دے ذریعے نال اِختتام کیتا۔
’’خداوند دے حضور توں نکل کے نود دی سرزمین وِچ [رہن دے لئی چلا گیا]، جیہڑا عدن دے مشرق وِچ اے‘‘ (پیدائش 4: 16)۔
ایہ پہلی اہم شے اے جیہڑی اَسی قائینی تہذیب دے عروج دے بارے وِچ سِکھنے آں۔ ایہ مرتد سی۔ قائین خدا دے حضور توں نکل چکیا سی۔ ایہدا مطلب ایہ نئیں اے کہ خدا ہمہ گیر [ہر تھاں موجود] نئیں سی۔ بائبل سکھاندی اے کہ خدا ہر تھاں موجود اے۔ فیر، ایہدا کی مطلب اے جدوں ایہ کہندی اے کہ قائین ’’خداوند دے حضور توں نکل گیا؟‘‘ (پیدائش 4: 16)۔ ایہدا مطلب اے کہ اُوہنے اپنے آپ نوں فضل دے اسباب توں دور کر دِتا۔ اُوہنے اپنے خاندان نوں چھڈ دِتا۔ اُوہنے اپنے باپ آدم دی تبلیغ چھڈ دِتی۔ اُوہنے اپنے بخشے گئے خاندان دی رفاقت چھڈ دِتی۔ اُوہنے اُوہناں لوکاں نوں چھڈ دِتا جِنہاں دے ذریعے خدا بنی نوع انسان دے لئی اپنا منصوبہ ظاہر کر رہیا سی۔ تے میں سمجھنا آں کہ ایہدا مطلب ایہ وی اے کہ اُوہنے دعا وِچ خدا دے نال بات چیت کرنا چھڈ دِتی تھی۔ تے ایہ وی کہ اُوہنے لہو دی قربانی نوں یکسر مسترد کر دِتا، جیہڑی کہ آدم تے حوا دی پردہ پوشی دے لئی کھال دے پہنائے جان وِچ دوواں دے نال سختی نال منّی جاندی اے، تے ایہدے بارے وِچ اُوہنے اپنے باپ توں جیہڑا علم حاصل کیتا سی، کہ اینج دے لہو دی قربانی دی لوڑ سی جے کوئی خدا دی نظر وِچ خوش ہونا چاہندا ہووے۔
اُوہنے قائین وَلوں شروع کیتی گئی تہذیب نوں اِک بُری شروعات دِتی، جیویں کہ ایہ اُوہدے خاندان توں الگ ہو گئی سی جیہڑی قبل از پیدائش مسیح وِچ ایمان دے ذریعے نجات دے لئی بحال ہوئی سی۔ مختصراً، اَسی کہہ سکنے آں کہ خدا نوں منظر وِچوں نکال باہر چھڈ دین نال، خدا نوں نظر انداز کر دین نال، اُوہنوں اپنی حیاتیاں توں دور کر دین نال تے ایہدے نال، قائین نے اپنے خاندان دا جیہڑا آغاز کیتا، ایہدے نال ایہ تہذیب پروان چڑھی۔ اینج کرن نال، قائین دا خاندان، تے اُوہدے توں پروان چڑھن آلی تہذیب، تیزی نال بے دین ہون دی حالت وِچ ٹر گئی۔ قائینی بُت پرست نئیں سن، لیکن اُو یقیناً اِنسان پرست سن، جیہڑے خدا دے بجائے اِنسان نوں مرکز وِچ رکھدے سن۔ اُو ساڈے زمانے دے انسانی دنیا داراں وانگوں سن۔
قائین دی تہذیب دی دوجی وڈی خصوصیت ایہ سی کہ اُوہنے زراعت توں مُنہ موڑ کے شہر دی تعمیر دا رخ کیتا۔ خدا نے آدم نوں دسیا سی کہ اُو زوال یا برگشتگی توں پہلاں تے بعد وِچ وی کھیتی باڑھی توں اپنی روزی کمائے گا، جدوں خدا نے آدم نوں دہرایا کہ اُو ’’کھیتی باڑھی‘‘ (پیدائش 3: 18) نال اپنی حیاتی لنگہائے گا۔ ایویں، قائینی تہذیب نے رہن دے لئی شہراں دی تعمیر کر کے، خدا دی مخالفت کیتی تے کھیتاں وِچ کام کر کے رہن دے اُوہدے منصوبے دے خلاف بغاوت کیتی۔ خدا دی اطاعت دے بجائے قائین تے اُوہدی اولاد
’’قائین نے اِک شہر وسایا تے اُوہدا ناں اپنے پُتر دے ناں تے حنوک رکھیا‘‘ (پیدائش 4: 17)۔
شہر دا ناں اپنے پُتر حنوک دے ناں تے رکھ کے (باب 5 وِچوں اِک مختلف حنوک)، قائین خدا دے خلاف اپنی بغاوت نوں مذید ظاہر کر رہیا سی، کیوں جے حنوک ناں دا مطلب اے ’’آغاز‘‘ یا ’’شروعات‘‘، تے شاید ایہدا مطلب اے حیاتی دے اِک نئے طریقے دا آغاز، جیہدے وِچ خدا مرکز وِچ نئیں سی۔ ڈاکٹر ڈیحان نے کہیا،
ایہ خدا دے پورے کلام وِچ شہراں دا پہلاں ذکر اے۔ جدوں خدا نے انسان نوں پیدا کیتا تے اُوہنے شہر وِچ نئیں بلکہ اِک باغ وِچ رکھیا۔ شہراں نوں شریراں نے تعمیر کیتا سی، تے اُودھوں توں ایہ بدکاری تے بدعنوانی دی علامت رئے نے۔ ساڈے شہراں وِچ آبادی دے اِرتکاز وِچ، گناہ ایس شرح نال ترقی کردا اے جیہڑی کہ کسی ہُور تھاں بالکل نامعلوم اے … ایہ ساری تاریخ وِچ شہر دی تعمیر دا پہلاں عظیم عروج سی، تے ایہدے بعد اُو ساری بُرائیاں سن جیہڑیاں ہر دور وِچ شہر دی حیاتی دے شہری اضلاع دے لئی مخصوص نے (ایم آر ڈیحان، ایم ڈی M. R. DeHaan, M.D.، نوح دا زمانہ The Days of Noah، ژونڈوان اشاعت گھر Zondervan Publishing House، 1963، صفحہ 41)۔
ایہ نوٹ کرنا دلچسپ اے کہ جوناتھن ایڈورڈز دی اولاد چھوٹے دیہاتاں وِچ رہندی سی، تے زیادہ تر خاندان اپنے روزی کماندے سن، یا گھٹ توں گھٹ اُوہدا وڈا حصہ، زراعت وِچ، کاشتکاری وِچ سی۔ ایہدے باوجود جوکس دا خاندان ایڈورڈز تے اُوہدی اولاد دے ذریعہ آباد کاشتکاری برادری توں کِدرے زیادہ وڈے شہراں وِچ رہندا ہووے گا۔ جوکس خاندان توں متعلق جرم، بدکاری تے گناہ شہراں وِچ پھیل گئے۔
فیر وی اَج بہتیرے مسیحی وڈے شہراں وِچ رہندے نے۔ درحقیقت ابتدائی مسیحیاں نے شہر دے لوکاں دے طور تے شروعات کیتی، جیہڑی روم، اِفسس، تسالونیکیوں تے دوجے وڈے شہراں وِچ رہندے سن۔ ایہ اُوہناں ابتدائی مسیحیاں نال ہویا سی کہ نمونہ بدل گیا، تے مسیحیاں نے رومی دُنیا دے شہراں وِچ رہنا سِکھیا، تے فیر وی اپنے آلے دوالے رہن آلے کافر لوکاں نال الگ اپنی حیاتی بسر کیتی۔ اُوہناں نے شہر دی حیاتی دے بارے وِچ اِک نیا نقطہ نظر اِختیار کیتا، مسیح دے الفاظ تے مبنی، ’’میں تہانوں دُنیا توں چُن لیہیا اے‘‘ (یوحنا 15: 19)۔ مسیح نے جیہڑی کلیسیائیں بنائیں اُو دُنیا وِچ اِک نئی شے سی۔ مسیھ تے اُوہدے رسولاں نے جان بُجھ کے رومی دُنیا دے عظیم شہراں دے بالکل دِل وِچ مقامی گرجا گھر بنائے۔ لیکن، قائین دی تہذیب دے برعکس، مسیح تے رسولاں دے بنائے ہوئے گرجا گھر اِنساناں تے مرکوز نئیں سن۔ اُوہناں دے مرکز وِچ مسیح سی۔ اُو اُوہناں لوکاں دیاں جماعتاں سن جِنہاں نے ایہناں تاریک شہراں وِچ روشنی بنن دے لئی اپنے آپ نوں اِکٹھا کیتا، تے ایویں اُو ہانگ کانگ، بیجنگ، سائگون تے دیگر بے دین شہراں وگرے عظیم شہراں وِچ اُوس ویلے تیکر قائم نے۔ خاص طور تے تیجی دُنیا وِچ، نئے عہدنامے دے گرجا گھر اِک انسدادی ثقافت نے، جیہڑے انجیل دی روشنی نوں پھیلاندے نے۔ اَسی اپنے گرجا گھراں نوں اِک اِنسدادی ثقافت بنان دے لئی، دُنیا توں پناہ گاہ بنان دے لئی ہر ممکن کوشش کرنے آں۔
لہٰذا، ساڈا اَج دا پیغام ’’شہر توں باہر نکلو‘‘ نئیں اے۔ نئیں! ہرگز نئیں ! اَسی کہنے آں، ’’شہر نوں خوشخبری سُناؤ، جیویں کہ اُوہناں ابتدائی مسیحیاں نے کیتا سی۔‘‘ مقامی گرجا گھر نوں اپنی حیاتی دا مرکز بناؤ – تے انجیلی بشارت کرو! گمراہ تے گواچے ہوئے تے مردے ہوئے لوکاں نوں ساڈے گرجا گھر دی رفاقت وِچ لے آؤ۔ اُوہناں دے نال مہربان تے مہمان نواز بنو، تے اُوہناں دی مسیح یسوع وِچ مخلصی دو دولت، تے ساڈے وگرے مقامی گرجا گھر دا حصہ بنن دی خوشی نوں جانن دے لئی رہنمائی کرو! اینج کرو!
پُر مسرت انجیل ہُن اعلان کردی اے، ساری زمین تے، یسوع دے ناں وِچ؛
ایہہ لفظ آسماناں وچ سُنائی دیندا اے: انجیلی بشارت کرو! انجیلی بشارت کرو!
مردے ہوئے لوکاں لئی، اِک گمراہ نسل، انجیلی فضل دے تحفے نوں شہرت دیو؛
اُو دُنیا جیہڑی ہُنے تاریکی وچ اے، انجیلی بشارت کرو! انجیلی بشارت کرو!
(انجیلی بشارت کرو! انجیلی بشارت کرو! Evangelize! Evangelize!‘‘ شاعر ڈاکٹر اُوسولڈ جے۔ سمتھ Dr. Oswald J. Smith، 1889۔1986؛ بطرز ’’تے کی ایہہ ہو سکدا اے؟ And Can It Be?‘‘ شاعر چارلس ویزلی، 1707۔1788)۔
قائین نے جیہڑا شہر وسایا سی اُو گناہ وِچ گہرا تے گہرا ڈِگدا چلا گیا – کثِیرُالاَزواجی وچ، موسیقی تے مستی وچ ، تے بے مثال تشدد وچ ، جںہوں اَسی پیدائش 4: 19-24 وِچ ویکھنے آں۔ میہنوں یقین اے کہ قائین دے بنائے ہوئے شہر تے اَج دے دُنیا دے بہوتے وڈے لادین شہراں دے وِچکار اِک حقیقی مماثلت اے۔ یسوع نے کہیا،
’’کیوں جے جیویں کہ سیلاب توں پہلاں دے دِناں وِچ سی … ایویں ای اِبنِ آدم دی آمد تے وی ہووے گا‘‘ (متی 24: 38-39)۔
یسوع سانوں دس رہیا سی کہ قائین دے شہر دی بدکاری، مسیح دی دوجی آمد توں بالکل پہلاں، تے ایس زمانے دے آخیر وِچ، سانوں زمانے دے گنہگار شہراں دی اِک تصویر، یا اِک قسم ہووے گی۔
لیکن ساڈا پیغام ایہ نئیں اے کہ شہر توں نٹھیے تے مُلک وِچ رہن دے لئی اِک محفوظ تھاں تلاش کرن دی کوشش کریے! اوہ، نئیں! مسیح دا حکم ساری دُنیا وِچ جانا سی، خاص طور تے وڈے شہراں وِچ۔ جیویں کہ نئے نظام دے ابتدائی مسیحیاں نے کیتا، سانوں وی اینج ای کرنا چائیدا اے۔ اُوہناں وانگوں اَسی اپنا عہدہ نئیں چھڈاں گے۔ اَسی مسیح وِچ اپنی بُلاہٹ نوں نئیں چھڈاں گے،
’’ساری دںیا وِچ تُسی جاؤ، تے ہر مخلوق نوں خوشخبری سُناؤ‘‘ (مرقس 16: 15)۔
سانوں ایس بدکردار قائینی نما شہر توں پیچھے نئیں ہٹنا چائیدا اے، بلکہ ایہنوں انجیل دے نال چیلنج کرنا چائیدا اے، تے مرداں تے عورتاں نوں اپنے مقامی گرجا گھر وِچ کھیچنا چائیدا اے، جیتھے اُو ایس شہر دے گناہواں دے زیر تسلط انسانیت پرستی توں پنا پان گے۔ جیویں کہ بزرگ موڈی Moody نے کہیا، ’’ایہناں نال پیار کرو!‘‘ انجیلی بشارت کرو! انجیلی بشارت کرو!
سانوں ایس لمحے لئی اِک نعرہ دے، اِک سنسنی خیز لفظ، طاقت دا اِک لفظ،
جنگ دا رونا، اِک آتش گیر سانس جیہڑی فتح یا موت نوں پکاردی اے۔
اِک لفظ جِنہے سُتی ہوئی کلیسیا نوں اٹھایا اے، تاں جے مالک دی وڈی درخواست تے توجہ دِتی جائے۔
بلاوہ دِتا گیا اے، اے میزبان، اُٹھو، ساڈا نعرہ اے، انجیلی بشارت کرو!
پُر مسرت انجیل ہُن اعلان کردی اے، ساری زمین تے، یسوع دے ناں وِچ؛
ایہہ لفظ آسماناں وچ سُنائی دیندا اے: انجیلی بشارت کرو! انجیلی بشارت کرو!
مردے ہوئے لوکاں لئی، اِک گمراہ نسل، انجیلی فضل دے تحفے نوں شہرت دیو؛
اُو دُنیا جیہڑی ہُنے تاریکی وچ اے، انجیلی بشارت کرو! انجیلی بشارت کرو!
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔