خدا دا پیغام تے اُوہدی مرضی

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

اَج، میں اِک پیغام لیہیا رہیا آں کہ خدا دی مرضی نوں کیویں جاناں جیہڑی میں اپنے پادری صاحبان جناب ڈاکٹر ہائیمرز تے جناب ڈاکٹر اے ڈبلیو ٹوزر Dr. A. W. Tozer توں حاصل کیتی ہے۔ ایہ کسی وی گرجا گھر چہ سب توں بوہتے پُچھے جان آلے سوالاں وِچوں اِک اے تے ایہ کئی شکلاں وِچ آ سکدا اے۔ میہنوں کیس کالج یا یونیورسٹی وِچ جانا چائیدا اے؟ میہنوں کیس کیریئر چہ جانا چائیدا اے؟ میں کیہدے نال وھیاہ کراں؟ میری حیاتی دے لئی خدا دی مرضی کی اے؟ ایہ سارے اہم سوالات نے جِنہاں دے حیاتی نوں بدلن آلے نتائج نے تے لوکاں نوں اکثر ایہ فیصلے کرن دی لوڑ ہوندی اے جدوں اُو جوان تے ناتجربہ کار ہوندے نے، ایس لئی خدا دی مرضی نوں جاننا ضروری اے۔ لیکن اَسی اُوہدی مرضی نوں کیویں پہچان سکنے آں؟ کی اُو میہنوں خواب وِچ ظاہرکرے گا؟ کی اُو میرے ذہن چہ اِک خیال پائے گا؟ کی میرے دِل نوں جذبات نال بھر کے روح القدس میری رہنمائی کرے گا؟ جدوں کہ خدا قادر مطلق اے تے تہانوں اپنی مرضی ظاہر کران دے لئی ایہناں طریقیاں دا استعمال کر سکدا اے، خدا دی مرضی نوں بار بار جانن دا سب توں زیادہ تے سب توں قابلِ اعتماد طریقہ اُوہدے کلام دے ذریعے اے۔

’’تیرا کلام میرے قدماں دے لئی چراغ اے، تے میری راہ دے لئی نور اے‘‘ (زبور 119: 105)۔

ایس توں پہلاں کہ میں واعظ دی گہرائی چہ جاواں، میہنوں ایہ واضح کر دیہنا چائیدا اے کہ خدا دی مرضی نوں صحیح معنیاں وِچ جانن تے اُوہدی رہنمائی حاصل کرن دے لئی، تہانوں اُوس [خداوند] دا بچہ ہونا چائیدا اے۔ ایہدے علاوہ، تہانوں پاک ہونا چائیدا اے، ایہدے لئی مخصوص ہونا چائیدا اے، تے اُوہدی مرضی پوری کرن دے لئی تیار ہونا چائیدا اے، کیوں جے خدا اپنے موتیاں نوں سؤرراں دے اَگے نئیں سُٹے گا۔ اُو کسی ایہو جئے بندے تے اپنی مرضی ظاہر نئیں کرے گا جیہڑا اپنے آپ وِچ پھنس گیا ہووے یا اُوس [خداوند] دی مرضی پوری کرن نوں تیار نہ ہووے۔ لیکن ایس توں پہلاں کہ تُسی سارے توجہ کھو دیو، میں ایس گل دا اعادہ کرنا چاہواں گا کہ خدا دی مرضی نوں جانن دا سب توں قابلِ اعتماد طریقہ اُوہدے کلام دے ذریعے اے۔

’’آسمان تے زمین ٹل جان گے لیکن میری گلاں کدی نہ ٹلن گئیاں‘‘ (متی 24: 35)

’’کیوں جے میں خداوند آں، میں نئیں بدلدا‘‘ (ملاکی 3: 6)۔

آؤ ایتھے اِک لمحے دے لئی رُکیے تے اپنے آپ توں اِک سوال پُچھیے۔ کی تُسی خدا دا کلام پڑھدے اُو؟ کی تُسی ایہدے تے غور کردے اُو؟ کی تُسی خدا توں دعا کردے اُو کہ ’’اپنی اَکھاں کھولو تاکہ تُسی اپنی شریعت وِچوں حیرت انگیز شیواں ویکھ سکو؟‘‘ جے تُسی اپنی بائبل پڑھن نوں نظر انداز کردے اُو، یا جے تُسی ایہنوں اپنی فہرست توں ہٹان دے لئی صرف ایہدے ذریعے دھماکے کردے اُو، تے کی تُسی حیران اُو کہ تُسی خدا دی مرضی نوں سمجھن توں قاصر اُو؟ تُسی اُوہدی مرضی نوں کیویں جان سکدے اُو، جے تُسی اُوہدے کلام نوں وی نئیں جانندے؟ اُوہدے کلام نوں جانے بگیر اُوہدی مرضی نوں سمجھن دی کوشش کر کے، تُسی غلط ترتیب نال عمل کر رئے اُو۔

’’شریعت دی ایہ کتاب تیرے مُنہ توں کدی دور نہ ہون پائے۔ دِن تے رات اِسی تے دھیان دیہندے رہنا تاکہ جیہڑا کُجھ ایہدے چہ لکھیا اے اُوہدے تے توں اِحتیاط نال عمل کر سکے۔ فیر تیرا اقبال بُلند ہووے گا تے توں کامیاب ہووے گا‘‘ (یوشع 1: 8)۔

’’کیوں جے خداوند دا کلام زندہ تے مؤثر اے، تے اُو ہر دو دھاری تلوار توں بہوتا تیز اے ایتھوں تیکر کہ جان تے روح تے ہڈیاں دے جوڑاں تے گودے تیکر نوں چیردا ہویا گزر جاندا اے تے دِل دے خیالاں تے اِرادیاں نوں جانچدا اے‘‘ (عبرانیوں 4: 12)۔

اتیھے تین نکات نے کہ کیویں خدا دا کلام پڑھنا تہاڈی رہنمائی کر سکدا اے۔

I. سب توں پہلاں، بائبل واضح ہدایات دیہندی اے کہ تہانوں کی کرنا چائیدا اے۔

کلام پاک وِچ ایہو جئی شیواں نازل کیتیاں گئیاں نے جیہڑی واضح ہدایات فراہم کردیاں نے کہ اِک بندے نوں کی کرنا چائیدا اے۔ مثال دے طور تے، اِک بھہرا یا بہن نے حال ای وِچ اپنے پیارے نون گنوا دِتا اے تے اُوہناں نوں ملاقات کرن چہ پریشانی ہو رئی اے۔ تہانوں ایہ فیصلہ کرن دے لئی خدا توں رہنمائی حاصل کرن دی لوڑ نئیں اے کہ آیا تہانوں اُوہناں دے کول جانا چائیدا اے تے اُوہناں دے نال دعا کرنی چائیدی اے! ہدایات واضح اے۔ اپنے پڑوسی نال اپنے وگری محبت رکھ تہانوں خدا کولوں پُچھن دی لوڑ نئیں اے کہ کی تہانوں بیماراں دے لئی دعا کرن دی لوڑ اے۔ بائبل کہندی اے،

’’کی تہاڈے وِچوں کوئی بیمار اے؟ اُو کلیسیا دے بزرگاں نوں بُلائے؛ تے اُو اُوہدے تے خداوند دے ناں تے تیل ڈال کے دعا کرن‘‘ (یعقوب 5: 14)

کُجھ شیواں جیہڑیاں سانوں کرنی چائیدیاں نے اُو اپُتے دِی مثالاں دے طور تے واضح طور تے بیان نئیں کیتی گئیاں نے۔ لیکن اَسی ایس گل دا تعین کر سکنے آں کہ سانوں اینج دے حالات وِچ کلیسیا دے اعمال توں کی کرنا چائیدا اے۔ مثال دے طور تے، جدوں پطرس رسول نوں قید کیتا گیا سی۔

’’پطرس تو سخت پہرے وِچ سی مگر ساری کلیسیا اُوہدے لئی دِل و جان نال دعا کر رئی سی‘‘ (اعمال 12: 5)۔

جدوں تیکر میرے پُتر پطرس نوں جیل چہ نئیں ڈالیا جاندا، ایہ ساڈے لجئی واضح حکم نئیں ہووے گا۔ تاہم، اَسی ایس آیت دا اِطلاق اپنے اُوہناں بھایاں تے بہناں دے لئی دعا کرن دے لئی کر سکنے آں جِنہاں نوں مسیح دی خاطر ستایا جا رہیا اے۔ لہٰذا، ایہدے چہ کوئی سوال ای نئیں ہونا چائیدا اے کہ کی سانوں ایہناں لوکاں دے لئی دعا کرنی چائیدی اے جیہڑے مسیح دی وجہ توں ستائے گئے نے۔ اِیہنوں روزانہ اپنی ذاتی دعاواں وِچ کرنا چائیدا اے۔

II۔ دوجی گل، بائبل واضح ہدایات دیہندی اےکہ تہانوں کی نئیں کرنا چائیدا اے۔

تہانوں خدا توں دعا مانگن دی لوڑ نئیں اے کہ آیا تہانوں اِسقاطِ حمل کروانا چائیدا اے۔ ایہ واضح طور تے کہیا گیا اے، ’’تسی قتل نہ کرو۔‘‘ خدا وَلوں کسی وضاحت دی لوڑ نئیں اے کہ تہانوں کسی دوجے مرد دی ووہٹی دے نال نٹھ جانا چائیدا اے، کیوں جے خدا دا کلام واضح طور تے کہندا اے کہ ’’تُسی زنا نہ کرو۔‘‘ لیکن کوئی کہہ سکدا اے کہ ’فحاشی دے بارے چہ کی خیال اے، بائبل نے فحاش نگاری دے بارے چہ کدی کُجھ نئیں کہیا۔‘‘ ٹھیک اے، یسوع نے کہیا،

’’لیکن میں تہانوں کہنا آں کہ جیہڑا کوئی کسی عورت تے بُری نظر پاندا اے اُو اپنے دِل وِچ پہلاں ای اُوہدے نال زنا کر چکیا اے‘‘ (متی 5: 28)۔

تُسی ویکھیا، خدا نے تہانوں ذہانت، عقل تے ضمیر دا اِک پیمانہ دِتا اے۔ کُجھ شیواں ایہو جئیاں نے جِنہاں دے لئی خدا وَلوں وضاحت دی لوڑ نئیں اے۔ غور کرو کہ میں ایہ نئیں کہیا کہ خدا نے تہانوں حیاتی وِچ رہنمائی دے طور تے ’’احساسات‘‘ عطا کیتے نے۔ ایہ ایہدے تے وی لاگو ہوندا اے جِنہوں لوکی ’’روح القدس دی رہنمائی‘‘ کہندے نے۔ ہُن، ایہ اُو مقام اے جِیتھے تہانوں اِسکول وِث جیہڑا کُجھ پڑھایا جا رہیا اے ایہدے نال بہوتا زیادہ اِختلاف اے۔ میں پبلک اسکول سسٹم دی پیداوار آں، تے میں تہانوں یقین دِلانا آں کہ احساسات تے خود اعتمادی تے بہوتا زیادہ زور دِتا جاندا اے۔ لیکن میں تہانوں ایہ دسن دے لئی حاضر آں کہ اُو غلط نے! بائبل کہندی اے کہ،

’’دِل ہر شے توں ودھ کے دھوکے باز اے، تے سخت شریر اے، ایہنوں کون جان سکدا اے؟‘‘ (یرمیاہ 17: 9)۔

’’جیہڑا اپنے دِل تے پروہسا رکھدا اے اُو احمق اے‘‘ (امثال 28: 26)۔

ایتھے کوئی میرے نال اِختلاف کر سکدا اے، لیکن میہنوں تہاڈے نال دلائل دے نال گل کر لیہن دیو تے تجرباتی ثبوت دے نال تہانوں قائل کرن دے لئی کوشش کر لیہن دیو۔ لوکاں دا کہ اُو کی کر رئے نے جیہڑا اُو اپنی نظراں وِچ ٹھیک سمجھدے نے تے اپنے دِل دی پیروی کردے نے کی نتیجہ نکلیا اے؟ ہاں، اِسقاطِ حمل وگرا قتل عام ہوندا اے۔ ’’حدا توں بوہتی حساسیت دی توہین دے اِدراک‘‘ دی تحریک [’’ووک woke‘‘ موومنٹ] وی اے۔ میں ہُور وی بہوتی ساری مثالاں دے سکنا آں، لیکن ایہ بالکل واضح اے کہ اپنے دِل تے جذبات تے پروہسا کرنا اِک احمقانہ کام اے۔ ’’روح القدس دی رہنمائی‘‘ دے بارے وِچ، میں محسوس کیتا اے کہ اُو اکثر انتہائی غیرمستحکم تے جذباتی افراد نال آندی اے۔ اَسی ساریاں نے کسی نوں ایہ کہندے ہوئے سُنیا اے کہ ’’خداوند نے میہنوں اپنے خاندان نوں چھڈن دے لئی رہنمائی کیتی۔‘‘ ایہدے نال مسئلہ ایہ اے کہ ایہ خدا دے کلام دے نال مطابقت نئیں رکھدا اے تے ایہ احساسات تے جذبات نال چلدا اے، جیویں بائبل سکھاندی اے احمقانہ اے! ضمیر نوں تسکین دیہن تے گناہ نوں جائز قرار دیہن دی کوشش کرنا محض اِک بیساکھی اے!

III۔ تیجی گل، حیاتی دے ہر پہلو دا جواب کلام پاک وِچ نئیں ہووے گا۔

کی میہنوں ہونڈا یا ٹویوٹا خریدنا چائیدا اے؟ میہنوں کیس سکول وِچ جانا چائیدا اے؟ میہنوں کیس شے وِچ اہم ہونا چائیدا اے؟ تہانوں ایہناں سوالاں دا جواب بائبل وِچ نئیں لبھے گا۔ ڈاکٹر اے ڈبلیو ٹوزر نے کہیا،

’’مشرکہ حیاتی دی اِک پوری دُںیا اے جیس دے بارے وِچ خداوند نے کُجھ نئیں کہیا۔ اُوہنے صرف تہانوں عقل تے ذہانت دِتی اے تے کہیا اے، ہُن، میری عزت کرو، میرے نال محبت کرو، اپنے آپ نوں میرے ہتھاں وِچ سونپ دیو، تے میہنوں ایہدی پرواہ نئیں اے کہ تُسی کی کردے اُو۔‘‘ (ڈبلیو اے ٹوزرA. W. Tozer، ’’اَسی خدا دی مرضی نوں کیویں جان سکنے آں How We Can Know the Will of God،‘‘ 9 دسمبر 1956)۔

ویکھیا تُسی، خدا تہاڈی حیاتی دے ہر پہلو نوں ترتیب دیہن دا اِرادہ ئیں رکھدا۔ اپنے کلام دے علاوہ، اُوہنے تہانوں ذہانت، عقل، تے ضمیر دا کُجھ پیمانہ وی دِتا اے۔ تہاڈے پچھلے تجربات نے جِنہاں نال تہانوں (اُمید اے کہ) کُجھ حمکت حاصل کیتی اے تاکہ تُسی اَگے ودھدے ہوئے باخبر فیصلے کر سکو۔ لیکن اُوہنے تہانوں اِک پادری، مناد تے بزرگ وی دِتا اے تاکہ صحیح فیصلہ کرن وِچ تہاڈی رہنمائی کرن۔ اپنی حیاتی دے ہر اہم پہلو دے لئی، میں اپنے پادری صاحب جانب ڈاکٹر ہائیمرز نال مشورہ کیتا تے فہم و سمجھ وِچ، مٰں اعتماد نال کہہ سکنا آں کہ میں نے ہر وری اُوہناں دی رہنمائی دی وجہ توں درست فیصلہ کیتا اے۔ اسکول، یا اِک میجر [یعنی کالج یا یونیورسٹی وِچ مطالعہ دا بنیادی شبعہ]، یا گھر خریدنے دا فیصلہ کرنا شاید ای سطحی طور تے اِک روحانی فیصلے وگرا لگدا اے، لیکن کُجھ لحاظ نال اینج ای اے۔ جے تُسی کسی ایہو جئے اسکول دا انتخاب کردے اُو جیہڑا تسلیم شُدہ نئیں اے؟ فیر تہاڈی ڈگری بیکار اے۔ کی ہووے گا جے تُسی اِک میجر [یعنی کالج یا یونیورسٹی وِچ مطالعے دے بنیادی شبعے] دا اِنتخاب کردے اُو جیس وِچ تہانوں نوکری نئیں لبھ سکدی؟ جے تُسی ایہو جیہا گھر خریددے اُو جیہڑا تہاڈی استطاعت توں بوہتا مہنگا ہووے؟ ایہ ’’دُنیاوی‘‘ فیصلے تہاڈی روحانی حیاتی نوں آسانی نال متاثر کر سکدے نے۔ تہانوں کیہدے نال وھیاہ کرنا چائیدا اے؟ ایہ اِک ایہو جیہا فیصلہ اے جیہڑا تہاڈی حیاتی نوں مکمل طور تے تباہ کر سکدا اے، تے بائبل صرف اُوس بندے دے خصوصیات دے بارے وِچ کُجھ رہنما اصول دیہندی اے جیس نال تہانوں شادی کرنی چائیدی اے۔ ایہ اُو مقام اے جیتھے اپنے پادری صاحب نال مشورہ کرنا انتہائی ضروری اے۔ بائبل کہندی اے،

’’اپنے رہبراں دے تابع رہوو کیوں جے اُو تُسی لوکاں دے روحانی فائدے دے لئی بیدار رہ کے اپنی خدمات انجام دیہندے نے۔ اُوہناں نوں ایس خدمت دا حساب خدا نوں دیہنا ہووے گا۔ جے اُو اپنا کام خوشی نال کرن گے تے تہانوں فائدہ ہووے گا لیکن جے تُسی اپنے لئی تکلیف سمجھو گے تے تہانوں کوئی فائدہ نئیں ہووے گا‘‘ (عبرانیوں 13: 17)۔

پادری دے لئی اِستعمال ہون آلے لفظ دا ترجمہ بشپ دے طور تے وی کیتا گیا اے، تے دوواں دا مطلب نگران اے۔ ایہ میرا فرض اے کہ کلیسیا دے بہترین مفادات دا خیال رکھاں۔ جیویں کہ اَسی ڈاکٹر ہائیمرز تے ڈاکٹر کیگن توں سِکھیا اے، گرجا گھر عمارت نئیں اے، ایہ لوکی نے! میرے توں پہلاں میرے پادری صاحب وانگوں، ایہ میرا کام اے کہ میں تہاڈی روحواں تے نظر رکھاں تے حیاتی دے بہتیرے نقصانات تے ٹھوکراں دے ذریعے تہاڈی رہنمائی کراں تے اِک کامیاب مسیحی بنن وِچ تہاڈی مدد کراں۔ اِک مسیحی دے طور تے کامیابی دی تعریف تہاڈے بینک اکاؤنٹ وِچ موجود شیواں نال نئیں ہوندی تے ایہدی تعریف ایس گل نال نئیں ہوندی کہ تُسی کیس گرجا گھر نال تعلق رکھدے اُو، یا ایتھوں تیکر کہ تُسی کلیسیا وِچ کی کردے اُو۔ ٹوزر نے کہیا،

’’خدا وِچ، تُسی جو کُجھ وی کردے اُو، خدا چاہندا اے کہ تین وجوہات یا تین مقاصد ہون … اُوہدی عزت کرنا، تہانوں فائدہ پہنچانا، تے باقی ساریاں نوں برکت دیہنا۔ ایہو ای خدا دی مرضی اے (ڈبلیو اے ٹوزرA. W. Tozer، ’’اَسی خدا دی مرضی نوں کیویں جان سکنے آں How We Can Know the Will of God،‘‘ 9 دسمبر 1956)۔

کی تہاڈی حیاتی برکت دا ذریعہ اے؟ کی تہاڈی حیاتی خدا دی عزت کردی اے؟ کی تُسی اپنے بھراہواں دے لئی اِک نعمت اُو؟ کی تہاڈی حیاتی یسوع مسیح دے جلال دی عکاسی کردی اے؟ اپنے آپ توں ایہ سوالات پُچھو کہ آیا تُسی خدا دی مرضی پوری کر رئے اُو تے کی تُسی اِک مسیحی دے طور تے کامیاب اُو۔ یاد رکھو جیہڑا میں پہلاں بیان کیتا سی خدا دی مرضی نوں جانن دے لئی: 1۔ تہانوں خدا دا بچہ ہونا چائیدا اے۔ 2۔ تہانوں صاف سُتھرا ہونا چائیدا اے۔ 3۔ تہانوں خدا دے لئی مخصوص ہونا چائیدا اے۔ 4۔ تہانوں خدا دی مرضی پوری کرن دے لئی تیاری ہونا چائیدا اے۔ بائبل کہندی اے،

’’کلام نوں محص کناں نال ای نا سُنو تے نا ای خود فریبی چہ مبتلا ہوو بلکہ کلام تے عمل کرن آلے بنو۔ کیوں جے جہیڑا کوئی کلام نوں سُنندا اے لیکن اُوہدے تے عمل نئیں کردا اُو اُوس بندے وانگوں اے جیہڑا آئینے وِچ اپنی صورت ویکھدا اے تے اُوہدے تے نظر پا کے ٹُر جاندا اے تے فوراً بُھل جاندا اے کہ اُو کینج دا وکھائی دے رہیا سی۔ لیکن جیہڑا آزادی دیہن آلی کامل شریعت تے غور نال نظر ڈالدا اے تے اُوہدے تے عمل کردا اے تے جیہڑا کُجھ سُنندا اے اُوہنوں فراموش نئیں کردا اُو اپنے ہر کام وِچ برکت پائے گا‘‘ (یعقوب 1: 22۔25)۔

کیہڑا شے تہانوں خدا دی مرضی جانن توں روک رئی اے؟ بائبل پڑھن نوں نظر اندا ز کرنا؟ تہاڈے دِل وِچ کُجھ ناقابلِ قبول گناہ؟ فرمانبرداری کرن نوں تیار نئیں؟ اپنا جائزہ لو! تُسی اپنی حیاتی وِچ خدا تے اُوہدے کلام تے عمل کرن توں ودھ کے کوئی خوشی نئیں پاؤ گے! کوری ٹین بوم، اِک مسیحی جِنہے ہولوکاسٹ [یہودیاں دا قتل عام] دے دوران نازی جرمنی توں فرار ہون وِچ بہتیرے یہودیاں دی مدد کیتی سی، نے کہیا، ’’سب توں محفوظ تھاں خدا دی مرضی دے مرکز وِچ اے۔‘‘

اگرچہ ایہ پیغام بنیادی طور تے اُوہناں لوکاں دے لئی سی جیہڑے پہلاں توں ای خدا دے فرزند نے، اَج سویرے ایتھے تہاڈے وِچوں کُجھ ایہو جئے نے جیہڑے ہُنے تیکر کھوئے ہوئے نے۔ ایہ تہاڈے لئی خدا دی مرضی اے:

’’خداوند اپنے وعدے دے بارے چہ سُست نئیں اے، جیویں کہ کُجھ لوکی سُستی نوں شمار کردے نے؛ لیکن اُو ساڈے بارے چہ صبر کرن آلا اے، ایہ نئیں چاہندا کہ کسی دی ہلاکت ہووے، لیکن سب نوں توبہ کرنا چائیدی اے‘‘ (II پطرس 3: 9)۔

تہاڈے کول گناہ اے، تے تہاڈٓا گناہ تہانوں خدا توں روک رہیا اے۔ تہانوں خداوند یسوع مسیح تے یقین کرنا چائیدا اے! اُوہدے تے پروہسا کرو! اُو اپنے قیمتی لہو نال تہاڈے گناہواں نوں دھو دیوے گا! تہانوں ایہدے تے کدی وی افسوس نئیں ہووے گا۔ اپنا پروہسا یسوع تے رکھو جیہڑا تہاڈے نال محبت کردا اے، جیس نے تہاڈے لئی اپنا لہو وگایا، تہاڈے لئی مر گیا، تے ہُنے وی تہاڈے لئی دعا کر رہیا اے۔ یاد رکھو کہ اُو سب کُجھ چنگا کردا اے۔ آمین۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔