ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

بیت لحم یروشلم توں پنج میل دے فاصلے تے اِک چھوٹا جیہا پِینڈ سی۔ یوسف تے مریم ناصرت وِچ اپنے گھر توں بہوتی دور شمال وَل سفر کر چکے سن۔ اُو بیت لحم وِچ رجسٹر ہون تے ٹیکس دی ادائیگی کرن دے لئی آئے سن کیوں جے اُو داؤد دی اولاد سن، جیہڑے اِک ہزار وریاں پہلاں بیت لحم چہ پیدا ہوئے سن۔ یسوع دی پیدائش اُوس ویلے ہوئی سی جدوں اُو اُوتھے سن۔

ایہ سب کُجھ بادشاہ ہیرودیس اعظم دے دور وِچ ہویا۔ ہیرودیس پیدائشی طور تے یہودی نئیں سی۔ اُو عیسو دی نسل توں سی، اِک ادومی، ادوم دا رہن آلا اِک بندہ۔ اُوہدے آباؤ اِجداد نے یہودی مذہب قبول کر لیہیا سی۔ تاہم، یہودی لوکی ہمیشہ ہیرودیس نوں شک دی نظراں نال ویکھدے سن، تے اُوہنوں ’’اَدھا یہودی‘‘ کہندے سی۔

مؤرخ جوزیفس نے کہیا کہ ہیرودیس نوں روم نے گلیل دا نگران مقرر کیتا سی جدوں اُو پنجی وریاں دا سی۔ اُوہدے بعد ہیرودیس نے اُوہنوں فلسطین دا بادشاہ بنان دے لئی لئی رومی سینیٹ نوں رقم ادا کیتی، تے اُوہنوں آگسٹس سیزر نے بڑی شان و شوکت تے تقریب دے وِچکار یہودی ریاست دا بادشاہ بنا دِتا۔ ڈاکٹر میرل ایف اُونگر نے کہیا،

ہیرودیس نہ صرف نسل دے اعتبار نال اِک یہودی تے مذہب وِچ یہودی سی بلکہ اُو عملی طور تے اِک کافر تے کردار چہ اِک عفریت سی۔ بادشاہ دے طور تے اپنی انتظامیہ دے دوران اُوہنے خود نوں انتہائی چالاک، غیرت مند، ظالم تے انتقامی ثابت کیتا۔ اُوہنے اپنی بادشاہی طاقت دا استعمال انتہائی غاصبانہ مزاج دے نال کیتا … اُوہدیاں نو یا دس ووہٹیاں سن تے محض شک دی وجہ توں اُوہنے اپنی پسندیدہ بیوی مریم تے اُوہدے پُتراں، ارسطوبولس تے الیگزینڈر نوں موت دے گھاٹ اُتار دِتا … تے آخیر کار جدوں اُو مرن دے لاگے سی، تے مرن توں صرف پنج دِن پہلاں، اُوہنے اپنے پُتر اینٹی پیٹر نوں قتل کرن دا حکم دِتا۔ ایہ کوئی تعجب دی گل نئیں اے کہ آگسٹس [سیزر] نے [کہیا ہووے گا] ’’ہیرودیس دا پالتو سؤور بننا اُوہدا پُتر بنن توں بہتر اے‘‘ … [ڈاکٹر ایڈم کلارک نے کہیا کہ سیزر دے بیان دا نکتہ ایہ سی کہ ہیرودیس دی یہودیت نے اُوہدے خنزیراں نوں مارن توں منع کیتا سی، ’’لہٰذا اُوہدا سؤر محفوظ رئے گا، جیتھے اُوہدا اپنا پُتر اپنی جان توں ہتھ دھو بیٹھے۔‘‘] ہیرودیس دے سب توں بوہتے بدنام زمانہ جرماں وِچوں اِک اُوس ویلے پیش آیا جدوں اُو بسترِ مرگ تے سی۔ اُوہنے حکم دِتا کہ ’’پوری یہودی قوم دے سارے اہم آدمی‘‘ اُوہدے حضور حاضر ہون۔ فیر اُوہنے اُوہنوں ہپوڈروم [میدان] وِچ بند کروا دِتا تے اُوہنوں سپاہیاں نے گھیر لیہیا۔ اُوہنے حکم دِتا کہ اُوہدی موت دے فوراً بعد، جیہدی اُوہنوں توقع سی کہ چھیتی ای ہو جائے گی، اُوہناں ساریاں نوں قتل کر دِتا جائے، تاکہ بظاہر، گھٹ توں گھٹ ’’اُوہدہ جنازہ اِک یادگار سوگ دے اعزاز‘‘ دا متحمل ہو سکے۔ شاہی بدبخت مر گیا لیکن ہپوڈروم وِچ لوکاں دے بارے چہ حکم کدی جاری نئیں ہویا (میرل ایف انگر، پی ایچ ڈی Merrill F. Unger, Ph.D.، اُونگر دی بائبل دی نئی لغت The New Unger’s Bible Dictionary، موڈی پریسMoody Press ، 1988، صفحہ 556-558)۔

مشرق دے مجوسیاں نوں ہیرودیس دے بارے وِچ ایہناں حقائق دا علم نئیں سی۔ اُو بچیاں وانگوں معصومیت تے کھلے دِل نال اُوہدے کول آئے تے پُچھیا،

’’کیتھے اے اُو جیہڑا یہودیاں دا بادشاہ پیدا ہویا اے کیوں جے اَسی مشرق وِچ اُوہدا ستارہ ویکھیا اے تے اُوہدی عبادت کرن آئے آں‘‘ (متی 2: 2)۔

’’یہودیاں دا بادشاہ؟‘‘ ہیرودیس دا غیرت مند، ظالمانہ تے فریب خوردہ دل ایس خوفناک خوف دے نال پیچھے ہٹ گیا کہ کوئی ہُور، کوئی ’’یہودیاں دا بادشاہ‘‘ اُوہدی تھاں لے لئے، تے اُوہدا تخت چھین لئے۔ ایس لئی بادشاہ نے اُوہناں [مجوسیاں] نوں اُوس بچے نوں لبھہن دے لئی پیہجھیا تے کہیا،

’’جدوں اُو تہانوں لبھ جائے تے آ کے میہنوں خبر دیو تاکہ میں وی جا کے اُوہنوں سجدہ کراں‘‘ (متی 2: 8)۔

مجوسیاں نے مسیح بچے نوں لبھیا، اُوہدی عبادت کیتی، تے اُوہنوں قیمتی تحائف پیش کیتے۔ لیکن خدا وَلوں اُوہنوں خبردار کیتا گیا کہ اُو ہیرودیس دے کول واپس نہ جان، تے اُو بادشاہ نوں ایہ دسے بغیر اپنے مُلک واپس ٹر گئے کہ یسوع کیتھے اے۔

’’فیر ہیرودیس نوں جدوں مجوسیاں دی دھوکہ بازیاں دا پتہ چلیا تے اُوہنوں بوہتا غصہ آیا، اُوہنے یروشلم تے اُوہدی ساریاں سرحداں دے اندر سپاہی پیہجھ کے سارے مُنڈیاں نوں جیہڑے دو وریاں یا اُوہدے توں گھٹ عمر دے سن قتل کروا دِتا۔ اُوہنے (دو وریاں) دے اُوس ویلے دا حساب اُوس صحیح اِطلاع دی بنیاد تے لگایا سی جیہڑی مجوسیاں توں حاصل کر چکیا سی‘‘ (متی 2: 16)۔

ہیرودیس دی اپنی ووہٹی تے بچیاں نوں قتل کروان دے بارے وِچ جانن دے بعد، میہنوں حیرت نئیں ہوندی کہ اُوہنے ایہناں بے سہارا بچیاں دا قتل عام کروایا، [کیوں جے اُو] خود خداوند یسوع مسیح نوں قتل کرن دی کوشش وِچ سی۔ اَسی ایہو جئے وحشیانہ رویے دا حساب کیویں لے سکنے آں؟ کی اَسی دَس سکنے آں کہ انسان ایہنی ہیٹاں کیویں ڈِگ سکدا اے؟ گھٹ توں گھٹ تین وضاحتاں نے۔

I۔ پہلی گل، ہیرودیس آدم دی اولاد وِچوں سی۔

گناہ دی جڑ ایس حقیقت وِچ پنہاں اے کہ سارے انسان پیدائشی طور تے گنہگار نے۔ ہر مرد تے عورت دا تعلق – واپس آدم تیکر لہو نال اے۔ آدم دا گناہ تے جرم اُوہدی ساری اولاد، ساری نسل انسانی تے عائد کیتا گیا سی۔ جدوں ساڈے پہلے ماں پیو نے خدا دے خلاف بغاوت کیتی، تے اِک زہر سی جیہڑا جینز [ڈی این اے DNA]، لہو دے دھارے تے نسل انسانی دی روح وِچ گُھلایا گیا۔

خدا دی مقدس شریعت کہندی اے،

’’تو خداوند اپنے خدا نال اپنے سارے دِل، اپنی ساری جان تے اپنی ساری طاقت نال پیار کر‘‘ (استثنا 6: 5)۔

لیکن ناپاک گنہگاراں دے زہرآلود لہو تے آلودہ روح نوں خدا نال کوئی محبت نئیں اے۔

میں کہنا آں کہ ہیرودیس نے کدی وی خدا نال محبت نئیں کیتی۔ اوہ، اُوہنے کہیا کہ اُو خدا تے یقین رکھدا اے۔ ایتھوں تیکر کہ اُوہنے یروشلم وِچ ہیکل نوں فیر توں تعمیر کیتا۔ اُو سبت دے دِن اُوتھے گیا تے رسمی نماز پڑھی۔ لیکن کہ تُسی سوچدے اُو کہ اُوہنے کدی خدا نال محبت کیتی؟ کی تہانوں لگدا اے کہ اُوہنے کدی واقعی اپنے دِل توں خدا نال دعا کیتی اے؟

تے، ہُن، کی میں تہانوں پُچھ سکنا آں، کی تُسی ایس لحاظ نال ہیرودیس توں ایہنے ای مختلف اُو؟ کی تُسی ایمانداری نال کہہ سکدے اُو کہ تُسی خدا نال محبت کردے اُو؟ کی تُسی ایمانداری نال کہہ سکدے اُو کہ تُسی خدا توں دعا کردے اُو؟ یا زبور نویس نے تہانوں بیان کیتا جدوں اُوہنے کہیا،

’’شریر، اپنے چہرے دے گھمنڈ نال، خدا دی تلاش نئیں کرے گا: خدا اُوہدے سارے خیالات وِچ نئیں اے‘‘ (زبور 10: 4)؟

تُسی گرجا گھر آ سکدے اُو کیوں جے ایہ تہاڈی عادت اے، یا ایس لئی کہ تہاڈے ایتھے دوست نے، لیکن تُسی کردے اُو۔

’’خداوند اپنے خدا نال اپنے سارے دِل، اپنی ساری جان تے اپنی ساری طاقت نال پیار‘‘ (استثنا 6: 5)۔

’’اوہ،‘‘ کوئی شاید کہہ سکدا اے، ’’لیکن میں تے ہیرودیس وانگوں بُرا نئیں آں۔‘‘ میں ایس گل نال اتفاق کرنا آں کہ تُسی ایہنے گہرے گناہ وِچ نئیں ڈوبے اُو جِہنے اُوہنے آخرکار کیتے سی۔ لیکن میں تہاڈے نال متفق نئیں آں جے تہانوں لگدا اے کہ تہاڈا دِل ایہدے توں مختلف اے۔ جے تُسی اپنے آپ نال ایمان اُو تے میہنوں لگدا اے کہ تہانوں ایس گل توں اتفاق کرنا پیہئے گا کہ تہاڈا دِل خدا نال بہوتی محبت نئیں کردا، ایہ کہ تہاڈا دِل خدا دے بجائے خود تے مرکوز اے،

’’کیوں جے لوکی اپنے ذات نال محبت کرن آلے ہون گے‘‘ (II۔ تیمتھیس 3: 2)

بجائے ایہدے کہ خدا نال محبت کرن آلے ہُون۔

ہُن، میں جاننا آں کہ تُسی ایہنوں سُننا نئیں چاہندے، لیکن میہنوں حیرت اے کہ کی تہاڈا ضمیر ایہدے نال متفق نئیں اے۔ میہنوں حیرت اے کہ کی تُسی سوچ رئے ہوو گے، ’’ایہدے وِچ کوئی سچائی اے۔ میں واقعی خدا نال محبت نئیں کردا۔ حقیقت چہ میں شاید ای کدی خدا دے بارے وِچ سوچیا ہووے۔‘‘ تے، فیر، ایہ کہ تہاڈے بارے چہ سچ اے، تہاڈا دِل ہیرودیس دے دِل توں کیویں مختلف اے؟ اُو ہر ہفتے مندر جاندا سی۔ اُو رسم وِچوں لنگہیا،

’’اُو دینداراں وگری وضع تے رکھن گے لیکن حیاتی وِچ دینداری دا کوئی اثر قبول نئیں کرن گے‘‘ (II تیمتھیس 3: 5)۔

کی ایہ تہاڈے بارے وِچ وی سچ نئیں اے؟ کی ایہ سچ نئیں اے کہ تہاڈے کول مذہب دی ظاہری شکل اے، لیکن کوئی باطنی حقیقت نئیں، خدا نوں جانن تے اُوہدے نال محبت کرن وِچ کوئی حقیقی خوشی نئیں؟ کی ایہ سچ نئیں اے کہ تہاڈا دِل گنہگار، بے دین اے؟ کی ایہ سچ نئیں اے کہ تُسی خدا نال ایہو جئی محبت نہ کر کے مقدس شریعت نوں توڑیا اے جیویں کہ تہانوں کرنا چائیدا اے؟

تے ایویں، معاملے دی بالکل جڑ وِچ، تہاڈے دِل دے بالکل مرکز وِچ، تُسی آدم دے ایہنے ای تباہ شُدہ بچے اُو جیہناں ہیرودیس سی۔ تہاڈا دِل، خدا دے لئی محبت دی کمی وِچ، اُوہدے وانگوں گنہگار اے۔

II۔ دوجی گل، ہیرودیس بد توں بدتر ہوندا چلا گیا۔

تہانوں نئیں لگدا کہ اُو اِک قاتل دے طور تے شروع ہویا اے، کی تُسی [ہُنے اینج دے ای اُو]؟ ہرگز نئیں! اُوہنے حیاتی دا آغاز بچپن وِچ کیتا، فیر اُو نو عمر سی، تے فیر اِک نوجوان بالغ۔ جدوں اُو چھوٹا سی تے اُوہنے کدی کسی نوں قتل نئیں کیتا تے نہ ای میہنوں لگدا اے کہ اُوہنے جوانی دے ابتدائی وریاں وِچ اینج کام کیتا سی۔ لیکن ایس ویلے وی اُوہدا دِل غلط سی۔ تے اُوہدے دِل دی غلط رغبت، غلط رجحان نے اُوہنوں حیاتی دی غلط سمت وِچ لا کھڑا کیتا۔ جیویں کہ میری ماں کہندی سی، ’’اُو بد توں بدتر ہوندا چلا گیا۔‘‘

بائبل سانوں ایہدے بارے وِچ خبردار کردی اے جدوں ایہ کہندی اے،

’’شریر تے فتنہ باز بد توں بدتر ہوندے جان گے‘‘ (II تیمتھیس 3: 13)۔

جیہڑا شخص مسیح وِچ ایمان لیہیائے بغیر غیر تبدیل شُدہ رہندا اے اُو ویلے دے نال نال بد توں بدتر ہوندا جائے گا۔

اُوہدے بارے وِچ کوئی غلطی نہ کرو۔ جیہنی دیر وِچ مسیح چہ ایمان لیہیائے بغیر غیر تبدیل شُدہ رہن گے تہاڈا دِل ایہنا ای خراب ہوندا جائے گا،

’’اپنے ضمیر نوں گرم لوہے نال جلاجا یا جُھلسانا‘‘ (I تیمتھیس 4: 2)۔

ایہ سوچنا اِک عام غلطی اے کہ تُسی جِنہے بوہتی واعظ سُنو گے اُوہنا ای بوہتا امکان اے کہ تُسی مسیح وِچ ایمان لیہیا کے تبدیل ہو جاؤ گے۔ حقائق دسدے نے کہ ایہ سچ نئیں اے۔ حقیقت وِچ ، سچائی ایہدے برعکس اے۔ تُسی جِنہا بوہتا انجیل دا اعلان کردے ہوئے سُنو گے، تے مسیح نوں رد کرو گے، اُوہناں ای کم اِمکان اے کہ تُسی کدی [مسیح وِچ ایمان لیہیا کے] تبدیل ہو جاؤ گے۔ جیویں کہ تُسی مسیح نوں مسترد کردے اُو، تہاڈے ضمیر نوں زیادہ توں زیادہ جھنجھوڑ دِتا جائے گا، جدوں تیکر کہ ایہ ایہنا سخت، ایہنا اٹل، ایہنا ناقابلِ اثر نہ ہو جائے، کہ تہاڈی

’’[حالت] اُوہناں دے بعد دی حالت توں پہلاں توں وی ابتر ہوندی اے‘‘ (II پطرس 2: 20)۔

اوہ، کی تہاڈے بارے وِچ ایہ کہیا جائے گا کہ تُسی ’’بدتر توں بدتر‘‘ ہوندے گئے؟ کی تہاڈے بارے وِچ کہیا جائے گا، کہ تہاڈے ضمیر نوں گرم لوہے نال جُھلسا دِتا گیا سی؟ کی تہاڈے بارے وِچ کہیا جائے گا، کہ تہاڈا ’’آخری انجام ابتدا توں بدتر سی‘‘؟ میہنوں پورا یقین اے کہ اُو ساریاں گلاں تہاڈے بارے چہ کہی جان گئیاں، جیویں کہ اُو ہیرودیس دی سن، جے تُسی مسیح چہ ایمان لیہیائے بغیر غیر تبدیل شُدہ حالت وِچ ، جیویں تُسی اُو، ایویں ای چلدے رئے! اُو بد توں بدتر ہوندا چلا گیا – تے تُسی وی اینج ای کرو گے!

III۔ تیجی گل، ہیرودیس نے فضل دے ذرائع دی انکاری کیتی سی۔

فضل دا ذریعہ مقدس صحیفے تے واعظ نے جیہڑے اِک شخص سُنندا اے۔ فقیہیاں نے ہیرودیس نوں دسیا کہ مسیح کیتھے پیدا ہووے گا۔ اُوہناں نے اُوہدے لئی میکاہ 5: 2 دا حوالہ دِتا،

’’لیکن اے بیت الحم افراتہ، اگرچہ توں یہوداہ دے ہزارہا لوکاں وِچ چھوٹا اے، فیر وی تیرے وِچوں میرے لئی اِک حاکم نکلے گا؛ جیہڑا سارے اسرائیل تے حکومت کرے گا، اُو ایام ازل توں اے، اُوہدا ظہور قدیم زمانے توں اے‘‘ (میکاہ 5:2)۔

کی اُوہنے بائبل نوں سُنیا؟ کی اُوہنے نوزائیدہ نجات دہندہ تے پروہسا کیتا؟ کی اُو مسیح چہ ایمان لیہیا کے تبدیل ہویا سی؟ نئیں، اُوہنے بائبل وِچ دِتے گئے فضل دے ایس ذرائع نوں مسترد کر دِتا۔ اُو بائبل توں بے نیاز سی۔

کی اُوہنوں مجوسیاں دی تبلیغ سُنی؟ نئیں! اُوہنے ایہناں نوں دھوکہ دین دی کوشش کیتی، تاکہ اُو یسوع نوں مار سکے! جے اُوہنے اُوہناں دی تبلیغ تے توجہ دِتی ہوندی تے اُو اُٹھ کے بیت الحم جا کے مسیح دی عبادت کیوں نہ کردا؟ آخرکار، بیت الحم صرف پنج میل دور سی! لیکن اُوہنے ایہناں مجوسیوں دی تبلیغ تے کان نئیں دھریا۔ صرف یسوع دے کول آن تے نجات پان دے بجائے، اُوہنے مبلغین دے نال کھیل کھیڈیا تے فضل دے ایس ذریعہ نوں وی رد کر دِتا!

تے ویکھو ہیرودیس دے نال کی ہویا! ایتھو تیکر کہ جدوں اُو بیت الحم وِچ ایہناں چھوٹے بچیاں نوں قتل کر رہیا سی، اُوہدے تے خوفناک عذاب نازل ہو رہیا سی، جیویں اُوہدے جسم وِچ اِک خوفناک بیماری دوڑ رئی سی۔ ڈاکٹر گل نے کہیا،

[دو قدیم مؤرخین] جوزیفس تے اُوہدے ولّوں یوسیبیس نے اُوہدی دردناک موت دے بارےچہ جیہڑا بیان دِتا اے، اُو اینج اے: اُوہنوں ساڑ مچان آلے بخار نے اپنی لپیت وِچ لے لیہیا، اُوہدے سارے جسم تے ناقابلِ برداشت خارش سی، تے درد دی مسلسل تکلیف سی۔ اُوہدے پیر مرض استسقا دے نال سوج گئے، اُہدے پیٹ دے تھلڑلے حصے وِچ سوزش سی۔ اُوہدے [نجی] حصیاں وِچ گندگی سی، جیہدے نال کیڑے پیدا ہوندے نے۔ سانس لین وِچ دشواری تے سانس دا پھولنا سی، تے اُوہدے سارے حصیاں وِچ تشنج سی؛ اُوہنوں بھوک بہوتی لگ رئی سی، سانس وِچ بدبو آ رہی سی، تے اُوہدی آنتاں السر نال بھری ہوئی سی۔ جدوں اُوہنے پایا کہ استعمال کیتے گئے سارے ذرائع بے اثر نے، تے اُوہنوں مرنا ضروری اے، تے اُوہنے [خود کشی] کرن دی کوشش کیتی لیکن اُوہنوں روک دِتا گیا، تے ایہدے فوراً بعد نہایت ای لاچارگی نال [مر گیا] (جان گل، ڈی ڈیJohn Gill D.D.، نئے عہد نامہ دی اِک تفسیرAn Exposition of the New Testament، دی بیپٹسٹ اسٹینڈرڈ بیئرر، 1989 دوبارہ پرنٹ، جلد اوّل، صفحہ 7)۔

ایہناں قدیم مؤرخین، جوزیفس تے یوسیبیئس نے جیہڑیاں تصویراں سانوں دِتیاں نے، اُو واقعی خوفناک اے۔ گویا سانوں اِس شخص دی جھلک نظر آندی اے جیہڑا کہ بلدی ہوئی گہرائیاں وِچ اُتردا اے،

’’جیتھے ایہناں دا کیڑا نئیں مردا، تے اَگ نئیں بُجھدی‘‘ (مرقس 9: 48)۔

جے تہانوں پہلاں توں ای ’’ناپسندیدہ خیالات تے حرکات‘‘ دے حوالے نئیں کیتا گیا اے (رومیوں 1: 28) توں می تہانوں پوری سنجیدگی دے نال یسوع مسیح دے کول نجات دے لئی آن دی تاکید کرنا آں، جدوں کہ ہُنے وی ویلہ اے۔

’’تے روح تے دلہن کہندے نے، آؤ۔ تے جیہڑا سُنندا اے اُو کہوے، آؤ۔ تے جیہڑا پیاسا اے اُو آئے‘‘ (مکاشفہ 22: 17)۔

روح القدس کہندا اے، ’’مسیح دے کول آؤ‘‘۔ دُلہن، مقامی گرجا گھر تے اُوہدے سارے لوکی کہندے نے، ’’مسیح دے کول آؤ‘‘۔ ایتھے ہر اُو بندہ جیہڑا نجات دا پیاسا اے مسیح دے کول آئے! اُو تہاڈے گناہواں دی ادائیگی دے لئی سولی تے مریا۔ اُو جسمانی طور تے مُردیاں وِچوں جی اُٹھیا۔ اُو آسمان تے خدا دے داہنے ہتھ تے بیٹھا تہاڈے لئی دعا کر رہیا اے۔ یسوع مسیح دے کول آؤ۔ تہاڈے گناہ اُوہدے لہو نال دُھل جان گے۔ ہیرودیس دے نال جہنم دے بلدے گڑھے وِچ نہ جاؤ! یسوع مسیح دے کول آؤ تے اُوہدے قیمتی لہو نال پاک صاف ہو جاؤ – تاکہ تُسی خدا دی جنت وِچ ہمیشہ اُوہدے نال رہ سکو! آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔