ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
حقیقی طور تے مسیح چہ ایمان لیہیا کے تبدیل ہون آلے بہوتی مصیبتاں توں کیوں نئیں بچ سکدے!WHY REAL CONVERTS CANNOT AVOID TRIBULATION! پادری ایمریٹس، جناب ڈاکٹر آر ایل ہائیمرز صاحب وَلّوں لکھیا گیا اِک واعظ ’’اُو شاگرداں دی حوصلہ افزائی کردے تے اُوہنوں نوں نصیحت دیہندے سن کہ اپنے ایمان تے مضبوطی نال قائم رہوو تے کہندے سن کہ خدا دی بادشاہی وِچ داخل ہون دے لئی بہتیری مصیبتاں دا سامنا کرنا لازمی اے‘‘ (اعمال 14: 22)۔ |
اَج کل امریکہ تے یورپ وِچ ایس تلاوت تے انتہائی گھٹ واعظاں دی تبلیغ کیتی جاندی اے۔ فیر وی ایہو ای اِک [تلاوت] اے جیہڑی بہوتی اہمیت دی حامل اے۔ ایس تلاوت نوں جانے بغیر تے ایہدے تے عمل کیتے بغیر، میہنوں شک اے کہ تُسی خدا دی بادشاہی وِچ داخل نئیں ہو سکو گے، نا ای تے ہُنے تے نا ای مستقبل وِچ جدوں تُسی مر جاؤ گے۔
پولوس رسول نوں سنگسار کیتا گیا سی تے لُسترہ شہر وِچ مُردہ حالت چہ چھڈ دِتا گیا سی۔ لیکن پولوس چہ اُوس ویلے حیاتی دی اِک لہر پے گئی جدوں شاگرد اُوہدے آلے دووالے کِھلوئے، بِلاشبہ [اُو] دعا منگ رئے سن۔ خدا نے اُوہناں دی دعاواں دا جواب دِتا۔ اُو قریباً موت دے لاگیوں جی اُٹھیا سی، یا شاید خود موت توں ای (ایہدے تے کلام واضح نئیں اے)۔ جی اُٹھن دے بعد اُو چھیتی ای فیر توں تبلیغ کرن لگا۔ اَسی ساریاں لئی کیہنی چنگی مثال اے! پولوس پوری طاقت نال اُٹھیا تے اپنے معاون برنباش دے نال ڈربی شہر گیا۔ اُودھروں اُوہناں نے لُسترا تے اکونیم دا سفر کیتا تے آخر کار انطاکیہ گئے، گمراہ لوکاں نوں مسیح دے مصلوب ہون تے جی اُٹھن دی انجیل دی تبلیغ کیتی۔
اُوہناں شہراں وِچ وی، پولوس تے برنباس نے شاگرداں نوں منادی کیتی، یعنی اُوہناں نے ایہناں لوکاں نوں منادی کیتی جِنہاں نے حال ای وِچ کیہیا سی کہ اُو مسیح دی پیروی کرنا چاہندے نے۔ لیکن پولوس ایس گل نوں یقینی بنانا چاہندا سی کہ اُوہناں نے مسیح چہ ایمان لیہیان دی حقیقی تبدیلی دا تجربہ کیتا اے۔ اُو چاہندا سی کہ اُو ’’[ایمان چہ] پختہ‘‘ ہون، یعنی اپنے ایمان چہ مضبوط ہون۔ اُو ایس گل نوں یقینی بنانا چاہندا سی کہ اُوہناں نے صرف انجیل دے حقائق تے یقین نئیں کیتا سی، بلکہ ایہ کہ اُوہناں نے مسیح چہ ایمان لیہیان دی حقیقی تبدیلی دا تجربہ کیتا سی۔ اُوہنے اینج کیویں کیتا؟
I. پہلی گل، پولوس نے نئے شاگرداں دی روحواں نوں پختہ کیتا تے اُوہناں نوں تقویت پہنچائی تے اُوہناں دی حوصلہ افزائی کیتی کہ اُو اُوس ایمان تے قائم رہن جیہدے تے یقین کرن دا اُوہناں نے دعویٰ کیتا سی۔
تلاوت کہندی اے،
’’اُو شاگرداں دی حوصلہ افزائی کردے تے اُوہناں نوں نصیحت دیہندے سن کہ اپنے ایمان تے مضبوطی نال قائم رہین‘‘ (اعمال 14: 22 الف)۔
پولوس ایس گل نوں یقینی بنانا چاہندا سی کہ ایہناں نوجوان شاگرداں دی ’’روحواں‘‘ واقعی مسیح چہ ایمان لیہیا کے تبدیل ہو چکیاں نے۔ اُو ایس گل نوں یقینی بنانا چاہندا سی کہ اُو صرف برائے نام مسیحی نئیں نے، نہ صرف اُو لوکی جِنہاں نے انجیل دی عقائد نوں سِکھیا اے، بلکہ ایہ کہ اُو حقیقی مسیحی دے طور تےجینا جاری رکھن گے۔ اُو چاہندا سی کہ اُو۔
’’[اُوہناں دی] بُلاہٹ تے چُناؤ نوں یقینی بنان دے لئی مستعدی نال کام لین‘‘ (II پطرس 1: 10)۔
تے ایویں پولوس نے اُوہناں نوں [ایمان وِچ] پختہ کیتا، ایس گل نوں یقینی بنایا کہ اُو سمجھدے نے کہ جے اُو ’’ایمان وِچ‘‘ جینا جاری رئے تے اُو کیس تکلیف توں لنگہھن گے۔ بصورت دیگر، جے اُو نئیں جانندے سن کہ حقیقی مسیحی بنن دے لئی اُوہناں نوں کیس مصیبت نال لنگہنا پیہئے گا، تے اُو اپنے گرجا گھر توں دور ہو جان گے تے مسیح توں مرتد ہو جان گے، تے خدا دے بادشاہی وِچ داخل نئیں ہون گے۔ پولوس دے لئی صرف ایہ الفاظ کافی نئیں سن کہ ’’اُوہناں نے مسیح نوں قبول کیتا‘‘۔ اُو جانندا سی کہ اُوہناں نوں ایہ سُن کے مضبوط ہونا چائیدا اے کہ اُوہناں نوں حقیقی، مضبوط مسیحی بنن دے لئی کی قیمت ادا کرنی پیہئے گی، جیہڑی مسیح تے کلیسیا دے لئی اپنی حیاتی دے آخیر تیکر برداشت کرن گے۔ پولوس نئیں چاہندا سی کہ اُو اُوہناں وگرے بنن۔
’’اُو اُوہناں وِچ جڑ نئیں پھڑن پاندا، تے اُو کُجھ دِناں تیکر قائم رہندے نے تے جدوں اُوہناں تے ایس کلام دی وجہ توں مصیبت نازل ہوندی اے تے فوراً اُو پسپا ہو جاندے نے‘‘ (مرقس 4: 17)۔
تے لوقا مذید کہندا اے کہ جدوں مشکلات آندیاں نے تے بہتیرے لوکی جیہڑے حقیقی طور تے مسیح چہ ایمان لیہیا کے تبدیل نئیں ہوندے نے پسپا ہو جان گے۔
’’اُو جڑ نئیں پھڑن پاندے تے کُجھ عرصہ دے لئی جیہڑے یقین کردے نے تے آزمائش دے ویلے پسپا ہو جاندے نے‘‘ (لوقا 8: 13)۔
مسیح نے کہیا کہ مصیبت، ایذا رسانی تے آزمائش بہتیرے جھوٹے مسیحیاں نوں کلیسیا توں تے مسیح وِچ اپنے نام نہاد ’’ایمان‘‘ توں دور ہون دا سبب بنے گی۔
نئیں، اُوہناں دا ایمان ایس توں بہوتا مضبوط تے گہرا ہونا چائیدا سی۔ تے ایویں پولوس مصروف سی۔
’’[اُوہناں نئے] شاگرداں دی روحواں نوں پختہ کرن وِچ تے ایمان چہ قائم کرن وِچ‘‘ (اعمال 14: 22 الف)۔
ایہ پہلا کام اے جیہڑا پولوس نے ایہناں نئے شاگرداں دے نال کیتا۔ اُو سی۔
’’اُوہناں نوں] پختہ کرنا تے ایمان وِچ قائم رکھنا‘‘ (اعمال 14: 22 الف)۔
پولوس جانندا سی کہ جے اُوہناں دی مسیح چہ ایمان لیہیان دی تبدیلی پختہ نئیں سی، تے اُو گناہ وِچ واپس ٹُر جان گے، تے آخیرکار مسیح تے کلیسیا توں دور ہو جان گے۔
لیکن فیر پولوس نے اُوہناں نوں دوجی شے دِتی جیہڑی اُوہناں نوں مضبوط، ثابت قدم، غیر منقولہ طور تے، مسیح چہ ایمان لیہیا کے تبدیل ہون دے لئی سُننے دی لوڑ سی۔
II۔ دوسری جی گل، پولوس نے اُوہناں نوں دسیا کہ اُوہناں نوں خدا دی بادشاہی وِچ داخل ہون دے لئی ’’بہوتی زیادہ مصیبتاں‘‘ توں لنگہنا پیہئے گا۔
’’اُو شاگرداں دی حوصلہ افزائی کردے تے اُوہنوں نوں نصیحت دیہندے سن کہ اپنے ایمان تے مضبوطی نال قائم رہوو تے کہندے سن کہ خدا دی بادشاہی وِچ داخل ہون دے لئی بہتیری مصیبتاں دا سامنا کرنا لازمی اے‘‘ (اعمال 14: 22)۔
تلاوت پر جینیوا بائبل Geneva Bible ایہ رائے پیش کردی اے:
مسیحی مذہبی خدمات سرانجام دین آلیاں دا ایہو ای کام اے، نہ صرف تعلیم دیہنا، بلکہ اُوہناں نوں جیہڑا سِکھایا جاندا اے کہ [تکلیفاں تے مصیبتاں] دی سولی چُکن دے لئی تیار رہنا اُو ایس گل دی تصدیق وی کردے رہندے نے۔ (1599 جنیوا مطالعۂ بائبل The 1599 Geneva Study Bible، ٹولے لیج پریسTolle Lege Press ، 2006 دوبارہ اشاعت، اعمال 14: 22 تے غور طلب گل)۔
اَج اَسی امریکہ تے یورپ وِچ ایہو جئی تبلیغ کیتھے سُننے آں؟ اَسی توقع کرنے آں کہ تیجی دُنیا دے مسیحی خدا دی بادشاہی وِچ داخل ہون دے لئی بہوتی زیادہ ایذارسانیاں، تے ’’بہتیری مصیبتاں‘‘ (جنیوا بائبل) توں لنگہھن گے۔ لیکن ایتھے مغربی دُنیا وِچ اَسی وی اکثر جنت دی ’’آسان سواری‘‘ دی توقع کرنے آں، بغیر کسی مصیبت یا تکلیف دے۔ ایہ، میرے لئی، اِک المیہ اے – صرف ایس لئی کہ ایہ بائبل دے لئی درست نئیں اے۔ بائبل واضھ طور تے سانوں کئی حوالے دیہندی اے جیہڑے ظاہر کردے نے کہ حقیقی مسیحیاں نوں ساری مشکلاتاں، مصیبتاں تے تکلیفاں توں لنگہھںا چائیدا اے، ورنہ اُو سچے مسیحی نئیں ہو سکدے۔ بائبل سکھاندی اے کہ تُسی وڈی مشکلاں تے پریشانیاں، تے بہتیری مصیبتاں نوں برداشت کیتے بغیر ’’خدا دی بادشاہی وِچ داخل‘‘ نئیں ہو سکدے۔ جیویں کہ ساڈی تلاوت کہندی اے،
’’اُو شاگرداں دی حوصلہ افزائی کردے تے اُوہنوں نوں نصیحت دیہندے سن کہ اپنے ایمان تے مضبوطی نال قائم رہوو تے کہندے سن کہ خدا دی بادشاہی وِچ داخل ہون دے لئی بہتیری مصیبتاں دا سامنا کرنا لازمی اے‘‘ (اعمال 14: 22)۔
کی مغرب وِچ ساڈے سنڈے سکولاں وِچ ایہ پڑھایا جاندا اے؟ کی ایہ ساڈی انجیلی بشارت دی تبلیغ وِچ سکھایا جاندا اے؟ کی اَسی لوکاں نوں دسنے آں کہ جدوں اُو مسیحی بنن وِچ دلچسپی ظاہر کردے نے تے اُوہناں نوں سختی تے مصیبت توں لنگہھنا چائیدا اے؟ کی اَسی اُوہناں نوں فوراً دسدے نے، جیویں کہ پولوس نے کیتا، کہ جدوں اُو ایہ دعویٰ کردے نے کہ اُو یسوع تے ایمان رکھدے نے تے اُوہناں نوں بہتیری مشکلات تے پریشانیاں توں لنگہنا ہووے گا؟ اکثر اَسی اینج نئیں کردے۔ تے ایہ اِک اہم وجہ اے کہ ساڈے کول بہوتے گھٹ حقیقی مذہب کرن آلے نے، کیہنے افسوس دی گل اے کہ ایتھے امریکہ تے یورپ وِچ بہوتے گھٹ حقیقی مسیحی نے – بہوتے گھٹ جیہڑے مسیح دے لئی تکلیف چُکن نوں تیار نے۔
’’خدا دی بادشاہی وِچ داخل‘‘ ہون دے لئی تہانوں بہتیرے مصیبتاں تے بہوتی تکلیفاں تے مشکلات توں لنگہنا ہووے گا۔ تے جے تہانوں ایس گل تے یقین نئیں اے تے تہانوں جان بنیعان John Bunyan دی مقدس مقامات دے مسافر دی پیش قدمی Pilgrim’s Progress نوں پڑھنا چائیدا اے، جیتھے بنیعان بار بار ایہ گل بالکل واضح کردے نے۔
جے تُسی اِک حقیقی مسیحی بننا چاہندے اُو تے تہانوں حیادی دے اِک انتہائی مشکل راستے چہ داخل ہو رئے اُو۔ تے میں چاہنا آں کہ تُسی کئی ’’مصیبتاں‘‘ دے بارے وِچ سوچو جے تُسی ’’خدا دی بادشاہی وِچ داخل ہونا‘‘ چاہندے اُو تے ایہناں وِچوں تہانوں لنگہنا پیہئے گا۔
1. تہانوں اپنے دُنیاوی بیلیاں نوں گواچن دے ’’دُکھ‘‘ وں لنگہنا چائیدا اے۔ پولوس ایہنوں II کرنتھیوں 6: 17 وِچ بالکل واضح کردا اے،
’’ایہناں وِچ نکل آؤ تے الگ ہو جاؤ‘‘ (II کرنتھیوں 6: 17)۔
گمراہ ہوئے لوکاں دے نال مہربانی کرنا چنگا اے جدوں اُو گرجا گھر وِچ آندے نے۔ لیکن بائبل سکھاندی اے، II کرنتھیوں 6: 11۔18 آیات وِچ، کہ تہانوں ایہناں گمراہ ہوئے لوکاں بیلیاں توں الگ ہونا چائیدا اے جیہڑے مسیح تے کلیسیا وِچ کوئی دلچسپی نئیں رکھدے۔
’’جیہڑا کوئی … دُنیا دا دوست بنے گا اُو خدا دا دشمن اے‘‘ (یعقوب 4: 4)۔
ڈاکٹر میک آرتھر درست کہندے نے کہ یعقوب 4: 4، ’’محبت نوں اِک مضبوط جذباتی لگاؤ دے معنی وِچ بیان کردی اے۔ دُنیا دی شیواں دے لئی گہری تے قربتی خواہش رکھن آلے ایس گل دا ثبوت دیہندے نے کہ اُو چھٹکارا نئیں پاندے‘‘ (میک آرتھر دا مطالعۂ بائبل The MacArthur Study Bible، ورڈ بائبلزWord Bibles، 1997؛ یعقوب 4: 4 تے غور طلب گل)۔ جے تُسی اِک حقیقی مسیح چہ تبدیل شُدہ ہونا چاہندے اُو تے تہانوں ’’تباہی دے شہر‘‘ نوں چھڈنا چائیدا اے، تے اُوہناں لوکاں نوں جیہڑے اُس [شہر] وِچ وسدے نے، جیویں کہ زائر نے جان بنعیان دی کتاب مقدس مقامات دے مسافر دی پیش قدمی Pilgrim’s Progress وِچ کیتا سی۔
’’سانوں بہتیری مصیبتاں [’بے شمار دُکھاں توں،‘‘ 1599 دی جنیوا بائبل] توں لنگ کے خدا دی بادشاہی وِچ داخل ہونا چائیدا اے‘‘ (اعمال 14: 22)۔
گرجا گھر وِچ پرورش پان آلے نوجواناں نوں وی مسیح چہ ایمان نہ لیہیائے ہوئے غیر تبدیل شُدہ لوکاں دے نال دوستی توں خود نوں الگ کرنا چائیدا اے۔ II کرنتھیوں 6: 17۔18 آیت وِچ ساریاں تے لاگو ہوندا اے۔ جے تُسی ’’خدا دی بادشاہی وِچ داخل ہونا‘‘ چاہندے اُو تے تہانوں دُنیاوی، گمراہ ہوئے بیلیاں نوں کھون دے ’’دُکھ‘‘ توں لنگہنا ہووے گا (اعمال 14: 22)۔ تہانوں وِچوں کُجھ نوجواناں نوں چائیدا اے کہ اُو دُنیاوی دوستاں نوں چھڈ دین جے تُسی کدی وی حقیقی مسیحی بنن دے اُمید رکھدے اُو۔
’’سانوں [بہتیری مصیبتاں] دے ذریعے خدا دی بادشاہی وِچ داخل ہونا چائیدا اے‘‘ (اعمال 14: 22)۔
2. تہانوں خود تے شک کرن تے خود دی مذمت کرن دے ’’دُکھ‘‘ توں وی لنگہنا چائیدا اے کیوں جے،
’’فطری بندہ خدا دے روح دی شیواں نوں پاندا: کیوں جے اُو اُوہدے لئی بے وقوفی نے: نہ اِی اُو اُوہناں نوں جان سکدا اے، کیوں جے اُو روحانی طور تے پہچانی جاندی اے‘‘ (I کرنتھیوں 2: 14)۔
’’کیوں جے جسمانی نیت [جسمانی ذہن] خدا دے خلاف دشمنی اے‘‘ (رومیوں 8: 7)۔ ’’تے جسم توں اُوہدا مطلب انسان اے جیہڑا دوجی وری پیدا نئیں ہوندا‘‘ (دی جنیوا بائبل، رومیوں 8: 7 تے غور طلب گل)۔
مسیح چہ ایمان نہ لیہایا ہویا غیر تبدیل شُدہ بندہ، غیر تخلیق شُدہ دماغ ’’خدا دے خلاف‘‘ اے۔ ایس لئی تُسی مسیحی بننا ’’سیکھ‘‘ نئیں سکدے۔ اُو ساریاں شیواں جیہڑیاں تُسی محض ’’سِکھدے اُو‘‘ تہاڈے ذہن وِچ اِک اُلجھن نے لہٰذا، تہانوں خود نوں شک کرن تے خود دی مذمت کرن دے ’’دُکھ‘‘ توں لنگہنا چائیدا اے، ایتھوں تیکر کہ تہانوں ایہ جانن دی اپنی صلاحیت تے وی شک کرنا چائیدا کہ کیویں نجات پائی جائے۔ تے تہانوں اپنے آپ دا انصاف کرنا چائیدا اے تے اپنے آپ نوں اِک ایہو جئے بندے تے طور تے مجرم قرار دیہنا چائیدا اے جیہڑے ’’فطری طور تے‘‘ قہروغضب‘‘ دا بچہ اے (افسیوں 2: 3)۔
ایہ اِک بہوتا وڈا ’’دُکھ‘‘ اے کہ اِک مغرور بندہ اپنے آپ نوں تسلیم کر لئے کہ اُوہدا
’’دِل ہر شے توں ودھ کے دھوکے باز تے سخت بدکار اے‘‘ (یرمیاہ 17: 9)۔
لیکن تہانوں ایس دُکھ تے تکلیف توں لنگہنا چائیدا اے جدوں تیکر کہ تُسی ایس گل تے متفق نہ ہو جاؤ کہ تہاڈا دِل سخت شریر اے تے تُسی نجات دے بارے وِچ اپنے آپ تے پروہسا نئیں کر سکدے۔
’’سانوں [بہتیری مصیبتاں] دے ذریعے خدا دی بادشاہی وِچ داخل ہونا چائیدا اے‘‘ (اعمال 14: 22)۔
3. تہانوں گناہ دی سزایابی دے ’’دُکھ‘‘ توں وی لنگہنا چائیدا اے۔
’’تے جدوں اُو [خدا دا روح] آئے گا تے اُو [تہانوں] گناہ دی ملامت کرے گا‘‘(یوحنا 16: 8)۔
روح القدس دا پہلا کام دُنیا نوں گناہ تے قائل کرنا اے۔ ایہدا مطلب اے کہ خدا تہانوں پچھلے گناہواں دی سزا سُنائے گا۔ لیکن ایہدا مطلب ایس توں بہوتی زیادہ اے۔ ایہدے مطلب ایہ اے کہ خدا تہانوں گناہ دی فطرت رکھن دا مجرم ٹھہرائے گا، کہ تہاڈی فطرت ای گناہ وِچ ’’مُردہ‘‘ اے (افسیوں 2: 1، 5)، تے ایہ کہ تُسی ’’فطری طور تے غضب دے بچے‘‘ اُو (افسیوں 2: 3)۔ تہانوں ایس ’’دُکھ‘‘ نوں ویلے تیکر برداشت کرنا چائیدا اے جدوں تیکر کہ تُسی ایمانداری نال نہیں کہہ سکدے، ’’میں جاننا آں کہ میرے وِچ ( یعنی میرے جسم وِچ) کوئی شے ڈھنگ دی نئیں رہندی‘‘ (رومیوں 7: 18)۔ 1599 جنیوا بائبل ایس آیت دے بارے وِچ کہندی اے، ’’ایہ بُرائی، یا گناہ، یا گناہ دا گناہ، مکمل طور تے اُوہناں مُردیاں دے کول ہوندا اے جیہڑے فیر توں پیدا نئیں ہوندے۔‘‘ تہانوں اِک ایہو جئی فطرت رکھن دا مجرم قرار دِتا جانا چائیدا اے جیہڑا مکمل طور تے اِخلاقی زوال دا شکار اے، جیہدے تے تُسی پروہسا یا انحصار نئیں کر سکدے، یا اعتبار نئیں کر سکدے۔ تہانوں اُو تھاں آنا چائیدا اے جیتھے تہانوں اپنے بدکار دِل تے پروہسا نہ ہووے۔
’’سانوں [بہتیری مصیبتاں] دے ذریعے خدا دی بادشاہی وِچ داخل ہونا چائیدا اے‘‘ (اعمال 14: 22)۔
لیکن اِک ہُور’’دُکھ‘‘ اے جیس نال تہانوں خدا دی بادشاہی وِچ داخل ہون دے لئی لنگہنا ہووے گا۔
4. تہانوں ’’کوشش کرن‘‘ دے ’’دُکھ‘‘ توں لنگہنا چائیدا اے۔ یسوع نے کہیا،
’’تنگ بوہے توں داخل ہون دی کوشش کر‘‘ (لوقا 13: 24)۔
لفظ ’’جدوجہد یا کوشش‘‘ دا ترجمہ یونانی لفظ ’’ایگونائیزومائی agōnizomai‘‘ توں کیتا گیا اے۔ جیس دا لفظی مطلب اے ’’جدوجہد کرنا‘‘ (سٹرانگ Strong)۔ مسیح نے کہیا، ’’اندر داخل ہون دے لجئی جدوجہد کرو۔‘‘ ایہ تہاڈے لئی ایہ کہن دی کوئی گنجائش نئیں چھڈدا، ’’میں کُجھ نئیں کر سکدا۔‘‘ جی ہاں، مسیح نے کہیا، تُسی کُجھ کر سکدے اُو۔ تُسی جدوجہد کر سکدے اُو، کوشش کر سکدے اُو، اپنی پوری طاقت نال لڑ سکدے اُو، مسیح چہ داخل ہون دے لئی اذیت دے نال۔ اگرچہ تُسی اندرونی درد نال لرز رئے اُو، تہانوں مسیح یسوع وِچ داخل ہون دے لئی اپنی پوری طاقت دے نال لڑنا چائیدا اے۔ ’’اندر داخل ہون دی کوشش کرو‘‘ (لوقا 13: 24)۔ اینج دی جدوجہد تکلیف دہ ہووے گی لیکن، جدوں تُسی آخرکار مسیح دے کول آؤ گے، تے تُسی اُوہنوں پاؤ گے کہ اُو کھلی بانہواں دے نال تہاڈا انتظار کر رہیا اے۔ یسوع نے کہیا،
’’جے کوئی اندر داخل ہووے گا تے اُو نجات پائے گا‘‘ (یوحنا 10: 9)۔
ایس لئی ایہدے وِچ داخل ہون دے لئی اپنی پوری طاقت تے مقصد دے نال جدوجہد تے کوشش کرو۔ فیر تہانوں معلوم ہووے گا تے محسوس ہووے گا۔
’’اُوہدے پُتر یسوع مسیح دا لہو سانوں سارے گناہواں توں پاک کردا اے‘‘ (I یوحنا 1: 7)۔
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔
|
لُبِ لُباب حقیقی طور تے مسیح چہ ایمان لیہیا کے تبدیل ہون آلے بہوتی مصیبتاں توں کیوں نئیں بچ سکدے! WHY REAL CONVERTS CANNOT AVOID TRIBULATION! ڈاکٹر آر ایل ہائیمرز جوننیئر وَلّوں ’’اُو شاگرداں دی حوصلہ افزائی کردے تے اُوہنوں نوں نصیحت دیہندے سن کہ اپنے ایمان تے مضبوطی نال قائم رہوو تے کہندے سن کہ خدا دی بادشاہی وِچ داخل ہون دے لئی بہتیری مصیبتاں دا سامنا کرنا لازمی اے‘‘ (اعمال 14: 22)۔ I. پہلی گل، پولوس نے نئے شاگرداں دی روحواں نوں پختہ کیتا تے اُوہناں نوں تقویت پہنچائی تے اُوہناں دی حوصلہ افزائی کیتی کہ اُو اُوس ایمان تے قائم رہن جیہدے تے یقین کرن دا اُوہناں نے دعویٰ کیتا سی، اعمال 14: 22 الف، II پطرس 1: 10؛ مرقس 4: 17؛ لوقا 8: 13۔ II۔ دوسری جی گل، پولوس نے اُوہناں نوں دسیا کہ اُوہناں نوں خدا دی بادشاہی وِچ داخل ہون دے لئی ’’بہوتی زیادہ مصیبتاں‘‘ توں لنگہنا پیہئے گا، اعمال 14: 22ب؛ |