ساریاں قوماں دی نفرت!

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

مسیحیاں دے خلاف ظلم و ستم تے امتیازی سلوک اُوہناں نشانیاں وِچوں اِک اے جیہڑیاں یسوع نے دُنیا دے آخیرلے دِناں دے بارے وِچ دِتیاں جیویں کہ اَس جاننے آں۔ شاگرداں نے مسیح نوں پُچھیا سی،

’’تیری آمد تے دُنیا دی آخرت دی نشانی کی ہووے گی؟‘‘ (متی 24: 3)۔

یسوع نے اُوہناں نوں اِک نئیں بلکہ بہتیرے نشانیاں دِتیاں جیہڑیاں ایس زمانے دے اختتام نوں ظاہر کرن گئیاں۔

اُوہنے جیہڑی نمایاں نشانیاں دِتیاں نے اُوہناں وِچوں اِک اُوہدی پیروی کرن آلیاں دے خلاف ظلم و ستم تے اِمتیازی سلوک سی۔

مہربانی نال لوقا 21: 16۔17 آیات نوں کھولو۔ آؤ ایہناں آیتاں نوں اُوچی واج نال پڑھیے۔

’’تے تہاڈے ماں پیو، بھہرا، رشتہ دار تے بیلی تہاڈے نال بے وفائی کرن گے تے تہاڈے وِچوں بعض نوں قتل وی کروان گے۔ تے میرے ناں دی وجہ توں سارے لوکی تہاڈے نال نفرت کرن لگن گے‘‘ (لوقا 21: 16۔17)۔

ہُن اَسی بے مثال مذہبی ظلم و ستم دے دور وِچ داخل ہو رئے آں - خاص طور تے مسیحیاں تے یہودیاں دفے خلاف۔ یسوع نے کہیا کہ ایہ ایس گل دی علامت اے کہ دُنیا بوہتی چھیتی ختم ہو جائے گی، تے ایہ کہ مسیح اپنی بادشاہی قائم کرن آئے گا۔

ہفتہ، دسمبر 20، 2003 نوں لاس اینجلس ڈیلی نیوز نے اِک چوتھائی صفحے دی خبر شائع کیتی جیس دا عنوان سی ’’تعصب جاری۔‘‘ میں تہانوں ایسوسی ایٹڈ پریس دی ایس خبر دے کئی پیراگراف پڑھ کے سنان جا رہیا آں۔

     ایس تحقیق وِچ کہیا گیا … بیلجیئم، فرانس تے جرمنی بعض مذاہب نوں بدنام کردے نے۔ محکمہ دے اِک اہلکار نے اِک [نئے] فرانسیسی قانون تے وی تشویش دا اِظہار کیتا جیس دے تحت سرکاری اسکولاں وِچ [فرانس چہ] … یارمولکس [یہودی جیہڑی ٹوپی پہندے نے] تے [کراس] صلیب دے استعمال تے پابندی ہووے گی۔
     رپورٹ وِچ دُنیا بھر چہ بین الاقوامی مذہبی آزادی دی حیثیت دا احاطہ کیتا گیا اے۔ اٰس وِچ کہیا گیا اے کہ چینی حکومت نے آزادانہ مذہبی اِظہار دی اجازت صرف ایہناں تنظیماں نوں دِتی اے جِنہاں نوں [کیمونسٹ] حکام نے منظور کیتا اے۔
     رپورٹ وِچ کہیا گیا، ’’کُجھ غیر رجسٹرڈ [مسیحی] مذہبی گروہواں دے اراکین نوں پابندیاں دا نشانہ بنایا گیا، جیس دے نیتے وِچ … دھمکیاں دِتی گئیاں، ایذارسانی کیتی گئی تے حراست وِث لیہیا گیا [جیلاں تے قیدخانیاں وِچ]،‘‘ رپورٹ وِچ کہیا گیا۔ [یار رہووے ایہ رپورٹ کسی مسیحی تنظیم وَلوں نئیں آئی۔ ایہنوں حال ای وِچ امریکی محکمہ خارجہ نے جاری کیتا سی]۔
     مجموعی طور تے، مطالعہ نے مذہبی جبر نوں وسیع پیمانے تے پایا۔
     رپورٹ وِچ کہیا گیا اے کہ ’’دُنیا دی زیادہ تر آبادی ایہناں مُلکاں وِچ رہندی اے جیتھے مذہبی آزادی دا حق محدود یا ممنوع اے۔‘‘ لکھاں بندے مطلق العنان یا آمرانہ حکومتاں وِچ رہندے نے جیہڑے مذہبی عقائد تے طریقیاں نوں کنٹرول کرن دے لئی پُرعزم نے۔‘‘
     دریں اثناء… یہودیاں، مسیحیاں نوں [دوجیاں دے وِچکار] سرکاری طور تے منظور شُدہ امتیازی سلوک دے مختلف درجات دا سامنا کرنا پیہیا، جیس وِچ ڈرانا، ہراساں کرنا تے قید کرنا شامل اے۔
     رپورٹ وِچ شمالی کوریا وِچ مذہبی افراد نوں پھانسیاں، تشدد تے قید وِچ پائے جان دی رپورٹاں سامنے آئیاں نے۔ تے کیوبا وِچ، اُوہنے ویکھیا کہ نگرانی، دراندازی تے مذہبی گروہواں نوں ہراساں کرنا عام اے۔
     بیلجیئم، فرانس تے جرمنی دے بارے چہ کہیا جاندا اے کہ اُو بعض مذاہب نوں بدنام کردے نے۔
      [مثال دے طور تے] بیلجیئم وِچ، ہیلسنکی فیڈریشن آف ہیومن رائٹس نے زور دے کے کہیا کہ ملک نے ’’فرقیاں‘‘ [بشمول پروٹسٹنٹ انجیلی بشارت دے گرجا گھراں] دے طور تے وکھائے جان آلے گروہواں دے ذریعہ اِمتیازی سلوک دی دشمنی نوں [روکن] دے لئی کوئی مؤثر اقدامات نئیں کیتے نے۔
     یورپ دی کونسل نے فرانس نوں اِک ایہو جئے قانوں تے فیرتوں غور کرن دی دعوت دِتی اے جیہڑا [پروٹسٹنٹ گرجا گھراں] تے پابندیاں نوں سخت کردا اے تے بعض شرطاں دے تحت [گرجا گھر] گروپاں نوں تحلیل کرن دی سہولت فراہم کردا اے (ایسوسی ایٹڈ پریس اسٹوری، لاس اینجلس ڈیلی نیوز، ہفتہ، 20 دسمبر، 2003، صفحہ 16)۔

دُنیا بھر وِچ مسیحیاں دے خلاف شدید امتیازی سلوک یسوع دی پیشن گوئی دی حیران کُن تکمیل اے،

’’اُوس ویلے لوکی تہانوں پھڑ پھڑ کے سخت سزاواں دین گے تے قتل کرن گے تے ساری قوماں میرے ناں دی وجہ توں تہاڈے نال دشمنی رکھن گئیاں‘‘ (متی 24: 9)۔

’’مصیبت زدہ،‘‘ اکثر مارے گئے، ’’تمام قوموں دی نفرت‘‘ – ایہ ایس زمانے دے آخر وِچ مسیحیاں دے لئی یسوع دی پیش گوئی اے۔

امریکہ تے دیگر انگریزی بولن آلے مُلکاں وِچ وی مسیحیاں دے خلاف امتیازی سلوک تے ظلم و ستم غیر معمولی شرع نال ہو رہیا اے۔ دس احکام وفاقی عمارتاں تے عدالتاں توں چھین لئے گئے نے۔ ساڈے سکولاں وِچ نماز تے پابندی لگا دِتی گئی اے۔ امریکہ وِچ اِسقاط حمل کرن آلیاں دے ہاتھوں 61 ملین بچیاں نوں ذبح کیتا جا چکیا اے۔ بے دین کالجاں دے نوجوان مسیح تے بائبل تے مسلسل حملیاں دے ذریعے بمباری کر رئے نے۔ سنجیدہ مسیحیاں نوں اکثر اپنے رشتہ داراں تے ساتھی کارکناں وَلوں تضحیک دا نشانہ بنایا جاندا اے۔ اُو مسیحی جیہڑے اِتوار نوں مسیحی عبادت دے روایتی گھنٹے دے دوران کام نئیں کرن گے اکثر ترقیاں توں رہ جاندے نے۔ بہتیرے لوکاں نوں پہلاں کام تے نئیں رکھیا جاندا، یا اُوہناں نوں کسی بہانے نال کڈ دِتا جاندا اے۔

لادینیت دا ودھدا ہویا دباؤ امریکہ تے مغربی دُنیا دے دیگر حصیاں وِچ مسیحی حیاتی لنگہانہ بہوتا مشکل بنا دینہدا اے۔ مسیحیاں دے خلاف ظلم و ستم تے اِمتیازی سلوک ودھ رہیا اے، تے ایہ اُوہناں نشانیاں وِچوں اِک نے جیہڑیاں یسوع نے دِتیاں نے کہ اَسی دُنیا دے خاتمے دے قریب پہنچ رئے آں – جیویں کہ اَسی جاننے آں۔

اَج ساری دُنیا وِچ مسیحیاں دے تئیں جیس نفرت دا اِظہار اَسی ویکھنے آں اُیہدے توں سانوں تین اہم سبق سکھانے چائیدے نے۔

I۔ پہلی گل، مسیحیاں نال نفرت ظاہر کردی اے کہ اِک شیطان موجود اے۔

آہو، میں شیطان تے یقین رکھنا آں۔ میں آسیباں تے یقین رکھنا آں۔ بائبل کہندی اے کہ ایہ مہلک روحاں حقیقی نے۔ تے بائبل کہندی اے کہ اُو مسیحیت دے حقیقی روحانی دشمن نے۔ بائبل کہندی اے،

’’کیوں جے سانوں گوشت تے لہو دے خلاف نئیں بلکہ اِختیار آلیاں، طاقتوراں دے خلاف، ایس دُنیا دی تاریکی دے حکمراناں دے خلاف، اُوچی تھاواں تے شرارت دی روحانی فوجاں نال لڑنا اے‘‘ (افسیوں 6: 12)۔

ایہ آیت سانوں دسدی اے کہ سچے مسیحی ابلیس دے نال، تے شیطانی قوتاں دے مختلف طبقیاں دے نال مسلسل روحانی لڑائی وِچ نے۔ میں آسیباں تے شیطاناں تے یقین رکھنا آں کیوں جے بائبل سکھاندی اے کہ اُو ساڈے دشمن نے۔

لیکن، دوجی گل، میں ایہناں شیطانی مخلوقات تے یقین رکھنا آں کیوں جے اَسی اَج اُوہناں دے مسیح تے اُوہدے پیروکاراں تے حملہ کرن دے بہوتی زیادہ ثبوت ویکھنے آں۔ بائبل کہندی اے،

’’شیطان تہاڈے کول نازل ہو چکیا اے، جیہڑا بہوتی غضبناک اے، کیوں جے اُو جانندا اے کہ اُوہدے کول تھوڑا ای ویلہ اے‘‘ (مکاشفہ 12: 12)۔

بلیس جانندا اے کہ اُوہدے کول مسیح تے حملہ کرن دے لئی صرف تھوڑا ای ویلہ بچیا اے۔ اُو ساڈے توں بہتر جانندا اے کہ اُوہدے دِن گنے جا چکے نے، تے اُوہدے کول زیادہ ویلہ نئیں بچیا اے۔ نتیجے دے طور تے، اُو پوری دُنیا دے مسیحیاں تے اپنا شدید غصہ کڈدا اے۔

’’ساریاں قوماں میرے ناں دی وجہ توں تہاڈے نال دشمنی رکھن گئیاں‘‘ (متی 24: 9)۔

شیطان پوری دُنیا وِچ مسیحیت تے حملہ کر رہیا اے جیویں کہ تاریخ وِچ پہلاں کدی نئیں ہویا۔ دُنیا دے بہتیرے حصیاں وِچ مسیحیاں تے ہولناک ظلم و ستم ظاہر کردا اے کہ واقعی اِک شیطان اے۔ سچے مسیحی اکثر سکول، گھر تے کام دی تھاں تے جیس اِمتیاز دا سامنا کردے نے اُو ایس گل دا ثبوت اے کہ ساڈا اِک روحانی دشمن اے – تے ایہدا ناں شیطان اے۔

شیطان لوکاں تے حملہ کرن دے طریقیاں وِچوں اِک اُوہناں دی بری واشنگ اے۔ یسوع نے کہیا،

’’فیر شیطان آندا اے، تے کلام نوں اُوہناں دے دِلاں توں کڈ دیہندا اے، اینج نہ ہووے کہ اُو ایمان لے آن تے نجات پان‘‘ (لوقا 8: 12)۔

جدوں تُسی اینج دا واعظ سُنندے اُو، تے تہاڈے ضمیر وِچ اِک چھوٹی جئی آواز آندی اے جیہڑی تہانوں دسدی اے کہ بائبل صحیح اے، تے ایہ کہ تہانوں اپنی حیاتی مسیح دے لئی وقف کر دیہنی چائیدی اے۔ ایہ خدا دی روح اے جیہڑی تہاڈے نال گل کر رئی اے۔ لیکن تہاڈے دِل وِچ اِک ہُور واج اے۔ دوجی واج شیطان دی اے۔ اُو تہانوں یقین رن تے نجات پان توں روکن دے لئی خدا دے کلام نوں چھینن دی کوشش کردا اے جیہدی تبلیغ تُسی اپنے دِل توں ’’باہر‘‘ [یعنی دِل نال نئیں] سُنی اے۔ شیطان تہاڈے ذہن وِچ ہر قسم دے خیالات ڈالدا اے، فتنہ تے بے اعتقادی نال بھرے خیالات – جدوں اُو تہاڈے ذہننوں اُوہدے توں ہٹان دی کوشش کردا اے جہیڑے تُسی واعظ وِچ سُنی سن، جیویں کہ اُو تہانوں ایس گرجا گھر وِچ واپس آن تے نجات پان توں روکن دی کوشش کردا اے۔ شاگرد یہوداہ دے نال اینج ای ہویا۔ بائبل کہندی اے،

’’فیر شیطان یہوداہ وِچ داخل ہویا … اُو بارہ دی تعداد وِچوں سی۔ تے اُو اپنی راہ ہو لیہیا، تے سردار کاہناں تے سرداراں نال بات چیت کیتی کہ اُو کیویں اُوہنوں اُوہناں دے حوالے کر سکدا اے۔‘‘ (لوقا 22: 3-4)۔

شیطان تہاڈے نال وی اینج ای کرے گا۔ اُو تہانوں مسیح نوں دھوکہ دین تے گناہ وِچ جاری رکھن دی کوشش کرے گا۔ اُو تہانوں ایتھے گرجا گھر وِچ واپس آن تے صحیح معنیاں وِچ تبدیل ہون توں روکن دے لئی اپنی وحشیانہ طاقت وِچ سب کُجھ کرے گا۔

’’شیطان تہاڈے کول نازل ہو چکیا اے، جیہڑا بہوتا غضبناک اے، کیوں جے اُو جانندا اے کہ اُوہدے کول تھوڑا ای ویلہ اے‘‘ (مکاشفہ 12: 12)۔

جی ہاں، مسیحیاں دے تئیں نفرت واضح طور تے ظاہر کردی اے کہ اِک حقیقی شیطان اے – تے اُو تہانوں مسیح تے اُوہدی خوشخبری دی منادی کرن آلے گرجا گھر توں دور رکھن دے لئی ہر ممکن کوشش کرے گا۔ ایہ اُو پہلی وجہ اے جیہڑی یسوع نے سانوں دسّی،

’’ساری قوماں میرے ناں دی وجہ توں تہاڈے نال دشمنی رکھن گئیاں‘‘ (متی 24: 9)۔

II۔ دوجی گل، مسیحیاں نال نفرت ظاہر کردی اے کہ بنی نوع انسان اِخلاقی زوال دا شکار اے۔

کی تُسی کدی سوچیا کہ صدر ریگن وگرے صاف سُتھرے تے دیندار بندے نوں اکثر تضحیک تے نفرت دا نشانہ کیوں بنایا جاندا اے، جدوں کہ اِک بوڑھا ملامت پسند، جیہڑا اِک نوجوان لڑکی دے ڈوب جان دا ذمہ دار سی، جیویں کہ سینیتر ٹیڈی کینیڈی سی، جیہڑا سیکولر پریس دی تالیاں تے تعریفاں دے نال وریاں تیکر حکومت کردا چلا گیا۔ جواب بہوتی سادہ جیہا اے۔ یسوع نے کہیا،

’’جے تُسی دُنیا دے ہوندے تے دُنیا اپنیاں وانگوں عزیز رکھدی لیکن چونکہ تُسی دُنیا دے نئیں اُو … ایس لئی دُنیا تہاڈے نال نفرت کردی اے‘‘ (یوحنا 15: 19)۔

رومی گورنر وَلوں یسوع نوں گرفتار کرن دے بعد، گورنر نے اِک قیدی نوں رہا کرن دی پیشکش کیتی، جیہڑا کہ فسح دے ویلے دا رواج سی۔

’’پیلاطس نے اُوہناں نوں کہیا، تُسی کیہنوں چھڈو گے کہ میں تہاڈے لئی رہا کراں؟ برابا نوں یا یسوع جِنہوں مسیح کہیا جاندا اے؟ (متی 27: 17)۔

’’اُو سارے اُوہنوں کہندے نے اُوہنوں مصلوب ہون دیو‘‘ (متی 27: 22)۔

’’فیر اُوہنے برابا نوں اُوہناں دے لئی چھڈ دِتا، تے جدوں اُوہنے یسوع نوں کوڑے مروا لئے تے اُوہنوں مصلوب کرن دے لئی [اُوہناں دے] حوالے کر دِتا‘‘ (متی 27: 26)۔

اُو چاہندے سن کہ قاتل نوں رہا کیتا جائے، تے اُوہناں نے کہیا کہ خدا دے پُتر نوں مصلوب کیتا جائے (متی 27: 17)۔ اُو چاہندے سن کہ قاتل برابا نوں رہا کیتا جائے۔ اُو چاہندے سن کہ خدا دے پُتر نوں مصلوب کیتا جائے۔

’’تُسی یسوع وگرے پاک تے راستباز دا انکار کیتا، تے چاہندے سی کہ اِک قاتل نوں رہا کر دِتا جائے، تے حیاتی دے شہزادے نوں قتل کیتا جائے، جِنہوں خدا نے مُردیاں وِچوں زندہ کیتا، جیہدے اَسی گواہ آں۔‘‘ (اعمال 3: 14-15)۔

بدکاراں دے لئی اینج دی محبت، تے مسیحیاں نال نفرت، اَج وی جاری اے۔ او جے سمپسن تے سینیٹر ٹیڈی کینیڈی وگرے قاتل آزاد نے، جدوں کہ اٹارنی جنرل جان ایش کرافٹ تے باب جونز سوئم وگرے چنگے مسیحیاں نال لادین میڈیا نفرت کردا اے۔ کُجھ وی نئیں بدلیا۔

بنی نوع انسان دا غیر تبدیل شُدہ یعنی مسیح وِچ ایمان نہ لیہایا ہویا دِل دھوکہ باز تے شدید شریر اے۔ بائبل کہندی اے،

’’دِل ہر شے توں ودھ کے دھوکے باز تے سخت شریر اے‘‘ (یرمیاہ 17: 9)۔

غیر تبدیل شُدہ [مسیح چہ ایمان نہ لیہیائے ہوئے] مرداں تے عورتاں دا دِل اِسقدر اِخلاقی زوال دا شکار اے کہ اُو شریرراں نال محبت کردے نے تے مسیحیاں نال نفرت کردے نے! ایس توں زیادہ واضح طور تے نسل انسانی دی کھوئی ہوئی، تباہ شُدہ تے پستی دی فطرت نوں کوئی شے ثابت نئیں کردی اے – اُو شریرراں نال محبت کردے نے تے مسیحیاں نال نفرت کردے نے۔

جدوں تُسی مسیحی بنن دا فیصلہ کردے نے، تے یاد رکھو کہ ابلیس تے اُوہدے سارے آسیب تہاڈے خلاف ہون گے۔ رشتہ داراں تے دوستاں دی بدمزاجی وی تہاڈے خلاف ہووے گی۔ جے اُوہناں نے خدا دے پُتر تے اِک قاتل نوں ترجیح دِتی، تے ایہ نہ سوچن کہ اُو تہادے نال کوئی مختلف سلوک کرن گے!

’’جے تُسی دُنیا دے ہوندے تے دُنیا اپنیاں وانگوں عزیز رکھدی لیکن چونکہ تُسی دُنیا دے نئیں اُو … ایس لئی دُنیا تہاڈے نال نفرت کردی اے‘‘ یوحنا 15: 19)۔

عام طور تے بنی نوع انسان ایس قدر گنہگار، تباہ، اِخلاقی زوال دا شکار تے خدا دے خلاٖ بغاوت وِچ اے،

’’ساری قوماں میرے ناں دی وجہ توں تہاڈے نال دشمنی رکھن گئیاں‘‘ (متی 24: 9)۔

III۔ تیجی گل، مسیحیاں نال نفرت ظاہر کردی اے کہ مسیحیت کیہنی اہم اے۔

ایسوسی ایٹڈ پریس دی جیہڑی خبر میں ہُنے پڑھی اے اُوہدے نال پتہ چلدا اے کہ پوری دُنیا وِچ حقیقی مسیحیت دے خلاف جذبات ودھ رئے نے۔ اے ایم روزینتھل A.M. Rosenthal نے نیویارک ٹائمز وِچ لکھیا، ’’ساڈے زمانے دی چونکا دین آلی ان کہی کہانیاں وِچوں اِک ایہ اے کہ مسیح دی پیدائش دے بعد توں کسی وی صدی دے مقابلے چہ ایس صدی وِچ بوہتے مسیحی محض مسیحی ہون دی وجہ توں مرے نے۔‘‘ تے ایہدے باوجود ڈاکٹر پال مارشل ایہدی نشاندہی کردے نے۔

’’ظلم و ستم دے باوجود، مسیحیت دُنیا وِچ تیزی نال ترقی کر رئی اے … تاریخ وِچ اپنی سب توں وڈی توسیع نال لنگھ رئی اے (پال مارشل، پی ایچ ڈی، اُوہناں دا لہو روندا اے Their Blood Cries Out، ورڈWord، 1997، صفحہ 8)۔

تیجی صدی وِچ لکھدے ہوئے، سیپرئینCyprian نے کہیا، ’’اِسی درحقیقت مصیبتاں توں جنم لیہایا اے تے تعداد وِچ ودھے نے۔‘‘ چوتھی صدی وِچ، جیروم نے کہیا، ’’اذیت نے مسیح دی کلیسیا نوں ترقی دِتی اے۔‘‘ دوجی صدی وِچ، ٹرٹولئن نے کہیا، ’’جِنہا بوہتا اَسی تہاڈے ذریعے کاٹے [قتل کیتے] جانے آں، ساڈی تعداد ایہنی ای ودھدھی اے۔ مسیحیاں دا لہو بیج اے۔‘‘ ٹرٹولیئن نے ایس حوالے نال نشاندہی کیتی کہ جیہڑے لوکی مسیحیاں تے ظلم کردے نے اُوہناں نوں ایہ سوچن تے مجبور کتیا جاندا اے کہ اَسی کیہڑا عقیدہ رکھنے آں تے ’’کون اے، جیہڑا تفتیش دے بعد، ساڈے نظریے نوں قبول نئیں کردا؟‘‘ چین وِچ کیمونسٹ لیڈراں وِچوں بہتیرے آپئے مسیحی بن رئے نے۔ تے عظیم صلاح پسند مارٹن لوتھر نے کہیا،

سانوں سخت سلوک توں نئیں ڈرنا چائیدا اے … تے نہ ای سانوں دُنیا دی حکمت توں ڈرنا چائیدا اے، کیوں جے ایہ سانوں کوئی نقصان نئیں پہنچا سکدی۔ درحقیقت، دُنیا دی حکمت جِنہی بوہتی سچائی دے خلاف اُٹھدی اے، سچ ایہنا ای صاف تے واضح ہوندا جاندا اے … جے شیطان ایہنا سمجھدار ہوندا کہ خاموش رہندا تے انجیل دی تبلیغ کرن دینہدا، تے اُو گھٹ نقصان برداست کردا۔ کیوں جے جدوں انجیل تے حملہ نئیں ہوندا، تے اُوہنوں زنگ لگ جاندا اے تے اُوہنوں اپنی طاقت نوں ظاہر کرن دا کوئی موقع نئیں لبھدا … اُو جِنہا بوہتا بُڑبُڑاندا نے، ایہنا ای اُو خود نوں نقصان پہنچاندے نے تے ساڈی مدد کردے نے!

جدوں مسیحی امتیازی سلوک تے ظلم و ستم نوں برداشت کردے نے، تے ایہ کھوئے ہوئے لوکاں نوں احساس دِلاندا اے کہ مسیح واقعی کیہنا اہم اے! سی ایس لوئیس C. S. Lewis نے کہیا، ’’مسیحیت، جے جھوٹی اے، تے کوئی اہمیت نئیں رکھدی، تے جے سچی اے، تے لامحدود اہمیت دی حامل اے۔‘‘

جدوں لوکی وکھن گے کہ اُو تہانوں مسیح توں دور نئیں کر سکدے، یا تہانوں گرجا گھر آن توں نئیں روک سکدے، تے فیر اُو مسیح دے پیغام نوں سنجیدگی نال لین گے! فہر اُو ویکھن گے کہ مسیح کیہنا اہم اے!

براہِ کرم اعمال، چار با، اِک توں چار آیتاں نوں کھولو، آؤ اِسی ایہناں چاروں آیتاں توں اوچی واج نال پڑھیے۔

’’ہلے اُو لوکاں نال کلام ای کر رئے سن کہ کُجھ کاہن، ہہیکل دا سردار تے صدوقی اُوتھے پہنچے۔ اپو سخت رنجیدہ سن کہ رسول لوکاں نوں ایہ تعلیم دیہندے نے کہ جیویں یسوع مُردیاں وِچوں زندہ ہو گیا اے اُونچ ای سارے لوکی موت دے بعد زندہ ہو جان گے۔ تے لوکاں نے اُوہناں نوں پھڑ کے گرفتار کر لیہیا تے اُوہناں نوں اگلے دِن تیکر دے لئی قیدخانے وِچ ڈال دِتا کیوں جے شام دا ویلہ سی۔ فیر وی کئی لوکی اُوہناں دا پیغام سُن کے ایمان لیہیائے تے اُوہناں دی تعداد ودھدے ودھدے پنج ہزار دے قریب جا ] پہنچی‘‘ (اعمال 4: 1۔4)۔

پنج ہزار لوکی مسیحی بن گئے جدوں اُوہناں نے خوشخبری نوں سُنیا، تے ویکھیا کہ رسول مسیح دے لئی جیل جان دے لئی تیار نے۔

تُسی ساری دُنیا دے مسیحیاں دے بارے وِچ سُنیا اے جیہڑے اپنے عقیدے دے لئی تکلیف اُٹھا رئے نے۔ کی تُسی مسیح وِچ یقین رکھدے اُو تے اُوہناں دی وفاداری دے نتیجے وِچ نجات پان گے؟ یوحنا بپتسمہ دین آلے نے کہیا،

’’ویکھو خدا دا برّہ جیہڑا دُنیا دا گناہ اُٹھا لے جاندا اے‘‘ (یوحنا 1: 29)۔

مسیح وَل ویکھو! اُو تہاڈے گناہ دی ادائیگی دے لئی سولی تے قربان ہو گیا! مسیح وَل ویکھو! اُو تہانوں زندہ کرن دے لئی مُردیاں وِچوں زندہ ہو گیا! مسیح وَل ویکھو! اُو واپس آسمان تے چڑھ گیا، تے خدا باپ تے سجّہے ہتھ تے بیٹھا، تہاڈے لئی دعا کر رہیا اے! مسیح وَل ویکھو! اُو تہانوں تہاڈے گناہواں دی سزا توں بچائے گا!

’’ویکھو خدا دا برّہ جیہڑا دُنیا دا گناہ اُٹھا لے جاندا اے‘‘ (یوحنا 1: 29)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔