مقامی کلیسیا تے مظالم | Persecution of the Local Church

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ڈاکٹر جان گل نے نشاندہی کیتی کہ الفاظ، ’’اُوس زمانے وِچ‘‘ دا ترجمہ ’’اُوس دِن‘‘ کیتا جا سکدا اے (ڈاکٹر جان گلDr. John Gill، نئے عہد نامہ دی اِک تاویلAn Expostion of the New Testament، دی بیپٹسٹ سٹینڈرڈ بیئرر، 1989 دوبارہ پرنٹ، جلد II، صفحہ 211)۔

ڈاکٹر گل ایویں کہندے نے کہ ظلم و ستم دا آغازاُوس دن ہویا۔

…جیس دِن اسٹیفن نوں سنگسار کیتا گیس سی۔ جیویں ای اُوہناں نے اُوہنوں موت دی گھاٹ اُتاریا، ایہ خونخوار بدمعاش دوجیاں دا لہو کرن دے بعد بہوتے لالچی ہو گئے سن۔ تے ہُن وڈی تعداد وِچ ہون دی وجہ توں، تے غصے تے حسد نال بھرے ہون دی وجہ توں، کلیسیا دے اراکین تے ٹُٹ پیہئے جیتھے وی اُو اُوہناں نوں لبھہے، تے اُوہناں نوں مار ڈالیا …. کلیسیا دے سارے لوکاں نوں نئیں … کیوں جے اَسی بعد وِچ اسٹیفن نوں اُوہدی قبر تیکر لے جان آلے عقیدت منداں دے بارے وِچ پڑھیا؛ تے کلیسیا وَلوں جیہدے وِچ ساؤل دے ذریعے تباہی مچائی گئی۔ تے مرداں دی تے عورتاں دی … اُوہدے ذریعے توں جیل وِچ قید کیتے گئے؛ لیکن کلام دے سارے مبلغین، سوائے رسولاں دے، کیوں جے اُوہی سن جیہڑے بکھر گئے سن اُو کلام دی منادی کردے چلے گئے … اُو ستر شاگرد تے کلام دے دوجے مذہبی خادم معلوم ہوندے نے، جِنہاں تے پینتیکوست دے دِن روح القدس نازل ہویا … جِنہاں وِچ فلپس وی سی، جیہڑا سامریہ گیا سی تے حننیاہ جیہڑا دمشق وِچ سن۔ تے دوجے جیہڑے کہ فینیس، قبرص تے انطاکیہ تیکر گئے سن: تے خاص طور تے کہیا جاندا اے کہ اُو یہودیہ تے سامریہ دے ساریاں علاقیاں وِچ منتشر سن۔ جیتھے اُوہناں دی بشراں دی مسیح وِچ ایمان لیہیان دی تبدیلی دے لئی ایہنی برکت دِتی گئی سی کہ ایہناں علاقیاں وِچ جیویں کہ ظاہر ہوندا اے چھیتی ای بہوتی ساری کلیسیائیں بنائی گئیاں سن کہ اُوہناں وِچ اِضافہ ہوندا گیا [اعمال 9: 31] جیویں کہ ایہ ایذارسانیاں خوشخبری نوں اَگے ودھان دے لئی سن … تے سارے مبلغین دا نکھیڑنا ایذارسانی دی وجہ توں سی، سوائے رسولاں دے۔ اُو بارہ رسول، جیہڑے کلیسیا دی دیکھ بھال دے لئی یروشلم وِچ [رئے]؛ اُوہدے لوکاں نوں مسیح دے اُوہدی انجیل دی خاطر خوش دلی نال تکلیف اُٹھان دی ترغیب دیہندے رئے (گلGill، گذشتہ گل دے تسلسل وِچ ibid.)۔

میں ایس محبت تے خوشی دی نشاندہی کیتی اے جیس دا تجربہ لوکاں نے یروشلم دی مقامی کلیسیا وِچ کیتا۔ لیکن سانوں کدی وی ایہ نئیں سوچنا چائیدا اے کہ اَسی کدی وی ظلم و ستم دا سامنا کیتے بغیر اِک خوشگوار، خوش کُن مقامی کلیسیا حاصل کر سکدے نے۔ یروشلم دی مقامی کلیسیا نوں خوشی تے مسرت دی تھاں دے طور تے پیش کرنا اِک بہوتی وڈی غلطی ہووے گی – ایہ کہے بغیر کہ اُوہناں نے وی ظلم و ستم دا سامنا کیتا۔

’’تے اُوس ویلے اُوس کلیسیا دے خلاف جیہڑی یروشلم وِچ سی وڈا ظلم ہویا‘‘ (اعمال 8: 1)۔

I۔ پہلی گل، ظلم و ستم مقامی کلیسیا دے باہر توں ہو سکدا اے۔

یروشلم دی کلیسیا دے نال اینج ای ہویا۔ ایذا رسانی ایہناں تے اُوہناں لوکاں وَلّوں آئی جیہڑے کلیسیا یعنی گرجا گھر دے باہر توں سن تے جیہڑے ایہدے خلاف سن۔ یسوع نے اکثر ایہدی پیشنگوئی کیتی سی۔ اُوہنے کہیا،

’’لیکن لوکاں توں ہوشیار رہوو، کیوں جے اُو تہانوں کونسلاں دے حوالے کر دین گے، تے اپنے عبادت خانیاں وِچ تہانوں کوڑے لگان گے؛ تے تُسی میری خاطر گورنراں تے بادشاہواں دے اَگے پیش کیتے جاؤ گے …‘‘ (متی 10: 17۔18)۔

’’فیر اُو تہانوں مصیبت وِچ پان دے لئی حوالے کر دین گے تے تہانوں مار ڈالن گے تے میرے ناں دی وجہ توں ساریاں قوماں تہاڈے نال نفرت کرن گئیاں۔‘‘ (متی 24: 9)۔

’’آہو، تے اُو سارے جیہڑے مسیح یسوع وِچ دینداری دے نال حیاتی لنگہان گے ظلم و ستم دا شکار ہون گے‘‘ (II۔ تیمتھیس 3: 12)۔

ایتھے پولوس نے تیمتھیس نوں اِک بہوتی اہم شے دی یاد دلائی: چھیتی یا دیر نال مسیح دے ہر سچے پیروکار نوں ستایا جائے گا … مسیح دے زمانے توں لے کے اَج تیکر، سارے سچے مسیحیاں نے کسی نہ کسی طرح دی آزمائشاں تے مصیبتاں دا سامنا کیتا اے (نئے عہد نامے تے لاگو کیتا گیا تبصرہ The Applied New Testament Commentary، کنگزوے اشاعت خانے Kingsway Publications، 1996، صفحہ 872)۔

’’میرے ناں دی وجہ توں تہاڈے نال سارے لوکی نفرت کرن گے‘‘ (متی 10: 22)۔

’’جے دُنیا تہاڈے نال دشمنی رکھدی اے تے یاد رکھو کہ اُوہنے پہلاں میرے نال دشمنی رکھی اے۔ جے تُسی دُنیا دے ہوندے، تے ایہ دُنیا تہانوں اپنیاں وانگوں عزیز رکھدی۔ لیکن ہُن تُسی، دنیا دے نئیں اُو کیوں جے میں تہانوں چُن کے دُنیا توں علیحدہ کر دِتا اے۔ ایہو ای وجہ اے کہ دُنیا تہاڈے نال دشمنی رکھدی اے‘‘ (یوحنا 15: 18۔19)۔

نئے مسیحی اکثر ایہ جان کے حیران ہوندے نے کہ لوکی دراصل مسیحی ہون دی وجہ توں اُوہناں نال نفرت کردے نے۔ میہنوں یاد اے کہ جدوں میں پہلی وری مسیحی بنیا تے ایہ میرے لئی بہوتا حیران کُن سی۔ لیکن میں حیران رہ گیا سی کیوں جے میں بائبل نوں چنگی طرح نال نئیں جانندا سی۔ یسوع نے ایہنوں انتہائی واضح کیتا۔

’’میرے ناں دی وجہ توں تہاڈے نال سارے لوکی نفرت کرن گے‘‘ (متی 10: 22)۔

سرخ چین وِچ اشتراکیت پسند [کمیونسٹ] مسیحیاں نوں دسدے نے کہ اُوہناں نوں ’’زبردستی قائل [برین واش]‘‘ کیتا گیا اے۔ اُو مسیحیاں نوں ’’فیر توں تعلیم دین آلے‘‘ کیمپاں وِچ پاندے نے تے اُوہناں نوں مسیحیت نوں ترک کران دی کوشش کراندے نے۔ اَسی ایہدے بارے چہ سُن کے حیران نئیں ہونے آں – لیکن اَسی حیران ہونے آں جدوں ایتھے امریکہ وِچ غیر مسیحی بیلی تے رشتہ دار وی اُوہی اِک گل کردے نے – تے سانوں گرجا گھر توں دور کرن دی کوشش کردے نے۔ سانوں یاد رکھنا چائیدا اے کہ یسوع نے کی کیہیا سی۔ ’’میرے ناں دی وجہ توں تہاڈے نال سارے لوکی نفرت کرن گے‘‘ (متی 10: 22)۔ ایہ صرف چین وِچ کمیونسٹ ای نئیں نے جیہڑے سانوں ستان گے۔ امریکہ وِچ نیک مسیحیاں تے وی ظلم و ستم ڈھایا جاندا اے۔

’’تے اُوس زمانے وِچ کلیسیا دے خلاف جیہڑی یروشلم وِچ سی مظالم دا سلسلہ شروع ہو گیا‘‘ (اعمال 8: 1)۔

II۔ دوجی گل، ظلم و ستم مقامی کلیسیا دے اندر توں ڈھائے جا سکدے نے۔

براہِ کرم اعمال 20: 29-30 نوں کھولو۔ ایہ پولوس رسول دے اُو الفاظ نے جیہڑے میلیتس وِچ کلیسیا دے رہنماواں نوں کہے گئے۔ آؤ کِھلو جاؤ گے ایہناں دوواں آیتاں نوں اُوچی واج نال پڑھو۔

’’میں جاننا آں کہ میرے ٹر جان دے بعد پھاڑ ڈالن آلے پہھیڑیے تہاڈے وِچکار آن گھسن گے تے گلّے نوں نئیں چھڈن گے۔ بلکہ تہاڈے وِچوں ای ایہو جئے لوکی اُٹھ کِھلون گے جیہڑے سچائی نوں توڑ مروڑ کے پیش کرن گے تاکہ شاگرداں نوں اپنے وَل کر لین‘‘ (اعمال 20: 29۔30)۔

نہ صرف بیرون ملک توں جھوٹے اُستاداں نوں ایہناں وِچ داخل ہونا چائیدا اے، بلکہ کُجھ خود اُوہناں دی اپنی برادریاں وِچ وی اُٹھ کِھلون گے، جیویں کہ اُوہناں دے اراکین وِچ داخل ہوئے سن، تے جِنہاں توں اُو چنگی اُمید رکھدے سن … گرجا گھراں توں ارکان نوں دور کرن، تفرقہ پان، تے تقسیم کرن، پارٹیاں بنان، خود نوں اُوہناں دا سربراہ مقرر کرن دے لئی (گلGill، گذشتہ گل دے تسلسل وِچ ibid.، صفحہ 342)۔

اپنی کتاب کلیسیا دی تقسیم Church Split وِچ، ڈاکٹر رائے برانسنDr. Roy Branson کہندے نے،

زیادہ تر معاملات وِچ کلیسیا تقسیم ہو جاندی اے کیوں جے کلیسیا وِچ اِک گروہ انجیلی بشارت دی مخالفت کردا اے … جدوں اِک کلیسیا دوجیاں تیکر پہنچنا تے ودھنا شروع کر دیہندی اے، تے ہر اصل رُکن نوں … تین شیواں وِچوں اِک کرنی چائیدی اے: کلیسیا دی انجیلی بشارت دے زور دی حمایت کرن، فراموشی وِچ ڈوب جان، یا مزاحمت کرن یا چھڈ دین دے ذریعے توں بغاوت کرن (ڈاکٹر رائے ایل برانسن جونیئر Dr. Roy L. Branson, Jr.، گرجا گھر دی تقسیم Church Split، لینڈ مارک پبلی کیشنز، 1990، صفحہ 169-170)۔

جی ہانِ ایہو جئی مصیبت مقامی کلیسیا یا گرجا گھر دے اندروں آ سکدی اے۔ جدوں کلیسیا دی تقسیم ہوندی اے تے ایہ ساڈے دِلاں نوں توڑ دیہندی اے، لیکن اَسی ایہدی توقع کر سکنے آں۔ یسوع نے کہیا، ’’دُنیا وِچ تہاڈے تے ظلم و ستم ہون گے‘‘ (یوحنا 16: 33)۔ مقامی کلیسیا وِچ ہونا اِک شاندار تھاں اے، لیکن ایہ کامل نئیں اے۔ واحد کامل تھاں جنت اے۔

’’تے اُوس زمانے وِچ کلیسیا دے خلاف جیہڑی یروشلم وِچ سی مظالم دا سلسلہ شروع ہو گیا‘‘ (اعمال 8: 1)۔

III۔ تیجی گل، ظلم و ستم مقامی کلیسیا دی عظیم قدر نوں ظاہر کردے نے۔

بہتیرے جوڑے اَج شادی کیتے بغیر اِک دوجے نال رہندے نے۔ اُو اپنے آپ نوں اِک دوجے دے نال منسوب کرن توں ڈردے نے ایس توں کہ کِدرے طلاق نہ ہو جائے۔ ایہ بہوتی افسوسناک گل کیوں جے شادی خدا دا دِتا ہویا اِک دستور اے۔

دھیان دیو کہ اُو ای نسل جیہڑی شادی دی پابند نئیں ہووے گی اُوہنوں وی مقامی گرجا گھر دے نال وابستگی کرن وِچ دشواری ہوندی اے! ایہدے نال سانوں حیران نئیں ہونا چائیدا اے، کیوں جے شادی تے گرجا گھر دی رُکنیت دا بائبل وِچ اِک دوجے نال موازنہ کیتا گیا اے۔ افسیوں 5: 31-33 نوں کھولو۔ آؤ کِھلو جائیے تے ایہ تین آیتاں پڑھیے۔

’’کیوں جے ایس سبب توں مرد اپنے ماں تے پیو کولوں جدا ہو کے ووہٹی دے نال رہوے گا، تے اُو دوویں مل کے اِک جسم ہون گے۔ ایہ راس دی گل ہے تے وڈی گہری لیکن میں سمجھنا آں کہ ایہ مسیح تے کلیسیا دے باہمی تعلق وَل اشارہ کردی اے۔ بہرحال تہاڈے وِچوں ہر شوہر نوں چائیدا اے کہ اُو اپنی ووہٹی نال اپنے وانگوں محبت رکھے، تے ووہٹی نوں وی چائیدا اے کہ اُو اپنے شوہر نال ادب نال پیش آئے‘‘ (افسیوں 5: 31۔32)۔

افسیوں دے پانچویں باب دے دوجے نصف حصے وِچ شوہر تے ووہٹی دا موازنہ مسیح تے کلیسیا نال کیتا گیا اے۔ فیر، باب دے اَخیر وِچ، ایہ فیر توں بیان کیتا جاندا اے۔ مرد تے عورت دی شادی دا موازنہ مسیح تے مقامی کلیسیا نال کیتا جاندا اے۔

مسیح وِچ ایمان نہ لیہایا ہویا اِک غیر تبدیل شُدہ بندہ جیہڑا شادی نئیں کرنا چاہندا، یا شادی شُدہ رہنا چاہندا اے، اُو وی مقامی گرجا گھر وِچ رُکنیت دے اِستحکام توں لطف اندوز ہون دے قابل نئیں ہووے گا۔ جِنہاں نوں مقامی گرجا گھر دی رُکنیت مشکل لگدی اے اُو شادی تے بچیاں نوں وی مشکل محسوس کرن گے۔ میں بہتیرے لوکاں نوں اِک یا دو بچے پیدا کرن دے بعد اپنے مقامی گرجا گھر نوں چھڈدے ہوئے ویکھیا اے جیہدے نال میرا دِل ٹوٹ جاندا اے۔ اُو خاندان یا کلیسیا نوں – صرف سنبھال نئیں سکدے سن۔

لیکن ایہ لوکی کیہنی خوشی توں محروم ہو جاندے نے! جیہڑے شادی شُدہ نئیں رہ سکدے تے بچیاں دی پرورش نئیں کر سکدے اُو حیاتی دی اِک بہوتی وڈی خوشی توں محروم رہندے نے۔ اُو لوکی جیہڑے مقامی گرجا گھر وِچ اِکٹھے نئیں ہو سکدے اُو حیاتی دی سب توں وڈی خوشیاں وِچ اِک نوں کھو دیہندے نے۔

مقامی گرجا گھر دی رُکنیت دے خلاف آن آلے دباؤ ایہ ظاہر نئیں کردے کہ ایہ غیر اہم اے۔ ایہ ایہدے بالکل برعکس اے! مقامی گرجا گھر وِچ رُکنیت دے خلاف آن آلے دباؤ تے اذیتاں ظاہر کردیاں نے کہ گرجا گھر دی رُکنیت واقعی کیہنی اہم اے!

’’تے اُوس زمانے وِچ کلیسیا دے خلاف جیہڑی یروشلم وِچ سی مظالم دا سلسلہ شروع ہو گیا‘‘ (اعمال 8: 1)۔

اینج کیوں ہویا؟ کیوں جے شیطان مقامی گرجا گھر تے حملہ کردا اے! شیطان نئیں چاہندا کہ تُسی مقامی گرجا گھر وِچ خوشی تلاش کرو تے دیرپا دوست بناؤ! شیطان چاہندا اے کہ تہانوں ہوا وِچ پتے وانگوں اُڑا دِتا جائے۔

آؤ، پاویں کُجھ وی ہو جائے، اپنی جڑاں گہریاں رکھیے، تے شادی وِچ اِک دوجے دے لئی پابند رہیے – تے مقامی گرجا گحر وچ اک دوجے دے لئی پابند رہیے!

ایہو ای ساڈا موضوع اے۔ ’تنہا کیوں رہیے؟ گھر آؤ – گرجا گھر وِچ! گمراہ کیوں رہا جائے؟ گھر آؤ – یسوع مسیح، خدا دے پتر دے کول!‘‘ اُو کورس گاؤ۔

گھر چلے آؤ، گھر چلے آؤ، تُسی جیہڑے تھکے ہوئے اُو، گھر چلے آؤ۔
خلوص نال، یسوع نرمی نال پکار رہیا اے، پکار رہیا اے، اے گنہگارو، گھر چلے آؤ۔
(’’خلوص تے نرمی نال یسوع پکار رہیا اے Softly and Tenderly Jesus Is Calling‘‘ شاعر وَل ایل تھامپسنWill L. Thompson، 1847-1909)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔