انجیل دے ذریعے تقسیم

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ڈاکٹر جے ورنن میکجی نے ایس آیت توں تعلق رکھدے ہوئے کہیا،

درحقیقت، خوشخبری دی منادی دے ذریعے خانداناں نوں تقسیم کیتا گیا اے۔ ایہدے علاوہ بھائی وی نِکھڑ گئے نے۔ ایمانداراں دا اِک اتحاد اے، لیکن اُوہی اتحاد غیر نجات یافتہ دُنیا دے نال تقسیم کر دیہندا اے (ڈاکٹر جے ورنن میکجیDr. J. Vernon McGee، بائبل دے ذریعے Thru the bible، تھامس نیلسن پبلشرز Thomas Nelson Publishers، 1983، جلد IV، صفحہ 61)۔

ایہ اکثر نئے مسیحیاں دے لئی حیران کُن ہوندا اے کہ اُوہناں دے اپنے رشتہ دار اُوہناں دی مخالفت کردے نے۔ بدھ مت یا رومن کیتھولک گھرانے توں تعلق رکھن االے اکثر ایہ ویکھدے نے کہ جدوں اُو بپتسمہ دین آلے گرجا گھر دی حیاتی وِچ شامل ہو جاندے نے تے اُوہناں دے رشتہ دار بدتمیزی کرنا شروع کر دیہندے نے۔ ایتھوں تیکر کہ اِک برائے مسیحی پس منظر توں تعلق رکھن آلے وی بعض اوقات ایہ محسوس کردے نے کہ ایہ اُوہناں دے بارے وِچ وی سچ اے۔ ماں پیو تے دوجے رشتہ دار کہہ سکدے نے، ’’تُسی بہوتی زیادہ ملوث ہو رئے اُو۔‘‘ اُو ایتھے تیکر کہہ سکدے نے کہ ’’تُسی جنونی ہو رئے اُو‘‘ یا ’’تہاڈا برین واش ہو رہیا اے۔‘‘ نئے مسیحیاں نوں کی کرنا چائیدا اے جدون او اپنے ماں پیو یا رشتہ داراں کولوں ایہو جئی گلاں سُنندے نے؟

پچاس وریاں پہلاں میرے اپنے پیو نے میرے نال ایہو جئی گلاں کیتیاں سن۔ فیر اُوہناں نے میہنوں دسیا کہ جدوں تیکر اپو زندہ رہن گے اُو دوبارہ کدی بپتمسہ دین آلے گرجا گھر دے زیرِ سایہ قدم نئیں رکھن گے۔ میں اُوہناں نال محبت کرنا آں – تے میں شکر گزار آں کہ اُوہناں نے ایس خوفناک وعدے نوں پورا نئیں کیتا۔ اپنی حیاتی دے خاتمے دے لاگے اُو کئی وری میرے نال گرجا گھر آئے، تے ایتھوں تیکر کہ میرے اِک مبلغ بیلی دے نال ’’گنہگار دی دعا‘‘ وی پڑھی۔ میہنوں خوشی اے کہ میں اُوہناں دے بارے وِچ دسن دے قابل ہویا جدوں میں کُجھ مہینیاں بعد اُوہناں دی آخری رسماں ادا کیتیاں۔

میں چاہندا سی کہ میرا غیر نجات یافتہ پیو مسیح نوں جان لئے تے میرے نال گرجا گھر دے زیرسایہ خوش ہون۔ خدا دا شکر اے کہ اُوہناں دی موت توں پہلاں اَسی گرجا گھر دے زیرِ سایہ اِک نال کئی خوشیاں لنگہایاں۔

ہو سکدا اے کہ اَج کُجھ نوجوان مسیحی ایتھے ہون، یا کُجھ جیہڑےمسیحی بنن تے غور کر رئے ہون، جِنہاں نوں اپنے ماں پیو دی ناپسندیگی دا سامنا اے۔ میں پوری طرح سمجھنا آں کہ تہاڈے تے کی لنگ رئی اے کیوں جے میں خود ایہدا تجربہ کتیا اے۔ یسوع نے کہیا،

’’آدمی دے دشمن اُوہدے اپنے گھر آلے ہون گے‘‘ (متی 10: 36)۔

ڈاکٹر جے ورنن میکجی نے اِک وری ایس آیت توں تعلق رکھدے ہوئے کہیا،

اِک مسیحی نوں ہمیشہ ظاہری سکون دی توقع نئیں کرنی چائیدی اے کیوں جے اُو خداوند دی خدمت کردا اے۔ ’’دُنیا وِچ تہاڈے تے مصیبت آئے گی، لیکن خوش رہوو؛ میں دُنیا تے غالب آیا آں‘‘ (یوحنا 16: 33)۔ ایہ دُںیا یسوع مسیح نال نفرت کردی اے۔ اُو ہُنے وی ’’انساناں وِچ حقیر جانا جاندا اے تے رد کیتا جاندا‘‘ اے (اشعیا 53: 3)۔ نئے عہد نامے دے مسیحیاں نوں جیس مخالفت تے ظلم و ستم دا سامنا کرنا پیہیا اُو ہُنے وی معمول دی گل اے۔ برائے نام مسیحی ظلم و ستم دا شکار نئیں ہون گے لیکن روح نال بھرے، روح پرور مسیحی جیہڑے کُھلے عام گناہ دی مخالفت کردے نے تے گنہگاراں توں نجات دے لئی فوری طور تے التجا کردے نے اُو ہمیشہ جنونی، فسادی، بنیاد پرست کہلان گے۔ دُنیا بنیادی طور تے تبدیل نئیں ہوئی اے۔ خداوند یسوع ہُنے وی تقاضا کردا اے کہ اَسی اُوہنوں ماں پیو، دِیہھ، پُتر یا خود حیاتی توں پہلاں رکھیے (ڈاکٹر جان آر رائسJohn R. Rice، متی دی انجیل The Gospel of Matthew، سورڈ آف لارڈ پبلشرز، 1980، صفحہ 161)۔

’’آدمی دے دشمن اُوہدے اپنے گھر آلے ہون گے‘‘ (متی 10: 36)۔

آؤ اَج دی سویرے سوچیے کہ ایہ آیت ساڈے تے دو طرح نال لاگو ہوندی اے۔

I۔ پہلی گل، گرجا گھر وِچ پرورش پان آلے اکثر ایس تکرار دی بالواسطہ شکل دا تجربہ کردے نے۔

گمراہ ہوئے لوکی مسیحیاں نوں ویکھدے نے تے سوچدے نے کہ اُوہناں نوں کامل ہونا چائیدا اے۔ ایہناں گلاں وِچوں اِک جیہڑی دوجی نسل دے گرجا گھر وِچ پروان چڑھے بچیاں نوں مسیح چہ ایمان لیہیا کے تبدیل ہون توں روکدی اے ایہ ویکھنا اے کہ ایہناں دی ماں پیو کامل نئیں نے۔ اُو ایہناں دے نال رہندے نے۔ اُو ایہناں نوں ہر روز ویکھدے نے۔ اُو اُوہناں نوں اُوس ویلے ویکھدے نے جدوں اُو خراب موڈ وِچ ہوندے نے یا ٹھیک محسوس نئیں کردے۔ اُو اپنے ماں پیو نوں گرجا گھر دے زیر سایہ حمدوثنا دے گیت گاندے ہوئے ویکھدے نے – تے فیر اُو اُوہناں نوں گھر وِچ جھگڑدے ہوئے ویکھدے نے۔ اُوہناں دے ذہناں وِچ کشمکش اے۔ ابلیس آندا اے تے اُوہناں نوں کہندا اے، ’’ویکھو، اُو کامل نئیں نے، تُسی کیوں [اُو گلاں] سُنو جیہڑیاں اُو مسیح وِچ ایمان لیہیا کے تبدیل ہون دے بارے وِچ کہندے نے؟‘‘

گرجا گھر دا ہر اُو بچہ جیہڑا مسیح وِچ ایمان لیہیان دی تبدیلی دا تجربہ کردا اے اُوہنوں ایس آزمائش توں لنگہنا چائیدا اے۔ جے تہاڈا پیو پطرس ہوندا تے کی ہوندا؟ تہانوں معلوم ہووے گا کہ اُوہنے مسیح دا انکار کیتا سی تے جیس راتی اُو گرفتار ہویا سی نٹھ گیا سی۔ تہانوں ایہ وی معلوم ہووے گا کہ جدوں اُوہنے انطاکیہ وِچ تے پولوس دے نال، غیرقوماں دے مسیحیاں دے نال کھانا چھڈ دِتا سی تے اُو غلط سی۔

’’ساریاں دے سامنے اُوہدی مخالفت کیتی، کیوں جے اُوہنے الزام لگایا جانا سی‘‘ (گلِتیوں 2: 11)۔

جے تُسی پطرس دے بچے ہوندے تے تہانوں ایس حقیقت دا سامنا کرنا پیہندا کہ اُو کامل نئیں سی۔

جے پولوس رسول تہاڈا پیو ہوندا تے کی ہوندا؟ پولوس نے کہیا،

’’جدوں میں تہاڈے کول آیا تے اپنے آپ نوں کمزور محسوس کردا بلکہ ڈر دے مارے کنبدا ہویا آیا سی‘‘ (1 کرنتھیوں 2: 3)۔

ڈاکٹر جے ورنن میکجی نے اُوس آیت دے بارے وِچ کہیا،

پولوس اپنا دِل کھولدا اے تے سانوں اُوہدے اندرونی خیالات ویکھن دیہندا اے۔ اُو ایہ واضح کردا اے کہ جدوں اُو اُوہناں دے نال سی تے اُو بہوتا پریشان سی۔ اُو ’’اپنے آپ نوں کمزور محسوس کردا بلکہ ڈر دے مارے کنبدا ہویا آیا سی۔‘‘ حیرت دی کوئی گل نئیں کہ اپو ایہ کہہ سکدا اے کہ خدا نے ایس دُنیا دی کمزور شیواں نوں چُنیا اے۔ پولوس نوں اپنے بارے وِچ کوئی اعلیٰ تصور نئیں سی … ظاہر اے، اُوہنے کدی اپنے آپ نوں عظیم نئیں سمجھیا (گذشتہ گل توں منسلک ibid.، جلد V، صفحہ 13)۔

لہٰذا، جے پولوس تہاڈا پیو ہوندا، تے تُسی اُوہنوں ’’اپنے آپ نوں کمزور محسوس کردا ہویا تے ڈر دے مارے کنبدا ہویا‘‘ ویکھدے۔

پطرس تے پولوس دی مثالاں توں ایہ واضح اے کہ مسیحی ہُنے تیکر نامکمل نے۔ جے تُسی اپنے ماں پیو نوں پطرس وانگوں غیر موافق، یا پولوس وانگوں کمزور تے خوفزدہ ویکھیا اے، تے تہانوں اُوہنوں مسیح دی تلاش توں باز نئیں آن دیہنا چائیدا اے۔ پولوس نے کہیا،

’’جدوں میں تہاڈے کول آیا تے اپنے آپ نوں کمزور محسوس کردا ہویا بلکہ ڈر دے مارے کنبدا ہویا آیا۔ میرا پیغام تے میری منادی دوویں دانائی دے پُر اثر الفاظ توں خالی سن لیکن اُوہناں توں پاک روح دی قوت ثابت ہوندی سی۔ تاکہ تہاڈا ایمان اِنسانی حکمت تے نئیں بلکہ خدا دی قدرت تے مبنی ہووے‘‘ (1 کرنتھیوں 2: 3-5)۔

جے تُسی اپنے مسیحی ماں پیو وِچ خامیاں نوں تے کمزوریاں نوں تلاش کر رئے اُو، تے تہانوں یقیناً کُجھ نہ کُجھ لبھ جان گئیاں۔ لیکن میہنوں تہاڈے نال بحث کر لیہن دیو۔ ایہ تہانوں مسیح وِچ نجات دے لئی تہاڈی لوڑ نوں کیویں بخشدا اے؟

اپنے مسیحی ماں پیو دی جانچ کرن دے بجائے، تہانوں خود نوں جانچنا چائیدا اے۔ ایہ بالکل اُو ای اے جیہڑا بائبل کہندی اے کہ تہانوں کرنا چائیدا اے:

’’اپنے آپ نوں جانچو کہ کی تُسی ایمان تے اُو …‘‘ (II کرنتھیوں 13: 5)۔

رون ریگنRon Reagan دے نال ایہو ای غلط سی۔ اُو اپنے پیو نوں جانچن وِچ ایہنا مصروف سی کہ اُو کدی وی اپنے آپ نوں جانچ نئیں سکیا! ایہ غلطی نہ کرو!

ویکھیا تُسی، ریگن دے نِکے پُتر، رون نے خود نوں اپنے پیو دی مخالفت وِچ کھڑا کیتا۔

’’تے بندے دے دشمن [حریف] اُوہدے اپنے گھر آلے ہون گے‘‘ (متی 10: 36)۔

ایتھے ایہ گل اے کہ ایہ کیویں کام کردا اے – تُسی اُو بن جاندے اُو جیہدے بارے وِچ یسوع گل کر رہیا اے! تُسی اپنے مسیحی ماں پیو دے دشمن بن جاندے اُو۔ تلاوت وِچ ’’لوکی‘‘، تہاڈے مسیحی ماں پیو نے۔ خود اپنے ای گھر وِچ خود دے ’’دشمن‘‘ تُسی اُو! ایہ تہاڈے لئی اِک بہوتی ای خوفناک صورتحال اے – تہاڈے مسیحی ماں پیو دا دشمن!

’’تے بندے دے دشمن [حریف] اُوہدے اپنے گھر آلے ہون گے‘‘ (متی 10: 36)۔

خوفناک سوچ – کہ تہانوں اپنے مسیحی ماں پیو دا دشمن ہونا چائیدا اے! توبہ کرو تے مسیح دے کول آؤ ورنہ تُہاڈے لئی کوئی اُمید نئیں اے! جے تُسی اپنے دِل وِچ اپنے مسیحی ماں پیو دے دشمن اُو تے تُسی خدا دے سامنے خوفناک حالت وِچ اُو۔

II۔ دوجی گل، غیر مسیحی ماں پیو دے ذریعے پرورش پان آلے اکثر ایس تکرار دی براہ راست شکل دا تجربہ کردے نے۔

گرجا گھر دے زیرِ سایہ پرورش پان آلے اکثر اپنے ای مسیحی ماں پیو دے دشمن بن جاندے نے۔ لیکن مقامی گرجا گھر دے باہر پرورش پان آلیاں نوں اکثر معلوم ہوندا اے کہ اُوہناں دے ماں پیو تے دوجے رشتہ اُوہناں دے دشمن نے۔ یسوع نے لوقا 21: 16-17 وِچ اِک تبیہہ کیتی۔ آؤ کِھلو جاؤ تے ایہناں دوواں آیتاں نوں اُوچی واج نال پڑھو۔

’’تے تہانوں ماں پیو، بہھرا، رشتہ دار تے بیلی دوویں دھوکہ دین گے تے تہاڈے وِچوں بعض نوں موت دے گھاٹ اتار دین گے۔ تے میرے ناں دی جوہ توں تہاڈے نال سارے لوکی نفرت کرن گے‘‘ (لوقا 21: 16-17)۔

’’تہاڈے وِچوں بعض نوں موت دے گھاٹ اتار دین گے۔‘‘ مسیح موت نوں ’’تہاڈے وِچوں بعض نوں‘‘ تیکر محدود رکھدا اے۔ لیکن اُوہنے آیت دے پہلے نصف حصے تے کوئی پابندی نئیں لگائی: ’’تہانوں ماں پیو، بہھرا، رشتہ دار تے بیلی دوویں دھوکہ دین گے۔‘‘ اُوتھے کوئی پابندی نئیں۔ کیوں؟ کیوں جے ایہ اُوہناں ساریاں دا مشترک سودا اے جیہڑے دُنیا توں یسوع مسیح دے کول آندے نے۔ مسیح اگلی آیت وِچ ایہنوں بالکل واضح کردا اے،

’’تے میرے ناں دی وجہ توں تہاڈے نال سارے لوکی نفرت کرن گے‘‘ (لوقا 21: 17)۔

غیر مسیحی ماں پیو، ماں پیو جیہڑے رومن کیتھولک نے، یا بُدھ مت دے پیروکار نے، یا دنیادار نے، اپنے بچیاں دے لئی ایس قدر کینہ پرور کیوں نے جدوں اُو مسیحی بننا چاہندے نے؟ یسوع نے یوحنا 15: 18-21 وِچ ایس سوال دے دو جواب دِتے۔ براہ کرم اُودھروں صفحہ کھولو تے کِھلو جاؤ تے اَسی ایہ چار آیتاں اُوچی واج نال پڑھیے۔

’’جے دُنیا تہاڈے نال دشمنی رکھدی اے تے یاد رکھو کہ اُوہنے پہلاں میرے نال وی دشمنی رکھی اے۔ جے تُسی دُنیا دے ہوندے، تے ایہ دُنیا تہانوں اپنیاں وانگوں عزیز رکھدی۔ لیکن ہُن تُسی، دُنیا دے نئیں اُو کیوں جے میں آپئے تہانوں چُن کے دُںیا توں علیحدہ کر دِتا اے۔ ایہو ای وجہ اے کہ دُںیا تہاڈے نال دشمنی رکھدی اے۔ میری ایہ گل یاد رکھو: ’کوئی خادم اپنے آقا توں وڈا نئیں ہوندا‘ جے دُنیا آلیاں نے میہنوں ستایا اے، تے اُو تہانوں وی ستان گے۔ جے اُوہناں نے میری گل تے عمل کیتا، تے تہاڈی گل تے وی عمل کرن گے۔ اُو میرے ناں دی وجہ توں تہاڈے نال اینج دا سلوک کرن گے، کیوں جے میرے پھیجن آلے نوں نئیں جانندے‘‘ (یوحنا 15: 18۔21)۔

دو اہم وجوہات نے جِنہاں دی وجہ تں عام طور تے غیر مسیحی اکثر مسیحیاں دے نال ایس قدر بدتمیزی نال پیش آندے نے۔ پہلی وجہ آیت 19 وِچ اے،

’’میں تہانوں دُنیا وِچوں چُن لیہیا اے، ایس لئی دُنیا تہاڈے نال نفرت کردی اے‘‘ (یوحنا 15: 19)۔

’’لیکن اُو میرے ناں دی وجہ توں تہاڈے نال اینج دا سلوک کرن گے، کیوں جے میرے پھیجن آلے نوں نئیں جانندے‘‘ (یوحنا 15: 21)۔

ظلم کرن آلیاں نوں دو مسائل نے: اُو پیو نوں نئیں جانندے، تے اُو نئیں چاہندے کہ اُوہناں دے گناہ ظاہر ہون۔ یسوع مسیح نے آسمان دے نور نوں لوکاں دی روحاں وَل پھیر دِتا۔ جدوں وی کوئی لائٹ آن کردا اے تے واقعات رونما ہون لگدے نے۔ چوہے، سَپ، کیڑے مکوڑے تے چھپکلیاں روشنی توں نفرت کردے نے تے اُو چھاؤں دے لئی نٹھدے پھردے نے۔ اونج وی اُو اُوہدے نال نفرت کرن گے جیہڑا لائٹ آن کرے گا۔ یسوع کہندا اے، ’’اُو میرے نال بِلا وجہ نفرت کردے سن۔‘‘ یسوع نال نفرت کرن دی کوئی وجہ نئیں اے۔ ایہدے وجہ لوکاں دے گنہگار دِلاں وِچ اے … جے تُسی خدا دے بچے اُو تے دُنیا تہاڈے نال نفرت کرے گی۔ ایہ مشکل اے، خاص طور تے اُوہناں نوجواناں دے لئی جیہڑے مقبول ہونا چاہندے نے۔ آؤ اپنے نوجواںاں نوں دسیے کہ خداوند کی فرماندا اے۔ اُو دُنیا وِچ مقبول نئیں ہون گے جے اُو خدا دے بچے نے (میکجیMcGee، ibid.، جلد IV، صفحہ 470)۔

آؤ اَسی کِھلو کے گانے دے ورق توں گیت نمبر چار گائیے، ’’یسوع، میں اپنی سولی چُک لئی اے۔‘‘ ایہ ڈاکٹر جان آر رائس دا پسندیدہ حمدوثنا دا گیت سی۔ ایہنوں شدت دے درستگی نال گاؤ۔

یسوع، میں اپنی صلیب چُک لئی اے، سب کُج چھڈن تے تیری پیروی کرن لئی؛
   مفلس تے حقیر جانیا گیا، اکیلا چھڈیا گیا، ہُن توں تیرے تے ای میرا آسرا اے؛
ہر مہربان آرزو مر چکی اے، اُو تمام جیہدی میں کوشش کیتی تے اُمید کیتی تے جانیا؛
   ایس دے باوجود میری حالت کِنّی مالدار اے، خُدا تے آسمان ہُنے تیکر میرے اپنے نے!
   (’’یسوع، میں اپنی سولی چُک لئی اے Jesus, I My Cross Have Taken‘‘ شاعر ھنری ایف۔ لائٹ Henry F. Lyte، 1793۔1847)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔