دُنیا دا خاتمہ | The End of the World

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

شاگرد یسوع دے نال زیتون دے پہاڑ تے کِھلو گئے تے یروشلم شہر نوں ویکھیا۔ فیر اُو اُوہدی وَل متوجہ ہوئے تے اُوہنوں سوال کیتا،

’’تیری آمد تے دُنیا دے خاتمہ دی نشانی کی اے؟‘‘ (متی 24: 3)۔

میں چاہنا آں کہ اَسی چند منٹاں دے لئی ایس سوال دے بارے وِچ سوچو، تے غور کرو کہ یسوع نے ایہدا جواب کیویں دِتا۔

’’تیری آمد تے دُنیا دے خاتمہ دی نشانی کی اے؟‘‘

اُوہنے سوال نوں نظرانداز نئیں کیتا۔ اُوہنے ٹال مٹول نال دوہری گل نئیں کیتی۔ اُوہنے اُوہناں نوں سادہ زبان وِچ جواب دِتا جِنہوں اُو آسانی نال سمجھ سکدے سن۔ آیت 14 دے آخر وِچ کہیا،

’’تے اُودھوں دُنیا دا خاتمہ ہووے گا‘‘ (متی 24: 14)۔

مسیح نے اُوہناں نوں پوری بائبل وِچ پڑھائی جان االی تاریخ دا بنیادی نظریہ دِتا – کہ دُنیا دی اِک یقینی شروعات تے اِک یقینی اِختتام اے۔

ایہ [نظریہ] مسیحیت نوں ہندو تے بدھ مت توں مختلف بناندا اے۔ ایہ مذاہب سکھاندے نے کہ تاریخ خود نوں دہراندی اے، ایہ دائریاں وِچ ٹردی اے، بغیر ابتدا تے بغیر اختتام دے۔ لیکن بائبل سکھاندی اے کہ تاریخ لکیر وانگوں سیدھی ہوندی اے۔ ایہ اِک سیدھی لکیر وِچ ٹردی اے، جیس دا اِک قطعی آغاز تے عین اِختتام ہوندا اے۔ بائبل کہندی اے،

’’ابتداء وِچ خدا نے آسمان تے زمین نوں تخلیق کیتا‘‘ (پیدائش 1: 1)۔

اِک قطعی آغٓز سی، جدوں ازلی خدا نے کائنات بشمول زمین نوں تخلیق کیتا۔ بائبل ایہ وی سکھاندی اے کہ اِک یقینی خاتمہ ہووے گا۔ ایہ کہندی اے،

’’لیکن خدوند دے واپس آن دا دِن چور وانگوں اچانک آ جائے گا۔ اُوس دِن آسمان بہوتے شور و غُل دے نال غائب ہو جان گے تے اِجرام فلکی شدید حرارت نال پگھل جان گے تے زمین تے اُوہدے اُتے دیاں ساریاں شیواں جل جان گئیاں‘‘ (II۔ پطرس 3: 10)۔

دُنیا دی اِک قطعی شروعات سی، تے اُوہدا اِک قطعی خاتمہ ہووے گا۔ ایہ تاریخ دے بارے وِچ بائبل دا نظریہ اے۔ تے ایہ اُو ای اے جیہڑا مسیح نے سانوں سِکھایا جدوں اُوہنے کہیا،

’’تے اُودھوں دُنیا دا خاتمہ ہووے گا‘‘ (متی 24: 14)۔

دُنیا اُوس ویلے تیکر قائم رہووے گی جدوں تیکر کہ خدا دے برگزیدہ افراد وِچوں کوئی بے نام رہووے گا۔ لیکن، جدوں اُو سارے اِکٹھے ہو جان گے، ایہدی اَگ بھڑک جائے گی … (میتھیو ھنری دا پوری بائبل تے تبصرہ Matthew Henry’s Commentary on the Whole Bible، ہینڈرکسن پبلشرز Hendrickson Publishers، 1996 دوبارہ پرنٹ، والیم 5، صفحہ 285)۔

’’تیری آمد تے دُنیا دے خاتمے دی نشانی کی اے؟‘‘ (متی 24: 3)۔

ساڈے خداوند یسوع مسیح دے مطابق، دُنیا جیویں کہ اَسی جاننے آں کہ اُوہدا اِک قطعی خاتمہ ہووے گا، کیوں جے اُوہنے آیت 14 وِچ کہیا،

’’تے اُودھوں دُنیا دا خاتمہ ہووے گا‘‘ (متی 24: 14)۔

II۔ دوجی گل، آن آلے خاتمے توں تعلق رکھدے ہوئے بہتیری نشانیاں نے۔

اُوہناں نے یسوع کولوں اِک نشانی منگی۔ اہناں نوں اِک نشانی دین دے بجائے، اُوہنے بہتیری نشانیاں دِتیاں، خاص طور تے 4 توں 14 ویں آیتاں تیکر۔ بالکل بجا طور تے سکوفیلڈ مطالعۂ بائبل The Scofield Study Bible کہندی اے،

آیات 4 توں 14 دی دوہری تشریح اے: اُو (1) زمانے دا کردار – جنگاں، بین الاقوامی تنازعات، قحط، وبائی امراض، ظلم و ستم، تے جھوٹے مسیح … (2) لیکن ایہو ای جواب زمانے دے اِختتام تے اِک مخصوص انداز وِچ لاگو ہوندا اے … اُو ساری شیواں جیہڑیاں زمانے دی خصوصیت رکھدیاں نے خوفناک شدت وِچ جمع ہوندیاں نے (سکوفیلڈ مطالعۂ بائبل The Scofield Study Bible، آلسفورڈ یونیورسٹی پریس، 1917، متی 24: 3 تے غور کرو)۔

اتیھے آیات 4 توں 14 وِچ مسیح نے اُو نشانیاں دِتیاں نے۔ جیویں کہ اَسی اَج دُنیا دے منظر نوں ویکھدے نے، اَسی اُوہناں نوں اپنے آلے دووالے ویکھنے آں۔

’’خبردار رہوو کہ کوئی تہانوں دھوکہ نہ دیوے‘‘ (متی 24: 4)۔

آجکل بوہتی زیادہ روحانی دھوکہ اے۔ میہنوں یقین اے کہ سب توں وڈھے دھوکے وِچوں اِک ’’فیصلہ پسندی‘‘ اے، ایہ خیال کہ تُسی ’’مسیح دے لئی فیصلہ‘‘ کر سکدے اُو، تے ایہ انسانی عمل تہانوں بچاندا اے۔ میں نئیں سمجھدا کہ ایس توں وڈھا فریب کیویں ہو سکدا اے! نجات ایہو جئی شے نئیں اے جِنہوں تُسی انسانی فیصلے دے چنگے اعمال نال کماندے اُو! نجات اِک تحفہ اے۔ بائبل کہندی اے،

’’تہانوں مسیح وَلوں پیش کیتا گیا اے، نہ صرف اُوہدے تے ایمان لیہیانا بلکہ اُوہدی خاطر دُکھ وی اُٹھانا‘‘ (فلپیوں 1:29)۔

مسیح ’’ہمارے ایمان دا… مصنف‘‘ اے (عبرانیوں 12: 2)،

’’ایہناں راستبازی دے کماں نال نئیں جیہڑے اَسی کیتے نے [کسی وی قسم دے انسانی ’فیصلے‘] بلکہ اپنی رحمت دے مطابق اُوہنے سانوں بچایا‘‘ (ططس 3: 5)۔

’’اُوہنے سانوں بچایا‘‘ (ططس 3: 5)۔ اَسی اپنے آپ نوں نئیں بچایا، یا اپنی نجات نوں پان دے لئی کسی شے وِچ وی حصہ نئیں پایا۔ ’’اُوہنے سانوں بچایا‘‘ (ططس 3: 5)۔ ایہو ای حقیقت اے۔ ’’خبردار رہوو کہ کوئی تہانوں دھوکہ نہ دے‘‘ (متی 24: 4)۔

فیر، اُوہنے سانوں 5 آیت وِچ جھوٹے مسیحیاں دے بارے وِچ گل کیتی،

’’بہتیرے میرے ناں نال آن گے، کیہن گے، میں مسیح آں، تے بہتاں نوں دھوکہ دین گے‘‘ (متی 24: 5)۔

شیطان اُوہناں تے مسلط ہون دا فائدہ اُٹھائے گا۔ اُو کیہن گے ’’ویکھو، ایتھے اِک مسیح اے‘‘ یا ’’اُوتھے اِک اے‘‘؛ لیکن اُوہناں تے کوئی اعتراض نہ کرے (گذشتہ گل دے تسلسل وِچ ibid.)۔

میں یقین کرنا آں کہ اُو جیہڑے ’’[مسیح دے] ناں نال آندے نے، کہندے نے، میں مسیح آں‘‘ بنیادی طور تے شیطان دے ذریعے پیہجھے گئے شیاطین نے، جیویں کہ میتھیو ھنری نے کہیا، ایہ شیاطین کہندے نے کہ اُو مسیح نے، تے بہتیرے لوکی اُوہناں تے یقین کردے نے۔ اُو مسیح دے ناں تے آندے نے، ’’ایہ کہہ کے، میں مسیح آں، تے بوہتاں نوں دھوکہ دین گے۔‘‘

اَج بہتیرے لوکی سوچدے نے کہ ’’روح القدس‘‘ جیہڑا اُو ’’محسوس‘‘ کردے نے اُو مسیح اے۔ ایہ شیطان وَلوں دھوکہ اے۔ بہتیرے لوکی کہندے نے کہ مسیح اُوہناں دے دِلاں وِچ اِک روح اے۔ لیکن بائبل واضح طور تے کہندی اے کہ اُو روح نئیں اے۔ مسیح دے مُردیاں وِچوں جی اُٹھن دے بعد، اُوہنے کہیا،

’’میہنوں چھو کے ویکھو کیوں جے روح دے کول گوشت تے ہڈیاں نئیں ہوندیاں جیویں کہ تُسی میہنوں ویکھدے اُو‘‘ (لوقا 24: 39)۔

تے اُو ’’اُوہی یسوع‘‘ ’’آسمان تے چُکیا گیا‘‘ (اعمال 1: 11)۔

’’اُو آسمان تے چُک لیہیا گے، تے خدا دے سجّے ہتھ تے بیٹھ گیا‘‘ (مرقس 16: 19)۔

’’اُوہناں شیواں نوں تلاش کرو جیہڑیاں اُوتے [آسمان وِچ] نے، جیتھے مسیح خدا دے سجے ہتھ تے بیٹھا اے۔ اپنی محبت عالم بالا دی شیواں تے رکھو، نہ کہ زمین دے شیواں تے‘‘ (کلسیوں 3: 1-2)۔

واحد حقیقی مسیح گوشت تے ہڈیاں نال جی اُٹھیا مسیح اے، جیہڑا آسمان تے، خدا دے سجے ہتھ تے بیٹھا اے! باقی سارے جھوٹے مسیح نے۔

تے فیر مسیح نے آیات 6 توں 8 وِچ عالمی سطح تے دہشت گردی تئ جنگ دی گل کیتی۔

’’تے تُسی جنگاں تے جنگاں دی افواہواں دے بارے وِچ سنو گے: ویکھو کہ تُسی پریشان نہ ہونا: کیوں جے ایہ سب کُجھ ہونا ضروری اے، لیکن انجام ہُنے نئیں اے۔ کیوں جے قوم قوم دے خلاف تے بادشاہی سلطنت دے خلاف اُٹھے گی: تے مختلف تھاواں تے قحط تے وبائیں زلزلے آن گے۔ ایہ سب دُکھاں دی شروعات نے‘‘ (متی 24: 6۔8)۔

ایہ دُنیا بھر وِچ ہنگامے، قحط، طاعون، زلزلے، دہشت گردی تے جنگ دی گل کرتا اے۔ ایہ اخبار دے صفحہ اول وانگوں لگدا اے، یا ٹیلی ویژن تے شام دی خبراں وِچ ’’سب توں اولین خبراں‘‘ لگدا اے۔

’’ایہ ساریاں دُکھاں دی شروعات نے‘‘ (متی 24: 8)۔

اصلی یونانی وِچ لفظ ’’دُکھ‘‘ دا مطلب اے ’’پیدائشی درد‘‘۔ قحط، زلزلے، وبائی بیماریاں تے دہشت گردی دی جنگاں ’’زچگی دی درد‘‘ وانگوں نے جیہڑی مسیح دے اپنی ہزار سالہ بادشاہی قائم کرن دے لئی واپس آن توں پہلاں آندیاں نے۔

III۔ تیجی گل، مسیح وِچ سچا ایمان لیہیا کے مذہب تبدیل کرن آلا ای اَخیر تیکر برداشت کر سکے گا۔

آیات نو توں بارہ تیکر مسیحیاں دے خلاف دُنیا دی نفرت نوں ظاہر کردی اے۔ ایہ پوری تاریخ وِچ سچ رہیا اے، لیکن ایہ عروج تے پہنچدا اے جیویں جیویں ایہ زمانہ قریب آندا اے۔ آیت نو توں لے کے تیرہ تیکر کہندی اے:

’’اُوس ویلے لوکی تہانوں پھڑ پھڑ کے اذیتاں دین گے تے تہانوں قتل کرن گے تے میرے ناں دی وجہ توں تہاڈے نال ساریاں قوماں دشمنی کرن گئیاں۔ اُوس ویلے بہتیرے لوکی ایمان توں برگذشتہ ہو کے اِک دوجے نوں پھڑوان گے تے آپس وِچ عداوت رکھن گے۔ تے بہتیرے جھوٹے نبی اُٹھ کِھلون گے، تے بہتیریاں نوں گمراہ کرن گے۔ بے دین دے ودھ جان دی وجہ توں کئی لوکاں دی محبت ٹھنڈی پے جائے گی لیکن جیہڑا آخیر تیکر برداشت کرے گا اُو نجات پائے گا‘‘ (متی 24: 9-13)۔

ایہ پنج آیتاں ظاہر کردیاں نے کہ مسیحیت دے خلاف ودھدی ہوئی نفرت زمانے دے اَخیر تے پوری دُنیا وِچ پھیل جائے گی۔ یسوع نے کہیا، ’’میرے ناں دی وجہ توں ساریاں قوماں تہاڈے نال نفرت کرن گئیاں‘‘ (متی 24: 9)۔ ایہ ساڈے زمانے وِچ لفظی طور تے سچ ہو رہیا آے۔ مسیحی انڈونیشیا، جنوب مشرقی ایشیا، ہندوستان، افریقہ دے کئی حصیاں، چین، شمالی کوریا، مسلم ممالک – تے دُںیا دے بہتیرے دوجے حصیاں وِچ نفرت انگیز اقلیت نے۔ ایتھوں تیکر کہ ایتھے مغرب وِچ، امریکہ، برطانیہ تے براعظم یورپ وِچ، سچے مسیحیوں نوں کالج دے کلاس رومز وِچ حقیر سمجھا جاندا اے تے اکثر ایہ پایا جاندا اے کہ اُو کام دی تھاں تے وی تعصب تے اذیت دا شکار نے۔ میں مسیحیت دے ایہنا ظلم کدی نئیں ویکھیا جِنہا اَسی اَج پوری دُنیا وِچ برداست کر رئے آں۔ اینج لگدا اے کہ ایہ مسیحیاں تے ’’دِل کھول کے ظلم کرو آلی گل‘‘ اے۔ دُنیا ’’کُھلے ذہن‘‘ تے ’’تنوع‘‘ دی لوڑ دے بارے وِچ گل کر سکدی اے، لیکن جدوں گل بائبل تے یقین رکھن آلی مسیحیت دی ہوندی اے، تے اینج لگدا اے کہ اُو اپنی ساری اُوچی آواز بیان بازی نوں بُھل جاندے نے تے مسیحیاں تے حملہ کردے نے – اکثر کافی شیطانی طور تے – ایتھوں تیکر کہ امریکہ تے مغرب وِچ وی۔ اینج لگدا اے کہ واحد گروہ جیس دے خلاف اِمتیازی سلوک کرنا ’’سیاسی طور تے درست‘‘ اے اُو مسیحی نے۔ تے مسیحیاں دے خلاف ایہ تعصب اَج دُنیا وِچ تیزی نال ودھ رہیا اے۔ یسوع نے ایہ اِک اہم نشانی دے طور تے دسیا کہ اَسی تیزی نال دُنیا دے خاتمے دے قریب تے مسیح دی دوجی آمد دے لاگے پہنچ رئے آں جیویں کہ اَسی ایہنوں جاننے آں۔

لیکن فیر یسوع نے ساڈے نال اِک شاندار وعدہ کیتا،

’’جیہڑا اَخیر تیکر برداشت کرے گا اُو نجات پائے گا‘‘ (متی 24: 13)۔

ڈاکٹر جان میک آرتھر نے ایس آیت دے بارے وِچ صحیح کہیا،

ایہ تجویز نئیں کردا کہ ساڈی ثابت قدمی ساڈی نجات نوں محفوظ بناندی اے [یا کماندی اے]۔ کلام پاک ہر تھاں بالکل ایہدے برعکس سکھاندا اے۔ سچے ایماندار ’’خدا دی قدرت نال محفوظ رہندے نے‘‘ (1 پطرس 1: 5)۔ ساڈی ثابت قدمی دی ضمانت نئے عہد دے وعدے وِچ شامل اے … جیہڑے لوکی مسیح توں دور ہو جاندے نے اُو حتمی ثبوت دیہندے نے کہ اُو کدی وی [تبدیل] نئیں ہوئے سن (میک آرتھر دا مطالعۂ بائبلThe MacArthur Study Bible ، ورڈ بائبلزWorld Bibles، 1997، متی 24: 13، صفحہ 1439 تے غور طلب گل)۔

جیہڑے لوکی دُنیا دی روح نوں تسلیم کردے نے تے مسیح وِچ اپنے ایمان نوں ترک کر دیہندے نے لوقا 8: 13 وِچ بیان کیتا گیا اے۔ ایہ

اُو نے، جیہڑے، کلام نوں سُن کے اُوہنوں خوشی نال قبول کردے نے لیکن کلام اُوہناں وِچ جڑ نئیں پھڑدا، اُو کُجھ عرصہ تیکر تے ایمان تے قائم رہندے نے، لیکن آزمائش دے ویلے پسپا ہو جاندے نے‘‘ (لوقا 8: 13)۔

اُو صحیح معنیاں وِچ مسیح چہ جڑاں تے بنیاداں نئیں نے – واقعی تبدیل نئیں ہوئے نے۔ ایہو ای وجہ اے کہ اُو مسیح تے کلیسیا توں دور ہو جاندے نے جدوں آزمائش تے ’’مصیبت یا ایذاء پیدا ہوندی اے (متی 13: 21)، اُو برداشت نئیں کردے، بلکہ پسپا ہو جاندے نے۔ ایویں ظلم و ستم ثابت کردا اے کہ کون حقیقی مسیحی اے تے کون نئیں۔ اَسی اکثر ویکھیا اے کہ چین وِچ تے بہتیری دوجی تھاواں تے ظلم و ستم ہو رہیا اے۔ ایہدے نال یسوع دے الفاظ سانوں اُمید دلاندے نے کیوں جے جدوں اُوہنے کہیا،

’’اُو جیہڑا اَخیر تیکر برداشت کرے گا اُو نجات پائے گا،‘‘ (متی 24: 13)۔

اُو دراصل سانوں کُجھ دس رہیا سی جیہدے نال اُمید لبھدی اے۔ مسیح وِچ سچا ایمان لیہیا کے تبدیل ہون آلا اَخیر تیکر برداشت کرے گا، کیوں جے اُو ’’خدا دی قدرت توں محفوظ اے‘‘ (1 پطرس 1: 5)۔ درحقیقت، مسیح وَلوں کیتی گئی پیشنگوئی دے مطابق بُرے دِناں وِچ، صرف مسیح وِچ ایمان لیہیا کے تبدیل ہون آلے ای خدا وَلوں اَخیر تیکر برداشت کرن دے قابل ہو جان گے! ’’خدا دی قدرت توں محفوظ اے‘‘ (1 پطرس 1: 5)۔

اَج، معمولی جیہئی تکلیف یا منصوبیاں دی تبدیلی، بہتیرے لوکاں نوں گرجا گھر وِچ آن تے اپنے عقیدے نوں زندہ کرن توں روکدی اے۔ آن آلے تاریک دِناں وِچ اُو چھیتی نال گرجا گھر تے یسوع وَل مُنہ موڑ لین گے۔ لیکن مسیح وِچ سچا ایمان لیہیا کے تبدیل ہون آلا آخیر تیکر برداشت کرے گا کیوں جے اُو ’’خدا دی قدرت نال محفوظ اے۔‘‘ ایہدے نال کوئی فرق نئیں پیہندا اے کہ اُوہدے گھر، اُوہدے گرجا گھر یا اُوہدے آلے دووالے دی دُنیا وِچ کیہنی ای بُری شیواں آندیاں نے، اُو رہووے گا۔

’’مضبوط، اٹل، ہمیشہ خداوند دے کام وِچ بہوتی زیادہ‘‘ (I کرنتھیوں 15: 58)،

بالکل ایس لئی کہ اُو ’’خدا دی قدرت نال محفوظ اے‘‘! آمین! تے ھیلیلویاہ!

IV۔ چوتھی گل، مسیح وِچ سچا ایمان لیہیا کے مذہب تبدیل کرن آلا اپنا دِل خوشخبری پھیلان تے لگا دے گا۔

آیت 14 نوں ویکھو، ایہ اِک عظیم، فاتحانہ آیت اے۔

’’تے بادشاہی دی خوشخبری ساری دُنیا وِچ سنائی جائے گی تاکہ ساریاں قوماں اُوہدی گواہ ہون تے فیر خاتمہ ہووے گا‘‘ (متی 24: 14)۔

ایہ اِک ہُور نشانی اے کہ اَسی دُنیا دے خاتمے دے قریب پہنچ رئے آں جیویں کہ اَسی جاننے آں۔ گرجا گھراں وِچ بدعنوائی، تے گمشدہ دُنیا دے ظلم و ستم دے وِچکار وی، بہتیرے پُرجوش نوجوان مسیح وِچ نجات دی خوشخبری ’’ساریاں قوماں وِچ‘‘ ہُنے، اَج ای پھیلا رئے نے! تہاڈے وِچوں بہتیرے لوکی اَج سویرے پہلی وری ایتھے آئے نے کیوں جے کوئی تہانوں لے کے آیا اے۔ تے ایہ پوری دُنیا دے پُرجوش نوجواناں دے بارے وِچ سچ اے، ایتھوں تیکر کہ آن آلی قیامت دے ایس دور دے دوران وی۔

’’تے بادشاہی دی خوشخبری ساری دُنیا وِچ سُنائی جائے گی تاکہ ساریاں قوماں اُوہدی گواہ ہون تے فیر خاتمہ ہووے گا‘‘ (متی 24: 14)۔

ایہ اُو ہمت اے جیہدی اَسی ساریاں نوں لوڑ اے جدوں اَسی یسوع دے حکم دی تعمیل کردے نے،

’’راہواں تے کھیتاں دی باڑاں وَل نکل جا تے لوکاں نوں مجبور کر کہ اُو آن تاکہ میرا گر بھر جائے‘‘ (لوقا 14: 23)۔

میں تہانوں کہہ رہیا آں کہ یسوع مسیح دے کول خود آن دی ہمت پیدا کرو۔ ایمان دے ذریعے مسیح تے پروہسا کرو تے تہانوں نجات لبھ جائے گی – ہُن تے ہمیشہ دے لئی۔ اُو ہُنے ای تہانوں نجات دلائے گا، تے تُسی ہمیشہ دے لئی ’’خدا دی قدرت توں محفوظ رہن گے‘‘ (I پطرس 1: 5)۔ اُوہناں پیہھڑے دِناں وِچ ایہ کیہو جیہا شاندار وعدہ اے! آمین!

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔