خداوند دی ساری ہدایت | All the Counsel of God

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایس حوالے وِچ، پولوس رسول افسس وِچ کلیسیا دے بزرگاں نال مخاطب ہوندے ہوئے، اپنی منادی دا ذکر کردے ہوئے تے اُوہناں نوں الوادع کرن توں پہلاں باہروں شمولیت اختیار کرن آلے جھوٹے اُستاداں دے مستقبل دے خطرات توں خبردار کردا اے (29ویں آیت) تے جیہڑے گرجا گھر دے اندر توں پھوٹ ڈالن دے لئی پیدا ہوندے نے (30ویں آیت)۔

پولوس رسول ہُن تیکر دے عظیم ترین مسیحیاں وِچ اِک سی تے اُوہنے لفظی طور تے ایس کتاب نوں لکھیا کہ پادری بنن دے لئی کی ضروری اے۔ اُوہنے کوئی وی گل نئیں چھپائی۔ لیکن ایتھے، جدوں اُو اُوہناں نوں الوداع کہہ رہیا اے، اُو اُوہدے جان دے بعد کلیسیا نوں آن آلے اندرونی تے بیرونی خطرات توں خبردار کردا اے۔ افسوس دی گل ایہ اے کہ ایس منظر نامے نوں ہر دور وِچ دُہرایا جاندا رہیا اے تے ہُن وی ساڈے دور وِچ تے ایتھوں تیکر کہ ساڈے گرجا گھر وِچ وی ایہ گل سچ اے۔

I. پہلی گل، اُو خطرات جیہڑے کلیسیا وِچ داخل ہو رئے نے۔

’’میں جاننا آں کہ میرے ٹُر جان دے بعد پھاڑ ڈالن آلے بھیڑیے تہاڈے وِچکار آ گُھسن گے تے گلّے نوں نئیں چھڈن گے‘‘ (اعمال 20: 29)

آہو جی، ایہ ریوڑ دے لئی جسمانی خطرات دا حوالہ دے سکدا اے جیویں کہ اَسی حال ای وِچ مشی گن تے کینٹکی وِچ گرجا گھر دی فائرنگ وِچ ویکھیا اے۔ تاہم، میں یقین کرنا آں کہ ایس آیت دا گرجا گھر دے لئی سمجھ توں بہوتا بالاتر تے پُرکشش لیکن نقصان دہ روحانی خطرات نال بہوتا تعلق اے جیہڑے ’’بےخبری وِچ وَڑ جاندے نے۔‘‘ تہاڈے وِچوں اُو لوکی جیہڑے ساڈے گرجا گھر وِچ پرورش پا چکے نے تے جیہڑے اِک طویل عرصے توں ایتھے موجود نے اُوہناں نوں گھٹ توں گھٹ ذہنی طور تے بیرونی خطرات توں آگاہ ہونا چائیدا اے۔ میں فیصلہ سازی دا ذکر کر رہیا آں جیہدے خلاف ڈاکٹر ہائیمرز نے شدت نال گل کیتی! تُسی کسی وی گرجا گھر وِچ، کسی وی ریاست وِچ جا سکدے اُو، تے تُسی ویکھو گے کہ فیصلہ سازی دی خرابی نے ایس گرجا گھر نوں متاثر کیتا اے۔ حال ای وِچ، میں تے میرا خاندان اِک بپتسمہ دین آلے گرجا گھر گئے جدوں اَسی چھٹیاں تے سی۔ اَسی جیس علاقے وِچ رہ رئے سن اُو بپتسمہ دین آلے گرجا گھراں دی آن لائن تلاش کردے ہوئے، اَسی پایا کہ ساڈے قریب ترین شخص نے ’’کُھلے ذہن آلا گرجا گھر‘‘ ہون تے فخر کیتا۔ بِلاشُبہ، ایہ اِک آزاد خیال گرجا گھر دے لئی ضابطہ اے، ایس لئی اِسی اِک ہور بپتسمہ دین آلے گرجا گھر جان دے لئی اِک گھنٹہ ڈارئیو کرن دا فیصلہ کیتا جیہڑا گھٹ توں گھٹ تثلیثی سی۔ ایہناں دے بنیادی عقائد دے بارے وِچ جیہڑا کُجھ اَسی ویب سائٹ تے پڑھیا اُوہدے باوجود، میں اپنی سا [سانس] نئیں روک رہیا سی کہ اُو آرتھوڈکس ہون آلے نے۔ بالکل اونج ای جیویں ڈٓاکٹر ہائیمرز نے سکھایا، عبادت دا اِک اہم حصہ اُوہدے لئی وقف سی جِںہوں اُو ’’پرستش‘‘ کہندے سی، جیہدے وِچ تقریباً اَدھے گھنٹے تیکر عبادتی ٹیم تین گانیاں دے کورسس بار بار گاندی سی۔ اِک نوجوان رہنما نے مختصر پیغام دِتا۔ فیر پادری نے دعوت دِتی۔ خوشخبری دی کدی تبلیغ ای نئیں کیتی گئی، فیر وی دعوت دِتی گئی! لوکاں نوں نجات دلان دی دعوت دینا۔ کیس گل توں نجات دِلانا؟ فیر پادری نے عبادت نوں برخاست کرن دے لئی اِک مہمان گرجا گھر توں آئے ہوئے نوجوان نوں بُلایا۔ یوکرین دے اِک گرجا گھر توں تعلق رکھن آلے نوجوان نے اِک مہذب پیغام دِتا لیکن اُوس وِچ ہُنے تیکر مواد یا روح دا گھاٹا سی۔ گناہ، لہو تے مسیح سب دا تذکرہ سرسری کیتا گیا سی، کیوں جے اُوہدے مطابق، یسوع تہانوں اُمید دین دے تہاڈی حیاتی تے قابو پان دے لئی مریا سی۔ فرد تے موروثی گناہ تے انسانی زوال دا کوئی اِطلاق نئیں سی۔ جہنم دا ذکر بالکل نئیں کتیا گیا سی!

میں ایہدے بارے وِچ ایہنا واویلہ کیوں مچا رہیا آں؟ کیوں جے ایہ کوئی الگ تھلگ واقعہ نئیں اے۔ ایہ اُو ای اے جیہڑا پورے امریکہ تے دُنیا دے گرجا گھراں وِچ پڑھایا جا رہیا اے! ولیم بوتھ سالویشن آرمی [مذہبی جماعت] دے بانی سی جیویں کہ اُو کدی سی۔ 19ویں صدی دے اَخیر وِچ اُوہناں نے کہیا،

’’آن آلی صدی دا سب توں وڈا خطرہ جیہدا سامنا ہووے گا اُو روح القدس دے بغیر مذہب، مسیح دے بغیر مسیحیت، توبہ دے بغیر معافی، تخلیقِ نو دے بغیر نجات، خدا دے بغیر سیاست، جہنم دے بغیر جنت ہووے گا‘‘

کی مسٹر بوتھ صحیح سن؟ بالکل! جے اُوہناں دے زمانے دے گرجا گھر پہلاں توں ای فیصلہ سازی دی خرابی نال متاثر نہ ہوندے تے میں اُوہناں نوں نبی کہندا۔ مسیح دے بغیر مسیحیت، توبہ دے بغیر بخشش۔ تخلیق نوں دے بغیر نجات تے جہنم دے بغیر جنت۔ ایہ اَج گھر گھراں دے اِک افسوسناک حالت اے! کہ ساڈے گرجا گھر ایمانداری دے نال پولوس رسول دے نال رل کے کہہ سکدے نے کہ اُوہناں نے تہانوں خداوند دی سرایاں ہدایتاں دِس دِتیاں نے؟ جے اُو گناہ، بدکاری تے جہنم دے واعظ نال لوکاں نوں ناراض کرن توں بچدے رہن گے تے کیویں کہہ سکدے نے؟ اُو لوکاں نوں ناراض کیوں نئیں کرنا چاہندے؟ ایہ اسی لئی اے کیوں جے اُو پیسے گنوان توں ڈردے نے!

’’کیوں جے زر دوستی ہر قسم دی بُرائی دی جڑ اے تے بعض لوکاں نے دولت دے لالج وِچ آ کے اپنا ایمان گنوا دِتا تے خود نوں بہوتی اذیت پہنچائی اے‘‘ (I تیمتھیس 6: 10)۔

اَسی ساریاں کول پیسہ اے۔ کُجھ دے کول دوجیاں توں بہوتا اے۔ لیکن آیت نے ایہ نئیں کہیا کہ پیسہ ساریاں بُرائیاں دی جڑ اے۔ پیسے دی محبت ای ساری بُرائیاں دی جڑ اے تے آہو، آیت ایہ کہندی اے کہ پیسے دا لالچ کرن االے ایمان توں بھٹک گئے! غلط فہمی وِچ نہ رہو۔ ایہ صرف اِک امیر آدمی دا مسئلہ نئیں اے۔ تُسی غریب ہو سکدے اُو تے فیر وی پیسے دی ہوس ہوندی اے! تاہم، ساڈا گرجا گھر ایویں نئیں چلدا اے۔ خداوند نے ہمیشہ مہیا کیتا اے۔ اِسی ایس حد تیکر اِعلان کرنے آں، ’’تھالی وِچ کوئی پیسہ نے پائے۔‘‘ لہٰذا، سانوں جو کیہن جی لوڑ ہوندی اے اَسی اُو کیہن توں نئیں ڈردے! کوئی وی صادق نئیں، جی نئیں، اِک وی نئیں! دِل (تہاڈا دِل) ہر شے توں ودھ کے دھوکہ باز تے سخت بدکار اے! خدا مجرماں نوں کسی وی طور معاف نئیں کرے گا! ایہ ابدی عذاب وِچ چلے جان گے! کیوں جے خدا نے دُنیا نال ایہو جئی محبت کیتی کہ اُوہنے اپنا اِکلوتا پُتر بخش دِتا تاکہ جیہڑا کوئی اُوہدے تے ایمان لیہیائے ہلاک نہ ہووے بلکہ ہمیشہ دی حیاتی پائے۔

ولیم بوتھ دے زمانے توں گرجا گھراں دی حالت بہوتی خراب ہوندی چلی گئی۔ پرانی انجیلی بشارت نوں برقرار رکھنا ساڈا فرض اے! مبلغ دا فرض ایہ اے کہ اُو لوکاں نوں ناراض کرن توں پرھیز نہ کرن۔ اُوہنوں خدا نوں ناراض نئیں کرنا چائیدا اے! بِلاشُبہ، ایہ فیصلہ سازی دی اہم علامتاں وِچوں اِک اے۔ ایہ خدا دے کلام دے بجائے لوکاں دے جذبات تے مرکوز اے۔ مبلغ نوں خدا دی ہدایتاں دی وضاحت کرنی چائیدی اے! اینج کرن دے لئی، اُوہنوں خدا دی ساری ہدایتاں دا اِعلان کرنا چائیدا اے، پاویں اُو سُنن، یا اُو برداشت کرن (اعمال 20: 30، حزقی ایل 2: 5)۔

’’بَلکہ تہاڈے وِچوں ای ایہو جئے لوکی اُٹھ کھِلون گے جیہڑے سچائی نوں توڑ مروڑ کے پیش کرن گے تاکہ شاگرداں نوں اپنے وَل کر لین‘‘ (اعمال 20: 30)۔

ایہ ساڈے اپنے گرجا گھر دی پابندیاں وِچوں اِک اے۔ کئی دہائیاں دے دوران، اَسی گرجا گھر دیاں متعدد تقسیماں دا تجربہ کیتا اے جِنہے ساڈے گرجا گھر نوں 1990 وِچ تے فیر توں، حال ای وِچ 2018 وِچ شروع ہون آلی دو وڈی تقسیماں دے نال معذور کر دِتا اے۔ ہر وری، تقسیم دی قیادت گرجا گھر دے رہنماواں وِچوں اِک نے کیتی، جِنہے اپنے شاگرداں نوں اپنے پیچھے کھینچن دے لئی ٹیڑھیاں گلاں کیتیاں۔ ہر وری رہنما اپنے خاندان دے نال ٹر گیا، لیکن اُوہدے [خاندان دے] جان دے بعد، اُو فیر گرجا گنھر وِچ موجود دوجیاں نال رابطہ کرن گے تاکہ اُوہناں نوں وی گرجا گھر توں کڈ سکن۔ اگرچہ میں اپنی ساری جان نال ایس عمل دی مذمت کرنا آں، فیر وی میہنوں یقین اے کہ خدا سی تے ہُنے وی حالات تے اُوسی دی گرفت اے۔ یوحنا نے کہیا،

’’ایہ لوکی نکلے تے ساڈے وِچوں ای نے مگر حقیقت وِچ ساڈے وِچوں نئیں سی کیوں جے اُو ساڈے وِچوں ہوندے تے ساڈے نال ای رہندے۔ لیکن نکل ایس لئی گئے تاکہ تصدیق ہو جائے کہ ایہ لوکی ساڈی جماعت دے اصل مومن سی ای نئیں‘‘ (I یوحنا 2: 19)۔

اُوہناں نے ساڈے گرجا گھر نوں چھڈیا کیوں جے اُو ’’ساڈے وِچوں‘‘ نئیں سی۔ میتھیوں ھنری نے ایس آیت دے بارے وِچ کہیا،

’’پاک ترین گرجا گھراں وِچ اُوہناں دے مرتد تے باغی ہو سکدے نے؛ رسولی نظریے نے ایہناں ساریاں لوکاں نوں تبدیل نئیں کیتا جِنہاں نوں اُوہدی سچائی دا یقین سی؛ اُو باطنی طور تے ایہو جئے نئیں سی جیویں اَسی آں: لیکن اُو ساڈے وِچوں نئیں سن؛ اُوہناں نے دِل نال ایس صحیح نظریے دی اطاعت نئیں کیتی س جیہڑی ایہناں تیکر پہنچائی گئی سی؛ اُو مسیح [ساڈے] سربراہ دے نال ساڈے نال اتحاد وِچ نئیں سن۔‘‘ (میتھیو ہنری دا پوری بائبل تے تبصرہ Matthew Henry’s Commentary on the Whole Bible، I یوحنا، 2 باب)

اَسی ڈاکٹر ہائیمرز تے ڈاکٹر لِن کولوں سِکھیا اے کہ گرجا گھر وِچ خدا دی برکتاں حاصل کرن دے لئی اُوہدی موجودگی ہونی چائیدی اے۔ خدا دی موجودگی دے لئی، کلیسیا نوں مقدس، خدا دے لئی مخصوص تے گناہ توں الگ ہونا چائیدا اے۔ ایتھے اَسی اپنے گرجا گھر نوں مقدس رکھن دے لئی خدا دے کان نوں ویکھدے نے۔ 2018 وِچ گرجا گھر دی سب توں حالیہ تقسیم توں پہلاں، تقدس تے حیاتِ نو تے سخت زور دِتا گیا سی۔ بہتیرے لوکاں نے روح القدس دے خلاف مزاحمت کیتی تے اپنے گناہ دا اعتراف کرن تے چھڈن توں انکار کر دِتا۔ خدا نوں اپنے گرجا گھر نوں مقدس کرنا ای پیہووے گا۔ جے ایہ حیاتِ نوں دے ذریعے حاسل نئیں ہوندا اے، تے ایہ گرجا گھراں دی تقسیم دے ذریعے حاصل کیتا جائے گا۔ تُسی کہندے اُو، ’’ٹھیک اے، میں گرجا گھر دی تقسیم نئیں کرنا چاہندا۔ اِک ہور تقسیم نوں ہون توں روکن دے لئی اَسی کی کر سکنے آں؟‘‘ میرے وَلّوں، ایہ میرا فرض اے کہ میں تہانوں خدا دی ساری ہدایتاں بیان کراں۔ تہاڈے وَلوں، جے تُسی ہُنے وی مسیح وِچ ایمان نہ لیہیائے ہوئے غیر تبدیل شُدہ نے، تے تہانوں مسیح تے پروہسا کرنا اپنی ترجیح بنانا چائیدا اے۔ جے تُسی مسیح تے ایمان لیہیا کے تبدیل نئیں ہوئے اُو، تے بائبل کہندی اے،

’’لیکن جیہڑی روح یسوع دے مجسم ہون دی گل دا اقرار نہ کرے تے اُو خدا وَلّوں نئیں اے۔ ایہو ای مخالف المسیح دی روح اے جیس دی خبر تُسی سُن چکے اُو کہ اُو آن آلا اے بلکہ ایس ویلے وی دُنیا وِچ موجود اے‘‘ (I یوحنا 4: 3)۔

جے تُسی [مسیح چہ ایمان لیہیائے بغیر] غیر تبدیل شُدہ رہندے اُو، تے فیر ایہ کُجھ ای دیر دا معاملہ اے ایس توں پہلاں کہ تُسی گرجا گھر نوں چھڈو۔ تہانوں باہر کڈن [گرجا گھر نوں چھڈان] دے لئی ہمیشہ کُجھ نہ کُجھ سامنے آئے گا تے ایہدے نال کوئی فرق نئیں پیہنا کہ تُسی کیہنے ویلے توں گرجا گھر وِچ اُو، تے ایہدے نال وی کوئی فرق نئیں پیہندا کہ تُسی بپتسمہ یافتہ رُکن اُو۔ ایتھوں تیکر کہ جے تُسی نئیں چھڈدے تے ہمیشہ ایہ علحیدگی جئی رہندی اے کہ تُسی ’’ساڈے وِچوں‘‘ نئیں اُو۔ جدوں کہ اَسی چُھتی تے سی تے اُوس دوران جیس گرجا گھر وِچ اَسی عارضی طور تے گئے سی اُوتھے میرے عبادت نوں چھڈن دے بعد، میں اپنے آپ نوں پُچھیا ’’کی کسی نوں ایس پیغام توں بچایا جا سکیا ہووے گا؟‘‘بدقسمتی نال، جواب نئیں سی! کوئی خوشخبری پیش نئیں کیتی گئی سی۔ تے جے دِتی وی گئی سی تے، مسیح تے پروہسا کرن دی کوئی وجہ نئیں سی کیوں جے گناہ دے بارے وِچ مشکل نال ای کوئی گل ہوئی سی۔ گناہ نوں اِسم دے بجائے بطور فعل استعمال کیتا گیا سی۔ گناہ اُو سی جیہڑا تُسی کیتا، نہ کہ ایہ کہ تُسی کون اُو۔ تُسی کافی خوش قسمت اُو کہ تُسی اِک ایہو جئے گرجا گھر وِچ اُو جیتھے بار بار خوشخبری پیش کیتی جاندی اے! ایہنوں کوئی معمولی جئی گل نہ سمجھیو! خداوند یسوع مسیح تے یقین رکھو تے تہانوں نجات لبھ جائے گی۔ تہاڈے وِچوں اُوہناں لوکاں دے لئی جیہڑے پہلاں توں ای نجات پا چکے نے تے گرجا گھر دی دوجی تقسیم نوں روکنا چاہندے نے، اُو ای کرن جیہڑا بائبل کہندی اے!

’’کلام نوں محض کناں نال ای نہ سنو تے نہ ای خود فریبی وِچ مبتلا ہوو بلکہ کلام تے عمل کرن آلے بنو‘‘ (یہوداہ 1: 22)۔

’’تیرے کلام دا بوہا نور دیہندا اے؛ ایہ سادہ لوحواں نوں سمجھ دیہندا اے‘‘ (زبور 119: 130)۔

تیرا کلام میں اپنے دِل وِچ لُکہا رکھیا اے، تاکہ میں تیرے خلاف گناہ نہ کراں‘‘ (زبور 119: 11)۔

’’ہُن میرے پراہوو، ساڈے خداوند یسوع مسیح دے ناں نال تہانوں اِلتجا کرنا آں کہ تُسی سارے اِک ای گل کرو، تے تہاڈے وِچکار کوئی تقریب نہ ہووے؛ بلکہ ایہ کہ تُسی اِک ای ذہن تے اِک ای فیصلے دے نال کامل طور تے جُڑے رہوو‘‘ (I کرنتھیوں 1: 10)۔

’’اُوہناں دی اطاعت کرو جیہڑے تہاڈے تے حکمران نے، تے اپنے آپ نوں تابع رکھو: کیوں جے اُو تہاڈی جاناں دی حفاظت کردے نے، جیویں کہ حساب دیہنا ہووے، تاکہ اُو خوشی نال دین، نہ کہ غم دے نال، کیوں جے ایہ تہاڈے لئی بے فائدہ اے‘‘ (عبرانیوں 13: 17)۔

کاش کہ خداوند تُساں ساریاں دی اینج کرن وِچ مدد کرے۔ آمین۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔