مسیحی دُکھ دا مقصد | The Purpose of Christian Suffering

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

تہانوں محترم جناب ریورنڈ جارج وائٹ فیلڈ The Life of the Reverend George Whitefield دی حیاتی (نیڈ آف دی ٹائمز پبلیشرز، 1995 ایڈیشن، پی۔ او۔ بکس 458، ایزلAzle، ٹیکساس 76098) تے لیوک ٹائرمین Luke Tyerman دیاں دو جِلداں [کتاباں] پڑھنی چائیدیاں نے تے تہانوں ٹائرمین دی تین ہُور جلداں [کتاباں] محترم جناب جان ویزلی، ایم اے دی حیاتی تے زمانہ The Life and Times of The Reverend John Wesley, M.A. (ٹینٹ میکر پبلیکیشنز، 2003 ایڈیشن) پڑھ لیہنی چائیدی اے۔ ایہنوں گوگل سرچ تے ویکھو۔ جے تُسی ایہناں پنج کتاباں نوں پڑھن دے لئی ویلہ کڈہو گے تے تہانوں ایس گل دی اِک ورچوئل تکرار نظر آئے گی کہ پولوس تے برنباس دے نال کی ہویا، جدوں اُو انطاکیہ وِچ کلیسیا وَلوں تبلیغ دے لئی پیہجھے گئے سن۔ اُوہناں نے روزہ رکھیا تے دعا کیتی۔ ایویں ای وائٹ فیلڈ تے ویزلی نے کیتا۔ اُوہناں دی مخالفت اِک جھوٹے نبی نے کیتی۔ وائٹ فیلڈ تے ویزلی دی اُوہناں دے زمانے دے گرجا گھراں وِچ بہتیرے جھوٹے نبیاں نے مخالفت کیتی۔ لوکاں دے اِک وڈے گروہ نے پولوس تے برنباس دی مخالفت کیتی، اُوہناں نوں ستایا، تے اُوہناں نوں نٹھا دِتا، ایس لئی اُو بے شمار عبادت خانیاں وِچ تبلیغ نئیں کر سکے۔ وائٹ فیلڈ تے ویزلی دے نال وی اینج ای ہویا سی جدوں اُوہناں نوں گرجا گھراں وِچوں کڈ دِتا گیا تے اُوہناں نوں کُھلے میداناں وچ تبلیغ کرنی پیہئی۔ پولوس تے برنباس نوں مارن دی کوشش کیتی گئی۔ اُوہناں نوں سنگسار کیتا گیا۔ اینج ای وائٹ فیلڈ تے ویزلی سن۔ وائٹ فیلڈ تے ویزلی دوواں دے بار بار حملہ کیتا گیا تے پتھراؤ کیتا گیا۔ پہلی عطیم بیداری دے دوران پیش آں آلے واقعات دے بارے وِچ پڑھنا اِک سنسنی خیز گل اے جیہڑے بالکل ایویں ای سن جیویں کہ اعمال دی کتاب وِچ ہوئے سن! ایہو ای سب کُجھ چین دے وِچ کئی عظیم مبلغین دے نال ہو رہیا اے۔ پُلپٹ ہیلپسPulpit Helps نے رپورٹ کیتا اے کہ چین وِچ پنج سرکردہ مبلغین نوں 9 جون 2009 نوں گرفتار کیتا گیا سی۔ اُوہناں نوں چین وِچ انجیل دی تبلیغ کرن تے تین سال قید دا سامنا کرنا پیہندا اے (پلپٹ ہیلپس، اگست 2009، صفحہ 32)۔ اُوہناں نوں چین وِچ ظلم و ستم دے ذریعے بہادری نال لنگہدے ہوئے ویکھنا متاثر کُن اے، بالکل اینج ای جیویں پولوس تے برنباس تے وائٹ فیلڈ تے ویزلی نے پہلے زمانے وِچ کیتا سی۔

لیکن ہُن پولوس تے برنباس انطاکیہ دی کلیسیا وِچ واپس آئے، اُو کلیسیا جِنہے اُوہناں نوں تقریباً دو وریاں پہلاں تبلیغ دے لئی پیہجھیا سی۔ تے اُوہناں نے ایس کلیسیا وِچ نئے لوکاں نال گل کیتی،

’’اُو اُوہناں نوں [شاگرداں نوں] نصیحت کردے سن کہ اپنے ایمان تے مضبوطی نال قائم رہوو تے کہ سانوں خدا دی بادشاہی وِچ داخل ہون دے لئی بہتیری مصیبتاں دا سامنا کرنا لازم اے‘‘ (اعمال 14: 22)۔

یونانی لفظ جیہدا ترجمہ ’’مصیبت‘‘ اے اُو ’’تھلیپسسthlipsis‘‘ اے۔ ایہدا مطلب اے ’’دباؤ، مصیبتاں، دُکھ، مصائب تے تکلیفاں‘‘ (سٹرانگ Strong)۔ ایہ پولوس رسول دی ’’خدا دی بادشاہی‘‘ دے الفاظ استعمال کرن دی پہلی ریکارڈ شُدہ مثال اے۔ ڈاکٹر ایلی کوٹDr. Ellicott نے کہیا، اُوہدے خطاں وِچ ایہ کثرت نال دہرایا جاندا اے… [خدا دی بادشاہی] کوئی نظریہ یا رائے [اُوہناں دے نیڑے] نئیں سی بلکہ اِک حقیقی بادشاہی سی، جیہدا یسوع مسیح [بادشاہ اے]‘‘ (چارلس جان ایلی کوٹ، پی ایچ ڈی Charles John Ellicott, Ph. D.، ایلی کوٹ دا ساری بائبل تے تبصرہ Ellicott’s Commentary of the Whole Bible، ژونڈروان اشاعتی گھر Zondervan Publishing House، جلدVII، صفحہ 92، اعمال 14: 22 تے غور طلب گل)۔

’’ایمان وِچ جاری رہوو‘‘ ایس گل دا ثبوت اے کہ اِک بندہ تبدی ہویا اے۔ یسوع نے کہیا،

’’جے تُسی میری تعلیم تے قائم رہوو گے، تے حقیقت وِچ میرے شاگرد ہوو گے‘‘ یوحنا 8: 31)۔

مسیح وِچ ایمان لیہیان دی اِک حقیقی تبدیلی گواہی دے خوبصورت لفظاں توں ایہنی ثابت نئیں ہوندی جِنہی کہ بہوتی مشکلات دے باوجود ’’ایمان وِچ‘‘ قائم رہن نال ثابت ہوندی اے۔ ایہ کہنا اِک الگ گل ہوندی اے کہ تُسی مسیحیت دے عقائد تے یقین رکھدے نے، لیکن صرف سچا مذہب تبدیل کرن آلے ای ’’بہتیری مصیبتاں‘‘ دے باوجود ’’ایمان تے قائم رہن‘‘ دے قابل ہون گے یا جیویں کہ سیکوفیلڈ مطالعۂ بائبل وِچ مرکزی غور طلب گل ایہدا ترجمہ کردی اے، ’’بہتیری مصیبتاں‘‘ دے ذریعے۔

میں ایس خیال توں زیادہ کسی نقصان دہ تعلیم دے بارے وِچ نئیں سوچ سکدا کہ لوکاں دے لئی نجات پانا ’’سہوکھا‘‘ اے، لیکن اُہناں نوں شاگرد بنانا ’’مشکل‘‘ اے! ایہ ’’فیصلہ پسندی‘‘ دی الجھن زدہ تعلیم اے۔ یسوع نے ایہ واضح کر دِتا سی کہ انسان دے لئی نجات پانا سراسر ’’ناممکن‘‘ اے!

’’تے شاگرد بوہتے زیادہ حیران ہوئے، تے اِک دوجے نال کیہن لگے، فیر کیہڑا نجات پا سکدا اے‘‘ یسوع نے اُوہناں وَل ویکھ کے کہیا، ایہ انساناں دے لئی تے ناممکن اے، لیکن خدا دے لئی نئیں …‘‘ (مرقس 10: 26۔27)۔

تُسی ویکھدے اُو، کوئی وی اپنے ’’صحیح دماغ‘‘ دے نال جان بوجھ کے خود نوں ایہو جئی صورتحال وِچ نئیں لیہیانا چاہندا اے جیتھے ایہنوں مصیبتاں – ’’دباؤ، پریشانیاں، تکلیفاں تے مصیبتاں‘‘ توں لنگہنا پیہئے۔ ایہو ای وجہ اے کہ اکثر گواچی ہوئی یا گمراہ ہوئی دُںیا نوں لگدا اے کہ جدوں اَسی مسیح وِچ ایمان لیہیا کے حقیقی طور تے مذہب تبدیل کر لیہندے نے تے اِسی پاگل ہو جانے آں۔ ایس ای وجہ توں پورشیس فیسٹسPorcius Festus نے پولوس تے چیغ کے کہیا، ’’بہوتی سمجھ بوجھ [بہوتی ساری تعلیم] تہانوں دیوانہ بنا دیہندی اے‘‘ (اعمال 26: 24)۔ گمراہ ہوئی دنیا سوچدی اے، ’’صرف اِک دیوانہ ای حقیقی مسیحیت دے دباؤ، مصائب تے پریشانیاں دے ذریعے ’خود توں انکار کرنا، اپنی سولی چُکنا، تے مسیح دی پیروی کرنا‘ چاہے گا! لیکن پولوس نے فیستس نوں جواب دِتا۔

”مُعزز فِیستُس،“ میں پاگل نئیں آں، میں جو کُجھ کہہ رہیا آں سچ تے معقول اے…‘‘ (اعمال 26: 25)۔

مسیحیت ای سچ اے! لہٰذا سانوں ’’خدا دے بادشاہی وِچ داخل ہون دے لجئی بہوتی ساری مصیبتاں توں لنگہن دے لئی‘‘ تیار رہنا چائیدا اے (اعمال 14: 22)۔ اس حمدوثنا دے گیت دا پہلا حصہ گاؤ، ’’کی یسوع نے کلیاں ای سولی چُکنی چائیدی اے؟‘‘

کی یسوع نے کلیاں ای سولی چُکنی چائیدی اے،
تے ساری دُنیا آزاد ہو جائے؟
نئیں؛ ہر اِک دے لئی اِک سولی اے،
میرے لئی وی اِک سولی اے۔
(’’ کی یسوع نے کلیاں ای سولی چُکنی چائیدی اے؟ Must Jesus Bear the Cross Alone? شاعرتھامس شیفرڈ Thomas Shepherd،1665 ۔ 1739)۔

میرے دِل دا سارا پیار، میرے ساسرے پیارے خواب –
اُوہناں نوں خداوند یسوع صرف تیرے لئی بنا دے۔
میں جو کُجھ وی آں، میں جو کُجھ وی کر سکنا آں –
خداوند یسوع میہنوں ہمیشہ دے لئی اپنان دے لئی لے لَے۔
(’’میرے دِل دا سارا پیار All My Heart’s Love ‘‘ شاعر ڈاکٹر جان آر۔ رائس Dr. John R. Rice، 1895۔1980)۔

’’کہ سانوں بہوتی ساری مصیبتاں توں لنگھ کے خدا دی بادشاہی وِچ داخل ہونا چائیدا اے‘‘ (اعمال 14:22)۔

ایہناں آزمائشاں تے مصائب دا کی مقصد اے جِنہاں نال سانوں مسیح وِچ ایمان لیہیا کے حقیقی مسیحی بنن دےلئی لنگہنا چائیدا اے؟

بالکل انتہائی شروع وِچ، ابتدائی طور تے، شروع وِچ، مسیح چہ ایمان لیہیان دی اِک حقیقی تبدیلی مصیبت، دباؤ تے مصیبتاں دے نال شروع ہوندی اے۔ تہانوں نئے جنم توں لنگہنا اے! مسیح نے کہیا،

’’سوائے اِک آدمی دے نئے سرے توں پیدا ہون دے لئی، اُو خدا دی بادشاہی نوں نئیں ویکھ سکدا‘‘ (یوحنا 3: 3)۔

مسیح وِچ ایمان لیہیان دی اِک حقیقی تبدیلی تے نیا جنم محض عقائد تے بائبل دی آیتاں نوں سِکھن نال نئیں ہو سکدا۔ تبدیلی صرف مصیبتاں نال آندی اے۔

’’کہ سانوں بہوتی ساری مصیبتاں توں لنگھ کے خدا دی بادشاہی وِچ داخل ہونا چائیدا اے‘‘ (اعمال 14:22)۔

میں ایہدے تے عظیم اصلاح پرست لوتھر نال اتفاق کرنا آں۔ اُوہنے کہیا،

ایہ ضروری اے، جے تُسی مسیح وِچ ایمان لیہیا کے تبدیل ہونا چاہندے اُو، کہ تُسی خوفزدہ ہو جاؤ، یعنی تہاڈے کول اِک خوفزدہ تے کنبدا ہویا ضمیر ہووے … [خدا نے] اپنے پُتر یسوع مسیح نوں ایس دُنیا وِچ پیہجھیا تاکہ خوفزدہ گنہگاراں نوں خدا دی رحمت دا اعلان کرے۔ ایہ اُو طریقہ اے جیہدا مسیح وِچ ایمان لیہیان دی تبدیلی لیہیائی جاندی اے۔ دوجے طریقے غلط طریقے نے (مارٹن لوتھرMartin Luther، زبور تے واعظ 51: 13)۔

صرف اُوس ویلے جدوں تُسی اپنے گناہ دے جرم نوں محسوس کرو گے تے تُسی مسیح دی اپنے لئی لوڑ نوں محسوس کرو گے۔ تے تہانوں مجرم ٹھہران تے عاجز کرن وِچ خدا دا کام واقعی خوفناک ہو سکدا اے! اَج اَسی مسیح وِچ ایمان لیہیان دی چند حقیقی تبدیلیاں ویکھنے آں کیوں جے مبلغین روح القدس نوں سزایابی دے تحت لیہیان دا کام کرن دیہن نال ڈردے نے (یوحنا 16: 8-9)۔ جے تُسی مسیح وِچ ایمان لیہیا کے تبدیل ہونا چاہندے اُو، تے یاد رکھو کہ تُسی ایہنوں سِکھ نئیں سکدے، تے تُسی ایہنوں کما نئیں سکدے! ’’ایہ خدا دا تحفہ اے‘‘ (افسیوں 2: 8)۔ تے خدا صرف اُوس خدا نوں نجات دا تحفہ دیہندا اے جیہڑا یسوع دے لئی اپنی لوڑ محسوس کردا اے۔ ایس لئی تہانوں شریعت دی دہشت توں لنگہنا چائیدا اے، ورنہ تُسی کدی وی مسیح دی نجات نوں محسوس نئیں کرو گے! یسوع نے کہیا، ’’تنگ بوہے وِچوں اندر داخل ہون دی کوشش کرو‘‘ (لوقا 13: 24)۔ یونانی لفظ جیہدا ترجمہ ’’کوشش کرنا یا جہدوجہد کرنا‘‘ کیتا گیا اے ایہد مطلب اے ’’تکلیف دیہنا۔‘‘ تہانوں گناہ دی سزایابی دے تحت آن دی اذیت توں لنگہنا چائیدا اے، ورنہ تُسی یسوع وِچ حقیقی نجات نوں نئیں جان سکدے۔ جی ہاں، یسوع تہاڈے گناہواں دی ادائیگی دے لئی سولی تے مریا۔ جی ہاں، اُوہنے تہانوں سارے گناہواں توں پاک صاف کرن دے لئی اپنا لہو وگایا۔ لیکن تہانوں گناہ دا مجرم ٹھہرایا جانا چائیدا اے ورنہ خوشخبری تہاڈے لئی اہم نئیں لگے گی۔

’’کہ سانوں بہوتی ساری مصیبتاں توں لنگھ کے خدا دی بادشاہی وِچ داخل ہونا چائیدا اے‘‘ (اعمال 14:22)۔

سزایابی دے تحت آن دی ابتدائی مصیبت دا مقصد تہانوں اپنے آپ تے انحصار کرن نال مسیح تے انحصار کرن وَل موڑنا اے۔ جدوں تُسی میرے کول آندے اُو تے کہندے اُو، ’’میں نجات پانا چاہنا آں،‘‘ تے فیر میں ویکھنا آں کہ تہانوں اپنے گناہ دی سزا نئیں لبھی اے، میں سمجھنا آں کہ تُسی تبدیل ہون دے لئی تیار نئیں اُو۔ ایہو ای اُو شے اے جیہدی میں تلاش کر رہیا آں – گناہ دی سزایابی!

II۔ دوجی گل، بعد وِچ آن آلیاں مصیبتاں دا مقصد۔

میرے لئی تہانوں ایہ دسنا غلط ہووے گا کہ ساریاں ’’پریشانیاں، دباؤ، تکلیفاں تے مصیبتاں‘‘ مسیح وِچ ایمان لیہیان دی تبدیلی تے ختم ہوندیاں نے۔ ساڈی تلاوت کہندی اے،

’’کہ سانوں بہوتی ساری مصیبتاں توں لنگھ کے خدا دی بادشاہی وِچ داخل ہونا چائیدا اے‘‘ (اعمال 14:22)۔

سارے سچے مومنین شیطان تے بے دین آدمیاں وَلّوں مخالفت کرن گے تے ایویں ای بہت وڈی مصیبتاں توں لنگہنا ہووے گا … تے ایہ گل نئے مومنین نوں سمجھن دی لوڑ اے (ھنری ایم مورس، پی ایچ ڈی، دفاعِ مطالعۂ بائبل The Defender’s Study Bible، ورلڈ پبلشنگ، 1995 ایڈیشن، صفحہ 1203؛ اعمال 14: 22 تے غور طلب گل)۔

تہاڈے مسیح وِچ ایمان لیہیا کے تبدیل ہون دے بعد ہُور وی بہوتی ساریاں آزمائشاں، دباؤ، پریشانیاں تے مصائب ہون گے، جیویں کہ بائبل واضح طور تے سکھاندی اے،

’’اُو سارے جیہڑے مسیح یسوع وِچ دینداری نال حیاتی لنگہان گے ظلم و ستم دا شکار ہون گے‘‘ (II۔ تیمتھیس 3: 12)۔

’’جے اَسی دُکھ سُہنے آں تے اَسی اُوہدے نال بادشاہی وی کرن گے‘‘ (II۔ تیمتھیس 2: 12)۔

’’اَسی زمین تے حکومت کراں گا‘‘ (مکاشفہ 5: 10)۔

ابتدائی مسیحی مسیح دی زمینی بادشاہت قائم کرن دے لئی اُوہدی دوجی آمد تے یقین رکھدے سن۔ اُو یقین رکھدے سن کہ مسیح دے نال اُوہدی دوجی آمد تے حکومت کرن دے لئی اُوہناں نوں مصیبتاں، تے ایتھوں تیکر کہ شہادت توں لنگہنا پیہئے گا۔ اُوہناں نے سنجیدگی نال ایس گل نوں اپنایا، تے اپنے اُوتے لاگو کیتا، جیہڑا یوحنا رسول نے مکاشفہ 20: 4 وِچ کہیا،

’’فیر میں تخت ویکھے جِنہاں تے اُو لوکی بیٹھے ہوئے سن جِنہاں نوں اِنصاف کرن دا اِختیار دِتا گیا سی۔ تے میں نے اُوہناں لوکاں دی روحاں ویکھیاں جِنہاں دے سر یسوع دی گواہی دین تے خدا دے کلام دی وجہ توں کاٹ دِتے گئے سن۔ اُوہناں لوکاں نے نہ تے اُوس حیوان نوں تے نہ اُوس بُت نوں سجدہ کیتا سی، تے نہ اپنی پیشانی یا ہتھاں تے اُوہدا نشان لگوایا سی۔ تے اُو زندہ ہو کے اِک ہزار برس تیکر مسیح دے نال بادشاہی کردے رئے‘‘ (مکاشفہ 20: 4)۔

پہلی صدی توں لیکر تے چوتھی صدی تیکر دی مسیح دی ابتدائی کلیسیا ساڈے [قدیم بزرگان] باپ دادا (100 توں 313 عیسوی تیکر) پاپیاس، جسٹن مارٹر، آئرینیئس، سائپرین اور دیگر سبھی نے زمین تے اِک ہزار سالہ [1,000 سال] بادشاہت دا نظریہ رکھیا… پرانے عہد نامے دے سینکڑہاں صحیفے تائید کرتے نے لیکن اُوہدی لمبائی صرف ایتھے [مکاشفہ 20] وِچ 1,000 سالہ کیتی] اے۔ اینج لگدا اے کہ بہوتے وڈے مصائب دے دور دے شہداء دا ہزار سالہ وِچ اِک خاص کردار اے (جیمس اُو کومبس، ڈاکٹریٹ اِن منسٹری D.Min.، ڈاکٹریٹ اِن لِٹریچر D.Litt.، مکاشفہ وِچوں قوس و قزا Rainbows from Revelation، ٹریبیون پبلیشرز Tribune Publishers، 1994، صفحہ 224)۔

’’تے اُو زندہ رئے تے مسیح دے نال اِک ہزار سال حکومت کردے رئے‘‘ (مکاشفہ 20:4)۔

ابتدائی مسیحیاں دا خیال سی کہ جِنہاں لوکاں نے مسیح دے لئی گہرے دُکھ جھیلے نے اُوہناں دا زمین تے مسیح دی آن آلی بادشاہت وِچ اِک خاص مقام ہووے گا۔ یسوع نے کہیا،

’’اُو جیہڑے غالب آئے، تے میرے کاماں نوں آخیر تیکر برقرار رکھے، میں اُوہنوں قوماں تے اِختیار دیاں گا … جیہدے کان ہون، اُو سُن لئے کہ روح کلیسیاواں نوں کی کہندا اے‘‘ (مکاشفہ 2: 26، 29)۔

’’جیہڑا غالب اائے میں اُوہنوں اپنے نال اپنے تخت تے بیٹھن دی اِجازت دیاں گا‘‘ (مکاشفہ 3: 21)۔

ابتدائی مسیحی شُہداء چین وِچ شہداء، تے اَج پوری دُنیا وِچ، واقعی چہ ایس گل نوں قبول کردے نے جیہڑی پولوس رسول نے کہی،

’’جے اَسی دُکھ سہندے رئے تے اَسی اُوہدے نال بادشاہی وی کراں گے‘‘ (II۔ تیمتھیس 2:12)۔

ساڈے وِچوں ہر اِک جیہڑا مسیحی اے، ’’سہوکھے راستے‘‘ دی تلاش نہ کرن۔ آؤ مسیح دے لئی اپنے ویلے، ہنر تے محبت دی قربانی دیے! تہاڈے وِچوں ہر اِک نوجوان جیہڑا اُمید دے نال مسیح وِچ ایمان لیہیا کے تبدیل ہو گئے نے، تُسی ہر ممکن کوشش کرو، مسیح دی خاطر اپنی ساری قربانی دیو! فیر تُسی مسیح دے نال زمین تے اُوہدی 1,000 سالہ بادشاہی وِچ حکومت کرن دے لئی تیار ہو جاؤ گے! جیویں کہ ڈاکٹر جان آر رائس نے اپنی معنی خیز غزل وِچ کہیا،

میہنوں کیوں بُڑبُڑانا، دُکھاں توں پیچھا چُھرانا چائیدا اے،
     یسوع دے ناں وِچ بیلیاں یا پیسے لُٹان دے لئی خوفزدہ ہونا چائیدا اے؟
اوہ، میہنوں خطریاں تے سخت سزاواں نوں خوش آمدید کہنا چائیدا اے
     جے میں شاید یسوع دی شرم وِچ کُجھ حصہ وَنڈ پاواں!
میرے دِل دا سارا پیار، میرے ساسرے پیارے خواب –
     اُوہناں نوں خداوند یسوع صرف تیرے لئی بنا دے۔
میں جو کُجھ وی آں، میں جو کُجھ وی کر سکنا آں –
     خداوند یسوع میہنوں ہمیشہ دے لئی اپنان دے لئی لے لَے۔
(’’میرے دِل دا سارا پیار All My Heart’s Love ‘‘ شاعر ڈاکٹر جان آر۔ رائس Dr. John R. Rice، 1895۔1980)۔

مسیح دے کول آؤ، ایہدے نال کوئی فرق نئیں پیہندا اے کہ گناہ تے اندرونی انتشار، تے مصیبت دے بارے وِچ تہانوں کیس طرح دی سزایابی توں لنگہنا پیہئے! مسیح دے کول آؤ! اُوہدی بادشاہت وِچ داخل ہوو، خواہ اُوہدی قیمت کیہنی وی ہووے! کیوں جے ایہ یقیناً سچ اے۔

’’کہ سانوں بہوتی ساری مصیبتاں توں لنگھ کے خدا دی بادشاہی وِچ داخل ہونا چائیدا اے‘‘ (اعمال 14:22)۔

خدا تہانوں اینج کرن وِچ مدد کرے، ایہ میری دعا اے۔ آمین۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔