نئے سرے توں جنم – مُردیاں وِچوں جی اُٹھے مسیح دے وسیلے توں! | The New Birth

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

یونانی لفظ جیہدا ترجمہ ’’پیدا ہویا‘‘ کیتا گیا اے اُوہدا مطلب ’’فیر توں پیدا کرنا، دوبارہ جنم لیہنا‘‘ ہوندا اے (فرِیٹز رائنیکر پی ایچ ڈی Fritz Rienecker, Ph.D.، نئے عہدنامے دے لئی زباندانی دی کُلید The Linguistic Key to the New Testament، ژونڈروان اشاعتی گھر Zondervan Publishing House، 1980، I پطرس 1: 3 تے غور طلب گل)۔ ایس لفظ دا مطلب ایہ اے کہ خدا سانوں ’’یسوع مسیح دے مُردیاں وِچوں جی اُٹھن دے ذریعے‘‘ فیر توں پیدا کرن دا حیلہ بنہدا اے (آر سی ایچ لینسکی، ڈی ڈی R. C. H. Lenski, D.D.، مقدس پطرس، مقدس یوحنا تے مقدس یہودہ دے خطوط دی تشریحThe Interpretation of the Epistles of St. Peter, St. John and St. Jude، آگسبرگ اشاعتی گھر Augsburg Publishing House، 1966 ایڈیشن، صفحہ 29)۔ اُو یونانی لفظ ’’آناجینیساس anagennésas‘‘ اے۔ ڈاکٹر لینسکی نے کہیا، ’’ایہ فعل، جیہڑا ایتھے تے 23ویں آیت وِچ استعمال ہویا اے [اُوہدا مطلب] ’روحانی طور تے جنم لیہنا، اِک نئی روحانی حیاتی دے لئی‘ ہوندا اے۔ ایہ اُو نئی پیدائش اے جیہدا ذکر یوحنا 3: 3 وِچ کیتا گیا اے‘‘ (لینسکی، گذشتہ گل توں تعلق رکھتے ہوئے ibid.)۔

’’خدا [ساڈا] پیو … جِنہے خداوند یسوع مسیح دے مُردیاں وِچ جی اُٹھن دے سب توں … [سانوں نئے سرے توں پیدا کیتا اے]‘‘ (I پطرس 1: 3)۔

’’سانوں پیدا کیتا۔‘‘ لفظ ’’اَسی‘‘ صرف اُوہناں رسولاں وَل اشارہ نئیں کردا جِنہاں نے جی اُٹھے خداوند نوں ویکھیا، بلکہ پطرس تے اُوہدے قارئین وَل (لینسکی، صفحہ 32) وَل وی اشارہ کردا اے۔ ہر اِک جِنہے نئے جنم دا تجربہ کیتا اے اُوہنے یسوع مسیح دے مُردیاں وِچوں جی اُٹھن دے ’’ذریعے‘‘ اینج کیتا اے۔

I پطرس 1: 3 دے بارے وِچ گل کردے ہوئے، ڈاکٹر اے ڈبلیو ٹوزر A. W. Tozer نے کہیا کہ، ’’نیا جنم [ایتھے بیان کیتا گیا اے] اِک معجزہ اے – اِک وڈا معجزہ!‘‘ (ڈاکٹر اے ڈبلیو ٹوزر، ڈی ڈی A. W. Tozer, D.D.، میں ایہنوں بدعت کہنا آں I Call It Heresy، کرسچن پبلیکیشنز، انکارپوریشن Christian Publications Inc.، 1974، صفحہ 34)۔ نئے جنم دا معجزہ تہاڈے فیصلے دے سبب توں نئیں ہوندا۔ ایہ کسی وی طرح نال پُچھن نال یا تہاڈی اپنی مرضی دی وجہ توں نئیں ہوندا اے۔ نیا جنم ’’یسوع مسیح دے مُردیاں وِچوں جی اُٹھن دے سبب‘‘ توں ہوندا اے۔ اُو یونانی لفظ جیہدا ترجمہ ’’وسیلے نال‘‘ کیتا گیا اے اُو ’’دیہdia‘‘ اے۔ ایہدا مطلب ’’دی وجہ توں‘‘ یا ’’دے ذریعے نال‘‘ ہوندا اے (سٹرانگ Strong)۔ ایس لئی ڈاکٹر لینسکی نے ایہدا ترجمہ کیتا، ’’یسوع مسیح دے مُردیاں وِچوں جی اُٹھن دے سبب توں۔‘‘ نئے جنم دا سبب جی اُٹھن آلا مسیح اے!

ایہ کوئی تعجب دی گل نئیں اے کہ پطرس نے ایہ کہیا۔ پطرس دی منادی دا عظیم موضوع مسیح دا جی اُٹھنا سی۔ اَسی ایہنوں اعمال دی کتاب وِچ درج ایس دے واعظاں وِچ ویکھنے آں۔ پینتیکوست دے دِن اپنے واعظ وِچ اُوہنے کہیا،

’’اُوس یسوع نوں خدا نے زندہ کیتا جیس دے اَسی سارے گواہ آں‘‘ (اعمال 2:32)۔

یسوع دا جی اُٹھنا اُوہناں دی فکر تے تبلیغ وِچ مرکزی حیثیت رکھدا سی، لیکن ہمیشہ اینج نئیں سی۔

I۔ پہلی گل، پطرس نے مسیح دے مُردیاں وِچوں جی اُٹھن نوں رد کیتا سی۔

یسوع دا جی اُٹھنا پطرس دی منادی وِچ مرکزی حیثیت اِختیار کر گیا۔ اُو جانندا سی کہ اُو آپئے ’’یسوع مسیح دے مُردیاں وِچوں جی اُٹھن نال‘‘ فیر توں پیدا ہویا سی۔ ویکھیا تُسی، مسیح دا مصلوب ہونا تے جی اُٹھنا اُو ای گل سی جِیہدا ایہنے انکار کیتا سی۔

’’اُوہدے بعد توں یسوع نے اپنے شاگرداں تے ظاہر کرنا شروع کر دِتا کہ اُوہدا یروشلم جان لازی اے تاکہ اُو بزرگاں، سردار کاہناں تے شریعت دے عالماں دے ہتھوں بہوتے دُکھ چُکے، قتل کیتا جائے تے تیجے دِن فیر توں جی اُٹھے۔ فیر پطرس اُوہنوں [یسوع نوں] وکھرا لے جا کے ملامت کرن لگا، ایہ کہندے ہوئے، اے خداوند، خدا نہ کرے کہ تیرے نال اینج کدی ہووے‘‘ (متی 16: 21۔22)۔

خلاصہ ایہ کہ پطرس نے کہیا، ’’تو مسیحیا اے؛ توں خدا دا پُتر اے۔ تیہنوں اینج نئیں کرنا چائیدا اے، توں سولی تے نئیں چڑھ سکدا!‘‘ سولی بالکل وی [پطرس] دی سوچ وِچ نئیں سی، جیویں کہ تُسی ویکھ سکدے اُو (جے ورنن میگی، ٹی ایچ ڈی۔ J. Vernon McGee, Th.D.، بائبل وِچوں Thru the Bible، تھامس نیلسن پبلیشرزThomas Nelson Publishers، 1983، جلد چہارم؛ متی 16: 22 تے غور طلب گل)۔

II۔ دوجی گل، پطرس نے مسیح دے مُردیاں وِچوں جی اُٹھن نوں نئیں سمجھیا سی۔

جدوں اگلی وری یسوع نے اُوہناں نال گل کیتی تے اِک وری فیر، مسیح دی مصلوبیت تے مُردیاں وِچوں جی اُٹھن نوں پطرس یا دوجے رسول سمجھ نئیں پائے سن۔

’’تے جیس ویلے اُو پہاڑ توں ہیٹاں اُتر رئے سن، تے یسوع نے اُوہناں نوں تاکید کیتی کہ جدوں تیکر ابنِ آدم مُردیاں وِچوں جی نہ اُٹھے، جو کُجھ تُسی ویکھیا اے اُوہدا ذکر کسی نال نہ کرنا۔ شاگرداں نے ایہ گل اپنے دِل وِچ رکھی، لیکن اُو آپس وِچ بحث کر رئے سن مُردیاں وِچوں جی اُٹھن دے کی معنی ہو سکدے نے‘‘ (مرقس 9: 9۔10)۔

جسی گل نے اُوہناں نوں اُلجھایا اُو یسوع دا ایہ مطلب سی کہ اُوہدا اپنا جی اُٹھنا نیڑے سی، تے ایویں ای اُوہدی موت وی سی۔ شاگرداں دی اُلجھن ہور ثبوت مہیا کردی اے کہ اُو ہُنے تیکر یسوع دے مسیحائی مشن نوں نئیں سمجھ پائے سن (جان میک آرتھر، ڈی ڈی،John MacArthur, D.D.، میک آرتھر دا مطالعہٗ بائبل The MacArthur Study Bible، ورڈ بائبلز، 1997؛ مرقس 9: 10 تے غور طلب گل)۔

ایہد مطلب ایہ ہوندا اے کہ پطرس تے دوجے شاگرد خوشخبری نوں ہَلے تیکر سمجھ نئیں پائے سن!

’’فیر اُو اُودھروں روانہ ہو کے صوبہ گلیل دے علاقے توں لنگہے۔ یسوع نئیں چاہندا سی کہ کسی نوں اُوہناں دی آمد دی خبر ہووے، پس اُوہنے اپنے شاگرداں نوں تعلیم دیہندے ہوئے ایہ کہیا، ابنِ آدم لوکاں دے حوالے کیتا جائے گا۔ تے اُو اُوہدا قتل کرن گے، لیکن تین دِن بعد اُو مُردیاں وِچوں جی اُٹھے گا۔ لیکن [شاگرد] اُوس [یسوع] دی ایس گل دا مطلب نہ سمجھ سکے تے اُوہنوں پُچھن کولوں وی ڈردے سن‘‘ (مرقس 9: 30۔32)۔

تُسی ویکھو گے کہ اُو ہمیشہ اپنے مرن تے مُردیاں وِچوں جی اُٹھن نوں اِک ساتھ رکھدا اے … ایہ پہلی وری نئیں اے جدوں اُوہنے ایہناں دے سامنے اپنے مرن تے مُردیاں وِچوں جی اُٹھن دا اعلان کیتا اے، تے فیر وی اُو نئیں سمجھے (میگی McGee، گذشتہ گل توں متعلق ibid.؛ مرقس 9: 30-32 تے غور طلب گل)۔

III۔ تیجی گل، پطرس نے صرف اُوس ویلے دُکھ محسوس کیتا جدوں اُوہنے مسیح دے مُردیاں وِچوں جی اُٹھن دے بارے وِچ سُنیا۔

’’جدوں اُو صوبہ گلیل وِچ اِک ساتھ جمع ہوئے تے یسوع نے اُوہناں نوں کہیا، ابنِ آدم لوکاں دے حوالے کیتا جائے گا۔ اُو اُوہنوں قتل کرن گے تے اُو تیجے دِن فیر توں جی اُٹھے گا۔ شاگرد ایہ سُن کے بوہتے ای دُکھی ہوئے‘‘ (مرقس 17: 22۔23)۔

پچھلے مارچ وِچ اَسی سال دے اُوس ویلے وِچ داخل ہوئے جِنہوں کیتھولک، لوتھرن تے اینگلیکن پروٹسٹنٹ ’’روزیاں دا مہینہlent‘‘ کہندے نے۔ روزیاں دا مہینہ شروع ہون توں پہلاں اُو آپئے ٹھونس ٹھونس کے کھاندے پیندے نے۔ اُو ایہنوں ’’فربہ منگل Fat Tuesday‘‘ یا ’’مرڈی گراسMardi Gras‘‘ کہندے نے۔ روزیاں دا مہینہ ’’راکھ دے بُدھ‘‘ نوں شروع ہوندا اے تے ایسٹر یعنی عید پاشکا دے اِتوار تیکر جاری رہندا اے۔ ایہ عید پاشکا دے لئی روزہ رکھن تے ’’تیاری کرن‘‘ دا دور اے۔ فیر وی زیادہ تر لوکی جیہڑے روزیاں دے مہینے وِچ روزہ رکھدے نے صرف پطرس تے دوجے شاگرداں دے دُکھ دا تجربہ کردے نے۔

میہنوں ڈر اے کہ بہتیرے بپتسمہ دین آلے تے انجیلی بشارت آلے ایس توں وی بدتر نے۔ اُو اکثر عید پاشکا دے موقع تے کُجھ نئیں محسوس کردے! اینج لگدا اے کہ اُو مسیح دی مصیبتاں تے موت دے بارے وِچ سب کُجھ بُھل جاندے نے، تے عید پاشکا تے اُوہدا مُردیاں وِچوں جی اُٹھنا اِک نفسیاتی ’’بہتریlift‘‘ دے بارے وِچ گل کرن دے ویلے توں بوہتا کُجھ نئیں اے، جیویں کہ ڈاکٹر مائیکل ہارٹن نے اپنی نئی کتاب، مسیح دے بغیر مسیحیت: امریکی کلیسیا دی متبادل خوشخبری Christless Christianity: The Alternative Gospel of the American Church (بیکر کتب Baker Books، 2008، صفحہ 29-30) وِچ نشاندہی کیتی اے۔

پطرس تے دوجے ’’بہوتی زیادہ افسوس‘‘ کر رئے سن (متی 17: 23) جدوں اُوہناں نے یسوع نوں ایہ کہندے سُنیا،

’’اُو اُوہنوں مار ڈالن گے، تے تیجے دِن اُو فیر توں زندہ کیتا جائے گا‘‘ (متی 17: 23)۔

ایہ تیجی وری اے جدوں اپنے شاگرداں نال اپنی موت تے جی اُٹھن دے بارے وِچ گل کر رہیا اے … ہُن اُو گلیل وِچ اے، یروشلم دے راستے تے اے، تے اُو فیر توں ایہدا ذکر کردا اے۔ [پطرس تے] دوجے شاگرد سوائے افسوس محسس کرن دے ہُور کُجھ نئیں کر سکدے سن (میگی McGee، گذشتہ گل نال منسلک ibid.، صفحہ 97؛ متی 17: 22-23 تے غور طلب گل)۔

پطرس نے مسیح دی پیروی کرن دے لئی اپنی ماہی گیری چھوڑی۔ اُو دو وریاں توں زیادہ عرصے توں مسیح دے نال رہیا سی۔ اُوہدے کول خدا وَلوں کُجھ غیبی ہدایت سی، سمجھن دے لئی کافی روحانی غیبی ہدایت سی،

’’توں مسیح اے، زندہ خدا دا پُتر‘‘ (متی 16: 16)۔

’’ایہ گل گوشت تے لہو نے تہاڈے تے ظاہر نئیں کیتی بلکہ میرے پیو نے جیہڑا آسمان تے اے‘‘ (متی 16: 17)۔

فیر وی پطرس نے انجیل تے یقین نئیں کیتا۔ اگرچہ اُوہدے کول خدا وَلوں کُجھ غیبی ہدایت سی، اُو ایہ نئیں منندا سی کہ یسوع سولی تے مرے گا تے جسمانی طور تے مُردیاں وِچوں جی اُٹھے گا۔ اُو یسوع دی پیروی کرن دی پوری کوشش کر رہیا سی، لیکن فیر وی اُو نئے سرے توں پیدا نئیں ہویا سی۔ اُو مارٹن لوتھر وانگوں سی، روزہ رکھدا سی تے دعا کردا سی تے خود نوں پیٹدا سی، اِک مسیحی وانگوں حیاتی گزارن دی کوشش کردا سی۔ جیویں کہ جارج وائٹ فیلڈ اِک مسیحی بنن دی کوشش کر رہیا اے؛ جان ویزلی تے جان بنیعان وانگوں، مسیحی حیاتی لنگہان دی کوشش۔ لیکن اُو انجیل دی ایس توں بوہتی سمجھ نئیں رکھد سی جِنہاں کہ اُو فیر توں پیدا ہون توں پہلاں رکھدا سی۔ اُوہدے کول جی اُٹھے مسیح دا کوئی تجربہ نئیں سی۔ ایس لئی اُو ناکام ہو گیا – بالکل اُونج ای جیویں لوتھر تے وائٹ فیلڈ تے ویزلی تے بنیعان نئے سرے توں پیدا ہون توں پہلاں ای ناکام ہو گئے۔ پطرس وی ایویں ای ناکام رہیا۔ جدوں اُو یسوع نوں گرفتار کر کے مصلوب کرن دے لئی لے گئے تے پطرس

’’خود تے لعنت پیہجھن لگا تے قسماں کھا کے کہن لگا، میں ایس آدمی نال واقف نئیں آن، اُوس ای ویلے مُرغ نے بانگ دِتی۔ … پطرس باہر جا کے زار زار خوب رویا‘‘ (متی 26: 74۔75)۔

پطرس نے مسیح دی پیروی کرن دی کوشش کیتی سی، لیکن اُوہنے انجیل تے یقین نئیں کیتا سی۔ اُو بالکل ناکام سی، ’’تے اُو باہر جا کے زار زار خوب رویا۔‘‘

اُوہناں نے یسوع نوں سولی تے کیلاں نال جڑ دِتا۔ اُو انسان دے گناہ دی ادائیگی دے لئی مریا۔ اُوہنے انسان نوں گناہ توں پاک کرن دے لئی اپنا لہو وگایا۔ اُوہناں نے اُوہدی میت نوں اِک قبر وِچ رکھ دِتا۔ اُوہناں نے قبر دے منہ تے اِک وڈا پتھر لڑھکا دِتا۔ اُوہناں نے اُوہدے تے مہر لگا دِتی، ’’پہرہ داری لگا دِتی‘‘ (متی 27: 66)۔ تین دن بعد، صبح سویرے، یسوع جسمانی طور تے مُریاں وِچوں جی اُٹھیا۔

’’مگر پطرس اُٹھیا، تے قبر وَل نٹھیا۔ اُوتھے پطرس نے جُھک کے اندر ویکھیا، تے اُوہنوں صرف خالی کفن دے لیرے پیہئے ہوئے نظر آئے، تے اُو تعجب کردے ہوئے کہ کی ہو گیا اے، اُودھروں ٹر گیا‘‘ (لوقا 24: 12)۔

پطرس نوں ہُنے تیکر یقین نئیں سی کہ یسوع جی اُٹھیا اے۔ ڈاکٹر میگی نے کہیا، ’’شمعون پطرس نوں کُجھ دیر دے لئی ایہدے بارے وِچ سوچنا پیہیا‘‘ (میگی McGee، گذشتہ گل توں منسلک ibid.، صفحہ 375؛ لوقا 24: 12 تے غور طلب گل)۔ ایہ اتوار دی سویر دا ویلہ سی۔

’’فیر اُوس ای دِن شام دے ویلے، جدوں شاگرد اِک تھاں جمع سن، تے یہودی رہنماواں دے خوف توں بوہتے بند کیتے بیٹھے سن، یسوع اچانک اُوہناں دے وِچکار آن کِھلوتا تے کہیا، تہاڈے تے سلامتی ہووے، ایہ کہہ کے اُوہنے اپنے ہتھ تے اپنی پسلی اُوہناں نوں وکھائی۔ شاگرد خداوند نوں ویکھ کے خوشی نال بھر گئے۔ اُودھوں یسوع نے فیر توں کہیا، تہاڈے تے سلامتی ہووے! جیویں پیو نے میہنوں پیہجھیا اے اُونج ای، میں تہانوں پیہجھ رہیا آں۔ اُو کہہ کے اُوہنے اُوہناں تے پھونکیا تے کہیا، پاک روح پاؤ‘‘ (یوحنا 20: 19۔22)۔

یوحنا 14: 16 وِچ یسوع کہندا اے، ’’تے میں پیو توں دعا کراں گا، تے اُو تہانوں اِک ہُور تسلی دین آلا دے گا۔‘‘ ایہ سچ اے کہ شمعون پطرس نے کُجھ سمجھداری دا مظاہرہ کیتا جدوں اُوہنے کہیا کہ یسوع ای مسیح اے، لیکن چند منٹ بعد اُوہنے یسوع نوں کہیا کہ مرن دے لئی سولی تے نہ جائیں۔ میں ذاتی طور تے یقین رکھنا آں کہ جیس ویلے ساڈے خداوند نے اُوہناں تے پھونک ماری تے کہیا، ’’تُسی روح القدس حاصل کرو،‘‘ ایہ لوکی نئے سرے توں پیدا ہوئے [نیا جنم لیہیا]؛ (میگی McGee، گذشتہ گل توں منسلک ibid.، صفحہ 498؛ یوحنا 20: 21 تے غور طلب گل)۔

پطرس نوں اپنی حیاتی دے اَخیر تیکر یاد سی کہ اُو عید پاشکا دے اِتوار دی رات نوں ’’فیر توں پیدا‘‘ ہویا سی، جدوں اُوہنے مُردیاں وِچوں جی اُٹھے مسیح دا سامنا کیتا۔ ایس لئی اُوہنے پینتیکوست دے دِن جی اُٹھے مسیح دی منادی کیتی۔ ایس لئی ای مُردیاں وِچوں جی اُٹھن آلا مسیح اُوہناں دے واعظاں دا مستقل موضوع سی، اعمال دی کتاب وِچ درج اے۔ ایس لئی پطرس نے کہیا کہ خدا نے

’’خداوند یسوع مسیح دے مُردیاں وِچوں جی اُٹھن دے سبب توں اپنی وڈی رحمت نال سانوں اِک زندہ اُمید دے لئی نئے سرے توں پیدا کیتا اے‘‘ (I پطرس 1: 3)۔

جدوں تُسی یسوع مسیح دے جی اُٹھن توں فیر توں پیدا ہوندے اُو، تے تہاڈا تجربہ پطرس وگرا ہووے گا۔ اُوہنے شاگرد بنن دے لئی جدوجہد کیتی۔ اُوہنے مسیحی حیاتی لنگہان دی کوشش کیتی۔ اُو ناکام ہو گیا۔ اُو اپنی تباہ شُدہ گناہ دی فطرت دا مجرم ٹھہرایا گیا سی۔ اُو اپنے گناہ تے اذیت وِچ رویا۔ اُو دِل دے غم نال انہیرے وِچ سی۔ مسیح مُردیاں وِچوں جی اُٹھیا۔ مسیح اُوہدے کول آیا۔ پطرس ’’یسوع مسیح دے مُردیاں وِچوں جی اُٹھن نال‘‘ نئے سرے توں پیدا ہویا سی (1 پطرس 1: 3)۔ لیکن نیا جنم لین توں پہلاں، جیویں کہ آئعین ایچ میورے Iain H. Murray نے کہیا، لوکاں نوں پہلاں توں عاجز ہونا چائیدا اے‘‘ (آئعین ایچ میورے Iain H. Murray، جاناتھن ایڈورڈز: اِک نئی سوانح حیات Jonathan Edwards: A New Biography، بینر آف ٹُرتھ ٹرسٹ Banner of Truth Trust، 1992 ایڈیشن، صفحہ131)۔ تہانوں عاجز تے ٹوٹیا ہویا ہو جانا چائیدا اے۔ تہانوں اپنے مکمل اخلاقی زوال نوں محسوس کرنا چائیدا اے – تہاڈا اپنا گناہ – تہاڈی اپنی نااہلی – تہاڈی اپنی بُرائی، خدا دے غضب دی مستحق – ابدی سزا وِچ۔ جدوں تُسی اپنے گناہ دے وزن نوں بہوتی گہرائی نال محسوس کردے اُو، فیر تُسی ’’نئے جنم‘‘ دا تجربہ کر سکدے اُو۔ فیر تُسی ’’یسوع مسیح دے مُردیاں وِچوں جی اُٹھن نال … فیر توں پیدا ہو سکدے نے‘‘ (1 پطرس 1: 3)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔