Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




یوحنا دے باضابطہ اعلان تے
ویزلی دا بے مقصد حوالہ

WESLEY’S VAIN REFERENCE
TO JOHN’S PROCLAMATION
(Punjabi – A Language of Pakistan)

جناب پادری ایمریٹس ڈاکٹر آر ایل ہائیمرز جونیئر صاحب وَلّوں لکھیا گیا اِک واعظ
تے جیہدی تبلیغ پادری جیک نعان صاحب نے کیتی
بپتسمہ دین آلی چینی عبادت گاہ وِچ
خداوند دے دِن دی سویر، 15 جون، 2025
A sermon written by Dr. R. L. Hymers, Jr., Pastor Emeritus
and preached by Jack Ngann, Pastor
at the Chinese Baptist Tabernacle
Lord’s Day Morning, June 15, 2025

’’اگلے ای دِن یوحنا نے یسوع نوں اپنے وَل آندے ہوئے ویکھیا تے کہیا، ویکھو، خدا دا برّہ جیہڑا جہاں دے گناہ اُٹھا لے جاندا اے‘‘ (یوحنا 1: 29)۔


یوحنا بپتسمہ دین آلے دا بنیادی مقصد لوکاں نوں یسوع ’’خدا دے برّہ‘‘ دی نشاندہی کرانا سی۔ اُوہدا پیغام مسیح وِچ مرکوز سی۔ اپنی منادی دے انتہائی عروج تے، اُوہنے لوکاں نوں کہیا، ’’ویکھو خدا دا برّہ، جیہڑا جہاں دے گناہ اُٹھا لے جاندا اے۔‘‘

یوحنا بپتسمہ دین آلا یسوع دے بارے وِچ بہوتا کُجھ جانندا سی۔ اُو اپنی ماں الزبتھ دے ٹِیہڈھ وِچ خوشی نال اُچھل پیہیا جدوں اِلزبتھ دی رشتہ دار مریم اپنے رحم وِچ بچہ یسوع دے نال آئی (لوقا 1: 44)۔ میرا خیال اے کہ یوحنا بپتسمہ دین آلا یسوع دے نال پلیا ودھیا تے اُوہنوں چنگی طرح جانندا سی۔ اُو کئی طریقیاں نال یسوع دی تصویر کشی کر سکدا سی۔ اُو یسوع نوں اِک عظیم نبی، یا اِک عظیم اخلاقی اُستاد، یا اِک عظیم مثال کہہ سکدا سی، کیوں جے یسوع بہتیرے طریقیاں نال ایہ سب تے بہوتا کُجھ سی۔ فیر وی یوحنا نے محسوس کیتا کہ ایہناں وِچوں کوئی وی وضاحت مسیح دی بنیادی خصوصیت نوں مکمل طور تے نمایاں نئیں کردی۔ یوحنا بپتسمہ دین آلے دے لئی، یسوع دی سب توں اہم خصوصیت سی،

’’خدا دا برّہ جیہڑا جہاں دے گناہ اُٹھا لے جاندا اے‘‘ (یوحنا 1: 29)۔

’’ویکھو!‘‘ اُوہنے کہیا۔ ایہ اے ’’خدا دا برّہ جیہڑا جہاں دے گناہ اُٹھا لے جاندا اے‘‘!

جیہڑے لوکی یوحنا بپتسمہ دین آلے نوں سُن رئے سن اُو سارے یہودی لوکی سن۔ اُوہناں وِچوں ہر اِک جانندا سی کہ ’’خدا دا برّہ‘‘ دی اصطلاح دا کی مطلب اے، گھٹ توں گھٹ ظاہری طور تے۔ اُوہتھے ہروشلم وِچ ہر سویرے تے ہر شامی ہیکل وِچ اِک پیہڈھ دا بچہ قربان کیتا جاندا سی۔ تے فسح دے عظیم تہوار وِچ، ہر اپریل نوں خروج دی یاد وِچ ایک پیہڈھ دا بچہ قربان کیتا جاندا سی، اُوس ویلے، صدیاں پہلاں، جدوں خدا نے یہودیاں نوں مصر دی غلامی توں کڈیا سی۔ یوحنا پرانے عہدنامے وِچ خدا دے برّہ دے سارے حوالات نوں جانندا سی۔

یوحنا بپتسمہ دین آلے یروشلم وِچ یہودی ہیکل وِچ اِک کاہن دا پُتر سی۔ اُو پرانے عہدنامے وِچ اُوہناں ساریاں قسماں تے اعداد و شمار دے بارے وِچ جانندا سی۔ اُو جانندا سی کہ ہیکل نے اِک برّہ پیش کیتا،

’’تے خداوند نے ہابل تے اُوہدے ہدیے نوں قبول کیتا‘‘ (پیدائش 4: 4)۔

اُو جانندا سی کہ موریاہ دے پہاڑ تے ابرہام نے اضحاق نوں کی کہیا سی،

’’میرے پُتر، خدا خود ای سوختنی قربانی دے لئی اِک برّہ مہیا کرے گا‘‘ (پیدائش 22: 8)۔

اُوہنوں یاد سی کہ خدا نے موسیٰ نوں کہیا،

’’ہر اِک بندے نوں دس دے کہ ایس مہینے دے دسویں دِن ہر اِنسان اپنے آبائی خاندان دے مطابق ہر گھرانے دے لئی اِک برّہ لے آئے... تے فیر اُوہدا تھوڑا جیہا لہو لے کے اُوہناں گھراں دے بوہیاں دے دوویں بازوواں تے، تے اُوپر دی چوکھاٹ تے لگا دین … تے جدوں میں اُوس لہو نوں ویکھاں گا تے میں تہانوں چھڈدا جاواں گا تے اُوس ویلے کوئی وی مہلک وبا تہانوں ہلاک کرن دے لئی تہاڈے قریب نہ آئے گی‘‘ (خروج 12: 3، 7، 13)۔

اُو اشعیا دے ترپن ویں باب دا حوالہ دے سکدا سی،

’’او ذبح کرن دے لئی اِک برّہ وانگوں لیہایا جاندا اے‘‘ (اشعیا 53: 7)۔

اینج، یوحنا بپتسمہ دین آلے نوں ضرور معلوم ہووے گا کہ یسوع نہ صرف مسیحا سی، بلکہ اُو خدا دا برّہ وی سی جیہڑا سولی تے اپنے لہو دی قربانی دے ذریعے دُنیا نوں گناہواں توں دور کرے گا۔ تے ایویں یوحنا نے کہیا،

’’ویکھو خدا دا برّہ جیہڑا جہاں دے گناہ اُٹھا لے جاندا اے‘‘ (یوحنا 1: 29)۔

میرے تے اِک پادری توں زیادہ مبشر ہون دا اِلزام دھریا جاندا اے۔ ایہ اِک ایہو جیہا الزام اے جِنہوں میں برداشت کرن نوں تیار آں۔ ایہ میہنوں نہ صرف یوحنا بلکہ آپئے یسوع دے نال چنگی صحبت وِچ رکھدا اے۔

میں محسوس کرنا آں کہ اِتوار دے دِن میں یوحنا اصطباغی توں بہتر نئیں کر سکدا۔ اِتوار دی ایہناں عبادتاں وِچ میہنوں ’’اِک انجیلی بشارت دا کام کرنا‘‘ چائیدا اے (II تیمتھیس 4: 5)۔ ہر اتوار دی عبادت وِچ بہوتے سارے نئے گواچے ہوئے یا گمراہ ہوئے نوجوان ہوندے نے تے میں محسوس کرنا آں کہ اُوہناں نوں خوشخبری دی منادی سُنن دی لوڑ اے۔ یسوع دے ذریعے نجات تے اینج دی تبلیغ مسیحیاں نوں متاثر کردی تے حوصلہ دیہندی اے۔ ساڈے کول ہر اِتوار دی عبادت وِچ سویرے تے شامی دوویں ویلے انجیل دی دعوت ہوندی اے۔ میری منادی دے اختتام تے میری حیاتی دے اختتام تے، میری اِتوار دی تبلیغ دا عظیم موضوع باقی رئے،

’’ویکھو خدا دا برّہ جیہڑا جہاں دے گناہ اُٹھا لے جاندا اے‘‘ (یوحنا 1: 29)۔

جدوں اَسی ایس تلاوت دے بارے چہ سوچیے تے میں چاہنا آں کہ تُسی تین گلاں تے غور کرو۔

I۔ پہلی گل، یوحنا نے خود ایس سچائی دا تجربہ کیتا سی۔

اگرچہ اُوہنے اِلزبتھ دے رحم وِچ چھال لگائی جدوں اُو یسوع دی ماں دے قریب آئی، اُو ہُنے تیکر اُوہنوں خدا دے برّے تے طور تے نئیں جانندا سی۔ اِک ویلہ سی جدوں یوحنا بپتسمہ دین آلے نے کہیا، ’’میں ایہنوں نئیں جانندا‘‘ (یوحنا 1: 33)۔ سپرجیئن نے کہیا،

یوحنا یسوع نوں جانندا سی، لیکن اُوہنوں گناہ اُٹھان آلے دے طور تے نئیں جانندا سی۔ میرا خیال اے کہ اُو مقدس بچے دی حیاتی نوں جانندا ہووے گا، جیہڑا کہ اُوہدا قریبی رشتہ دار سی، جدوں کہ اُو خدا تے انسان دوواں دے حق وِچ ودھدا گیا۔ لیکن اُوہنے ہُنے تیکر اُوہدے تے تصدیقی مہر نئیں ویکھی سی جِنہے اُوہنوں خدا دے پُتر دی حیثیت نال نشان زدہ کیتا سی … لیکن اَخیرکار جدوں [یوحنا بپتسمہ دین آلے] نوں اُو ذاتی نشان لبھیا، جدوں اُوہنے [مسیح] نوں اُردن دے پانیاں وِچ غوطہ لگوایا [تے خدا نوں ایہ کہندے ہوئے سُنیا] ’’ایہ میرا پُتر اے،‘‘ اُودھوں اُو اُوہنوں جان گیا سی، تے [فیر اُوہدے بعد توں اُو] پُریقین سی۔ جدوں اُوہنے بعد چہ گل کیتی تے اُوہنے ایہ نئیں کہیا، ’’میرے خیال وِچ ایہ خدا دا برّہ اے‘‘ … نئیں، اُوہنے دلیری نال پکاریا، ’’ایہنوں ویکھو! خود ویکھو، ایہ خدا دا برّہ اے! … خدا دا برّہ ویکھو، جیہڑا دُنیا دے گناہ اُٹھا لے جاندا اے‘‘ (سی ایچ سپرجیئن C. H. Spurgeon، ’’ویکھو خدا دا برّہ Behold the Lamb of God،‘‘ میٹروپولیٹن عبادت گاہ دی واعظ گاہ توں The Metropolitan Tabernacle Pulpit، پِلگِرم پبلیشرز Pilgrim Publications، دوبارہ اشاعت 1974، جلد XXXIII، صفحہ 568)۔

میں اُمید کرنا آں تے دعا کرنا آں کہ تہاڈے وِچوں ہر اِک یسوع مسیح دا ذاتی طور تے وی تجربہ کرے۔ تہانوں یقین نال معلوم ہو جائے کہ اُو خدا دا برّہ اے جیہڑا تہاڈے گناہ ہوں اُٹھا لے جاندا اے۔ تہاڈے وِچوں کُجھ بچیاں دے طور تے ایس گل تے یقین کرن دے لئی پرورش پاندے نے کہ یسوع خدا دا برّہ اے جیہڑا گناہ نوں اُٹھا لے جاندا اے۔ دوجے اَج سویرے ایہ گل پہلی وری سُن رئے نے۔ لیکن جے تُسی ایہنوں کئی وری سُںیا اے، یا صرف اِک وری، فیر وی جو کُجھ بائبل وِچ نازل ہویا اے اُوہنوں روح القدس دے ذریعے تہانوں اپنے دِل وِچ حقیقی بنانا چائیدا اے۔ تہانوں اپنے لئی جاننا چائیدا اے کہ یسوع خدا دا برّہ اے جِنہے تہاڈے گناہ، جی ہاں، تہاڈے اپنے گناہواں نوں وی اُٹھا لیہیا اے۔

جان ویزلی دے تبدیل ہون توں پہلاں، اِک جرمن پادری نے اُوہنوں پُچھیا، ’’کی تُسی یسوع مسیح نوں جانندے اُو؟‘‘ ویزلی نے توقف کیتا تے ساڈی تلاوت دا حوالہ دیہندے ہوئے کہیا، ’’میں جاننا آں کہ اُو دُنیا دا نجات دہندہ اے۔‘‘ ’’سچ اے،‘‘ پادری نے جواب دِتا، ’’لیکن کی تُسی جانندے اُو کہ اُوہنے تہانوں نجات دلائی اے؟ ویزلی نے جواب دِتا، ’’میہنوں اُمید اے کہ اُو میہنوں نجات دلانے دے لئی مر گیا اے۔‘‘ پادری نے کہیا ’’کی تُسی اپنے آپ نوں جانندے اُو؟‘‘ ویزلی نے جواب دِتا، ’’میں جاننا آں۔ لیکن میہنوں ڈر اے کہ اُو بیکار [خالی تے جھوٹے] الفاظ سن‘‘ (جان ویزلی دی روزانہ لکھی جان آلی ڈائری The Journal of John Wesley، موڈی پریس، کوئی تاریخ نہیں، صفحہ 36-37)۔ لندن وِچ ایلڈرس گیٹ سٹریٹ وِچ دو وریاں توں بوہتا عرصہ لنگ چکیا سی کہ جان ویزلی بیدار حالت وِچ، گناہ دی سزایابی دے تحت، چلے گئے۔

… جیتھے کوئی بندہ لوتھر دا رومیوں دے لئی خط دا دیباچہ پڑھ رہیا سی۔ نو توں تقریباً اِک چوتھائی پہلاں، جدوں اُو ایس تبدیلی نوں بیان کر رہیا سی جیہدے نال خدا مسیح وِچ ایمان دے ذریعے دِل توں عمل کراندا اے، میں اپنے دِل وِچ اِک عجیب جئی پُرجوش حدت محسوس کیتی۔ میں محسوس کیتا کہ میں مسیح تے پروہسا کیتا اے … تے میہنوں اِک یقین دہانی کرائی گئی، کہ اُوہنے میرے گناہواں نوں دور کر دِتا، مجھ وگرے دے گناہواں نوں وی، تے میہنوں گناہ تے موت دی شریعت توں نجات دلائی (جان ویزلی دے کارنامے The Works of John Wesley، بیکر بک ہاؤس، 1979 دوبارہ اشاعت، جلد اول، صفحہ 103)۔

ویزلی نے یوحنا دے اعلان نوں مذید بیکار نئیں دہرایا۔ ہُن اُوہنے کہیا، ’’میں محسوس کیتا کہ میں مسیح تے پروہسا کیتا … اُو میرے گناہواں نوں اُٹھا لے گیا، ایتھوں تیکر کہ مجھ وگرے دے وی۔‘‘ اینج، یوحنا بپتسمہ دین آلے نے خود یسوع نوں گناہ اُٹھان آلے دے طور تے ویکھیا، تے اعلان کیتا،

’’میں ویکھیا، تے گواہی دِتی کہ ایہ خدا دا پُتر اے‘‘ (یوحنا 1: 34)۔

II۔ دوجی گل، یوحنا نے یسوع نوں اِک برّہ دے طور تے بیان کیتا۔

اُس نے کہیا،

’’ویکھو اُو خدا دا برّہ جیہڑا جہاں دے گناہ اُٹھا لے جاندا اے‘‘ (یوحنا 1: 29)۔

ایہ ایویں سی جیویں یوحنا اصطباغی نے اَگے [مستقبل] وِچ، جنت وِچ ویکھیا تے کہیا،

’’خدا دا تخت تے اُو بّرہ‘‘ (مکاشفہ 22: 3)۔

تے ایہ اینج ای اے جیویں اُوہنے جنت وِچ لوکاں دے اُوس وڈے ہجوم نوں ویکھیا تے رسول نال اتفاق کیتا،

’’ایہ اُو نے جِنہاں نے … اپنے کپڑے دھوئے تے خود نوں اُوس برّہ دے لہو نال سفید کیتا‘‘ (مکاشفہ 7: 14)۔

آپئے یسوع نے کہیا،

’’میرے وسیلے توں بغیر کوئی باپ دے کول نئیں آندا‘‘ (یوحنا 14: 6)۔

ایہ اینج کیوں اے؟ کیوں کہ مسیح تنہا اے

’’خدا دا برّہ جیہڑا جہاں دے گناہ اُٹھا لے جاندا اے‘‘ (یوحنا 1: 29)۔

III۔ تیجی گل، یوحنا نے یسوع نوں خدا دی قربانی دے طور تے بیان کیتا۔

اُوہنے یسوع نوں ’’خدا دا برّہ‘‘ کہیا۔ یسوع خدا دا برّہ اے۔ اُو برّہ اے جِنہوں خدا نے آپئے فراہم کیتا اے، تے تہانوں گناہ دے جرم تے طاقت توں نجات دلان دے لئی سولی تے مرن دے لئی پیہجھیا اے۔ یسوع ’’گواچے ہوئیاں نوں لبھہن تے بچان دے لئی آیا‘‘ (لوقا 19: 10)۔ ایہ تُسی اُو! یسوع تہانوں تہاڈے گناہواں توں خدا دی نظر وِچ بچان دے لئی آیا سی۔ ساری بائبل وِچ سب توں پیاری آیت کہندی اے،

’’کیوں جے خدا نے دُنیا نال ایہو جئی محبت رکھی کہ اُوہنے اپنا اِکلوتا پُتر بخش دِتا، تاکہ جیہڑا کوئی اُوہدے تے ایمان لیہیائے ہلاک نہ ہووے بلکہ ہمیشہ دے حیاتی پائے‘‘ (یوحنا 3: 16)۔

پولوس رسول نے کہیا،

’’یسوع مسیح: جِںہوں خدا نے مقرر کیتا کہ اُو اپنا لہو وگائے تے انسان دے گناہ دا کفارہ بن جائے‘‘ (رومیوں 3: 24-25)۔

’’کفاراتی رضاجوئیpropitiation‘‘ توں مُراد خدا دے غضب دی تسکین اے۔ یسوع نوں خدا وَلوں پیہجھیا گیا سی تاکہ اُو خدا دے غضب نوں تسکین یا تشفی دے سکے۔ ’’خدا نے دُنیا نال ایہنی محبت کیتی کہ اُوہنے تہاڈے سارے گناہ دے خلاف اُوہدے غضب نوں مطمئن کرن، تشفی دین تے پرسکون کرن دے لئی یسوع نوں پیہجھیا‘‘ (یوحنا 3: 16)۔ مسیح دی مصلوبیت دے بغیر تہاڈے گناہ دا سارا بوجھ تہاڈے اپنے موڈھیاں تے ہووے گا تے بجا طور تے مستقبل وِچ، خدا تہانوں تہاڈے گناہ دے لئی جہنم وِچ سُٹّے گا۔ لیکن یسوع نے خدا دے راست فیصلے نوں اپنے اُوتے لے لیہیا، تے تہاڈی تھاں خدا وَلوں سزا پائی، تاکہ خدا دی شریعت تے انصاف نوں پورا کیتا جا سکے۔ خدا عادل نئیں ہو سکدا جے اُو گناہ دی سزا نئیں دیہندا – تے ایس لئی خدا نے انسان دے گناہ نوں یسوع تے سُٹ دِتا،

’’اُو آپئے ساڈے گناہواں نوں اپنے پینڈے تے چُکے ہوئے سولیتے چڑھ گیا‘‘ (I پطرس 2: 24)۔

قطعی طور تے ایہ یہودی تے پیلاطُس نئیں سن جِنہاں نے یسوع نوں سولی تے مرن دے لئی پیہجھیا سی۔ درحقیقت، اُو صرف انسانی آلات سن جِنہاں نوں خدا نے استعمال کیتا سی – کیوں جے ایہ خدا ای سی جِنہے یسوع نوں ساڈی تھاں مرن دے لئی پیہجھیا، تاکہ گنہگار مرداں تے عورتاں دوواں دا اُو انصاف دِلان آلا تے انصاف کرن آلا ہووے۔ جدوں کیلاں نوں اُوہدے ہتھاں وِچ ٹھوکیا گیا تے ایہ خدا ای سی جِنہے ہتھوڑے نوں حرکت دِتی جیس نے اُوہدے ہتھ چھیدے۔ جدوں کوڑے نے اُوہدی پیٹھ تے وڈے وڈے لوتھڑیاں نوں اُدھیڑیا، تے ایہ خدا ای سی جیس نے کوڑے مارن آلے نوں یسوع نوں مارن دے لئی تحریک دِتی جدوں تیکر کہ اُو اَدھموا نئیں ہو گیا۔

’’فیر وی ایہ خدا دی مرضی سی کہ اُوہنوں کُچلے تے غمگین کرے تے حالانکہ خدا اُوہدی جان نوں گناہ دی قربانی قرار دیہندا اے‘‘ (اشعیا 53: 1-0)۔

خدا یسوع دے نال اینج کیوں کرے گا؟ گناہ دے لئی اُوہدی راست نفرت نوں اُوسی نال پورا کرے، تے نال ای ایمان لیہیان آلے گنہگار نوں آزاد کرن دے لئی، کیوں جے یسوع اُوہدی تھاں تے کِھلوتا سی، تے یسوع نوں اُو تکلیف تے اذیت ملی سی جیہڑی گنہگار نوں ملنی چائیدی سی۔ لیکن خدا دی رحمت نال یسوع قربانی دا بکرا سی، جِنہے سزا پائی سی، تاکہ مسیح وِچ ایمان لیہیا کےتبدیل ہویا گنہگار آزاد ہو سکے تے کوئی سزا نہ پائے – کیوں جے یسوع نوں اُوہدی تھاں تے سزا دِتی گئی سی۔ ’’کی کہیا؟‘‘ تُسی کہندے اُو، ’’یسوع نوں میرے گناہواں دی سزا ملی؟‘‘ جی ہاں، تے گتسمنی دی ہولناکیاں توں لنگہن دے لئی اُوہدی رضامندی، کوڑے کھان، تے سولی نوں سہنا اُوہدی رضامندی نوں ظاہر کردا اے کہ یسوع تہاڈے نال کیہنا پیار کردا اے۔ جے اُو تہاڈی پرواہ نہ کردا تے اُو چلا جاندا تے تہانوں جہنم وِچ جان دِتا جاندا۔ لیکن تہاڈے لئی اُوہدی عظیم محبت نے اُوہنے سولی تے پیہجھیا تاکہ اُو خدا دی مرضی تے مقصد نال اذیت دا شکار ہووے تے مصلوب ہووے – کیوں جے خدا جانندا سی کہ اُوہدے پُتر نوں ہولناک طور تے زیادتی دا نشانہ بنایا جانا سی تے سولی تے کیلاں نال جڑیا جانا سی، ایہناں سارے گناہواں دی ادائیگی دے لئی جیہڑے ساڈے دِلاں وِچ نے، تے خدا دے ریکارڈ تے، تے سانوں اپنے قیمتی لہو نال پاک کرن دے لئی۔

’’ویکھو خدا دا برّہ،‘‘

کیوں جے اُو ابتداء توں انتہا تیکر خدا دا برّہ اے۔ تے خدا نے اُوہنوں تہاڈے گناہ دے لئی مصلوب ہون، اُوہدی ادائیگی، کفارہ دین، اُوہدی قیمت ادا کرن، تے تہاڈے گناہواں دے لئی تہاڈے تے خدا دے غصے نوں تشفی دین دے لئی پیہجھیا – دوویں گناہواں دے بارے وِچ لوکی جانندے نے، تے جِنہاں دے بارے وِچ خداوند دے سِوا کوئی نئیں جانندا، تے اُو گناہ وی جیہڑا سانوں آدم توں وراثت وِچ ملیا اے۔ یسوع ایس قرض نوں ادا کرن دے لئی مرن دے لئی آیا سی جیہڑا اَسی اپنے دِلاں وِچ تے حیاتیاں وِچ گناہ دے لئی خدا نوں ادا کرنے آں، تے اُو گناہ جیہڑا سانوں آدم توں وراثت وِچ ملیا اے۔

’’ویکھو خدا دا برّہ جیہڑا جہاں دے گناہ اُٹھا لے جاندا اے،‘‘

یسوع نے آپئے، گناہ دا بوجھ چُکن، بے دردی نال پیٹے جان، اِک ہولناک موت مرن نال، ساڈی نجات نوں محفوظ بنان دے لئی ایہ گلاں کیتیاں۔ اُو سولی تے چڑھائے جان دے لئی گیا تاکہ خدا دے غضب نوں ٹھنڈا کر سکے تے ساڈے وِچوں گناہ دے قصور نوں دور کر سکے۔ خونی تے ہولناک درد توں لنگہن دے اُوس دی پوری وجہ، ساڈے متبادل دے طور تے، ساڈی روحواں نوں عذاب توں بچانا سی – کیوں جے اُوہنے ساڈی سزا، ساڈی تھاں، سانوں سزا توں آزاد کرن دے لئی ادا کیتی۔

’’کیوں جے خدا نے پُتر نوں دُنیا وِچ ایس لئی نئیں پیہجھیا کہ دُںیا نوں سزا دا حکم سُنائے بلکہ ایس لئی کہ دںیا نوں اُوہدے وسیلے توں نجات بخشے‘‘ (یوحنا 3: 17)۔

کیہو جیہا شاندار نجات دہندہ! تے، میں تہانوں یقین دلانا آں، میں ایس لفظ نوں روزمرہ دی بول چال وِچ استعمال نئیں کرنا آں۔ لیکن ایہ یسوع نوں بیان کرن دے لئی استعمال کیتا جانا چائیدا اے، کیوں جے اُو ہولناک گناہ اُٹھان آلا اے۔ لیکن ایس گمراہ کُن نزول پزیر دُنیا وِچ زیادہ تر شیواں دے لئی ’’ہولناک‘‘ استعمال کرنا اِک مذاق اے۔ ایہ سب کُجھ تے مذید بہوتا کُجھ یوحنا نے سادہ الفاظ وِچ لوکاں نوں منادی کیتی۔

جدوں میں چھوٹا سی تے میں اِک کیتھولک گرجا گھر وِچ یسوع دا مجسمہ ویکھیا۔ اُو لہو نال ڈھکیا ہویا سی، اپنی سولی اُٹھائے ہوئے سی۔ صرف وریاں بعد میں دریافت کیتا کہ اُوہنے میہنوں میرے قصور تے گناہ توں بچان دے لئی اینج کیتا۔ میں یسوع دی لہو وگا دین آلی قربانی دے علاوہ انساناں دے لئی نجات پان دا کوئی دوجا راستہ نئیں جانندا، ’’خدا دا برّہ، جیہڑا دُںیا دے گناہ اُٹھا لے جاندا اے۔‘‘

تے میں اَج دی سویرے تہانوں یسوع دے کول آن دے لئی بُلانا آں۔

’’اُوتے آسمان وِچ اُٹھا لیہیا گیا سی تے جیہڑا خدا دے داہنے سَجھے ہتھ تے بیٹھا اے‘‘ (مرقس 16: 19)، اپنے آسمان تے اُٹھائے جان دے موقع تے اُوس جلالی تھاں تے جِنہوں جنت کہندے نے۔

اُوہدے قدماں وِچ ڈِگ جاؤ۔ اُوہدے کول آؤ۔ اُوہدا کفارہ دین آلا لہو تہاڈے گناہواں نوں صاف کر دے گا تے تہانوں یسوع دے ذریعے ہمیشہ تے ہمیشہ دے لئی نجات دِتی جائے گی، دُنیا دی انتہا تیکر۔ ہائے، اُوہدے وَل ویکھو! اُوہدے کول آؤ،

’’خدا دا بّرہ جیہڑا جہان دے گناہ اُٹھا لے جاندا اے‘‘ (یوحنا 1: 29)۔

جنت وِچ اُوہدے کول آؤ، جیتھے اُو ہُنے وی گتسمنی دے لہو آلودہ لباس پائے ہوئے کِھلوتا ہے، اُوہدے کوڑے، تے سولی، کیوں جے اُو ہنے ’’لہو وِچ ڈُوبی ہوئی پوشاک پائے ہوئے‘‘ اے (مکاشفہ 19: 13)۔ تے جدوں تُسی یسوع دے کول آؤ گے، تے اُو تہاڈے گناہواں نوں دور کر دے گا، ایتھوں تیکر کہ تہاڈے، تے تُسی اُوہدے لہو نال مکمل طور تے پاک ہو جاؤ گے، جیہڑا تہاڈے گناہواں نوں، ایتھوں تیکر کہ تہاڈے گناہواں نوں وی دور کر دے گا، تے تہانوں نجات دلائے گا، جیویں کہ ویزلی نے کہیا، ’’گناہ تے موت دی شریعت توں۔‘‘

کی شے میرے گناہ نوں دھو سکدی اے؟
   کُج وی نئیں ماسوائے یسوع دے لہو دے؛
کی شے مینوں فیر مکمل کر سکدی اے؟
   کُج وی نئیں ماسوائے یسوع دے لہو دے۔
اوہ! کیس قدر قیمتی اے اُو بہاؤ
   جیہڑا مینوں برف دے وانگوں سفید بناندا اے؛
کوئی دوجا چشمہ میں نئیں جانندا،
   کُج وی نئیں ماسوائے یسوع دے لہو دے۔
(’’کچھ وی نئیں ماسو ائے لہو دے Nothing But the Blood‘‘ شاعر رابرٹ لوری Robert Lowry، 1826۔1899).

’’خدا دا برّہ جیہڑا جہاں دے گناہ اُٹھا لے جاندا اے‘‘ (یوحنا 1: 29)۔

ایہو ای اے اُو طریقہ کہ تُسی اِک حقیقی مسیحی بن جاندے اُو۔ یسوع دے کول آؤ، تے اَسی دعا کرنے آں کہ شیطان تے اُوہدے سارے شیاطین تہانوں اینج کرن توں نئیں روک سکن گے۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

یوحنا دے باضابطہ اعلان تے
ویزلی دا بے مقصد حوالہ

WESLEY’S VAIN REFERENCE
TO JOHN’S PROCLAMATION

ڈاکٹر آر ایل ہائیمرز جونیئر وَلّوں
by Dr. R. L. Hymers, Jr.

’’اگلے ای دِن یوحنا نے یسوع نوں اپنے وَل آندے ہوئے ویکھیا تے کہیا، ویکھو، خدا دا برّہ جیہڑا جہاں دے گناہ اُٹھا لے جاندا اے‘‘ (یوحنا 1: 29)۔

(لوقا 1: 44؛ پیدائش 4: 4؛ 22: 8؛ خروج 12: 3، 7، 13؛
اشعیا 53: 7؛ II تیمتھیس 4: 5)

I۔   پہلی گل، یوحنا نے خود ایس سچائی دا تجربہ کیتا، یوحنا 1: 33، 34۔

II۔  دوجی گل، یوحنا نے یسوع نوں صرف برّہ دے طور تے بیان کیتا،
مکاشفہ 22: 3؛ 7: 14; اعمال 4: 12؛ یوحنا 14: 6۔

III۔ تیجی گل، یوحنا نے یسوع نوں خدا دی قربانی دے طور تے بیان کیتا،
لوقا 19: 10؛ یوحنا 3: 16؛ رومیوں 3: 24-25؛ 1 پطرس 2: 24؛
اشعیا 53: 10؛ مرقس 16: 19; یوحنا 3: 17؛ مکاشفہ 19: 13۔