ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

میں عام طور تے نِکّی جئی اِک تلاوت توں وضاحتی یا تفسیراتی واعظاں دی تبلیغ کرنا آں، جیویں کہ ساڈے بپتمسہ دین آلے آباؤ اِجداد سمیت پیوریٹن نے کیتا سی۔ میرے خیال وِچ تبلیغ دا ایہو ای بہترین طریقہ اے۔ لیکن میہنوں کوئی وجہ نظر نئیں آندی کہ اِک پادری بعض اوقات اُو نئیں دے سکدا جِنہوں پرانے زمانے دے لوکی ’’مطالعۂ بائبل‘‘ کہندے سن۔ جے تُسی بائبل وِچ کئی مختلف مقامات تے نظر پاؤ، تے اُوہناں نے ایہنوں ’’واعظ‘‘ نئیں کہیا۔ اُوہناں نے ایہنوں ’’مطالعۂ بائبل‘‘ کہیا۔ میں ایس طریقہ نوں ترجیح نئیں دیہندا، لیکن میں سمجھنا آں کہ ایہنوں بعض وری استعمال کرنا ضروری اے، جیویں کہ میں زمین تے مسیح دی منادی دے اَخیرلے حصے دے ایس پہلے واعظ وِچ کر رہیا آں۔ میں واقعات دے ترتیب دی پیروی کر رہیا آں، جیویں کہ 1905 وِچ چارلس سکرائبنر دے پُتراں، ولیم آرنلڈ سٹیونز تے ارنسٹ ڈیوِٹ برٹن کے ذریعے لکھی گئی اناجیل دی ہم آھنگی A Harmony of the Gospels دے صفحات 11، اور 164۔178 وِچ دِتا گیا اے۔

یسوع نے شاگرداں دے سامنے ایہ بالکل واضح کر دِتی کہ اُو مصلوب ہون دے لئی یروشلم جا رہیا اے۔ اپنی بائبل وِچ متی 20: 17۔19 آیات نوں کھولو۔

’’تے یروشلیم جاندے ویلے یسوع نے بارہ شاگرداں نوں الگ لے جا کے راستے وِچ اُوہناں نوں کہیا: ویکھو! اَسی یروشلم جا رئے آں جیتھے اِبنِ آدم سردار کاہناں تے شریعت دے عالمین دے حوالہ کیتا جائے گا۔ اُو اُوہدے قتل دا حکم صادر کر کے اُوہنوں غیر یہودیاں دے حوالہ کر دین گے تے اُو ابنِ آدم دی ہنسی اُڑان گے، اُوہنوں کوڑے مارن گے تے سولی تے چڑھا دین گے لیکن اُو تیجے دِن زندہ کیتا جائے گا‘‘ (متی 20: 17۔19)

جدوں اُو یروشلم وَل سفر کر رئے سن تے یسوع بیت عنیاہ پہنچیا۔ براہ کرم یوحنا 11: 1۔54 آیتاں نوں کھولو تے توجہ دیو۔

’’ہُن اِک آدمی جیہدا ناں لعزر سی بیمار پیہیا سی۔ اُو بیت عنیاہ وِچ رہندا سی جیہڑا کہ مریم تے اُوہدی بہن مارتھا دا پِنڈ سی۔ ایہ مریم جیہدا بھہرا لعزر بیمار پیہیا سی اُوہی عورت سی جِنہے خداوند [یسوع] دے سر تے عِطر پایا سی تے اپنے والاں نال اُوہدے پاؤں پونجھے سن۔ اُوہناں دوواں بہناں نے یسوع وَل پیغام پیہجیا کہ اے خداوند جِنہوں توں پیار کردا اے بیمار پیہیا اے۔ جدوں یسوع نے ایہ سُنیا تے کہیا کہ ایہ بیماری موت دے لئی نئیں بلکہ خدا دا جلال ظاہر کرن دے لئی اے تاکہ ایہدے ذریعے خدا دے پُتر دا جلال وی ظاہر ہووے۔ یسوع مارتھا نال، اُوہدی بہن مریم تے لعزر نال محبت رکھدا سی۔ فیر وی جدوں اُوہنے سُنیا کہ لعزر بیمار اے تے اُو اُوسی تھاں جیتھے اُو سی دو دِن ہُور ٹھہریا رئیا۔ فیر اُوہنے اپنے شاگرداں نوں کہیا، آؤ اَسی واپس یہودیہ چلیے۔ اُوہناں نے کہیا لیکن اے ربّی! ہونے تھوڑی دیر پہلاں یہودی تیہنوں سنگسار کرنا چاہندے سن تے فیر وی توں اُوتھے جانا چاہندا اے؟ یسوع نے جواب دِتا: کی دِن وِچ بارہ گھنٹے نئیں ہوندے؟ جیہڑا آدمی دِن وِچ ٹردا اے ٹھوکر نئیں کھاندا، ایس لئی کہ اُو دُنیا دی روشنی ویکھ سکدا اے۔ لیکن جے اُو رات دے ویلے ٹردا اے تے انہیرے دی وجہ توں ٹھوکر کھاندا اے۔ جدوں اُو ایہ گلاں کہ چکیا تے شاگرداں نوں کیہن7 لگیا: ساڈا دوست لعزر سو گیا اے لیکن میں اُوہنوں جگانے جا رہیا آں۔ اُوہدے شاگرداں نے کہیا: اے خداوند! جے اُوہنوں نیندر آ گئی اے تے اُوہدی حالت بہتر ہو جائے گی۔ یسوع نے لعزر دی موت دے بارے وِچ کہیا سی لیکن اُوہدے شاگرداں نے سمجھیا کہ اُوہدا مطلب آرام دی نیندر نال اے۔ لہٰذا اُوہنے اُوہناں نوں صاف لفظاں وِچ دسیا کہ لعزر مر چکیا اے تے میں تہاڈی خاطر خوش آں کہ اُوتھے موجود نئیں سی۔ ہُن تُسی میرے تے ایمان لیہیاؤ گے۔ لیکن آؤ اُوہدے کول چلیے۔ فیر توما (جِنہوں توام وی کہندے سی) باقی شاگرداں نوں کیہن لگیا: آؤ اَسی لوکی وی چلیے تاکہ اُوہدے نال مر سکیے۔ اُوتھے پہنچن تے یسوع نوں معلوم ہویا کہ لعزر نوں قبر وِچ رکھے چار دیہاڑے لنگ چکے نے۔ بیت عنیاہ یروشلیم توں قریباً دو میل دے فاصلے تے سی تے بہوتی سارے یہودی مارتھا تے مریم نوں اُوہناں دے بھہرا دی وفات تے تسلی دین دے لئی آئے سن۔ جدوں مارتنھا نے سُنیا کہ یسوع آ رہیا اے تے اُو اُوہنوں ملن دے لئی باہر نکلی لیکن مریم گھر وِچ ای رئی۔ مارتھا نے یسوع نوں کہیا: اے خداوند! جے توں ایتھے ہوندا تے میرا بھہرا نہ مردا۔ لیکن میں جاننی آں کہ ہُنے وی توں جو کُجھ خدا کولوں منگے گا اُو تیہنوں دے گا۔ یسوع نے اُوہنوں کہیا: تیرا بھہرا فیر توں جی اُٹھے گا۔ مارتھا نے جواب دِتا: میں جاننی آں کہ اُو آخیرلے دِن قیامت دے ویلے جی اُٹھے گا۔ یسوع نے اُوہنوں کہیا: قیامت تے حیاتی میں آں۔ جیہڑا میرے تے ایمان رکھدا اے اُو مرن دے بعد وی زندہ رئے گا تے جیہڑا کوئی زندہ اے تے میرے تے ایمان لیہاندا اے کدی نہ مرے گا۔ کی توں اُوہدے تے ایمان رکھدی اے۔ مارتھا نے جواب دِتا: ہاں خداوند! میرا ایمان اے کہ توں خدا دا پُتر مسیح اے جیہڑا دُنیا وِچ آں آلا سی۔ جدوں اُو ایہ گل کہہ چکی تے واپس گئی تے مریم نوں الگ بُلا کے کیہن لگی: اُستاد آ گیا اے تے تیہنوں بُلا رہیا اے۔ جدوں مریم نے ایہ سُنیا تے اُو چھیتی نال اُٹھی تے یسوع نوں مِلن ٹُر پیہئی۔ یسوع ہُنے گاؤں وِچ داخل وی نئیں ہویا سی بلکہ ہُنے اُوسی تھاں سی جیتھے مارتھا اُوہنوں ملی سی۔ جدوں اُوہناں یہودیاں نے جیہڑے گھر وِچ مریم دے نال سن تے اُوہنوں تسلی د ے رئےسن ویکھیا کہ مریم چھیتی نال اُٹھ کے باہر ٹُر گئی اے تے اُو وی اُوہدے پیچھے گئے کہ شاید اُو ماتم کرن دے لئی قبر تے جا رئی اے۔ جدوں مریم اُوس تھاں پہنچی جیتھے یسوع سی تے اُوہنوں ویکھ کے اُوہدے پیراں وِچ ڈِگ پیہئی تے کیہن لگی: خداوند! جے توں ایتھے ہوندا تے میرا بھہرا نہ مردا۔ جدوں یسوع نے اُوہنوں تے اُوہدے نال آئے ہوئے یہودیاں نوں روندیاں ہوئے ویکھیا تے دِل چہ بہوتا رنجیدہ ہویا۔ تے پُچھیا: تُسی لعزر نوں کیتھے رکھیا اے؟ اُوہناں نے کہیا: خداوند! ساڈے نال آ تے خود ای ویکھ لے: ویکھیا، لعزر اُوہنوں کیس قر عزیز سی۔ لیکن اُوہناں وِچوں بعض نے کہیا: کی ایہ جِنہے انّہیاں دی اَکھاں کھولیاں، ایہناں وی نہ کر سکیا کہ لعزر نوں موت توں بچا لیہندا؟ یسوع دُکھے ہوئے دِل دے نال قبر تے آیا۔ ایہ اِک غار سی جیہدے مُنہ تے پتھر رکھیا ہویا سی۔ یسوع نے کہیا: پتھر نوں ہٹا دیو۔ مارتھا جیہڑی لعزر دی بہن سی کیہن لگی: اے خداوند! اُوہدے وِچوں تے بدبو آن لگی اے کیوں جے اُوہنوں قبر وِچ چار دیہاڑے لنگ چکے نے۔ ایہدے تے یسوع نے کہیا: کی میں نئیں کہیا سی کہ جے تیرا ایمان ہووے گا تے توں خدا دا جلال ویکھے گی؟ پس اُوہناں نے پتھر نوں دور ہٹایا تے یسوع نے اَکھاں تاں چُک کے کہیا: اے باپ! میں تیرا شکر گزار آں کہ توں میری سُن لئی اے۔ میں جاننا آں کہ توں ہمیشہ میری سُنندا اے لیکن میں ایہناں لوکاں دی خاطر جیہڑے چاروں پاسے کِھلوتے ہوئے نے ایہ کہیا سی تاکہ ایہ وی ایمان لیہیان۔ ایہ کیہن دے بعد یسوع نے اُوچی واج نال پکاریا: لعزر باہر نکل آ! تے اُو مُردہ لعزر نکل آیا، اُوہدے ہتھ تے پیر کفن نال بنّہے ہوئے سن تے چہرے تے اِک رومال لپٹیا ہویا سی۔ یسوع نے اُوہناں نوں کہیا: ایہنوں کھول دیو تے جان دیو۔ بہتیرے یہودی جیہڑے مریم نوں مِلن آئے سن یسوع دا معجزہ ویکھ کے اُوہدے تے ایمان لیہیائے۔ لیکن اُوہناں وِچوں بعض نے فریسیاں دے کول جا کے جو کُجھ یسوع نے کیتا سی، اُوہناں نوں دَس دِتا۔ فیر سردار کاہناں تے فریسیاں نے عدالتِ عالیہ دا اِجلاس طلب کیتا تے کیہن لگے: اَسی کی کر رئے آں؟ ایہ آدمی تے ایتھے معجزیاں تے معجزے کیتی جا رہیا اے۔ جے اَسی ایہنوں ایویں ای چھڈ دیاں گے تے سارے لوکی اُوہدے تے ایمان لے آن گے تے رومی حکمران ایتھے آ کے ساڈی ہیکل تے ساڈی قوم دوواں تے قبضہ جما لین گے۔ فیر اُوہناں وِچوں اِک جیہدا ناں کائفا سی تے جیہڑا اُوس سال سردار کاہن سی، کیہن لگا: تُسی لوکی کُجھ نئیں جانندے۔ تہانوں معلوم ہونا چائیدا اے کہ بہتر ایہ اے کہ لوکاں دی خاطر اِک شخص مارا جائے نہ کہ ساری قوم ہلاک ہووے۔ ایہ گل اُوہنے اپنے وَلوں نئیں کہی سی بلکہ اُوس سال دے سردار کاہن دی حیثیت نال اُوہنے پیش گوئی کیتی سی کہ یسوع ساری یہودی قوم دے لئی اپنی جان دیوے گا۔ تے صرف یہودی قوم دے لئی ای نئیں بلکہ ایس لئی وی کہ خدا دے سارے فرزنداں نوں جیہڑا تھاں تھاں وِکھرے ہوئے نے جمع کر کے واحد قوم بنا دے۔ پس اُوہناں نے اُوس دِن توں یسوع دے قتل دا منصوبہ بنانا شروع کر دِتا۔ ایہدے نتیجہ وِچ یسوع نے یہودیاں وِچ سرِعام گھومنا پھرنا چھڈ دِتا تے بیابان دے نیڑے دے علاقہ وِچ افرائیم نامی شہر نوں چلا گیا تے اُوتے اپنے شاگرداں دے نال رہن لگا‘‘ (یوحنا 11: 1۔54)

میں ایہ پورا حوالہ پڑھیا اے کیوں جے میرے خیال وِچ ایہ تنقیدی اے۔ سانوں ایہ سمجھن دی لوڑ اے کہ کیویں لعزر دی پرورش نے سردار کاہناں تے فریسیاں دے ردعمل نوں متحرک کیتا۔ اُوہناں نے اُوس ویلے توں اُوہنوں قتل کرن دا منصوبہ بنایا۔

ایہدے بعد یسوع بیت عنیاہ توں نِکلیا تے شمال وَل افرائیم چلا گیا جیویں کہ سانوں یوحنا 11: 54 وِچ دسیا گیا اے۔ فیر اُوہنے سامریہ توں ہوندے ہوئے گلیل دے کنارے، فیر مشرق وِچ پیریہ، فیر جنوب وِچ یریحو تیکر، یروشلم دے شمال مشرق وِچ تھوڑے فاصلے تے اِک چکر لگایا۔ جدوں اُو یریحو پہنچیا، تے اُوہنے دو انّہے بندیاں نوں شفا بخشی، جیویں کہ سانوں متی 20: 29-34 وِچ دسیا گیا اے۔ مرقس صرف ایہناں دوواں وِچوں بوہتا نمایاں، انّہے برتمائی دا ذکر کردا اے، جِنہے یسوع نوں پکاریا۔ مرقس 10: 46-52 نوں کھولو۔

تے فیر اُو یریحو وِچ آئے: تے جدوں اُو تے اُوہدے شاگرد لوکاں دی اِک بھیڑ دے نال یریحو توں باہر نکل رئے سن تے اِک انّہا بھکاری برتمائی یعنی تمائی دا پُتر راہ دے کنارے بیٹھا ہویا سی۔ جیویں ای اُوہنوں پتہ چلیا کہ یسوع ناصری اُوتھے اے تے اُو چِلّا چلا کے کیہن لگا: اے یسوع، ابنِ داؤد! میرے تے رحم کر! لوکی اُوہنوں ڈانٹن لگے کہ چُپ ہو جا، شور نہ کر! مگر اُو ہُور بہوتی شور نال چلانے لگا کہ اے ابنِ داؤد میرے تے رحم کر! یسوع نے رُک کے کہیا: اُوہنوں بلاؤ۔ چنانچہ اُوہناں نے انّہے نوں واج دِتی تے کہیا: خوش ہو جا، اُٹھ، یسوع تیہنوں بُلا رہیا اے۔ اُوہنے اپنی گدڑی اُتار سُٹی تے اُچھل کے کِھلو گیا تے یسوع دے کول آ گیا۔ یسوع نے اُوہنوں پُچھیا: بتا میں تیرے لئی کی کراں؟ انّہے نے جواب دِتا: اے خداوند! میں چاہنا آں کہ میں ویکھن لگاں۔ یسوع نے اُوہنوں کہیا: جا تیرے ایمان نے تیہنوں چنگا کر دِتا اے۔ اُو اُوسی ویلے بینا ہو گیا تے راستے تے یسوع دے پیچھے ہو لیا‘‘ (مرقس 10: 46۔ 52)۔

اگلی گل جیہڑی یریحو وِچ ہوئی اُو زکائی دی تبدیلی سی۔ براہِ کرم لوقا 19: 1-10 نوں کھولو تے توجہ دیو۔

’’تے یسوع یریحو وِچ داخل ہو کے جا رہیا سی۔ اُوتھے اِک آدمی سی جیہدا ناں زکائی سی۔ اُو محصول لین آلیاں دا افسر سی تے کافی دولتمندی سی۔ اُو یسوع نوں ویکھن دا خواہشمند سی لیکن اُوہدا قد چھوٹا سی، ایس لئی اُو ہجوم وِچ یسوع نوں ویکھ نئیں سکدا سی۔ لہٰذا اُو دوڑ کے اَگے ٹُر گیا تے گولڑ دے اِک پیڑ تے چڑھ گیا تاکہ جدوں یسوع اُوس تھاں توں لنگہے تے اُو اُوہنوں اُوتوں ویکھ سکے۔ جدوں یسوع اُوس تھاں پہنچیا تے اُوہنے اُوتے ویکھ کے اُوہنوں کہیا: اے زکائی چھیتی نال ہیٹاں اُتر آ کیوں جے اَج تیرے گھر میں مہمان بن کے آن آلا آں۔ پس اُو فوراً ہیٹاں اُتر آیا تے یسوع نوں خوشی خوشی اپنے گھر لے گیا۔ ایہ ویکھ کے سارے لوکی بڑبڑان لگے کہ ایہ اِک گنہگار دا مہمان جا بنیا اے۔ زکائی نے کِھلو کے خداوند نوں کہیا: ویکھ! میں اپنا اَدھا مال غریباں نوں دیہناں آں تے جے میں دھوکے نال کسی دا کُجھ لیہیا اے تے اُوہدے چوگنا واپس کرنا آں۔ یسوع نے اُوہنوں کہیا: اَج ایس گھر وِچ نجات آئی اے کیوں جے ایہ وی ابراہام دا پُتر اے۔ تے ابنِ آدم گم شدہ نوں لبھہن تے بچان آیا اے‘‘ (لوقا 19: 1۔10)۔

نابینا آدمی دی شفایابی تے زکائی دی تبدیلی دوویں نجات دیاں تصویراں نے۔ یسوع نے انّہے برتمائی نوں کہیا،

’’جا تیرے ایمان نے تیہنوں چنگا کر دِتا اے‘‘ (مرقس 10: 52)۔

یسوع وِچ ایمان نجات دلاندا اے۔ زکائی وی سانوں ایہو ای گل ظاہر کردا اے۔ لوقا 19: 6 نوں ویکھو،

’’پس اُو فوراً ہیٹاں اُتر آیا تے یسوع دا استقبال کردے ہوئیاں خوشی نال اپنے گھر لے گیا‘‘ (لوقا 19: 6)۔

تے 10 ویں آیت وِچ یسوع نے کہیا،

’’کیوں جے اِبنِ آدم کھوئے ہوئیاں نوں لبھہن تے ہلاک ہون آلیاں نوں نجات دین آیا اے‘‘ (لوقا 19: 10)۔

یریحو وِچ نابینا آدمی تے زکائی ایمان دے نال یسوع دے کول آئے تے نجات پا گئے۔

فیر یسوع تے شاگرد یروشلم شہر توں باہر تقریباً دو میل دے فاصلے تے جنوب وَل بیت عنیاہ پہنچے۔ یوحنا 11: 55-57 نوں کھولو تے توجہ دیو۔

’’تے جدوں یہودیاں دی عید فسح نیڑے آئی تے بہتیرے لوکی اِردگرد دے علاقیاں توں یروشلم آن لگے تاکہ عید فسح توں پہلاں طہارت دی ساری رسماں پوریاں ہو سکن۔ اُو یسوع نوں لبھہدے پھردے سن تے جدوں ہیکل وِچ جمع ہوئے تے اِک دوجے نوں کہین لگے: کی خیال اے، کی اُو عید وِچ آئے گا یا نئیں؟ کیوں جے سردار کاہناں تے فریسیاں نے حکم دے رکھیا سی کہ جے کسی نوں معلوم ہو جائے کہ یسوع کیتھے اے تے اُو فوراً اطلاع دے تاکہ اُو اُوہنوں گرفتار کر سکن‘‘ (یوحنا 11: 55۔57)۔

والٹر اے ایلویل Walter A. Elwell تے رابرٹ ڈبلیو یاربروRobert W. Yarbrough مندرجہ ذیل بیان دیہندے نے:

کیوں یہودی رہنما یسوع دی مخالفت کردے سن

1. اُوہناں دا حسد – اُوہنوں عام لوکاں نے وی آسانی نال قبول کر لیہیا۔

2. اُوہدا اِختیار – اُوہنے اِختیار دے نال تعلیم دِتی جیہدے نال اُوہدی مخالفت ہوئی۔

3. خطرہ محسوس کیتا – اُوہنے مسیحی دعوے کیتے۔

4. اُوہدے آزاد خیال رویے – اُوہنے قانون نوں آسان بنایا تے اُوہناں دے قوانین نوں ٹھکرا دِتا۔

5. اُوہدا سماجی رویہ – اُوہنے غلط لوکاں [ٹیکس لین آلیاں تے گنہگاراں] نال تعلق رکھیا۔

6. اُوہدی رسمی تعلیم دی کمی – اُو صحیح طریقے نال تعلیم یافتہ نئیں سی تے اُوہدے کول [تعلیمی] سنّداں دی کمی سی۔

7. اُوہناں دی شرمندگی – اُوہنے عوامی طور تے اُوہناں دی مخالفت کیتی۔

8. اُوہدے طاقت – اُوہنے معجزاتی کام کیتا جیہڑا اُو نئیں کر سکدے سن۔

9. اُوہناں دے سیاسی خوف – اُو رومن حکمرانی دے حوالے نال غیر جانبدار سی۔

10. اُوہدی توبہ دی دعوت – اُوہنے اُوہناں دی راستبازی توں انکار کیتا۔

11. اُوہدا علم – اُوہنے کلام پاک دا حوالہ دے کے بحثاں جیتیاں۔

12. اُوہدے مقبولیت – لوکاں دی وڈی تعداد نے اُوہنوں سُنن دے لئی سفر کیتا۔

(والٹر اے ایول، پی ایچ ڈی، تے رابرٹ ڈبلیو یاربرو، پی ایچ ڈی، نئے عہد نامہ دا سامناEncountering the New Testament، بیکر کتاب گھر، 1998، صفحہ 124)۔

جدوں یسوع تے شاگرد واپس بیت عنیاہ پہنچے تے اُوہناں نوں مریم، مارتھا تے لعزر نے شاندار کھانا پیش کیتا۔ براہِ کرم یوحنا 12 :1-11 نوں پڑھو۔

’’عیدِ فسح توں چھ دِن پہلاں یسوع بیت عنیاہ وِچ پہنچیا جیتھے لعزر رہندا سی جِنہوں یسوع نے مُردیاں وِچوں زندہ کیتا سی۔ ایتھے یسوع دے لئی اِک ضیافت ترتیب دِتی گئی۔ مارتھا خدمت کر رئی سی جدوں کہ لعزر مہماناں وِچ شامل سی جیہڑے یسوع دے نال دستر خوان تے کھانا کھان بیٹھے سن۔ اُوس ویلے مریم نے تھوڑا جیہا خالص تے وڈا قیمتی عِطر یسوع دے پاؤں تے ڈال کے اپنے والاں نال اُوہدے پاؤں نوں پُنجھنا شروع کر دِتا تے سارا گھر عِطر دی خوشبو نال مہک اُٹھیا۔ اُوہدے شاگرداں وِچ اِک یہوداہ اسخریوتی جِنہے بعد وِچ اُوہنوں پھڑوایا سی شکایت کرن لگا کہ ایہ عِطر جے بیچ دِتا جاندا تے تین سو دینار ملن سن جیہڑے غریباں وِچ تقسیم کیتے جا سکدے سن۔ اُوہنے ایہ ایس لئی نئیں کیتا سی کہ اُوہنوں غریباں دا خیال سی بلکہ ایس لئی کہ وہ چور سی تے چونکہ اُوہدے کول تھیلی رہندی سی جیس وِچ لوکی رقم ڈالدے سن۔ اُو اُوہدے وِچوں اپنے استعمال دے لئی کُجھ نہ کُجھ نکال لیہیا کرتا سی۔ یسوع نے کہیا: مریم نوں پریشان نہ کر۔ اُوہنے ایہ عِطر میرے دفن دے لئی سنبھال کے رکھیا ہویا اے۔ غریب لوکی تے ہمیشہ تہاڈے کول رہن گے لیکن میں ایتھے ہمیشہ تہاڈے کول نئیں رہواں گا۔ ایس دوران یہودی عوام نوں معلوم ہویا کہ یسوع بیت عنیاہ وِچ اے، لہٰذا اُو وی اُوتھے آ گئے۔ اُو صرف یسوع نوں ای نئیں بلکہ لعزر نوں وی ویکھنا چاہندے سن جِنہوں یسوع نے مُردیاں وِچوں زندہ کیتا سی۔ اُودھہوں سردار کاہناں نے لعزر نوں وی مار ڈالن دا منصبہ بنایا۔ کیوں جے اُوس ویلے بہتیرے یہودی یسوع وَل مائل ہو کے اُوہدے تے ایمان لے آئے سن‘‘ (یوحنا 12: 1۔11)۔

ڈاکٹر جے ورنن میگی Dr. J. Vernon McGee نے کہیا،

ایہ لوکی تجسس دے متلاشی سن۔ سردار کاہن یسوع نوں راستے توں ہٹانا چاہندے سن۔ میں ذاتی طور تے یقین کرنا آں کہ [ایہ] لوکی یسوع نوں ویکھن دے بجائے لعزر نوں ویکھن دے تجسس نال [آئے سن تے ایہ کہ ایتھے بیان کردہ ایمان بہوتی زیادہ اُوس ایمان وانگوں اے جیس دی نمائش کیتی گئی سی جدوں یسوع پہلی وری یروشلم آیا سی [یوحنا 2: 23۔25]۔ یاد رکھو کہ اُو اُوس تے ایمان لیہیائے سن، لیکن اُو اپنے آپ نوں اُوہناں دے حوالے نئیں کرے گا۔ ایہ تجسس تے مبنی عقیدہ سی (جے ورنن میگی J. Vernon McGee, Th.D.، بائبل وِچوں Thru the Bible، تھامس نیلسن پبلیشرز Thomas Nelson Publishers، 1983، جلد چہارم، صفحہ 444)۔

یوحنا دے دوجے باب وِچ سانوں ابتدائی ’’تجسس دے متلاشیاں‘‘ توں تعلق رکھدے ہوئیاں دَسیا گیا اے،

’’جدوں اُو عید فسح تے یروشلم وِچ سی تے بہتیرے لوکی اُوہدے معجزے ویکھ کے اُوہدے ناں تے ایمان لے آئے۔ مگر یسوع نوں اُوہناں تے اعتبار نہ سی۔ ایس لئی کہ اُو سارے انساناں دا حال جانندا سی۔ اُوہنوں ایہ لوڑ نئیں سی کہ کوئی آدمی اُوہنوں کسی دوسرے آدمی دے بارے وِچ دَسے کیوں جے اُو انساناں دے دِل دا حال جانندا سی‘‘ (یوحنا 2: 23۔25)۔

ڈاکٹر میگی نے تبصرہ پیش کیتا،

ایتھے جیہڑا زبان استعمال کیتی گئی اے اُو کہہ رئی اے کہ اُو ایہناں تے یقین نئیں رکھدا سی۔ تُسی ویکھیا، اُو اُوہدے تے ایمان لیہیائے، لیکن اُوہنے اُوہناں تے یقین نئیں کیتا۔ دوجے لفظاں وِچ، بہوتے صاف لفظاں وِچ، اُوہناں دا ایمان، ایمان نوں بچان آلا نئیں سی، جِیہدا اُوہنے یقیناً احساس کیتا۔ اُو جانندا سی کہ اُوہناں دے دِلاں وِچ کی اے۔ ایہ اَج اُوہناں لوکاں دے لئی اِک سنگین خطرہ اے جیہڑے کہندے نے کہ اُو یسوع تے یقین رکھدے نے۔ جدوں تُسی کہندے اُو کہ تُسی یسوع تے یقین رکھدے اُو تے تہاڈا کی مطلب ہوندا اے؟ کی تہاڈا مطلب اے کہ تُسی انجیل دے حقائق تے یقین رکھدے اُو؟ اہم سوال ایہ اے: کی تُسی اُوہدے تے پروہسا کردے اُو؟ (گذشتہ گل دے تسلسل وِچ ibid.، صفحہ 381-382)۔

کی تُسی ایمان دے نال یسوع دے کول آئے اُو؟ کی تُسی اپنے پورے دِل نال اُوہدے تے پروہسا کردے اُو؟ جیویں کہ سپرجئین نے کہیا، ’’مسیح نوں مکمل طور تے اپنا لو۔‘‘ اُوہدے تے پروہسا کرن دا مطلب ایہو ای اے۔ نجات صرف یسوع وِچ ایمان نال اے!

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔