Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




صرف آٹھ بندیاں نے نجات پائی سی!

(پیدائش دی کتاب تے واعظ # 47)
ONLY EIGHT SOULS WERE SAVED!
(SERMON #47 ON THE BOOK OF GENESIS)
(Punjabi – A Language of Pakistan)

پادری ایمریٹس، محترم جناب ڈاکٹر آر ایل ہائیمرز جونیئر وَلّوں لکھیا گیا اِک واعظ
تے جِنہوں جناب پادری جیک نعان صاحب نے پیش کیتا
لاس اینجلز دی بپتسمہ دین آلی عبادت گاہ وِچ
خداوند دے دِن دی دوپہر، 12 مارچ، 2023
A sermon written by Dr. R. L. Hymers, Jr., Pastor Emeritus
and given by Jack Ngann, Pastor
at the Baptist Tabernacle of Los Angeles
Lord’s Day Afternoon, March 12, 2023

’’چند اِک، یعنی کہ، آٹھ بندیاں نے نجات پائی سی‘‘
(1پطرس3: 20)


ڈاکٹر جان سی وھٹکومب Dr. John C. Whitcomb تے ڈاکٹر ھنری ایم مورس Dr. Henry M. Morris نے اندازہ لایا کہ نوح دے زمانے وِچ ’’زمین دی کُل آبادی 1,030 ملین ہووے گی‘‘ (پیدائش دا سیلابThe Genesis Flood، بیکر بک ہاؤس، 1983 ایڈیشن، صفحہ 26)۔ ایس دا مطلب اے کہ عظیم سیلاب دے ویلے زمین تےتقریباً اِک ارب لوکی سن۔ ایہہ اُوہی تعداد اے جیہڑی 1850 چہ زمین تے موجود سی۔ اَج زمین تے تقریباً ست ارب لوکی نے۔ جے اَج اَسی فیصد لوکاں نوں بچایا جائے تے زمین تے 7 بلین دے نال، صرف 56 لوکی بچدے نے!

’’چند اِک، یعنی کہ، آٹھ بندیاں نے نجات پائی سی‘‘ (1پطرس3: 20)

’’جیویں نوح دے دِناں وِچ ہویا سی اُونج ای ابنِ آدم دی آمد دے ویلے ہووے گا‘‘ (متی24: 37)۔

اُونج اَج کل کیہنے لوکی بچ گئے نے؟ ایہہ ہُںے تیکر عددی طور تے ایہنا بُرا نہئیں ہو سکدا اے، لیکن میہنوں یقین اے کہ ایہہ ایس توں کِدرے بوہتا بدتر اے جیس دا اَج کسی نوں احساس اے۔ میرے خیال چہ مسیح وِچ ایمان لیہیا کےتبدیل ہوئے اِک وی وی انسان دے بغیر وڈے وڈے عظیم گرجا گھر نے، عظیم انجیلی بشارت دی میٹنگاں جیتھے کوئی وی نہئیں بچایا گیا، تے ایتھوں تیکر کہ بنیادی گرجا گھراں وِچ وی لوکی ایس حالت وِچ نے۔

گیلپ Gallop دی رائے شماری دے مطابق، 74 فیصد امریکیوں نے دعویٰ کیتا اے کہ ’’یسوع مسیح دے نال عہد کیتا اے۔‘‘ لیکن ایہناں وِچوں کیہنے بچ گئے؟ ڈاکٹر جان آر رائس Dr. John R. Rice نے کہیا،

حالیہ وریاں وچ میں بوہتے، بہتیرے گرجا گھراں دے لوکاں نوں تلاش کرن دے لئی بوہتا فکرمند رہیا آں… جیہڑے کدی فیر توں جنم لین دا کوئی ثبوت نہئیں وکھاندے نے [تے] ہُنے تیکر مطمئن تے مستقبل دے بارے وِچ پریشان نہئیں نے۔ میں بائبل وِچ ایس قسم دے لوکاں دے لئی بار بار واضح انتباہات پڑھے (جان آر رائس، ڈی ڈی John R. Rice, D.D.، کھوئے ہوئے یا گمراہ ہوئے لیکن مذہبی لوگ Religious But Lost، سورڈ آف دی لارڈ پبلشرز، 1939، صفحہ 9)۔

یسوع نے سانوں دسیا کہ زمانے دے اَخیر وِچ حالات نوح دے زمانے وانگوں ہون گے۔

’’جیویں نوھ دے دِناں وِچ ہویا سی اُونج ای ابنِ آدم دی آمد دے ویلے ہووے گا‘‘ (متی24: 37)۔

نوح دے زمانے وِچ ایہہ کیویں سی؟

’’چند اِک، یعنی کہ، اٹھ بندیاں نے نجات پائی سی‘‘ (1پطرس3: 20)

مینوں یقین ہو گیا اے کہ اسی تیزی نال اِک ایہو جئے ویلے دے قریب پہنچ رئے آں جدوں مسیحی ہون دا دعویٰ کرن آلے چند ای حقیقی نجات پاندے نے۔ ساڈی تلاوت کہندی اے،

’’چند اِک، یعنی کہ، اٹھ بندیاں نے نجات پائی سی‘‘ (1پطرس3: 20)

اُوہناں لفظاں دے بارے وچ تِن گلاں تے غور کرو۔

I۔ پہلی گل، اُو تعداد جیہنے نجات پائی۔

نوح دے زمانے وچ بوہتے کم لوکی وچائے گئے، جدوں عظیم سیلاب دے پانی نے زمین نوں ڈھانپ لہیا سی،

’’زمین تے ہر پرندہ، ہر جانور تے ہر انسان گویا ہر جاندار فنا ہو گیا۔ خشکی دی ہر شے جیہدے نتھناں وچ دَم سی مر گئی۔ روئے زمین دی ہر جاندار شے نابود ہو گئی، کی انسان، کی حیوان، کی زمین تے رینگن آلے جاندار تے کی ہوا وچ اُڈن آلے پرندے، سب دے سب نابود ہو گئے۔ صرف نوح باقی بچیا تے اُو جیہڑے اُوہدے نال کشتی وچ سن‘‘ (پیدائش7: 21۔23)۔

مینوں یقین اے کہ ایہہ اَج وی سچ اے۔ یسوع نے کہیا،

’’اُو بُوہا تنگ تے اُو بُوہا سُکڑا اے جیہڑا حیاتی ول لے جاندا اے تے اُوہدے پان آلے تھوڑے نے‘‘ (متی7: 14)۔

’’جیویں نوح دے دِناں وچ ہویا سی اوویں ای اِبنِ آدم دی آمد دے ویلے ہووے گا‘‘ (متی24: 37)۔

’’مینوں اے خداوند، اے خداوند کہن آلا ہر بندہ آسمان دی بادشاہی وچ داخل نہ ہووے گا مگر اُو جیہڑا میرے آسمانی پیو دی مرضی دے مطابق عمل کردا اے ضرور داخل ہووے گا۔ اُوس دِن کئی مینوں کہن گے، اے خداوند! اے خداوند! کی اسی تیرے ناں نال نبوت نئیں کیتی؟ تیرے ناں نال بدروحاں نوں نئیں کڈیا تے تیرے ناں نال بہتیرے معجزے نئیں وکھائے؟ اُوس ویلے میں اُوہناں نوں صاف صاف کہہ دیاں گا کہ میں تہاڈے توں واقف نئیں سی۔ اے بدکارو! میرے سامنیو دور ہو جاؤو‘‘ (متی7: 21۔23)۔

جے اُو تُسی ہوندے تے کی ہوندا؟ کی ہووے گا جے مسیح تہانوں کہوے،

’’میں تہاڈے توں واقف نئیں سی: میرے سامنیو دور ہو جاؤو‘‘ (متی7: 23)؟

جے تُسی اَگ دی جھیل وچ جاگو، تے بچائے جان لئی بوہتی تاخیر ہو جاندی اے تے کی ہووے گا؟

’’چند اِک، یعنی کہ، اٹھ بندیاں نے نجات پائی سی‘‘ (1پطرس3: 20)

تہاڈی وی اِک روح اے۔ تہاڈے کول جسم اے، لیکن تہاڈے کول اِک روح وی اے۔ تہاڈا جسم اِک دِن مر جاوے گا، لیکن تہاڈی روح ہمیشہ لئی زندہ رہوے گی۔ بائبل سکھاندی اے کہ تہاڈی روح یا تے جنت وچ جاوے گی یا جہنم وچ۔ تے تہاڈی روح دی تقدیر مکمل طور تے ایس گل تے منحصر اے کہ آیا تُسی ہُنے مسیح نوں قبول کردے اُو، تے ہُن اپنے گناہواں توں پاک صاف ہو گئے اُو۔ موت دے بعد نجات پان وچ بوہتی دیر ہو چُکی ہوندی اے۔ تہانوں ہُنے نجات دلائی جانی چائیدی اے، ایہدے توں پہلاں کہ تُسی مر جاؤو، ورنہ تُسی کدی وی نجات نئیں لے پاؤو گے۔

II۔ دوجی گل، نجات بذاتِ خود۔

’’چند اِک، یعنی کہ، اٹھ بندیاں نے نجات پائی سی‘‘ (1پطرس3: 20)

’’جیویں نوح دے دِناں وچ ہویا سی اوویں ای اِبنِ آدم دی آمد دے ویلے ہووے گا‘‘ (متی24: 37)۔

نوح دے زمانے وچ نجات دی تبلیغ کیتی گئی سی۔ بائبل نوح نوں پکاردی اے،

’’راستبازی دی منادی کرن آلا‘‘ (II پطرس2: 5)۔

بائبل ایہہ نئیں کہندی کہ نوح نے زمین دے ہر فرد نوں براہِ راست تبلیغ کیتی۔ فیر وی زمین تے موجود ہر بندہ کشتی دے بارے وچ تے آن آلے فیصلے دے بارے وچ نوح دے انتباہات دے بارے وچ جانندا سی۔ ڈاکٹر وھٹکومب تے ڈاکٹر مورس نے کہیا،

فضل دی 120 سالہ مدت دے دوران ’’جدوں اِک وری نوح دے دِناں وچ خُدا دے تحمل دا انتظار سی، جدوں کہ کشتی دی تیاری ہو رئی سی‘‘ (پیدائش 6: 3؛ 1 پطرس 3: 20)، نوح دی شاندار سرگرمیاں دی خبر تے خطرناک انتباہات آسانی نال پوری زمین وچ پھیل سکدیاں سن (پیدائش دا سیلابThe Genesis Flood، ibid.، p. 31)۔

لیکن نوح دے زمانے وچ رہن آلی نسل نے اُوہدی منادی نوں رد کر دِتا، تے اوویں ای خدا نے

’’پُرانے زمانے دے لوکاں نوں وی نہ چھڈیا بلکہ بے دیناں دی زمین تے طوفان بھیج کے صرف راستبازی دی منادی کرن آلے نوح نوں تے ست دیگر بندیاں نوں بچا لہیا‘‘ (II پطرس2: 5)۔

میں پنجاہ وریاں توں تبلیغ کر رہیا واں۔ بوہتے کم لوکی جنہاں دی میں تبلیغ کیتی اے بچائے گئے نے۔ واقعی بوہتے کم۔ لیکن اِک شے جیہڑی مینوں جاری رکھدی اے اُو نوح دی مثال اے۔ اُوہنے بوہتے کم لوکاں نوں ایمان لہیا کے تبدیل ہوندے ہوئے ویکھیا۔ لیکن اُو خُدا دے نال وفادار سی اگرچہ ’’بے دین‘‘ دُنیا نے اُوہدے پیغام نوں مسترد کر دِتا۔

اَج میرا مقصد تہانوں سچ دسنا اے۔ جیہڑا کُج تُسی سچائی دے نال کردے ہو اُو تہاڈے تے خُدا دے وچکار اے۔ لیکن میرا مقصد، نوح وانگوں، تہانوں سچ دسنا اے۔ شاید تہانوں میرے واعظاں توں مدد نئیں ملے گی، حالانکہ، نوح دی منادی توں زیادہ کسی نے اُوہناں لوکاں دی مدد نئیں کیتی جیہڑے دقیانوسی دُنیا وچ سن۔

’’چند اِک، یعنی کہ، اٹھ بندیاں نے نجات پائی سی‘‘ (1پطرس3: 20)

III۔ تیجی گل، بچائے جان دا طریقہ۔

نوح تے اُوہدے خاندان نوں کشتی وچ داخل ہو کے سیلاب توں بچایا گیا۔ ایہہ ایہنی ای سادی جئی گل اے!

’’تے خُداوند نے نوح نوں کہیا، تُو اپنے پورے خاندان دے نال کشتی وچ ٹُر جا‘‘ (پیدائش7: 1)۔

’’تے نوح تے اُوہدے پُتر تے اُوہدی ووہٹی تے اُوہدے پُتراں دیاں ووہٹیاں طوفان دے پانی توں بچن لئی کشتی وچ داخل ہو گئے‘‘ (پیدائش7: 7)۔

سیکوفیلڈ دا مطالعۂ بائبل The Scofield Study Bible’s پیدائش6: 14 دی غور طلب گل تے کہندی اے،

’’کشتی‘‘ مسیح دی اِک تشبیہ اے جیویں اُوہدے لوکاں دا سزا توں پناہ حاصل کرنا… ’’مسیح وچ‘‘ ایماندار لوکاں دی حالت لئی اِک موجودہ حوالہ (سیکوفیلڈ دا مطالعۂ بائبل The Scofield Study Bible’s، آکسفورڈ یونیورسٹی پریس، 1917 ایڈیشن، پیدائش6: 14 تے غور طلب گل)۔

اُو کشتی مسیح دی تصویر اے۔ نوح نوں عظیم سیلاب دی سزا توں بچائے جان لئی کشتی وچ آنا پیا۔ تے تہانوں ابدی عدالت توں نجات پان لئی مسیح وچ آنا چائیدا اے۔

یسوع نے کہیا،

’’اُوس دِن تُسی جان لوو گے کہ میں اپنے پیو وچ آں تے تُسی میرے وچ اُو…‘‘

بائبل کہندی اے،

’’ایس لئی جے کوئی مسیح وچ اے تے اُو نیا مخلوق اے‘‘ (II کرنتھیوں5: 17)۔

خدا نے نوح نوں کہیا،

’’کشتی وچ…ٹُر جا‘‘ (پیدائش7: 1)۔

یسوع نے کہیا،

’’میرے کول آؤ… تے میں تہانوں آرام بخشاں گا‘‘ (متی11: 28)۔

تے ایویں،

’’چند اِک، یعنی کہ، اٹھ بندیاں نے نجات پائی سی‘‘ (1پطرس3: 20)

میں اکثر سوچیا اے کہ ایہنے کم لوکی کشتی وِچ کیوں سوار ہوئے؟ اُوہناں نے سوچیا ہووے گا کہ نوح غلط سی۔ اُوہناں نے سوچیا کہ اُوہناں تے سزا کدی وی نہئیں آئے گی، کہ اُو اُونج ای ٹھیک نے جیویں اُو سن۔ تے ایویں، اُوہناں نے مبلغ دی گل نہئیں سُنی۔ اُو نجات دے بغیر موت وَلوں پھرے گئے سن۔ اینج اُو ہلاک ہو گئے سی۔

بچائے جان دا اِک ای راستہ سی، تے اُوہناں نے اُوس راستے نوں رد کر دِتا سی۔ خدا نے اُوہناں دے لئی نجات دا راستہ تیار کیتا سی، لیکن اُوہناں نے اُوس راستے نوں ٹھکرا دیتا۔ اَج وی اینج ای ہو رہیا اے۔ خدا نے نجات حاصل کرن دا راستہ تیار کر رکھیا اے۔ اُوہنے یسوع نے سولی تے مرن دے لئی پیجھیا، تہاڈے گناہ دا کفارہ ادا کرن دے لئی۔ مسیح مُردیاں وِچوں جی اُٹھیا اے تے ہُن زندہ اے، آسمان وِچ خدا دے داہنے ہتھ تے۔ لیکن تہانوں مسیح دے کول آنا چائیدا اے۔ مسیح دے بارے چہ شیواں تے یقین کرنا لازمی نہئیں اے – تہانوں مسیح دے کول آنا چائیدا اے۔ جیویں کہ نوح کشتی وِچ آیا، تہانوں وہ مسیح دے کول آنا چائیدا اے۔

ایہہ ’’احساس‘‘ نہئیں اے جیہڑا تہانوں بچاندا اے۔ ایہہ خود مسیح اے جیہڑا بچاندا اے۔ ایس نال کوئی فرق نہئیں پیہندا کہ تُسی کی ’’محسوس‘‘ کردے اُو کہ بچائے گئے اُو یا نہئیں۔ اہم ایہ نہئیں کہ تُسی کی محسوس کردے اُو، بلکہ ایہ اے کہ خدا کی محسوس کردا اے! ذاتی جذبات نے کدی کسی نوں نہئیں بچایا۔ مسیح ای کُل نجات دیندا اے۔ نوح دے زمانے وِچ جیہڑا کُج اہم سی اُو ایہ سی کہ آیا اُو کشتی وِچ سی یا نہئیں۔ تہاڈے جذبات نال کوئی فرق نہئیں پیہندا۔ صرف مسیح اہمیت رکھدا اے۔ شارلٹ ایلیٹ نے یسوع دے بارے وِچ اِک گانا لکھیا، خدا دا برّہ، جیہڑا ایہہ گل بوہتی چنگی طرح دے نال کہندا اے:

بغیر اِک اِلتجا دے، میں جیہو جیہا وی آں، مگر کہ تیرا لہو میرے لیے وگایا گیا،
تے کہ توں مینوں اپنے کول بُلان لئی بیقرار اے،
     اے خُدا دے برّے، میں آیا! میں آیا!

میں جیویں دا وی آں، تُو کمزور نوں وی قبول کر لوے گا،
     کمزور نوں وی آرام دِتا، پاک صاف تے معاف تے خوش آمدید کیتا جاندا اے
کیوں جے تیرے وعدے تے میں یقین کرنا واں،
     اے خُدا دے برّے، میں آیا! میں آیا!
     (’’میں جیہو جیہا وی آں Just As I Am‘‘ شاعرہ شارلٹ ایلیٹ Charlotte Elliott، 1789۔1871)۔

آؤ کِھلو جائیے تے اُوس گیت نوں اِکٹھے رَل کے گائیے۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

صرف آٹھ بندیاں نے نجات پائی سی!

(پیدائش دی کتاب تے واعظ # 47)
ONLY EIGHT SOULS WERE SAVED!
(SERMON #47 ON THE BOOK OF GENESIS)

ڈاکٹر آر ایل ہائیمرز جونیئر وَلّوں
by Dr. R. L. Hymers, Jr.

’’چند اِک، یعنی کہ، آٹھ بندیاں نے نجات پائی سی‘‘
(1پطرس3: 20)

(متی24: 37)

I۔   پہلی گل، اُو تعداد جیس نے نجات پائی، پیدائش7: 21۔23؛ متی 7: 14؛
متی24: 37؛ 7:21۔23 .

II۔  دوجی گل، نجات بذات خود، متی24: 37؛ II پطرس2: 5؛
پیدائش6: 3؛ Iپطرس3: 20 .

III۔ تیجی گل، بچائے جان دا طریقہ، پیدائش7: 1، 7؛ یوحنا14: 20؛
II کرنتھیون5: 17؛ پیدائش7: 1؛ متی11: 28؛ I پطرس3: 20 .