Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




کشتی دا تشبیہاتی مطالعہ

THE TYPOLOGY OF THE ARK
( پیدائش دی کتاب تے واعظ # 44 )
(SERMON #44 ON THE BOOK OF GENESIS)
(Punjabi – A Language of Pakistan)

جناب پادری ایمریٹس، ڈاکٹر آر ایل ہائیمرز جونیئر صاحب وَلوں لکھیا گیا اِک واعظ
تے جِنہوں جانب پادری جیک نعان صاحب نے پیش کیتا
لاس اینجلز دی بپتسمہ دین آلی عبادت گاہ وِچ
خداوند دے دِن دی دوپہر، 26 فروری، 2023
A sermon written by Dr. R. L. Hymers, Jr., Pastor Emeritus
and given by Jack Ngann, Pastor
at the Baptist Tabernacle of Los Angeles
Lord’s Day Afternoon, February 26, 2023

’’صرف نوح باقی بچیا تے اُو جیہڑے اُوہدے نال کشتی وِچ سن‘‘
(پیدائش 7: 23).


تُسی ایہہ احساس کیتے بغیرویلے دی کسی وی حد تیکر بائبل دا مطالعہ نہئیں کر سکدے کہ کشتی مسیح دی اِک تشبیہ اے، نجات دہندہ دی اِک علامتی یا اصلی تشبیہاتی تصویر اے۔ سانوں I پطرس3: 20۔21 آیات وِچ کشتی دی اصلی تشبیہ دے بارے چہ خصوصی طور تے دسیا گیا اے۔

’’ایہہ اُوہناں لوکاں دیاں روحاں نے جِنہاں نے نوح دے زمانے وِچ خدا دی نافرمانی کیتی سی۔ حالانکہ خدا نے صبر کر کے اُوہناں نوں توبہ کرن دا موقع بخشیا سی۔ اُوس ویلے نوح کشتی تیار کر رہیا سی جیس وِچ صرف اَٹھ بندے سوار ہو کے پانی توں صحیح سلامت بچ نکلے سن۔ جیہڑا بپتسمہ یسوع مسیح دے جی اُٹھن دے وسیلہ توں ہُن تہانوں بچاندا اے اُوسی پانی دے مشابہ اے (ایہہ نہئیں کہ تہاڈے جسم دی گندگی دُھل جاندی اے بلکہ تُسی نیک نیتی دے نال خدا دی آرزو کرن لگدے اُو)‘‘ (I۔ پطرس3: 20۔21).

ایس حوالے دے بارے چہ ڈاکٹر ھنری ایم مورس Dr. Henry M. Morris نے کہیا،

ایہہ اَٹھ جاناں (نوح، اُوہدے تین پُتر، تے چار ووہٹیاں) ’’پانی توں بچائے گئے‘‘ سن (ایس دا ترجمہ ایویں وی کیتا جا سکدا اے کہ ’’پانی دے ذریعے توں‘‘) ایس سمجھ دے نال کہ اُو موذی اِخلاقی تے روحانی آلودگی جیس نے شیطانی حملے دے بعد انتہائی قدیم دُنیا نوں ڈھانپ رکھیا سی اُوہدے نال بچائے گئے سن۔ پانیاں نے اُوہناں دی حفاظتی کشتی نوں اُٹھائے رکھیا سی، حالانکہ جیویں کہ اُونہی پانیاں نے قدیم دُنیا تے اُوہناں دی قدیم حیاتیاں نوں ختم کیتا سی (ھنری ایم۔ مورس، پی ایچ۔ ڈی۔ Henry M. Morris, Ph.D.، دفاع کرن آلیاں دا مطالعہ بائبل The Defender’s Study Bible، عالمگیری اشاعتی خانہ World Publishing، اشاعت 1985، I۔پطرس3: 20 تے غور طلب گل)۔

ڈاکٹر ڈبلیو اے۔ کرسویل Dr. W. A. Criswell نے کہیا کہ I۔پطرس3: 21 وِچ اصطلاح ’’اُسی دے مشابہ‘‘ (یونانی وِچ) ’’اینٹی ٹیوپانantitupon اے جیس دا اِرتقاء انگریزی دے لفظ ’شبیہہ‘ وِچ ہوندا اے‘‘ (کرسویل مطالعۂ بائبل The Criswell Study Bible، تھامس نیلسن پبلشرز Thomas Nelson Publishers، اشاعت 1979، I۔پطرس3: 20۔21 تے اِک غور طلب گل)۔ ایویں، دوویں ای سیلاب تے کشتی I۔پطرس3: 20۔21 وِچ مسیح دی تشبیہہ دے طور تے پیش کیتے گئے نے۔ ڈاکٹر ھنری ایم مورس نے کہیا،

ایویں دوویں سیلاب، اُوس دی حفاظتی تے بپتسماتی کشتی دے نال، تے دفن کر دین آلے پانیاں وِچوں ایس دا ظہور، مسیح دے مرن تے مُردیاں وِچوں جی اُٹھن دے شاندار حقیقت اُوسی دے مشہابہ [یا تشبیہات] ہون دے نال نال گناہ دے لئی موت تے ایماندار دے لئی نئی حیاتی نے (دفاع کرن آلیاں دا مطالعہ بائبل The Defender’s Study Bible، I۔پطرس3: 20۔21 تے غور طلب گل)۔

’’صرف نوح باقی بچیا تے اُو جیہڑے اُوہدے نال کشتی وِچ سن‘‘ (پیدائش 7: 23).

میں تہانوں سات طرح نال دسن جا رہیا آں کہ کینج کشتی خداوند یسوع مسیح دی نشان دہی، یا تشبیہہ پیش کردی اے۔ موازنے دے ایہہ سات نکات آرتھر ڈبلیو۔ پنک Arthur W. Pink دی تضنیف پیدائش وِچ جگمگاہٹاں Gleanings in Genesis (موڈی پریس Moody Press, 1950) وِچوں بنائے یا دوبارہ ترتیب دیتے گئے نے تے کُج نہ کُج سادہ کیتے گئے نے، صفحات 103۔109)۔

1۔ پہلی گل، کشتی مسیح وِچ نجات دی خدا دی پروردگاری نوں ظاہر کردی اے۔

خُدا نے نوح نوح نوں کہیا

’’میں ساریاں لوکاں دا خاتمہ کرن نوں آں کیوں جے زمین اُوہناں دی وجہ توں ظلم نال بھر گئی اے۔ تے، ویکھو، میں اُوہناں نوں زمین دے نال تباہ و برباد کر دیاں گا۔ لہٰذا توں گوپھر دی لکڑی دی اِک کشتی بنا؛ کشتی وِچ کمرے بنانا تے اُوہنوں اندر تے باہروں رال نال پوت دیویں‘‘ (پیدائش 6: 13۔14).

سیلاب دے آن توں پہلاں ای، خدا نے فرمان جاری کر دِتا سی کہ نوح تے اُوہدے خاندان نوں کشتی وِچ بچنا چائیدا اے۔ نوح نوں کہیا گیا سی کہ پانی دا اِک قطرہ ڈِگن توں پہلاں ایس دی تعمیر کرے۔ لہٰذا، ایس لئی وی، مسیح دے ذریعے توں نجات کوئی ایہو جئی گل نہئیں سی جیہڑی خدا نے انسان دے گناہ کرن دے بعد سوچی سی۔ دائمیت توں پہلاں ای خدا نے خود دے لئی لوکاں دی مخلصی دے لئی اِرادہ کر لیہیا سی، تے ایس ای لئی، خدائے قادر دی مشاورت وِچ، مسیح، بنائے عالم توں ذبح کیتا ہویا برّہ‘‘ سی (مکاشفہ13: 8)۔ کشتی نوح دی نجات دے لئی خدا دی پروردگاری سی، جیس طرح مسیح گنہگاراں دی نجات دے لئی خدا دی پروردگاری اے، تے اینج ای خدا دے ذہن وِچ بنائے عالم‘‘ توں رہیا اے۔

’’صرف نوح باقی بچیا تے اُو جیہڑے اُوہدے نال کشتی وِچ سن‘‘ (پیدائش 7: 23).

2۔ دوجی گل، کشتی ظاہر کردی اے کہ اَسی مسیح ساڈے متبادل دے ذریعے توں خدا دے قہروغضب توں معاف کر دِتے گئے آں۔

نوح دی کشتی حفاظت دی اِک تھاں سی۔ اُوہنے اُوہدے باسیاں نوں گناہ توں بھرپور دُنیا تے خدا دے اُمڈدے ہوئے قہروغضب توں محفوظ رکھیا سی۔ ایہہ مسیح دے خدا دی حمایت نوں فیر توں پا لین دے لئی گناہ دے لئی کفاراتی عمل دی گل کردا اے،

’’مگر اُوہدے فضل دے سبب اُوس مخلصی دے وسیلے توں جیہڑی یسوع مسیح وِچ اے مفت راستباز ٹھہرائے جاندے نے۔ خدا نے یسوع نوں مقرر کیتا کہ اُو اپنا لہو وگائے تے اِنسان دے گناہ دا کفارہ بن جائے تے اُوہدے تے ایمان لیہیان آلے فائدہ چُکن‘‘ (رومیوں 3: 24:25).

’’اُس ساڈے گناہواں دا کفارہ اے‘‘ (1۔ یوحنا 2: 2).

’’اُوہنے ساڈے نال محبت کیتی تے اپنے پُتر نوں پیجھیا تاکہ اُو ساڈے گناہواں دا کفارہ ہووے‘‘ (1۔ یوحنا 4: 10).

ڈاکٹر ڈبلیو اے کرسویل نے گناہ دے کفارے توں تعلق رکھدے ہوئے کہیا کہ ایہہ یونانی لفظ ’’ھیلاسٹیرئینhilasterion‘‘ توں نکلدا اے۔ ڈاکٹر کرسویل نے کہیا، ایتھے کنگ جیمس نسخے KJV دے متراجم لفظ ’’گناہ دا کفارہ propitiation‘‘ دی تشریح کرن وِچ بالکل دُرست نے… گناہ دا کفارہ سولی تے مسیح دا عمل اے جیس وِچ اُو گناہ دے خلاف خدا دی راستبازی دے تقاضیاں دا سامنا کردا اے… خدا دے انصاف دی لوڑ دے لئی باعث اطمینان اے‘‘ (کرسویل دا مطالعہ بائبل The Criswell Study Bible، تھامس نیلسن بپلشرز Thomas Nelson Publishers، 1979، رومیوں3: 25 تے غور طلب گل)۔ اشعیا نبی گناہ دے کفارے دے معنی نوں شکل دے لحاظ توں ظاہر کردا اے، جدوں اُو مسیح دے بارے چہ کہندا اے،

’’ایہہ خداوند دی مرضی سی کہ اُوہنوں کُچلے تے غمگین کرے، حالانکہ خداوند اُوہدی جان نوں گناہ دی قربانی قرار دیندا اے‘‘ (اشعیا 53: 10).

سولی تے گناہواں دے کفارے دے اپنے عمل وِچ، مسیح نے خدا دے قہروغضب نوں جھیلیا سی۔ خدا نے اُوہنوں ساڈی تھاں تے کُچلیا سی۔ خدا نے ساڈی تھاں تے اُوہنوں رنج وِچ مبتلا کیتا سی، ایس لئی خدا دا قہر مسیح تے پیہیا سی تے سچے مسیحی تے نہیں پیہیا سی۔ ایویں خدا دے قہر دی تشفی سولی تے مسیح دے ساڈے مصائب نوں خدا تے جھیلن دے متبدلیاتی عمل دے ذریعے توں ہوئی، جیتھے خدا نے ساڈی تھاں تے ’’اُوہنوں کُچلیا‘‘ تے ’’اُوہنوں رنج وِچ مبتلا‘‘ کیتا، جدوں اُو فیصلہ جیہڑا گنہگاراں تے نازل ہونا چائیدا سی، مسیح تے صادی ہویا جیہڑا ساڈے مصائب نوں خود تے جھیلن دا متبادل اے۔ اُو سزا جیہڑی گناہ توں بھرپور انسان تے نازل ہوئی سی اُوہدے بجائے مسیح تے نازل ہوئی۔

’’ایہہ خداوند دی مرضی سی کہ اُوہنوں کُچلے تے غمگین کرے، [ساڈی تھاں تے ساڈے متبادل دے طور تے] حالانکہ اُو [خداوند] اُوہدی جان نوں گناہ دی قربانی قرار دیندا اے‘‘ (اشعیا 53: 10).

پس سولی تے مسیح دے ساڈے، مصائب نوں خود تے جھیلن دے متبدلیاتی عمل دا مطلب ہوندا اے کہ اُوہنوں خدا وَلوں سزا ملی سی، تے اُوہنے اِک متبادل دے طور تے خدا دے قہر نوں جانیا سی، گنگہاراں دی تھاں تے اِک متبادل دے طور تے کِھلوتے رہندے ہوئے جیہڑے نجات پاندے نے کیوں جے مسیح نے گنہگاراں دی تھاں خود تے خدا دے قہر نوں برداشت کیتا جیہڑا سولی تے مسیح دے متبدلیاتی عمل دے ذریعے توں خدا دے نال صلح کراندا اے۔

ایہدی یقینی طور تے تشبیہہ نوح دی کشتی وِچ پائی جاندی اے۔ خدا دا فیصلی کشتی (مسیح دی تشبیہہ) تے نازل ہویا سی نا کہ اُوہناں تے جیہڑے کشتی وِچ سن۔ اُو جیہڑے کشتی وِچ سی اُوہناں دی تشبیہہ سن جیہڑے اَج خدا دے قہروغضب دے عتاب وِچ نہئیں آ سکدے کیوں جے ایہہ اُوہناں دے بجائے کشتی تے نازل ہویا سی۔ کشتی مسیح دی کیس قدر شاندار تصویر اے۔ ایہنے سیلاب وِچ خدا دے قہرو غضب نوں جھیلیا سی، جدوں کہ نوھ تے اُوہدا خاندان اندر حفاظت نال سن بالکل جیویں اِک سچا مسیحی محفوظ ہوندا اے جدوں اُو ’’یسوع مسیح وِچ‘‘ ہوندا اے (Iکرنتھیوں1: 30)۔ اُوہدے تے جیہڑا ’’مسیح وِچ‘‘ ہوندا اے کوئی فیصلہ صادر نہئیں ہو سکدا کیوں جے خدا دا ساڈے گناہواں نوں خود تے جھیلن دا قہر مسیح تے نازل ہویا سی، نا کہ اِک سچے مسیحی تے، جیہڑا، نوح ای وانگوں، مسیح وِچ محفوظ اے – بالکل جیویں نوح کشیت وِچ محفوظ سی۔ خدا دا قہر مسیح تے نازل ہوندا اے، بالکل جیویں خدا دا قہروغضب اُوہناں دے مقابلے وِچ جیہڑے کشتی دے اندر سن اُوہدے بجائے کشتی تے نازل ہویا سی، کیوں جے

’’چنانچہ جیہڑے مسیح یسوع وِچ نے ہُن اُوہناں تے سزا دا حکم نہئیں‘‘ (رومیوں 8: 1).

ایس ای وجہ توں،

’’صرف نوح باقی بچیا تے اُو جیہڑے اُوہدے نال کشتی وِچ سن‘‘ (پیدائش 7: 23).

اُو جیہرے کشتی توں باہر سن اُوہناں نوں سیلاب دی پوری قوت نوں برداشت کرنا پیہیا سی۔ خدا دا قہر اُوہناں تے انتہائی حد تیکر اُمڈ پیہیا سی کیوں جے اُو کشتی وِچ نہئیں سن۔ ایس لئی ایہہ اُوہناں تمام دے لئی ہووے گا جیہڑے ’’مسیح وِچ‘‘ نہئیں نے جدوں خدا دا فیصلہ اُوہناں تے صادر ہوندا اے۔

3۔ تیجی گل، کشتی ظاہر کردی اے کہ نجات پان دے لئی مسیح واحد ذریعہ اے۔

پیدائش 6: 16 تے نظر پاؤ۔

’’تے کشتی دا بوہا کشتی دے پہلو وِچ رکھنا‘‘ (پیدائش 6: 16).

کشتی وِچ صرف اِک ای بوہا سی۔ اُوہناں تما نوں اُوس اِک ای بوہے وِچوں دی لنگ کے کشتی وِچ داخل ہونا پیہیا سی۔ اِک ای بوہا سی جیہڑا اُوہدے وِچ سی۔ نوح تے اُوہدے خاندان تے اُوہناں دے نال نال سارے دے سارے جانوراں نوں اُوس ای واحد بوہے وِچوں لنہگ کےکشتی وِچ داخل ہونا پیہندا سی۔

اینج ای، ایہہ ایس حقیقت وَل اشارہ کردا اے کہ آن آلے قہر توں بچن دے لئی اُوتھے واحد اِک ای راستہ سی۔ یسوع نے کہیا،

’’مریے وسیلہ دے بغیر کوئی باپ دے کول نہئیں آندا‘‘ (یوحنا 14: 6).

کشتی دے لئی اِک بوہا تشبیہہ اے۔ اُوہدی تشبیہہ مسیح اے، جیس نے کہیا،

’’بوہا میں آں۔ جے کوئی میرے ذریعہ داخل ہووے تے اُو نجات پائے گا‘‘ (یوحنا 10: 9).

ایہہ وی غور کرو کہ کشتی دا بوہا ’’پہلو وِچ رکھیا گیا‘‘ سی (پیدائش6: 16)۔ یقینی طور تے ایہہ سولی تے مسیح دے ’ؔ’پہلو‘‘ نوں چھیدے جان وَل اشارہ کردا اے۔

’’مگر سپاہیاں وِچوں اِک نے اپنا نیزہ لے کے یسوع دے پہلو چہ ماریا‘‘ (یوحنا 19: 34).

ایہہ تجویز کردا اے کہ خدا دے دِل تیکر پہچن دا راستہ ہُن قصوروار تے تباہ حال گنہگاراں دے لئی کُھلا اے۔

’’صرف نوح باقی بچیا تے اُو جیہڑے اُوہدے نال کشتی وِچ سی‘‘ (پیدائش 7: 23).

4۔ چوتھی گل، کشتی مسیح دے کفارے نوں ظٓاہر کردی اے۔

پیدائش 6: 14 تے فیر توں نظر پاؤ،

’’لہٰذا توں گوپھر دی لکڑ دی اِک کشتی بنا۔ اُوہدے وِچ کمرے بناویں تے اُوہنوں اندر تے باہر توں رال نال پوت دیویں‘‘ (پیدائش 6: 14).

لفظ ’’پِچpitch‘‘ عبرانی دے لفظ ’’کاپھارkaphar‘‘ توں ترجمہ کیتا گیا اے، جیس دا مطلب ’’چُھپانا‘‘ ہوتا ہے۔ کنگ جیمس بائبل وِچ ’’کاپھار‘‘ دا ترجمہ ’’کفارہ ادا کرن دے لئی‘‘ سترہ وری کیتا گیا اے۔ ’’کاپھار‘‘ دا سادہ جیہا مطلب ’’ڈھانپنا یا لُکہانا‘‘ ہوندا اے۔ کفارہ مسیح دے لہو دے ذریعے توں ہویا سی، جیہڑا گناہ نوں پردہ فراہم کردا ہے۔ گناہ نون مسیح دے لہو دے ذریعے توں ڈھانپنا چائیدا اے۔ نئے عہدنامے وِچ، رومیوں4: 7 زبور 32 توں اِک حوالہ پیش کردی اے،

’’مبارک نے اُو جِنہاں دی خطاواں بخشی گئیاں، تے جِنہاں دے گناہواں تے پردہ ڈالیا گیا‘‘ (رومیوں4: 7).

رومیوں4: 7 تے تبصرہ کردے ہوئے آر سی ایچ لینسکی R. C. H. Lenski نے کہیا،

یہ بابرکت عمل ایس قدر عظیم اے کہ داؤد اِک ہُور اصطلاح دا اضافہ کردا اے: ڈھانپ دیتے گئے سی‘‘ … خیال ایہہ نہئیں اے کہ کسی شے دے ہیٹاں لُکہایا گیا جیہڑا کہ شاید کھیچیا جائے؛ تے گناہ آخرکار منظر عام تے آ جان گے، بلکہ ہمیشہ دے لئی خدا دی نظراں توں چُھپا دِتے جان۔ کیس قسم دا غلاف ممکنہ طور تے اینج کر سکدا اے؟ مسیح دا لہو، ساڈی رحم دی نشست (آر۔ سی۔ ایچ۔ لینسکی، پی ایچ۔ ڈی۔ R. C. H. Lenski, Ph. D.، رومیوں دے ناں مقدس پولوس رسول دے مراسلے دی تاویل The Interpretation of St. Paul’s Epistle to Romans، اوگسبرگ اشاعتی گھر Augsburg Publishing House، اشاعت 1961، صفحات 298۔299)۔

جدوں تُسی مسیح دے کول آندے اُو تے تہاڈے گناہ اُوہدے لہو نال ڈھانپے جاندے نے، جیویں کہ نوح دی کشتی نوں رال نال ڈھانپ دِتا گیا سی۔ تے ایویں،

’’صرف نوح باقی بچیا تے اُو جیہڑے اُوہدے نال کشتی وِچ سی‘‘ (پیدائش 7: 23).

5۔ پنجویں گل، کشتی مسیح دے مُردیاں وِچوں جی اُٹھن تے آسمان تے اُٹھائے جان نون ظاہر کردی اے۔

کشتی دی تشبیہاتی تعلیم گناہواں دے کفارے توں پرے مسیح دے مُردیاں وِچوں جی اُٹھن تیکر پہنچدی اے۔ پیدائش8: 4 تے نظر پاؤ۔

’’تے ستویں مہینے دے سترھویں دِن کشتی اراراط دے پہاڑاں وِچوں اِک چوٹی تے ٹِک گئی‘‘ (پیدائش 8: 4).

سیلاب دے اِختتام تے، کشتی کوہ اراراظ تے ٹِک گئی سی۔ اُوس پہاڑ دی چوٹی تے کشتی دی حتمی آرام دی تھاں سی۔ ایہہ مسیح دے مُردیاں وِچوں جی اُٹھن وَل اشارہ کردی اے، جیہڑا ’’آسمان تے چڑھ گیا‘‘ (افسیوں4: 8)، ’’جِیتھے مسیح خدا دے سجے پاسے بیٹھیا ہویا اے‘‘ (کُلسیوں3: 1)۔ کشتی دی آخری آرام گاہ اِک پہاڑ دی چوٹی، جیہڑی اُوس اُتے دی تھاں دی تشبیہہ کرتی اے، جِیتھے خداوند یسوع مسیح ہُن خدا باپ دے سجے ہتھ تے بیٹھا اے۔

6۔ چھٹی گل، کشتی اُوہناں دی مکمل حفاظت نوں ظاہر کردی اے جیہڑے مسیح وِچ نے۔

نوح تے اُوہدے خاندان نوں اپنے آپ دی حفاظت نہئیں کرنی پیہئی سی۔ اُو سیلاب توں جیس وِچ پانی داخل نہئیں ہو سکدا سی اُوس کشتی توں بچائے گئے سن کیوں جے اُو ’’اندر تے باہر توں رال نال پوتی ہوئی‘‘ سی (پیدائش6: 14)۔ ایہدے نال کوئی فرق نہئیں پیہندا کہ کیہنی شدید بارش ہوئی سی، یا پانی کیہنا چڑھ گیا سی، اُو سارے جیہڑے کشتی دے اندر سن محفوظ سن۔ ایہہ خاص طور تے مسیح وِچ تبدیل ہون آلے دی دائمی حفاظت دی گل کردی اے۔ جیویں کہ نوح تے اُوہدا خاندان کشتی وِچ محفوظ سن، اینج اے، ’’تہاڈی حیاتی مسیح دے نال خدا وِچ محفوظ اے‘‘ (کُلسیوں3: 3)۔ اِک وری جدوں تُسی ’’یسوع مسیح وِچ‘‘ ہوو (I کرنتھیوں1: 30) تے تُسی اپنی نجات نوں گنوا نہئیں سکدے اُو!

’’چنانچہ جیہڑے مسیح یسوع وِچ نے ہُن اُوہناں تے سزا دا حکم نہئیں‘‘ (رومیوں 8: 1).

پیدائش7: 16 تے نظر پاؤ،

’’خدا دے نوح نوں دِتے ہوئے حکم دے مطابق جیہڑے جاندار اندر آئے اُو نر تے مادہ سن۔ فیر خداوند نے کشتی دا بوہا بند کر دِتا‘‘ (پیدائش 7: 16).

جدوں نوح کشتی چہ اِک وری آ گیا سی تے خود خدا نے ’’اُوہنوں اندر بند کر چھڈیا‘‘ ایہہ کیس قدر شاندار اِک خیال اے! اِک وری جدوں تُسی مسیح وِچ داخؒ ہو جاندے اُو، تے تُسی ’’خدا دی قدرت دے ذریعے توں محفوظ کیتے‘‘ جاندے اُو (1۔پطرس1: 5)۔

’’جیہڑا پُتر تے ایمان لیہیاندا اے اُو ہمیشہ دی حیاتی پاندا اے‘‘ (یوحنا 3: 36).

’’میں اُوہناں نوں ہمیشہ دی حیاتی دینا آں۔ تے اُو کدی وی ہلاک نہئیں ہون گے‘‘ (یوحنا 10: 28).

اُو اپنی قدرت دے ذریعے تے تہاڈے ایمان دے وسیلے توں تہاڈی حفاظت کردا اے تاکہ تُسی نجات پا سکو جیہڑی آخری زمانے وِچ ہون آلی اے‘‘ (پطرس 1: 5).

’’خدا دے نوح نوں دِتے ہوئے حکم دے مطابق جیہڑا جاندار اندر آئے… فیر خداوند نے کشتی دا بوہا بند کر دِتا‘‘ (پیدائش 7: 16).

’’صرف نوح باقی بچیا تے اُو جیہڑے اُوہدے نال کشتی وِچ سن‘‘ (پیدائش 7: 23).

7۔ ستویں گل، کشتی ظاہر کردی اے اُوس دعوت نوں جیہڑی خدا مسیح وِچ آن دے لئی دیندا اے۔

پیدائش 7: 1 تے نظر پاؤ۔

’’فیر خداوند نے نوح نوں کہیا: توں اپنے پورے خاندان دے نال کشتی وِچ چلا آ‘‘ (پیدائش 7: 1).

ایہہ پہلی وری اے کہ بائبل وِچ لفظ ’’چلا آ‘‘ پایا گیا اے۔ باقی دے کلام ]پاک وِچ ایہہ پنج سو توں زائد وری پیش کیتا گیا اے۔ ایہہ انتہائی اہمیت دا حامل نظر آندا اے کہ لفظ ’’چلا آ‘‘ پہلی وری ایتھے ای ظاہر ہوندا اے۔

’’فیر خداوند نے نوح نوں کہیا: توں اپنے پورے خاندان دے نال کشتی وِچ چلا آ‘‘ (پیدائش 7: 1).

’’چلا جا‘‘ دا مطلب ایہہ ہوندا اے کہ خدا نوح توں کہہ رہیا سی کہ اُوہدے توں جُدا ہو جائے۔ ’’چلا آ‘‘ ظاہر کردا اے کہ خدا کشتی وِچ اُوہدے نال موجود ہووے گا۔ ایہہ اُوس گل دی عکاسی کردا اے جیہڑی یسوع نے انجیل وِچ کہی،

’’میرے کول آؤ… تے میں تہانوں آرام بخشاں گا‘‘ (متی 11: 28).

ایس لئی، اَج سویرے میری تہاڈے نال اُوہی التجا اے جیہڑی عرض خدا نے نوح نال کیتی سی۔ کشتی وِچ چلا آ۔ اُو نجات وِچ چلا آ جیہڑی مسیح مہیا کردا اے۔ یسوع وِچ چلا آ۔ تہاڈے گناہ دا پردہ اُوہدے لہو وِچ دُھل جائے گا۔ یسوع تہانوں خدا دے فیصلے توں محفوظ رکھے گا۔ یسوع وِچ چلا آ۔ چلا آ تے بچایا جا۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

کشتی دا تشبیہاتی مطالعہ

THE TYPOLOGY OF THE ARK
( پیدائش دی کتاب تے واعظ # 44 )
(SERMON #44 ON THE BOOK OF GENESIS)

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

’’صرف نوح باقی بچیا تے اُو جیہڑے اُوہدے نال کشتی وِچ سن‘‘
(پیدائش 7: 23).

(1۔ پطرس3: 20۔21)

1.  پہلی گل، کشتی مسیح وِچ نجات دی خدا دی پروردگاری نوں ظاہر کردی اے،
پیدائش6: 13۔14؛ مکاشفہ13: 8۔

2.  دوجی گل، کشتی ظاہر کردی اے کہ اَسی مسیح ساڈے متبادل دے ذریعے توں خدا دے قہروغضب توں معاف کر دِتے گئے آں، رومیوں3: 24۔25؛ 1۔ یوحنا2: 2؛ 1۔ یوحنا4: 10؛ اشعیا53: 10؛ 1۔کرنتھیوں1: 30؛ رومیوں8: 1۔

3. تیجی گل، کشتی ظاہر کردی اے کہ نجات پان دے لئی مسیح واحد ؟ذریعہ اے، پیدائش 6: 16؛ 10: 9؛ 19: 34۔

4. چوتھی گل، کشتی مسیح دے کفارے نوں ظاہر کردی اے، پیدائش6: 14؛ رومیوں4: 7۔

5. پنجویں گل، کشتی مسیح دے مُردیاں وِچوں جی اُٹھن تے آسمان تے چُکے جان نوں ظاہر کردی اے، پیدائش 8: 4؛ افسیوں4: 8؛ کلسیوں3: 1۔

6. چھٹی گل، کشتی اُوہناں دی مکمل حفاظت نوں ظاہر کردی اے جیہڑے مسیح وِچ نے، پیدائش 6: 14؛ کلسیوں3: 3؛ 1۔کرنتھیوں1: 30؛ رومیوں8: 1؛ پیدائش7: 16؛ 1۔پطرس1: 5؛ یوحنا3: 36؛ 10: 28۔

7. ستویں گل، کشتی ظاہر کردی اے اُوس دعوت نوں جیہڑی خدا مسیح وِچ آن دے لئی دیندا اے، پیدائش7: 1؛ متی11: 28۔