ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

گذشتہ اِتوار (12 فروری، 2023) میں پیدائش6: 1۔5 آیت وِچوں ’’اِک بدنصیب دُنیا دی شبیہ‘‘ دے عنوان توں اِک واعظ دی تبلیغ کیتی۔ اَسی ویکھیا کہ سیلاب توں پہلا نوع انسانی شیطانی طور تے قابو وِچ سی۔ اَسی ویکھیا کہ نسل انسانی دے خدا دے روح دے قائل کر دین آلے تے تبدیل کر دین آلے اعمال دی مزاحمت کیتی۔ تے اَسی انسان دی گناہ وِچ ڈِگی ہوئی مکمل مسخ شُدہ حالت نوں ویکھیا جیہڑی ایس قدر واضح طور تے بیان کیتی گئی،

’’تے خداوند نے ویکھیا کہ زمین تے انسان دی بدی بوہتی ودھ گئی اے، تے اُوہدے دِل دے خیالات ہمیشہ بدی وَل مائل رہندے نے‘‘ (پیدائش6: 5)۔

ڈاکٹر ایم۔ آر۔ ڈیحان Dr. M. R. DeHaan بائبل دے اِک عظیم اُستاد سن جِنہاں نوں میں پینتالیس وریاں پہلاں خود ذاتی طور تے لاس اینجلز دے مرکزی قصبے وِچ اوپن ڈور دے گرجا گھر وِچ سُنیا سی، جدوں ڈاکٹر جے۔ ورنن میگی Dr. J. Vernon McGee پادری صاحب سن۔ میں اِک ہفتے تیکر ڈاکٹر ڈیحان نوں تبلیغ کردے سُنندا رہا۔ میں اُوہدے نال جیہڑا اُوہنے نے کہیا انتہائی شدت دے نال متاثر سی تے کدی وی اُوہناں نوں نہئیں بُھلایا۔ میں اُوہناں دی نوں دا زمانہ The Days of Noah نامی کتاب پڑھی۔ ایہہ واضح مختصر تے جامع اے۔ جے تُسی اُوہدی نقل پا سکو، تے ہر ممکن طرح نال اینج کرو، شاید انٹرنیٹ توں۔ نوح دے زمانے توں تعلق رکھدے ہوئے، ڈاکٹر ڈیحان نے کہیا،

ایویں لگدا اے جیویں انسانیت دی ایہ تنزلی ایس قدر پستی تیکر ٹُر گئی اے کہ فوری عمل دی لوڑ سی… ایویں لگدا سی کہ اُوتھے صرف اِک ای خاندان سی جیہڑا شیطان دے پروگرام توں متاثر نہئیں ہویا سی، تے ایہ اِک خاندان نوح دا سی۔ شیطانی سرگرمیاں دے نتیجے دے طور تے ناقابلِ بیان بدکاری، غلاظت تے تذلیل دی ڈرامائی وضاحت دے بعد، اَسی اِک اہم ’’لیکن‘‘ تے پہنچنے آں۔ ’’میں انسان نوں جِنہوں میں پیدا کیتا اے روئے زمین توں مٹا دیاں گا…‘‘ (پیدائش6: 7)، ایس جملے دے بعد اگلی آیت کہندی اے، ’’لیکن نوح خداوند دے نظر وِچ مقبول ٹھہرا‘‘ (پیدائش6: 8)۔ شیطانی بدکاری دے گھٹیا اندراج وِچ واحد مثتثنیٰ قرار دین آلی گل نوح وکھائی دیندا اے (ایم۔ آر۔ ڈیحان، ایم۔ ڈی۔ M. R. DeHaan, M.D.، نوح دا زمانہ The Days of Noah، ژونڈروان پبلیشنگ ہاؤس Zondervan Publishing House، 1963، صفحہ 147)۔

’’لیکن نوح خدا دی نظر وِچ مقبول ہویا۔ نوح دے حالات ایویں نے: نوح راستباز انسان سی تے اپنے زمانہ دے لوکاں وِچ بے عیب سی تے اُو خدا دے نال نال چلدا سی’’ (پیدائش 6: 8۔9)۔

پیدائش چھ باب وِچ کلام پاک دا ایہ حوالہ تین اہم سچائیاں نوں ظاہر کردا اے جِنہاں دے بارے وِچ مَیں چاہنا واں کہ تُسی اَج راتی سوچو۔

I۔ پہلی گل، حوالہ ظاہر کردا اے کہ چند ای لوکی بچائے جاندے نے۔

نوح دے اُوہدے خاندان دے علاوہ کوئی وی سیلاب توں پہلاں دے زمانے وِچ نہئیں بچیا سی۔ ’’جدید‘‘ ذہن ایس خیال نوں سوچ کے ڈر نال دُبک جاندا اے کہ ایس قدر کم بچائے گئے سن۔ تے ایس دے باوجود ایہ کلام پاک دے وِڈے مرکزی موضوعات وِچوں اِک اے۔ ساری بائبل وِچوں اَسی دریافت کرنے آں کہ نجات ہمیشہ توں اِک چھوٹی جہئی اقلیت نوں ملی اے۔ خداوند یسوع مسیح دے مقابلے وِچ کسی ہُور نے ایس گل نوں ایس قدر واضح نہئیں کیتا جدوں اُوہنے کہیا،

’’تنگ بوہے وِچوں داخل ہو کیوں جے اُو بوہا چوڑا تے اُو راستہ کشادہ اے جیہڑا ہلاکت وَل جاندا اے تے ایس توں داخل ہون آلے بوہتے نے کیوں جے اُو بوہا تنگ تے اُو راستہ سُکڑیا ہویا اے جیہڑا حیاتی وَل جاندا اے تے اُوہدے پان آلے تھوڑے نے‘‘(متی 7: 13۔14).

ایس دُنیا جیہڑی غلط راہ تے گامزن اے حقیقی مسیحی ہمیشہ اِک اقلیت رئے نے۔ لیکن یسوع نے کہیا،

’’اے چھوٹے گلّے؛ ڈر مت، کیوں جے تیرے باپ دی خوشی ایہسے وِچ اے کہ اُو تہانوں بادشاہی عطا فرمائے‘‘ (لوقا 12: 32).

جدوں یسوع یروشلم وَل سفر کر رہیا سی تے کیس نے کہیا،

’’اے خداوند! کی تھوڑے جیہئے لوکی ای نجات پا سکن دے؟ اُوہنے اُوہناں نوں کہیا، تنگ بوہے توں داخل ہون دی پوری کوشش کرو کیوں جے میں تہانوں کہنا آں کہ بُتہیرتے لوکی اندر جان دی کوشش کرن گے لیکن نہ جا سکن گے‘‘ (لوقا 13: 23۔24).

بُہتیرے مسیح دے لئی اندر جان دی ’’کوشش کرن گے، لیکن صرف چند اِک ای اینج کرن دی ’’کوشش کردے نے۔ یونانی لفظ ’’ایگونائی زومائی agonizomai‘‘ – ’’اذیت برداشت کرنا‘‘ ہوندا اے۔ صرف چند اِک ای حقیقی تبدیلی دی اذیت توں لنگہدے نے۔ اُو جیہڑے ’’کوشش‘‘ کردے نے داخل ہو جاندے نے۔ اُو جیہڑے محض ’’تلاش‘‘ کردے نے گواچے رہندے نے۔ اینج ای نوح دے زمانے وِچ ہوندا سی، تے اینج ای اَج دے زمانے وِچ ہوندا اے۔ کوئی وی کشتی وِچ داخل نہئیں ہویا، تے کوئی وی بچایا نہئیں گیا سی ماسوائے نوح تے اُوہدے خاندان دے۔ اَج وی کوئی ایہنا فرق نہئیں اے،

’’تنگ بوہے وِچوں داخل ہو کیوں جے اُو بوہا چوڑا تے اُو راستہ کشادہ اے جیہڑا ہلاکت وَل جاندا اے تے ایس توں داخل ہون آلے بوہتے نے کیوں جے اُو بوہا تنگ تے اُو راستہ سُکڑیا ہویا اے جیہڑا حیاتی وَل جاندا اے تے اُوہدے پان آلے تھوڑے نے‘‘(متی 7: 13۔14).

ڈاکٹر جان آر۔ رائس Dr. John R. Rice نے کہیا،

اہس دا موازنہ لوقا13: 24 آیت دے نال کرو تے ہولناک معنی واضح ہوندا اے۔ جہنم وَل جان آلا راستہ جنت وَل جان آلے راستے دے مقابلے وِچ کشادہ تر اے۔ بہوتے لوکی جنت دے مقابلے چہ جہنم وِچ جاندے نے۔ دروازہ تے راستہ یسوع اے (یوحنا14: 6)۔ ایس دُنیا وِچ ایس دے علاوہ ہور کوئی راستہ نہئیں اے جیس نال لوکی نجات پان دی کوشش کرن، مسیح وِچ ایمان دے وسیلے نال نئے سرے توں جنم لئے بغیر تے اُو ہمیشہ دی تباہی وَل رہنمائی کرے گا۔ جنت وِچ جان دے لئی صرف اِک ای راستہ اے۔ ویکھو یوحنا10: 1؛ اعمال4: 12 (جان آر۔ رائس، ڈی۔ڈی۔ John R. Rice, D.D.، یہودیاں دا بادشاہ: متی دی انجیل دے مطابق آیت بہ آیت تبصرہ The King of the Jews: A Verse-by-verse Commentary on the Gospel According to Mathew، خداوند دی تلوار اشاعت خانے Sword of the Lord Publishers، 1980 ایڈیشن، صفحہ 121)۔

میں مکمل طور تے وضاحت نہئیں کر سکدا کہ کیوں زیادہ تر لوکی مسیح دے لئی ’’داخل ہون دی کوشش‘‘ وِچ ناکام ہوندے نے۔ میں 1958 توں مکمل پچاس وریاں تیکر مذہبی خدمت وِچ رہ چکیا آں، تے میں ہُنے تیکر مکمل طور تے نہئیں سمجھ سکیا آں کہ کیوں اینج ہوندا اے۔ لیکن میں اپنے طویل تجربے نال جاننا آں کہ ایہہ سچ اے۔ ایہنا ای یقین دے نال جِنہا اے نوح دے زمانے وِچ سچ سی، ایہنا ای سچ ایہہ اَج اے،

’’اُوہدے کول آن آلے تھوڑے نے‘‘ (متی 7: 13۔14)۔

II۔ دوجی گل، حوالہ ظاہر کردا اے کہ نوح فضل دے وسیلے توں بچایا گیا سی۔

پیدائش6: 8 تے نظر پاؤ،

’’لیکن نوح خداوند دی نظر وِچ مقبول ہویا‘‘ (پیدائش 6: 8).

تے اونج وی میرے بیلی ایہو ای واحد طریقہ اے کہ آدم دی نسل دا کوئی مکمل طور تے مسخ شُدہ فرد بچایا جا سکدا اے۔ تُسی یا تے فضل دے وسیلے توں یا کھوئے ہوئے اُو تے بچائے جا سکدے اُو – سارے زمانیاں تے ساری ابدیت دے لئی۔ ڈاکٹر چارلس سی۔ رائیری Dr. Charles C. Ryrie نے آیت 8 وِچ لفظ ’’فضل‘‘ تے اِک چنگا تبصرہ پیش کیتا۔ اُوہناں نے کہیا،

عبرانی، چعن Chen، بنیادی معنیاں وِچ ’’جُھکنا یا خمیدہ ہونا‘‘ ہوندا اے، ایویں اِک متکبرانہ یا بلاوجہ بخشش اِک ممتاز ہستی دے مقابلے وِچ اِک کمتر بندے نوں ملدی اے (چارلس سی۔ رائیری، پی ایچ۔ ڈی۔ Charles C. Ryrie, Ph.D.، رائیری دا مطالعۂ بائبل The Ryrie Study Bible، موڈی پریس، اشاعت 1978، پیدائش6: 8 تے اِک غور طلب گل)۔

اُو ’’ممتاز ہستی‘‘ خدا اے۔ ’’کمتر بندہ‘‘ کھویا ہویا گنہگار اے۔ فضل دا مطلب اے کہ خدا جدوں اِک کھویا ہویا گنگہار تبدیل ہوندا اے تے اُوہنوں متکبرانہ بخشش پیش کردا اے۔ بائبل وِچ ایس موضوع تے واضح ترین آیت افسیوں2: 8۔9 اے،

’’کیوں جے تہانوں ایمان دے وسیلہ توں فضل ای توں نجات ملی اے تے ایہہ تہاڈی کوششاں دا نتیجہ نہئیں بلکہ خدا دی بخشش اے۔ تے نہ ای ایہہ تہاڈے اعمال دا پھل اے کہ کوئی فخر کر سکے‘‘ (افسیوں 2: 8۔9).

ایس نال کوئی فرق نہئیں پیہندا کہ لوکی کینج شاید افسیوں2: 8۔9 نوں وگاڑن، اُو آیتاں اُودھوں وی اُوہی گل کردیاں نے: نجات خدا دے فضل دا تحفہ اے۔ چونکہ ایہہ اِک تحفہ اے، ایس لئی کوئی انسانی کوشش نجات وِچ شامل نہئیں ہوندی اے۔ نجات ایویں مونرجیسٹکmonergistic اے، خدا دے وسیلے توں اُوہدے فضل دے ذریعے نال دِتی گئی، بغیر کسی گروہی معاونت یا مکمل طور تے مسخ شُدہ شخص وَلوں مدد دے۔

نوح دی نجات وِچ ’’فیصلہ سازیتDecisionism‘‘ دی کوئی تھاں نہئیں سی۔ نوح کسی قسم دے فیصلے نوں اپنائے بغیر فضل دے وسیلے توں بچایا گیا سی۔ جے تُسی نوح نوں نجات پان دے لئی کوئی فیصلہ لیہندے ہوئے تلاش کرن دی کوشش کردے اُو، تے تُسی ناکام ہو جاؤ گے، کیوں جے ایہہ پیدائش دے چھٹے باب وِچ نہئیں اے! ایہہ واقعی چہ اُوتھے نہئیں اے! انسان دی تباہ حالی تے گناہ دی تاریکی توں آیت اچانک ساڈے تے آ پیہندی اے۔ ایہہ الفاط اچانک کلام پاک دے صفحے تے اُمڈ آندے نے،

’’لیکن نوح خداوند دے نظر وِچ مقبول ہویا‘‘ (پیدائش 6: 8).

کی ایہہ تعجب خیز نہئیں اے؟ ایہہ یقیناً اے! ایسے لئی اِک ظالم بدکار بوڑھے غلام تاجر نے جیس نوں یسوع نے بچایا سی لکھیا،

حیرت انگیز فضل! کیس قدر مِٹھی اُو واج اے،
جنہے میرے وگرے تباہ حال نوں بچایا اے!
میں جیہڑا کدی گواچ گیا سی، لیکن ہُن مل گیا واں،
اَنّا سی لیکن ہُن ویکھنا واں۔
     (’’حیرت انگیز فضلAmazing Grace ‘‘ شاعر جان نیوٹن John Newton ، 1725۔1807).

جان نیوٹن نے متاثر ہو کے کہیا سی، ’’میں فضل دے وسیلے توں حیرت چہ مبتلا آں!‘‘ ’’کدی میں گواچیا ہویا سی، لیکن ہُن میہنوں لبھ لیہیا گیا اے۔‘‘ کدی میں اَنّہا سی، لیکن ہُن میں مسیح تے انجیل نوں واضح طور تے ویکھ سکنا آں – تے اُو فضل جیس نے ایہہ کیتا میری ذہنی سمجھ بوجھ توں ایس قدر بالا اے کہ ایہہ میہنوں حیرت وِچ مبتلا کر دیندی اے۔‘‘ ایہہ مطلب سی بوڑھے جان نیوٹن دا۔ فضل ہمیشہ حیرت زدہ کر دین آلا ہوندا اے۔ ایہہ ہمیشہ توں حیرت انگیز ہوندا اے جدوں فضل اِک گواچے ہوئے گنہگار نوں مسیح وَل موڑدا اے۔ ایہو ای جان نیوٹن دے نال ہویا سی، تے عظیم سیلاب آن توں بہوتا عرصہ پہلاں، ایہو ای نوح دے نال ہویا سی۔ دوویں بندے مسیح وِچ خدا دے حیرت انگیز فضل دے وسیلے توں بچائے گئے سن۔ تے اُونج وی، جے تُسی کدی وی مسیح چہ ایمان لیہیا کے تبدیل ہوئے اُو، تے ایہہ وی خدا ای دے حیرت انگیز فضل دا نتیجہ ہووے گا! ایس توں علاوہ کوئی ہُور دوجا راستہ ہے ای نہئیں!

عظیم انگریز مبشر انجیل جارج وائٹ فیلڈ نے اپنے مشہور واعظ ’’فضل دا طریقہ کارThe Method of Grace‘‘ وِچ واضح کیتا کہ تہاڈے نال کی ہونا چائیدا اے جے تُہانوں فضل دے وسیلے توں بچایا جاندا اے۔ اُوہناں نے کہیا،

1. تہانوں خدا دی شریعت دے خلاف تہاڈی اصلی قانون شکنی تے افسوس، ماتم تے احساس نوں وکھایا جانا چائیدا اے۔ (ایہہ اُوہناں نے کہیا دراصل اِک گواچے ہوئے گنہگار وِچ فضل دا پہلا عمل سی)۔

2. تہانون خود اپنی بدکار فطرت دا قائل ہونا چائیدا اے، اپنی روح دی کُل تباہ حالی… تہانوں خود تہاڈا اپنا اصلی گناہ محسوس کرایا جانا چائیدا اے، وکھایا جانا چائیدا اے، اُو موروثی بدکاری جیہڑی تہاڈے دِل وِچ بسی ہوئی اے، جیہڑی تہانوں خدا توں ملعون ٹھہرائے جان دے لئی اہل قرار دیندی اے۔ (ایہہ اُوہناں نے کہیا کہ اِک گواچے ہوئے بشر وِچ فضل دا گہرا کام سی، اِک شخص دی رہنمائی خود تے پروہسا نہ کرن تے کرنا، تے خود اپنے گناہ توں بھرپور دِل تے ذہن نال نفرت کرنا)۔

3. تہانوں صرف خود اپنی حیاتی وِچ تے اپنی فطرت وِچ گناہواں نال پریشان ہو جانا چائیدا اے، بلکہ اپنے بہترین فیصلیاں، اِرادیاں تے اپنی کہلائی جان آلی ’’مسیحی حیاتی‘‘ وِچ پریشانی ہو جانا چائیدا اے۔ (وائٹ فیلڈ نے کہیا کہ خدا دے فضل نوں تہانوں قائل کرنا چائیدا اے، کہ تُسی خود توں، اپنی گواچی ہوئی حالت وِچ اینج دا کُج نہئیں کر سکدے جیہڑا خدا نوں خوش کرے یا جلال بخشے)۔

4. تہانوں دُنیا وِچ سب توں لعنتی ترین گناہ دا قائل ہو جانا چائیدا اے، جیہڑا مسیح وِچ بے اعتقادی دا گناہ اے۔ (صرف خدا دا فضل ای تہانوں قائل کر سکدا اے کہ تُسی مکمل طور تے یسوع مسیح تے پروہسا نہئیں کیتا ہویا اے، تے ایہو ای وجہ اے کہ تُسی ہُنے تیکر کھوئے ہوئے اُو)۔

5. تہانوں مسیح دی راستبازی نوں گرفت چہ لیہنا چائیدا اے۔ (تہانوں مسیح نوں اپنان دے لئی فضل دے وسیلے توں ایس قابل ہو جانا چائیدا اے تے اُوہدے پاک صاف کر دین آلے لہو دے وسیلے توں پاک صاف تے راستباز ہو جانا چائیدا اے)۔

(’’فضل دا طریقۂ کارThe Method of Grace‘‘ مصنف محترم جناب جارج وائٹ فیلڈ George Whitefield، 1714۔1770)۔

اینج ای خدا دا فضل عموماً اِک گنہگار دے دِل تے کام کردا اے تے اُوہنوں مسیح یسوع چہ مکمل تبدیلی دے لئی بدلدا اے۔ ایہ ای بِلاشبہ اُو اہم قوت سی جیہڑی نوح دے نال رونما ہوئی سی۔ عبرانیوں11: 7 سانوں دسدی اے کہ نوح ’’خوف دے نال دہل گیا‘‘ سی۔ اُو الفاظ اُوہنوں جیہڑے وائٹ فیلڈ نے حقیقی تبدیلی دے بارے چہ کہے اِک جملے چہ شفاف کر دیندے نے، ’’خوف دے نال دہل جانا۔‘‘ حقیقی تبدیلی توں پہلاں، ’’اُوہناں دی نظراں چہ خدا دا کوئی خوف نہئیں ہوندا اے‘‘ (رومیوں3: 18)۔ ایہو ای وجہ اے کہ غیر تبدیل شُدہ مبشران انجیل تے بپتسمہ دین آلے جیہو جیہا اُو کردے نے یقین رکھدے تے برتاؤ کردے نے۔ اُوہناں نے کدی وی حقیقی تبدیلی دا تجربہ نہئیں کیتا ہوندا۔

’’لیکن نوح خداوند دی نظر چہ مقبول ہویا‘‘ (پیدائش 6: 8).

III۔ تیجی گل، حوالہ ظاہر کردا اے کہ فضل دے وسیلے توں سچی نجات نیک اعمال نوں جنم دیندی اے۔

’’فیصلہ سازیت decisionism‘‘ دے موجودہ دور چہ ایہ اِک نازک گل اے، جدوں لوکی کسی قسم دا فیصلہ لیہندے نے یا کہا جائے تے ’’اِرادہ کردے نے تے چھیتی ای بعد چہ اپنے پرانے گناہواں وَل راغب ہو جاندے نے۔ اُو شاید الطار تیکر آندے ہون تے ’’گنہگاراں دی دعا‘‘ پڑھدے ہون، لیکن اُو چھیتی ای گناہ چہ ڈِگ جاندے نے تے واپس دنیا تے اُوہدی لطافتاں چہ دوڑ جاندے نے۔ کیوں؟ کیوں جے، نوح دے برعکس اُوہناں نے ’’خدا دی نظر چہ مقبولیت‘‘ نہئیں پائی ہوندی (پیدائش6: 8)۔ ایہہ ایس لئی رونما ہوندا اے کیوں جے اُو پہلے ای خدا دے فضل دے وسیلے نال کدی نہئیں بچائے گئے ہوندے نے! اَسی ایہہ کیویں جاننے آں؟ کیوں جے فضل دے وسیلے نال سچی نجات ہمیشہ تبدیلی پیدا کردی اے، ہمیشہ اِک دی حیاتی وِچ اِک نئی سمت پیدا کردی اے، ہمیشہ – بغیر کسی مستثنیٰ قرار دین دے عمل دے۔ ایس لئی یعقوب رسول نے کہیا،

’’بیوقوف! کی توں ایہ وی نہئیں جانندا کہ ایما عمل دے بغیر مُردہ اے‘‘ (یعقوب 2: 20).

اِک آدمی شاید کہندا اے کہ اُوہدے کول ایمان اے، لیکن اُوہدی حیاتی ظاہر کردی اے کہ ایہہ صرف اِک مُردہ ایمان اے۔ ایمان جیہڑا خدا دے فضل دے وسیلے توں آندا اے زندہ ہوندا اے۔ ایہہ دِل نوں بدل دیندا اے۔ ایہہ کسی دی حیاتی دی ساری سمت نوں بدل دیندا اے۔ زیادہ تر لوکی جِنہاں نوں اَسی ’’جسمانی نیت دی مسیحی‘‘ کہندے نے اَج دراصل اُو لوکی نے جِنہاں نے حقیقی تبدیلی وِچ خدا دے فضل دی بدل ڈالن آلی قوت دا تجربہ کدی وی نہئیں کیتا ہوندا۔ ایس لئی اُوہناں دے نال ٹُرنا ایس قدر مشکل ہوندا اے۔ ایس ای لئی اُو مقامی گرجا گھر توں ایہنی آسانی دے نال دور چلے جاندے نے۔ ایس لئی اُو خدا دے لئی کوئی وی معیاری گل نہئیں کردے۔ یسوع نے کہیا،

’’تُسی اُوہناں دے پھلاں نال اُوہناں نوں پہچان لوؤ گے۔ کی لوکی جھاڑیاں توں انگور یا کانڈے دار درختاں توں انجیر توڑدے اُو؟ لہٰذا ہر چنگا درخت چنگا پھل تے ہر بُرا درخت بُرا پھل دیندا اے۔ نہ چنگا درخت بُرا پھل دیندا اے تے نہ ای بُرا درخت چنگا۔ اُو درخت جیہڑا چنگا پھل نہئیں دیندا کٹیا تے اَگ چہ سُٹیا جاندا اے۔ پس تُسی جھوٹے نبیاں نوں اُوہناں دے پھلاں دے نال پہچان لوؤ گے‘‘ (متی 7: 16۔20).

اِک ’’چنگا درخت‘‘ کسی ایہو جئے بندے وَل اشارہ کردا اے جیہڑا مسیح چہ خدا دے فضل توں بچایا گیا ہوندا اے۔ اِک ’’بُرا درخت‘‘ کوئی ایہو جیہا بندہ ہوندا اے جیس نے مسیح چہ خدا دے فضل دے وسیلے توں حقیقی تبدیلی دا تجربہ نہئیں کیتا ہوندا۔ تُسی اِک ’’چنگے درخت‘‘ صرف نئے سرے توں جنم لین دے تجربے دے وسیلے نال ای بن سکدے اُو، جیہڑا کہ صرف خدا دے فضل دا اِک تحفہ ہوندا اے، تے واحد مسیح چہ ایمان رکھن نال لبھدا اے۔

نوح اِک ایہو جئے بندے دی بہترین مثال اے جیہڑا واحد فضل دے وسیلے توں بچایا گیا سی۔ اُوہدی نجات نے چنگا پھل پیدا کیتا، جیویں کہ ہر اُوس شخص وِچ کردی اے جیہڑا مسیح چہ خدا دے فضل دے وسیلے نال سچے طور تے تبدیل ہوندا اے۔ پیدائش6: 9 آیت وِچ سانوں نوح دی حقیقی تبدیلی دا پھل پیش کیتا گیا اے۔

’’نوح دے حالات ایویں نے: نوح راستباز انسان سی تے اپنے زمانے دے لوکاں چہ بے عیب سی تے اُو خدا دے نال نال ٹردا سی‘‘ (پیدائش 6: 9).

نوھ راستباز تے شریف سی کیوں جے اُو خدا دی نظراں چہ مقبول ٹھہریا سی۔ نوح خدا دے نال نال ٹردا رہیا کیوں جے اُو فضل دے وسیلے نال بچایا جا چکیا سی۔ ایس دے علاوہ ہُور کوئی بہترین توجیہح نہئیں اے۔

افسیوں2: 8۔10 آیات نوں دھیان نال سُنو۔ کلام پاک دا ایہہ حوالہ واضح طور تے ظاہر کردا اے کہ خدا دے فضل دے ذریعے توں اِک حقیقی تبدیلی اِک ایہو جئے بندے نوں ’’تخلیق‘‘ کردی اے جیہڑا نیک اعمال دی حیاتی بسر کرے گا۔

’’کیوں جے تہانوں ایمان دے وسیلہ توں فضل ای توں نجات ملی اے تے ایہہ تہاڈی کوششاں دا نتیجہ نہئیں بلکہ خدا دی بخشش اے۔ تے نہ ای ایہہ تہاڈے اعمال دا پھل اے کہ کوئی فخر کر سکے کیوں جے اَسی خدا دی کاریگری آں تے سانوں مسیح یسوع چہ نیک کام کرن دے لئی پیدا کیتا گیا اے جِنہاں نوں خدا نے پہلاں ای توں ساڈے کرن دے لئی تیار کر رکھیا سی‘‘ (افسیوں 2: 8۔10).

اُو آدمی یا عورت جیہڑا مسیح چہ خدا دے فضل توں بچایا جاندا اے اُو ’’یسوع مسیح چہ نیک اعمال کرن دے لئی پیدا کیتا گیا ہوندا اے‘‘ (افسیوں2: 10)۔ ایس توں زیادہ واضح ہور کی ہو سکدا اے؟ اُو جیہڑے ’’اِخلاقی طور تے ڈِگے ہوئے‘‘ مانے جاندے نے یا اپنے مقامی گرجا گھر نوں چھڈ دیندے نے، ’’یسوع مسیح چہ نیک اعمال کرن دے لئی پیدا نہئیں کیتے گئے جاندے۔‘‘ ایس دا مطلب ہوندا اے کہ اُوہناں نے حقیقی تبدیلی دا تجربہ نہئیں کیتا ہوندا۔ ایہناں معاملات چہ ایہہ تقریباً اِک عالمگیری مسئلہ اے۔

ایس لئی، اَج دی راتی تہاڈے سامنے نوح دی مثال موجود اے۔ خوفزدہ نہ ہوو کہ ایس قدر گھٹ لوکی مسیح چہ ایمان رکھدے نے۔ ایہہ ہمیشہ توں اینج ای رہیا اے۔ خدا دے فضل دے وسیلے توں مسیح چہ داخل ہون دے لئی کوشش کرو، اذیت برداشت کرو، تے فیر ’’مسیح یسوع چہ نیک اعمال کرن دے لئی پیدا ہوئے انسان دی حیثیت نال اپنی نجات نوں بسر کرو (افسیوں2: 10)۔ ایہہ سب اُوس ویلے شروع ہوندا اے جدوں تُسی، نوح وانگوں، ’’خدا دی نظراں چہ مقبولیت‘‘ پاندے اُو (پیدائش6: 8)۔

خدا کرے اُوہدے فضل دے وسیلے توں پاک روح تہانوں گناہ دی سزایابی دے تحت لیہیائے۔ خدا تہانوں اپنے فضل دے وسیلے توں مسیح وَل کھیچ لیہیائے۔ خدا کرے کہ تُسی اُوہدے فضل دے وسیلے توں اُو [یسوع] دے لہو دے ذریعے توں اپنے گناہ توں پاک صاف ہو جاؤ۔ تب فیر اُودھوں شاید تُسی اُوہدے فضل دے وسیلے توں اُوہدے لئی اپنے مقامی گرجا گھر چہ نیک اعمال دے اِک نئی حیاتی جیو۔ سچی نجات مکمل طور تے مسیح یسوع چہ خدا دے فضل تے منحصر ہوندی اے۔

واحد فضل دے وسیلے توں بچایا جاواں! ایہہ میری کُل التجا اے؛
یسوع ساری نوع انسانی دے لئی مریا، تے یسوع میرے لئی مریا۔
     (’’فضل! ایہ اِک دلکش آواز اے Grace! ‘Tis a Charming Sound،‘‘ شاعر فلپ ڈوڈریج Philip Doddridge، 1702۔1751؛
     کورس ترتیب دِتا اے۔ ایم۔ ٹاپ لیڈی A. M. Toplady نے، 1740۔1778)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔