ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایہناں آیتاں وِچ قائن تے ہابل دا واقعہ انتہائی سادہ وکھائی دیندا اے، مگر ایہہ گہرے معنیاں نال بھریا پیہیا اے۔ تے ایس حوالے دے بارے وِچ ساڈے وِچوں ہر اِک نوں گہرائی دے نال سوچنا چائیدا اے، کیوں جے ایہہ گناہ تے نجات پان دے بارے وِچ بوہتا کُج واضح کردا اے۔ ایہدے باوجود، اَج دی راتی ایتھے موجود ہر بندہ یا تے قائن اے یا فیر ھابل اے۔ کوئی مستثنیٰ قرار نہئیں دِتا جا سکدا۔ یا تے تہاڈے چہ قائن دی مشہابت اے، یا فیر تہاڈے وِچ ھابل دی مشہابت ہوندی اے۔ جدوں تُسی ایس واعظ نوں سنو تےتہانوں خود نوں پُچھنا چائیدا اے کہ اُوہناں دوواں وِچوں تُسی کیس نال مشہابت رکھدے اُو۔ اَسی پیدائش دے چوتھے باب وِچ دوواں دے بارے چہ آگاہی حاصل کرنے آں۔ اَج زمین تے رہن آلے جیہڑے لوکی نے اُوہناں دیاں دو قسماں ہوندیاں نے۔ ایویں، ساری دی ساری انسانی نسل نوں صرف دو گروہواں وِچ تقسیم کیتا جا سکدا اے – اُو جیہڑے قائن وانگوں نے، تے اُو جیہڑے ھابل وانگوں نے۔ جدوں میں منادی کراں تے جانن دی کوشش کرو کہ تُسی کیس گروہ نال تعلق رکھدے اُو۔ اوّل، میں دو طریقے ظاہر کراں گا جِنہاں وِچ ایہہ اِک طرح کی سن، تے فیر میں اُو راہ ظاہر کراں گا جیس وِچ اُو مختلف سن۔

I۔ پہلی گل، دو طریقے جیس دی وجہ توں قائن تے ھابل اِکہو جئے سن۔

اُو دوویں ای جنت توں کڈے گئے ماں پیو دے بچے سن۔ ماں پیو دے گناہ وِچ ڈگن دے بعد یا باغ عدن وِچوں کڈے جان دے بعد اُو دوویں ای باغ عدن توں باہر پیدا ہوئے سن، نسل انسانی تے خدا دا لعنت پیجھن دا فیصلہ کرن دے بعد، اُوہناں دے ماں پیو نوں باغ وِچوں کڈے جا چکن تے بعد۔ پولوس رسول نے کہیا،

’’پس جیویں اِک بندے دے ذریعہ توں گناہ دُنیا وِچ داخل ہویا تے گناہ دے سبب توں موت آئی اُونج ای موت سارے انساناں وِچ پھیل گئی کیوں جے ساریاں نے ای گناہ کیتا‘‘ (رومیوں5: 12).

ایویں دوویں قائن تے ھابل گناہ وِچ پیدا ہوئے سن، ’’قطعی طور تے خدا دے غضب دے تحت سن‘‘ (افسیوں2: 3)۔ دوواں دی ای مسخ شدہ طبعیت سی جیہڑی کہ خدا دی مزاحمت کردی سی،

’’ایس لئی کہ جسمانی نیت خدا دی مخالفت کردی اے۔ اُو نہ تے خدا دی شریعت دے تابع اے نہ ہو سکدی اے’’ (رومیوں8: 7).

جیویں کہ دوویں ای بدکاری وِچ پلے ودھے سن تے گناہ دی ذریعے توں حمل چہ آئے سن، تے دوویں ای مسیح وِچ خدا دے وسیلے توں نجات دی لوڑ وِچ سن۔

اُو دوویں ای اِکہو جہئے ماحول وِچ پلے ودھے سن، اِک ای گھر وِچ، اِک ای ماں پیو دے نال۔ ڈاکٹر میگی Dr. McGee نے کہیا،

ایہناں لڑکیاں دا پس منظر اِکہو جیہا سی۔ اُوہناں دی وراثت وی اِک ای سی۔ اُوہناں دا ماحول وی اِک جیہا ای سی۔ اُوہناں دے وِچکار ایس قدر بوہتا فرق نہئیں سی… اُوہناں دی وراثت اکہو جیہئی تے ماحول اِکہو جیہا ای سی (جے ورنن میگی، پی ایچ۔ ڈی۔ J. Vernon McGee, Ph.D.، بائبل دے ذریعے توں Thru the Bible، تھامس نیلسن پبلیشرز Thomas Nelson Publishers، 1981، جلد اوّل، صفحہ29)۔

لہٰذا، قائن تے ھابل دو طرح نال بالکل اکہو جئے سن: (1) اُو دوویں ای مکمل طور تے مسخ شدہ گنہگار سن، تے (2) اُوہناں دوواں دا اِکہو ای ماحول سی تے اکہو جئی وراثت سی۔ اُوہناں دے بارے چہ ایہناں دو گلاں دے بارے وِچ دسنا میرے لئی اہم اے کیوں جے اَسی مشہور نفسیات pop-pshchology دے دور وِچ حیاتی بسر کر رئے آں۔ جیہڑی سانوں دسدی اے کہ جے اِک لڑکا ’’خراب‘‘ ہو جاندا اے تے اُو اُوہدی بُری وراثت تے بُرے ماحول دی وجہ توں ہوندا اے؛ تے جے اگر اُو ’’نیک‘‘ ہوندا اے تے اُو وی ایہو ای دوویں انسانی وجوہات نے۔ مگر ایہہ نہئیں اے جیس دی تعلیم بائبل دیندی اے۔ کلام پاک وِچ اَسی سیکھنے آں کہ اُو طبیعتاً مسخ شُدہ گنہگار سن، تے دوواں وِچوں کوئی وی اُوس حالت وِچ خداوند نوں خوش نہئیں کر سکدا سی۔

اینج ای، اَسی ویکھنے آں کہ قائن تے ھابل اپنی فطرت وِچ بالکل اِکہو جئے سن جدوں اُو اپنے آدم تے حوا دے گھر وِچ پل ودھ کے جوان ہوئے سن۔ تے ایہہ حوالہ ظاہر کردا اے کہ اُوہناں نے بالکل اِک ای ماحول تے پس منظر وِچ پرورش پائی سی، جیہڑا کہ سانوں دوجی گل [موضوع] وَل لے جاندا اے۔

فرق انتہائی سہوکھا اے۔ قائن اِک غیر تبدیل شُدہ آدمی سی، جدوں کہ ھابل واضح طور تے تبدیل شدہ سی۔ اے ڈبلیو پنک نے کہیا،

قائن تے ھابل لوکاں دے دو وڈے گرہواں دے نمائندگان دے طور تے کھڑے ہوندے نے۔ اُو بالترتیب گمراہ ہوئے تے نجات پائے ہوئیاں دی تشبیہ پیش کردے نے؛ خود راستباز تے حیاتی توں مایوس؛ اُو جیہڑے رسمی [اقراری مسیحی] نے اُو جیہڑے مستند [تبدیل شُدہ] نے؛ اُو جیہڑے اپنی نیکیاں تے اِنحصار کردے نے، تے اُو جیہڑے مسیح دے اختتام پزیر عمل تے قائم نے؛ اُو جیہڑے انسانی اہلیت دے وسیلے توں نجات پانے دا تقاضا کردے نے؛ تے اُو جِنہاں دی [خواہش] ہوندی اے کہ اُو [مسیح وِچ] [خدا دے فضل] دے وسیلے توں بچائے جان؛ اُو جیہڑے مسترد کیتے ہوئے تے خدا دی لعنت پائے ہوئے نے، تے اُو جِنہاں نوں قبول کیتا گیا تے [نجات دِتی] گئی اے۔ (آرتھر ڈبلیو۔ پنک Arthur W. Pink، پیدائش وِچ چُنیدہ گلاں Gleanings in Genesis، موڈی پریس Moody Press، دوبارہ اشاعت1981، صفحہ63)۔

قائن نے اپنی تباہ حال تے گناہ وِچ ڈگی ہوئی حالت توں انکاری کیتی تے خدا دے کول اُوہدے طریقے نال نہئیں گیا – اِک خونی قربانی دے ذریعے توں۔ مگر ھابل نے اپنی گناہ دی بھرپوری نوں قبول کیتا سی، جیہڑا خدا نے کہیا اُوہدے تے یقین کیتا، اپنے گناہ دے لئی اِک متبادل خونی قربانی وِچ اپنے ایمان دا اظہار کیتا، تے ایویں اپو تبدیل کیتا گیا، تے ایویں اُوہنوں تنہا مسیح وِچ صرف ایمان دے وسیلے توں خدا دی حضوری وچ اِک راستباز دے طور تے ویکھیا گیا۔

ایس طرح توں اُو مختلف نے۔ مینہوں ایس گل دی کوئی پرواہ نہئیں اے کہ جدید دور دے کُج تبصرہ نگار ایس موضوع تے کی کہندے نے۔ مثال دے طور تے، ڈاکٹر جان میک آرتھر Dr. John MacArthur سانوں دسدے نے کہ ھابل دا ہدیہ قبول کیتا گیا سی ’’کیوں جے اُو ہر طرں توں فرمانبرداری دے نال پیش کیتا گیا سی‘‘ (میک آرتھر دا مطالعۂ بائبل The MacArthur Study Bible، ورڈ بائبلز Word Bibles، 1997، صفحہ22، پیدائش 4:4، 5 تے غور طلب گل، اصرار دے اضافے دے نال)۔ ھابل دے قربانی وِچ خدا دی قبولیت دے لئی اُوہدا نظریہ ’’فرمانبرداری‘‘ کو کُلید بناندا وکھائی دیندا اے۔ میہنوں ڈر اے کہ اینج دا نظریہ نجات نوں پان دے لئی ’’فرمانبرداری بناندا اے۔ ایہہ خطرناک طور تے رومن کاتھولک نظریے دے قریب تر نظر آندا اے (ایہہ فنّیFinney دا وی نظریہ سی) تے میں بجا طور تے ایہدے تے یقین نہئیں کرنا آں۔ ایہہ ساڈے زمانے دی خطا اے – ’’فیصلہ سازیت‘‘ ایہہ ’’سینرگیزمsynergism‘‘ دی اِک قسم اے، ایہہ اعتقاد کہ انسان اپنی نجات دے لئی کُج نہ کُج حصہ پاندا اے۔ ایہہ اصلاح پسنداں تےساڈے بپتسمہ دین آلے بانیاں دا اعتقاد نہئیں سی۔ اُو ’مونرگیسٹmonergists‘‘ سن۔ اُوہناں نے تعلیم دِتی کہ ایمان خود خدا دا تحفہ اے، تے انسان اپنی نجات دے لئی کوئی وی حصہ نہئیں پاندا اے۔ خدا ای ایہہ سب کُج کردا اے! لہٰذا، ایہہ ھابل دی ’’فرمانبرداری‘‘ نہئیں سی جیس نے اُوہنوں بچایا سی – ایہہ اُوہدا ’’ایمان‘‘ سی – جیہڑا کہ بذات خود اِک تحفہ سی، ’’اعمال دا پھل نہئیں کہ کوئی ایہدے تے فخر کر سکے‘‘ (افسیوں2: 9) سانوں نئے عہدنامے وِچ صریحاً دیسا جاندا اے،

’’ایمان ای نال ھابل نے قائن توں فضل قربانی پیش کیتی جیس دی بنا تے اُوہدی نذر قبول کر کے خدا نے اُوہدے راستباز ہون دی گواہی [مسیح دی راستبازی نال منسوب ہون دے وسیلے توں]‘‘ (عبرانیوں11: 4).

ایہہ اُوہدی ’’فرمانبرداری‘‘ نہئیں سی (رومن کاتھولک\ فنّیFinney \ جدید فیصلہ سازیت) بلکہ اُوہدا ’’ایمان‘‘ سی (تاریخی پروٹسٹنٹ\بپتسمہ دین آلے) جیس نے اُوہدے ہدیے نوں قبولیت بخشی۔ فرمانبرداری نجات دا ’’پھل‘‘ اے، نا کہ اُوہدا سبب۔ لہٰذا، ھابل دے کول ایمان سی تے قائن دے کول ایمان نہئیں سی۔ تے ایہہ ھابل دے ایمان ای دے وسیلے توں سی کہ اُو خدا دے لئی اِک خونی قربانی لے کے آیا سی۔ اُو کسی وی قسم دی ’’فرمانبرداری‘‘ دے وسیلے توں نہئیں بچایا گیا سی، بلکہ تنہا ایمان دے وسیلے توں کیوں جے،

’’ایمان دے بغیر خدا نوں پسند آنا ممکن نہئیں‘‘ (عبرانیوں11: 6)۔

جدوں کوئی مسیح وِچ ایمان دے وسیلے توں بچایا جاندا اے اُوہدے بعد آندی اے، کدی وی قبولیت تے نجات دے لئی اولین شرط دے طور تے نہئیں آندی۔ ایہہ بِلاشبہ اِک اہم نکتہ اے! فیر توں، ھابل فرمانبرداری جمع ایمان (سنیرگیزمsynergism) دی وجہ توں نہئیں بچایا گیا سی۔ ھابل لہو تے وسیلے توں بچایا گیا سی، خدا دے بخشے ہوئے ایمان دے وسیلے توں۔ آرتھر ڈبلیو۔ پنک Arthur W. Pink نے کہیا،

… کہ باغ عدن وِچ ساڈے پہلے ماں پیو نوں جلا وطن کیتے جان توں پہلاں، اُوہنے اُوہناں تے نجات دی راہ آشکارہ کر دِتی سی: ’’خداوند خدا نے آدم تے اُوہدی ووہٹی دے لئی چمڑے [کھال] دے کُرتے بنا کے اُوہناں نوں پہنا دِتے‘‘ (پیدائش3: 21)… آدم تے حوا نوں [کھال دا] لباس پہنا دین نال خداوند خدا نے اُوہناں نوں چار اسباق دی تعلیم دِتی۔ پہلا، اِک قصوروار گنہگار [دے لئی] خدا دی حضوری وِچ آں دے لئی اُوہنوں اِک موزوں لبادے دی لوڑ ہوندی اے۔ دوجا سبق، کہ انجیر دے پتیاں دے پیش بند جِنہاں نوں خود اُوہناں دے اپنے ہتھاں نے بنایا سی [خدا دے لئی] منظورِ نظر نہئیں سی سی۔ تیجا سبق، کہ خداوند خدا تن ڈھکن دے لئی لباس مہیا کرے گا۔ چوتھا سبق، کہ [گناہ دا] ضروری لبادہ صرف موت وِچوں لنگ کے ای پایا جا سکے گا۔ موت گناہ دی اُجرت اے… یا تے اُوہناں نوں مرجا چائیدا اے یا اُوہناں دی تھاں تے کسی ہُور نوں مرنا چائیدا اے۔ [اِک گواچے ہوئے گنہگار] دے کول رحم صرف انصاف دی تسلی ہو چکن دے بعد ای آندا اے… اُوہناں نوں [کھال دے نال] لبادہ پہنان نال خدا نے اُوہناں تے اِک قوت بخش علامت نال ظاہر کر دِتا کہ گناہ نوں صرف ڈھکیا جا پائے گا – گناہ دے لئی کفارا ادا کیتا جائے گا، کیوں جے کفارے atone دے لئی عبرانی لفظ دا مطلب ’’ڈھانپنا‘‘ – لہو دے وگائے جان … دی قیمت تے ہوندا اے۔ [ایہہ سولی وَل اشارہ کردا اے] تے مسیح دے سولی دی نشانی دہی کردا اے۔ آدم تے حوا دے لئی، خدا نے متبادل دی بنیادی سچائی دی نشاندہی کیتی سی – راستباز دا نارستاں دے لئی مرنا، معصوم دا قصورواراں دے لئی قربان ہو جانا۔ آدم تے حوا قصوروار سن… مگر ایہہ جانور اُوہناں دی [تھاں] تے مرے سن، تے اُوہناں دی موت دے ذریعے توں اُوہناں [آدم تے حوا] دے گناہ تے شرمندگی نوں ڈھکن دے لئی لبادہ میسر کیتا گیا سی۔ ایس لئی ایہہ مسیح دے نال اے تے اُوہدے نال [جیہڑا بچایا گیا] اے۔ [مسیح] وِچ میہنوں راستبازی دا چوغہ میسر کیتا گیا اے… ایہہ ضرورتاں اُوہانں دے بچیاں نوں وی دس دِتی گئیاں سن۔ ایس دا سوال ای پیدا نہئیں ہوندا کہ [دوویں] قائن تے ھابل جانندے سن کہ قبولیت دے نال خدا دی حضوری وِچ آن دے سلسلے وِچ لازمی طور تے اِک خونی ہدیہ چائیدا اے (پنک Pink، ibid.، صفحہ64)۔

قائن قدرتی انسان دی نمائندگی کردا اے، اُو انسان جیہڑا مسیح دے کول نہئیں آندا اے، تے اُوس مسیح دے لہو وِچ پاک صاف نہئیں ہوندا اے، تے ایویں اُوہدے گناہ ڈھکے نہئیں جاندے نے۔ ھابل اُوس انسان دی نمائندگی کردا اے جیہڑا اپنے گناہ نوں قبول کردا اے، خود نوں اِک مسخ شدہ گنہگار دے طور تے ویکھدا اے، تے ایس لئی یسوع دے کول اُوہدے قیمتی لہو نال اپنے گناہواں نوں پاک صاف کرن دے لئی آندا اے۔ اُو جیہڑے پاک صاف ہون دے لئی یسوع دے کول آن توں انکاری کردے نے خدا وَلوں اپنے خلاف بدقسمتی متعین کردے نے۔

’’اُوہناں تے افسوس! کیوں جے ایہہ قائن دی راہ تے ٹرے‘‘ (یہوداہ 11).

ایس نال کوئی فرق نہئیں پیندا کہ والدین کسی قدر احتیاط دے نال اپنے بچیاں دی مسیحی ایمان وِچ پرورش کردے نے، اِک ویلہ اینج دا آندا اے جدوں اُو جیہڑے یسوع دے کول نہئیں آندے اُو ’’قائن دے راہ تے‘‘ ٹر پیہندے نے۔ ایہدے نال کوئی فرق نہئیں پیندا کہ تُسی کیہنی مدت تیکر گرجا گھر وِچ عبادت کیتی، تے ایہدے نال وی کوئی فرق نہئیں پیہندا کہ تُسی کیہنے واعظ سُنے، اِک ویلہ آندا ے جدوں تہاڈے وِچوں اُو جیہڑے یسوع دے کول نہئیں اُو ’’قائن دی راہ تے‘‘ ٹر پیہندے نے۔

ہُن، ایس واعظ دے شروع وِچ، میں تہانوں کہیا سی کہ تُسی یا تے قائن وانگوں اُو یا ھابل وانگوں اُو۔ ایس دا جواب انتہائی سادہ اے۔ جے تُسی یسوع تے پروہسا کردے اُو تے اُوہدے لہو دے وسیلے توں پاک صاف ہوندے اُو، تے تُسی ہابل وانگوں اُو۔ لیکن جے تُسی مسیح دے کول نہئیں آندے اُو تے تُسی قائن وانگوں اُو، تے چھیتی ای ایہہ تہاڈے بارے چہ کہیا جائے گا،

’’اُوہناں تے افسوس! کیوں جے ایہہ قائن دی راہ تے ٹرے‘‘ (یہوداہ 11).

خدا نہ کرےکہ اُو ہولناک تجربہ تہاڈے نال ہووے۔ خدا کرے کہ تُسی اپنے شکوک تے خوف نکال باہر سُٹو، اپنی بے اعتقادی، بغاوت تے گناہ نال پیار نوں جدوجہد دے نال دور کرو تے یسوع دے کول آؤ،

’’جیہڑا ساڈے نال محبت رکھدا اے تے جیس نے اپنے لہو دے وسیلہ توں سانوں ساڈے سارے گناہواں توں مخلصی بخشی‘‘ (مکاشفہ1: 5).

آؤ، اَسی سارے رَل کے کھڑے ہون تے یاداشت وِچوں ’’اُوتھوں اِک چشمہ اے There Is a Fountain دا پہلا بند گاؤ۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔