ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

آرتھر ڈبلیو پنک Arthur W. Pink نے بجا طور پرکہیا کہ پیدائش دا تیجا باب خدا دے سارے کلام دے اہم ترین حوالیاں وِچوں اِک اے۔ پنک نے کہیا،

ایہہ ’’بائبل وِچ بیج بون دا منصوبہ‘‘ اے۔ ایتھے اُو بنیاداں نے جِنہاں تے ساڈے ایمان دے بے شمار کُلیدی مذہبی عقیدے قائم نے۔ ایتھے اَسی اُوہناں الہٰی سچائیاں دے بے شمار دریاواں دے منبع دا سُراغ لگانے آں۔ ایتھے انسانی تاریخ دے ادا کیتے گئے عظیم ڈرامے دا آغاز ہوندا اے… ایتھے اَسی [انسانی] نسل دی تباہ حالت تے موجودہ برگشتگی دی الہٰی وضاحت پانے آں۔ ایتھے اَسی اپنے دُشمن شیطان دی سمجھ توں بالا تر چالاں دے بارے وِچ سیکھنے آں… ایتھے اَسی انسانی فطرت دے عالمگیری رجحان دے نو [سکھنے آں] جیہڑا اُوہنے اپنی اخلاقی شرم نوں خود اپنی دستکاری دے چال دے ذریعے توں چھپان نال کیتا (آرتھر ڈبلیو۔ پنکArthur W. Pink، پیدائش دی کتاب وِچ نمایاں باتیں Gleanings in Genesis، موڈی پریس Moody Press، 1981 ایڈیشن، صفحہ33)۔

ایس باب دے ساڈے آخری مطالعے وِچ اَسی ویکھیا کینج شیطان باغ عدن وِچ داخل ہویا تے کینج اِک سَپ وِچ جِنہوں ہُنے تیکر پرکھیا نئیں گیا سی گُھس کے اُوہدے مُنہ نلا گل کیتی سی۔ اَسی شیطان نوں عورت نال گلاں کردے ہوئے سُنیا، خدا نے آدم نوں جیہڑا کہیا سی اُوہدے چہ شک پیدا کیتا، خدا نے جیہڑا کلام پیش کیتا سی اُوہنوں گھما پھرا تے وگاڑ کے پیش کیتا، اُوہنوں کہیا ’’تُسی یقیناً نئیں مرو گے‘‘ جے تُسی اُوس منع کیتے ہوئے درخت دا پھل کھاندے اُو، ’’نیکی تے بدی دی پہچان دا درخت۔‘‘

ایس گل نوں یاد رکھیا جانا چائیدا اے کہ شیطان ایس ویلے تیکر پہلاں ای توں دھوکہ دہی دا ماہر ہو چکیا سی۔ اَسی مکاشفہ12: 4 وِچ پڑھنے آں،

’’اُوہدی دُم نے آسمان دے اِک تہائی ستارے نوچ کے اُوہناں نوں زمین تے دے پٹکیا…‘‘ (مکاشفہ12: 4)

اُوس آیت دے معنی واضح طور تے چند اِک آیات دے بعد مکاشفہ 12: 9 وِچ سامنے لہیائے گئے نے،

’’تے اُو وڈا اژدھا تھلے سُٹ دِتا گیا یعنی اُوہی پرانا سَپ جیس دا ناں ابلیس تے شیطان اے تے جیہڑا ساری دُنیا نوں گمراہ کردا اے، اُو آپئے وی تے اُوہدے نال اُوہدے فرشتے وی زمین تے سُٹ دِتے گئے‘‘ (مکاشفہ 12: 9).

ڈاکٹر ھنری ایم۔ مورس Dr. Henry M. Morris نے کہیا،

ایتھے اژدھے نوں عدن دے سَپ دے نال شناخت کیتا گیا اے (پیدائش3: 1)… تے اُوس ابلیس دے طور تے جِنہے یسوع نے [بیابان وِچ] آزمایا سی (ھنری ایم۔ مورس، پی ایچ۔ ڈی۔Henry M. Morris, Ph.D.، دفاع کرن آلیاں دا مطالعۂ بائبل The Defender’s Study Bible، ورلڈ پبلیشنگ World Publishing، 1995، صفحہ1448؛ مکاشفہ12: 9 تے غور طلب گل)۔

شیطان نوں جنت وِچوں خدا دے خلاف بغاوت کرن تے خدا دے تخت تے قبضہ جمان دی کوشش تے کڈیا گیا سی (اشعیا14: 12۔15؛ حزقی ایل28: 13۔18)۔ شیطان نوں جنت توں زمین تے سُٹیا گیا سی جِیتھے اُو بن گیا

’’… ہوا دی عملداری دا حاکم، جیہدی روح ہُنے تیکر نافرمان لوکاں وِچ تاثیر کردی اے‘‘ (افسیوں2: 2)۔

مگر اُوہناں فرشتیاں دے بارے وِچ کی خیال اے جِنہاں نے خدا دے خلاف بغاوت وِچ شیطان دی پیروی کیتی؟ مکاشفہ12: 9 کہندی اے،

’’اُو آپئے وی تے اُوہدے نال اُوہدے فرشتے وی زمین تے سُٹ دِتے گئے‘‘ (مکاشفہ 12: 9).

شیطان دے نال کیہنے فرشتیاں نے بغاوت کیتی سی؟ اُوہناں وِچوں کیہنے زمین تے ’’اُوہدےنال سُٹے‘‘ گئے سن؟ مکاشفہ12: 4 کہندی اے،

’’اُوہدی دُم نے آسمان دے اِک تہائی ستارے نوچ کے اُوہناں نوں زمین تے دے پٹکیا‘‘ (مکاشفہ12: 4)۔

ڈاکٹر مورس نے کہیا،

مکاشفہ 12: 9 وِچ ’آسمان دے ستاریاں‘ نوں شیطان دے فرشتیاں دی حیثیت نال شناخت کیتا گیا اے (مورسMorris، ibid.، صفحہ1447)۔

ایویں، اَسی یقین کرنے آں کہ آسمان وِچ فرشتیاں دی اِک تہائی نے اپنے رہنما شیطان دے نال مِل کے بغاوت کیتی سی تے زمین تے سُٹے گئے سن، تے بدروحاں بن گئے سن جِنہاں دا سامنا یسوع نے اپنی زمینی منادی وِچ اکثر کیتا۔

شیطان نے ایہناں فرشتیاں دے نال جھوٹ بولیا سی۔ بِلاشک و شُبہ اُوہنے اُوسی قسم دا جھوٹ استعمال کیتا سی جیہڑا اُوہنے باغ عدن وِچ آدم تے حوّا نوں پیش کیتا سی، جدوں اُوہنے کہیا، ’’تُسی خداواں وانگوں ہو جاؤ گے‘‘ (پیدائش3: 5)۔ اُو بِلاشک وہ شبہ اُوہی جھوٹ سی جیس نے اُوہناں فرشتیاں نوں تباہ کر ڈالیا، ’’میرے نال آؤ، تے تُسی خداواں وانگوں ہو جاؤ گے۔‘‘ اُوہناں نے ابلیس دے جھوٹ دا یقین کر لہیا سی، مگر اُو ’’خداواں وانگوں‘‘ نئیں بنے سن۔ اوہ، جی نئیں! اُو عجیب بھدی وگڑی ہوئی شکلاں آلی ناپاک بدروحاں بن گئے سن جیہڑیاں دُنیا وِچ غصے، شہوت تے انتقام دے نال آوارہ پھر رئے سن!

تے بالکل جیویں شیطان نے فرشتیاں دے نال جھوٹ بولیا سی اُوہناں نوں خدا دے خلاف گناہ دے لئی آزمان دے ذریعے نال، اُونج ای اُوہناں فیر توں کیتا جدوں اُوہنے انسان دے نال جھوٹ بولیا۔ اُو انتہائی تصور جیس دے نال اُوہنے فرشتیاں نوں نبھایا سی، جیس نے اُوہناں نوں تباہ کر دِتا، اُوس جھوٹے تصور دے متشابہ سی جیہڑا اُوہنے باغ عدن وِچ آدم تے حوّا نوں آزمان دے لئی استعمال کیتا سی۔ ویکھو پیدائش3: 4۔5،

’’تے سَپ نے عورت نوں کہیا، تُسسی ہرگز نئیں مرو گے بلکہ خدا جانندا اے کہ جیس دِن تُسی ایہنوں کھاؤ گے، تہاڈی اَکھاں کُھل جان گئیاں تے تُسی خدا وانگوں نیکی تے بدی دے جانن آلے بن جاؤ گے‘‘ (3: 4۔5)۔

میرے خیال وِچ شیطان نے آسمان دے اِک تہائی فرشتیاں نوں آسمان وِچ اُوہناں دے اعلیٰ شان مرتبے توں اُوس بوہتی وڈی فرشتانہ برگشتگی وِچ ڈیگن دے لئی ایہو جئی دلیل، ایہو جیہا جھوٹ استعمال کیتا ہووے گا۔

تے ہُن اُو ایہو ای جھوٹ تے خدا دے کلام دا اُو وگاڑ ساڈے پہلے والدین دے اَگے لہیاندا اے۔ تے، فرشتیاں ای وانگوں، باغ وِچ ساڈے والدین نے وی اُوہدے جھوٹ دا یقین کیتا تے اُوہنے ای بدنصیب ہو گئے جِنہے کہ اُو فرشتے سن جِنہاں نے ’’جھوٹیاں دے پیو‘‘ دا یقین کیتا سی، کیوں جے ایہہ ای اے جیہڑا خداوند یسوع مسیح نے شیطان نوں کہیا سی جدوں اُوہنے فریسیاں نوں کہیا،

’’تُسی اپنے پیو یعنی ابلیس دے ہو تے اپنے باپ دی مرضی تے ٹرنا چاہندے اُو۔ اُو شروع توں ای خون کراندا آیا اے تے کدی وی سچائی تے قائم نئیں رہیا کیوں جے اُوہدے وِچ ناں نوں وی سچائی نئیں۔ جدوں اُو جھوٹ بولدا اے تے اپنی ای جئی کہندا اے کیوں جے اُو جھوٹا اے تے جھوٹ دا پیو اے‘‘ (یوحنا 8: 44).

اُوس آیت وِچ یسوع نے سانوں شیطان دے بارے وِچ دو اہم گلاں دَسیاں: (1) ’’اُو شروع ای توں خون کردا آیا سی‘‘ (2) اُو اِک جھوٹااے، تے جھوٹ دا پیو اے۔‘‘

شیطان نے فرشتیاں دے نال جھوٹ بولیا سی جدوں اُوہنے اُوہناں نوں اُوہدی پیروی کرن دے لئی آزمایا سی۔ شیطان نے آدم تے حوّا دے نال جھوٹ بولیا سی جدوں اُوہنے اُوہناں نوں باغ وِچوں اُوس درخت دا پھل کھان دے لئی آزمایا سی جیہڑا منع کیتا گیا سی۔

شیطان ’’شروع توں ای اِک قاتل‘‘ سی۔ اپنے جھوٹ دے ذریعے نال اُوس نے اُوہناں فرشتیاں دا ’’قتل کیتا‘‘ جِنہاں نے اُوہناں دی پیروی کیتی، ’’اُوہدے فرشتے‘‘ کیوں جے اُوہناں نوں آسمان توں زمین تے سُٹ دِتا گیا سی، جِیتھے اُو جہنمی اَگ وِچ اِک یقینی بدنصیبی دا انتظار کردے نے، جیہڑی ’’ابلیس تے اُوہدے فرشتیاں دے لئی تیار کیتی گئی‘‘ (متی25: 41)۔ ’’اُو شروع توں ای اِک قاتل سی،‘‘ کیوں جے اُوہنے نا صرف آسمان دے اِک تہائی فرشتیاں نوں ’’قتل کیتا‘‘ بلکہ اُوہنے ساری دی ساری نسل انسانی دا وی اپنی دھوکہ دہی تے اپنے جھوٹ نال قتل کیتا۔

’’اُو شروع توں ای خون کردا آیا اے تے کدی سچائی تے قائم نئیں رہیا کیوں جے اُوہدے وِچ ناں دی وی سچائی نئیں…‘‘ (یوحنا8: 44)۔

شیطان نے اِک تہائی فرشتیاں نوں اُوہناں دی برگشتگی وِچ تباہ کر دِتا۔ تے شیطان نے ساری نسل انسانی نوں ایس بوہتے وِڈے گناہ وِچ دھوکے نال پھسان دے ذریعے توں جیہڑا اُوہناں نے زندہ خدا دی مزاحمت کرن تے برگشتگی وِچ بدنصیبی دے لئی شیطان دی پیروی کرن نال کیتا سی ’’قتل کیتا،‘‘ جیویں کہ ساڈی تلاوت وِچ درج اے۔

جدوں آدم نے گناہ کیتا تے اُو کوئی عام انسان نئیں سی۔ اُو ساری نسل انسانی دا قدرتی سربراہ سی۔ جیویں کہ شیطان دی بغاوت نے براہ راست آسمان وِچ اِک تہائی فرشتیاں نوں متاثر کیتا سی اُونج ای آدم دی بغاوت تے برگشتگی وِچ گناہ توں وی دوجیاں دے لئی بوہتے وڈے اثرات ہوئے۔ ساری دی ساری نسل انسانی آدم وِچ بطور اُوہناں دے قدرتی سربراہ ہون دی حیثیت توں برگشتگی وِچ آ گئی۔ بچیاں دے لئی اِک پرانی پیوریٹن نصابی کتاب وِچ صحیح کہیا گیا، ’’آدم دی برگشتگی وِچ اَسی ساریاں نے گناہ کیتا۔‘‘ شیطان دے جھوٹ دا یقین کرن نال تے منع کیتے ہوئے پھل نوں کھان نال آدم اپنی ساری آل اولاد دے لئی موت لیہایا – ساری دی ساری نسل انسانی دے لئی۔ جیویں کہ پولوس رسول نے ایہنوں لکھیا،

’’اِک آدمی دے ذریعہ گناہ دُنیا وِچ داخل ہویا تے گناہ دے سبب توں موت آئی اُونج ای موت سارے انساناں وِچ پھیل گئی…‘‘ (رومیوں5: 12).

نسل انسانی تے آدم دے گناہ دا اثر بوہتا وڈا سی۔ برگشتگی توں پہلاں، خدا تے انسان رفاقت وِچ سن۔ برگشتگی دے بعد اُو رفاقت ختم ہو گئی۔ اُو خدا توں جدا ہو گئے سن۔ برگشتگی دے بعد اُوہناں نے خدا توں چھُپن دی کوشش کیتی سی۔

برگشتگی توں پہلاں انسان معصوم تے پاک سی۔ آدم تے حوّا وِچ کوئی گناہ دی فطرت نئیں سی۔ برگشتگی دے بعد اُو گناہ توں بھرپور تے شرمندہ سن۔ پولوس رسول نے کہیا،

’’اِک آدمی دے ذریعہ گناہ دُنیا وِچ داخل ہویا‘‘ (رومیوں5: 12).

اُو آیت ایہہ نئیں کہندی ’’گنہا‘‘ دُنیا وِچ داخل ہوئے۔ ایہہ کہندی اے ’’گناہ۔‘‘ آدم اِک بُری مثال قائم کرن دے ذریعے توں دُنیا وِچ گناہ لے کے نئیں آیا سی۔ اُوہناں دے گناہ کرن دا عمل اُوہدی انتہائی فطرت وِچ اِک تبدیلی لیہایا سی۔ اُوہدا انتہائی دِل مسخ ہو گیا سی۔

برگشتگی توں پہلاں انسان حیاتی دے درخت توں کھا چکیا ہوندا تے ہمیشہ دی حیاتی لنگہاندا (پیدائش2: 9؛ 3: 22)۔ برگشتگی دے بعد جسم دی موت آدم دے گناہ دے لئی کفارے دا حصہ بن گئی۔ رومیوں5: 12 کہندی اے،

’’اِک آدمی دے ذریعہ گناہ دُنیا وِچ داخل ہویا تے گنہا دے سبب توں موت آئی…‘‘ (رومیوں5: 12).

ایہہ دوویں روحانی تے جسمانی موت دا حوالہ دیندا اے۔ آدم دے گناہ کر چکن دے بعد، خدا نے کہیا،

’’… کیوں جے توں خاک اے، تے خاک ای وِچ فیر لوٹ جائیں گے‘‘ (پیدائش3: 19).

ایویں، آدم دے گناہ دا نتیجہ جسمانی دے نال نال روحانی موت اے۔

برگشتگی دے نیتجے دے طور تے، نسل انسانی وِچ گناہ عالمگیری بن گیا۔ سارے دے سارے لوکی ہُن گناہ توں اِک بھرپور فطرت دے نال پیدا ہوندے نے، جیہڑی آدم توں وراثت وِچ ملی اے جیہڑا نسل انسانی دا قدرتی سربراہ اے۔

’’پیس جیویں اِک آدمی دے ذریعہ گناہ دُنیا وِچ داخل ہویا تے گناہ دے سبب توں موت آئی اُونج ای موت سارے انساناں وِچ پھیل گئی کیوں جے ساریاں نے گناہ کیتا‘‘ (رومیوں5: 12).

برگشتہ انسانی دی بنیادی گناہ آلی فطرت نوں ساری بائبل وِچ پیش کیتا گیا اے۔

’’اینج دا کوئی وی شخص نئیں جیہڑا گناہ نہ کردا ہووے‘‘ (1۔ سلاطین8: 46).

’’جیوندیاں وِچوں کوئی تیری نگاہ وِچ راستباز نئیں‘‘ (زبور143: 2).

’’زمین تے اینج دا راستباز کوئی نئیں اے جیہڑا صرف نیکی ای نیکی کرے تے کدی خطا نہ کرے‘‘ (واعظ 7: 20).

’’پس جدوں تُسی بُرے ہو‘‘ (لوقا11: 13).

’’کوئی راستباز نئیں، اِک وی نئیں؛ کوئی سمجھدار نئیں، کوئی خدا دا طالب نئیں۔ سارے دے سارے گمراہ ہو گئے، اُو کسی کم دے نئیں رئے؛ کوئی نئیں جیہڑا بھلائی کردا ہووے، اِک وی نئیں‘‘ (رومیوں3: 10۔12).

’’ہر مُںہ بند ہو جائے تے سارے دُنیا خدا دے سامنے سزا دی مستحق ٹھہرے‘‘ (رومیوں3: 19).

’’جے اَسی دعویٰ کرنے آں کہ اَسی بے گناہ آں تے اپنے آپ نوں دھوکہ دینے آں تے ساڈے وِچ سچائی نئیں‘‘ (1۔ یوحنا1: 8).

اَسی یقین کرنے آں کہ آدم دا گناہ اُوہدی ساری دی ساری آل اولاد نال منسوب کیتا گیا سی، یعنی کہ، مکمل نسل انسانی نال، نسل انسانی دے وضعی مِلاپ دے باعث، خدا نے آدم دے گناہ نوں فوراً اُوہدی آل اولاد نال منسوب کر دِتا۔ ایویں، اُو فطرت جیس دے ہُن سارے لوکی مالک نے اُوہی مسخ شُدہ فطرت اے جیس دا برگشتگی دے بعد آدم مالک سی۔ رومیوں5: 12 دے مطابق موت (دوویں روحانی تے جسمانی) سارے انساناں وِچ پھیل گئی، کیوں جے آدم وِچ ساریاں نے ای گناہ کیتا، جیہڑا اُوہناں دا قدرتی سربراہ سی۔

ایہہ اے جیس توں ساڈی مُراد نسل انسانی دا ’’مکمل اخلاقی زوال‘‘ ہوندا اے۔ ایس دا مطلب ہوندا اے کہ انسان دے کول اپنے قدرتی اخلاقی زوال دی حالت وِچ خدا دے لئی کوئی سچی محبت نئیں ہوندی۔ ایس دا مطلب ہوندا اے کہ اُو خدا دے مقابلے وِچ خود نوں ترجیح دیندا اے، کہ اُو اپنے خالق دے مقابلے وِچ خود توں بوہتی محبت کردا اے۔ مکمل اخلاقی زوال وِچ ہون دا مطلب ایہہ وی ہوندا اے کہ ہر شخس دے کول اپنی قدرتی حالت وِچ خدا دے بارے چہ ناپسندیگی ہوندی اے، اُوہدے وَل اِک نفرت یا کراہت ہوندی اے، تے اُو اُوہدے خلاف اے۔

’’ایس لئی کہ جسمانی نیت خدا دی مخالفت کردی اے‘‘ (رومیوں8: 7).

اُو ’’جسمانی نیت‘‘ ’’اِک انسان دے نا سُدھرن‘‘ دے لئی حوالہ دیندی اے، نئے سرے توں نا پیدا ہون دے لئی حوالہ دیندی اے (جینیوا دی بائبل The Geneva Bible، 1599 رومیوں8: 7 تے غور طلب گل)۔

ایویں، پیدائش تیجے باب وِچ، آدم دی برگشتگی دا تہاڈے تے براہ راست اثر ہوندا اے۔ پاویں تُسی گرجا گھر وِچ پلے بڑھے ہوں یا نا پلے بڑھے ہوں، تہانوں اِک فطرت مل چکی ہوندی اے جیس دی مسیح وِچ خدا دے لئی اِک ناپسندیدگی ہوندی اے، جیہڑی تہانوں آباؤ اِجداد آدم توں وراثت وِچ ملدی اے۔ اینج دا کُج وی نئیں اے جیہڑا تُسی سوچدے اُو، سیکھدے یا کر سکدے اُو کہ تہاڈی اندرونی وراثت وِچ ملی خباثت نوں پلٹ سکے۔ ایسے لئی، نجات اِک ’’انجان‘‘ منبع سے آنی چاہیے، اِک ایہو جیہا ذریعہ جیہڑا مکمل طور تے تہاڈی ذات توں باہر ہووے۔ تے اُو منبع خدا خود اے۔ خدا نوں تہانوں تہاڈے باطنی اخلاقی زوال دے لئی بیدار کرنا چائیدا اے۔ خدا نوں تہاڈے نجات دے جھوٹے تصورات نوں مرجھا دینا چائیدا اے، تے تہانوں تہاڈے باطنی اخلاقی زوال دے لئی قائل کرنا چائیدا اے۔ خدا نوں تہانوں مسیح وَل کھیچنا چائیدا اے، دوویں پاک صاف ہون دے لئی تے تہاڈے باطن وِچ ایک نئے جنم دی تخلیق دے لئی۔ آدم دے گناہ دے باعث ماسوائے مسیح دے جیہڑا ’’آخری آدم‘‘ اے کوئی وی تہانوں بچا نئیں سکدا۔ ایہہ تنہا فضل دے وسیلے توں، تنہا مسیح دے ذریعے نال نجات ہوندی اے۔ ایہہ اے جیہدے تے اَسی یقین رکھنے آں تے ایس دی تبلیغ کرنے آں۔ تُسی چھیتی ای مسیح دے لئی آؤ تے چھیتی تبدیل ہوو!

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔