ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایہہ اوہی اے جیہڑا مسیح نے اپنے پیروکاراں نوں شادی دی دعوت دی تمثیل وچ کرن نوں کہیا۔ ایویں ای، عشائے ربّانی دی تمثیل وچ، مسیح نے کہیا، ’’نکل کے شاہراہواں تے باڑاں وچ جاؤ، تے اُوہناں نوں اندر آن تے مجبور کرو، تاں جے میرا گھر بھر جاوے‘‘ (لوقا14: 23)۔ ’’اُوہناں نوں شادی دی دعوت دیو۔‘‘ ’’اُوہناں نوں اندر آن تے مجبور کرو۔‘‘ ایہناں تمثیلاں دے لفظ عظیم مقصد دا اظہار نے، جیہڑا متی28: 19۔20 وچ دِتا گیا اے۔ مرقس16: 15؛ لوقا24؛ 47؛ یوحنا20: 21؛ اعمال1: 8؛ تے کئیں ہور.

لیکن اسی ایہنوں کیویں پورا کر سکنے آں جیہڑا مسیح نے سانوں کرن لئی کہیا جدوں اُوہنے کہیا، ’’اُوہناں نوں اندر آن تے مجبور کرو‘‘؟ ایہدا جواب اعمال2: 42، 46-47 وچ دِتا گیا اے۔

’’تے ایہہ لوکی رسولاں توں تعلیم پاندے تے مل جُل کے رہن تے روٹی توڑن تے دعا کرن وچ برابر مشغول رہندے سی‘‘ (اعمال2: 42)۔

’’اُو ہر روز اِک دِل ہو کے ہیکل وچ جمع ہوندے سن تے گھراں وچ روٹی توڑدے سن تے اکٹھے ہو کے خوشی تے صاف دِلی نال اُوہنوں کھاندے سن۔ اُو خدا دی تمجید کردے سن تے سب لوکاں دیاں نظراں وچ مقبول سن تے خداوند نجات پان آلیاں دی تعداد وچ روز بروز اضافہ کردا رہندا سی‘‘ (اعمال2: 46۔47)۔

ڈاکٹر جان آر رائسDr. John R. Rice نے کہیا، ’’یروشلیم وچ کلیسیا دی ترقی مسیحیاں لئی اِک نمونے دے طور تے قائم کیتی گئی اے جیہڑی انجیل نوں پوری دنیا تیکر لے جان لئی نکلے نے‘‘ (جان آر. رائس، ڈی ڈی، John R. Rice, D.D.، ساڈے گرجا گھر بشراں نوں کیوں نئیں فتح کردے Why Our Churches Do Not Win Souls، سورڈ آف دی لارڈ پبلشرزSword of the Lord Publishers، 1966، صفحہ 25)۔ اعمال2: 42 وچ سانوں چار اوزار پیش کیتے گئے نے جیہڑے یروشلیم وچ ’’نمونے دی‘‘ کلیسیا مذہب وچ نئے نئے تبدیل ہو کے آن آلیاں نوں شامل کرن لئی استعمال کردے نے:

1. رسولی نظریے دی تبلیغ، جیہدا اَج مطلب اے اُو تبلیغ کرنا جیہڑی رسولاں نے اعمال دی کتاب وچ تبلیغ کیتی اے – بنیادی طور تے انجیل دی تبلیغ ایہدے تمام نکات تے عقائد وچ۔

2. رفاقت۔ یونانی لفظ ’’کوینونیا koinonia‘‘ اے۔ ایہدا مطلب اے شراکت داری، سماجی میل جول، رفاقت دا لطف چُکیا [ڈبلیو ای وائنW. E. Vine]، شرکت [جارج ریکر بیری George Ricker Berry]، اشتراک، کامریڈ شپ، خوشگوار صحبت، مقامی چرچ وچ مسیحی دوستی۔

3. روٹی توڑنا۔ اعمال2: 46 دے مطابق، ایہدا مطلب عشائے ربّانی توں کِتھے زیادہ اے۔ ایہدا مطلب اے کہ اُوہناں نے حقیقی رفاقت وچ، خوشگوار صحبت وچ بہتیرے کھانے اِک ساتھ کھائے سی۔

4. دعاؤاں۔ اعمال دی کتاب وچ ویکھو کہ اُوہناں نے دعائیہ اجتماعات وچ کیہنی وری دعا کیتی۔ وڈی دعا دے بغیر مقامی گرجا گھر وچ چند لوکاں نوں شامل کیتا جائے گا۔

جے اسی ایہناں چار ضروری شیواں نوں چھڈ دیاں گے، مینوں یقین اے کہ ساڈے گرجا گھر بہتیرے لوکاں نوں گرجا گھر دے ارکان دے طور تے تبدیل ہوندے تے بپتسمہ لیندے ہوئے ویکھو گے۔

سانوں ایہناں موضوعات تے بوہتی زیادہ تبلیغ دی لوڑ اے جنہاں تے رسولاں نے مسلسل تبلیغ کیتی – صلیب تے مسیح دی موت، مسیح دا مردیاں وچوں جی اٹھنا، نیا جنم، آن آلی قیامت۔

اَج زیادہ تر پادری یا تے بالکل خشک آیت بہ آیت بائبل دا مطالعہ کردے نے [جیہڑا رسولاں نے کدی اعمال دی کتاب وچ نئیں دِتا سی] یا اپنی مدد آپ دے تحت واعظ ’’کیویں کرئیے،‘‘ [جیہڑے رسولاں نے کدی اعمال دی کتاب وچ نئیں دِتے]۔ سانوں اَج ’’رسولاں دے نظریے‘‘ دی لوڑ اے – پہلاں توں ودھ! میں محسوس کیتا اے کہ میں ہر اتوار، سال بہ سال، لوکاں دی توجہ کھوئے بغیر، مسیح دی انجیل دے مختلف پہلوؤاں تے منادی کر سکنا واں! جیویں کہ اِک پرانا گانا ایہنوں تحریر کردا اے،

مینوں کہانی سُنان نال پیار اے، اُوہناں نوں جیہڑے ایہنوں بہترین جانندے نے
   جیہڑے دوجیاں وانگوں اُوہنوں سُنن لئی پُکھے تے پیاسے لگدے نے۔
تے جدوں جلال دے نظاریاں وچ، میں نیا گیت گانا واں، نیا گیت،
   ایہہ پرانی، پرانی کہانی ہووے گی جیہنوں میں ایہناں عرصہ پیار کیتا اے۔
مینوں کہانی سُنان نال پیار اے، ایہہ جلال وچ میرا مرکزی موضوع ہووے گا،
   یسوع تے اُوہدے پیار دی پرانی کہانی، پرانی کہانی سُنان لئی۔
(مینوں کہانی سُنان نال پیار اے I Love to Tell the Story‘‘ شاعر اے۔ کیتھرین ھینکی A. Catherine Hankey، 1834۔1911)۔

تے، فیر، سانوں مسلسل رفاقت تے زور دین دی لوڑ اے۔ میں بوہتے وریاں پہلاں کیہناں اداس سی، جدوں میں اِک پادری نوں اِک گرجا گھر وچوں جیہدا میں دورہ کیتا سی لوکاں نوں باہر دھکیلدے ہوئے ویکھیا۔ اُوہنے واقعی وچ اُوہناں نوں باہر دھکیل دِتا، گرجا گھر دا بُوہا بند کر دِتا تے نٹھا دِتا – چند اکیلے لوکاں نوں فٹ پاتھ تے اِک یا دو منٹ لئی گلاں کردے چھڈ دِتا!

اِک آدمی نے مینوں دسیا کہ اُو وادی سان فرنینڈو دے اِک مشہور گرجا گھر وچ پورا سال، ہر اتوار نوں جاندا رہیا۔ کسی نے ایہدی گواہی نئیں دِتی۔ نہ کسی نے ایہنوں سدیا نہ ملن گیا۔ ایتھوں تیکر کہ صرف اِک آدمی نے ایہدے نال گل کیتی – تے اُو صرف اِک وری سی – پورے سال وچ اِک بار! جیس بندے نال کسی نے گل نئیں کیتی اُو ساڈے اپنے ڈاکٹر کرسٹوفر ایل کیگن Dr. Christopher L. Cagan نے۔

انجیلی بشارت دے مؤثر ہون لئی مقامی گرجا گھر وچ رفاقت ضروری اے۔ یروشلیم دی کلیسیا ’’ثابت قدمی نال… رفاقت وچ جاری رئی‘‘ (اعمال2: 42)۔ کوئی تعجب دی گل نئیں کہ اُو ’’سارے لوکاں دے نال احسان کردے سن۔ تے خُداوند نے روزانہ کلیسیا وچ ایویں اضافہ کیتا جیویں بچائے جان چائیدے نے‘‘ (اعمال2: 47)۔ یسوع نے کہیا کہ گرجا گھر وچ مسیحیاں دے وچکار حقیقی پیار اِک کھوئی ہوئی دُنیا نوں ظاہر کرے گا کہ اسی اُوہدے شاگرد آں،

’’میں تہانوں اِک نیا حکم دینا واں کہ اِک دوجے نال محبت رکھو۔ جیس طرح میں تہاڈے نال محبت رکھی تُسی وی اِک دوجے نال محبت رکھو۔ جے تُسی اِک دوجے نال محبت رکھو گے تے ایس نال سارے لوکی جان لین گے کہ تُسی میرے شاگرد اُو‘‘ (یوحنا13: 34۔35)۔

درحقیقت یسوع سانوں حکم دیندا اے کہ اِک دوجے دے نال محبت رکھیے،

’’ایہہ میرا حکم اے کہ تُسی اِک دوجے دے نال محبت رکھو، جیس طرح میں تہاڈے نال محبت کیتی‘‘ (یوحنا15: 12)۔

لاس اینجلز دی پہلے چینی بپتسمہ دین آلے گرجا گھر وِچ میرے سابق پادری نے ایس حکم تے بہوتی زیادہ زور دِتا۔ ڈاکٹر ٹموتھی لِن Dr. Timothy Lin نے کہیا،

     رسولاں نوں ایہہ حکم [یوحنا15: 12] براہِ راست خُداوند وَلوں مِلیا، تے اُوہناں نے بعد چہ وفاداری نال تے مسلسل ایہدے تے عمل کیتا۔ نتیجتاً، ’ویکھو، مسیحی اِک دوجے نال کیہنے پیار کرن آلے نے!‘‘ اُوس زمانے وِچ مسیحیاں دے لئی [کافراں] وَلوں تعریف تے عزت دا تبصرہ بن گیا۔ جیتھوں تیکر اَج کل دی گل اے، تے ’اِک دوجے نال محبت کرنا‘ صرف اِک نعرہ اے جیہنوں کلیسیا مشینی طور تے جپدی اے، لیکن ایہدی بہوتی گھٹ پرواہ کردی اے… جدوں کلیسیا محبت دی اہمیت تے جوہر نوں نئیں سمجھدی… خدا دے لئی ایہدے نال رہنا ناممکن اے۔ خدا ساڈے تے رحم کرے! (ٹموتھی لِن پی ایچ ڈی Timothy Lin, Ph.D.، کلیسیا دی نشوونما دا رازThe Secret of Church Growth، لاس اینجلز دا بپتسمہ دین آلا پہلا چینی گرجا گھر First Chinese Baptist Church of Los Angeles، 1992، صفحہ 33)۔

جدوں ڈاکٹر لِن پادری سن، تے ’’کوئنونیا Koinonia‘‘ (رفاقت) تے اِک دوجے نال محبت کرن تے مسلسل زور دِتا جاندا سی۔ نتیجے دے طور تے، میں ویکھیا کہ گرجا گھر چند وریاں وِچ، تقریباً اِک سو لوکاں توں ودھ کے دو ہزار لوکاں توں زیادہ ہو گیا۔

ایس دے علاوہ، یروشلم دے گرجا گھر وِچ، اُوہناں نے بوہتی وری اِک نال اِکٹھے کھانے کھائے۔ اُو عبادتاں نوں چھڈ کے فوری طور تے گھر یا کسی ریستوران وِچ کھان دے لئی نئیں نٹھے سن۔ اُو ’’رفاقت وِچ… روی توڑن وِچ ثابت قدم رئے‘‘(اعمال2: 42)۔ ’’کلیسیا کے ابتدائی دِنوں کے دوران، اِک محبت بھری دعوت خداوند دے عشائیے دے تعلق توں مقدسین نال محبت دے اظہار دے طور تے اِک دوجے دے لئی منعقد کی جاندی سی‘‘ (ولیم میکڈونلڈ William MacDonald، ایمانداراں دا بائبل تے تبصرہ Believer’s Bible Commentary ، تھامس نیلسن پبلشرز Thomas Nelson Publishers، 1995، صفحہ 1588 ؛ اعمال2: 42 تے غور طلب بات)۔

جدوں لوکاں نے مسیح وِچ دلچسپی ظاہر کیتی، تے اُوہناں نوں کلیسیا دی رفاقت تے گرمجوشی وِچ ’’کھانا کھلان تے حوصلہ افزائی‘‘ دے لئی لہیا گیا (میکڈونلڈ، ibid.)۔

اَخیر وِچ دعا تے بوہتا زور دِتا گیا۔ ’’تے اُو ثابت قدمی نال دعاواں وِچ لگے رئے‘‘ (اعمال2: 42)۔ پینتیکوست تے حیاتِ نو دا آغاز اِک متحدہ دعائیہ اِجلاس دے دوران ہویا،

’’ایہہ سب چند عورتاں تے یسوع دی ماں مریم تے اُوہدے بھراواں دے نال اِک دِل ہو کے دعا وِچ مشغول رہندے سن‘‘ (اعمال1: 14)۔

’’جدوں عید پینتیکوست دا دِن آیا تے اُو سارے اِک جان ہو کے اِک تھاں جمع سن‘‘ (اعمال2: 1)۔

اعمال1: 14 وِچ ’’یک جان ہو کے دعا تے مناجات دے‘‘ لفظاں تے غور کرو۔ ڈاکٹر ٹموتھی لِن نے کہیا، ’’چینی بائبل ’یک جان ہون دا‘ ترجمہ ’اِک دِل ہو کے تے ہم آھنگی دے نال‘ کردی اے… اَج بوہتے گرجا گھراں دے دعائیہ اجتماعات دراصل ویران نے۔ اینج دی افسوسناک حالت دا سامنا کردے ہوئے، کافی تعداد وچ گرجا گھر… اپنی دعائیہ اجتماعات نوں یکسر منسوخ کر دیندے نے… اَج کل، بہتیرے مسیحی اپنے خداوند توں ودھ ٹیلی ویژن دی عبادت کردے نے… ایہہ واقعی افسوسناک اے!‘‘ (ٹموتھی لِن، پی ایچ ڈی۔ Timothy Lin, Ph.D.، ibid.، صفحات94۔95)۔

’’تے ایہہ لوکی رسولاں توں تعلیم پاندے تے مل جُل کے رہن تے روٹی توڑن تے دعا کرن وچ برابر مشغول رہندے سن‘‘ (اعمال2: 42)۔

’’تے خداوند نجات پان آلیاں دی تعداد وچ روز بروز اضافہ کردا رہندا سی‘‘ (اعمال2: 47)۔

اُوہناں کول کوئی بھجن، کوئی اوور ہیڈ پروجیکٹر، کوئی گرجا گھر دی عمارت، کوئی کتابچے تے کوئی بائبلاں نئیں سن! کیوں؟ کیوں جے ہُنے کوئی پرنٹنگ پریس نئیں سی! ایہدے باوجود چھیتی ای یروشلیم دی کلیسیا دے ارکان دی تعداد پنج ہزار تیکر پہنچ گئی۔ لیکن اُوہناں کول خوشخبری دی منادی، گہری رفاقت، اِک ساتھ بہتیرے خوشگوار کھانے، تے زبردست دعائیہ ملاقاتاں سن۔ ایہناں ’’آلات‘‘ دے نال خدا نے اُوہناں نوں زبردست برکت دِتی۔ ڈاکٹر فلپ شیف Dr. Philip Schaff نے کہیا،

مسیحیاں دی تعداد، یا، جیویں کہ اُو پہلاں خود نوں شاگرد کہندے سن، چھیتی ای پنج ہزار تیکر پہنچ گئی۔ اُو ہدایت دے تحت تے رسولاں دی رفاقت وچ، خُدا دی روزانہ دی عبادت تے اپنے عشائے ربانی یا محبت دی عیداں دے نال مقدس عشائے ربانی منان وچ ثابت قدم رہوے۔ اُوہناں نے خود نوں خُدا دا اِک خاندان، اِک سر [یعنی] یسوع مسیح دے تھلے اِک جسم دے ارکان، محسوس کیتا۔ (فلپ شیف، پی ایچ ڈی۔ Philip Schaff, Ph.D.، مسیحی کلیسیا دی تاریخHistory of Christian Church، ڈبلیو ایم بی عئیرڈمینز اشاعتی کمپنی Wm. B. Eerdmans Publishing Company، فیر اشاعت 1975، جلد اول، صفحہ247)۔

جیویں کہ ڈاکٹر جان آر رائسDr. John R. Rice نے کہیا، ’’یروشلیم وچ کلیسیا دی ترقی ایہناں ساریاں مسیحیاں لئی اِک نمونے دے طور تے قائم کیتی گئی اے جیہڑے انجیل نوں ساری دُنیا تیکر لے جان لئی نکلے نے (رائسRice، ibid.)

یسوع نے کہیا،

’’ایس لئی چوراہاں تے جاؤ تے جیہنے تہانوں ملن اُوہناں ساریاں نوں شادی دی ضیافت وچ سدّ لہیاؤ‘‘ (متی22: 9)۔

آؤ اسی دعا وچ اگے ودھیے، تے بہتیرے لوکاں نوں شادی دی دعوت دیئے! آؤ اسی اُوہناں نوں خوشخبری دی منادی سنن، مسیحی رفاقت دی محبت تے گرمجوشی دا تجربہ کرن، ساڈے نال کھانا کھان لئی، تے سب توں ودھ کے، ایہناں دی نجات لئی مل کے دعا وچ متحد ہون لئی اپنے مقامی گرجا گھر وچ لہیائیے! ڈاکٹر جان آر رائس دا خوبصورت گانا سنو،

کیہنا گھٹ ویلہ! فصل مُک جائے گی۔
   ساڈی کٹائی ختم ہوئی، اَسی کاٹن آلے گھر لے گئے۔
یسوع نوں ساڈے کم دی اطلاع دیو، فصل دے رب،
   تے اُمید اے اُو مسکرائے گا، تے اُو کہے گا، ’’بہت خوب!‘‘
اَج اسی چھانٹی کراں گے، نئیں تے اپنی سُنہری فصل نوں گنوا دیاں گے!
   اَج سانوں گواچے ہوئے بشراں نوں جِتن دے لئی موقع دِتا گیا اے۔
ہائے فیر کُج پیاریاں نوں جلائے جان توں بچان دے لئی،
   اَج اَسی جاواں گے کُج گنہگاراں نوں گرجا گھر چہ لہیان دے لئی۔
(’’کیہنا گھٹ ویلہSo Little Time‘‘ شاعر ڈاکٹر جان آر۔ رائس Dr. John R. Rice، 1895۔1980)۔

کی تُسی جا کے کسی گنہگار نوں گرجا گھر لہیاؤ گے؟ میں دعا منگنا واں کہ تُسی اینج کرو گے! خدا تہانوں برکت دیوے کیوں جے تُسی روح نوں جِتن دے ایس اہم ترین معاملے وِچ نجات دہندہ دی اطاعت کرن دی کوشش کردے اُو! آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔