Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 43 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




کلیسیا وچ اج دے زمانے دا اِرتداد

THE CHURCH IN TODAY’S APOSTASY
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر وَلّوں
پادری ایمریٹس
by Dr. R. L. Hymers, Jr.
Pastor Emeritus

لاس اینجلز دی بپتسمہ دین آلی عبادت گاہ وچ دِتا گیا اِک سبق
خداوند دے دن دی شام، 14 فروری، 2021
A lesson taught at the Baptist Tabernacle of Los Angeles
Lord’s Day Evening, February 14, 2021

سبق توں پہلاں حمدوثنا دا گیت گایا گیا: ’’اُو فیر آ رہیا اے He is Coming Again‘‘
(شاعر میبل جانسٹن کیمپ Mabel Johnston Camp، 1871۔1937)۔


مہربانی نال 2 تیموتاؤس3:1۔13 آیات کھولو۔

’’لیکن یاد رہوے اخیرلے زمانے وچ بُرے دِن آن گے لوکی خود غرض، زردوست، شیخی باز، مغرور، بدگو، ماں پیو دے نافرمان، ناشکرے، ناپاک، محبت توں خالی، بے رحم، بدنام کرن آلے، بے ضبط، تُنک مزاج، نیکی دے دشمن، دغاباز، بے حیا، گھمنڈی، خدی دی نسبت عیش و عشرت نوں زیادہ پسند کرن آلے ہون گے۔ اُو دینداراں وگری وضع تے رکھن گے لیکن حیاتی وچ دینداری دا کوئی اثر قبول نئیں کرن گے۔ اینج دیاں توں دور ای رہنا۔ ایہناں وچ بعض اینج دے وی نے جیہڑے گھراں وچ دبے پیر گھُس آندے نے تے نکمی تے چھچھوری عورتاں نوں اپنے وس وچ کر لیندے نے جیہڑیاں گناہواں وچ دبی ہوندیاں نے تے ہر طرح دی بُری خواہشاں دا شکار بنی رہندیاں نے۔ ایہہ عورتاں سِکھن دی کوشش تے کردیاں نے لیکن کدی ایس قبل نئیں ہوندیاں کہ حقیقت نوں پہچان سکن۔ جیویں ینیس تے یمبریس نے موسیٰ دی مخالفت کیتی سی اُوویں ای ایہہ لوکی وی حق دی مخالفت کردے نے۔ ایہناں دی عقل وگڑی ہوئی اے تے ایہہ ایمان دے اعتبار توں نامقبول نے۔ لیکن ایہہ زیادہ کامیاب نئیں ہو سکن گے کیوں جے ایہناں دی نادانی سارے بندیاں تے ظاہر ہو جاوے گی جیویں ینیس تے یمبریس دی ہوئی سی۔ لیکن تُو میری تعلیم، چال چلن تے حیاتی دے مقصد توں خوب واقف اے۔ تے میرے ایمان، تحمل، محبت تے میرے صبر نوں جانندا اے۔ تیہنوں معلوم اے کہ مینوں کیویں ستایا گیا تے میں کی کی دُکھ چُکے یعنی اُو دُکھ جیہڑے انطاکیہ، اِکنیم تے لُسترہ وچ میرے تے آ پئے سی۔ مگر خداوند نے مینوں اُوہناں ساریاں توں رہائی بخشی۔ دراصل جیہنے لوکی مسیح یسوع وچ دیندار حیاتی لنگھانا چاہندے نے اُو سارے ستائے جان گے۔ تے بدکار، دھوکہ باز لوکی فریب دیندے دیندے تے فریب کھاندے کھاندے وگڑدے چلے جان گے‘‘ (2 تیموتاؤس3:1۔13)۔

تُسی غور کرو گے کہ اُتے آیت وچ ایس حوالے نوں سیکوفیلڈ دی غور طلب گل دے ذریعے نال سمجھایا گیا اے، جیہڑی کہندی اے، ’’جیس اِرتداد دی پیشنگوئی کیتی گئی سی۔‘‘

تیجے باب دی پہلی دو آیات تے توجہ مرکوز کرو،

’’ایہہ وی جان لے کہ اخیرلے زمانے وچ بُرے دِن آن گے۔ کیوں جے لوکی خود اپنی ذات نال محبت کرن آلے [خود غرض] ہو جان گے…‘‘

’’ایہہ وی جان لے۔‘‘ ڈاکٹر ٹموتھی لِن Dr. Timothy Lin نے ایہدا فیر ترجمہ ’’ایہہ احساس کر لے‘‘ کیتا اے۔ پس خُدا ساڈے توں چاہندا اے کہ دو اہم وجوہات دی وجہ نال اخیرلے زمانے دی کلیسیا یا گرجا گھر دے بارے وچ ’’جان لوو‘‘ یا ’’احساس کر لوو‘‘:


(1) شیطانی دھوکہ بازی توں بچن لئی حقیقی مسیحیاں دی مدد کرنا۔

(2) اخیرلے زمانے وچ کلیسیا دے بے دینی توں بچن لئی حقیقی مسیحیاں دی مدد کرنا


ابلیس کول اخیرلے زمانے وچ کلیسیا دے نال کرن لئی شدید زیادہ کم اے۔ بائبل کہندی اے، ’’ایس لئی کہ ابلیس تھلے تہاڈے کول سُٹ دِتا گیا اے! اُو قہر نال بھریا ہویا اے، کیوں جے اُو جانندا اے کہ اُوہدی حیاتی دا جلد ای خاتمہ ہون آلا اے‘‘ (مکاشفہ12:12)۔

داکٹر لِن نے کہیا، ’’شیطان جیہڑا کُج اُو کر رہیا اے اپنی ساری حیاتی کر سکدا اے۔‘‘ کی تُسی غور کیتا اکثر کیہنی وری اُچی اواج نال چِلان آلیاں دی رہنمائی جھوٹے نبیاں دے ذریعے ہوندی اے؟ جمی سوگڑٹ Jimmy Swaggart تے جیری فالویل جونیئر Jerry Falwell, Jr. وگرے لوکی۔

’’ایہہ وی جان لے‘‘ (ایہہ احساس کر لے) اخیرلے زمانے دی مُرتد کلیسیا دے اثرات توں بچن لئی حقیقی مسیحیاں دی مدد دی خاطر خدا دے وسیلے نال پیش کیتا گیا اے۔

اخیرلے زمانے وچ بے شمار مبلغین دے کول جعلی ڈگریاں ہون گئیاں۔ مثال دے طور تے، ’’ڈاکٹر‘‘ والڈریپ دی ڈگری جعلی اے۔ اُوہناں نے اپنی ڈاکٹرایٹ دی ڈگری خریدی اے بجائے ایہدے کہ جیویں ڈاکٹر کیگن نے اُوہنوں (محبت نال) حاصل کیتا سی۔ ایس دھوکے بازی نوں جانندے ہوئے، انڈیا وچ کُج لوکاں نے ڈاکٹر کیگن نوں سوال پُچھیا، ’’تُسی اپنی ڈگری لئی کیہنی قیمت چُکائی؟‘‘ ڈاکٹر کیگن تے ڈاکٹر لِن دوواں نے اپنیاں ڈگریاں لئی سخت محنت کیتی سی تے لگن وکھائی سی۔ میرے خیال وچ ایہہ ای وجہ اے والڈریپ ایس قدر زیادہ ڈاکٹر کیگن توں نفرت کردا اے۔

ایتھوں تیکر کہ حقیقی ڈگریاں وی اِک اینج دے مبلغ دی مدد نئیں کردیاں جیہنوں خدا دے وسیلے نال تبلیغ لئی سدیا نئیں گیا اے! تعجب دی کوئی گل نئیں خُدا اینج دے لوکاں نوں کہندا اے، ’’میں تیہنوں اپنے مُنہ توں اُگل دیاں گا‘‘ (مکاشفہ3:16)۔

کرھیٹن اِک منسٹر [مذہبی خادم] دی حیثیت نال ’’معیار تے پورا اُترن‘‘ دی خاطر اِک سیمنری وچ جا رہیا اے۔ لیکن ایہہ گل اُوہدی بالکل وی مدد نئیں کرے گی۔ اے۔ ڈبلیو۔ ٹوزر نے کہیا،

علم الہٰیات نوں سِکھن لئی اِک بندے نوں دیندار ہون دی لوڑ نئیں ہوندی۔ واقعی چہ مینوں حیرت ہوندی اے کہ آیا زمین تے کسے سیمنری وچ اینج دی وی کوئی گل سِکھائی جاندی اے جیہڑی کہ اِک قزاق یا اِک دھوکہ باز دے نال نال اِک مقدس پرھیزگار مسیحی توں وی سِکھی نہ جا سکے‘‘ (آدمی: خداوند دے وسن دی تھاں Man: The Dwelling Place of God، صفحہ 56)۔

فیر، ڈاکٹر ٹوزر نے کہیا،

’’اِک بندہ روٹی دے بارے وچ سب کُج جانندے ہوئے وی پُکھا مر سکدا اے… تے اِک بندہ مسیحیت دا سارا ایمان جانندے ہوئے وی روحانی طور تے مر سکدا اے‘‘ (اُو الہٰی فتح The Divine Conquest، صفحہ 69)۔

ایہناں اخیرلے دِناں وچ کلیسیا کیوں اِیس قدر مکار ہو چُکی اے؟ اہم وجہ ایہہ اے کیوں جے کلیسیا دے اراکین ’’خُدا نوں چاہن آلے ہون دے وجائے… خود غرض ہو چُکے نے۔‘‘

2 تیموتاؤس3:1۔7 آیات اِک ای منبع توں پیدا ہون آلے وی گناہواں دا اِنکشاف کردیاں نے – ’’خود غرض۔‘‘ پس حوالے دا مرکزی نکتہ ایہہ اے کہ خودغرضی ہر قسم دی بدکاری دی قیادت کردی اے۔ درج ذیل اخیرلے دِناں وچ کلیسیا اُوہناں گناہواں وچوں بارہ درج نے۔

زر دوست

پیسے نال محبت کرن آلے۔ بائبل کہندی اے، ’’خواہ تہاڈی دولت ودھ وی جاوے اُوہدے تے اپنا دِل مت لگاؤ‘‘ (زبور62:10)۔ کالے لوکاں دی حیاتیاں دا مسئلہ اِک کیمونِسٹ تنظیم اے۔ اُو تباہ کرنا چاہندے نے۔ اُوہناں دا مقصد ساڈے توں چوری کرنا تے چھِننا اے، کیوں کہ اُوہناں دے بقول اُو پیسہ اُوہناں دی ’’تلافی‘‘ کردا اے۔

شیخی باز

گھمنڈ توں مُراد لوکاں دی اُو تقریر اے جیدے توں اُوہناں دی اپنی خوبی دا اِک اُچا نظریہ بندا ہووے۔ بائبل کہندی اے، ’’تہاڈے کول کی اے جہیڑا تہانوں نئیں مِلیا؟‘‘ (1کرنتھیوں4:7)۔

مغرور

اُو مغرور ہوندے نے۔ ایہہ شاید احساس کمتری توں ہوندا اے۔ اُو دوجیاں دے بارے وچ بُرا بولدے نے۔ ساڈے گرجا گھر وچ اِک بندے نے بارہا میری پشت پناہی کیتی، لیکن بالاآخر اُوہنے کہیا کہ میں اِک نسل پرست بن چُکیا واں۔ کی بکواس اے! میرے خیال وچ مَیں کالے لوکاں دی حیاتیاں دا مسئلہ اے ایہدے نال متاثر سی۔ تکبر تے احساسِ برتری شیطان وَلّوں ہوندے نے۔

والدین دے نافرمان

نوعمراں دی ودھدی ہوئی بغاوت اخیرلے زمانے دی مُرتد ’’مسیحیت‘‘ دی خصوصیت ہووے گی۔ بیوقوف ماواں اکثر گرجا گھر دے قائدین توں اپنے باغی بچیاں نوں ’’وچان‘‘ دی کوششاں وچ حصہ پاندیاں نے۔

ناشکرے

ناشکری قدیم چینی تعلیم دی متضاد اے، ’’صلہ ملن دی توقع کیتے بغیر نیکی کرو، لیکن جدوں شفقت وکھائی جاوے تے اُوہنوں کدی وی فراموش مت کرو۔‘‘ میں ساڈے گرجا گھر وچ اِک بندے لئی درزی دے سِلے ہوئے دو سوٹ تے سلی سلائی دو شرٹاں خریدیاں۔ اُوہدا جواب اُوہنے ساڈے گرجا گھر نوں چھڈن دے ذریعے نال تے میری ای میلز دا جواب نہ دین نال دِتا۔ اج کل دے اِرتداد وچ شامل کُج نوجوان لوکاں دے اخلاقی معیار ایس زمانے دے بے شمار بچیاں دے مقابلے وچ بوہتے کم نے!

ناپاک

ایہدا مطلب مکاری تے بے دینی ہوندا اے۔ ہمدردی وچ آ کے، میں اِک نوجوان بندے نوں ’’مُناداں دے چیئرمین‘‘ دی حیثیت نال ترقی دِتی۔ اُوہدے بعد اُوہنے اِک عورت دے نال گندی تصویراں کھِچیاں تے اُوہناں نوں انٹرنیٹ تے پوسٹ کیتا۔ فیر اُوہنے جھوٹ بولیا تے کہیا کہ کسی ہور نے اُوہنوں بلیک میل کرن دی غرض نال اُوہناں نوں اوتھے ڈالیا سی۔ جدوں ڈاکٹر کیگن دے ذریعے نال اُوہدے گناہ دا پول کُھلیا تے اُوہنے ساڈے گرجا گھر نوں چھڈ دِتا تے میری ای میلز دا جواب دین توں اِنکار کر دِتا۔ ڈاکٹر لِن نے کہیا، ’’اج کل کُج لوکی ایہہ کہندے ہوئے ایس قسم دے شریر طریقیاں دی حوصلہ افزائی کردے نے کہ جدوں تیکر اُوس بندے وچ دوجی ’’چنگی‘‘ خصوصیات موجود نے ایس قسم دی مکاری نوں معاف کیتا جا سکدا اے۔ کیس قدر تنگ نظری اے۔‘‘

محبت توں خالی

’’قدرتی چاہت دے بغیر‘‘ (KJV)۔ ایہہ اے جیہڑا اُو عورتاں اپنے بچیاں دا اِسقاطِ حمل کرواندیاں نے۔ محبت توں خالی ہونا اُوہناں لوکاں ول وی اشارہ کردا اے جیہڑے ’’اِک دوجے نال محبت‘‘ کرن لئی خدا دی بار بار دِتی گئی ہدایت دی پیروی کرن وچ ناکام ہو جاندے نے (یوحنا 15:17، 12). پس ایویں گرجا گھر حقیقی محبت دی بجائے رسوم و رواج دا اِک مقام بن جاندا اے۔ گرجا گھراں وچ لوکی حقیقی خوشی دے بجائے جھوٹی مسکراہٹاں دے نال ملدے نے۔ دوویں ماں پیو نوں اپنے بچیاں ول چاہت ظاہر کرنی چائیدی اے۔ لوکی کدی کدی پُچھدے نے کیوں ساڈے دوویں پُتر ساڈے نال گرجا گھر وچ رہندے نے۔ میرا جواب ہوندا اے کہ میری ووہٹی تے میں اُوہناں نال محبت کردے نے، تے مسلسل اُوہناں نوں دسدے نے کہ اسی اُوہناں دی کیس قدر پرواہ کردے نے۔ مینوں ایہہ جانن نال شدید خوشی ملدی اے کہ میری ووہٹی تے ساڈے مُنڈے میرے نال محبت کردے نے۔ محبت اِک مکان نوں گھر بنا دیندی اے۔ گرجا گھر تے گھر نوں شدید طور نال برکت ملدی اے جدوں مسیحی اِک دوجے نال اپنی محبت دا اِظہار کردے نے۔

دھوکہ دہی

’’بدنیتی تے مبنی گپ شپ‘‘ اِک توسیع شُدہ معنی ترجمہ اے۔ ابلیس اِک بُہتان اے۔ شیطان اخیرلے دِناں دے کلیسیا وچ نفرت دا بیج بونا پسند کردا اے۔

بے ضبط

’’بے عصمت‘‘ (KJV)۔ ’’خود نوں قابو چہ نہ رکھ پانا‘‘ دا مطلب ہوندا اے کہ اِک ہستی وچ خود دے ذلیل جذبات نوں قابو وچ کرن لئی طاقت دا فقدان ہونا۔ ’’خود نوں قابو چہ نہ رکھ پانا‘‘ ای سی جیہنے اینج دے ای اِک مناد نوں اُوہدے نال ہاتھا پائی لئی مینوں ملوث کرن دی کوشش کیتی سی۔ جدوں اُوہنے اینج کیتا تے میں جان گیا اُو اِک مُناد بنن لئی اہلیت نئیں رکھدا سی یا ایتھوں تیکر کہ ساڈے گرجا گھر دا رُکن ہون دی وی اہلیت نئیں رکھدا سی۔ اخیرلے دِناں وچ کلیسیا دے اراکین وچ ’’خود نوں قابو چہ نہ رکھ پانا‘‘ عام گل اے۔

تُنک مزاج

اُو لفظ صرف ایتھے ای نئے عہدنامے وچ ظاہر ہوندا اے۔ ایہدا مطلب ہوندا اے ’’نہ سُدھایا ہویا۔‘‘ اپنے بچیاں نوں ایویں عمل کردا ویکھن توں خُدا دے دِل نوں دُکھ پہنچدا اے۔ اُوہناں نوں یسوع دی مثال دی پیروی کرنی چائیدی اے۔

جیہڑے لوکی نیک نے اُوہناں دے دشمن

ڈاکٹر کیگن نیک نے۔ میں ایہہ گل بغیر ہچکچاہٹ دے کہنا واں۔ ایہہ ای وجہ اے والڈریپ ڈاکٹر کیگن نال نفرت کردا اے۔ اخیرلے دِناں وچ کلیسیا وچ نیکی دے دشمن ودھ جان گے کیوں جے ایہدے بے شمار اراکین تے خود نال محبت کرن آلے ہون گے۔

دغاباز لوکی

ایہہ لفظ لوقا 6:16 آیت وچ یہوداہ دی تشریح کردا اے۔ کرھیٹن اِک دغاباز اے۔ اُو کافی حد تیکر یہوداہ اسخریوطی وانگوں اے۔ یہوداہ وانگوں، اُو اِک اینج دے مرحلے تے پہنچ جان گے جیتھے اُو کدی وی توبہ نئیں کر سکدے کیوں جے اُو گناہ دی وجہ نال مکمل طور تے انھے ہو چکے ہوندے نے۔ فرعون وانگوں، اُو اِک اینجے دے مقام تے پہنچ جاندے نے جیتھے اُوہناں دا دِل ایس قدر سخت ہو جاندا اے کہ اُو آسیب زدہ بن جاندے نے تے توبہ نئیں کر سکدے۔ اِک چینی محاورہ کہندا اے، ’’جے تُسی قانون جانندے اُو تے ایہنوں مانندے نئیں، تے تہاڈی سزا دا اِک مرحلہ ودھ جاوے گا۔‘‘

ایہہ ای وجہ سی ڈاکٹر کیگن نے کہیا کہ والڈریپ تے کرھیٹن جہنم وچ جا رئے نے۔ ڈاکٹر لِن نے کہیا، ’’کُج لوکی ہر اِجلاس وچ شرکت کردے نے، لیکن اُوہناں دے دِل پتھر ہو چکے ہوندے نے لہٰذا اُو جیہنا زیادہ سُنندے نے اُوہناں ای کم سِکھدے نے… اُو سوچدے نے اُو ہر گل جانندے نے، جدوں کہ درحقیقت اُو بے شمار بنیادی سچائیاں توں لاعلم ہوندے نے۔ اُو آندے نے، ویکھدے تے سُنندے نے، لیکن اُو سمجھن وچ ناکام ہو جاندے نے – کیوں جے اُو اخیرلے دِناں وچ گناہواں آلی کلیسیا دی خصوصیات وچ ملوث ہوندے نے۔‘‘

کھلو جاؤ تے ساڈا حمدوثنا دا گیت گاؤ!

خستہ حال مسافروں، اپنے سراں نوں چُکو؛
   دِن دے طلوع ہون نوں ویکھو ہُن آسمان سُرخی مائل اے؛
رات دے سائے اُڈ گئے، تے تہاڈا محبوب،
   چاہت دے نال انتظار کر رہیا اے تے آخر کار اُو نزدیک آ ای گیا۔
اُو فیر آ رہیا اے، اُو فیر آ رہیا اے،
   بالکل اوہی یسوع، جیہنوں لوکاں نے رد کیتا؛
اُو فیر آ رہیا اے، اُو فیر آ رہیا اے،
   عظیم جلال تے قوت نال، اُو فیر آ رہیا اے!

انہیری رات سی، گناہ دے خلاف ساڈی جنگ سی؛
   اَسی دُکھاں دے کیس قدر بھاری بوجھ چکے ہوئے سی؛
لیکن ہُن اَسی اُوہدے آن دی علامت ویکھنے آں؛
   ساڈے دِل ساڈے وِچ جگمگا اُٹھدے نے، خوشی دا پیالہ ساڈے تے لبریز ہوندا اے!
اُو فیر آ رہیا اے، اُو فیر آ رہیا اے،
   بالکل اُوہی یسوع، جنہوں لوکاں نے رد کیتا؛
اُو فیر آ رہیا اے، اُو فیر آ رہیا اے،
   عظیم جلال تے قوت نال، اُو فیر آ رہیا اے!

اوہ بابرکت اُمید! اوہ مسرور وعدہ!
   ساڈے دِلاں نوں الہٰی بے خودی نال بھر رہیا اے؛
اوہ دِناں دے دِن! تیرے ظہور نوں سلام ہووے!
   تیرا اعلیٰ و افضل جلال ہمیشہ دمکدا رہوے۔
اُو فیر آ رہیا اے، اُو فیر آ رہیا اے،
   بالکل اُوہی یسوع، جنہوں لوکاں نے رد کیتا؛
اُو فیر آ رہیا اے، اُو فیر آ رہیا اے،
   عظیم جلال تے قوت نال، اُو فیر آ رہیا اے!

ایہدے باوجود، آ جا، انمول خداوند یسوع؛
   تخلیق مخلصی نوں ویکھن دا انتظار کردی اے؛
بدلاں وچ لپٹے ہوئے، جلد ای اسی تیرے نال آ ملاں گے؛
   ہائے بابرکت ضمانت، تیرے نال ہمیشہ تیکر ہون لئی!
اُو فیر آ رہیا اے، اُو فیر آ رہیا اے،
   بالکل اُوہی یسوع، جنہوں لوکاں نے رد کیتا؛
اُو فیر آ رہیا اے، اُو فیر آ رہیا اے،
   عظیم جلال تے قوت نال، اُو فیر آ رہیا اے!
(’’اُو فیر آ رہیا اے He is Coming Again، شاعر میبل جانسٹن کیمپ Mabel Johnston Camp، 1871۔1937).


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔