Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 43 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




یسوع دا کنواری توں پیدا ہونا کیوں ہویا؟

WHY DID JESUS HAVE TO BE BORN OF A VIRGIN?
(Punjabi – A Language of Pakistan)

پادری صاحب، کرسٹوفر ایل کیگن وَلّوں
by Dr. Christopher L. Cagan, Pastor

لاس اینجلز دی بپتسمہ دین آلی عبادت گاہ وچ پڑھایا گیا اِک سبق
کرسمس دی شام، 24 دسمبر، 2020
A lesson taught at the Baptist Tabernacle of Los Angeles
Christmas Eve, December 24, 2020

سبق توں پہلاں حمدوثنا دا گیت گایا سی:
(’’ توجہ نال سُنو، قاصد فرشتے گاندے نے Hark, the Herald Angels Sing‘‘ شاعر چارلس ویزلی Charles Wesley، 1707۔1788)۔

’’تے فرشتہ نے اُوہدے [مریم] کول آ کے کہیا، سلام! تیرے تے وڈا فضل ہویا اے۔ خداوند تیرے نال اے توں عورتاں وِچ مبارک اے۔ تے جدوں اُوہنے اُوہنوں ویکھیا تے اُوہدی ایہہ گل کہن تے اُو بوہتا گھبرائی تے اپنے ذہن وِچ سوچن پہئی ایہہ کیہو جیہا پیغام اے۔ تے فرشتہ نے اُوہنوں کہیا، مریم خوف نہ کر کیوں جے تیرے تے خداوند دا فضل ہویا اے۔ تے ویکھ، توں حاملہ ہووے گی تے تیرے پُتر پیدا ہوئے گا تے توں اُوہدا ناں یسوع رکھنا۔ اُو بزرگ ہووے گا تے خدا تعالیٰ دا پُتر کہلائے گا۔ خداوند خدا اُوہدے پیو داؤد دا تخت اُوہوں دے گا۔ تے اُو یعقوب تے گھرانے تے ہمیشہ تیکر بادشاہی کرے گا۔ اُوہدے بادشاہی کدی نہ ختم ہووے گی۔ فیر مریم نے فرشتے نوں کہیا، میں تے کنواری آں ایہہ کیویں ہو سکدا اے؟ تے فرشتہ نے جواب دِتا تے اُوہنوں کہیا، پاک روح تیرے تے نازل ہوئے گا تے خداوند تعالیٰ دی قدرت تیرے تے سایہ ڈالے گی۔ ایس لئی اُو مقدس جیہڑا پیدا ہوئے گا خدا دا پُتر کہلائے گا‘‘ (لوقا1:28۔35)۔


کلام مقدس واضح اے۔ مریم اِک کنواری سی جدوں یسوع اُوہدے رحم چہ پہیا۔ یسوع یسوع دا پیو نئیں سی، بے شک بعد چہ اُوہنے مریم نال شادی کیتی سی۔ مسیح دے دُنیا وِچ آن دا یوسف نال کوئی وی تعلق نئیں اے۔ نا ای کسی ہُور بندے دا اے۔ یسوع کنواری مریم دے رحم وِچ آپئے پاک روح دے وسیلے نال پیہیا سی۔ ساری مسیحی، مسیح دی کنواری توں پیدائش وِچ یقین رکھدے نے۔

لیکن یسوع کنواری توں پیدا کیوں ہویا سی؟ کیوں اُوہنوں عام طریقے وانگوں یوسف دے ذریعے توں مریم دے رَحم وِچ نئیں پاہیا گیا سی؟ پرانے عہدنامے دی ہر وڈی ہستی موسیٰ توں داؤد، داؤد توں اشعیا تیکر ایسی طریقے نال [پیدا ہوئی] شروع ہوئی سی۔ یسوع کیوں نئیں؟ اَج دی راتی میں تہانوں تِن وجوہات پیش کراں گا کیوں یسوع نوں کنواری توں ای پیدا ہونا سی۔

+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

I. پہلی گل، یسوع کنواری توں پرانے عہد نامے دی پیشن گوئی نوں پورا کرن دے لئی پیدا ہویا سی۔

یسوع دے پیدا ہون توں 700 وریاں توں وی بوہتا ویلے پہلاں، اشعیا نبی نے کہیا سی کہ مسیح کنواری توں پیدا ہووے گا۔ اشعیا7:14 آیت کھولو۔ سُنو جدوں میں اُیہنوں پڑھاں۔

’’ایس لئی خداوند آپئے تہانوں اِک نشان دے گا۔ ویکھو، اِک کنواری حاملہ ہوئے گی تے بیٹے نوں جنم دے گی تے اُوہدا ناں عمانوئیل رکھے گی‘‘ (اشعیا7:14)۔

بائبل نوں ٹھکران آلے آزاد خیال لوکی تعلیم دیندے نے کہ آیت وِچ ’’کنواری‘‘ دے بجائے ’’نوجوان عورت‘ کہنا چائیدا اے۔ عبرانی دا لفظ ’’الماحalmah‘‘ اے۔ پرانے عہد نامے وِچ ایہہ ست وری ظاہر ہویا اے۔ اُوہناں وِچ ہر وری ایہہ اِک کنواری، اِک نوجوان غیر شادی شُدہ عورت وَل حوالہ دیندا اے۔

قدیم اسرائیل اَج کل دے لاس اینجلز وانگوں نئیں سی۔ اَج کل زیادہ تر کُڑیاں جدوں اُو نو عمری ای وِچ ہوندیاں نے تے جنسی تعلقات شروع کر دیندیاں نے۔ اُوہناں وِچوں چند اِک ای شادی تیکر انتظار کردیاں نے۔ ساڈے معاشرے وِچ، شادی تیکر انتظار کرنا پرانے زمانے دا تے احمقانہ [طرز فکر] ہو چکیا اے۔ لیکن خدا دی راہ انتظار کرنا اے! جنسی ملات شادی دے علاوہ ہُور کسی گل توں وی تعلق نئیں رکھدا! ایویں ای ایہو ای گل اسرائیل وِچ سی۔ ایتھوں تیکر کہ گمراہ فریسیاں نوں وی ایہہ گل سمجھ آ گئی سی۔ عبرانی زبان وِچ لفظ ’’کنواری‘‘ مطلب ہوندا اے۔ تے مریم اُو ای سی۔

لیکن اُوس لفظ دا مطلب ’’کنواری‘‘ ہوندا اے ایتھے ایس توں وی بوہتی وڈی وجہ اے۔ خدا نے آپئے کہیا کہ ’’کنواری‘‘ ای دُرست لفظ اے۔ اَسی کلام پاک دی اِک آیت نوں دوجے صحائف تے نظر پان نال سمجھنے آں۔ متی1:22 آیت تے نظر پاؤ۔ ایس آیت نوں ویکھو جدوں میں ایہنوں پڑھاں گا۔

’’ایہہ سب کُج ایس لئی ہویا کہ خدا دا اُو پیغام جیہڑا اُوہنے اپنے نبی دی معرفت دِتا سی پورا ہو کہ ویکھو اِک کنواری حاملہ ہووے گی تے اُوہدے پُتر ہووے گا تے اُو عمانوئیل کہلائے گا جیہدا ترجمہ خداوند ساڈے نال اے‘‘ (متی1:22،23)۔

متی [دی انجیل] وِچ ایہہ آیت واضح طور تے اشعیا7:14 وَل حوالہ دیندی اے۔ اُو یونانی لفظ جیس توں ’’کنواری‘‘ دا ترجمہ ہویا ’’پارتھینوسparthenos‘‘ اے جیس دا مطلب ’’اِک کنواری‘‘ ہوندا اے۔ لیکن ایہہ صرف متی ای نئیں سی جیس نے کہیا کہ ’’کنواری‘‘ دُرست [لفظ] اے۔ متی صرف اِک بندہ سے تے بندہ ہون دی حیثیت نال اُو غلط وی ہو سکدا سی۔ ایہہ خدا سی اُو پاک روح جیس نے اِلہام دے وسیلے نال عبرانی تے یونانی وِچ بائبل نوں اِک اِک لفظ بخشیا (2 تیموتاؤس3:16؛ 2 پطرس1:21)۔ خدا نے اشعیا تے متی وِچ اُوہناں لفظاں نوں چُنیا سی۔ ایہہ خود خدا سی جیس نے پیشن گوئی دِتی سی کہ مسیحا اِک کنواری توں پیدا ہوئے گا، تے اُو خود خدا سی جیس نے اُوس پیشن گوئی نوں پورا کرن دے لئی مریم دے رحم وِچ یسوع نوں رکھیا سی!

II. دوجی گل، یسوع اپنی الوہی وراثت نوں ظاہر کرن دے لئی اِک کنواری توں پیدا ہویا سی۔

یاد رکھو کہ اشعیا نے پیشن گوئی کیتی سی،

’’ایس لئی خداوند آپئے تہانوں اِک نشان دے گا۔ ویکھو، اِک کنواری حاملہ ہوئے گی تے بیٹے نوں جنم دے گی تے اُوہدا ناں عمانوئیل رکھے گی‘‘ (اشعیا7:14)۔

’’عمانوئیل‘‘ دا کی مطلب ہوندا اے؟ متی دی انجیل جواب پیش کردی اے،

’’ویکھو، اِک کنواری حاملہ ہووے گی تے اُوہدے پُتر ہووے گا اُو عمانوئیل کہلائے گا جیس دا ترجمہ خداوند ساڈے نال اے‘‘ (متی1:22،23)۔

یسوع، عمانوئیل، ای ’’خداوند ساڈے نال‘‘ اے۔ لوقا دی انجیل وی ایہی گل کہندی اے کہ مسیحا ’’جیہڑا [مریم] توں پیدا ہوئے گا خدا دا پُتر کہلائے گا‘‘ (لوقا1:35)۔

اشعیا نھے پیشن گوئی کیتی سی کہ مسیح الوہی ہووے گا، کہ اُوہنوں خدا کہنا دُرست ہووے گا۔ اشعیا9:6 کھولو۔ ایہنوں سُنو جدوں میں ایہنوں پڑھاں۔

’’کیوں جے ساڈے لئی اِک لڑکا پیدا ہووے گا، سانوں اِک پُتر بخشا گیا تے سلطنت اُوہدے کاندھیاں تے ہووے گی تے اُو عجیب مُشیر قادرِ مطلق خدا، ابدیت دا باپ تے سلامتی دا شہزادہ کہلائے گا‘‘ (اشعیا9:6)۔

اُوس مسیحا نوں خُدا ہونا ای سی کیوں جے بائبل نے اینج ای کہیا۔ تے اُو مسیحا بچہ جیہڑا پیدا ہویا، جیہڑا ’’قادرِ مطلق خُدا‘‘ اے، ناصرت دا یسوع سی!

آپئے یسوع نے الوہی ہون دا دعویٰ کیتا سی – خدا ہون دا۔ اُوہنے کہیا، ’’میں تے میرا پیو اِک ای نے‘‘ (یوحنا10:30)۔ اُوہنے فلپس نوں کہیا، ’’اُو جنہے مینوں ویکھیا اے اُوہنے باپ نوں ویکھیا اے‘‘ (یوحنا14:9)۔ یسوع بالکل صحیح طور تے جانندا سی کہ اُو کی کہہ رہیا سی – کہ اُو خدا سی۔ اُو لوکی جنہاں نے اُوہنوں سُنیا سی، ایتھوں تیکر کہ اُوہدے دشمن، بالکل صحیح طور تے سمجھ چکے سن کہ اُو کی کہہ رہیا سی۔ یوحنا5:17 آیت نوں کھولو۔ یسوع نے کہیا،

’’میرا باپ ہُن تیکر اپنا کم کر رہیا اے تے میں وی کر رہیا آں۔ ایس وجہ توں یہودی اُوہنوں قتل کرن وِچ پہلاں توں وی بوہتے کالے پے گئے کیوں جے اُوہناں دے لئی یسوع نا صرف سبت دے حکم دی خلاف ورزی کر رہیا سی بلکہ خدا نوں اپنا باپ کہہ کے پکاردا سی گویا اُو خدا دے برابر سی‘‘ (یوحنا5:17، 18)۔

یسوع نے کہیا کہ اُو خدا سی۔ ہُن یوحنا8:58 آیت کھولو۔

’’یسوع نے اُوہناں نوں کہیا، میں تہانوں سچ سچ کہنا واں کہ ابراہام دے پیدا ہون توں پہلاں میں آں۔ ایس تے اُوہناں نے پتھر چکے کہ اُوہنوں سنگسار کرن لیکن یسوع اُوہناں دے وِچکار توں اُوہناں دیاں نظراں توں بچ کے ہیکل توں نکل گیا‘‘ (یوحنا8:58، 59)۔

’’بائبل وِچ خداوند دا مقدس ترین ناں ’’میں آں‘‘ اے۔ اِک ہزار ورے توں وی بوہتا عرصہ پہلاں، خداوند نے موسیٰ نوں کہیا، ’’میں آں جو آں‘‘ (خروج3:14)۔ جدوں یسوع نے اپنے بارے وِچ کہیا ’’میں آں‘‘ تے اُو کہہ رہیا سی اُو خدا سی۔ لوکاں نے اُوہنوں سنگسار کرن دی کوشش کیوں کیتی سی؟ کیوں جے اُوہنے کہیا سی اُو خدا سی۔ جے اِک عام بندے نے اُو گل کیتی ہوندی، تے اُو کفر ہوندا۔ لیکن ایہہ کوئی کفر نئیں سی کیوں جے یسوع خُدا دا پُتر سی۔

بائبل کہندی اے، ’’بشر توں بشر ای پیدا ہوندا اے‘‘ (یوحنا3:6)۔ بشر صرف بشر ای نوں پیدا کر سکدا اے۔ اِک نر کُتا تے مادہ کُتیا صرف اِک کُتا ای پیدا کر سکدے نے۔ اِک نر بلی تے اِک مادہ بلی صرف اِک بلی ای پیدا کر سکدے نے۔ تے اِک عام بندہ تے عورت صرف اِک عام انسان ای پیدا کر سکدے نے۔ اُو کدی وی خدا نوں پیدا نئیں کر سکدے۔ اُو کیویں کر سکدے نے؟

بچہ یسوع دے لئی اُو واحد راہ الوہی ہون دے لئی – خدا ہون دے لئی – اِک مخصوص طریقے نال دُنیا وِچ جنم لینا سی۔ ایہہ ای وجہ اے یسوع دا انسانی پیو نئیں سی۔ خدا باپ اُوہدا باپ سی۔ تے ایہہ خدا اُو پاک روح سی جیس نے مریم دے رحم نوں یسوع نال حاملہ کیتا سی۔ ایہو ای وجہ سی کہ فرشتے نے اُہنوں کہیا سی،

’’پاک روح تیرے تے نازل ہووے گا تے خدا تعالیٰ دی قدرت تیرے تے سایہ پائے گی۔ ایس لئی اُو مقدس جیہڑا پیدا ہووے گا خدا دا پُتر کہلائے گا‘‘ (لوقا1:35)۔

ایہہ ای وجہ سی کہ فرشتے نے یوسف نوں کہیا سی،

’’اے یوسف، ابنِ داؤد، اپنی ووہٹی مریم نوں اپنے گھر لے آں توں مت ڈر کیوں جے جیہڑا بچہ اُوہدے پیٹ وِچ اے پاک روح دی قدرت نال اے‘‘ (متی1:20)۔

یسوع اِک کنواری توں پیدا ہویا سی کیوں جے اُوہنوں [پیدا] ہونا ای سی! تے ایہہ گل سانوں تیجے موضوع وَل لے جاندی اے۔

III. تیجی گل، یسوع کنواری توں پیدا ہویا سی تاں جے اُو تہاڈے گناہ دے لئی قربان ہو سکے۔

ایس گل دا سوال ای نئیں اُٹھدا کہ یسوع مسیح تہاڈے تے میرے گناہ دی خاطر قربان ہویا سی۔ بائبل کہندی اے، ’’پاک صحیفیاں دے مطابق مسیح ساڈے گناہواں دی خاطر قربان ہو گیا‘‘ (1کرنتھیوں15:3)۔ پرانا عہد نامہ کہندا اے، ’’خداوند نے اَساں ساریاں دی بدکاری [گناہ] اُوہدے تے لاد دِتی‘‘ (اشعیا53:6)۔ مسیح دے بارے وِچ نیا عہدنامہ کہندا اے، ’’اُو آپئے اپنے ای بدن تے ساڈے گناہواں دا بوجھ لئے ہوئے صلیب تے چڑھ گیا‘‘ (1پطرس2:24)۔ یسوع نے کہیا اُو [خدمت] کروان دے لئی نئیں بالکہ [خدمت] کرن دے لئی آیا سی، تے اپنی جان فدیہ وِچ دے کے بُہتیریاں نوں چُھڑا لئے‘‘ مرقس10:45)۔

بائبل ایہہ وی کہندی اے کہ یسوع دا اپنا کوئی گناہ نئیں سی۔ بائبل کہندی اے کہ ’’اُو ساریاں گلاں وِچ ساڈے وانگوں ای آزمایا گیا سی ایس دے باوجود بے گناہ رہیا‘‘ (عبرانیوں4:15)۔ فیر، بائبل کہندی اے، ’’پاک، بے ضرر، بے داغ سی‘‘ (عبرانیوں7:26)۔ فیر، بائبل کہندی اے کہ یسوع ’’گناہ توں واقف نئیں سی‘‘ (2کرنتھیوں5:21)۔ ویکھو 2کرنتھیوں5:21 .

’’خدا نے مسیح نوں جیہڑا گناہ توں واقف نئیں سی ساڈے واسطے گناہ ٹھہرایا تاکہ اَسی مسیح وِچ خدا دی راستبازی ہو جائیے‘‘ (2کرنتھیوں5:21)۔

یسوع ’’گناہ توں واقف نئیں سی۔‘‘ خدا نے یسوع نوں ’’ساڈے واسطے گناہ ٹھہرایا۔‘‘ یسوع دے نال گنہگاراں وانگوں سلوک کیتا گیا سی (حالانکہ اُو ہے نئیں سی) تے تہاڈے گناہ دی ادائیگی دے لئی صلیب تے قربان ہو گیا، تُسی ’’اُوس وِچ خدا دی راستبازی ہو جاؤ۔‘‘ جے تُسی یسوع تے پروہسا کردے اُو تے اُوہدی موت تہاڈے گناہ دی ادائیگی کردی اے تے خدا دی نظر وِچ تُسی پاک صاف ہو جاندے اُو۔

کیوں ایہہ اہم اے کہ یسوع نے کوئی گناہ نئیں کیتا سی؟ جے اُوہنے گناہ کیتا ہوندا، تے اُو تہاڈے لئی ادائیگی نہ کر پاندا! اُوہنوں خود دے لئی دُکھ سہنے پیندے۔ صرف اِک نجات دہندہ، اِک دُکھاں بھری قربانی [دے سکدا سی] جیہڑا گناہ توں واقف نئیں سی اپنے آپ تے تہاڈے گناہ لے جا سکدا سی تے ہمیشہ دے لئی اُوہناں دی ادائیگی کر سکدا سی۔

تُسی پُچھ سکدے اُو، ’’ایہہ ایس قدر اہم کیوں اے کہ یسوع نوں اِک کنواری ای توں پیدا ہونا سی؟ آؤ، مینوں دس لین دیو۔ جدوں توں آدم نے باغِ عدن وِچ خدا دی نافرمانی کیتی سی، آدم دی نسل توں پیدا ہون آلا ہر انسان اِک گنہگار رہ چکیا اے۔ آدم دے گناہ نے صرف اُوہنوں ای متاثر نئیں کیتا سی۔ اُوہنے آدم نوں اِک گنہگار بنا ڈالا سی، تے گناہ توں بھرپور اُو فطرت اُوہدی ساری آل اولاد وِچ منتقل ہو گئی سی تہاڈے تیکر تے مجھ تیکر۔ بائبل کہندی اے، ‘‘اِک آدمی [آدم] دے وسیلے توں گناہ دُنیا وِچ داخل ہویا تے گناہ دے سبب توں موت آئی تے ایویں ای موت سارے انساناں وِچ پھیل گئی کیوں جے سب نے گناہ کیتا‘‘ (رومیوں5:19)۔ تے ایویں تُسی اِک گنہگار اُو۔ جے یسوع عام طریقے نال رحم وِچ پہیا ہوندا تے اُو وی اِک گنہگار ای ہوندا۔

یاد رکھو جیہڑا کُج میں کہیا اے، اِک نر بلی تے مادہ بلی صرف اِک بلی نوں ای پیدا کر سکدے نے۔ اِک نر کُتا تے مادہ کُتیا صرف اِک کُتے نوں ای پیدا کر سکدے نے۔ اِک نر گنہگار تے اِک مادہ گنہگار صرف اِک گنہگار نوں ای پیدا کر سکدے نے۔ جے یسوع نوں عام طریقے نال ای دُنیا وِچ آنا ہوندا، تے اُو وی اِک گنگہار ای تصور کیتا جاندا۔ اُو آپئے ای گناہ سرزد کر چکیا ہوندا۔ تے فیر اُو تہاڈے گناہواں دی ادائیگی نہ کر پاندا!

ایہہ گل ایس توں وی کئیں بوہتی گہری ہو جاندی اے۔ ہر گنہگار آدم توں لے کے تہاڈے تے میرے تیکر اِک گناہ آلی فطرت رکھدا اے۔ ساڈے انتہائی فطرت گناہ اے۔ گناہ محض صرف اُوہی نئیں اے جیہڑا تُسی کردے اُو، ایہہ اے جیہڑا تُسی اُو۔ تہاڈی فطرت وچ – تہاڈے باطن وِچ جیہڑا اے – گناہ نے۔ ایہہ ای وجہ اے کہ تُسی اُو گناہ کیتے جیہڑا ہوئے۔ اُو تہاڈی گناہ توں بھرپور فطرت وِچوں نکلے سن۔ تُسی ایس لئی گنہگار نئیں اُو کیوں جے تُسی گناہ کیتا۔ تُسی گناہ کیتا کیوں جے تُسی گنہگار اُو۔

جے یسوع اِک گنہگار پیدا ہوندا تے اُو اصل گناہواں نوں کردے رہنا جاری رکھ چکیا ہوندا۔ لیکن بوہتی گہرائی وِچ جائیے تے اُوہدی اِک گناہ توں بھرپور فطرت ہوندی، جیہڑا آپئے اِک گناہ اے۔ اُو کوئی مخصوص گناہ کرن توں پہلاں ای خدا دی نطر وِچ ناپاک ہوندا۔ تے ایویں، اُو تہاڈے لئی ادائیگی نہ کر پاندا! یسوع نے مکمل طور تے پاکیزہ ہونا سی، محض صرف اپنی حیاتی وِچ ای نئیں، بلکہ جیہڑا کُج وی اُو سی، اپنی فطرت وِچ – اُوہدی انتہائی ذات وِچ۔

ایہہ ای وجہ سی کہ یسوع نوں دُنیا وِچ اِک مخصوص طریقے نال ای آنا سی، پاک روح دے وسیلے نال کنواری مریم دے رحم وِچ جنم لینا سی، بِنا گناہ دے۔ ایہہ ای واحد راہ سی یسوع بغیر گناہ دے دُنیا وِچ آ سکدا سی۔ یسوع نوں کنواری توں پیدا ہونا ای سی تاکہ اُو تہاڈے گناہ دی خاطر قربان ہو پاندا! خدا دا شکر ادا کرو اُو [کنواری توں پیدا] ہویا سی!

ساڈا حمدوثنا دا گیت، ’’توجہ نال سنو، قاصد فرشتے گاندے نے Hark, the Herald Angels Sing‘‘ ایس گل نوں بخوبی کہندا اے۔ ایہہ کہندا اے، ’’کنواری دے رحم توں پیدا ہون آلے بچے۔ بشر دے پردے وِچ اُو خدائے قادر ویکھدا اے؛ مجّسم خدا دی ستائش کرو… اُو شخص پیدا ہویا کہ کوئی ہُور مر نہ پائے۔‘‘ اُو یسوع اے! کِھلو جاؤ تے ایہنوں گاؤ!

توجہ نال سُنو! قاصد فرشتے گاندے نے، ’’نوزائیدہ بادشاہ نوں جلال ہو؛
   زمین تے امن، تے انکسار آلا رحم، خدا تے گنہگار وِچ صلح ہوئی سی!‘
خوشی نال بھرپور، تُسی اے ساری قوماں اُٹھو، آسماناں دی فتح وِچ شامل ہو جاؤ؛
فرشتانہ میزبان دے اِعلان دے نال، ’’بیت اللحم وِچ مسیح پیدا ہویا اے!‘‘
توجہ نال سُنو! قاصد فرشتے گاندے نے، ’’نوزائیدہ بادشاہ نوں جلال ہو!‘‘

مسیح، جیہدی عالم بالا تے تمجید ہوندی اے؛ مسیح، اُو دائم و قائم خداوند!
   زمانے چہ بعد وِچ اُوہنوں آندا ہویا ویکھو، کنواری دے رَحم دی اُو تجسیم اے۔
انسانی جسم دے پردے وِچ اُو قادرِ مطلق ویکھدا اے؛ اُوس متجسم خدائی دی ستائش ہووے،
   لوکاں وِچ رہن دے لئی انسان بن کے خوش ہویا، یسوع، ساڈا عمانوئیل۔
توجہ نال سُنو! قاصد فرشتے گاندے نے، ’’نوزائیدہ بادشاہ نوں جلال ہو!‘‘

عالم بالا دے پیدا ہوئے امن دے شہزادے دی تمجید کرو! راستبازی دے پُتر دی تمجید کرو!
   اُو ساریاں دے لئی نور تے حیاتی لہیاندا اے، اپنے پراں وِچ شفایابی دے نال اُٹھ کھلوو۔
تسکین بخش اپنا جلال اُو نچھاور کردا اے، اُو پیدا ہویا کہ مذید ہُور اِنسان نہ مرن۔
   زمین دے پُتراں نوں زندہ کرن دے لئی اُو پیدا ہویا، اُوہناں نوں دوجا جنم دین لئی اُو پیدا ہویا۔
توجہ نال سُنو! قاصد فرشتے گاندے نے، ’’نوزائیدہ بادشاہ نوں جلال ہو!‘‘
   (’’توجہ سے سُنیں، قاصد فرشتے گاتے ہیں Hark, the Herald Angels Sing‘‘ شاعر چارلس ویزلی Charles Wesley، 1707۔1788)۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

یسوع دا کنواری توں پیدا ہونا کیوں ہویا؟

WHY DID JESUS HAVE TO BE BORN OF A VIRGIN?

پادری صاحب، کرسٹوفر ایل کیگن وَلّوں
by Dr. Christopher L. Cagan, Pastor

’’تے فرشتہ نے اُوہدے [مریم] کول آ کے کہیا، سلام! تیرے تے وڈا فضل ہویا اے۔ خداوند تیرے نال اے توں عورتاں وِچ مبارک اے۔ تے جدوں اُوہنے اُوہنوں ویکھیا تے اُوہدی ایہہ گل کہن تے اُو بوہتا گھبرائی تے اپنے ذہن وِچ سوچن پہئی ایہہ کیہو جیہا پیغام اے۔ تے فرشتہ نے اُوہنوں کہیا، مریم خوف نہ کر کیوں جے تیرے تے خداوند دا فضل ہویا اے۔ تے ویکھ، توں حاملہ ہووے گی تے تیرے پُتر پیدا ہوئے گا تے توں اُوہدا ناں یسوع رکھنا۔ اُو بزرگ ہووے گا تے خدا تعالیٰ دا پُتر کہلائے گا۔ خداوند خدا اُوہدے پیو داؤد دا تخت اُوہوں دے گا۔ تے اُو یعقوب تے گھرانے تے ہمیشہ تیکر بادشاہی کرے گا۔ اُوہدے بادشاہی کدی نہ ختم ہووے گی۔ فیر مریم نے فرشتے نوں کہیا، میں تے کنواری آں ایہہ کیویں ہو سکدا اے؟ تے فرشتہ نے جواب دِتا تے اُوہنوں کہیا، پاک روح تیرے تے نازل ہوئے گا تے خداوند تعالیٰ دی قدرت تیرے تے سایہ ڈالے گی۔ ایس لئی اُو مقدس جیہڑا پیدا ہوئے گا خدا دا پُتر کہلائے گا‘‘ (لوقا1:28۔35)۔

I.    پہلی گل، یسوع کنواری توں پرانے عہد نامے دی پیشن گوئی نوں پورا کرن دے لئی پیدا ہویا سی، اشعیا7:14؛ متی1:22، 23؛ 2تیموتاؤس3:16؛ 2پطرس1:21 .

II.   دوجی گل، یسوع اپنی الوہی وراثت نوں ظاہر کرنے دے لئی اِک کنواری توں پیدا ہویا سی، اشعیا7:14؛ متی1:22، 23؛ لوقا1:35؛ اشعیا9:6؛ یوحنا10:30؛ 14:9؛ یوحنا5:17، 18؛ 8:58، 59؛ خروج3:14؛ یوحنا3:6؛ لوقا1:35؛ متی1:20 .

III.  تیجی گل، یسوع کنواری توں پیدا ہویا سی تاکہ اُو تہادے گناہ دے لئی قربان ہو سکے، 1کرنتھیوں15:3؛ اشعیا53:6؛ 1پطرس2:24؛ مرقس10:45؛ عبرانیوں4:15؛ 7:26؛ 2کرنتھیوں5:21؛ رومیوں5:12، 19 .