ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

جدوں تُسی خوشخبری نوں پیش کردے اُو تے شیطان تہاڈی پیشکش نوں روکن لئی اپنے آسیباں دے ذریعے نال پوری کوشش کرے گا۔ دوجے پاسے، جیس بندے دے بارے وِچ تُسی گواہی دے رئے اُو اُوہنوں کوئی اعتراض نہیں ہووے گا۔

عام سوالات

1. میں بائبل وِچ یقین نئیں رکھدا۔

پولوس رسول نے یونانیاں نوں بائبل دا حوالہ دِتا سی جیہڑے اُوہدے چہ یقین نئیں رکھدے سی۔ پولوس نے اُوہناں لوکاں نوں راضی کرن دی کوشش نئیں کیتی سی جنہاں دی اُوہنے گواہی دِتی سی۔ ساڈے اہم کم دی گواہی دینا دفاع نئیں، اعلان ہوندا اے۔

بائبل دا بنیادی پیغام ایہہ اے کہ کیویں اِک بندہ دائمی حیاتی پائے گا۔ ’’تُسی ایس بارے وچ کی سمجھدے اُو کہ بائبل ایس موضوع تے کی کہندی اے؟‘‘

تقریباً 98 فیصد اوقات چہ اُو کہن گے، ’’دس احکامات نوں مانن نال – یا نیک بنن دی کوشش کرن دے ذریعے نال۔‘‘

+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

2. کی اِرتقاء تخلیق نوں غلط ثابت نئیں کردا؟

ڈاکٹر اے۔ ڈبلیو۔ ٹوزر نے کہیا، ’’اسی جیہڑے یقین رکھنے آں بائبل جانندی اے کہ کائنات اِک تخلیق اے۔ ایہہ دائمی نئیں اے کیوں جے ایہدا اِک آغاز سی۔ ایہہ خوشگوار اِتفاقات دے تسلسل دا نتیجہ نئیں اے جیہدے نتیجے وچ اِک دوجے توں اِتفاقی طور تے ملن آلے حصیاں دی تعداد اِک دوجے دے نال مل گئی، اِک دوجے دی تھاں تے بیہہ گئی تے مصروفیت وچ مگن ہو گئی۔ اُوہدے تے یقین کرن لئی اعتبار دی لوڑ ہووے گی جیہڑا چند اِک لوکاں کول ای اے‘‘

اِک نوجوان بندے نوں پُچھیا گیا، ’’کیس ثبوت نے تہانوں قائل کیتا اے کہ اِرتقاء سچا اے؟‘‘ اُوہنے جواب دِتا، ’’لوکاں تے جانوراں دے وچکار مشہابتاں۔ میرے لئی، اُو گل اِرتقاء نوں ثابت کردی اے۔‘‘

1950 دی دہائی وچ ماضی چہ جیمس واٹسن تے فرانسس کررک نے حیاتی دے کُلیدی مالیکیول، ڈی این اے DNA نوں دریافت کیتا – اِک دریافت جیدی وجہ توں اُوہناں نوں نوبل انعام نال نوازیا گیا۔ انسانی جسم وچ اِک ٹرلیئن توں وی ودھ مالیکیولز نے۔ ایہہ نہایت شاندارانہ طور تے اِک پیچیدہ نظام اے۔

کررک، جیہڑا کہ اِک دہریے تے نظریہ اِرتقاء دے مَنن آلے نے، اُوہناں نے ڈٰی این اے DNA مالیکیول دے احتمال [اِمکان] نوں لبَن دا فیصلہ کیتا جیہڑا اِرتقاء پسند کہندے نے کہ 4.6 بلین وریاں دے دوران بے ساختہ پیدا ہویا [تے] جیہڑا زمین دی حیاتی اے۔ زمین دی تاریخ وچ اِک خُلیے دے ڈی این اے DNA مالیکیول دے کی اِمکانات نے؟ کی تہانوں اُوہناں دے [جواب دا] نتیجہ معلوم اے؟ صفر۔ حتّیٰ کہ 4.6 بلین وریاں وچ وی اینج کدی وی ممکن نئیں ہو سکدا سی!

تے کی فیر فرانسس کررک نے کہیا کہ ایہہ خدا ای ہونا چائیدا اے جیہنے ایہہ کیتا؟ اُوہناں نے نئیں کہیا۔

کی ایہہ عجیب نئیں لگدا کہ ایہناں سائنسداناں وچوں کسی نے وی ایہہ ثبوت پاندے ہوئے وی، اقرار نئیں کیتا کہ اُوہناں دا نظریہ غلط سی؟ اُوہناں وچوں اِک نے وی نئیں کیتا، ’’ڈاروِن دے زمانے توں لے کے، اسی کُج غلط سِکھاندے رئے آں۔ اسی تہانوں سِکھایا کہ حیاتی دا آغاز قدیم کیچڑ توں ہویا جدوں امائینو ایسڈ اکٹھے ہو گئے تے اِک خُلیے نوں تشکیل کیتا۔ تے، بلین وریاں بعد، اسی ایتھے کھلوتے آں۔ اسی سوچیا کہ ایہہ اینج ای رونما ہویا سی۔ لیکن ساڈا نظریہ غلط ثابت کیتا جا چُکیا اے۔ اسی معزرت خواہ آں کہ اسی تہاڈی غلط رہنمائی کیتی۔‘‘

کی تُسی جانندے اُو فرانسس کررک نے کی کیتا؟ اُو ایہدے توں وی زیادہ ناممکن نظریہ دے نال سامنے آئے۔ اُوہناں دا نیا نظریہ ایہہ سی کہ کسی دور دراز دے سیارے توں انساناں دی اِک ترقی یافتہ نسل خلائی جہاز وچ اپنے نال جہاز وچ اپنے نُطفیاں دے نال نکل پئے تے مختلف سیاریاں تے بیج وکھرے۔ تے ایویں ساڈا وجود ہویا۔ ایہہ کُج کُج سٹار وارز Star Wars وگرا لگدا اے!

حیاتی بے جان توں نئیں آ سکدی۔ ایس ای لئی بائبل کہندی اے، ’’شروع چہ خُدا نے زمین تے آسمان نوں تخلیق کیتا‘‘ (پیدائش1:1)۔

تِن ثبوت جیہڑے خُدا دی وجودیت وچ یقین کرن چہ میری مدد کر چکے نے:

(1) وجہ تے اثر دا قانون

     کیوں جے کائنات وچ اسباب تے اثرات نوں میں ویکھدا واں جیہڑے منطقی طور تے میری نشاندہی اُوس عظیم نادیدہ سبب ول کراندے نے جیدے وچ میرا یقین اے کہ اُو خُدا اے۔

(2) ڈیزائن [تخلیق دے نمونے] دا ثبوت

     جے تُسی مریخ جاندے تے اِک کامل نمونے [ڈیزائن] دی گھڑی اوتھے لبدی تے تُسی منطقی طور تے نتیجہ اخذ کردے کہ اُو گھڑی اِک گھڑی ساز ول اشارہ کردی سی۔ لہٰذا اِک شائستہ طور تے ڈیزائن کیتی ہوئی دُنیا، دُنیا دے بنان آلے ول اشارہ کردی اے، اِک ڈیزائنر جیہنوں میں، خُدا بُلانا واں۔

(3) شخصیت دا ثبوت

     اسی شُہرا آفاق [پینٹنگ] مصوری مونا لیزا تے نظر پانے آں۔ اسی شخصیت دے ثبوت تے نظار پانے آں۔ اُو مصوری کسی غیر ذاتی وجہ دا نتیجہ نئیں ہو سکدی۔ ایہہ تیجا ثبوت اہم اے کیوں جے اِک سبب نال قوت سانوں ذمہ دار قرار نئیں دوے گی، بلکہ اِک ہستی سانوں ساڈے گناہواں لئی ذمہ دار ٹھہرا سکدی اے۔

3۔ میرا خُدا اُونج دا نئیں اے۔

جان ویزلی دی حیاتی، جنہاں نے میتھوڈِسٹ کلیسیا دا آغاز کیتا، نہایت واضح طور تے، نجات لئی کلیاں یسوع مسیح وچ پرہوسا کرن دی اہمیت نوں ظاہر کردی اے۔ اُو پنج وریاں لئی آکسفورڈ سیمنری وچ گئے تے فیر انگلستان دے چرچ دے مذہبی خادم بن گئے، جیتھے اُوہناں نے دس وریاں تیکر خدمت سرانجام دِتی۔ اُوس دور دے اخیر وچ، تقریباً 1735 وچ، اُو انگلستان توں جارجیا لئی اِک مشنری بن گئے۔

اپنی ساری دی ساری حیاتی، اُو اپنی مذہبی خدمتاں وچ کافی ناکامی دا شکار رئے، حالانکہ اُو جیویں کہ سانوں لوکاں نوں سمجھدے نے کافی متقی یا دیندار سن۔ اُو سویرے چار وجے اُٹھدے سن تے دو گھنٹیاں تیکر نماز پڑھدے سن۔ تے جیلاں، قید خاناں تے ہسپتالاں وچ ہر طرح دے لوکاں چہ مذہبی خدمتاں سرانجام دین لئی جان توں پہلاں اُو اِک گھنٹے تیکر بائبل دا مطالعہ کردے۔ اُو جدوں تیکر رات نہ ہو جاندی تعلیم دیندے، دعا منگدے تے دوجیاں دی مدد کردے۔ اُوہناں نے ایہہ وریاں تیکر کیتا۔ درحقیقت، میتھوڈسٹ کلیسیا دینداری دی [ایس ای] میتھوڈیکل طرز توں جیہنوں ویزلی تے اُوہناں دے بیلیاں نے جیا اپنا ناں پاندی اے۔

امریکہ توں واپسی تے، سمندر وچ بہت وڈا طوفان آ گیا۔ اُو نِکا جیہا بحری جہاز جیہدے تے اُو سفر کر رئے سن ڈُبّن دے قریب سی۔ وڈیاں وڈیاں لہراں بحری جہاز دے عرشے تے تھپیڑے مار رئیاں سن تے ہواواں بادباناں نوں تار تار کر رئیاں سن۔ ویزلی خوفزدہ سی کہ اُو اُوس لمحے یا گھڑی وچ مرن آلے سی تے اُو شدید خوف وچ مبتلا سن۔ اُوہدے کول کوئی یقین دہانی نئیں سی کہ اُوہناں دے نال کی ہووے گا جدوں میں مر جاواں گا۔ نیک بنن دی اُوہناں دی تمام تر کوششاں دے باوجود، موت اُوہناں لئی اِک بہت وڈا، سیاہ، خوف نال بھرپور سوالیہ نشان سی۔

بحری جہاز دے دوجے پاسے لوکاں دا اِک گروپ سی جیہڑا حمدوثنا دے گیت گا رہیا سی۔ اُوہنے اُوہناں لوکاں کولوں پُچھیا، ’’تُسی کیویں گانے گا سکدے اُو جدوں کہ بالکل ایسی راتی تُسی مرن آلے اُو؟‘‘ اُوہناں لوکاں نے جواب دِتا، ’’جے ایہہ جہاز ڈوبڈا اے تے اَسی ہمیشہ لئی خداوند دے کول اُتے ٹُر جاواں گے۔‘‘ ویزلی آپئے سوچدا تے اپنا سر دُھندا ہویا پرے ٹُر گیا، ’’اُوہناں [لوکاں] نوں اُو کیویں معلوم ہو سکدا اے؟ جیہڑا کُج میں کر چکیا آں اُوہدے مقالبے چہ اُو کِنّا ہُور بوہتا کر چکے نے؟‘‘ فیر اُوہنے اضافہ کیتا، ’’میں کافراں نوں مسیح وِچ ایمان دِلا کے تبدیل کرن لئی آیا، آہ، لیکن مینوں کون تبدیل کرے گا؟‘‘

خُدا دی پرورگاری نال، بحری جہاز واپس انگلستان پہنچن وِچ کامیاب ہو گیا۔ ویزلی لندن ٹر گئے تے ایلڈرگیٹ سٹریٹ لئی تے اِک چھوٹے گرجا گھر لئی اپنی راہ تلاش کیتی۔ اُوتھے اُوہناں نے اِک بندے نوں اِک واعظ پڑھدے ہوئے سُنیا جیہڑا دو صدیاں پہلاں مارٹن لوتھر وَلّوں تحریر کیتا گیا سی، جیہدا عنوان ’’رومیوں دی کتاب لئی لوتھر دا دیباچہ Luther’s Preface to the Book of Romans‘‘ سی۔ ایس واعظ نے وضاحت کیتی کہ حقیقی ایمان کی سی۔ ایہہ نجات لئی صرف یسوع مسیح تے پرہوسا کرنا سی – تے ناکہ خود اپنے نیک کماں وچ۔

ویزلی نوں اچانک احساس ہویا کہ اُو اپنی حیاتی دی غلط راہ تے گامزن رئے سن۔ اُوس راتی اُوہناں نے اپنی روز لکھی جان آلی ڈائری وچ ایناں لفظاں نوں تحریر کیتا: ’’تقریباً پونے نو وجے، جدوں اُو اُوس تبدیلی دی وضاحت کر رئے سن جیہڑی مسیح وچ ایمان دے ذریعے نال خُدا دِل وچ بِٹھاندا، میں عجیب طور تے اپنے دِل نوں گرم ہوندیاں محسوس کیتا۔ میں محسوس کیتا میں واقعی چہ مسیح تے پرہوسا کیتا، کلیاں مسیح تے، نجات لئی تے مینوں اِک یقین دہانی بخشی گئی کہ اُوہنے میرے گناہواں نوں چُک لہیا سی، ایتھوں تیکر کہ میرے [گناہواں نوں]، تے مینوں موت تے گناہ دی شریعت توں نجات دلائی سی۔‘‘

ایہہ ہویا سی۔ ایہہ نجات دلان آلا ایمان ہوندا اے۔ اپنے گناہواں تے توبہ کرنا، اُوہنے نجات لئی کلیاں یسوع مسیح تے پرہوسا کیتا سی۔ ہُن، کی تُسی کہوو گے کہ ایس رات توں پہلاں ویزلی نے یسوع مسیح وچ یقین نئیں کیتا سی؟ بیشک، اُوہنے کیتا سی۔ اُو بائبل دا اِک عالم سی تے انگریزی، لاطینی، یونانی، تے عبرانی وچ مسیح دے بارے چہ مطالعہ کیتا سی۔ اُوہنے ایناں ساریاں زباناں چہ مسیح وچ یقین کیتا سی۔ لیکن اُوہنے جان ویزلی وچ اُوہدی نجات لئی پرہوسا کیتا سی۔

ایہدے بعد، اُو اٹھارویں صدی دے عظیم ترین مبلغ بنے سن۔ لیکن ایہہ سب اُوس ویلے شروع ہویا سی جدوں اُوہناں نے اپنی نجات لئی کلیاں یسوع مسیح وچ اپنا پرہوسا قائم کیتا سی تے اُوہنوں اپنے خداوند دی حیثیت نال قبول کیتا سی۔ (ڈاکٹر ڈی۔ جیمس کینیڈی Dr. D. James Kennedy، انجیلی بشارت دی تعلیم دے پرچار دا پھٹ پینا Evangelism Explosion، چوتھا ایڈیشن، ٹائینڈائل ہاؤس پبلیشرز Tyndale House Publishers، 1996، صفحات 183۔ 184)۔

نظریہ علم یا علمیات فلسفے دی اُو شاخ اے جیہڑی سوال دے نال نمٹدی اے – اسی کیویں جاننے آں؟ دو طریقے نے جنہاں توں لوکی جیہڑے خدا دے بارے وچ سوچدے نے اُوہدا جواب دیندے نے۔

1. عقلیت پسندی۔ عقلیت پسندی دے استعمال نے بنی نوع انسان نوں کُج عجیب و غریب مذہبی راہواں تے گامزن کر دِتا اے۔

2. مکاشفہ یا وحی۔ ہُن، مسیحی کلیسیا ہمیشہ ایس گل تے قائم رئی اے کہ خدا نے بائبل دے ذریعے نال خود دا منکشف کیتا، تے بنیادی طور تے اپنے پُتر، یسوع مسیح دے ذریعے نال۔ لہٰذا سوال ہُن ایہہ نئیں اے کہ اسی دوواں وچوں کون کی سوچدا اے۔ سوال ایہہ اے، ’’خُدا نے بائبل وچ تے اپنے پُتر یسوع مسیح دے ذریعے نال کی کہیا اے؟‘‘

4. کی کافر گمراہ نے؟

     کہوو، ’’اسی ایتھے کی کر رئے آں تے ہُن اِک تھیالوجیکل مباحثے نوں طے کرن دے مقابلے وچ کِتھے بوہتی زیادہ وڈی فوری لوڑ اے۔‘‘
     تُسی شاید کہہ سکدے اُو، ’’بوب، اُو اِک چنگا سوال اے، لیکن مینوں یقین اے کہ اسی واقعی چہ افریقہ وچ موجود قوماں نوں خُدا دے ہتھ وچ چھڈ سکنے آں، جیہڑا نہایت ای عظیم تے بوہتا مہربان اے۔ اج میں چاہنا واں کہ تُسی یقین نال جان جاؤ کہ تہاڈے کول دائمی حیاتی اے۔ شاید بعد چہ اسی ویکھ سکنے آں کہ خُدا نے ایناں لوکاں دے بارے وچ جو کُج کہیا جیہڑے کدی وی خوشخبری نوں نئیں سُنندے… مسئلہ سوال دے گرد ای گھُمدا اے، ’کی خُدا اُوہناں قوماں نوں محض اُوس مسیح تے یقین نہ کرن دی خاطر دوزخ وچ پیج سکدا اے جیدے بارے وچ اُوہناں نے کدی سُنیا ای نئیں سی؟
     بائبل تعلیم دیندی اے کہ مسیح اُوہناں لوکاں دی مذمت کرن لئی نئیں آیا سی جنہاں دی پہلاں ای توں مذمت کیتی جا چکی سی۔ لوکاں دی صرف اِک ای گل لئی مذمت کیتی جاندی اے – اُوہناں دے گناہ۔‘‘

5. میں موت دے بعد حیاتی وِچ یقین نئیں رکھدا۔

(1) افلاطون۔ قدیم فلسفی افلاطون نے وکھایا کہ اِک بیج نوں مذیدار پھلاں دے نال اِک درخت نوں اُگان لئی پہلاں ٹوٹن تے مرن دے عمل توں لنگہنا پیہیا۔ افلاطون نے نتیجہ اخذ کیتا کہ انسانی پینڈے نوں کسی دوجی دُنیا تے کسی حیاتی وِچ آن توں پہلاں مرنا ہووے گا۔
     افلاطون نے مسیح تے پولوس رسول توں چار صدیاں پہلاں حیاتی بسر کیتی سی۔ ایس دے باوجود اُوہنے موت دے بعد حیاتی دے اُوسی ثبوت دی تعلیم دِتی سی جیہدی پولوس تے مسیح نے 1 کرنتھیوں15:35۔36 اور یوحنا12:24 وِچ نشاندہی کیتی۔

(2) فلسفی عمانیوئیل کانت نے مشاہدہ کیتا کہ سارے انسان صحیح تے غلط دے بارے چہ فکر مند نے جیہڑا اخلاقی ذمہ داری دا اِک احساس اے۔ اُوہنے کہیا، ’’جے انصاف مؤثر نئیں ہوندا اے تے صحیح کم کیوں کیتا جائے؟‘‘ دوجے لفظاں وِچ، اُوہناں نے استدلال کیتا کہ فرض دے معنی ہون لئی انصاف ہونا ضروری اے کیوں جے انصاف مؤثر نئیں ہوندا اے تے چنگا کم کیوں کیتا جائے؟ اُوہناں نے وجہ پیش کیتی کہ چونکہ ایس حیاتی وِچ انصاف قائم نئیں رہندا تے اِک دوجی تھاں ہونی چائیدی اے جیتھے اُو قائم ہووے گا۔ دوجے لفظاں چہ، فلسفی کانت نے توجیہہ پیش کیتی کہ انصاف موت دے بعد حیاتی دا تقاضا کردا اے۔ ایہہ اینج ای لگدا اے جیویں عبرانیوں9:27 وِچ بائبل بیان کردی اے۔
     ایویں عمانیوئیل کانت لئی عملی اخلاقیات نوں موت دے بعد حیاتی درکار تے اِک مصنف درکار ہوندا اے جیہڑا کافی حد تیکر بائبل دے خُدا وگرا اے۔

(3) تھرموڈائنیمکس [طبیعیات دی اُو شاخ جیہڑی توانائی دی مختلف شکلاں دے تبادلیاں نال وابستہ اے] دا پہلا قانون، جیویں کہ آئنسٹائین نے ترتیب دِتا سی۔ ایہہ بیان کردا اے کہ توانائی تے مادے نوں تخلیق یا تباہ نئیں کیتا جا سکدا۔ جے انسان وجود رکھنا چھڈ دیندا اے تے کائنات وِچ اُو واحد شے ہووے گا جیہڑا ایہہ کردا اے۔ 1کرنتھیوں15:49۔51 وِچ بائبل وضاحت کردی اے کیویں مسیح جسم برداشت کرے گا۔ ایس طرح نال آئنسٹائین اِک مُلحد نئیں سی۔

(4) مردے ہوئے لوکاں دے آخری الفاظ۔
     اپنے بستر مرگ تے مُلحد گیبّن Gibbon چیخ پیہیا، ’’ہر پاسے انیرا اے۔‘‘ ایڈیمزAdams نامی اِک مُلحد جدوں مر رہیا سی تے ’’ایس کمرے وِچ شیاطین نے تے اُو مینوں تھلے کِھچنا چاہندے نے‘‘ چیخدیاں ہویا سنیا گیا سی۔
     ایہدے برعکس، مسیحی حمدکار ٹاپ لیڈیToplady پکار اُٹھے سن، ’’ہر پاسے نور، نور، نور ای اے!‘‘ایوریٹEverett نے اپنے مرن توں 25 منٹ پہلاں کہیا، ’’جلال، جلال، جلال۔‘‘ ہزاہاں لوکاں نوں اُو حیاتی جیہدے وِچوں اُو لہنگ رئے سن اُوہدے وِچ کی ہون آلا سی ویکھن دا موقع مل چکیا اے۔

6. دوبارہ حیاتی بحال ہون آلے لوکاں دیاں یاداں۔

ایہہ گل جانن دے لائق اے کہ حال ای وِچ بے شمار سائنسداناں نے سائنسی دُنیا وِچ ہلچل مچا دِتی اے کہ اُوہناں دی تحقیقات دے نتائج اُوہناں دی یقین دہانی دا سبب بنے نے کہ حیاتی قبر توں اَگے رواں رہندی اے۔ میں اُوہناں مشہور سائنسداناں دے بارے چہ سُنیا اے جنہاں نوں جنت یا دوزخ دی پیش بینی کیتی گئی اے۔ اِیناں تجربات توں کُج سوالاں دے جواب باقی رہندے نے۔ لیکن ایہہ دلچسپ گواہی مہیا کردے نے۔

الزبتھ کیوبلر راس بظاہر اِک مسیحی نئیں سن، لیکن ایہہ اُوہناں دا بیان سی، ’’ہُن ایس گل دا ثبوت حتمی شکل فراہم کردا اے۔ موت دے بعد حیاتی ہوندی اے۔‘‘ ڈاکٹر کیوبلر راس نے کہیا کہ موت دے قریب تجربات دی سائنسی تصدیق کیتی گئی اے۔ ’’اَسی ایس دے بارے چہ بس گل کرن توں ڈرنے آں،‘‘ اُوہناں نے کہیا۔

ڈاکٹر ریمنڈ مودی نے کہیا، ’’موت دے لمحے تے اِک گونج یا شوروغل جیہیا ہوندا اے۔‘‘ اُوہناں ساریاں نے اپنے جسم وِچوں اُتے باہر وَل تیردیاں ہویاں تے دوبارہ حیاتی بحال کرن آلے کمرے وِچ سارے ڈاکٹراں وَل تھلے ویکھن دی رپورٹ دِتی سی۔ ایہہ کوئی چند اِک لوکی نئیں سن بلکہ پنج سو توں بوہتے لوکی نے جنہاں نوں ساری دُنیا وِچوں لہیا گیا سی۔ ایناں لوکاں وِچوں ہر اِک نے اِک ایہو جیہئے بندے نوں ویکھن دی رپورٹ کیتی سی جنہوں اُوہناں نے اِک مذہبی ہستی دی حیثیت نال بیان کیتا۔ ایہہ بات خصوصی طور تے مُلحداں دے بارے وِچ سچی سی۔

ڈاکٹر کیوبلر راس نے سینکڑوں میڈیکل ڈاکٹراں نوں جنہاں نے اُوہناں دیاں گلاں سُنیاں کہیا، ’’میں کہیا کردی سی، ’میں موت دے بعد حیاتی وِچ یقین رکھنی آں۔‘ ہُن میں جان گئی آں۔‘‘

اِک ہزار طبّی پیشہ ور افراد تے عالمین ایس ڈاکٹر نوں اُوہدی تقریر دے بعد نعرہ ہائے تحسین پیش کرن لئی اُٹھ کھلوتے سن۔

7. دوجے جنم دے بارے وِچ کی خیال اے؟

ایہہ ہندو مت تے بُدہ مت وِچ اعتقاد اے لیکن مسیحیت وِچ نئیں اے! میں [ایہدا] جواب دینا آں، ’’بائبل کہندی اے، ’اِنسان دا اِک وری مرنا تے عدالت دا ہونا مقرر اے‘‘ (عبرانیوں9:27)۔

ایہہ سارے دے سارے تصورات یسوع مسیح دے کفارے تے اُوہدی کامل راستبازی نوں نظر انداز کردے نے۔ صلیب تے اپنی موت دے ذریعے نال اُوہنے اِک ای وری چہ ساڈے سارے گناہ چُک لئے۔ لہٰذا جدوں اسی یسوع تے پرہوسا کرنے آں، تے اسی اُوس لہو دے وسیلے نال جیہڑا اُوہنے صلیب تے وگایا پاک صاف ہو جانے آں!

8. دوزخ حقیقی نئیں اے۔

بعض اوقات سانوں ایہہ کہنا معاون ثابت ہوندا اے، ’’تُسی جانندے اُو، ایہہ نفسیات دی اِک حقیقت اے کہ اسی اُوہناں گلاں دا شدت نال انکار کرنے آں جنہاں گلاں توں اسی انتہائی فوری طور تے خوفزدہ ہونے آں۔ مینوں حیرت اے کہ جے دوزخ وچ تہاڈے یقین نہ کرن دی وجہ اے کہ کِتھے تُسی روح دی گہرائی وچ ایہہ خوف رکھدے اُو کہ جے اینج دی کوئی تھاں اے تے تُسی شاید اوتھے جاؤ گے۔‘‘ اکثر ایہدا جواب ہوندا اے، ’’میرے خیال چہ تُسی صحیح اُو۔‘‘

لیکن تہانوں جاری رہندے ہوئے اپنے اِمکان نوں دسنا ہووے گا، ’’میں نئیں چاہندا کہ تُسی دوزخ وچ یقین کرو۔ تُسی اِک گل یقینی طور تے جان سکدے اُو کہ تُسی دوزخ وچ نئیں جا رئے اُو۔ ایناں ساریاں گلاں دے بارے وچ ای تے خوشخبری اے۔ میں دوزخ وچ یقین رکھنا واں، لیکن میں جاننا واں کہ میں اوتھے نئیں جا رہیا واں خُدا دے وعدے دی وجہ توں۔ اُو ایہہ گل کہن توں کئی درجہ بہتر اے، ’میں جاننا واں میں دوزخ نئیں جا رہیا واں کیوں جے میں یقین ای نئیں رکھدا کہ اینج دی کوئی تھاں اے۔‘‘‘

9. ساڈے کول ایتھے زمین تے ای ساڈی دوزخ اے۔

تُسی جانندے اُو تُسی جزوی طور تے صحیح اُو۔ میں منشیات دے عادی افراد نوں جاننا واں جیہڑے زمین تے ای اِک جیتی جاگدی دوزخ وچوں لنگے۔ میں اینج دے شرابیاں نوں جاننا واں جیہڑے شراب دے غلام سی۔

پادری مارک بکلے نے منشیات دے استعمال تے ایس گل توں اِک پاگل خانے تیکر پہنچ جان دے بارے وچ دسیا۔ پادری بکلے یسوع تے پرہوسا کرن دی وجہ نال زمین تے ای دوزخ توں بچ نکلے۔ یسوع نے پادری بکلے نوں منشیات دی لت توں نجات دلائی – یسوع مسیح وچ اُوہناں دی حیاتی بدل ڈالن آلی نجات۔ ایمازان ڈاٹ کام Amazon.com تے جاؤ تے مارک دی کتاب دا آرڈر دیو۔ ایہدا عنوان اے، ’’انھیرے توں روشنی تیکر: میرا سفرFrom Darkness to Light: My Journey‘‘ مصنف پادری مارک بکلے Pastor Mark Buckley۔ جے تُسی پہلے چند اِک صفحات دا مطالعہ کر لوو تے تُسی ساری دی ساری کتاب پڑھو گے۔ میں خود ایہنوں حال ای وچ دو وری پڑھ چُکیا واں۔

اسی سبت مشن نال تعلق رکھن آلے [لوکی] نئیں آں، لیکن اسی پادری بکلے توں ایس گل تے متفق آں، جنہاں نے کہیا،

’’جدوں اسی خدا تے پرہوسا کرنے آں تے سکون کرنے آں، تے اُو سانوں بصیرت تے فہم و فراست بخش سکدا اے جیہڑی سانوں طویل عرصے لئی مذید ہور نتیجہ خیز بنا دیندی اے… میں روحانی قانون پرستی دی حمایت نئیں کر رہیا واں۔ میں تہاڈی حوصلہ افزائی کر رہیا واں کہ آرام لئی اِک ویلہ طے کرو تاں جے تُسی صحت مند رہوو‘‘ (’’انھیرے توں روشنی تیکر: میرا سفرFrom Darkness to Light: My Journey‘‘ مصنف پادری مارک بکلے Pastor Mark Buckley)۔

مہربانی نال کھلوو تے حمدوثنا دا ساڈا گیت گاؤ، ’’ہائے ہزاروں زباناں لئی O For a Thousand Tongues‘‘

ہائے ہزاروں زباناں لئی
   میرے عظیم نجات دہندہ دی ستائش،
میرے خداوندا تے بادشاہ دے جلال،
   اُوہدے فضل دی فتوحات۔

میرے شفیق مالک تے میرے خُداوندا،
   اعلان کرن لئی میری معاونت کر،
بیرون مُلک ساری دُنیا وچ پھیلانا،
   تیرے ناں دے اعزازات۔

یسوع! اُو ناں جیہڑا ساڈے خوف نوں دور کردا اے،
   جیدے نال ساڈے غم ختم ہو جاندے نے؛
ایہہ گنہگار دے کنّاں وچ موسیقی اے،
   ایہہ حیاتی، تے صحت تے امن اے۔
اُو منسوخ گناہ دی قوت نوں توڑ دیندا اے،
   اُو قیدیاں نوں رہائی بخشدا اے؛
ایہدا لہو غلیظ ترین نوں صاف کر ڈالدا اے؛
   اُوہدا لہو میرے لئی فائدہ مند اے۔
(’’ہائے ہزاروں زباناں لئی O For a Thousand Tongues‘‘ شاعر چارلس ویزلی Charles Wesley، 1707۔ 1788)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔