Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 43 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




الگ تھاں چلو تے آرام کرو!

COME APART AND REST!
(Punjabi – A Language Of Pakistan)

پادری کرسٹوفر ایل۔ کیگن صاحب وَلّوں
by Dr. Christopher L. Cagan, Pastor

لاس اینجلز دی پبتسمہ دین آلی عبادت گاہ وچ دِتا گیا اِک سبق
خُداوند دے دِن دی دوپہر، 27 ستمبر، 2020
A lesson given at the Baptist Tabernacle of Los Angeles
Lord’s Day Afternoon, September 27, 2020

سبق توں پہلاں حمدوثنا دا گیت گایا:
’’مینوں دعا کرنا سِکھا Teach me to Pray‘‘، (شاعر البرٹ ایس۔ ریٹسز Albert S. Reitz ، 1879۔ 1966)۔

’’تے اُوہنوں اُوہنے کہیا، آؤ اسی کسی ویران تے الگ تھاں چلیے تے تھوڑی دیر آرام کریے۔ گل ایہہ سی کہ اُوہدے کول لوکاں دی آمدورفت لگی رہندی سی تے اُوہناں نوں کھان تیکر دی فرصت نئیں ملدی سی‘‘ (مرقس6:31)۔


ساڈی تلاوت دی حیثیت نال میں آیت دے وسط وچوں چند اِک الفاظ چُک رہیا واں، ’’ آؤ اسی کسی ویران تے الگ تھاں چلیے تے تھوڑی دیر آرام کریے۔‘‘ تُسی شاید بائبل وچ اُوہناں لفظاں توں لنگ جاندے ہوو جدوں تُسی اُوہناں نوں بائبل وچ پاندے اُو۔ اُو الفاظ مسیح دی موت دے بارے وچ گل نئیں کر رئے نے، نا ای اُوہدے آسمان وچ چُکے جان دی گل کر رئے نے۔ ایہہ پہاڑی واعظ دا وی حصہ نئیں اے۔ ایہہ عشائے ربانی وی پیش نئیں کردا۔ لیکن ایہہ اوتھے بائبل وچ اے، تے خُدا دے لفظاں نوں نظرانداز کرنا کدی وی دانشمندانہ نئیں ہوندا۔ ایہہ آیت وی خُدا دا اُوہناں ای کلام اے جیہناں یوحنا 3:16 اے۔ کیوں جے ایہہ خدا دا کلام اے، ایہہ زندہ اے تے قوت نال بھرپور اے (ویکھو عبرانیوں 4:12). ایس آیت دے سادہ جئے لفظاں وچ تہاڈے لئی گہری سچائیاں نے۔ ایس دوپہر نوں میں ساڈی تلاوت وچوں چار سوالاں دے جواب پیش کرنا چاہنا واں۔

+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

I. پہلی گل، مسیح نے ایہہ کہیا سی۔

’’آؤ اسی کسی ویران تے الگ تھاں چلیے تے تھوڑی دیر آرام کریے‘‘ (مرقس6:31)۔

شاگرداں نوں کیہنے ویران تھاں تے ٹُرن تے آرام کرن لئی کہیا سی؟ کی اُو شک کرن آلا تھوما سی؟ کی اُو یہوداہ غدار سی؟ کی اُو پطرس سی، اُو بندہ جیہڑا مسیح دا انکار کرے گا؟ جی نئیں، اُو خود یسوع سی۔ 30 ویں آیت کہندی اے، ’’یسوع دے شاگرد اُوہدے کول جمع ہوئے تے جیہڑا کُج اُوہناں نے کیتا تے سِکھایا سی سب اُوہنوں دسیا‘‘ (مرقس6:30)۔ فیر 31 ویں آیت کہندی اے، ’’تے اُوہنے اُوہناں نوں کہیا، آؤ اسی کسی ویران تے الگ تھاں چلیے تے تھوڑی دیر آرام کریے‘‘ (مرقس6:31)۔

تُسی شاید سوچو، ’’اُو مینوں یسوع وگرا وکھائی نئیں دیندا۔ کی اُوہنے دُکھ تے تکلیفاں دے بارے وچ نئیں دسیا؟‘‘ ایہہ گل سچ اے کہ یسوع نے کہیا سی، ’’ابنِ آدم نوں کئی تکلیفاں دا سامنا کرنا پئے گا۔ اُو بزرگاں، سردار کاہناں تے فقیہاں وَلّوں رد کر دِتا جائے گا تے اُو اُوہنوں قتل کر دین گے تے تیجے دِن اُو زندہ ہو جائے گا‘‘ (لوقا9:22)۔ تے اُوہنوں اگلی آیت وچ اُوہنے کہیا، ’’جے کوئی میری پیروی کرنا چاہوے تے اُو خود انکاری کرے تے روزانہ اپنی صلیب چُکے تے میرے پِچھے ہو لوے‘‘ (لوقا9:23)۔

یسوع نے تکلیفاں تے خودانکاری دے بارے وچ گل کیتی سی، اپنے لئی تے اُوس کسی لئی جیہڑا وی اُوہدی پیروی کردا۔ لہٰذا ایہہ شاید تہانوں عجیب لگے کہ مسیح اپنے شاگرداں نوں آرام کرن لئی کہے گا – لیکن اُوہنے اینج کیتا۔ یسوع، خُدا دے پُتر نے آرام کرن دے بارے وچ گل کیتی سی ایہنی ای یقینی طور تے جیہنی اُوہنے خود اپنی موت دے بارے چہ گل کیتی سی۔

مسیح کوئی موسیقار وانگوں نئیں سی جیہڑا صرف اِک ای سُر وجاندا اے۔ اوہی یسوع سی جیہنے پطرس نوں کہیا سی، ’’اے شیطان، میرے سامنے توں دُور ہو جا‘‘ (متی 16:23). پطرس نوں ایہہ وی کہیا سی، ’’تیرے تے سلامتی ہووے‘‘ (یوحنا 20:21). مسیح بالکل اپنے پیو وانگوں سی۔ بائبل کہندی اے، ’’ساڈا خداوند ہڑپ کرن آلی اگ اے‘‘ (عبرانیوں 12:29). تے ایہہ کہندی اے، ’’خدا محبت اے‘‘ (1یوحنا4:8)۔ تہاڈے کول اِک مکمل تے کامل خدا اے۔ تہاڈے کول مکمل تے کامل مسیح اے، سارا دا سارا سنجیدگی آلا شخص تے سارا دا سارا رحمدلی آلا شخص۔ یسوع نے دوویں ملامت تے محبت وچ گلاں کیتیاں۔ اُو تہاڈی ای وانگوں اِک کامل بندہ سی، صرف گناہ دے بغیر۔ یسوع تہاڈے وانگوں کھانا کھاندا سی۔ اُو تھکدا تے سوندا سی بالکل جیویں تُسی کردے اُو۔ تے اُوہنے اپنے شاگرداں نوں کہیا، ’’آؤ اسی کسی ویران تے الگ تھاں چلیے تے تھوڑی دیر آرام کریے‘‘ (مرقس6:31)۔ اج ایہی گل خُدا دا کلام ساڈی کلیسیا نوں تے تہانوں کہندا اے۔ آؤ چلیے تے آرام کریے۔

II. دوجی گل، مسیح نے اُوہناں نوں کی کرن لئی کہیا سی؟

یسوع نے اُوہناں نوں کہیا سی، ’’آؤ اسی کسی ویران تے الگ تھاں چلیے تے تھوڑی دیر آرام کریے‘‘ (مرقس6:31)۔ اُوس دِن اُوہنے اُوہناں نوں نئیں کہیا سی، ’’ساری دُنیا وچ جا کے سارے لوکاں چہ انجیل دی منادی کرو‘‘ (مرقس 16:15). اُوہدے لئی بعد چہ ویلا ہووے گا۔ ایہدے بجائے اُوہنے اُوہناں نوں کہیا، ’’آؤ اسی کسی ویران تے الگ تھاں چلیے تے تھوڑی دیر آرام کریے۔‘‘ تُسی شاید سوچو، ’’بس ایہی سب کُج اے؟ کی اُو ویلا ضائع نئیں کر رئے سی؟ کی اُوہناں نوں کُج نہ کُج کرنا نئیں چائیدا سی؟‘‘ لیکن اُو کُج نہ کُج تے کر رئے سی۔ اُو خود ای ویرانے وچ جا رئے سی تے آرام کر رئے سی۔ اُو ایہناں ای اہم اے جیہنی کوئی وی گل ہو سکدی اے۔

خُدا [غلاماں وانگوں] مشقت لین آلا نئیں اے۔ اُو جانندا اے تہانوں آرام دی لوڑ پیندی اے۔ اُو جانندا اے تہانوں کھان تے سون دی لوڑ پیندی اے۔ جدوں ایلیاہ ایزبل دے لوکاں توں لُکیا سی تے خُدا نے اِک فرشتہ پیجیا سی تے اُوہنوں کھانا تے پانی دِتا سی (ویکھو 1۔ سلاطین 19:1۔7). سیکوفیلڈ دی سُرخی اُوس باب دے شروع وچ ایہنوں بخوبی دسدی اے، ’’یہوواہ دی اپنے [مخبوط الحواس] پریشان خیال نبی لئی محبت بھری نگہداشت۔‘‘ اُوس لفظ ’’مخبوط الحواس overwrought‘‘ دا مطلب ہوندا اے ’’بے تاب، پُرجوش، فکرمند، پریشان، سخت ذہنی دباؤ وچ، بالکل سرے تے۔‘‘

یسوع اپنے پیو وانگوں اے۔ اُو تہاڈی وی پرواہ کردا اے۔ اُو کوئی کرائے تے کم کروان آلا نئیں اے جیہڑا ’’اپنیاں پیڈاں دی پرواہ نئیں کردا‘‘ تے ’’نٹھ جاندا اے‘‘ (یوحنا10:13)۔ اُو چعین Chan وانگوں نئیں اے جیہڑا چھڈ کے چلا گیا، صرف اپنے بارے چہ سوچیا تے فیر مارن تے تباہ کرن لئی اِک بھیڑئیے وانگوں حملہ کیتا (یوحنا 10:10). یسوع اپنیاں پیڈاں دی پرواہ کردا اے۔ اُو تہاڈے بارے چہ پرواہ کردا اے۔ اُو اِک اینج دا چرواہا اے جیہڑا اپنیاں پیڈاں لئی اپنی جان نچھاور کر دیندا اے (یوحنا10:15)۔ یسوع تہاڈی پرواہ کردا اے۔ ایہی وجہ اے کہ اُو چاہندا اے تُسی آرام کرو۔ تے ایہہ گل مینوں میرے اگلے موضوع ول لے جاندی اے۔

III. تیجی گل، تُسی کیوں سوچدے اُو یسوع نے اُوہناں نوں ایہہ کہیا؟

’’آؤ اسی کسی ویران تے الگ تھاں چلیے تے تھوڑی دیر آرام کریے‘‘ (مرقس6:31)۔

تُسی شاید سوچو یسوع نے اُوہناں نوں ایہہ کرن لئی کہیا تاں جے اُو دعا منگ سکن تے روزہ رکھ سکن۔ لیکن آیت سانوں ایہہ گل کدی وی نئیں دسدی۔ ایہہ دعا یا روزہ رکھن دا تزکرہ نئیں کردی اے۔ تُسی ایہہ سوچ سکدے اُو کہ یسوع نے شاگرداں نوں ویرانے وچ چلے جان لئی کہیا تاں جے اُو دُنیا دے گناہ توں دور چلے جان۔ لیکن آیت سانوں اُو گل وی نئیں دسدی اے۔ اینے دُنیا یا ایہدے گناہ دا کوئی وی تزکرہ نئیں کیتا۔ جواب تلاوت دے الفاظ وچ خود موجود اے: مسیح نے اُوہناں نوں آرام کرن لئی کہیا۔

جیویں کہ ریڈیو بائبل دے معلم ڈاکٹر جے ورنن میگی Dr. J. Vernon McGee نے کہیا، ’’ساڈے لئی ایہہ سمجھنا ناممکن اے کہ خداوند یسوع واقعی کیہنا مصروف سی تے اُو کیس قدر وڈے تقاضیاں دے بوجھ تھلے دبیا سی۔ آرام کرن تے اپنے شاگرداں نوں آرام دین دی کوشش وچ اُوہنوں اِک ویرانے وچ واپس جانا پیا‘‘ (بائبل وچوں Thru the Bible، جلد چہارم، صفحہ 186؛ مرقس6:30۔31 آیات تے غور طلب گل)۔

ساڈی تلاوت کہندی اے، ’’گل ایہہ سی کہ اُوہدے کول لوکاں دی آمد و رفت لگی رہندی سی تے اُوہناں نوں کھان تک دی فرصت نئیں ملدی سی‘‘ (مرقس6:31)۔ اوتھے بوہتا کُج چل رہیا سی۔ مسیح تے اُوہدے شاگرداں دے کول کھان تیکر لئی ویلا نئیں سی۔ اُوہناں نوں آرام دی لوڑ سی۔ تُسی پُچھو گے، ’’یسوع نوں وی؟‘‘ جی ہاں، کیوں جے اُو اِک انسان سی، ہر طرح نال ساڈے ای وانگوں ماسوائے گناہ دے۔ بائبل کہندی اے، ’’کیوں جے ساڈا سردار کاہن اینج دا نئیں اے جیہرا ساڈیاں [کمزوریاں] وچ ساڈا ہمدرد نہ ہو سکے بلکہ اُو ساریاں گلاں وچ ساڈے وانگوں [آزمایا] گیا مگر بے گناہ رہیا‘‘ (عبرانیوں4:15)۔ یسوع ناراض ہو گیا سی۔ اُوہنوں کھانے دی لوڑ سی۔ یسوع تھک گیا سی۔ اُوہنوں آرام دی لوڑ سی۔

اوتھے ہمیشہ کُج نہ کُج کرن لئی ہوندا سی سی۔ بوہتی وری تہاڈے نال اینج ہو چُکیا اے جدوں تُسی سخت محنت کیتی۔ لوکی آ تے جا رئے سی۔ اِک دے بعد دوجی گل رونما ہوندی سی۔ ایہہ ٹھیک سی۔ مسیحی حیاتی کم کرن دی حیاتی ہوندی اے۔ لیکن آرام لئی وی ویلا ہوندا اے، بالکل جیویں یسوع تے اُوہدے شاگرداں نے کیتا سی۔

سِکھن تے کرن لئی بہتیری اینج دی گلاں ہوندیاں نے جیہڑی سرگرمی دے رش وچ سِکھی تے کیتی نئیں جا سکدیاں۔ تُسی اُوتھے دعا کرنا نئیں سِکھ سکدے جِیتھے ہر کوئی آ تے جا رہیا ہووے، بول رہیا تے چیخ رہیا ہووے، جدوں کہ تُسی ایتھے اُوتھے نٹھدے پھر رئے ہوو۔ تہانوں وکھرا ہونا چائیدا اے، خُدا دے نال کلّیاں، اُوہدے کلام تے دھیان و گیان وِچ، اپنی دعاواواں اُوہدے حضور وِچ لہیاندے ہوئے، یسوع دے لہو دے وسیلے توں مقدس ترین تھاں وِچ داخل ہوندے ہوئے (ویکھو عبرانیوں10:19)۔ خدا دے نال ہونا کسی وی دوجی سرگرمی وانگوں نئیں ہوندا اے۔ ایہہ کئی درجے بہتر ہوندا اے۔ جدوں مریم ’’یسوع دے قدماں چہ بیٹھی تے اُوہدے کلام نوں سُن‘‘ رئی سی (لوقا10:39)، تے اُوہدی بہن مارتھا ’’کم دی زیادتی توں گبھرا گئی سی‘‘ (لوقا10:40)۔ مسیح نے کہیا، ’’مریم نے اُو چنگا حصہ چُن لہیا اے‘‘ (لوقا10:42)۔ ’’زیادہ کم کرن لئی‘‘ ہمیشہ ویلہ ہوندا اے۔ لیکن صرف یسوع دے نال ٹُرے آن وِچ تُسی ’’اُو چنگا حصہ‘‘ پا سکدے اُو، اُو بہتر حصہ۔

ہُن تہاڈے کول بہتر حصے لئی بوہتا ویلہ اے۔ تہاڈے کول خُدا دے کلام دے بارے چہ سوچن لئی بہت ویلہ اے۔ تہاڈے کول دعا منگن لئی ویلہ اے۔ میں خوش آں کہ ڈاکٹر ہائیمرز سانوں دعا دے بارے وِچ سِکھا چکے نے۔ جو اُو کہندے نے اُوہدے بارے وِچ سوچو تے اُوہنوں سِکھو۔ ہُن دعا دا ویلہ اے۔ ہُن خُدا نوں بہتر طور تے جانن دا ویلہ اے۔ ایہہ ویلہ خُدا وَلوں اِک تحفہ اے۔ جیویں کہ یسوع نے کہیا، ’’آؤ کسی ویران تے الگ تھاں… تے کُج دیر آرام کریے۔‘‘

ایتھے اِک وجہ ہُور اے کہ کیوں ایہہ وکھرے ٹُر آن دا تے آرام کرن دا ویلہ سی۔ شاگرداں نے بالکل ہُنے ای یوحنا اصطباغی دے سر قلم کیتے جان دے بارے وِچ سُنیا سی۔ ہیرودیس بادشاہ نے یوحنا [بپتسمہ دین آلے] دا سر وڈوا دِتا سی (مرقس6:27)۔ بائبل کہندی اے، ’’[یوحنا دے] شاگرد آئے تے اُوہدی لاش چُک کے لے گئے تے اُوہنوں دفن کر دِتا تے جا کے یسوع نوں خبر دِتی‘‘(متی14:12)۔ جے شاگرداں نوں یوحنا دی موت دے بارے چہ پہلاں خبر نئیں سی تے یقینی طور تے وہ ہُن جان گئے سن۔ ایس گل دے سبب توں اُو بوہتے دُکھ وِچ گِھر گئے سن۔ ایہہ یوحنا ای سی جنہے اُوہناں وِچوں بوہتاں نوں بپتسمہ دِتا سی۔ ایہہ یوحنا ای سی جنہے اپنے شاگرداں دی رہنمائی یسوع وَل کیتی سی، ’’ویکھو خُدا دا برّہ جیہڑا جہاں دے گناہ چُک لے جاندا اے‘‘ (یوحنا1:29)۔ ایہہ اِک ہولناک خبر سی۔ تعجب دی کوئی گل نئیں سی کہ یسوع نے اُوہناں نوں کہیا، ’’آؤ اَسی کسی ویران تے وکھری تھاں چلیے تے تھوڑی دیر آرام کر لہیے‘‘ (مرقس6:31)۔ اُوہناں نوں اُونج کرن دی لوڑ سی۔ ایہہ اِک وجہ سی کہ کیوں یسوع نے اُوہناں نوں الگ چلن لئی تے آرام کرن لئی کہیا سی۔

IV. چوتھی گل، یسوع نے اُوہناں نوں ایہہ کِنّے ویلے تیکر کرن لئی کہیا سی؟

مسیح نے کہیا، ’’آؤ اسی کسی ویران تے الگ تھاں چلیے تے تھوڑی دیر آرام کریے‘‘ (مرقس6:31)۔ اُوہناں نے کِنّے ویلے تیکر آرام کیتا سی؟ بائبل سانوں نئیں دسدی اے۔ ایہہ صرف کہندی اے، ’’تھوڑی دیر۔‘‘ اُو تھوڑی دیر کِنّی طویل اے؟ ایہنی ای جیہنی کہ ایہدی لوڑ ہو سکدی اے!

تے اینج ای تہاڈے نال وی اے۔ تہاڈے کول مختلف دورانیاں لئی آرام دے ویلے ہوندے نے۔ کم تے تہاڈے کول سویر دے ویلے وچ وقفہ لئی چند اِک منٹ ہوندے نے، تے فیر دوبارہ دوپہر چہ وی۔ سال چہ اِک وری تُسی چھُٹی لیندے اُو تے زیادہ ویلے لئی آرام کردے اُو۔ اسی نئیں جانندے رسولاں نے کِنّی دیر تیکر لئی آرام کیتا سی۔ ایہہ ایہنی ای دیر سی جیہنی کہ اُوہناں نوں لوڑ سی، کیوں جے مسیح چنگا چرواہا اُوہناں تے نظر رکھے ہوئے سی۔ اُو جانندا سی اُوہناں نوں کیس شے دی لوڑ سی۔ تے یسوع تہانوں ایہناں ای آرام دیوے گا جیہنی تہانوں لوڑ ہووے گی۔

اطلاق

’’آؤ اسی کسی ویران تے الگ تھاں چلیے تے تھوڑی دیر آرام کریے‘‘ (مرقس6:31)۔

ساڈے گرجا گھر وچ اسی آرام کردے رئے آں۔ اِک طرح توں کورونا وائرس نے سانوں ایہدے تے مجبور کیتا اے۔ اسی سکولاں وچ انجیلی بشارت دا پرچار نئیں کر سکے کیوں جے اُو بند نے۔ کیلیفورنیا دا کافر گورنر سانوں ماسک پہنن تے مجبور کردا اے۔ دوجے وی ماسک پہنندے نے۔ اُو خوفزدہ نے، جیہناں خوفزدہ ہون دی اُوہناں نوں لوڑ اے اُوہدے توں وی کئیں زیادہ۔ اُو اینج دی تھاں نئیں جانا چاہندے نے جیتھے دے لوکاں نوں اُو نئیں جانندے۔ تے ایویں اسی آرام کرنے آں۔

اِک وجہ ہور وی اے اسی کیوں آرام کر رئے آں۔ خُدا نے ایہہ آرام لئی مہیا کیتا اے۔ شاگرد غمزدہ سی جدوں یوحنا اصطباغی نوں قتل کیتا گیا سی۔ تُسی وی بُری خبر توں متاثر ہو چکے اُو۔ تُسی چعین تے والڈریپ وَلّوں کیتی گئی گرجا گھر دی تقسیم وچوں لنگ چکے اُو۔ اُو تہانوں تکلیف پہنچا چکے نے۔ اسی ایتھے ای آں تے اسی زندہ آں تے اسی ترقی کراں گے۔ لیکن تہانوں دُکھ ہویا اے۔ ہُن آرام دا ویلہ اے۔ خُدا نے تہانوں ایہہ آرام بخشیا اے۔ اُوہنے ایلیاہ اپنے نبی دی پرواہ کیتی سی۔ تے مسیح تہاڈی وی پرواہ کردا اے، کیوں جے اُو اِک چنگا چرواہا اے۔ ایس ویلے نوں آرام لئی اپناؤ۔

ہر گل لئی اِک ویلہ ہوندا اے۔ بائبل کہندی اے، ’’ہر شے لئی اِک ویلہ تے آسمان دے تھلے ہر کم لئی اِک موقع ہوندا اے‘‘ (واعظ 3:1). روزہ رکھن لئی تے کھانے لئی اِک ویلہ ہوندا اے۔ کم کرن لئی تے آرام کرن لئی اِک ویلہ ہوندا اے۔ ایہہ آرام کرن دا ویلہ اے۔

تہاڈے لئی ایہہ ویلہ دعا دے بارے وچ سِکھن لئی اے – تے دعا منگن لئی۔ اُوہناں پیغاماں نوں سُنو جیہڑے ڈاکٹر ہائیمرز پیش کر چکے نے۔ اُو سونے وانگوں نے۔ اسباق دے بارے وچ سوچو تے اُو کرو جیہرا اُو کہندے نے۔ خود خُدا سارے خزانیاں وچوں عظیم ترین اے۔ اُوہدے لئی ویلہ کڈو۔ اُوہدے توں دعا منگو۔ اُوہدے قریب ہوو۔ اُوس ویلے چہ جدوں تُسی مصروف ہویا کردے سی دعا منگن لئی ویلہ کڈو۔

آرام تے خاموشی الگ الگ ایہنے ای اہم نے جیہناں کم اہم اے تے ایتھوں تیکر کہ بوہتا زیادہ اہم اے۔ خُدا نے کہیا، ’’چھ دِن تیکر تُو محنت نال اپنا سارا کم کاج کرنا۔ لیکن ستویں دِن خداوند تیرے خدا دا سبت اے اُوس دِن تُو کوئی کم نہ کرنا‘‘ (خروج20:9، 10)۔ کلیسیا دے دور وچ خُداوند دا دِن اُو دِن ہوندا اے جیس دِن یسوع مُردیاں وچوں زندہ ہویا – اِتوار، اُو دِن دُنیا وچ ساڈے کم دا دِن نئیں اے۔ ایہہ خُدا لئی الگ کیتا جا چُکیا اے۔ ایہہ ہفتے دا سب توں اہم دِن ہوندا اے، کم از کم نئیں ہوندا اے۔

لیکن یسوع نے اُوس دِن دے بارے چہ ہور بوہتا کُج کہیا اے۔ یسوع نے کہیا، ’’سبت انسان لئی بنایا گیا سی ناکہ انسان سبت لئی‘‘ (مرقس2:27)۔ یسوع جانندا سی کہ ساڈے لئی اِک خصوصی دِن بنایا گیا سی۔ ایہہ سانوں آرام کرن لئی ویلہ کڈن تے خُدا دے نال ہون لئی بنایا گیا سی۔ آرام دے اُوس دِن نوں خُدا لئی استعمال کرو، اپنے بدن تے روح نوں آرام دین تے اُوس [خُدا] دے نزدیک ہون لئی استعمال کرو۔ اُوس آرام نوں کرو جیدی تہانوں لوڑ اے۔

اسی سبت مشن آلے تے نئیں آں، لیکن اسی ایریزونا دے شہر، فینیکس دے پادری نکلے Pastor Buckley of Phoenix دے نال متفق آں، جنہاں نے کہیا،

’’جدوں اسی خُدا تے پرہوسا کرنے آں تے آرام کرنے آں تے اُو سانوں بصیرت تے سمجھ عطا کر سکدا اے جیہڑی سانوں [لمی دوڑ وچ] لمّے عرصہ وچ ایہدے توں ودھ نتیجہ خیز بنا دیندی اے جے اُوہدے مقابلے وچ اسی ہفتے چہ ست دِن کم کرنے آں۔ سب توں ودھ اہم گل ایہہ اے کہ خُدا نے سبت دا دِن انسان لئی بنایا اے کیوں جے سانوں ایہدی لوڑ اے۔ میں روحانی قانون پرستی دی وکالت نئیں کر رہیا واں۔ میں تہاڈی حوصلہ افزائی کر رہیا واں کہ آرام کرن لئی ویلہ مختص کرو تاں جے تُسی صحت مند رہوو۔ خُداوند ساڈی فرمانبرداری دا بدلہ دیندا اے تے اخیر وچ اُوہدی فرمانبرداری کرن آلیاں تے کلام پاک دی سچائیاں دا انکشاف ہوندا اے۔ (انھیرے توں روشنی ول: میرا سفرFrom Darknes Into Light: My Journey دے صفحات 209۔210، مصنف مارک بکلے Mark Buckley، اشاعت دی www.markbuckleyministries.com؛ مارک بکلے منسٹریز، 7000 N۔ سنٹرل ایونیو فینیکس، ایریزونا 85020)۔

آرام کر چُکن دے بعد، مسیح کم تے واپس ٹُر گیا۔ اُوہنے بہتیرے لوکاں نوں تعلیم دِتی تے پنج ہزار نوں کھانا کِھلایا (ویکھو مرقس6:34۔44)۔ کم کرن لئی اِک ویلہ آئے گا۔ لیکن بائبل کہندی اے، ’’ہر گل لئی اِک موسم ہوندا اے۔‘‘ ایہہ آرام کرن لئی ویلہ اے۔ آرام کرو تے قوت اکٹھی کرو۔ آرام کر کے باہر نکلو۔ دعا دے نال خُداوند دے قریب آؤ۔ اِک بہتر مسیحی بن کے باہر آؤ! آمین۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

الگ تھاں چلو تے آرام کرو!

COME APART AND REST!

پادری کرسٹوفر ایل۔ کیگن صاحب وَلّوں
by Dr. Christopher L. Cagan, Pastor

’’تے اُوہنوں اُوہنے کہیا، آؤ اسی کسی ویران تے الگ تھاں چلیے تے تھوڑی دیر آرام کریے۔ گل ایہہ سی کہ اُوہدے کول لوکاں دی آمدورفت لگی رہندی سی تے اُوہناں نوں کھان تیکر دی فرصت نئیں ملدی سی‘‘ (مرقس6:31)۔

I.    پہلی گل، مسیح نے ایہہ کہیا سی، مرقس6:30؛ لوقا9:22، 23؛ متی16:23؛
یوحنا20:21؛ عبرانیوں12:29؛ 1یوحنا4:8۔

II.   دوجی گل، مسیح نے اُوہناں نوں کی کرنے لئی کہیا سی؟ مرقس16:15؛
خروج20:9، 10؛ 1سلاطین19:1۔7؛ یوحنا10:13، 15۔

III.  تیجی گل، تُسی کیوں سوچدے اُو مسیح نے اُوہناں نوں ایہہ کہیا؟ عبرانیوں4:15؛ لوقا10:39، 40، 42؛ مرقس6:27؛ متی14:12؛ یوحنا1:29 .

IV.  چوتھی گل، مسیح نے کِنّے عرصے تیکر اُوہناں نوں ایہہ کرنے لئی کہیا سی؟ مرقس6:31؛ واعظ 3:1؛ مرقس2:27 .