Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 43 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




دعا دے ذریعے نال

PRAYING THROUGH
(Punjabi – A Language of Pakistan)

ڈاکٹر۔ آر۔ ایل۔ ہائیمرز، جونئیر وَلّوں،
پاسٹر ایمریٹس
by Dr. R. L. Hymers, Jr.,
Pastor Emeritus

لاس اینجلز دی بپتسمہ دین آلی عبادت گاہ وچ دِتا گیا اِک سبق
خداوند دے دِن دی دوپہر، 30 اگست، 2020
A lesson given at the Baptist Tabernacle of Los Angeles
Lord’s Day Afternoon, August 30, 2020

سبق توں پہلاں حمدوثنا دا گیت گایا:
     ’’مینوں دعا کرنا سِکھا Teach me to Pray‘‘، (شاعر البرٹ ایس۔ ریٹسز Albert S. Reitz ، 1879۔ 1966)۔


آؤ اپنی بائبل وچوں لوقا 18:1۔8 کھولو۔ جدوں میں اینوں پڑھاں تے مہربانی نال کھلو جاؤ۔

’’تے ایس لئی اُوہنے اُوہناں نوں ایہہ تمثیل سُنائی، اِک شہر وچ اِک قاضی سی۔ اُو نہ تے خدا توں ڈردا سی، نہ اِنسان دی پرواہ کردا سی۔ اُوس شہر چہ اِک بیوہ وی سی جیہڑی اُوس قاضی دے کول آندی رہندی سی تے اُوہنوں التجا کردی رہندی سی کہ میرا انصاف کر تے مینوں مُدعی توں نجات دلوا۔ پہلاں تے اُوہنے کُج دھیان نہ دِتا لیکن جدوں ایہہ سلسلہ جاری رہیا تے اُوہنے اپنے جی وچ کہیا، ایہہ سچ کہ میں خدا توں نئیں ڈردا تے اِنسان دی پرواہ وی نئیں کردا۔ لیکن ایہہ بیوہ مینوں پریشان کردی رہندی اے۔ ایس لئی میں اُوہدا اِنصاف کراں گا۔ ورنہ ایہہ تے روز روز آ کے میرا نک چہ دم کر دئے گی۔ خُدا نے کہیا، سُنو، ایہہ بے اِنصاف قاضی کی کہندا اے۔ پس کی خدا اپنے چُنے ہوئے لوکاں دا انصاف کرن چہ دیر کرے گا جیہڑے دِن رات اُوہنوں فریاد کردے رہندے نے؟ میں کہناں واں کہ اُو اُوہناں دا انصاف کرے گا تے جلد کرے گا۔ فیر وی جدوں ابنِ آدم آئے گا تے کی اُو زمین تے ایمان پائے گا؟‘‘ (لوقا 18:1۔8).

تُسی تشریف رکھ سکدے اُو۔

ایہہ آیات مستقل دعا دی قوت نوں ظاہر کردیاں نے۔ میں اٹھویں آیت نوں ساڈی مرکزی آیت دی حیثیت نال چُن رہیا واں۔ ’’فیر وی جدوں ابنِ آدم آئے گا تے کی اُو زمین تے ایمان پائے گا؟‘‘ (لوقا18:8)۔

ڈاکٹر ٹموتھی لِن Dr. Timothy Lin نے کہیا، ایس آیت دا متن واضح طور تے [ظاہر کردا] اے کہ اُو لفظ ’’ایمان‘‘ ایتھے دعا وچ ایمان ول نشاندہی کردا اے… مسیح رنج و غم وچ بیان کردا اے کہ اُوہدی کلیسیا اُوہدی آمدثانی تے دعا دا ایمان کھو دئے گی۔ گرجا گھر اج کل اکثر اپنے دعائیہ جلسیاں نوں سرے توں منسوخ کر دیندے نے [یا اپنی دعائیہ مجلس نوں اِک واعظ یا بائبل دے مطالعہ دے نال بدل دیندے نے]۔ ایہہ واقعی چہ اِک علامت اے کہ خُداوند دی آمدثانی [قریب ای] اے۔‘‘ ’’مسیح دی واپسی توں پہلاں دا دور ظلم و ستم، ارتداد تے بے اعتقادی دی علامت ہووے گا‘‘ (میک آرتھر)۔

+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

ڈاکٹر ٹموتھی لِن نے کہیا کہ اخیرلے دناں دی کلیسیاؤاں وچ دو وجوہات دی وجہ توں دعائیہ جلسیاں دی خواہش نئیں ہووے گی:


(1) شیطان دیاں بندشاں۔

     شیطان جانندا اے کہ نماز دے جلسّیاں توں اراکین نوں دور رکھن لئی، اُوہناں نوں بے بس رکھن لئی تے اپنی بدکار حکمرانی نوں طوالت دین لئی اُوہنوں سخت محنت کرنی پئے گی۔ پاک کلام کہندا اے، ’’ابلیس تھلے تہاڈے کول سُٹ دِتا گیا اے، اُو قہر نال پریا ہویا اے کیوں جے اُو جانندا اے کہ اُوہدی حیاتی دا جلد ای خاتمہ ہون آلا اے‘‘ (مکاشفہ12:12)۔

(2) جسم دی دھوکہ بازیاں۔

     بائبل کہندی اے، ’’جسمانی نیت خدا دی مخالفت کردی اے‘‘ (رومیوں 8:7). ’’پیارے پراہوو تے بہنوں، مہربانی نال یاد رکھو کہ گرجا گھر دے دعائیہ جلسّیاں وچ دعا کرنا خُدا دی حضوری نوں برقرار رکھن لئی اِک شرط اے… دعائیہ جلسّیاں توں غفلت تے سانوں خدا دی موجودگی دی قیمت چُکانی پئے گی، تے ایویں جیہڑی وی کوشش کیتی جائے گی اُو یا تے ہوا دے پِچھے کوشاں رہنا ہووے گا یا سایاں نوں پھڑن دی کوشش کرنا ہوئے گی‘‘ (کلیسیا دی نشوونما دا راز The Secret of Church Growth، صفحہ 99)۔
     کی لوقا 18 وچ ساڈا حوالہ دعائیہ مجلِساں ول نشاندہی کردا اے؟ جی ہاں، اُو نشاندہی کردا اے۔ آیت ست نوں ویکھو۔

’’پس کی خدا اپنے چُنے ہوئے لوکاں دا اِنصاف کرنے چہ دیر کرے گا جیہڑے دِن راتی اُوہنوں فریاد کردے رہندے نے؟‘‘ (لوقا 18:7).

ابتدائی کلیسیاؤاں دے کول ایس قدر قوت کیوں سی؟ ایہدا جواب اعمال 4:24 آیت وچ پیش کیتا گیا اے، ’’اُو اُچی واج نال خُدا توں دعا کرن لگے۔‘‘ ڈاکٹر لِن نے کہیا، ’’اِک دُھن تے دعائیہ اجلاس وچ صرف اِک ای فرق ہوندا اے… اُوہدے چہ خدا دی موجودگی ہوندی اے۔ دُھن نوں واجاں دی ہم آہنگی درکار ہوندی اے جدوں کہ دعائیہ اجلاس وچ دِلاں دی ہم آہنگی درکار ہوندی اے۔‘‘ چینی بائبل ایویں ترجمہ کردی اے ’’یکجا ہو کے‘‘ جیویں کہ ’’اِک ای دِل تے اِک ای ذہن دے نال۔‘‘ (ibid.، صفحہ 93، 94)۔

متی 18:19۔20 آیات کھولو۔ کھلوو تے اِیناں دوواں آیات نوں اُچی واج نال پڑھو۔

’’میں تہانوں فیر کہناں واں کہ جے تہاڈے وچوں دو شخص اتفاق کر کے جیہڑا کُج چاہن کہ ہو جائے اُو میرے آسمانی پیو وَلّوں اُوہناں لئی ہو جائے گا۔ کیوں جے جیتھے دو یا تِن میرے ناں تے اکٹھے ہوندے نے اوتھے میں اُوہناں دے وچکار موجود ہونا واں‘‘ (متی 18:19۔20).

تُسی تشریف رکھ سکدے اُو۔

ایناں آیات توں ظاہر ہوندا اے کہ ساڈی رَل کے کیتی جان آلی دعاؤاں دا خدا توں جواب پان لئی سانوں ’’یکجا‘‘ ہونا چائیدا اے۔

ایس لئی سانوں صرف اُوہناں ای لوکاں نوں جیہڑے سچے طور تے مسیح وچ ایمان لہیا کے تبدیل ہوئے نے اپنے گرجا گھر وچ شمولیت اختیار کروان لئی بہت زیادہ احتیاط کرنی چائیدی اے۔ 2۔ کرنتھیوں 6:14 آیت کھولو۔ کھلوو تے آیت 14 اکٹھے پڑھو،

’’بے ایماناں دی بُری صحبت توں دُور رہوو کیوں جے راستبازی تے بے دینی وچ کی میل جول؟ یا روشنی تے تاریکی وچ کی شراکت؟‘‘ (2۔ کرنتھیوں 6:14).

تُسی تشریف رکھ سکدے اُو۔ ’’بے ایماناں دی بُری صحبت توں دور رہوو۔‘‘

اسی ’’یکجاں ہو کے‘‘ اکٹھے دعا نئیں کر سکدے جے اسی بے اعتقادے لوکاں نوں اپنے گرجا گھر وچ شامل ہون دی اجازت دیاں گے – جدوں تیکر کہ اسی گرجا گھر دی ہور زیادہ تقسیم نہ چاہندے ہویے!

خُدا کیس قسم دے لوکاں توں نفرت کردا اے اُوہدی اِک فہرست مہیا کردا اے۔ ایہہ اِمثال 6:16۔19 وچ پائی گئی اے۔ جدوں میں اینوں پڑھاں تے مہربانی نال کھلوو۔

’’چھ شیواں توں خداوند نوں نفرت اے، بلکہ ست [شیواں] نے، جنہاں توں اُوہنوں کراہیت اے، مغرور اکھاں، چوٹھی زبان، بے گناہ دا لہو وگان آلے ہتھ، بُرے منصوبے بنان آلا دِل، شرارت لئی تیز ٹُردے پیر، چوٹھا گواہ جیہڑا چوٹھ بولن نال کم لیندا اے تے اُو آدمی جیہڑا پراہواں وچ نکھیڑا پاندا اے‘‘ (امثال 6:16۔19).

ایتھے اِک آیت ہور اے، اِمثال22:10 ۔

’’ٹھٹھا باز نوں نکال دے تے فساد جاندا رہندا اے؛ تے لڑائی جھگڑے ختم ہو جاندے نے‘‘ (امثال 22:10).

میں کیتھے غلطی کر بیٹھا

میں لوقا 14:23 تے مشتمل اِک منصوبہ تشکیل دِتا سی، ’’راہواں تے کھیتاں دیاں باڑاں ول نکل جا تے لوکاں نوں مجبور کر کہ اُو آن…‘‘ لیکن ساڈے لوکاں نے اگلے جملے نوں لہیا تے کہیا، ’’کہ میرا گھر بھر جائے۔‘‘ ایس گل نے ساڈے لوکاں دی [دوجے] لوکاں نوں مسیح دے سچے شاگرد بنن تے آمادہ کیتے بغیر ساڈے گرجا گھر وچ لہیان لئی سخت محنت کرن وچ رہنائی کیتی۔ ایویں، ساڈا گرجا گھر اُوہناں لوکاں نال بھر گیا جیہڑے توبہ کرن لئی راضی نئیں سی تے یسوع دے شاگرد بن گئے۔

ڈاکٹر لِن نے کہیا، ’’جے اِک گرجا گھر اِک شاندار تے معناں توں بھرپور مستقبل پانا چاہندا اے تے نئے اراکین نوں قبول کرن دا اُوہدا معیار انتہائی زیادہ سخت ہونا چائیدا اے۔ مسیح دے بدن دا حصہ ہون دی حیثیت نال اِک شخص نوں بپتسمہ دین تے قبول کرن توں پہلاں، گرجا گھر نوں ایناں گلاں دی بخوبی چھان بین کرنی چائیدی اے: کی اُو سچے طور تے نئے سرے نال جنم لے چکیا اے؟ کی اُوہدی ترجیحات، افکار تے اقدار تبدیل ہو چکے نے؟ کی اُو اپنی مسیحی حیاتی وچ خدا دے کلام چہ پرہوسا کردا اے؟ مکمل تفتیش توں لاپرواہی سانوں یسوع دے زمانے دے فریسیاں تے شریعت دے عالماں وانگوں ایس ای زمرے وچ پا دے گی جیہڑا نومعتقد یا نو مذہبی [غیر یہودی نوں یہودی] بنان لئی خشکی تے سمندر دا سفر کردے سی۔ جدوں نو معتقد بن جاندا سی، تے اُو اُوہنوں ’جہنم دا پُتر‘ بنا ڈالدے سی۔ یسوع نے کہیا،

’’اے شریعت دے عالمو تے فریسیو! اے ریاکارو! تہاڈے تے افسوس، کیوں جے تُسی کسی نوں اپنا مُرید بنان لئی تری تے خشکی دا سفر کردے اُو تے جدوں بنا لیندے اُو تے اُوہنوں اپنے توں دو گنا جہنمی بنا دیندے اُو‘‘ (متی 23:15).

نئے لوکاں نوں قبول کرن چہ سختی نال کم نہ لین دی وجہ توں، ساڈا گرجا گھر گمراہ لوکاں تے ایتھوں تیکر کہ آسیب زدہ لوکاں نال بھر گیا۔ ایویں، ساڈے گرجا گھر وچ آن آلے اُو نئے لوکی یسوع دے شاگرد نئیں سی۔ تعجب دی کوئی گل نئیں کہ اُو گرجا گھر دی اِک دے بعد اِک تقسیم کرن دا سبب بنے!

ایس مسئلے دا جواب کی اے؟ ایدا جواب سانوں اُوس عظیم مقصد وچ پیش کیتا گیا اے۔ متی 28:18۔20 آیت کھولو۔ اینوں کھولو تے جدوں میں اینوں پڑھاں تے کھلو جاؤ۔

’’تے یسوع اُوہناں دے کول آیا تے اُوہناں نوں کہن لگا، مینوں آسمان تے زمین تے پورا اختیار دے دِتا گیا اے۔ ایس لئی تُسی جاؤ تے ساری قوماں نوں شاگرد بناؤ تے اُوہناں نوں پیو، پُتر تے پاک رُوح دے نال بپتسمہ دیو، تے اُوہناں نوں ایہہ تعلیم دیو کہ اُوہناں سب گلاں تے عمل کرن جنہاں دا میں تہانوں حکم دِتا اے تے ویکھو! میں دُنیا دے اخیر تیکر ہمیشہ تہاڈے نال آں‘‘ (متی 28:18۔20).

تُسی تشریف رکھ سکدے اُو۔

ڈاکٹر ٹموتھی لِن نے کہیا کہ ایہدا بالکل ٹھیک ترجمہ ایویں ہونا چائیدا اے:

’’تے ایس لئی تُسی جاؤ، تے ساریاں قوماں نوں شاگرد بناؤ، اُوہناں نوں پیو، پُتر تے پاک روح دے ناں نال بپتسمہ دیو، اُوہناں نوں ایہہ تعلیم دیو کہ اُوہناں سب گلاں تے عمل کرن جنہاں دا میں تہانوں حکم دِتا اے تے ویکھو، میں دُنیا دے آخیر تیکر ہمیشہ تہاڈے نال آں۔‘‘

ڈاکٹر لِن نے کہیا، ’’شاگرد بنانا اِک حکم اے؛ ایہہ عظیم مقصد دا مرکزی موضوع وی اے‘‘ (کلیسیا دی نشوونما دا راز The Secret of Church Growth، صفحہ 57۔63)۔

میرا ہدف ساڈے پرانے گرجا گھر نوں نئے گرجا گھر وچ منتقل کرنا نئیں اے۔ جے میں اُو کیتا ہوندا تے ساڈا گرجا گھر بے شاگردے لوکاں نال پَر چُکیا ہوندا۔ چعین سوچدا اے کہ اُو لوکاں وچ بغاوت دی صورتحال دا علاج کر سکدا اے جیہنوں اُوہنے ساڈے اِک زندہ دل پیراگراف وچوں چوری کیتا سی۔ اُو ایہہ اے، جیہڑا اُوہدے سبق ’’بُرائی دی چالبازی The Subtilty of Evil‘‘ وچوں لہیا گیا سی جیہنوں چعین نے 12 جولائی، 2020 چہ پیش کیتا سی؛ اُوہدے مسودے دا صفحہ 7،

     ایتھے کُج اینج دے لوکی نے جنہاں نے کھُلی بغاوت یا سرکشی لئی اپنے دِل پیش کیتے تے اپنی گناہ توں بھرپور حالت لئی پادری صاحب نال گل نئیں کرن گے بلکہ ایدے بجائے اپنے بیلیاں دی صحبت وچ سکون نوں پان دی تلاش کرن گے۔ دوجے ایہہ سوچدے ہوئے خفیہ گناہ چہ حیاتی بسر کردے نے کہ محض گرجا گھر آ جان نال تُسی بالاآخر نجات پا ای لیو گے۔ لیکن تُسی اُوس خدا نال نمٹ رئے اُو جیدیاں اَکھاں ’’ہر تھاں تے بُرائی نوں ویکھ رئیاں نے۔‘‘ تہاڈے وچوں کُج سوچدے نے کہ تُسی اِک مسیحی اُو ایہدے باوجود تُسی کدی وی خدا، جنت یا حتّیٰ کہ اِک بشر نوں جِیتن دے بارے چہ نئیں سوچیا ہووے گا۔ دوجیاں نال تہاڈی ساری دی ساریاں گلاں ظاہر کردیاں نے کہ تہاڈے کول صرف ایس دُنیاوی [عارضی] دُنیا دے خیالات نے تے روحانی دُنیا تہاڈے لئی بالکل وی حقیقی نئیں اے۔ اپنی حیاتی دے بارے وچ ایماندار رہوو۔ اپنے آپ نال جھوٹ مت بولو۔ بائبل کہندی اے کہ تُسی ’’بُرائی کرن لئی دانشمند اُو لیکن نیکی کرن لئی [تہاڈے] کول کوئی علم نئیں اے۔ کیوں نئیں اے؟ کیوں جے اپنے تکبر وچ تُسی جو کرنا چاہندے اُو اُوہنوں کرن چہ بہت زیادہ خوشی پاندے اُو۔ لیکن آخر چہ تُسی وقت توں سب توں وڈے ہارے ہوئے [انسان] ہوندے اُو۔ تُسی سوچدے اُو کہ تُسی عقلمند اُو لیکن تہانوں ’’گناہ دی دھوکہ دہی‘‘ صرف [دھوکہ دہی] ای ملی اے۔ جے تُسی اپنے گناہواں توں توبہ نئیں کردے تے تہاڈا دِل ایس قدر سخت ہو جائے گا کہ ایہہ صحت یاب ہون دی ہر اُمید توں باہر ہووے گا۔

ساڈے گرجا گھر وچوں زیادہ تر لوکی جیہڑے اُوہنے چُرائے یسوع دے شاگرد نئیں سی۔ ایہہ گل تے واضح اے۔ درج بالا پیراگراف کسی نوں وی جیہڑا اُوہنوں سُنے گا تبدیل نئیں کرے گا۔ اُو اِک پیراگراف دے نال لوکاں نوں شاگرد بنان دی کوششاں کر رہیا اے! ایدے توں کم نئیں چلے گا!!!

ایس لئی میں تمام نئے آن آلے لوکاں لئی پاسٹر دی کلاس شروع کراں گا، اُوہناں نوں ساڈے خداوند دے سچے شاگرد بنان دے ہدف دے نال۔ اُو اُوس ویلے تیکر میری کلاس وچ رہن گے جدوں تیکر ’’اُو تمام گلاں جنہاں دا [مسیح] حکم دے چکیا اے‘‘ اُوہناں چہ رچ بس نئیں جاندیاں۔ ایہہ اُوہناں نوں بپتسمہ دین توں پہلاں تے بعد چہ وی جاری رکھنا ضروری اے۔ عظیم مقصد وچ، ’’شاگرد بناؤ‘‘، بپتسمہ دین توں پہلاں آندا اے۔ میں ذاتی طور تے فیصلہ کراں گا کدوں اُوہناں نوں بپتسمہ دینا چائیدا اے تے ساڈے گرجا گھر وچ شمولیت اختیار کرنی چائیدی اے۔ ایویں، خدا دی مدد دے نال، سچے شاگرد بنان لئی جیہڑے بغاوت نئیں کرن گے تے اِک ہور گرجا گھر نوں تقسیم کرن دا سبب نئیں بنن گے، میں جیس قدر کر سکنا واں اُوہنی ای سخت کوشش کراں گا۔

بائبل دی اطاعت کرنا تے ’’اُوس حرامکار نوں اپنے درمیان توں کڈنا‘‘ تکلیف دہ ہوندا اے (1۔ کرنتھیوں 5:13). میں تہانوں ایس گل نوں دعا دے ذریعے نال کرن لئی کہہ رہیا واں۔ ساڈے گرجا گھر وچ تمام نئے آن آلے لوکاں دے ایس شاگردی دے گروہ نوں شروع کرن دی خاطر میرے لئی دعا دے ذریعے نال ہُنے توں [دعا] کرنا شروع کرو۔

کھلو جاؤ تے جدوں میں لوقا 18:1۔8 آیت پڑھاں تے سُنو۔

’’تے ایس لئی اُوہنے اُوہناں نوں ایہہ تمثیل سُنائی، اِک شہر وچ اِک قاضی سی۔ اُو نہ تے خدا توں ڈردا سی، نہ اِنسان دی پرواہ کردا سی۔ اُوس شہر چہ اِک بیوہ وی سی جیہڑی اُوس قاضی دے کول آندی رہندی سی تے اُوہنوں التجا کردی رہندی سی کہ میرا انصاف کر تے مینوں مُدعی توں نجات دلوا۔ پہلاں تے اُوہنے کُج دھیان نہ دِتا لیکن جدوں ایہہ سلسلہ جاری رہیا تے اُوہنے اپنے جی وچ کہیا، ایہہ سچ کہ میں خدا توں نئیں ڈردا تے اِنسان دی پرواہ وی نئیں کردا۔ لیکن ایہہ بیوہ مینوں پریشان کردی رہندی اے۔ ایس لئی میں اُوہدا اِنصاف کراں گا۔ ورنہ ایہہ تے روز روز آ کے میرا نک چہ دم کر دئے گی۔ خُدا نے کہیا، سُنو، ایہہ بے اِنصاف قاضی کی کہندا اے۔ پس کی خدا اپنے چُنے ہوئے لوکاں دا انصاف کرن چہ دیر کرے گا جیہڑے دِن رات اُوہنوں فریاد کردے رہندے نے؟ میں کہناں واں کہ اُو اُوہناں دا انصاف کرے گا تے جلد کرے گا۔ فیر وی جدوں ابنِ آدم آئے گا تے کی اُو زمین تے ایمان پائے گا؟‘‘ (لوقا 18:1۔8).

دعا دے اِک عظیم شخص، ڈاکٹر جان آر۔ رائس Dr. John R. Rice نے کہیا، ’’ہائے، خدا دے لوکاں دی دعا کرن لئی ترغیب ہوئے – دعا دے ذریعے نال اُوہناں دی ترغیب ہوئے!

دعا کردے رہنا جاری رکھو
   جدوں تیکر تُسی اینوں دعا دے ذریعے نہ کر لوو،
دعا کردے رہنا جاری رکھو
   جدوں تیکر تُسی اینوں دعا دے ذریعے نہ کر لوو۔
خُدا دے عظیم وعدے
   ہمیشہ سچے ہوندے نے
دعا کردے رہنا جاری رکھو
   جدوں تیکر تُسی اینوں دعا دے ذریعے نہ کر لوو!‘‘

(جان آر۔ رائس John R. Rice، دعا: منگنا تے پانا Prayer: Asking and Receiving، صفحہ 310)۔

مہربانی نال ایس سبق نوں اپنے نال گھر لے جاؤو تے ہر روز خُدا توں دعا منگو کہ جو کُج ایتھے لکھا گیا اے اُوہدے چہ ساڈی مدد کرے۔

مہربانی نال کھلوو تے حمدوثنا دا ساڈا گیت ’’مینوں دعا کرنا سِکھاTeach Me to Pray‘‘ فیر گاؤ۔

مینوں دعا کرنا سِکھا، خُداوند، مینوں دعا کرنا سِکھا؛
   ایہی دِن تے رات میرے دِل دی پُکار اے؛
میں تیری مرضی تے تیری راہ دا منتظر آں؛
   مینوں دعا کرنا سِکھا، خداوند، مینوں دعا کرنا سِکھا۔

دعا وچ قوت، خُداوندا، دعا وچ قوت!
   ایتھے گناہ تے دُکھ تے خُدشیاں دی زمین وچ؛
لوکی برگشتہ تے مر رئے نے، لوکی نااُمیدی وچ نے؛
   ہائے مینوں قوت بخش دے، دعا وچ قوت!

میری کمزور مرضی نوں، خُداوند، تُو ای از سر نو نیا کر سکدا اے؛
   میری گناہ نال بھرپور فطرت نوں تُو ای کُچل سکدا اے؛
مینوں بالکل ہُنے نئی قوت دے نال لبریز کر دے؛
   دعا منگن دی قوت تے عمل کرن دی قوت بخش دے!

مینوں دعا کرنا سِکھا، خداوندا، مینوں دعا کرنا سِکھا؛
   روبروز، تُو ای میرا نمونہ ہوئے؛
ہُن تے ہمیشہ لئی، تُو ای میری ضمانت ہوئے؛
   مینوں دعا کرنا سِکھا، خداوندا، مینوں دعا کرنا سِکھا؛
(’’مینوں دعا کرنا سِکھا Teach me to Pray، شاعر البرٹ ایس۔ ریٹسز Albert S. Reitz ، 1879۔ 1966)


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔