Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 43 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




ڈاکٹر روئے برینسن وَلّوں مذید ہور اسباق

MORE LESSONS FROM DR. ROY BRANSON (Punjabi – A Language of Pakistan)

ڈاکٹر آر۔ ایل۔ ہائیمرز، جونیئر وَلّوں
پاسٹر ایمریٹس
by Dr. R. L. Hymers, Jr.,
Pastor Emeritus

لاس اینجلز دی بپتسمہ دین آلی عبادت گاہ وچ دِتا گیا اِک سبق
خداوند دے دِن دی دوپہر، 9 اگست، 2020
A lesson given at the Baptist Tabernacle of Los Angeles
Lord’s Day Afternoon, August 9, 2020

واعظ توں پہلاں حمدوثنا دا گیت گایا:
’’کی میں صلیب دا اِک سپاہی آں؟ Am I a Soldier of the Cross?‘‘ (شاعر ڈاکٹر آئزک واٹز Dr. Isaac Watts، 1674۔1748)۔


کی تُسی کدی وی کرسمس ایوانز Christmas Evans (1838-1766) دی سوانح حیات پڑھی اے؟ ایہہ تہانوں اینوں پڑھن وچ مدد کرے گی۔ عظیم مبلغین دے بارے چہ پڑھو۔

ہُن زبور 27 نوں کھولو تے تہانوں اِک اندازہ ہو جائے گا کہ کرسمس ایوانز کنہاں [حالات] وچوں لنگہے۔ مہربانی نال جدوں میں اینوں پڑھاں تے کھلو جاؤ۔

’’خُداوند میری روشنی تے میری نجات اے؛ مینوں کیدا ڈر اے؟ خُداوند میری حیاتی دا قلعہ اے؛ مینوں کیدی ہیبت اے؟ جدوں بدکار مینوں کھان لئی میرے تے چڑھ آن گے، جدوں میرے دشمن تے میرے مخالف میرے تے حملہ کرن گے، تے اُو ٹھوکر کھا کے ڈِگ پین گے۔ خواہ لشکر میرا محاصرہ کر لے، میرا دِل نئیں گھبرائے گا؛ خواہ میرے خلاف جنگ چھڑ جائے اُودوں وی میں خاطر جمع رکھاں گا۔ میں خداوند نوں اِک درخواست کیتی اے، میں ایہہ چاہنا واں کہ عمر بھر میں خداوند دے گھر وچ رہواں، خداوند دا جمال ویکھدا رہواں تے اُوہنوں اُوہدے مُقدس چہ لبدا رہواں۔ کیوں جے مصیبت دے دِن اُو مینوں اپنے مُقدس وچ محفوظ رکھے گا؛ اُو مینوں اپنے خیمہ وچ پنا دے کے لُکائے رکھے گا تے مینوں چٹان تے چڑھا دئے گا۔ اُودوں میرا سر اُوہناں دشمناں توں اُچا ہوئے گا جنہاں نے مینوں گھیر رکھیا اے تے میں خوشی نال للکار کے اُوہدے خیمہ وچ قربانی گزراناں گا؛ میں خداوند لئی گاواں گا تے مداح سرائی کراں گا۔ اے خُداوند جدوں میں پُکاراں تے میری آواز سُن؛ میرے تے رحم فرما تے مینوں جواب دے۔ میرا دِل تیرے متعلق کہندا اے کہ اُوہدے دیدار دا طالب ہو! اے خداوند! میں تیرے دیدار دا طالب رہواں گا۔ میرے نال روپوش نہ ہو، اپنے خادم نوں غصے وچ آ کے نہ کڈ؛ کیوں جے تُو میرا مددگار رہیا اے اے میرے منجی خُدا، مینوں مسترد نہ کر تے نہ ای مینوں ترک کر۔ خواہ میرے ماں پیو مینوں ترک کر دین، تو وی خُداوند مینوں قبول فرمائے گا۔ اے خداوند! مینوں اپنی راہ دس؛ تے میرے تے ظلم ڈھان آلیاں دے سبب نال مینوں راہ راست تے چلا۔ مینوں میرے مخالفاں دی مرضی تے نہ چھڈ، کیوں جے جھوٹے گواہ تے تشدد بھڑکان آلے، میرے خلاف اُٹھے نے۔ مینوں ہُن وی ایس گل دا یقین اے کہ میں زندیاں دی زمین تے خداوند دے احسان نوں ویکھ لواں گا۔ خُداوند دا انتظار کر، مضبوط ہو، تے حوصلہ رکھ تے خُداوند دی آس رکھ‘‘ (زبور27:1۔14)۔

تُسی تشرف رکھ سکدے اُو۔

+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

کرسمس ایوانز دی سوانح حیات پڑھن نے حال ای وچ مینوں حیرت چہ پا دِتا۔ جنہاں مشکلات توں اُو لنگہے اُو کافی حد تیکر میری ای وگری سَن۔

میری حیاتی وچ سب توں وڈے مسائل وچوں اِک جیدے چہ میں رہ چُکیا واں اُو گہری، تاریک افسردگی دی تکرار رئی اے۔ اینوں پیشتر میری سوانح حیات (تمام خدشات دے خلاف Against All Fears، صفحہ 21) وچ، میں اپنے ’’بدلدے ہوئے روئیاں‘‘ دے بارے وچ لکھیا سی۔

نشے وچ جھگڑے، چیخ و پکار تے چیخدی، تنہائی تے میرے بچپن دے خوف نے میرے دماغ تے اِک مستقل نشان چھڈ دِتا جیہڑا کدی وی پوری طرح دور نئیں ہوندا… تناؤ دے ادوار وچ ’’روئیاں دا ایہہ بدلنا‘‘ تباہ کُن ثابت ہو سکدا اے…

کدی کدی تے میں واقعی چہ ذہنی دباؤ نال کُچلیا جیہا جانا واں۔ میں ایدے تے کیویں قابو پاواں؟


1.خُداوند دے نال کلیاں ویلہ لنگہان دے ذریعے نال۔

2. پادری رچرڈ وورمبراند دی لکھی ہوئی تحریر مسیح لئی اذیت سہی Tortured for Christ نوں فیر پڑھن دے ذریعے نال۔

3. خُداوند دی آس رکھن دے ذریعے نال (زبور27:13۔14)۔

4. اپنی ’’حیاتی دی آیت‘‘ – (فلپیوں4:13) دا دعویٰ کرنے دے ذریعے۔

5. تجربے توں سِکھن دے ذریعے نال کہ ایہہ وی لنگ ای جائے گا۔

6. جدوں تیکر ذہنی دباؤ لنگ نہ جائے اچانک فیصلے نہ کرن دے ذریعے نال۔


ایتھے کلام پاک دی اِک تلاوت اے جیہڑی عموماً میری مدد کردی اے:

’’لیکن جیہڑے خُداوند توں اُمید رکھدے نے اُو از سرِ نو تقویت پان گے۔ اُو عقاباں وانگوں پراں تے اُڈن گے؛ اُو نٹھن گے لیکن تھک نہ پان گے، ٹُرن گے تے نقاہٹ محسوس نہ کرن گے‘‘ (اشعیا40:31)۔

ڈاکٹر رائے برینسن نے کہیا، ’’ایتھوں تیکر کہ کدی وی بیان کیتی گئیاں کسی وی شہادتاں دے مقابلے وچ ایتے گہرا رنج اے، کیوں جے اِک غم ایناں ہولناک اے، جسم دماغ تے روح دے ریشیاں دا ایس قدر تباہ کُن اے کہ ایدے بارے چہ کدی وی کوئی نئیں دسدا۔ اساں لوکاں وچ اینوں کلیاں ای برداشت کردے نے۔ ایدے بارے چہ دسن لئی کوئی وی لنگدے ہوئے مہینے تے ورے سانوں قابل نئیں بنا سکدے، کیوں جے یاد رکھن دا درد شدید گہرا ہو جائے گا۔ تے کون سمجھ پائے گا؟ صرف خُدا‘‘ (پیارے مبلغ، مہربانی نال چھڈ جاؤ Dear Preacher, Please Quit، صفحہ 59)۔ ’’انتظار کرو، تُسی ٹُر پاؤ گے، تُسی نٹھ پاؤ گے، تُسی اِک واری فیر عقاباں وانگوں پراں تے اُڈو گے، منتظر رہوو۔‘‘

خوشخبری دی منادی کرن تے شاگرداں نوں پیٹا گیا سی، ’’تے اُو [رسول] عدلیہ نال چلے گئے، اُو ایس گل تے خوش سن کہ یسوع دے خاطر بے عزت ہون دے لائق سمجھے گئے‘‘ (اعمال5:41)۔

قوت تکلیفاں برداشت کرن نال آندی اے۔ لوقا6:22۔23 آیت کھولو۔ جدوں میں اینوں پڑھاں تے کھلو جاؤ۔

’’تُسی مبارک ہوو جدوں ابنِ آدم دے سبب نال لوکی تہاڈے توں کینہ رکھن گے، تے تہانوں الگ کر دین گے، تہاڈی بے عزتی کرن گے، تے تہاڈے ناں نوں بُرا جان کے کٹ دین گے۔ اُوس دِن خوش ہونا تے خوشی دے مارے اُچھلنا، کیوں جے تہانوں آسمان تے وڈا اجر حاصل ہوئے گا، ایس لئی کہ اُوہناں دے پیو دادا نے نبیاں دے نال وی اینج ای سلوک کیتا سی‘‘ (لوقا6:22۔23)۔

تُسی تشریف رکھ سکدے اُو۔

ایتھے [درج] اے کہ اذیتاں سانوں کیویں قوت بخشدیاں نے:


1. ایہہ سانوں یسوع دے نال شناخت کرواندیاں نے۔

2. ایہہ اُوس [یسوع] ای دی خاطر نے۔

3. ایہہ بادشاہی وچ انعامات نوں محفوظ کردیاں نے۔

4. ایہہ سانوں انبیا تے رسولاں دے نال شناخت کردیاں نے۔

5. ایہہ سانوں مسیح دے ناں دے لائق بناندیاں نے۔

6. ایہہ ساڈے عزم نوں مضبوط بنا سکدیاں نے۔


دُرست کم کرن دے ذریعے نال وی قوت ملدی اے۔

اُو کرو جیہڑا درست اے۔ جدوں اسی خُدا دی نظر وچ درست کردے نے تے فیر واقعی چہ باقی سب کُج کوئی معنی نئیں رکھدا۔ یوحنا اصطباغی نے درست کیتا سی جدوں تقریباً 33 برس دی عمر وچ اُوہنے اپنا سر گنوا دِتا سی۔ ابراہم نے دُرست کیتا سی تے دولتمند بن گیا سی۔ ڈاکٹر برینسن نے کہیا، ’’درست کرو تے فکر نہ کرو۔‘‘ ڈاکٹر بوب جونز، سینئر نے کہیا، دُرست کرو چاہے ستارے وی اپنیاں تھاواں توں نکل کے ڈِگ پین۔‘‘ بہت عظیم قوت اُوس سادہ جئے تصور توں ملدی اے – اُو کرو جیہڑا درست اے چاہے کُج وی رونما ہو جائے!

قوت ترقی پسند اقدامات دے ذریعے نال ملدی اے، خود توں مرن دے ذریعے نال، بائبل وچ مخصوص وعدیاں دا دعویٰ کرن نال، درست کم کرن نال، بائبل وچ دوجے لوکاں دا مطالعہ کرن دے ذریعے نال جنہاں نے مشکل اوقات دے دوران قوت پائی سی۔ خُدا دی قوت ہر اُوس شے لئی اینی کافی ہوندی اے جیدا سانوں سمنا کرنا ہوندا اے۔

پادری صاحب دی بصیرت

مہربانی نال 2 تیموتاؤس3:15۔17آیات کھولو۔ جب میں ایناں نوں پڑھاں تے کھلوو۔

’’تے کیویں تُو پچپن توں اُوہناں مقدس کتاباں نال واقف اے، جیہڑیاں تیہنوں یسوع مسیح تے ایمان لہیا کے نجات حاصل کرن دا عرفان بخشدیاں نے۔ ہر صحیفہ جیہڑا خدا دے الہٰام توں اے، اُو تعلیم دین، تنبیہ کرن، سُدھارن تے راستبازی وچ تربیت دین لئی مفید اے۔ تاں جے خُدا دا بندہ ایس لائق بنے کہ ہر نیک کم کرن لئی تیار ہو جائے‘‘ (2تیموتاؤس3:15:17)۔

تُسی تشریف رکھ سکدے اُو۔

ڈاکٹر برینسن نے کہیا، ’’غور کرو کہ پاک کلام دے ایس حوالے نے کہیا کہ خُدا دا بندہ ایس لائق بنے کہ ہر نیک کم کرن لئی تیار ہو جائے۔‘‘

بے شمار واری لوکی اپنے مسائل دے بارے وچ اپنے پادری صاحب دے کول جان دے مقابلے وچ کسی ہور دے کول چلے جاندے نے۔ اُو دوجا بندہ (چاہے اُو دوجا پادری ای ہوئے) بس ایس گل دا اہل نئیں ہوندا کہ اُوہناں مسائل دے نال نمٹے، ’’اِک قصائی خلائی جہاز تعمیر کرن لئی اہل نئیں ہو سکدا اے،‘‘

1۔ تیموتاؤس 4:11، 2۔ تیموتاؤس 2:2، طیطُس 1:9 تے 2:15 تے ڈاکٹر برینسن نے کہیا، ’’ایہہ واضح اے کہ پولوس نے کلیسیا دے روحانی پروگرام لئی ذمہ داری اُوہدے مکمل ہون تے پائی اے – ناصرف منادی کرنا، بلکہ اُوہناں لوکاں دا چناؤ تے [اُوہناں دی] تعلیم و تربیت وی کرنا جیہڑے کلیسیا دے روحانی پروگرام نوں جاری رکھدے نے – صرف پادری دے موڈیاں تے… پادری، تے صرف کلّا پادری ای اُوہدی کلیسیا وچ ہوندا اے اُوہدا حساب کتاب دین دا ذمہ دار ہوندا اے۔‘‘ عبرانیوں13:7 کھولو۔

’’اپنے پیشواؤاں نوں یاد رکھو جنہاں نے تہانوں خدا دا کلام سِکھایا۔ غور کرو کہ اُو کیویں دی حیاتی لنگہا کے رخصت ہوئے تے اُوہناں وگرا ایمان تُسی وی حاصل کرو‘‘ (عبرانیوں13:7)۔

ہُن عبرانیوں13:17 آیت کھولو۔

’’اپنے رہبراں دے فرمانبردار تے تابع رہوو کیوں جے اُو تساں لوکاں دے روحانی فائدے لئی بیدار رہ کے اپنی خدمت انجام دیندے نے۔ اُوہناں نوں ایس خدمت دا حساب خُدا نوں دینا ہوئے گا۔ جے اُو اپنا کم خوشی نال کرن گے تے تہانوں فائدہ ہوئے گا لیکن جے اُوہنوں اپنے لئی تکلیف سمجھن گے تے تہانوں کوئی فائدہ نئیں ہوئے گا‘‘ (عبرانیوں 13:17)۔

ڈاکٹر برینسن نے کہیا، ’’لوکاں تے ایہہ ذمہ داری عائد ہوندی اے کہ اُو اپنے پادری دی قیادت دی پیروی کرن جیدی روحانی حکمرانی اُوہناں تے ہوئے تے جیہڑا اپنے لوکاں [دی روحاں] تے نگاہ رکھے۔‘‘

افسیوں4:11۔12 آیت کھولو۔ جدوں میں اینوں پڑھاں تے کھلوو۔

’’تے اُوہنے ای بعض نوں رسول مقرر کیتا، بعض نوں نبی، تے بعض نوں مبشر، تے بعض نوں کلیسا دے پاسبان تے اُستاد۔ تاں جے مقدس لوکی خدمت کرن لئی مکمل طور تے تربیت پان تے مسیح دے بدن دی ترقی دا باعث ہون‘‘ (افسیوں4:11۔12)۔

تُسی تشرف رکھ سکدے اُو۔

ساڈے سینئر مناد اِک دوجے مبلغ دے کول گئے، تے اُوہدے نال خفیہ ملاقاتاں کیتیاں، کیوں جے اُو مناد سوچدا سی کہ جدوں میں اُوہنوں دسیا کہ اُو کلیسیا دا پاسبان بنن لئی اہل نئیں سی تےمیں غلطی تے سی۔ ایس ’’دوجے مبلغ‘‘ دی سمجھ وچ نئیں آیا کیوں میں اُوس مناد نوں دسیا سی کہ اُو منادی کرن لئی اہل نئیں سی۔

اُو ’’دوجا مبلغ‘‘ میرے نال نفرت کرن لگیا تے ڈاکٹر کرسٹوفر کیگن نوں کلیسیا دا اِک شریک پاسبان ہون دی حیثیت نال مذہبی عہدے تے فائز کرن دی وجہ توں میرے نال رفاقت توڑ دِتی۔ تاہم، میں خوش آں کہ میں اُوس ’’دوجے مبلغ‘‘ دی نئیں سُنی۔ اسی گرجا گھر دی اُوس تقسیم نوں برداشت کرن دے قابل نہ ہو پاندے جیہڑی اُوس ’’دوجے مبلغ‘‘ دے اُوس مناد دا ساتھ دین دی وجہ نال ہوئی سی جیہنوں تبلیغ لئی بُلاہٹ نئیں ہوئی سی! اونج، ایہہ ’’دوجا مبلغ‘‘ اِک ہائپر کیلوِنسٹ اے جیہڑا کلیسا دے دوجے پادری صاحبان ’’تے غالبہ پائے رکھنا‘‘ چاہندا اے!!!

ساڈے گرجا گھر نوں تقسیم کرن آلے مناد دے درج ذیل پیراگراف توں ایہہ پتا چلدا اے کہ اُوہدے کول اِک کلیسیا دی پاسبانی کرن دا تحفہ نئیں اے:

     ایتھے کُج اینج دے لوکی نے جنہاں نے کھُلی بغاوت یا سرکشی لئی اپنے دِل پیش کیتے تے اپنی گناہ توں بھرپور حالت لئی پادری صاحب نال گل نئیں کرن گے بلکہ ایدے بجائے اپنے بیلیاں دی صحبت وچ سکون نوں پان دی تلاش کرن گے۔ دوجے ایہہ سوچدے ہوئے خفیہ گناہ چہ حیاتی بسر کردے نے کہ محض گرجا گھر آ جان نال تُسی بالاآخر نجات پا ای لیو گے۔ لیکن تُسی اُوس خدا نال نمٹ رئے اُو جیدیاں اَکھاں ’’ہر تھاں تے بُرائی نوں ویکھ رئیاں نے۔‘‘ تہاڈے وچوں کُج سوچدے نے کہ تُسی اِک مسیحی اُو ایدے باوجود تُسی کدی وی خدا، جنت یا حتّیٰ کہ اِک بشر نوں جِتن دے بارے چہ نئیں سوچیا ہوئے گا۔ دوجیاں نال تہاڈی ساری دی ساری گفت و شُنید ظاہر کردی اے کہ تہاڈے کول صرف ایس دُنیاوی [عارضی] دُنیا دے خیالات نے تے روحانی دُنیا تہاڈے لئی بالکل وی حقیقی نئیں اے۔ اپنی حیاتی دے بارے وچ ایماندار رہوو۔ اپنے آپ نال جھوٹ مت بولو۔ بائبل کہندی اے کہ تُسی ’’بُرائی کرن لئی دانشمند اُو لیکن نیکی کرن لئی [تہاڈے] کول کوئی علم نئیں اے۔ کیوں نئیں اے؟ کیوں جے اپنے تکبر وچ تُسی جو کرنا چاہندے اُو اُوہنوں کرن چہ بہت زیادہ خوشی پاندے اُو۔ لیکن آخر چہ تُسی وقت توں سب توں وڈے ہارے ہوئے [انسان] ہوندے اُو۔ تُسی سوچدے اُو کہ تُسی عقلمند اُو لیکن تہانوں ’’گناہ دی دھوکہ دہی‘‘ صرف [دھوکہ دہی] ای ملی اے۔ جے تُسی اپنے گناہواں توں توبہ نئیں کردے تے تہاڈا دِل ایس قدر سخت ہو جائے گا کہ ایہہ صحت یاب ہون دی ہر اُمید توں بالاتر ہو جائے گا
     (’’بُرائی دی چالبازی The Subtilty of Evil‘‘، واعظ وچوں حوالہ، 12جولائی، 2020، مسوّدے دا صفحہ 7)۔

اُو اے جیہڑا ایس بندے نے دعوت دین توں بالکل پہلاں کہیا سی! ایس گل توں سانوں حیران نئیں ہونا چائیدا کہ کسی نے وی جواب نئیں دِتا سی! ایس گل توں وی سانوں حیران نئیں ہونا چائیدا کہ تقریبا! دو ورے دی ایس قسم دی ’’منادی‘‘ دے دوران اُو کسی اِک [بندے] نوں وی مسیح وچ ایمان دلا کے تبدیل نئیں کر پایا!

خدا دا شکر اے کہ ڈاکٹر کرسٹوفر کیگن جانندے نے منادی کیویں کرنی ہوندی اے – اگرچہ ایہہ نِکا جیہا ’’مناد‘‘ پہلاں ای ’’جنگل وچ کھو‘‘ گیا اے!!!

ڈاکٹر برینسن دی کتاب پیارے مبلغ، مہربانی نال چھڈ جاؤDear Preacher, Please Quit، نال تعلق رکھدے ہوئے ڈاکٹر ڈبلیو۔ اے۔ کرسویل Dr. W. A. Criswell نے ایہہ کہیا،

’’ہر مذہبی خادم لئی پڑھنا لازمی ہے۔ آفتاں دے بارودی میدان توں بچن لئی کلیسیا دی پاسبانہ دانمشندی دا خزانہ۔ اینج دے دو ٹوک، ایماندارانہ تے بائبلی چیلنج لئی خُداوند دا شکریہ۔‘‘
          – ڈاکٹر ڈبلیو۔ اے۔ کرسویل۔

میں سمجھ سکنا واں کہ اُو ’’مناد‘‘ جیدی تبلیغ لئی بُلاہٹ نئیں ہوئی سی، اُوہنے ڈاکٹر کرسویل وَلّوں تصدیق کردہ کتاب کدی وی نئیں پڑھی ہوئے گی – جیہڑے کہ ساڈے زمانے دے دو یا تِن مبلغاں وچوں اِک نے!

ڈاکٹر برینسن دی (1) ’’پیارے مبلغ، مہربانی نال چھڈ جاؤ Dear Preacher, Please Quit‘‘ تے (2) ’’کلیسیا دی تقسیم Church Split‘‘۔ اُوہناں نوں حاصل کرو تے اُوہناں نوں پڑھو! میں ہر کسی نوں جیہڑا ایس پیغام نوں سُن رہیا ہوئے اِک وری فیر کہہ رہیا واں اُوہناں نوں سارے دا سارا پڑھو

کھلوو تے ساڈا حمد و ثنا دا گیت گاؤ، ’’کی میں صلیب دا اِک سپاہی آں؟ Am I a Soldier of the Cross?‘‘

کی میں صلیب دا اِک سپاہی واں، برّے دے پیچھے چلن آلا،
تے کی مینوں اُوس دے مقصد نوں اپنان توں خوفزدہ ہونا چائی دا اے، یا اُوس دا ناں بولن توں شرمندہ ہونا چائی دا اے؟

کی مینوں آسمان تے سہولت دے پھولاں آلے بستراں تے لے جایا جانا چائی دا اے،
جدوں کہ دوجے انعام جیتن لئی لڑن، تے خونی سمندراں وِچوں گزرن؟

کی میرا سامنا کرن لئی کوئی دشمن نئیں؟ کی مینوں سیلاب وِچ شامل نئیں ہونا چائی دا اے؟
ایس غلیظ دُنیا وِچ اِک دوست نوں فضل دلان لئی، مینوں خُدا تیکر پہنچان لئی؟

یقیناً مینوں لڑنا چائی دا اے، جے مینوں حکومت کرنے اے؛ خُداوندا! میرے حوصلے نوں ودھا،
میں سختیاں نوں جھیلاں گا، درد نوں برداشت کراں گا، تیرے کلام دے سہارے دے وسیلے نال۔
     (’’کی میں صلیب دا اِک سپاہی آں؟Am I a Soldier of the Cross?‘‘ شاعر ڈاکٹر آئزک واٹز Dr. Isaac Watts، 1674۔1748)۔

+ + + + + + + + + + + + + + + + + + + + + + + + + + + + + + + + + + + + + + + + + + + +

جے تُسی ہُنے تیکر نجات نئیں پائی اے تے میں چاہنا آں تُسی ہُنے یسوع مسیح تے پرہوسا کرو۔ اُو آسمان توں تھلے تہاڈے گناہواں دا کفارہ ادا کرن دی خاطر صلیب تے قربان ہون لئی آ گیا۔ جیس لمحے تُسی یسوع تے پرہوسا کردے اُو، اُوہدا لہو تہانوں تمام گناہواں توں پاک صاف کر دئے گا۔ مین دعا منگنا آں کہ تُسی ہُنے یسوع تے پرہوسا کرو۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔