Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 43 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




ڈاکٹر روئے برینسن وَلّوں اسباق

LESSONS FROM DR. ROY BRANSON
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر وَلّوں
پاسٹر ایمریٹس
by Dr. R. L. Hymers, Jr.,
Pastor Emeritus

لاس اینجلز دی بپتسمہ دین آلی عبادت گاہ وچ دِتا گیا اِک واعظ
خداوند دے دِن دی دوپہر، 2 اگست، 2020
A sermon preached at the Baptist Tabernacle of Los Angeles
Lord’s Day Afternoon, August 2, 2020

واعظ توں پہلاں حمدوثنا دا گیت گایا: ’’کی میں صلیب دا اِک سپاہی آں؟ Am I a Soldier of the Cross?‘‘ (شاعر ڈاکٹر آئزک واٹز Dr. Isaac Watts، 1674۔1748)۔


خُدا دی بُلاہٹ

پاک کلام کہندا اے، ’’جدوں تیکر اُو پیجے نہ جان خوشخبری کیویں سُنان گے؟‘‘ (رومیوں 10:15). ایدا ایہہ مطلب نئیں ہوندا اے کہ اُوہناں نوں کلیسیا وَلّوں پیجیا جاندا اے۔ ایدا مطلب ہوندا اے کہ اُوہناں نوں خُدا وَلّوں پیجیا جانا چائیدا اے۔ ڈاکٹر رائے برینسن نے کہیا،

’’جے تُسی اِک مبلغ اُو تے غالباً تہانوں نئیں ہونا چائیدا اے۔‘‘

’’تہاڈے گرجا گھر دی نگہبانی غالباً اِک اینج دے بندے دے ذریعے نال کیتی جا رئی اے جیہنوں کُج ہور کرنا چائیدا اے۔‘‘

’’بائبل تے یقین رکھن آلے دس وچوں کم از کم نو پادری صاحبان نوں چھڈ دینا چائیدا اے۔‘‘

’’بائبل تے یقین رکھن آلے دس وچوں نو گرجا گھراں دی کم از کم اینج دے بندے نگہبانی کردے نے جنہاں نوں تبلیغ کرن دا یا نگہبانی کرن دا کوئی حق نئیں ہوندا اے!‘‘

’’اینج دے گرجا گھراں وچوں کم از کم وی [20] وچوں اُنی [19] نوں ذرا جیہا وی اندازہ نئیں اے کہ اِک پادری صاحب چہ کی لبنا چائیدا اے۔‘‘

+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

ڈاکٹر برینسن ایس قسم دے سوال کیویں پُچھ سکدے نے؟ اُو خود تقریباً پنجا وریاں تیکر اِک مبلغ رہ چکے نے۔ جدوں اُو ناقابلِ برداشت تکلیف دے بارے وچ لکھدے نے، تے اُو تجربے دے وسیلے نال وکھاندے نے کہ اُو کیس بارے چہ گل کر رئے نے۔ اُو گرجا گھر دی اِک ہولناک تقسیم دا دُکھ سہہ چکے نے، جدوں کہ اُو اِک بوہتی وڈے گرجا گھر دی نگہبانی کر رئے سی، تے ٹکڑے سمیٹن لئی ٹھہر گئے سی۔

ڈاکٹر ڈبلیو۔ اے۔ کرسویلDr. W. A. Criswell نے ڈاکٹر برینسن دی کتاب پیارے مبلغ، مہربانی نال چھڈ جاؤDear Preacher, Please Quit دے بارے چہ کہیا، ’’ہر اِک مذہبی خادم لئی لازمی پڑھنا۔‘‘ ڈاکٹر جان راؤلنگز Dr. John Rawlings نے کہیا، ’’میں ڈاکٹر برینسن دی ایناں دی حیرت انگیز کوششاں تے تعریف کرنا واں۔‘‘ ڈاکٹر لی رابرسن Dr. Lee Roberson نے کہیا، ’’میں یقینی طور تے [ڈاکٹر برینسن دے] عمومی اصرار توں متفق آں۔‘‘ ڈاکٹر ڈیوڈ اُوٹِس فُلر Dr. David Otis Fuller نے کہیا کہ ایناں دی کتاب ’’عام فہم مشوراں نال بھری ہوئی اے… پاک صحائف دا بے حد حوالہ دِتا گیا اے۔‘‘

بائبل کہندی اے، ’’جدوں تیکر اُو پیجے نہ جان خوشخبری کیویں سُنان گے؟‘‘ (رومیوں 10:15). ڈاکٹر برینسن نے کہیا کہ خُدا ’’اپنی بُلاہٹ نوں بے شمار طریقیاں نال منکشف کردا اے۔ لیکن جدوں اُو اِک بندے نوں بُلاندا اے تے اُو بندہ ایس گل نوں جان جائے گا تے اُوہنوں یاد رکھے گا۔‘‘

اِک نوجوان شخص دی حیثیت نال مینوں جھنجھوڑن آلی کوئی بُلاہٹ نئیں ہوئی سی۔ میں اپنی حیاتی دے نال مینوں کی کرنا چائیدا اے ایس بارے وچ سوچ رہیا سی۔ میں اِک اداکار سی۔ میں بے شمار ڈرامیاں وچ اداکاری کر چُکیا سی لیکن میں جانندا سی کہ تھیٹر [دی دُنیا] چہ ’’اگے ودھن‘‘ دی بہت تھوڑی جئی اُمید سی۔ میں الطار توں بُلائے جان تے اگے ودھیا سی تے پادری صاحب نوں دسیا سی میں اِک مبلغ بنن جا رہیا آں۔ بس ایہی سب کُج سی۔ مینوں کئی وریاں تیکر کوئی وی بوہتی زیادہ روحانی ’’بُلاہٹ نئیں ہوئی ہوندی جدوں تیکر کہ میں ہر اِک گل چہ ناکام نہ ہویا ہوندا۔ تے اِک رات دے آخر چہ جدوں میں اِک آزاد خیال سیمنری وچ پڑھ رہیا سی جیدے نال مینوں نفرت سی تے خُدا نے مینوں سَد لہیا۔

میری ’’بُلاہٹ‘‘ نوں میرے گرجا گھر وچ خوشی دے نال قبول نہ کیتا گیا۔ میرا پہلا واعظ اِک آفت سی۔ میں فیر دوبارہ کدی وی تبلیغ نہ کرن دی قسم کھا لئی۔ لیکن میں بس اُوس قسم نوں برقرار نہ رکھ پایا!

ڈاکٹر مارٹن لائیڈ جونز Dr. Martyn Lloyd-Jones نوں بیسویں صدی دے عظیم ترین مبلغین وچوں اِک سمجھیا جاندا اے۔ ڈاکٹر لائیڈ جونز نے کہیا (میں یاداشت توں اُوہناں دا حوالہ دِتا اے) کہ اپنی ’’بُلاہٹ‘‘ دا تعین کرن دے طریقیاں وچوں اِک ایہہ اے کہ سُنو گرجا گھر وچ دوجے رہنما تہاڈے بارے چہ کی سوچدے نے۔ اُو تہانوں دسن گے کہ آیا تُسی خُدا وَلّوں پیجے گئے اُو یا نئیں، تے آیا کہ تہاڈے کول تبلیغ کرن دا تحفہ اے یا نئیں۔ ڈاکٹر برینسن نے کہیا، ’’[خُدا] شاید اپنی بُلاہٹ نوں بے شمار مختلف طریقیاں توں منکشف کردا اے۔‘‘

خُدا دی قوت

ڈاکٹر برینسن نے اِک میڈیکل ڈاکٹر دا حوالہ دِتا جیہنے اِک پادری صاحب نوں کہیا، ’’میں اُوس بوجھ تلے جیہنوں تُسی چُکے ہوئے اُو کدی کھلو نئیں پاواں گا… مینوں تعجب ہوندا اے کہ زیادہ مبلغین مختلف اقسام دی شکستاں تسلیم نئیں کردے۔

ڈاکٹر برینسن نے کہیا، ’’مبلغ دے الفاظ، قبول کرن آلے لوکاں دے مقابلے وچ بولہیاں [بہرے لوکاں] تے زیادہ اثر کردے نے۔ اُوہدے متحرک زیادہ مشتبہ ہوندے نے، تے کسی ہور دے مقابلے وچ اکثر طور تے اُوہدے نال غلط انداز چہ منسوب کیتے جاندے نے۔ جے اُو بائبل دے مطابق ہوندا اے تے وڈے پیمانے تے دُنیا دے ذریعے نال کسی دوجے نوں اینی زیادہ نفرت نئیں ملدی۔ تاریخ دے کسی وی طبقے دے لوکاں نے مبلغین دی حیثیت نال ایناں ظلم، تعصب، زیادتی، طنز، مذاحمت تے قید برداشت نئیں کیتی۔ کوئی وی مبلغین دی حیثیت نال بدکاری، گپ شپ، بہتان، جھوٹے الزامات تے نفرت دا موضوع نئیں رہ چُکیا۔ اُوہناں دی تعداد دے تناسب توں، کسی نے وی کسی مقصد دی خاطر ایس قدر بے شمار شہادتاں نئیں دِتیاں۔ مارٹن لوتھر دے دِن توں پہلاں پنجہا ملین بپٹسٹ لوکاں نوں شہید کر دِتا گیا سی۔ ہمیشہ ایہہ پادری صاحبان ای ہوندے سی جنہاں نوں پہلے قید کیتا جاندا سی، اذیت دِتی جاندی سی تے قتل کر دِتا جاندا سی۔ پادری کونسٹنٹین نوں 690 بعد از مسیح سنگسار کر کے ماریا گیا، تے اُوہناں دے جانشین نوں زندہ جلا دِتا گیا۔ پادری گرہارڈ Gerhard نوں 1100 ویں ورے دے وِچکار چہ انگلستان چہ ظالمانہ طور تے سزا دِتی گئی سی۔ جان وائکلیف John Wycliffe دی حیاتی اُوہناں دی 1384 وچ موت تیکر مستقل طور تے خطرے چہ سی۔ 1415 وچ جان ھَس John Huss نوں کھمبے نال بنھ کے آلاؤ جلا کے مار ڈالیا گیا۔ عظیم مبلغ ساوہنارولہ Savonarola نوں اذیتاں دِتی گئیاں تے 1498 وچ قتل کر دِتا گیا۔ جان بنیعن John Bunyan نوں 12 وریاں تیکر اِک قید خانے چہ بند رکھیا گیا۔ اُوہناں دا ’جرم‘ مسیح دی خوشخبری دی تبلیغ کرنا سی۔ اُوہناں دی اَنّی کُڑی نوں بھیک منگنی پئی سی تے ماراں کھانی پئیاں سن۔ ایدے باوجود بنیعن نے کہیا، ’مینوں منادی ضرور کرنی چائیدی اے۔ مینوں ایہہ ضرور کرنا چائیدا اے۔‘

راجر ولیمز Roger Williams، جان کلارک John Clarke تے بے شمار دوجے مبلغین نوں 1635 وچ میساشوسیٹس Massachusetts توں جلاوطن کر دِتا گیا سی۔ پاسٹر جیمس آئرلینڈ نوں تبلیغ کرن دی وجہ توں ورجینیا وچ قید کر دِتا گیا سی۔ جدوں کہ قید وچ اُوہناں دے دشمناں نے بارود دے نال اُوہناں نوں اُڈان دی کوشش کیتی، فیر اُوہناں دی قید دی باری دے تھلے سلفر جلا کے اُوہناں دا دَم گھُٹ کے مارن دی کوشش کیتی۔ فیر اُوہناں نے اِک ڈاکٹر نوں اُوہناں نوں زہر دین لئی تیار کر لہیا۔

آخیرلے سو وریاں وچ لکھاں مبلغین نوں خوشخبری دی منادی کرن دی وجہ توں مار ڈالیا یا قید کیتا جا چُکیا اے۔ جِتھے کِتھے وی اشتراکیت پسنداں نوں قوت ملی، مسیحی پادری صاحبان اذیتاں دین تے مار دِتے جان لئی پہلے ہدف رہ چکے نے۔ پادری رچرڈ وورمبرانڈ Richard Wurmbrand نوں چودہ وریاں تیکر اِک کیمیونسٹ قید خانے وچ رہن دے دوران زندگی بھر لئی داغ ڈالیا گیا۔

ہُن امریکہ وچ، مبلغین پہلے ای توں حکومتی تے عوامی اذیتاں دا تجربہ کر رئے نے۔ پاسٹر ایوریٹ سِل ایون Everett Sileven نے اپنے سنڈے سکول وچ بچیاں نوں بائبل دی تعلیمات دین دی وجہ توں جیل وچ 157 دِن لنگہائے۔ پاسٹر لیسٹر رولوف Lester Roloff نوں قید کیتا گیا تے اِک قومی میگزین دے سرورق تے اُوہناں دے بارے وچ جھوٹ بولیا گیا۔ اُوہناں دا ’جرم‘ نوجوان لوکاں نوں منشیات توں دور ہون وچ مدد کرنا سی۔‘‘

میں ڈاکٹر جے۔ گرے شام میکحن دی حیاتی تے اِک کتاب پڑھدا رہیا واں۔ اُو پرنسٹن یونیورسٹی وچ اِک پروفیسر سی۔ میں ٹوٹ پیا سی تے رو پیا سی جدوں میں پڑھیا کہ ایس عظیم عالم تے خُدا دے بندے نال آزاد خیال [لوکاں] نے کی سلوک کیتا۔ 1922 وچ ھیری ایمرسن فوسڈیک Harry Emerson Fosdick نے اِک ’’واعظ‘‘ جیہنوں اُو ’’کی بنیاد پرستاں نوں جِتنا چائیدا اے؟ Shall the Fundamentals Win?‘‘ کہندے سی دی منادی کرن لئی ڈاکٹر میکحن نال لڑنا شروع کیتا۔ یاد رکھو کہ فوسڈیک ای نے ڈاکٹر جان سُنگ Dr. John Sung نوں بائبل وچ ایمان رکھن دی وجہ توں اِک پاگل خانے وچ داخل کروایا سی۔ ہُن اُو ڈاکٹر میکحن دے پِچھے پیا سی۔ فوسڈیک نے بائبل دی الہٰامیت تے حملہ کیتا سی۔ اُوہنے مسیح دی کنواری پیدائش تے حملہ کیتا سی۔ اُوہنے مسیح دی آمدثانی تے حملہ کیتا سی۔ اُوہنے خود ایمان تے حملہ کیتا سی – اینوں تنگ ذہن تے بے وقعت بُلان دے ذریعے نال۔

اپنے ’’واعظ‘‘ دے پنجویں صفحے تے فوسڈیک نے مسیحیت دے بنیادی عقائد نوں ’’فرقہ وارانہ فرقہ واریت دے کُج معمولی معاملات ‘‘ کہیا۔ اپنی تلخ تنقید دے اختتام تے، فوسڈیک نے ’’شریعت دے بھاری معاملات – کھلی ذہنیت، برداشت تے آزاد خیالی‘‘ تے زور دِتا (صفحہ 5).

سُنو کہ آزاد خیال [لوکاں] نے ہُن تیکر دے عظیم ترین مبلغین دے نال کی سلوک کیتا۔

کرسوسٹوم نوں جلاوطن کیتا گیا۔
 لوتھر نوں بے دخل کر دِتا گیا۔
   بیکسٹر نوں لندن دے ٹاور وچ بند کر دِتا گیا۔
      جان تے چارلس ویزلی نوں اینجیلیکن گرجا گھر وچوں کڈ باہر کیتا گیا سی۔
         وائٹ فیلڈ نوں لندن دے ہر گرجا گھر توں دربدر کر دِتا گیا سی۔
            ایڈورڈز نوں خود اُوہدے اپنے ای گرجا گھر وچوں زبردستی کڈیا گیا تے گولی مار دِتی۔
               سپرجیئن دی بپٹسٹ یونین وَلّوں مذمت کیتی گئی۔
                  میکحن نوں پریسبائٹیرئین کلیسیا وَلّوں پادری دے فرائض توں محروم کر دِتا گیا۔

کی ایہہ لوکی غلط سی؟ جی نئیں! ایہہ ھیری ایمرسن فوسڈیک تے اُوہدے وگرے لوکی سن جیہڑے غلط نے!!! مہربانی نال یوحنا 15:19، 20 آیات کھولو۔

’’جے تُسی دُنیا دے ہوندے تے دُنیا تہانوں اپنیاں وانگوں عزیز رکھدی لیکن ہُن تُسی دُنیا دے نئیں ہو کیوں جے میں تہانوں چُن کے دُنیا توں الگ کر دِتا اے۔ ایہی وجہ اے کہ دُنیا تہاڈے نال دشمنی رکھدی اے۔ میری ایہہ گل یاد رکھو کہ کوئی نوکر اپنے مالک توں وڈا نئیں ہوندا۔ جے دُنیا آلیاں نے مینوں ستایا اے تے اُو تہانوں وی ستان گے۔ جے اُوہناں نے میری گل تے عمل کیتا تے اُو تہاڈی گل تے وی عمل کرن گے‘‘ (یوحنا15:19، 20)۔

ہُن یوحنا16:2 آیت کھولو۔

’’اُو تہانوں عبادت خانیاں توں خارج کر دین گے۔ درحقیقت اینج دا ویلہ آ رہیا اے کہ جے کوئی تہانوں قتل کر ڈالے تے ایہہ سمجھے گا کہ اُو خُدا دی خدمت کر رہیا اے‘‘ (یوحنا16:2)۔

تے فیر، بائبل وی کہندی اے،

’’جیہنے لوکی مسیح یسوع وچ حیاتی لنہگانا چاہندے نے اُو سب ستائے جان گے‘‘ (2 تیموتاؤس3:12)۔

اسی خُدا دی خدمت نوں جاری رکھن لئی کیتھوں قوت پانے آں؟

خُداوند ترقی یافتہ اِقدام دے ذریعے نال قوت بخشدا اے

اسی اُوس گل دا مطالعہ گذشتہ ہفتے کیتا سی کہ یوسف نے خُدا تے پرہوسا کرنا سکھیا سی تے امتحانات دے اِک سلسلے دے وسیلے نال قوت پائی۔ ایہہ گل کسی لئی وی سچی اے جیہڑا اِک غالب آن آلا بننا چاہندا اے – خصوصی طور تے اِک مبلغ، لیکن ہر کوئی وی جیہڑا اِک غالب آن آلا بننا چاہندا اے [اُوہدے لئی وی سچی ہے]۔

مینوں بے شمار مبلغین تے گرجا گھر دے اراکین پُچھ چکے نے کہ میں کیویں ایس قدر مضبوط ہو پاواں گا۔ جواب ایویں درج اے:

ڈاکٹر برینسن کہندے نے، ’’خُدا سانوں وڈے وڈے کماں تے مشکلات وچ سانوں بے نقاب کرن دے ذریعے نال تیار کردا اے، پہلے، [ساڈے توں] کمتر لوکاں وچ۔ موسیٰ نے، خود گل کرن توں پہلاں، لوکاں نوں مصر توں باہر کڈن لئی رہنمائی کرن توں پہلاں، دُنیا دی سب توں زیادہ طاقتور فوج دا سمنا کرن توں پہلاں – بے خوف و خطر اپنی تھاں تے فرعون نال گل کرن لئی ہارون دے ذریعے پیش قدمی کیتی۔‘‘

ڈاکٹر اے۔ ڈبلیو۔ ٹوزر Dr. A. W. Tozer نے کہیا، ’’چند اِک اینج دیاں گلاں نے جیہڑیاں کُج ایویں ترس کھاندیاں نے جیویں اِک بیکار نِکے جئے بندے دی نظر اپنے گِٹھے پن نوں لُکان دی کوشش کردی اے۔‘‘ مینوں اِک گِٹھا آدمی ویکھنا یاد اے جیہڑا کاؤبوائے دی کالی ٹوپی پہنے ہوئے سی جیہڑی کہ ایس قدر وڈی سی کہ اُوہنے اُوہنوں اِک بونے وانگوں بنا دِتا سی۔ مینوں میرے پُتر دا اِک قدآور آدمی نوں کاؤبوائے دے جوتیاں دے نال سٹیٹسن کاؤبوائے آلی ٹوپی پہنے – گولائیتھ [دیوقامت] وانگوں نظر آن دی کوشش کردے ہوئے سڑک تے جاندے ہوئیاں ویکھنا وی یاد اے! حالانکہ اُوہدا بدن وڈا سی، میرا پُتر اُوہدے تے ہنسیا سی!!! اِک نِکا آدمی وڈا نظر آن دی کوششاں کردا ہویا! اِک وڈا بندہ نِکی جئی جان دے نال، اپنی اندرونی چھوٹائی نوں لُکان دی کوششاں وچ!!

ایہہ دوویں ای آدمی خود نوں ’’مبلغین‘‘ کہلواندے سی۔ لیکن اُو خُدا دی خاطر کُج بہت وڈا کرن لئی اندرونی طور تے بہت زیادہ نِکے سی! کاؤبوائے دے جوتے تے کاؤبوائے دی ٹوپی انسان نوں خُدا لئی بہت کُج کرن لئی اندرونی طور تے ایناں وڈا نئیں بنا پاندی اے!

اِک مبلغ نوں کی کرنا چائیدا اے جدوں خُدا اُوہنوں کُج اُو کرن لئی کہندا اے جیہڑا اُو جانندا اے کہ شاید اصل وچ مسئلہ کھڑا کر دے تے شاید اُوہدی کلیسیا نوں وی تقسیم کر دے؟ ٹھیک اے، اُوہنوں واقعی چہ دعا کرنی چائیدی اے تے اُوس معاملے وچ خُدا توں رہنمائی لینی چائیدی اے۔

ایتھے اِک گل اے جیہڑی میرے نال رونما ہوئی۔ ساری کہانی نوں دسے بغیر، میں بس صرف ایناں کہواں گا کہ میں آہستہ آہستہ احساس کرنا شروع کر دِتا کہ لاس اینجلز دے اندرون شہر وچ ساڈے گرجا گھر وچ لوکاں دی اکثریت بُری ثقافت نال آئی سی۔ اُو بس ایناں ای کر پاندے سی کہ اِتوار دے دِن گرجا گھر وچ ہون۔ اُوہناں دے کول کوئی تصور نئیں سی کہ کیویں سچے طور تے اِک مسیحی گھر پان تے اُو یاد نئیں رکھ پاندے، یا اصل وچ رکھ پاندے ہون، منبر توں میرے ذریعے نال کی تعلیم دِتی گئی سی۔ میں آسانی نال ہار منن وچ یقین نئیں رکھنا آں۔ لہٰذا میں منادی کردے رہنا تے کلیسیا دی رہنمائی کردے رہنا جاری رکھیا۔ ایدے باوجود ہر چند وریاں وچ اندرون شہر توں سرکش لوکی گرجا گھر دی اِک ہور تقسیم دا سبب بن جاندے – اِک دے بعد دوجے۔ میں اِک طویل مدت تیکر کُج وی تبدیل نئیں کیتا لیکن مسائل دور نئیں ہوئے سی۔ بالاآخر خُداوند نے میری توجہ کلام پاک دی دو تلاوتاں ول کروائی:

(1) متی 7:6 .

’’پاک شے کُتّیاں نوں نہ پا تے نہ ای اپنے موتی سؤراں دے اگے پا کِتھے اینج نہ ہوئے کہ اُو اُوہناں نوں پیراں توں روند کے پلٹن تے تہانوں پھاڑ دین گے‘‘ (متی7:6)۔

(2) لوقا 10:10۔11 .

’’جے تُسی کسی اینج دے شہر وچ قدم رکھو جیتھے دے لوکی تہانوں قبول نئیں کردے تے اُوس شہر دی گلیاں وچ جا کے کہوو کہ اسی تہاڈے شہر دی گرد نوں وی جیہڑی ساڈے پیراں چہ لگی ہوئی اے تہاڈے لئی جھاڑ دینے آں مگر ایہہ یاد رکھو کہ خُدا دی بادشاہی نزدیک آ پہنچی اے‘‘ (لوقا10:10۔11)۔

میں خود اپنے باطن وچ جانندا سی کہ خدا چاہندا اے ساڈا گرجا گھر تیجی دُنیا وچ مبلغین دی مدد لئی ساڈی ویب سائٹ تے اِک مشنری رسائی حاصل کرے۔ لیکن ساڈے اندرون شہر گرجا گھر وچ زیادہ تر لوکاں دی ثقافت (اُوہناں دی ثقافت دی وجہ توں) کدی وی اِک گرجا گھر دی تعمیر دے قابل نئیں ہو پائے گی جیہڑا اُو کرن لئی ایس قدر مضبوط ہوئے جیہنوں میں جاننا آں خُدا چاہندا اے کہ اسی کریے۔

میں کدی وی مصیبت وچ نئیں نٹھیا۔ زبور 27 کئی وریاں تیکر میرا ذاتی زبور رہیا اے۔ آخیرلی دو آیتاں مینوں چنگے تے بُرے حالات توں لنگہن وچ مدد دیندی رئیاں نے۔ اُوہناں دو آیتاں نوں کھولو تے جدوں میں اُوہناں نوں پڑھاں تے کھلو جاؤ – زبور 27:13، 14 .

’’مینوں ہُن ایس گل دا یقین اے کہ میں زندیاں دی زمین تے خداوند دے احسان نوں ویکھ لواں گا۔ خداوند دا انتظار کر؛ مضبوط ہو تے حوصلہ رکھ تے خداوند دی آس رکھ‘‘ (زبور27:13، 14)۔

تُسی تشریف رکھ سکدے اُو۔ ایویں میں کدی وی جلدی وچ فیصلے نئیں کیتے۔ ’’میں کہنا واں خُدا دی آس رکھو‘‘ (27:14).

لنگدے ہوئے ہفتیاں تے مہینیاں وچ، میں زبور 27:13۔14 آیات تے متی تے لوقا دی آیات دے نال اُوہناں دِناں جدوجہد کردا رہیا۔ بالاآخر میں اپنے لوکاں نوں ایہہ سِکھانا شروع کر دِتا کہ ہُن اندرون شہر نوں چھڈن دا ویلہ آ چُکیا اے تے اِک بہتر ثقافت نال تعلق رکھن آلے لوکاں، چینیاں تے دوجے مشرقی لوکاں دے نال اِک گرجا گھر شروع کرو جیہڑے لاس اینجلز دے مضافاتی علاقے وچ رہندے سی۔ جیویں کہ میں ایناں شیواں نوں سِکھایا سی میں جانندا سی کہ ایہہ ساڈے گرجا گھر چہ تقسیم کرے گا۔ میں جانندا سی کہ ساڈے زیادہ تر لوکی اندرون شہر وچ رہنا چاہن گے۔ اِک گرجا گھر جیہڑا اِک سٹور دے سمنے آلے حصے آلے گرجا گھر توں بمشکل ای وڈا سی اُوہناں دی ثقافت نوں بہتر انداز چہ قبول کر پائے گا۔ تُسی خود توں ویکھ سکدے اُو کہ اُوہناں دی ثقافت ٹیلی ویژن تے خبراں ویکھن نال سی، اُوس عَدم توازن تے فتنہ و فساد نال سی جیہڑا اوتھے ہر رات نوں ہوندا اے۔ میں جانندا سی کہ ساڈے گرجا گھر نوں اِک وڈی تقسیم توں لنگنا پئے گا اُو کرن لئی جیہڑا خُدا ساڈے توں کروانا چاہندا سی۔

واہ واہ! جوں ای اسی گرجا گھر نوں دوجی تھاں لے جان دے قریب آئے اگلی تقسیم شروع ہو گئی۔ اِک مناد نے ساڈے بے شمار لوکاں دے سمنے میرے نال دھینگا مشتی کرن دی کوشش کیتی۔ اِک دوجے مناد نے اندرون شہر وچ اِک گرجا گھر جیہنوں اُو چاہندا سی برقرار رکھن لئی ’’خُفیہ ملاقاتاں‘‘ شروع کر دِتیاں کہ لوکاں نوں بھرتی کرے۔ اِک تیجے مناد نے اپنی تے اپنی ووہٹی دی فحش تصویراں لہایاں تے اُوہناں نوں انٹرنیٹ تے پا دِتا۔ گرجا گھر دا صبر ٹُٹ گیا تے اندرون شہر دے ہجوم نے اینج دے طریقیاں نال بغاوت کر دِتی جیہنوں بہتر ثقافت تے ماحول دے اِک مبلغ دے ذریعے نال مانا نئیں جاندا۔ مینوں اُو دِن یاد اے جدوں بے شمار لوکاں نے چھڈیا جیہنوں میرے نوجوان ’’مبلغ مُنڈے‘‘ نے سوچیا سی کہ ایہہ گرجا گھر دا خاتمہ سی – تے خود وی چھڈ کے چلا گیا۔ لیکن خُداوند نے مینوں کامل سکون بخشیا کیوں جے میں ویلے توں پہلاں ای جانندا سی کی ہوئے گا۔ تے فیر کورونا وائرس نے حملہ کر دِتا! میرے پُتر رابرٹ نے مرکزی علاقے وچ ساڈی عمارت نوں فروخت کیتا تے ڈاکٹر کیگن نے مضافات وچ اِک دوجا گرجا گھر لبیا جیہنوں اساں خرید لہیا۔

اُو دو بندے جنہاں نے وڈا نظر آن لئی کاؤ بوائے آلی ٹوپی پہنی سی ساڈے دو تہائی لوکاں دے نال نٹھ کھلوتے۔ کورونا وائرس دی وجہ توں، ویڈیوز تے منادی دے نال، سانوں گھراں وچ ملاقاتاں کرنی پئیاں۔

عمر دے 80ویں ورے وچ، اِک نیا گرجا گھر شروع کرنا، ایہہ میرے وگرے اِک بندے لئی اِک انتہائی غیر معمولی گل اے۔ میں واقعی چہ ایہہ نئیں کر پایا ہوندا جے ڈاکٹر کیگن Dr. Cagan، میری پیاری ووہٹی تے میرے پُتر ساڈے نال نہ ہوندے۔ ’’مسیح جیہڑا مینوں طاقت بخشدا اے اُوہدی مدد توں میں سب کُج کر سکنا واں‘‘ (فلپیوں4:13)۔

مہربانی نال جدوں میں زبور 23 پڑھاں تے کھلوو۔

’’خُداوند میرا چوپان اے؛ مینوں کوئی کمی نئیں ہوئے گی۔ اُو مینوں سبز و شاداب چراگاہاں وچ بِٹھاندا اے، اُو مینوں سکون بخش چشمیاں دے کول لے جاندا اے تے میری جان نوں بحال کردا اے۔ اُو اپنے ناں دی خاطر صادقت دی راہواں تے میری رہنمائی کردا اے۔ خواہ میں موت دی تاریک وادی وچوں ہو کے لنگاں، میں کسی بلا توں نئیں ڈراں گا کیوں جے تُو میرے نال اے۔ تیرا عصا تے تیری لاٹھی مینوں تسلی بخشدے نے۔ تُو میرے دشمناں دے روبرو میرے لئی دسترخوان بچھاندا اے۔ تُو میرے سر تے تیل ملدا اے؛ میرا پیالہ لبریز ہوندا اے۔ یقیناً بھلائی تے رحمت عمر بھر میرے نال نال رہن گئیاں، تے میں ہمیشہ خداوند دے گھر وچ سکونت کراں گا‘‘ (زبور23:1۔6)۔

مہربانی نال ساڈا حمدوثنا دا گیت فیر گاؤ!

کی میں صلیب دا اِک سپاہی واں، برّے دے پیچھے چلن آلا،
تے کی مینوں اُوس دے مقصد نوں اپنان توں خوفزدہ ہونا چائی دا اے، یا اُوس دا ناں بولن توں شرمندہ ہونا چائی دا اے؟

کی مینوں آسمان تے سہولت دے پھولاں آلے بستراں تے لے جایا جانا چائی دا اے،
جدوں کہ دوجے انعام جیتن لئی لڑن، تے خونی سمندراں وِچوں گزرن؟

کی میرا سامنا کرن لئی کوئی دشمن نئیں؟ کی مینوں سیلاب وِچ شامل نئیں ہونا چائی دا اے؟
ایس غلیظ دُنیا وِچ اِک دوست نوں فضل دلان لئی، مینوں خُدا تیکر پہنچان لئی؟

یقیناً مینوں لڑنا چائی دا اے، جے مینوں حکومت کرنے اے؛ خُداوندا! میرے حوصلے نوں ودھا،
میں سختیاں نوں جھیلاں گا، درد نوں برداشت کراں گا، تیرے کلام دے سہارے دے وسیلے نال۔
(’’کی میں صلیب دا اِک سپاہی آں؟Am I a Soldier of the Cross?‘‘ شاعر ڈاکٹر آئزک واٹز Dr. Isaac Watts، 1674۔1748)۔

+ + + + + + + + + + + + + + + + + + + + + + + + + + + + + + + + + + + + + + + + + + + +

جے تُسی ہُنے تیکر نجات نئیں پائی اے تے میں چاہنا آں تُسی ہُنے یسوع مسیح تے پرہوسا کرو۔ اُو آسمان توں تھلے تہاڈے گناہواں دا کفارہ ادا کرن دی خاطر صلیب تے قربان ہون لئی آ گیا۔ جیس لمحے تُسی یسوع تے پرہوسا کردے اُو، اُوہدا لہو تہانوں تمام گناہواں توں پاک صاف کر دئے گا۔ مین دعا منگنا آں کہ تُسی ہُنے یسوع تے پرہوسا کرو۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔