Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 43 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




خُداوند دی آن آلی بادشاہت وچ عظمت!

GLORY IN GOD’S COMING KINGDOM!
(Punjabi – A Language of Pakistan)

ٹِموتھی لِن وَلّوں، پی ایچ۔ ڈی۔،
سابقہ پاسٹر، پروفیسر تے صدر سیمنری۔
یوجین میرِل، پی ایچ۔ ڈی۔ وَلّوں تعارف،
پرانے عہدنامے دے مشہورومعروف پروفیسر
ڈلاس تھیالوجیکل سیمنری۔
by Timothy Lin, Ph.D.,
Former Pastor, Professor and Seminary President.
Introduction by Eugene Merrill, Ph.D.,
Distinguished Professor of Old Testament,
Dallas Theological Seminary.


پاسٹر ایمریٹس ڈاکٹر آر۔ ایل۔ ہائیمرز، جونیئر وَلّوں
لاس اینجلز دی بپتسمہ دین آلی عبادت گاہ وچ دِتا گیا اِک واعظ
خداوند دے دِن دی دوپہر، 5 جولائی، 2020
A sermon preached by Dr. R. L. Hymers, Jr., Pastor Emeritus
at the Baptist Tabernacle of Los Angeles
Lord’s Day Afternoon, July 5, 2020

واعظ توں پہلاں حمدوثنا دا گیت گایا: ’’کی میں صلیب دا اِک سپاہی آں؟Am I a Soldier of the Cross?‘‘ (شاعر ڈاکٹر آئزک واٹز Dr. Isaac Watts، 1674۔1748)۔
واعظ دے دوران کورس گایا گایا: اُوہ اوہی تے جلال ہوئے گا O That Will be Glory‘‘
     (شاعر چارلس ایچ۔ گیبرئیل Charles H. Gabriel، 1856۔1932)۔


مہربانی نال بائبل وچوں پیدائش1:26 آیت کھولو۔ کھلو جاؤ جدوں میں اینوں پڑھاں۔

’’تے خُدا نے کہیا، آؤ اسی انسان نوں اپنا ہم شکل تے اپنی شبیہ تے بنائیے تے اُو سمندر دیاں مچھیاں، ہوا دے پرندیاں، مویشیاں تے ساری زمین تے، تے اُوہناں تمام جانداراں تے جیہڑے زمین تے رینگدے نے اختیار رکھے‘‘ (پیدائش1:26)۔

تُسی تشریف رکھ سکدے اُو۔

+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

ڈاکٹر ٹموتھی لِن Dr. Timothy Lin نے کہیا، ’’ایہہ آیت سانوں دسدی اے کہ خُدا نے کیویں انسان نوں بنایا تے کیوں اِنسان نوں بنایا – اُوس سب تے جیہنوں [خُدا] نے تخلیق کیتا حکمرانی کرن لئی… ایہہ ظاہر کرن لئی کہ ہر اِک شے جیہڑی خُدا نے بنائی انسان اُوہدے تے حکمرانی کرن لئی بنایا گیا سی (ویکھو عبرانیوں2:7۔8)۔‘‘

کہ ہر اِک شے جیہڑی خُدا نے بنائی انسان اُوہدے تے حکمرانی کرن لئی بنایا گیا سی بنیادی طور تے مستقبل دی بادشاہت نال تعلق رکھدی اے جیدا اُوس ویلے احساس ہوئے گا جدوں [مسیح] قوت تے عظیم جلال دے نال فیر آئے گا۔ لیکن جے اُو بادشاہت مستقبل اے، تے فیر یسوع نے کیوں کہیا، ’’خُداوند دی بادشاہت تہاڈے وچکار ای اے‘‘ (لوقا17:21)؟

ایہہ گل بادشاہت دے ویلے دے دو دورانیاں دا انکشاف کردی اے۔ جدوں یسوع نے کہیا، ’’آسمان دی بادشاہت تہاڈے وچکار اے‘‘ (لوقا 17:21). تے اُوہنے تیاری دی بادشاہت دے بارے چہ گل کیتی سی، جیہڑی حالیہ طور تے تمام مسیحیاں نوں اُوس بادشاہت دا عملہ بنن دی تربیت پان دا موقع پیش کرن لئی وجود رکھدی اے جیہنوں ساڈے لئی تیار کرن دی خاطر مسیح گیا (یوحنا 14:3). دوجے لفظاں وچ خُدا دی بادشاہت دا اِک تیاری دا ویلہ اے تے اِک نتیجے دا ویلہ اے۔ خُدا دی بادشاہت دے دو دورانیے نے: اُو موجودہ بادشاہت ساڈی تیاری دی خاطر اے، تے مستقبل دی بادشاہت ہوئے گی ساڈی میراث پان لئی جدوں مسیح لوٹے گا! یسوع انکشاف کردا اے کہ آن آلی دائمی بادشاہت ہُنے ایس دُنیا دی نئیں اے (یوحنا 18:33۔36)، تے کلیسیا تقریباً 2,000 وریاں توں دائمی بادشاہت دے آن لئی دعاواں منگدی رئی اے۔ متی 6:10 آیت کھولو۔

’’تیری بادشاہی آئے۔ تیری مرضی جیویں آسمان وچ پوری ہوندی اے زمین تے وی ہوئے‘‘ (متی6:10)۔

یقینی طور تے اُوس جلالی واقعہ دا ویلہ پہلاں توں وی زیادہ قریب تر ہوندا جا رہیا اے۔

خُدا دی تے شیطان دی دوویں بادشاہتاں اِیس ویلے
پہلو بہ پہلو وجود رکھدیاں نے

اشعیا14:12 آیت کھولو تے جدوں میں اینوں پڑھاں تے کھلو جاؤ۔ بابل دے بادشاہ دی بابت اشعیا نے کہیا،

’’اے صبح دے ستارے، فجر دے پُتر، اُو لوسیفر، تو کیویں آسمان توں ڈِگ پیا! تُو جیہڑا کسی زمانے وچ قوماں نوں زیر کردا سی، خود وی زمین تے پٹکیا گیا! کیوں جے تُو اپنے دِل وچ کہندا سی، میں آسمان تے چڑھ جاواں گا تے اپنا تخت خُدا دے ستاریاں توں وی اُوچا کراں گا: میں اُوس مقدس پہاڑ دی بالائی چوٹیاں تے جماعت دے پہاڑ تے تخت نشین ہواں گا: میں بدلاں دے سراں توں وی اُوچا چڑھ جاواں گا؛ میں خدا تعالیٰ وانگوں بناں گا۔ لیکن تُو قبر وچ اُتارا گیا بالکل پاتال دی تہہ چہ‘‘ (اشعیا14:12۔15)۔

تُسی تشریف رکھ سکدے اُو۔ واضح طور تے اشعیا مغرور بابلی شُلطان دا موازنہ شیطان دے ڈِگن نال کر رہیا اے (لوقا10:18، مکاشفہ9:1، 11؛ 12:4)۔

شیطان دے ناں دا مطلب ہوندا اے ’’دشمن‘‘ (بنیادی طور تے خدا دا، تے دوجے ول کلیسیا دا)۔ پاک صحائف سانوں خبردار کردے نے کہ سانوں شیطان دیاں سکیماں توں لاعلمی نئیں برتنی چائیدی اے، تے احتیاط کرنی چائیدی اے کِتھے اُو ساڈا فائدہ ای نہ چُک لوے (2۔ کرنتھیوں 2:11). بائبل دی ایس سچائی دی لاعلمی دی وجہ توں، کرھیٹن Kreighton نے کمزور تے سادہ لوح لوکاں نوں عصریت پسندی [اینٹی مونیئن اِزم] دے مذہب دی گرفت وچ لے لہیا – جے تُسی میرے نال آندے اُو تے تُسی جو وی محسوس کردے اُو کر سکدے اُو! کرھیٹن دے واعظاں دا مطالعہ کرن دی وجہ توں میں تے ڈاکٹر کیگن ایہہ گل جاننے آں۔ اُو ڈاکٹر ہائیمرز تے ڈاکٹر کیگن نوں بھیانک بندیاں دے طور تے پیش کردا اے، جنہاں توں اُو اُوہناں نوں آزاد کروان لئی آیا اے! بِلاشبہ ایہہ شیطانی اے!

شیطان تنہا کم نئیں کردا اے۔ اُوہدے کول اِخلاقی طور تے ڈِگے ہوئے دوجے فرشتے نے جیہڑے اُوہدے نال کم کردے نے۔ افسیوں 6:12 انکشاف کردی اے کہ شیطان دے کول اپنی قیادت وچ بے شمار بدروحاں نے۔ افسیوں 6:12 کھولو۔ جدوں میں اینوں پڑھاں تے مہربانی نال کھلو جاؤ۔

’’کیوں جے سانوں لہو تے گوشت یعنی انسان توں نئیں بلکہ تاریکی دی دُنیا دے حاکماں تے اِختیار آلیاں تے شرارت دی روحانی فوجاں نال لڑنا اے جیہڑیاں آسمانی مقاماں وچ نے‘‘ (افسیوں6:12)۔

تُسی تشریف رکھ سکدے اُو۔

شیطان دے کارندے مذہب نوں وی متاثر کردے نے۔ شیطان ’’راستبازی دے خادم‘‘ دی حیثیت نال بھیس بدلے ہوئیاں لوکاں نوں منبر تے ہون نوں خصوصی طور تے پسند کردا اے (2۔ کرنتھیوں 11:15). صرف ایس وجہ نال کہ اِک ’’پادری‘‘ نے مذہب وچ ڈگری حاصل کیتی ہوئی اے ایدا مطلب ایہہ نئیں ہوندا اے کہ اُو ’’فیر جنم‘‘ لے چُکیا اے یا کہ اُو یسوع مسیح دا خادم اے۔ ڈاکٹر اے۔ ڈبلیو۔ ٹوزر Dr. A. W. Tozer نے کہیا،

’’اِک بندے نوں علمِ الہیات سِکھن لئی متقی ہون دی لوڑ نئیں اے۔ واقعی، میں حیرت وچ آں کہ آیا زمین دے کسی وی مدرسے وچ اینج دا کُج سِکھایا جا سکدا اے جیہڑا [قزاقاں] یا دھوکہ دہی دے نال نال کسی قدامت پسند مسیحی دے ذریعہ وی نئیں سِکھیا جا سکدا سی۔‘‘ (’’اُو ناقابل یقین مسیحی اےThat Incredible Christian،‘‘ صفحہ 56)۔

تیاری وچ موجودہ بادشاہت

اِک مضبوط بادشاہت قائم کرن لئی، تیاری دا اِک ویلہ درکار ہوندا اے۔ خُدا نے داؤد دی بادشاہت نوں قائم کرن لئی کئی ورے لئے سی۔ خود خُدا دی اپنی بادشاہی وی کوئی مختلف نئیں اے۔ جدوں خدا نے انسان نوں تخلیق کیتا، اُوہنے ساڈے لئی خواہش کیتی کہ جیہڑا کُج اُو تخلیق کر چُکیا سی اُوہدے وچوں ہر شے تے حکمرانی کراں۔ لیکن ساڈے پہلے ماں پیو شیطان توں دھوکہ کھا گئے تے اپنے حکمرانی دے اِختیار نوں کھو دِتا۔ ایدے باوجود خُدا نے شکست نئیں کھائی سی تے اپنی آن آلی بادشاہی تے حکمرانی کرن لئی سانوں تیار کردے رہنا جاری رکھیا، جیدے بارے وچ یسوع نے کہیا ’’دُنیا دے بنائے جان دے ویلے توں ساڈے لئی تیاری کیتی گئی سی‘‘ (متی 25:34). ساڈے کول اپنی مثالاں لئی ابراہام، اضحاق تے یعقوب نے، جنہاں نوں پہلاں تربیت دِتی گئی تے تے فیر خُدا دے وسیلے نال اُوہدی بادشاہی وچ اِفراد کار [عملے] لئی چُنے گئے۔ ساڈے کول ایہہ اُمید وی اے کہ اِک دِن اسی اُوہناں دے نال خُدا دی بادشاہی وچ ضیافت وچ شامل ہواں گے (ویکھو متی8:11)۔

زمین تے بادشاہی قائم کرن لئی زمین، اِختیار تے لوکاں دی لوڑ ہوندی اے۔ ایناں تِناں وچوں تیار کرن لئی کیہڑی کلیسیا لئی چھڈی گئی اے؟ ایہہ لوکی نے، بادشاہی دے اہلکار یا عملہ نے، غالب آن آلے اُو لوکی جیہڑے اُوہدی آن آلی بادشاہی وچ مسیح دے نال حکمرانی کرن لئی اہل نے۔ جیویں کہ پاک کلام کہندا اے، ’’اُو جیہڑا غالب آئے گا، میں اُوہنوں اپنے نال اپنے تخت تے بِٹھاواں گا‘‘ (مکاشفہ3:21)۔

ایناں آخیرلے ایام وچ کلیسیا دے اراکین دے کول کلیسیا دا یا بادشاہی دا واضح تصّور نئیں ہوئے گا۔ کلیسیا لئی خُدا دا مقصد غالب آن آلیاں [بادشاہی دے اہلکاراں] دی تربیت کرنا اے۔ ایہہ بھلایا جا چُکیا اے یا مکمل طور تے انجانا اے۔ تعجب دی کوئی گل نئیں اے کہ اج کلیسیاواں دی اِک بہت وڈی اکثریت پرانے ویلیاں دے اسرائیل وانگوں اے – بیابان وچ دائریاں چہ آوارہ گردی کردے پھرنا، وعدے دی سرزمین کنعان وچ داخل ہون لئی نااہل۔ لیکن کلیسیا نوں خُدا سکول ہونا چائیدا اے، غالب آن آلیاں [بادشاہی دے اہلکاراں] دی تیاری کروان لئی تربیتی مرکز۔ جے لنگے وریاں وچ کلیسیا ایہہ گل سمجھ چُکی ہوندی، تے کلیسیا دے اراکین پہلاں ای توں تربیت یافتہ ہوندے تے اِمتحان دے چکے ہوندے تے میراث دی بادشاہی کافی عرصہ پہلاں ای آ چُکی ہوندی۔

بادشاہت اہم کیوں اے

گرجا گھراں دی ترقی نہ ہون دی اہم وجوہات وچوں اِک ایہہ اے کیوں جے اراکین وچ مستقبل چہ شان و شوکت دی اُمید دی کمی اے۔ چونکہ اُوہناں دے کول اُمید نئیں اے، گرجا گھر دے بے شمار اراکین دی خُداوند یسوع لئی محبت سرسری اے تے اُوس [یسوع] لئی اُوہناں دی عبادت غیر سنجیدہ اے۔ اُمید، اِک شاندار مستقبل دی توقع، لوکاں نوں اگے ودھن دی ترغیب دیندی اے۔ ایدے توں اُو برداشت تے خوشی دے نال نال اپنے مقصد ول جدوجہد کرن دے قابل وی ہو جاندے نے۔ مستقبل دی شان و شوکت دی اُمید دی وجہ توں۔

خُدا دا ارادہ اے کہ بادشاہت دے وارث ہون دی ساڈی خواہش سانوں فرمانبردار رہن دی ترغیب دے گی، مستقبل دی حقیقت نوں پان دی خاطر، قربانی نال تعلق رکھن آلی حیاتی ہُنے گزارو! پاک کلام کہندا اے، ’’جیہڑا غالب آئے گا میں اُوہنوں اپنے نال اپنے تخت تے بِٹھاواں گا، جیویں میں غالب آیا تے اپنے پیو دے نال اُوہدے تخت تے بیہہ گیا‘‘ (مکاشفہ3:21)۔

[ڈاکٹر لِن دے ایس اِصرار دی وجہ توں میں اُوہناں دے گرجا گھر وچ پہلے دس وریاں لئی اِک غالب آن آلا بن گیا۔ میرا منصوبہ دِن دے 16 گھنٹے، ہفتے دے ستوں دِن مشکلاں توں لنگنا سی، تے فیر خود میرے اپنے گھریلو گرجا گھر توں چینیاں لئی اِک مشنری بننا سی۔ لیکن بعد چہ مینوں پتا چلیا کہ اُو مینوں کدی وی اپنے مشنری دی حیثیت نال نئیں بھیجن گے کیوں جے میں اِک چینی نئیں سی۔ ایویں میرے کول کوئی فوری مقصد نئیں بچیا، تے ایویں میں کئی وریاں تیکر بھٹکدا پھریا، آخر کار ہُن جا کے کِتھے میں چینیاں لئی تے ’’تیجی دُنیا‘‘ لئی اپنی ویب سائٹ دے ذریعے نال اِک مشنری ہون دی اپنی بُلاہٹ نوں پورا کرن دے قابل ہویا آں۔]

ڈاکٹر لِن دی تعلیمات اپنے تیار کردہ بے شمار چینی پادری صاحبان لئی چنگی سی۔ تے اینے مینوں ثابت قدمی دا درس دِتا، بے شک اُوہدے مشنری دی حیثیت نال نئیں۔ کُج لوکی سوچدے نے میں چرچل توں ثابت قدم رہنا سِکھیا اے۔ لیکن ایہہ صرف جُزوی سچائی اے۔ میرے ’’کدی نہ ہارن آلے‘‘ رویے دا ماخذ حقیقی طور نال ڈاکٹر لِن دی غالب آن آلا بنن دی تعلیمات نال سی! میں کدی وی ہمت نئیں ہاری کیوں جے مینوں میرے پیارے پادری صاحب ڈاکٹر ٹِموتھی لِن Dr. Timothy Lin وَلّوں غالب آن آلا بنن دی تعلیم ملی سی۔ اِک مشنری دی حیثیت نال مینوں بُلان وچ خُدا دے رحم دی حیثیت نال ایہہ مینوں صرف ہُن ای وکھائی دِتا اے!

مسیح دی ابدی بادشاہی دی اہمیت تے زور دین دی لوڑ اے تاں جے مومنین نوں خدا دی عظمت دے مطابق اپنی روزمرہ دی حیاتی لنگان دی زبردست اہمیت ول راغب کیتا جا سکے – نجات حاصل کرن لئی نئیں، بلکہ مسیح دی آن آلی بادشاہی وچ اپنا راج حاصل کرن لئی، تے غالب آن آلیاں دی حیثیت نال ایدے وچ اپنے مستقبل لئی۔

اُو بادشاہت انسان دی تخلیق لئی خُدا دا مقصد سی

تمام مخلوقات دے نال زمین دی تخلیق کر چکن دے بعد، کلام پاک سانوں دسدا اے کہ خُدا نے کہیا، ’’آؤ اسی انسان نوں اپنا ہم شکل تے اپنی شبیہ تے بنائیے تے اُوہناں نوں حکمرانی کرن دئیے‘‘ (پیدائش 1:26). اُو آیت سانوں دو گلاں سِکھاندی اے: پہلی، خُدا نے انسان نوں کیویں تخلیق کیتا، تے دوجی، اُوہنے کیوں انسان نوں تخلیق کیتا۔ جدوں خُدا نے باقی سب کُج تخلیق کر لہیا، ’’اُوہنے حکم دِتا تے اُو تخلیق ہو گئے‘‘ (زبور148:5)۔

خُدا دا انسان نوں تخلیق کرنا، تاہم کِتھے زیادہ پیچیدہ سی۔ ’’آؤ اسی انسان نوں بنائیے‘‘ تثلیث ول حوالہ دیندا اے۔ مارٹن لوتھر نے کہیا کہ ’’اسی‘‘ تثلیث لئی حوالہ اے۔ بائبل تعلیم دیندی اے کہ انسان نوں تثلیث وچ اِک ہستی دی شکل تے شبیہ تے تخلیق کیتا گیا اے۔ پس، آدم تے حوّا [مسیح دی] منکشف بیرونی ہیت دے مطابق بنائے گئے سی۔ آدم تے حوّا نوں کافی خوش شکل تخلیق کیتا گیا سی کیوں جے بائبل کہندی اے، ’’خُدا نے ویکھیا کہ ایہہ چنگا سی۔‘‘ ’’چنگا‘‘ لئی عبرانی لفظ دا مطلب ’’خوبصورت‘‘ ہوندا اے جیویں کہ (پیدائش 24:16) وچ ربیکا تے موسیٰ چھوٹے بچے (خروج 2:2) نوں بیان کیتا گیا اے۔

اج نسل انسانی تے زمین اپنی ظاہری شکل وچ بدصورت ہو چکے نے تے طرزِ عمل چہ بغاوت کر رئے نے کیوں جے اُو گناہ دی وجہ نال خراب ہون توں ٹُٹی ہوئی اشیا نے۔ انسان دا کمزور تے گناہ نال داغدار بدن اُوس ویلے بحال ہو جائے گا جدوں ’’خُداوند یسوع مسیح… ساڈے فانی بدن دی شکل نوں بدل کے اُوہنوں اپنے بدن وانگوں جلالی بنا دئے گا‘‘ (فلپیوں3:20۔21)۔

اُو میرے لئی خوش خبری اے! آن آلی بادشاہت وچ میں یسوع وانگوں ہواں گا – میں تقریباً 33 وریاں دا ہواں گا، اِک مضبوط جسم دے نال، گہرے بھورے والاں دے اِک چنگے سر دے نال، تے میرے اپنے خود دے مکمل دنداں دے نال۔ میں یسوع ای وانگوں اِک مضبوط شخص ہواں گا۔ بائبل کہندی اے، ’’جدوں اُو ظاہر ہوئے گا تے اسی وی اُوہدے وانگوں ہواں گے، کیوں جے اسی اُوہنوں اوویں دا ای ویکھاں گے جیویں دا اُو اے‘‘ (1یوحنا3:2)۔

مذید ایہہ کہ، میں ہُن گرجا گھر دا عسکریت پسند نئیں رہواں گا۔ میں خُدا دی بادشاہی وچ گرجا گھر دا فاتح ہواں گا! لڑن دی مذید ہور لوڑ نئیں رئی، اُوہدے ناں دی ستائش کرو! تے مسیح نے سانوں غالب آن آلیاں نوں اِک عظیم وعدہ کیتا سی، مکاشفہ 3:11۔13 آیات وچ۔ کھلو جاؤ جدوں میں اینوں پڑھاں۔

’’ویکھو، میں جلد آ رہیا واں۔ جیہڑا کُج تیرے کول اے اُوہنوں سنبھالے رکھ تاں جے تیرا تاج کوئی چھِن نہ لئے۔ جیہڑا غالب آئے گا، میں اُوہنوں اپنے خدا دی ہیکل وچ اِک ستون بنا دواں گا۔ اُو اوتھوں کدی باہر نہ نکلے گا تے میں اُوہدے تے اپنے خدا دا ناں تے اپنے خدا دے شہر دا ناں لکھاں گا یعنی نئے یروشلیم دا ناں جیہڑا میرے خدا وَلّوں آسمان توں اُترن آلا اے تے میں اُوہدے تے اپنا نیا ناں وی تحریر کراں گا۔ جیدے کَن ہون اُو سُنے کہ پاک رُوح کلیسیاواں نوں کی فرماندا اے‘‘ (مکاشفہ 3:11۔13).

ہُن مکاشفہ5:9۔10 آیات کھولو،

’’تے اُو ایہہ نیا گیت گان لگے، تُو ای ایس لائق اے کہ ایس کتاب نوں لے کے اُوہدی مُہراں کھولے، کیوں جے تُو ذبح ہو کے اپنے لہو نال ہر قبیلہ، ہر زبان، ہر اُمت تے ہر قوم توں لوکاں نوں خُدا دے واسطے خرید لہیا۔ تے اُوہناں نوں ساڈے خدا لئی اِک بادشاہی تے کاہن بنا دِتا تے اُو زمین تے حکمرانی کرن گے‘‘ (مکاشفہ 5:9۔10).

’’اسی زمین تے حکمرانی کراں گے‘‘ (مکاشفہ 5:10). ایہہ اے اُو بادشاہت جیدے تے اسی حکمرانی کراں گے – ’’زمین تے۔‘‘ مکاشفہ 2:26 وچ اِک ہور وعدہ اے۔ ایدے تے نظر پاؤ۔

’’تے اُو جیہڑا غالب آئے گا تے آخر تیکر میری مرضی دے مطابق عمل کرے گا، میں اُوہنوں قوماں تے اِختیار دواں گا۔ اُو لوہے دے عصا نال اُوہناں تے حکومت کرے گا، تے اُو کمہار دے پانڈیاں وانگوں چِکنا چُور ہو جان گے۔ میں وی اپنے پیو توں اینج دا ای اختیار پایا اے۔ تے میں اُوہنوں صبح دا ستارہ وی دواں گا۔ جیدے کَن ہون اُو سُنے کہ پاک روح کلیسیاواں نوں کی فرماندا اے‘‘ (مکاشفہ 2:26۔29).

مسیح دی آن آلی بادشاہت وچ سارے غالب آن آلے ہون گے! ہُن مکاشفہ20:6 آیت کھولو۔

’’مبارک تے مُقدّس نے اُو لوکی جیہڑے پہلی قیامت [ریپچر] وچ شریک نے۔ اُوہناں تے دُوجی موت دا کوئی اِختیار نئیں بلکہ اُو خُدا تے مسیح دے کاہن ہون گے تے ہزار وریاں تیکر اُوہدے نال بادشاہی کردے رہن گے‘‘ (مکاشفہ 20:6).

غالب آن آلے لوکی مسیح دے نال خُدا دی بادشاہت وچ 1,000 وریاں تیکر حکمرانی کرن گے!

2 تیموتاؤس4:7۔8 آیات کھولو۔ پولوس رسول نے کہیا،

’’میں اِک چنگی کُشتی لڑ چُکیا۔ میں دوڑ نوں ختم کر لہیا اے تے اپنے ایمان نوں محفوظ رکھیا اے۔ ہُن راستبازی دا اُو تاج میرے لئی رکھیا ہویا اے جیہڑا عادل تے مُنصف خدا مینوں جزا دے دِن عطا فرمائے گا۔ تے نہ صرف مینوں بلکہ اُوہناں سب نوں وی جیہڑے بڑے شوق نال اُوہدے آن دی راہ ویکھدے نے‘‘ (2۔ تیموتاؤس 4:7۔8).

اِک ہور – 1کرنتھیوں15:51۔58 .

’’ویکھو، میں تہانوں اِک راز دی گل دسنا واں۔ اسی سب موت دی نیندر نئیں سوہواں گے لیکن بدل ضرور جاواں گے۔ ایہہ پَلک جھپکدے ای ہو جائے گا یعنی اِک دم جدوں آخیرلا نرسنگا پھونکا جائے گا۔ کیوں جے سارے مُردے نرسنگے دے پھونکے جان تے غیر فانی جِسم پا کے زندہ ہو جان گے تے اسی سب بدل جاواں گے۔ کیوں جے ساڈے فانی جِسم نوں بَقا دے لباس دی لوڑ اے تاں جے ایس مرن آلے جِسم نوں حیاتِ ابدی مل جائے۔ تے جدوں فانی جِسم بَقا دا لباس پہن چُکے گا تے ایہہ مرن آلہ جسم حیاتِ ابدی پالے گا تے پاک کلام دی ایہہ گل پوری ہوئے گی کہ مَوت فتح دا لُقمہ ہو گئی اے۔ اَے موت، تیری فتح کیتھے رئی؟ اَے مَوت! تیرا ڈنک کیتھے رہیا؟ مَوت دا ڈنک گناہ اے تے گناہ دا زور شریعت اے۔ مگر خدا دا شکر ہوئے کہ اُو ہمارے خداوند یسوع مسیح دے وسیلہ نال سانوں فتح بخشدا اے۔ ایس لئی میرے عزیز پراہوو! ثابت قدم رہیو تے خداوند دی خدمت وچ ہمیشہ سرگرم رہیو۔ کیوں جے تُسی جانندے اُو کہ خُداوند چہ تہاڈی محنت بے فائدہ نئیں اے‘‘ (1۔ کرنتھیوں 15:51۔58).

آمین! تُسی تشریف رکھ سکدے اُو!

میں ڈاکٹر اے۔ ڈبلیو۔ ٹوزر وَلّوں اِک حوالے دے نال اختتام کراں گا، جیہنوں ڈاکٹر لِن نے اپنی کتاب ’’خُدا دی بادشاہتThe Kingdom of God‘‘ دے سرورق تے ظاہر کرن لئی چُنیا سی۔ ڈاکٹر ٹوزر نے کہیا،

خُداوند تہانوں تہاڈی روزمرہ دی مسیحی حیاتی وچ تیار کرنا چاہندا اے تاں جے تُسی بِلاشُبہ [مسیح دے نال اُوہدی آن آلی بادشاہت وچ حکمرانی کرن لئی] تیار ہو جاؤ۔ ساڈے وچوں بے شمار [لوکی] کافی مدت توں [نجات] پا چکے نے۔ یاد رکھنا کہ خدا ساڈے انساناں وچ دن بہ دن، ورے با ورے کوئی خاص کم کرن دی کوشش کردا رہیا اے۔ کیوں؟ کیوں جے [خُدا دا] مقصد اے شمار مُنڈیاں نوں – تے کُڑیاں نوں وی – جلال وچ لہیانا اے! (ڈاکٹر اے۔ ڈبلیو۔ ٹوزر، اُوہناں دے واعظ ’’سانوں جلال ول لہیانا Bringing Us to Glory‘‘ وچوں لہیا گیا)۔

ختم کردے ہوئیاں، مہربانی نال اعمال 14:22 کھولو۔ ایہہ اے جیہڑی پولوس تے برنباس نے دُربے، لُسترہ تے اِکُنیُم وچ نئے مسیحیاں نوں تعلیم دِتی سی:

’’اُو شاگرداں دی حوصلہ افزائی کردے تے اُوہناں نوں نصیحت دیندے سی کہ اپنے ایمان تے مضبوطی نال قائم رہوو تے کہندے سی کہ خدا دی بادشاہی وچ داخل ہون لئی بوہتی مصیبتاں دا سامنا کرنا لازمی اے‘‘ (اعمال 14:22).

یونانی لفظ نے ’’بوہتی مصیبتاں tribulation‘‘ دا ترجمہ ’’تھلِپسسthlipsis‘‘ کیتا اے – جیدا مطلب ’’دباؤpressure‘‘ ہوندا اے۔ لہٰذا اسی کہہ سکنے آں، ’’سانوں خُدا دی بادشاہی وچ داخل ہون لئی بوہتے [دباؤ] دا سامنا کرنا لازم اے۔‘‘

ڈاکٹر ٹوزر نے کہیا، ’’مسیح نوں قبول کرن دا مطلب… اُوہدے بیلیاں نوں اپنے بیلیاں دی حیثیت نال قبول کرنا، اُوہدے دشمناں نوں اپنے دشمناں دی حیثیت نال قبول کرنا، اُوہدے تردید کیتے جان نوں اپنی تردید قبول کرنا، اُوہدی صلیب نوں اپنی صلیب قبول کرنا، اُوہدے مستقبل نوں اپنا مستقبل قبول کرنا… مسیح نوں قبول کرنا جیہڑا کُج وی اُوہدے برعکس اے اُوہدی تردید کرنا ہوندا اے۔‘‘ اینج کرن لئی درکار ہوندا اے کہ تہانوں خُدا دی بادشاہی وچ داخل ہون لئی بوہتے دباؤ دا سامنا کرنا چائیدا اے! اُو جیہڑے ’’دباؤ‘‘ وچوں لنگن توں انکار کردے نے خُدا دی بادشاہی وچ داخل نئیں ہو سکدے! صرف دباؤ وچوں لنگن دے ای ذریعے نال تُسی ساڈا کورس گان دے قابل ہو جاؤ گے۔

کھلو جاؤ تے ساڈا کورس گاؤ،

ہائے اوہی میرے لئی جلال ہوئے گا،
   میرے لئی جلال، میرے لئی جلال۔
جدوں اُوہدے فضل دے وسیلے نال میں اُوہدے چہرے نوں ویکھاں گا،
   اوہی جلال ہوئے گا، میرے لئی جلال ہوئے گا۔
(’’ہائے اوہی میرے لئی جلال ہوئے گا O That Will Be Glory‘‘ شاعر چارلس ایچ۔ گیبرئیل Charles H. Gabriel، 1856۔1932)۔

اِینوں فیر گاؤ!

ہائے اوہی میرے لئی جلال ہوئے گا،
   میرے لئی جلال، میرے لئی جلال۔
جدوں اُوہدے فضل دے وسیلے نال میں اُوہدے چہرے نوں ویکھاں گا،
   اوہی جلال ہوئے گا، میرے لئی جلال ہوئے گا۔

آمین!

اِیس پیغام نوں ٹموٹھی لِن Timothy Lin، پی ایچ۔ ڈی۔ توں لہیا گیا سی، خُدا دی بادشاہی The Kingdom of God، بائبلی مطالعجاتی مسنٹریز انٹرنیشینل Biblical Studies Ministries International، Inc.، www.bsmi.org، 820 بینّت کورٹ Bennet Court، کارمل Carmel، IN 46032، حق اشاعت 1998، نظرثانی شُدہ ایڈیشن، اکتوبر 2002۔

ڈاکٹر لِن وَلّوں دوجیاں کتاباں: پیدائش – اِک بائبل دا علم الہٰیات Genesis – A Biblical Theology، پاک روح The Holy Spirit، لیسیا دی نشو و نما دا راز The Secret of Church Growth۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔