Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔



واعظ توں پہلاں حمدوثنا دا گیت گایا: ’’ خود تیرا راستہ اپنائیے، خُداوندا! Have Thine Own Way, Lord!‘‘ (شاعر ایڈلیڈ اے۔ پولارڈ Adelaide A. Pollard، 1862۔1934)۔


کیویں خدا وَلّوں بخشیا ہویا ساڈا ضمیر سانوں ساڈے لئی خُدا دی مرضی نوں جانن تے فرمانبرداری کرن دے قابل بناندا اے

HOW OUR GOD-GIVEN CONSCIENCE ENABLES US
TO KNOW AND OBEY GOD’S WILL FOR US
(Punjabi – A Language of Pakistan)

ٹِموتھی لِن وَلّوں، پی ایچ۔ ڈی۔،
سابقہ پاسٹر، پروفیسر تے صدر سیمنری۔
یوجین میرِل، پی ایچ۔ ڈی۔ وَلّوں تعارف،
پرانے عہدنامے دے مشہورومعروف پروفیسر
ڈلاس تھیالوجیکل سیمنری۔
by Timothy Lin, Ph.D.,
Former Pastor, Professor and Seminary President.
Introduction by Eugene Merrill, Ph.D.,
Distinguished Professor of Old Testament,
Dallas Theological Seminary.

ڈاکٹر آر۔ ایل۔ ہائیمرز، جونیئر پاسٹر ایمریٹس وَلّوں
لاس اینجلز دی بپتسمہ دین آلی عبادت گاہ وچ دِتا گیا اِک واعظ
خداوند دے دِن دی دوپہر، 28 جون، 2020
A sermon preached by Dr. R. L. Hymers, Jr., Pastor Emeritus
at the Baptist Tabernacle of Los Angeles
Lord’s Day Afternoon, June 28, 2020


مہربانی نال رومیوں 2:14۔15 آیت کھولو۔ کھلو جاؤ جدوں میں اِینوں پڑھاں۔

’’کیوں جے جدوں اُو قوماں جیہڑیاں شریعت نئیں رکھدیاں تے طبعی طور تے شریعت دے مطابق کم کردیاں نے تے شریعت نہ رکھدے ہوئیاں وی اُو خُود اپنے لئی اِک شریعت نے۔ ایویں اُو ایہہ ظاہر کردیاں نے کہ شریعت دے احکام اُوہناں دے دِلاں تے نقش نے تے اُوہناں دا ضمیر وی ایس گل دی گواہی دیندا اے تے اُوہناں دے خیال وی کدی اُوہناں تے اِلزام لگاندے نے، کدی اُوہناں نوں بُری ٹھہراندے نے‘‘ (رومیوں 2:14۔15).

تُسی تشریف رکھ سکدے اُو۔

+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

ضمیر مسیحیاں وچ وی اونج ای کم کردا اے۔ ایدے توں پہلاں کہ اسی عمل کرئیے ضمیر یا تے سانوں [عمل نوں] جاری رکھن لئی حوصلہ دیندا اے یا سانوں رُکن لئی خبردار کردا اے۔

اِک وری فیصلے تے عمل کر لہیا تے ضمیر بولن لئی اپنی واری دا انتظار کردا اے۔ ذہن سُست پین تے جذبات دے ٹھنڈے ہون دے بعد ضمیر دی اواج بولن دا انتظار کردی اے۔

اِک عمل دے پورا ہو جان دے بعد شاید ضمیر فوراً ای نئیں بول پیندا۔ جے ضمیر دی اواج نوں متواتر نظر انداز کیتا جاندا اے، تے ایہہ شاید پِچھے ہٹ جائے لیکن کدی ہمت نئیں ہاردی۔ جلد ای اُو ساڈے پچھلے گناہ دے اپنے فیصلے نوں دہرائے گی تے اِک وری فیر ساڈی مذمت کرے گی۔ جے اسی ساری حیاتی اپنے ضمیر دے فیصلے نوں مسترد کرنے آں تے، ضمیر آن آلی حیاتی وچ فتح پائے گا۔ ’’ایویں اُو ایہہ ظاہر کردیاں نے کہ شریعت دے احکام اُوہناں دے دِلاں تے نقش نے تے اُوہناں دا ضمیر وی ایس گل دی گواہی دیندا اے تے اُوہناں دے خیالات وی کدی اُوہناں تے اِلزام لگاندے نے، کدی اُوہناں نوں بری ٹھہراندے نے۔ جیویں کہ اُوس خوشخبری دے مطابق جیدا میں اِعلان کرنا آں۔ ایہہ اُوس روز ہوئے گا جدوں خُدا، یسوع مسیح دی معرفت آدمیاں دی پوشیدہ گلاں دا انصاف کرے گا‘‘ (رومیوں2:15۔16)۔

1521 وچ شاہی مجلس شوریٰ [ڈائٹ آف ورمز] دے سمنے اپنی مشہور و معروف تقریر وچ مارٹن لوتھر نے کہیا، ’’میرا ضمیر خداوند دے کلام دا پابند اے۔ میں کسی وی گل توں نہ تے منکر ہو سکنا آں تے نہ ای ہوواں گا، کیوں جے ضمیر دے خلاف کوئی وی کم کرنا غیر محفوظ تے خطرناک اے۔‘‘

اِمثال20:27 آیت کھولو۔

’’خداوند دا چراغ، اِنسان دی رُوح نوں ٹٹولدا اے، اُو اُوہدے باطن دا حال دریافت کر لیندا اے۔‘‘

ایہہ انسان دے ضمیر دے بارے وچ گل کردی اے۔ ضمیر خُداوند دا چراغ اے، جیہڑا انسان دے انتہائی باطن نوں ٹٹولدا اے۔ اِیدے تے تبصرہ 1 کرنتھیوں2:11 وچ پیش کیتا گیا اے،

’’کون شخص کسی دُوجے دے دل دیاں گلاں جان سکدا اے سِوائے اُوہدی اپنی رُوح دے جیہڑی اُوہدے اندر اے؟ ایویں ای خدا دے پاک رُوح دے سِوا کوئی دل دیاں گلاں نئیں جان سکدا۔‘‘

ڈاکٹر لِن Dr. Lin نے کہیا، ’’جدوں کوئی مسیحی عادت دی نافرمانی دے ذریعہ ضمیر نوں مسترد کردا اے تے، ضمیر ترک نئیں ہوندا اے۔ ضمیر دی اواج نئیں جاندی اے۔ لیکن جدوں کوئی شخص گناہ کردا رہندا اے تے، اُوہدا ضمیر اکثر جرم دا مرتکب ہوندا رہندا اے تے فیصلے دی وارننگ دیندا اے۔ ضمیر توں خود تے الزام لگان توں بچن لئی لوکی اُوہدی اواج نوں ختم کرن دی کوشش کردے نے۔ جدوں کوئی شخص اپنے ضمیر نال لڑدا اے تے ایہہ اعصابی خرابی دا باعث بن سکدا اے، یا ایس توں وی بدتر، کسی شخص نوں آخر کار دیوانہ بنا دے گا۔ جدوں ساؤل بادشاہ شیطان بن گیا تے اُوہنے داؤد نوں مارن دی کوشش کیتی تے بعد چہ خودکشی کر لئی۔ جدوں یہوداہ نے یسوع نوں دھوکہ دِتا تے اُو ندامت نال بھر گیا ’تے چلا گیا تے خود نوں پھانسی دے دِتی‘‘‘ (متی27:3۔5)۔

نیز ضمیر دی تعمیل وچ بار بار ناکامی جسمانی بیماری دا سبب بن سکدی اے۔ وریاں پہلاں ڈاکٹر لِن اِک خاص چرچ وچ ملاقاتاں کر رئے سی۔ اِک نوجوان خاتون دے اہل خانہ نے ایس میٹنگ وچ شرکت کیتی جیدے چہ نوجوان عورت نوں اپنے نال چٹائی تے لے کے آئے سی۔ ڈاکٹر لِن نوں پتہ چلیا کہ اُو کُڑی فالج دا شکار ہو گئی اے، ہُن اُو کھلون یا چلن دے قابل نئیں رئی۔ ڈاکٹر لِن نے اُوس کڑی نال نجی طور تے ملاقات کیتی۔ اُوہنے ڈاکٹر لِن نوں دسیا کہ اُو اپنے ماں پیو توں بالکل نفرت کردی اے۔ ڈاکٹر لِن نے اُوہنوں دسیا کہ ایہہ خدا دے خلاف اِک خوفناک گناہ اے۔ اُوہناں نے اُوہنوں کہیا کہ اُو ایس گناہ دا اعتراف کرے تے معافی تے پاکیزگی پائے۔ جدوں اُوہنے اینج کیتا تے اُو اُٹھ کے بین دے قابل ہو گئی، تے فیر کھلون دے قابل ہو گئی، تے اُو اپنے خوشی مناندے ہوئے ماں پیو نوں ملن لئی میٹنگ توں باہر چلی گئی!

ایتھے کُج طریقے نے جنہاں توں لوکی اپنے ضمیر نوں ختم کرن دی کوشش کردے نے:


1. شراب تے منشیات دے استعمال دے ذریعے نال۔

2. خود نوں سارا ویلہ مصروف رکھن دے ذریعے نال۔

3. اِخلاقی موقف دے بجائے منطقی انجام تے ڈٹے رہن دے ذریعے نال۔


لیکن آخیر وچ ایناں وچوں کوئی وی گل اِک شخص نوں خوش نئیں کردی۔ ’’بدکار لئی کوئی سکون نئیں اے‘‘ (اشعیا57:20۔21)۔

میں ذاتی طور تے کُج لوکاں نوں جاننا آں جنہاں نوں تبلیغ لئی بلایا گیا سی، لیکن خوف دے مارے ایس بُلاہٹ دی مخالفت کیتی۔ اُو کدی فیر دوبارہ خوش نئیں رئے! اِک شخص نے تے ایتھوں تیکر کہ اپنا گناہ ڈاکٹر کیگن نوں وی دسیا۔ لیکن ایدے نال اُوہنوں کوئی فائدہ نئیں ہویا۔ بائبل کہندی اے، ’’جیہرا اپنے گناہ لُکاندا اے کامیاب نئیں ہوندا، لیکن جیہڑا اقرار کر کے اُوہناں نوں ترک کردا اے اُوہدے تے رحم کیتا جائے گا‘‘ (اِمثال28:13)۔

تُسی پُچھ سکدے اُو، ’’والڈریپ تے چعین نے ساڈے گرجا گھر نوں کیوں تقسیم کیتا؟ کی اُوہناں دا ضمیر نئیں سی؟‘ جی ہاں، لیکن اُوہناں نے اپنے ضمیر نوں مسترد کیتا سی۔ کیوں؟ سب توں پہلاں تے اُوہناں نے ڈاکٹر کیگن نوں مسترد کر دِتا۔ اُو جانندے سی کہ میرے دِل وچ ڈاکٹر کیگن دا اِک خاص اِحترام سی – لیکن اُو اُوہناں دا اِحترام نئیں کردے سی۔ اُو جانندے سی کہ ڈاکٹر کیگن دی حیاتی دی آٰیت 1یوحنا2:17 سی۔

کھلو جاؤ جدوں میں 1یوحنا2:15۔17 آیات پڑھاں۔

’’نہ دُنیا نال محبت رکھو نہ دُنیا دیاں شیواں نال۔ جیہڑا کوئی دُنیا نال محبت رکھدا اے اُوہدے چہ خدا باپ دی محبت نئیں اے۔ کیوں جے جیہڑا کُج دُنیا وچ اے یعنی جسم دی خواہش، اکھاں دی خواہش تے حیاتی دا غرور، اُو خدا وَلّوں نئیں بلکہ دُنیا وَلّوں اے۔ دُنیا تے اُوہدی خواہش، دوویں ختم ہو جان گئیاں لیکن جیہڑا خدا دی مرضی تے چلدا اے اُو ہمیشہ تیکر باقی رہندا اے‘‘ (1۔ یوحنا 2:15۔17).

تُسی تشریف رکھ سکدے اُو۔ اُوہناں نے سوچیا سی ڈاکٹر کیگن عجیب سی۔ اُو ہمیشہ ایویں سوچدے نے جدوں اُو کسی اینج دے شخص نوں ملدے نے جیہڑا خُدا دے کلام نال محبت کردا اے!

اُوہناں نے سوچیا سی میں بہت زیادہ سخت سی۔ لہٰذا اُوہناں نے مینوں وی مسترد کر دِتا۔ اُو کرھیٹن دے نال چلے گئے تے فوراً ای نئے ایونجیلیکلز بن گئے۔ ڈاکٹر لِن نے کہیا،

اُوہناں دے وڈے نقصان لئی بوہتے ہم عصر مسیحی اپنے ضمیر وچ خدا دی اواج نوں ںظر انداز کردے نے۔ اُو خُداوند دے ہر دِن دی تعلیم تے تبلیغ نوں سُنن گے… لیکن شاذ و نادر ای اپنے ضمیر دی اواج نوں سنن گے… ساڈے اندر پیدا ہون آلے ضمیر دی اواج، باطن وچ خدا دا آسمانی ریڈیو، ہمیشہ ساڈی ضروریات نوں پورا کرے گا تے اِک ویلہ چہ اِک قدم ساڈی رہنمائی کرے گا۔ جیہڑا وی ضمیر نوں اپنے قول تے اعمال دی سختی نوں کم کرن دی اجازت دیندا اے، اُو ایدیاں گلاں نوں سچ تے منصف کردا اے، تے اُوہدے اعمال نوں نیک تے صحیح بناندا اے۔

ایس پیغام نوں ٹِموتھی لِن Timothy Lin پی ایچ۔ ڈی۔ توں لہیا گیا اے، پاک روح The Holy Spirit، بائبلی سٹڈیز منسٹریز انٹرنیشنل، Inc.، www.bsmi.org، 820 بینّٹ کورٹ Bennett Court، کارمل Carmel، IN 46032، کاپی رائٹ حقوق 2002 .

خُداوندا، خود تیرا راستہ اپنائیے!

خود تیرا راستہ اپنائیے، خُداوندا! خود تیرا راستہ اپنائیے!
   تو کمہار اے؛ میں مٹی آں۔
مینوں اپنی مرضی دے مطابق سانچے وچ ڈھال،
   جدوں کہ میں انتظار کر رہیا آں، ساکن تے دوزانو ہو کے۔

خود تیرا راستہ اپنائیے، خُداوندا! خود تیرا راستہ اپنائیے!
   مالک، اج ای، مینوں لب تے مینوں آزما!
برف توں ودھ چِٹا، خُدایا، مینوں ہُنے دھو ڈال،
   جدوں میں تیری حضوری وچ عاجزی نال سرنگوں ہونا آں۔
(شاعر ایڈلیڈ اے۔ پولارڈ Adelaide A. Pollard، 1862۔1934)۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔