Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 43 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




واعظ دے دوران کورس گایا گایا: ’’میں تہانوں اِنساناں دا مچھیرا بناواں گا I Will Make You Fishers of Men‘‘ (شاعر ھیری ڈی۔ کلارک Harry D. Clarke، 1888۔1957)۔

یوناہ – حیاتِ نو تے کتاب!

JONAH – THE BOOK ON REVIVAL!
(Punjabi - A Language of Pakistan)

ڈاکٹر آر۔ ایل۔ ہائیمرز، جونیئر وَلّوں
ایمیریٹس پادری صاحب
by Dr. R. L. Hymers, Jr.,
Pastor Emeritus


لاس اینجلز دی بپتسمہ دین آلی عبادت گاہ وچ دِتا گیا اِک واعظ
خُداوند دے دِن دی دوپہر، 21 جون، 2020
A sermon preached at the Baptist Tabernacle of Los Angeles
Lord’s Day Afternoon, June 21, 2020


یوناہ دی کتاب بائبل وچ کیوں اے؟ میں یقین کر چُکیا آں کہ یوناہ دی کتاب دا مرکزی مقصد حیاتِ نو دے بارے چہ سانوں تفصیل نال دسنا اے۔ میں ایس گل نوں کہن توں شروع کراں گا کہ ایہہ کہنا غلط اے کہ مخصوص جسمانی مشکلات جیدا تجربہ انسان کردا اے حیاتِ نو نوں ’’اُجاگر‘‘ کردے نے۔ احمقانہ پن! ایہہ خُداوند اے جیہڑا حیاتِ نو نوں ’’اُجاگر‘‘ کردا اے۔ ایدا جیہڑا کُج اسی کرنے آں اُوہدے نال بہت کم تعلق ہوندا اے۔ اسی حیاتِ نو نوں ’’اُجاگر‘‘ [چنگاری لگانا] نئیں کرنے آں! حیاتِ نو خداوند دے دِل وچ شروع ہوندا اے۔ ایہہ کسی وی اینج دی گل نال جیہڑی اسی کرنے آں نئیں شروع ہوندا اے – حتّیٰ کہ ساڈیاں دعاواں وچی وی نئیں۔ میں ایتھے تہانوں حیاتِ نو نوں کیویں پانا اے اُوہدا کوئی کتابچہ نئیں پیش کر رہیا آں۔ میں تہانوں پیش کر رہیا آں جیہڑا خداوند حیاتِ نو وچ کردا اے۔

+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

I. پہلی گل، سچا حیاتِ نو خوف وچ شروع ہوندا اے۔

یوناہ 1:1۔3 آیات کھولو۔ کھلو جاؤ جدوں میں اِینوں پڑھاں۔

’’خداوند دا کلام اُمتی دے پُتر یوناہ تے نازل ہویا کہ تُو وڈے شہر نینوہ نوں جا تے اُوہدے خلاف منادی کر کیوں جے اُوہدی بدی میرے حضور تیکر آ پہنچی اے۔ لیکن یوناہ خُدا دے حضور نال تُرسیس ول نٹھیا تے یافا پہنچیا تے اوتھے تُرسیس جان آلا جہاز ملیا۔ اُو کرایہ دے کے ایدے وچ سوار ہویا تاں جے اُوہدے نال خداوند دی حضوری توں [دور] تُرسیس نوں جائے‘‘ (یوناہ1:1۔3)۔

آؤ ایدا سمنا کرنے آں۔ یوناہ خُداوند دی حضوری توں نٹھیا سی کیوں جے اُو خوفزدہ سی۔ اُو نینوہ وچ حیاتِ نو دی منادی کرن توں خوفزدہ سی۔

میں اپنی منادی [مذہبی خدمات] دے دوران چار وری خداوند دے نازل کیتے ہوئے حیاتِ نو ویکھ چُکیا آں۔ ہر وری میں خوف نال بھر گیا سی۔ پہلا حیاتِ نو جیہڑا میں ویکھیا سی اُو لاس اینجلز دے پہلے چینی بپتسمہ دین آلے گرجا گھر First Chinese Baptist Church of Los Angeles وچ ہویا سی۔ ڈاکٹر لِن Dr. Lin نے مینوں ایس حیاتِ نو وچ انجیلی بشارت دے واعظاں دی تبلیغ کرن لئی کہیا سی۔ کلیسیا دے سامنے کھلون تے منادی کرن نے مینوں خوف چہ مبتلا کر دِتا سی۔ میں خوفزدہ سی کہ غلط تبلیغ کرن تے ڈاکٹر لِن میری بے عزتی کرن گے۔ لیکن اِک آیت جیہڑی میں زبانی یاد کیتی ہوئی سی اُوہنے مینوں خوف تے قابو پان چہ مدد دِتی سی،

’’کیوں جے خدا نے سانوں بزدلی دی روح نئیں دِتی بلکہ قوت، محبت تے نفس تے قابو رکھن دی روح دِتی اے‘‘ (2 تیموتاؤس1:7)۔

ہر وری جدوں وی ڈاکٹر لِن نے مینوں تبلیغ کرن لئی کہیا میں اُوس آیت نوں خود لئی دُہرایا۔ ایویں میں اپنے خوف تے قابو پایا! میں بے عزتی کیتی جان دے اپنے خوف نوں بھُل گیا تے جیس قدر شدت دے نال ممکن ہو سکیا خوشخبری دی تبلیغ کیتی۔ تے خُداوند نے اُوہناں انجیلی بشارت دے واعظاں نوں درجناں نوجوان چینی لوکاں نوں مسیح دے پان لئی استعمال کیتا!

فیر میں سان فرانسسکو دے قریب بپٹسٹ سیمنری وچ چلا گیا۔ جلد ای میں حیاتِ نو – دی یسوع دی تحریک دے وسط وچ سی۔ لیکن اوتھے میرے زیادہ تر واعظاں نوں قیادت نے مسترد کر دِتا۔ اُوہناں نے کہیا کہ میں شدید سخت سی۔ لہٰذا میں بالاآخر لاس اینجلز واپس آ گیا، ایہہ محسوس کردے ہوئیاں کہ میں ناکام ہویا سی۔

ایتھے میں اِک گرجا گھر شروع کیتا۔ چونکہ ایتھے میری ملامت کرن لئی کوئی وی نئیں سی، میں خوشخبری دی شدید جوش و خروش دے نال تبلیغ کیتی۔ لیکن ایدے نال کوئی حیاتِ نو نئیں آیا۔

فیر مینوں فنڈامنٹالسٹ [بنیاد پسند] بپٹسٹ رہنماواں وَلّوں اِک کنونشن وچ تبلیغ کرن دی دعوت موصول ہوئی۔ ایس ویلے تیکر میں ناکام ہون دے خوف توں ایس قدر بھریا ہویا سی کہ مینوں ایس قدر پسینہ آیا میرے سارے کپٹرے پِج گئے۔ مینوں نئیں معلوم سی کہ اینے وڈے وڈے مبلغین دے جماعت دے سمنے کی تبلیغ کرنی اے۔ ایس لئی میں اُو چھوٹا جیہا واعظ لہیا جیہڑا میرے کول سی تے اُوس تمام قوت دے نال جیہڑی میرے چہ سی اُوہدی منادی کیتی! واقعی چہ اُوس حیاتِ نو وچ سینکڑوں لوکی مسیح وچ ایمان لہیا کے تبدیل ہوئے!

فیر شمالی آئرلینڈ دے شہر بیلفاسٹ وچ اِک بہت وڈے گرجا گھر چہ واعظ دے اِک سلسلے دی تبلیغ لئی مینوں مدعو کیتا گیا۔ ایس وری میں بُری طرح ناکام رہیا سی۔ میں بیلفاسٹ مکمل طور نال بدحال وچ چھڈیا۔

میں واپس لاس اینجلز وچ اپنے گرجا گھر چہ آ گیا تے فیر کوشش کیتی۔ لیکن ایدے وچوں کوئی وی حقیقی حیاتِ نو نئیں آیا۔ فیر میرے تے کینسر تے جوڑاں دے درد دا حملہ ہویا۔ میں تبلیغ کرن لئی کھلوتا نئیں رہ سکدا سی۔ ایس لئی میں اِتوار دی سویر دی عبادتاں وچ میری تھاں تے سیمنری دے اِک طالب علم نوں بولن لئی کہیا۔ لیکن آخرکار اُو چھڈ کے چلا گیا تے ساڈے وچ سچی مچی گرجا گھر دی اِک بہت ہولناک تقسیم ہوئی۔

ہُن میں کرسی وچ بیندا آں تے اُوہناں لوکاں نوں بائبل دی تعلیم دینا آں جیہڑے گرجا گھر دی تقسیم وچ نئیں گئے سی۔ بائبل دا ایہہ مطالعہ [بائبل سٹڈی] اُوہناں سبقاں وچوں اِک اے جیہڑے میں اپنے لوکاں نوں دے رہیا آں

فیر خداوند نے اِک شدید طوفان نازل کیتا تے کافر ملاحاں نوں پتا چلیا کہ یوناہ ای اُو شخص اے جیدی وجہ نال اُو طوفان آیا سی۔ یوناہ 1:12 آیت کھولو، جدوں میں اُوس آیت نوں پڑھاں۔

’’تے اُودوں اُوہنے اُوہناں نوں کہیا کہ مینوں چُک کے سمندر وچ سُٹ دیو تے سمندر تہاڈے لئی ساکن ہو جائے گا۔ کیوں جے میں جاننا آں کہ ایہہ وڈا طوفان میری غلطی دے باعث تہاڈے اُتے آیا اے‘‘ (یوناہ1:12).

ہُن یوناہ1:15 آیت تےنظر پاؤ۔

’’اُودوں اُوہناں نے یوناہ نوں چُک کے سمندر وچ سُٹ دِتا تے سمندر دی لہراں تھم گئیاں‘‘ (یوناہ1:15)۔

II. دوجی گل، سچا حیاتِ نو اِک معجزہ ہوندا اے۔

پہلا معجزہ اُو طوفان سی۔ دوجا معجزہ اُو بہت وڈی مچھلی سی۔ یوناہ 1:17 آیت تے نظر پاؤ۔

’’ہُن خداوند نے یوناہ نوں نگل جان لئی اِک بہت وڈی مچھلی تیار کر رکھی سی۔ تے یوناہ مچھلی دے ٹِڈ وچ تِن دِن تے تِن رات رہیا‘‘ (یوناہ1:17)۔

متی 12:40 آیت وچ اُو لفظ ’’وھیل whale‘‘ ’’کیٹوس kētos‘‘ اے۔ ایدا مطلب ’’اِک 1 بہت وڈی مچھلی‘‘ ہوندا اے۔ میں ہُن ڈاکٹر جے ورنن میگی Dr. J. Vernon McGee دے نال یقین رکھنا آں کہ یوناہ مچھلی دے ٹِڈ وچ مُردہ سی۔ ایتھے ای اے جیتھے ایس ویلے میں آں، اُوس بہت وڈی مچھلی دے ٹِڈ وچ!

میں اپنے 80 ویں ورے وچ آں۔ میرے کھبے گھُٹنے وچ آرتھرائٹس دی وجہ نال ایس قدر شدید درد ہوندی اے کہ میں تبلیغ کرن لئی مذید ہور کھلوتا نئیں رہ سکدا۔ میں اِک جیندے جاگدے مُردہ آدمی وانگوں محسوس کرنا آں۔

اُوس حالت چہ، میں اِک ہفتہ پہلاں جدوں کہ اِک واعظ تے کم کر رہیا سی تے اُوس نہان دے ٹب وچ پِچھے [کمر دے بل] دِگ پیا سی۔ میں ٹب چہ پِچھے ول ڈِگیا سی میرے پاؤں سیدھے اُتے ہوا چہ اٹکے ہوئے سی۔ میرا 245 پاؤنڈ دا وزن میرے سر تے پیا ہویا سی۔ ایس گل نے سارے گھر نوں دہلا دِتا سی۔ میں ٹب وچ پُٹھا پھنسا ہویا سی۔ میں سوچیا میں اپنی گردن تُڑوا چُکیا آں تے ساری حیاتی لئی مفلوج ہو جاواں گا۔ لیکن فیر میں اپنے پیراں دے انگوٹھیاں نوں ایتھے اوتھے حرکت دِتی، جیدے توں مینوں پتا چلیا کہ میں اپنی ریڑھ دی ہڈی نئیں تُڑوائی۔ جدوں میں اوتھے اوندھا پیا ہویا سی، میں دراصل پنج منٹاں تیکر لئی نیند چہ چلا گیا سی۔ فیر اُوسی ادھی نیند دی حالت وچ مینوں کُج اینج دی گل دا احساس ہویا جیدے بارے چہ میں پہلاں کدی وی نئیں سوچیا سی – اُو [لوکی] جنہاں نوں خُداوند نے حیاتِ نو وچ استعمال کیتا ہمیشہ حیاتِ نو دے آن توں پہلاں شدید مشکل دور وچوں لنگے سی۔ ویزلی نے کہیا۔ ایویں ای میری مون سین نے کہیا۔ ایویں ای چین دے جاناتھن گوفورتھ نے کہیا۔ بالاآخر میری ووہٹی اندر آئی تے مینوں ٹب وچوں باہر کھیچن لئی ویزلی نوں اواج دِتی۔ جیویں ای میں ٹب وچوں باہر نکلیا تے یوناہ 2:9 توں اِک آیت یاد آ گئی، ’’نجات خدا وَلّوں ہوندی اے۔‘‘

عجیب اے نا جیویں کہ لگدا اے، میں جان گیا کہ آخر کار اسی حیاتِ نو نوں پا لین گے!

’’تے خُداوند نے مچھلی نوں حکم دِتا تے اُوہنے یوناہ نوں خشک زمین تے اُگل دِتا‘‘ (یوناہ2:10)۔

III. تیجی گل، دوجے موقعے دا خُدا۔

مہربانی نال یوناہ3:1۔3 آیات کھولو۔ کھلو جاؤ جدوں میں اِینوں پڑھاں۔

’’تے اُودوں خُدا دا کلام دوجی وری یوناہ تے نازل ہویا، کہ اُٹھ، ایس وڈے شہر نینوہ نوں جا تے جیہڑا پیغام میں تیہنوں دینا آں اُوہدی منادی کر۔ یوناہ خدا دے کلام دے مطابق نینوہ نوں گیا۔ نینوہ تِن دِن دی مسافت تے اِک بہت اہم شہر سی‘‘ (یوناہ3:1۔3)۔

تُسی تشریف رکھ سکدے اُو۔

خُداوند دوجے موقعے دا خدا اے۔ عظیم جان ویزلی جارجیہ لئی اِک مشنری دی حیثیت نال گئے۔ اُو بُری طرح ناکام رئے۔ اُو اِک شکست خوردہ شخص دی حیثیت نال واپس انگلستان لوٹ آئے۔ لیکن خُداوند نے مسٹر ویزلی نوں اِک دوجا موقعہ عنایت کیتا۔ اُوہناں نوں خُداوند دے ذریعے نال دوجی عظیم بیداری دا آغاز کرن لئی استعمال کیتا گیا جیہڑی ساری دُنیا تیکر پہنچ جائے گی، تے دورِ حاضرہ دے مشن دی تحریک نوں جنم دئے گی – جیہڑی دُنیا دے کونے کونے تیکر مسیح دی خوشخبری نوں پھیلائے گی!

ہُن میں شاید کدی وی کھلون تے اُوس قوت دے نال تبلیغ کرن دے قابل نئیں آں جیہڑی کدی میرے کول سی۔ لیکن میں یقین کرنا آں کہ خداوند نے ہلے تیکر سانوں نئیں چھڈیا اے! اُو مینوں ساری دُنیا دے پادری صاحبان نوں حیاتِ نو تے انجیلی بشارت دے عظیم اصولاں دی تعلیم نوں سِکھان دا موقع فراہم کر رہیا اے۔

جیس روز یسوع واپس آسمان وچ چُکیا گیا سی اُوہنے اپنے شاگرداں نوں کہیا۔ اعمال1:8 آیت کھولو تے کھلو جاؤ جدوں میں اِینوں پڑھاں۔

’’لیکن جدوں پاک روح تہاڈے تے نازل ہوئے گا تے تُسی قوت پاؤ گے تے یروشلیم تے تمام یہودیہ تے سامریہ وچ بلکہ زمین دی انتہا تیکر میرے گواہ ہو گے۔ ایناں گلاں دے بعد اُو اُوہناں دے ویکھدے ویکھدے اُتے چُک لہیا گیا تے بدلی نے اُوہنوں اُوہناں دی نظراں توں لُکا لہیا‘‘ (اعمال1:8، 9)۔

تُسی تشریف رکھ سکدے اُو۔ یسوع نے دُنیا دی نجات ساڈے ہتھاں وچ چھڈی اے۔ یسوع نے کہیا،

’’ایس لئی تُسی جاؤ تے ساری قوماں نوں شاگرد بناؤ تے اُوہناں نوں پیو، پُتر تے پاک روح دے ناں نال بپتسمہ دیو‘‘ (متی28:19)۔

جیویں پیدائش دی کتاب وچ اپنے دِناں چہ دُنیا لئی یوسف نجات دہندہ بنیا سی – ایویں سانوں یسوع وَلّوں اپنے زمانے وچ لوکاں نوں بچان دا حکم ملیا اے!

بشراں نوں جِتنا کوئی انتخاب یا چناؤ نئیں اے۔ ایہہ ساڈے لئی مسیح دا اِک حکم اے۔ مہربانی نال کھلوو تے ’’میں تہانوں اِنساناں نوں پھڑن آلا بناواں گا I Will Make You Fishers of Men‘‘ گاؤ۔

میں تہانوں اِنساناں نوں پھڑن آلا بناواں گا، اِنساناں نوں پھڑن آلا، اِنساناں نوں پھڑن آلا،
میں تہانوں اِنساناں نوں پھڑن آلا بناواں گا، جے تُسی میری پیروی کرو،
جے تُسی میری پیروی کرو، جے تُسی میری پیروی کرو،
میں تہانوں اِنساناں نوں پھڑن آلا بناواں گا، جے تُسی میری پیروی کرو۔
   (’’میں تہانوں اِنساناں نوں پھڑن آلا بناواں گا I Will Make You Fishers of Men‘‘ شاعر ھیری ڈی۔ کلارک Harry D. Clarke، 1888۔1957)۔

ساڈے نال آؤ تے ساڈے گرجا گھر نوں ایناں آخیرلے ایام وچ ساری دُنیا چہ جدوجہد کردے ہوئیاں پادری صاحبان دی مدد کرن لئی اِک روشنی دا مینار بنان وچ ساڈی مدد کرو! آمین۔

IV. چوتھی گل، حیاتِ نو افسردگی یا مایوسی دا علاج نئیں کردا۔

کھلوو تے یوناہ3:1۔10 آیات کھولو جدوں کہ میں اِیناں نوں پڑھنا آں۔

’’تے اُودوں خُدا دا کلام دوجی وری یوناہ تے نازل ہویا، کہ اُٹھ، ایس وڈے شہر نینوہ نوں جا تے جیہڑا پیغام میں تیہنوں دینا آں اُوہدی منادی کر۔ یوناہ خدا دے کلام دے مطابق نینوہ نوں گیا۔ نینوہ تِن دِن دی مسافت تے اِک بہت اہم شہر سی۔ پہلے روز جدوں یُوناہ نینوہ وچ داخل ہون لئی روانہ ہُویا تے اُوہنے منادی کیتی کہ چالی دِن دے بعد نینوہ برباد کیتا جائے گا۔ نینوہ دے باشندے خدا تے ایمان رکھدے سی۔ اُوہناں نے روزہ رکھن دا اعلان کیتا تے وڈے توں چھوٹے تیکر سب نے ٹاٹ اوڑھیا۔ جدوں نینوہ دے بادشاہ نوں ایہہ خبر پہنچی تے اُو اپنے تخت توں اُٹھیا، اپنا شاہی لباس لاہیا تے ٹاٹ اوڑھ کے خاک تے بیہہ گیا۔ تے نینوہ وچ اعلان کر دِتا کہ بادشاہ تے اُوہدے سرداراں وَلّوں حکم ہُویا اے کہ کوئی اِنسان یا حیوان، گلّہ تے مویشی نہ کُج کھائے تے نہ پئیے۔ بلکہ ہر اِنسان تے حیوان ٹاٹ اوڑھے تے فوراً خدا نوں پُکارے۔ ہر شخص اپنی بُری روِش تے ظلم نال باز آئے۔ کون جانندا اے کہ خدا نوں ترس آئے تے اُو اپنے سخت قہر توں نال باز آئے تے اسی ہلاک نہ ہوئیے۔ جدوں خدا نے اُوہناں دا ایہہ عمل ویکھیا کہ اُو اپنی بُری روِش توں پھر گئے تے اُوہنوں ترس آیا تے اُوس غضب نوں جیہڑا اُو اُوہناں تے لہیان نوں سی، نازل نی کیتا‘‘ (یوناہ 3:1۔10).

تُسی تشریف رکھ سکدے اُو۔

ہُن یوناہ دی افسردگی تے نظر پاؤ۔ ایہہ 4:1۔5 آیات نے، جیویں جیویں میں اِینوں پڑھاں۔

’’لیکن یُوناہ ایس گل توں بہت ناخوش تے ناراض ہویا۔ اوہنے خدا توں دعا کیتی کہ اے خدا جدوں میں اپنے گھر تے سی تے کی میں ایہی نئیں کہیا سی؟ ایس لئی میں ترسیس نوں نسن چہ جلدی کیتی سی۔ میں جاننا سی کہ تُؒو شفقت تے ترس کھان آلا خُدا اے۔ قہر کرن وچ دھیما تے شفقت چہ بڑھ کے اے۔ تُو اینج دا خُدا اے جیہڑا عذاب نازل کرن توں باز رہندا اے۔ ہُن اے خُدا تُو میری جان لے لے کیوں جے ایس جین توں مر جانا بہتر اے۔ خدا نے فرمایا، کی تیہنوں غُصّہ کرن دا کوئی حق اے؟ تے یُوناہ شہر توں باہر مشرق ول جا بیہیا۔ اُوتھے اپنے لئی اِک چھپڑ بنا کے اُوہدے سایہ چہ بیہیا تے ویکھن لگیا کہ شہر دا کی حال ہوندا اے‘‘ (یوناہ 4:1۔5).

ایتھے میں تہانوں دسن جا رہیا آں کہ کی ہوندا اے جدوں خُداوند حیاتِ نو بھیجدا اے۔ مبلغ ایدے ذریعے نال بابرکت نئیں ہوندا اے۔ تُسی ویکھیا، حیاتِ نو لوکاں دی اندرونی پریشانیاں دا علاج نئیں کردا اے۔ میں تہانوں یوناہ دی اُداسی دی وجوہات پیش کراں گا۔


1. یوناہ نینوہ دے لوکاں نال نفرت کردا سی۔ اُو لوکی اسرائیل تے یوناہ دے لوکاں دے خونی دشمن سی۔ خُدا کیوں ایویں دے بدکار لوکاں لئی حیاتِ نو عطا کرے گا؟

2. یوناہ جانندا سی کہ حیاتِ نو ہمیشہ لئی جاری نئیں رئے گا۔ نحوم نبی دا صرف اِک ای موضوع سی – نینوہ دی تباہی! حیاتِ نو دے 150 ورے بعد نینوہ دے لوکی واپس اپنی بُری راہواں تے گامزن ہو گئے سی! سُنو کہ نحوم نبی نے نینوہ دے اِخلاقی طور تے گِرے ہوئے لوکاں دے بارے وچ کی کہیا،

’’خونی شہر تے افسوس، اُو جھوٹ تے غارت گری نال بھریا ہویا اے اُو کدی جُرم توں ناز نئیں رہندا! چابک دے چٹخن دی اواج، پہیاں دی کھڑکھڑاہٹ، گھوڑیاں دی ٹاپ تے رتھاں دے ہچکولیاں دی اواج! حملہ آور لشکر، تلواراں دی چمک تے بھالیاں دی جھلک! مقتولیاں دے ڈھیر، لاشاں دے انبار، بے شمار لاشاں، جنہاں توں لوکی ٹھوکراں کھاندے نے، ایہہ سب ایس کسبی تے فاحشہ دی بدکاری دے سبب نال اے، جیہنے فاحشہ پن توں قوماں نوں تے جادو نال لوکاں نوں غلام بنا لہیا اے۔ خداوند فرماندا اے کہ میں تیرا مخالف آں۔ میں تیہنوں تیرے مُنہ تیکر ننگا کراں گا۔ تے قوماں نوں تیرا ننگا پن وکھاواں گا تے مملکتاں نوں تیری برہنگی وکھاواں گا۔ میں تیرے اُتے گندگی پاواں گا، میں نفرت دا سلوک کراں گا تیہنوں رسوا کراں گا‘‘ (ناحوم 3:1۔6).

یوناہ جانندا سی کہ حیاتِ نو زیادہ عرصہ تیکر نہیں رہندے!


یوناہ جانندا سی کہ حیاتِ نو ہمیشہ تیکر لئی جاری نئیں رہندے نے۔ اُو جانندا سی کہ جنہاں لوکاں نے حیاتِ نو دا تجربہ کیتا ہوندا اے، چند اِک نسلاں دے بعد، واپس اپنی بُری راہواں تے لوٹ جاندے نے۔ ایہی حیاتِ نو دا قانون ہوندا اے – تے یوناہ ایہہ گل جانندا سی!

کی ایہی امریکہ وچ نئیں رونما ہویا؟ جوناتھن ایڈورڈز تے دوجیاں دے بہت وڈے وڈے حیاتِ انواع آئے سی جنہاں نے گرجا گھراں نوں مسیح وچ ایمان لہیا کے تبدیل ہوئے لوکاں نال بھر دِتا سی۔ لیکن جیویں جیویں ویلہ لنگدا چلا گیا، فنّی Finney وانگوں جنونی لوکاں نے مسیح وچ ایمان نہ لہیائے ہوئے لوکاں نال بھر دِتا۔ امریکہ وچ آخیرلا عظیم حیاتِ نو 1859 چہ آیا سی۔ اُوہدے بعد توں جنونی لوکی نئے ایونجلِسٹ بنندے گئے، تے اُوہناں دے طریقیاں نے گرجا گھراں دے بے اعتقادے لوکاں نال بھرنا شروع کر دِتا۔ نئی انجیلی بشارت دی تعلیم محض آسانی نال پانی پلان آلی انجیلی بشارت دی تعلیم اے۔ اج انتہائی چند اِک ای ایونجیلیکل لوکی نے جیہڑے مسیح وچ ایمان لہیا کے تبدیل ہوئے نے! ایہی وجہ اے کہ اسی اج بے اعتقادی دی اِک فضا وچ حیاتی بسر کر رئے آں!

گرجا گھر دی حالیہ تقسیم ظاہر کردی اے کہ اُو جیہڑے چھڈ کے چلے گئے حقیقت وچ کدی وی ساڈے نال ای نئیں سی (1۔ یوحنا 2:19؛ یہوداہ19). لہٰذا اُو اُوس چھوٹے جئے آدمی دے نال چلے گئے جیہڑے اُوہناں نوں نئی ایونجیلیکل ’’یخنی‘‘ چہ کُلی طور تے جان دیندا اے۔ اُو بھُل چکے نے کہ نئی انجیلی بشارت دی تعلیم نے کدی وی سچے حیاتِ نو دا تجربہ نئیں کیتا ہوندا اے – تے ایہہ کدی کرے گی وی نئیں!

آؤ اِک نئے آغاز ول قدم ودھاؤ!


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

یوناہ – حیاتِ نو تے کتاب!

JONAH – THE BOOK ON REVIVAL!

ڈاکٹر آر۔ ایل۔ ہائیمرز، جونیئر وَلّوں
ایمیریٹس پادری صاحب
by Dr. R. L. Hymers, Jr.,
Pastor Emeritus

I.   پہلی گل، سچا حیاتِ نو خوف وچ شروع ہوندا اے، یوناہ 1:1۔3؛ 2۔ تیموتاؤس 1:7؛ یوناہ 1:12،15 ۔

II.  دوجی گل، سچا حیاتِ نو اِک معجزہ ہوندا اے، یوناہ 1:17؛ 2:9، 10۔

III. تیجی گل، دوجے موقعے دا خُدا، یوناہ 3:1۔3؛ اعمال 1:8، 9؛
متی 28:19۔

IV. چوتھی گل، حیاتِ نو افسردگی یا مایوسی دا علاج نہیں کردا، یوناہ 3:1۔10؛ 4:1۔5؛
نحوم 3:1۔6۔