ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

یوناہ دی کتاب خود یوناہ نبی دے ذریعے نال ای لکھی گئی سی۔ میں ایہہ گل ایس لئی کہنا واں کیوں جے ایہہ یوناہ دے خیالاں تے دعاواں دا انکشاف کردی اے، جیہڑی کہ ماسوائے یوناہ دے کوئی وی ہور نئیں جانندا سی۔ یوناہ دے تاریخی شخصیت ہون دی حقیقت نوں 2۔ سلاطین 14:24۔25 آیت وچ پیش کیتا گیا اے جدوں وڈھیرے ربیّاں نے اُوہنوں ’’یوناہ بِن امِتّی، بنی جیہڑا جات حِضر دا سی‘‘ کہہ کے بُلایا (2۔ سلاطین 14:25). خود خُداوند یسوع مسیح نے یوناہ دے بارے وچ اِک حقیقی، تاریخی نبی دی حیثیت نال گل کیتی سی۔ مہربانی نال متی 12:39۔41 آیات کھولو۔ کھلو جاؤ جدوں میں اُو پڑھاں جو یسوع نے یوناہ دے بارے چہ کہیا،

’’لیکن اُوہنے جواب وچ اُوہنوں کہیا، ایس زمانہ دے بُرے تے حرامکار لوکی نشان ویکھنا چاہندے نے مگر اُوہناں نوں یُوناہ نبی دے نشان دے سوا کوئی ہور نشان نئیں دِتا جائے گا۔ کیوں جے جیویں یُوناہ تِن دِن تے تِن رات مچھلی دے پیٹ چہ رہیا اونج ای ابنِ آدم تِن دِن تے تِن رات زمین دے اندر رئے گا۔ نینوہ دے لوکی عدالت دے دِن ایس زمانہ دے لوکاں دے نال کھلو کے اُوہناں نوں مجرم ٹھہران گے، ایس لئی کہ اُوہناں نے یُوناہ دی منادی دی وجہ نال توبہ کر لئی سی تے ویکھو ایتھے اُو موجود اے جیہڑا یُوناہ توں وی وڈا اے‘‘ (متی 12:39۔41).

کھلوتے رہوو تے لوقا 11:29۔30 آیت کھولو۔

’’جدوں بھیڑ زیادہ ہون لگی تے یسوع نے کہیا، ایس زمانہ دے لوکی بُرے نے جیہڑے میرے توں نشان طلب کردے نے مگر یُوناہ دے نشان دے سِوا کوئی ہور نشان اُوہناں نوں نئیں دِتا جائے گا۔ کیوں جے جیویں یُوناہ نینوہ دے باشندیاں لئی نشان ٹھہریا اُونج ای اِبنِ آدم وی ایس زمانہ دے لوکاں لئی نشان ٹھہرے گا‘‘ (لوقا 11:29۔30).

تُسی تشریف رکھ سکدے اُو۔

لہٰذا 2۔ سلاطین 14:25 یوناہ دے بارے وچ تاریخی معلومات پیش کردی اے۔ تے لوقا 11:29۔30 آیات یوناہ دے بارے وچ اِک علامت دی حیثیت نال یسوع مسیح دے تذکرے نوں پیش کردی اے۔ تے متی 12:39۔41 آیات یوناہ دے جی اُٹھن نوں خود اُوہدی اپنی ای تدفین دی اِک علامت دی حیثیت نال تے اُوہدے تدفین دے بعد تیجے دِن جی اُٹھن نوں پیش کردی اے۔ پس، پرانا عہدنامہ یوناہ دا اندراج اِک حقیقی شخصیت دی حیثیت نال کردا اے، تے خود مسیح سانوں دسدا اے کہ یوناہ دی موت تے جی اُٹھنا خود مسیح دی موت تے جی اُٹھن دے بارے چہ اِک پیشن گوئی سی۔

سر ونسٹن چرچل نے بخوبی کہیا، ’’اسی پروفیسر گراڈگرینڈ Gradgrind تے ڈاکٹر ڈرائیاسڈسٹ Dryasdust دی [آزاد خیال] ضخیم کتاب توں متفق نئیں آں۔ سانوں یقین ہو سکدا اے کہ ایہہ ساریاں گلاں بالکل اُونج ای رونما ہوئیاں نے جیویں اُو مقدس حکم نامہ [پاک بائبل] دے مطابق ترتیب دِتی گئیاں نے۔‘‘ (ڈاکٹر جے۔ ورنن میگی Dr. J. Vernon McGee نے حوالہ دِتا، بائبل وچوں Thru the Bible، جلد سوئم، یوناہ تے غور طلب گل، تعارف، صفحہ 738)۔

+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

I. پہلی گل، یوناہ دی بُلاہٹ۔

’’خُداوند دا کلام امِتی دے پُتر یوناہ تے نازل ہُویا۔ کہ تُو وڈے شہر نینوہ نوں جا تے ایدے خلاف منادی کر …‘‘ (یوناہ 1:1، 2).

آیت 3

’’لیکن یوناہ خدا دے حضور توں … پجھیا‘‘ (یوناہ 1:3).

میں ایس شخص یوناہ نوں سمجھنا آں۔ ایہی وجہ اے کہ پرانے عہد نامے وچ یوناہ دی چھوٹی جئی کتاب میری پسندیدہ کتاباں وچوں اِک اے۔ یوناہ خُداوند دی حضوری توں پجھیا سی۔ میں ایہہ نئیں کیتا سی۔ میں اِک مشنری بنن لئی بُلایا گیا سی تے ایہہ جانندا سی۔ لیکن میں ایس قدر غریب طالب علم سی کہ میں ایہہ گل جانندا سی کہ میں کالج توں گریجوایشن نئیں کر پاواں گا۔ میرے لئی ساؤتھرن بپٹسٹ مشنری بنن لئی کالج تے سیمنری دا اِک گریجوایٹ ہونا ضروری سی۔ لیکن میں کسی نہ کسی طور یوناہ ای وانگوں محسوس کیتا سی۔ میں جانندا سی میں بُلایا گیا سی، لیکن میں کالج وچ فیل ہون دے خوف توں خدا دی حضوری توں پجھن دی کوشش کیتی سی۔ خُدا مینوں کُج نہ کُج ناممکن کرن لئی دس رہیا سی۔

سیمنری دے اِک نوجوان طالب علم نے مینوں کہیا، ’’میں مذہبی خدمت وچ نئیں جا سکدا سی کیوں جے میں جانندا سی کہ میں ٹُٹ جاواں گا تے ہار جاواں گا۔‘‘ اُو مذہبی خدمت [منادی] وچ ناکامی توں خوفزدہ سی۔ میں اُوس بارے چہ سوچیا سی۔ فیر میں کہیا، ’’میں پہلاں ای کئی وری ٹُٹ چُکیا آں تے ہار چُکیا آں کہ ہُن میں مذید ہور ایس گل توں خوفزدہ نئیں آں۔‘‘

ایہہ خوف ای ہوندا اے جیہڑا خُدا وَلّوں بُلائے گئے اِک شخص نوں مذہبی خدمت [منادی] توں دور رکھدا اے۔ ایہہ کسی نہ کسی طرح نال ہمیشہ خوف ای ہوندا اے۔ ایہہ مخصوص نوجوان شخص ہر گل وچ جیہڑی اُو کردا سی فاتح ہوندا سی – لیکن اُو مذہبی خدمت [منادی] توں خوفزدہ سی۔ اُوہدے بارے چہ اُوہدے چھوٹے پراہ نے کہیا، ’’میرا پراہ کُج وی کر سکدا اے۔‘‘ لیکن اُو ’’ٹُٹن تے تباہ ہون‘‘ دے خوف نال آزاد نئیں ہو سکدا۔ اُو چھ فُٹ لمبا سی، براہ راست ’’اے گریڈ‘‘ حاصل کرن آلا اِک طالب علم تے اِک ہونہار مبلغ سی۔ لیکن چونکہ اُو خوفزدہ سی ایس لئی خُداوند دی حضوری توں نٹھیا سی!

ہُن، نوجوان لوکو، مینوں تہانوں کُج دس لین دیو جیہڑا میں حیاتی وچ سِکھیا، ’’تُسی کُج وی کر سکدے اُو جیہڑا خدا تہانوں کرن لئی کہندا اے – کُج وی!‘‘ بائبل کہندی اے، ’’مسیح دی مدد نال جیہڑا مینوں طاقت بخشدا اے میں کُج وی کر سکدا آں‘‘ (فلپیوں 4:13). چونکہ میں اُوس آیت نوں ثابت کر چُکیا واں، میں جاننا آں ایہہ سچی اے۔ ایتھے میں اپنی حیاتی دے 80 ویں ورے وچ آں، کینسر توں بچیا ہویا اِک شخص، اپنے گھٹنیاں چہ جوڑاں دے درد تے سوزش وچ مبتلا، لیکن میں خوفزدہ نئیں آں، حالانکہ دو مکار لوکاں نے ساڈے گرجا گھر دے تِن چوتھائی لوکاں نوں گرجا گھر دی اِک ہولناک تقسیم چہ ہتھیا لہیا۔ لیکن فیر وی میں اینا ای پُرسکون آں جیہنا کہ اِک بچہ اپنی ماں دی گود وچ ہوندا اے۔ کی میں خوفزدہ آں؟ ایمانداری نال کہواں، میں ماڑا جیہا وی خوفزدہ نئیں آں! میری نانی مینوں دسیا کردیں سی، ’’تہانوں خود خوف دے سِوا کسی توں وی خوفزدہ ہون دی لوڑ نئیں،‘‘ جیہنوں اُوہناں نے صدر فرینکلِن ڈی۔ روزویلٹ نوں معیشت دے شدید ترین بحران [گریٹ ڈیپریشن] دے دوران کہندے ہوئیاں سُنیا سی۔ میں ایہہ پایا سی کہ میری نانی دُرست سن!

میں ایہہ وی پایا کہ تُسی کدی وی ’’خُداوند دی حضوری توں نٹھ‘‘ نئیں سکدے۔ کیوں؟ کیوں جے تُسی جیتھے کِدھر وی ہوندے اُو خداوند تہاڈے نال ای ہوندا اے – ایس ای لئی! تُسی جا سکدے اُو، جیویں یوناہ نے کہیا، تُرسس ول۔ لیکن خُدا اُوتھے وی اُوہنا ای اے جیہنا اُو گھر تے سی! تے خداوند کدی وی اِک مبلغ نوں شدید جدوجہد دے بغیر نئیں جان دئے گا۔

میں کدی اِک شخص نوں جاننا سی جیہڑا اِک شرابی سی۔ مینوں بعد چہ پتا چلیا کہ اُو پیندا سی کہ اپنے ذہن وچوں ایس گل نوں نکال پائے کہ اُوہنوں خداوند نے بُلایا سی، لیکن اُو خُداوند دی بُلاہٹ دی فرمانبرداری کرن لئی انتہائی خوفزدہ ہو گیا سی۔ لہٰذا ہُن اُو ہر روز رات نوں نشے وچ دھت ہو جاندا اے کہ خوفزدہ ہون توں دور رہ پائے۔ اُوہدا ناں جان بِرچ John Birch سی (مذاق نئیں کر رہیا!) تے اُو اوتھے میرے نال سیمنری ای وچ سی، اجتماعی سون دے ہال وچوں چوری چھُپے آندا تے جاندا سی کیوں جے اُو نشے وچ ہوندا سی!

میں ایلن Alan نامی اِک ہور شخص نوں جاننا آں۔ میں ایلن دی مسیح تیکر رہنمائی کیتی سی، لیکن اُو انتہائی مشکل سی۔ کیوں؟ ایلن خوفزدہ سی کہ جے اُوہنے نجات پا لئی تے اُوہنوں جنت وچ جانا پئے گا! اُو جنت وچ جان توں خوفزدہ کیوں سی؟ اُوہنے مینوں اِک دِن کہیا، ’’مینوں اپنے پیو نوں فیر ملنا پئے گا تے اُو سیمنری نہ جان تے اُوہناں وانگوں اِک پریسبائیٹیرئین مبلغ نہ بنن دی وجہ نال میرے توں سخت ناراض نے۔‘‘ ایلن سٹھ وریاں توں زیادہ عمر دا سی۔ اُو اِتوار دے روز اِک پرئسبائیٹیرئین گرجا گھر وچ بیہیا سی، نجات پان توں خوفزدہ کیوں جے اُتے جنت وچ اُوہدا مُردہ پیو اُوہدے نال ناراض ہوئے گا! اُو چالی وریاں تیکر اُوس خیال دی وجہ توں اذیت وچ مبتلا رہیا سی۔ لیکن میں اُوہنوں قائل کرن چہ کامیاب ہو گیا سی کہ اُوہدے پیو [محترم مسٹر بلیک] مسکران گے تے اُوہنوں گلے نال لگا لین گے، جیویں کہ مصرف پُتر دے پیو نے کیتا سی، جدوں اُوہدا پُتر واپس گھر آیا سی۔ ایلن اُو پہلا شخص سی جیدی رہنمائی میں مسیح لئی کیتی سی!

جدوں میں سیمنری وچ سی، تے ساڈے اِجلاساں وچوں اِک چہ کالج دی عمر دی اِک کُڑی نے نجات پائی سی۔ اُو اِک شرمیلی کُڑی سی، لیکن میں غور کیتا کہ اُو پریشانی وچ سی، لہٰذا میں اُوہدے نال گل کرن لئی گیا۔ اُوہنے کہیا، ’’میں اپنی ماں نوں دسن توں خوفزدہ آں کہ میں نجات پا لئی اے۔‘‘ میں کہیا، ’’جاؤ تے اُوہنوں دسو۔ اُو غصے نئیں ہون گی۔‘‘ لیکن میں غلطی تے سی۔ جدوں اُوہدی ماں نوں پتا چلیا کہ اُوس [کُڑی] نے نجات پا لئی سی تے اُوہنے اُوہنوں گھروں باہر کڈ دِتا۔ میں کُڑی نوں روندے ہوئیاں ویکھیا۔ لہٰذا میں کہیا، ’’آؤ میں چلنا آں تے تہاڈی ماں نال گل کرنا آں۔‘‘ میں سوٹ تے ٹائی پہن کے چنگی طرح نال تیار ہویا تے اُوس خاتون نوں ملن لئی نکل پیا۔ جدوں اُوہنوں پتا چلیا میں کون سی، تے اُو میرے تے چیخنا چلانا شروع ہو گئی۔ بالاآخر میں خاتون دے مہماناں دے بیٹھان آلے کمرے تیکر پہنچ گیا۔ میں کہیا، ’’کی تُسی اپنی تیہہ نوں گھر وچ نئیں آن دیو گے؟‘‘ اُوہنے کہیا، ’’میں اُوس ویلے برداشت کر جاندی جدوں اُو جنسی تعلقات کر رئی سی تے منشیات لے رئی سی۔ لیکن ہُن اُو اِک مسیحی اے! تے میں اُوہنوں دوبارہ فیر کدی وی اپنے گھر چہ نئیں آن دیاں گی۔‘‘

اُو بیچاری کُڑی گرجا گھر وچ کسی ہور دے گھر چہ چلی گئی تے اِک نوکری حاصل کیتی، تے اپنے کالج دی تعلیم مکمل کیتی۔ اُوہنے بالاآخر اِک عمدہ مسیحی نوجوان نال شادی کیتی۔ میں سمجھ سکنا آں کہ اُوہدی ماں نے شادی وچ شرکت نئیں کیتی سی۔ اُو نوجوان جوڑا یورپ وچ مشنریاں دی حیثیت نال اِک مخصوص مُلک چہ چلا گیا سی۔ اسی ہر مہینے اُوہناں دی مدد کرن لئی پیسے بھیجیا کردے سی۔

فیر اِک دِن مینوں پتا چلیا کہ اُوہدی ماں دے گھر دے بوہے اگے اخباراں دا ڈھیر لگیا ہویا سی۔ پولیس بوہا توڑ کے اندر گئی – فرش تے مُردہ – ماں نوں پایا – اُوہدے ہتھاں نے ادھی خالی اِک واڈکا [شراب] دی بوتل جکڑی ہوئی سی!

اوہ، کیس قدر ہنجُواں تے درد نال اُوس کُری نوں اِک مسیحی تے اِک مشنری بنن لئی گزرنا پیا سی! لیکن اُو خوف تے قابو پان تے مشن دے میدان وچ خُداوند دی پیروی کرن لئی یسوع نال کافی محبت کردی سی! اُو یسوع دیاں گلاں سُنن تے اُوہدیاں گلاں نوں مانن لئی کافی حد تیکر روحانی ہو گئی سی۔

کھلوو تے اپنی بائبل 10:34۔39 آیات لئی کھولو۔

’’ایہہ نہ سمجھو کہ میں زمین تے صلح کران آیا آں، صلح کران نئیں بلکہ تلوار چلوان آیا آں۔ کیوں جے میں ایس لئی آیا آں کہ پُتر نوں پیو توں، تے تیہہ نوں ماں توں تے بہو نوں ساس توں جُدا کر دواں۔ آدمی دے دشمن اُوہدے اپنے گھر ای دے لوکی ہون گے۔ جیہڑا کوئی اپنے پیو یا اپنی ماں نوں میرے توں ودھ پیار کردا اے اُو میرے لائق نئیں تے جیہڑا کوئی اپنے پُتر یا تیہہ نوں میرے توں ودھ پیار کردا اے میرے لائق نئیں۔ جیہڑا کوئی اپنی صلیب چُک کے میرے پِچھے نئیں چلدا، میرے لائق نئیں۔ جیہڑا کوئی اپنی جان بچاندا اے، اُوہنوں کھوئے گا تے جیہڑا کوئی میرے لئی اپنی جان کھو دیندا اے، اُوہنوں سلامت پائے گا‘‘ (متی 10:34۔39).

تُسی تشریف رکھ سکدے اُو۔

میں جاننا آں کہ تہاڈے وچوں کُج دے ماں پیو نے جیہڑے اپنے طور تے پوری کوشش کرن گے کہ تُسی ساڈے گرجا گھر نوں چھڈ جاؤ۔ مہربانی نال ایس کُڑی دی جرأت نوں یاد رکھو تے اُوہدی مثال دی پیروی کرو۔ جے تُسی کردے اُو تے اُو تہاڈے نال نہایت ناراض ہو جان گے – کُج عرصہ لئی۔ لیکن جدوں اُو تہاڈی چنگی حیاتی نوں ویکھن گے، تے اُو بالاآخر – مستقبل وچ – تہاڈے نال ساڈے گرجا گھر چہ آن گے۔ لیکن تہاڈے کول مسیح دی پیروی کرن لئی ایمان ہونا چائیدا اے، بیشک چائے اُو فیر کدی دوبارہ تہانوں قبول نہ کرن! یوناہ وانگوں مت بنو تے خداوند دی حضوری توں پجھن دی کوشش مت کرو!!!

چینی گرجا گھر وچ، میرے دو قریبی بیلی سن – بین Ben تے جیکJack نامی۔ بین ڈاکٹر لِن دے خلاف سرکش سی۔ آخر کار اُو اپنی گرل فرینڈ دے نال پجھ گیا۔ میں اُوہنوں فیر کدی دوبارہ نئیں ویکھیا۔ لیکن جیک نے دوا فروش بنن دی تربیت حاصل کیتی۔ ایدے باوجود اُوہنوں ایہہ پسند نئیں آئی، لہٰذا اُو ٹالبوٹ سیمنری وچ چلا گیا تے اِک مبلغ بنیا۔ اُو میرا اِک انتہائی قریبی بیلی سی۔ اُوہدی شادی تے میں شڑبالا بنیا سی۔ اُوہنے ساڈے اِجلاساں وچوں اِک چہ یسوع تے پرہوسا کیتا سی۔ اُوہنے اُودوں لکھیا سی، ’’کئی وریاں بعد میں اپنے پیو تے ماں دی نجات دا ثمر ویکھیا… میں اپنے پیو دی تربیت دا مشاہدہ کیتا تے [اُوہناں نوں] سنڈے سکول دے اُستاد دی حیثیت نال خدمات سرانجام دیندے ہوئیاں ویکھیا، اُوہناں نے اپنے طُلبہ دیاں حیاتیاں نوں متاثر کیتا گرجا گھر دی نشوونما وچ اہم کردار ادا کیتا۔‘‘

II۔ دوجی گل، یوناہ دی آفت۔

’’لیکن یوناہ خدا دے حضور توں ترسیس ول پجھیا تے یافا پہنچیا۔ اوتھے ترسیس نوں جان آلا جہاز ملیا۔ اُو کرایہ دے کے ایدے چہ سوار ہویا تاں جے ترسیس نوں جائے۔ اودوں خداوند نے سمندر تے اینج دی آندھی بھیجی کہ جہاز دے ٹکڑے ٹکڑے ہو جان دا خطرہ پیدا ہو گیا‘‘

ایتھے ویکھو۔ یوناہ جانندا سی کہ اُو طوفان خُداوند وَلّوں تھا۔

’’اوہنے جواب دِتا کہ مینوں چُک کے سمندر چہ سُٹ دیو تے سمندر ساکن ہو جائے گا۔ میں جاننا آں کہ ایہہ وڈا طوفان میری غلطی دے باعث تہاڈے اُتے آیا اے‘‘ (یوناہ 1:12).

آخر کار ملاحاں نے یوناہ نوں چُکیا تے اُوہنوں سنمدر وچ سُٹ دِتا، تے سمندر اپنی طغیانی توں باز آ گیا۔

’’لیکن خدا نے یُوناہ نوں نگل جان لئی اِک وڈی مچھلی تیار کر رکھی سی تے یوناہ تِن دِن رات مچھلی دے پیٹ وچ رہیا۔ یوناہ نبی نے مچھلی دے پیٹ دے اندر خداوند اپنے خدا توں دعا کیتی‘‘ (یوناہ 1:17۔2:1).

مینوں شروع شروع چہ ایدے تے یقین کرن وچ مشکل پیش آئی سی۔ لیکن بعد چہ میں ویکھیا کہ ایہہ واقعہ تے یسوع جیہڑا صلیب تے قربان ہویا سی، دفنایا گیا سی، تے فیر مُردیاں وچوں جی اُٹھیا سی اُوہدی اِک تشبیہہ سی۔

بعد چہ یوناہ تے اُوس بہت وڈی مچھلی دے بارے وچ جو ڈاکٹر ایم۔ آر۔ ڈیحان Dr. M. R.DeHaan نے کہیا اُو میں پڑھیا۔ ڈاکٹر ڈیحان نے کہیا کہ یوناہ اُوس بہت وڈی مچھلی دے اندر مر چُکیا سی۔ ڈاکٹر جے۔ ورنن میگی نے کہیا،

ایہہ کتاب دراصل مُردیاں وچوں جی اُٹھن دی پیشن گوئی اے۔ خود خداوند یسوع نے کہیا کہ بالکل جیویں یوناہ نینوہ دے لوکاں لئی اِک علامت سی، اُو وی مُردیاں وچوں جی اُٹھن چہ اپنی نسل لئی اِک علامت ہوئے گا… یوناہ دی چھوٹی جئی کتاب خداوند یسوع دے مُردیاں وچوں جی اُٹھن دی عکاسی کردی اے تے تعلیم دیندی اے (بائبل وچوں Thru the Bible، مُردیاں وچوں یوناہ دے جی اُٹھن تے غور طلب گل، جلد سوئم، صفحہ 739)۔

یوناہ 1:17 تے نظر پاؤ۔

’’لیکن خدا نے یُوناہ نوں نگل جان لئی اِک وڈی مچھلی تیار کر رکھی سی تے یوناہ تِن دِن رات مچھلی دے پیٹ وچ رہیا‘‘ (یوناہ 1:17).

ہُن یوناہ دی کتاب وچ سب توں زیادہ اہم لفظاں تے نظر پاؤ، یوناہ دی آخیرلے پنج لفظ 2:9،

’’نجات خُدا وَلّوں آندی اے‘‘ (یوناہ 2:9ب).

مینوں ایتھے ای رُکن دیو تے اُوس بہت وڈی مچھلی وچ یوناہ دی مصیبت دے بارے چہ خود میرے اپنے خیالاں نوں پیش کر لین دیو۔

جدوں میں اگلی ای راتی یوناہ دی کتاب پڑھی تے مینوں اینج دی گل دا سمنا کرنا پیا جیدے بارے وچ میں پہلاں کدی وی نئیں سوچیا سی۔ ایہہ گل سوچنا عام اے کہ حیاتِ نو بیرونی حالات دے سبب نال ’’اُجاگر‘‘ ہوندا اے۔ بے شمار جانے مانے مبلغین کہہ رئے نے کہ کورونا وائرس اِک حیاتِ نو نوں ’’اُجاگر‘‘ کرے گا۔ میں اُوہدے وچ سراسر یقین نئیں رکھدا!!! ایہہ فنّی Finney وَلّوں اِک خیال اے تے ایہہ بالکل وی سچا نئیں اے۔

لیکن ایتھے حیاتِ نو دی اِک سچی حقیقت اے – ایہہ ’’اُجاگر ہو چُکیا‘‘ اے (مینوں جیس لفظ نوں اج کل نئے ایونجیلیکلز استعمال کر رئے نے اُوہدے توں نفرت اے) – خود خُدا دے وسیلے نال حیاتِ نو ’’اُجاگر ہو چُکیا‘‘ اے، ’’نجات خُدا وَلّوں آندی اے‘‘ (یوناہ2:9 ب)۔

لیکن ایتھے اُو اے جو میں اگلی رات واضح طور تے ویکھیا سی – تاریخ دے عظیم حیاتِ انواع دا مطالعہ کردے ہوئے، اسی دریافت کردے آں کہ تمام دے تمام وڈے وڈے حیاتِ نو رہنماواں دے مصیبتاں وچوں لنگن دے نال شروع ہوئے۔ میں اُوہناں وچوں چند اِک دے ناں جیہڑے ذہن چہ آندے نے لواں گا۔

جان ویزلیJohn Wesley – میں صرف چند اِک مصیبتاں دے بارے ای وچ دساں گا جنہاں دا تجربہ اُوہناں نے پہلی عظیم بیداری First Great Awakening توں پہلاں کیتا سی۔ اُو جارجیہ وچ اِک مشنری دی حیثیت نال ناکام رئے سی۔ اُوہناں نوں آسیباں دے نال تنازعات دا سمنا کرنا پیا۔ اُوہناں نوں بُت دی شبیہہ وچ جلایا گیا سی۔ اُو تقریباً مر چکے سی۔ اُوہناں دے بیلی جارج وائٹ فیلڈ نے اُوہناں نال دوستی توڑ دِتی سی۔ اُوہنوں نوں اپنے ای فرقے وَلّوں بدنامی ملی۔ اُوہناں تے اُوہناں دے پیو ای دے گرجا گھر چہ بہتان لگایا گیا تے پادری صاحب وَلّوں عشائے ربانی دین توں انکار کر دِتا گیا۔ اُوہناں نے اِک اینج دی خاتون نال شادی کیتی جنہاں نے اُوہناں دے بال کھِچے تے اُوہناں نوں چھڈ دِتا۔ فیر ویزلی نے خود اپنی ای پینتیکوست دا تجربہ کیتا۔ صرب اُودوں ای اُوہنے خود اپنی پینتیکوست دا تجربہ کیتا سی! ہزاروں لوکی اُوہناں نوں سُنن لئی یخ بستہ موسم چہ کھلوتے سی۔ اُوہناں دے حیاتی تے کم دے بارے وچ بادشاہ دے ماہرِ قانون نے کہیا، ’’کسی وی فرد واحد نے ایس قدر بے شمار لوکاں نوں متاثر نئیں کیتا۔ کسی وی اِک اواج نے ایس قدر بے شمار دِلاں نوں نئیں چھویا۔ کسی ہور شخص نے انگلستان لئی حیاتی دا اینج دا کم نئیں کیتا۔‘‘ حال ای وچ اِک پبلیشنگ ہاؤس نے کہیا، کہ جان ویزلی رسولانہ زمانے توں لے کے ہُن تیکر سب توں زیادہ طاقتور ترین مبلغین وچوں اِک‘‘ سی۔

ماری مونسینMarie Monsen – اُوہناں نے چین وچ حیات نو لئی روزہ رکھنا تے دعا منگنا شروع کیتی سی۔ شیطان نے اُوہناں نوں دبوچ کے زمین تے کھِچ لہیا سی تے اِک بہت وڈے سپ وانگوں اُوہناں دے جسم دے گرد کنڈلی مار لئی سی۔ اُوہناں نے بغیر کسی سہارے یا مدد دے، تن تنہا، کم نوں جاری رکھیا، اِک کَلّی مشنری خاتون جنہاں نے اُوس عظیم حیات نو لئی دعا نوں جاری رکھیا چین دے گھریلو گرجا گھراں وچ اج دے دِن تیکر جاری اے۔

جاناتھن گوفورتھ Jonathan Goforth – اُو تے اُوہناں دی ووہٹی چین چلے گئے سی جیتھے اُوہناں نے شدید دُکھاں دا سمنا کیتا۔ اُوہناں دے چار بچے مرے۔ خود مسٹر گوفورتھ تقریباً دو وری مرن دے قریب ہوئے۔ اُوہناں نوں اپنے مُردہ بچیاں نوں اِک ریڑھی وچ 12 گھنٹیاں دے مسافت تے مسیحی تدفین دین دی خاطر لے جانا پیا سی۔ میری خواہش اے میرے کول تہانوں دسن لئی ویلہ ہوندا کیویں مسز گوفورتھ تے اُوہناں دے بچیاں نے دُکھ برداشت کیتے۔ جدوں اُوہناں دا بچہ کونسٹانس Constance مریا تے ’’ساڈے چھوٹے کونسٹانس دا جسم اُوہدی بہن دی قبر دے پہلو وچ اُوہدی سالگرہ دے دِن 13 اکتوبر، 1902 وچ رکھیا سی۔‘‘
     صرف اُودوں ای خدا دی حیات نو دی اگ گوفورتھ دے جلسیاں وچ نازل ہوئی سی۔ دعا منگن لئی اِک موقع فراہم کیتا گیا سی۔ مسز گوفورتھ نے کہیا، ’’ایہہ یکایک تے برق و باراں دے اِک طوفان دی شورش دے نال آیا سی… لہٰذا ایہہ دعا دے طوفان دے نال ایتھے ای ہویا سی۔ ایدی کوئی روک تھام نئیں سی، تے ایویں کرن لئی کوئی اِقدام وی نئیں کیتا گیا… جیویں مرد تے عورتاں خُدا دی قوت دے تحت آ گئے سی… کُج جیہڑے خُدا توں بہت دور بھٹک چُکے سی ہُن کھُلم کھُلا اپنے گناہواں دا اعتراف کردے ہوئیاں واپس آ گئے سی… کوئی اُلجھن نئیں سی۔ ساری دی ساری جماعت دعا وچ متحد سی… اسی سب براہ راست جلسیاں وچ اپنے گھٹنیاں تے جاندے، تے، اوہ، ایدی اُو خوش تے جلال!... اسی صرف اپنے سراں نوں جھکاندے تے خُدا دی اواج نوں سانوں کہندے ہوئیاں سُنندے، ’خاموش رہو تے جان لیو کہ میں خُدا آں۔‘ ہُن اسی جان چکے سی کہ ایہہ ’نا ای قوت دے بل تے، نا ای طاقت دے زور نال، بلکہ میری روح دے وسیلے نال، لشکراں دے خداوند نے فرمایا۔‘
     بہت وڈے وڈے ہجوم، 700 افراد توں وی بہت زیادہ، اگلی قطاراں وچ اپنے گناہواں دا اعتراف کرن لئی بھِیڑ لگا رئے سی… جلسیاں نوں اِختتام پذیر کرنا مشکل ہوندا سی۔ ہر جلسہ تقریباً تِن تِن گھنٹیاں تیکر جاری رہندا۔ بِلاشُبہ، ہر اِجلاس سارا سارا دِن رہندا… گوفورتھ دے ذریعے نال اِک مختصر پیغام دِتا گیا سی ایس شروعات نال ہر فرد دے تجربے توں کُج بہتر ول جایا جائے۔ ایہہ کٹر پریسبائیٹیرئینز سی، عام طور تے چوکس، خُدا توں رحم لئی پکاردے ہوئے… جان دی شدید اذیت وچ سسکیاں بھردے ہوئیاں اِک کٹر پریسبائیٹیرئین مبلغ نوں بعد چہ اپنے کمرے وچ کَلّیاں پایا گیا۔ مسز گوفورتھ نے کہیا، ’’اینج دی دعاواں – براہ راست تے سادگی دے نال، یقین دہانی نال! اینج دے ماحول وچ رہنا اِک الہٰام سی!‘‘
     گورے مشنریاں نے وی اپنے چینی پراہواں دے نال اپنے قصوراں تے گناہواں تے ناکامیاں دا اعتراف کرن وچ حصہ پایا۔ ایہہ سب نوں اِکٹھا کرن آلا ویلہ سی – چینی دے نال چینی، مشنری دے نال چینی، تے سب کیوں جے اُو مسیح چہ اکٹھے متحد سن۔ تے مسیح سانوں سب نوں کہہ رہیا سی، ’کہ اُو سب اِک ہون گے… میں اوہناں وچ تے اُو میرے چہ، کہ اُو سب اِک ای چہ کامل ہو جان۔‘‘‘

ساڈے سابقہ گرجا گھر وچ کُج اِجلاس ہوئے سن جیہڑے چین چہ گوفورتھ دے نال اِجلاساں وانگوں ظاہری طور تے وکھائی دیندے سن۔ میں ’’ظاہری طور تے‘‘ مقصداً کہیا۔ کیوں جے ساڈے گرجا گھر وچ زیادہ تر رہنماواں نے خُدا دے نال جدوں اُوہناں نے اپنے گناہواں دا اعتراف کیتا تے جھوٹ بولیا سی۔ پس، جیویں کہ ڈاکٹر ٹوزر Dr. Tozer نے کہیا، اُوہناں نے دو گناہواں دا اِرتکاب کیتا – جھوٹ بولن دا گناہ، تے خدا دے ناں چہ جھوٹ بولن دا گناہ! ڈاکٹر کیگن توں ڈاکٹر کرھیٹن نے جھوٹ بولیا جدوں اُوہناں نے کہیا ’’تکمیل‘‘ لئی ’’تبلیغ‘‘ دی لوڑ نئیں سی۔ ایویں ایہہ اُداس نِکہ جیہا بندہ زیادہ تر یہوداہ وانگوں بن گیا، جیہنے مسیح نوں دھوکہ دِتا سی، ناکہ پطرس وانگوں جیہنے خلوصِ دِل نال توبہ کیتی سی۔

جاناتھن گوفورتھ دے تحت اُو حقیقی حیات نو بالکل اُوس حقیقی حیات نو وانگوں ای سی جیہنوں میں ذاتی طور تے پہلاں چینی بپٹسٹ گرجا گھر چہ ڈاکٹر ٹموتھی لِن Dr. Timothy Lin دے تحت 1960 دی دہائی دے آخر وچ ویکھیا سی، جیتھے ’’روح دے تحفیاں‘‘ نوں کوئی زور نئیں پایا گیا سی – بلکہ صرف مخلص توبہ تے دعاواں۔ افسوس دے نال، مینوں ایویں وکھائی دیندا اے، کہ ’’سزایابی تے توبہ‘‘ صرف جذباتی سن – تے مخلص نئیں سن۔ ایہہ گل مینوں ہُن وی حیرت چہ مبتلا کر دیندی اے کہ کرھیٹن تے گریفتھ جیویں دے لوکاں نوں لگدا اے کہ اُوہناں دے خیال وچ اُو خُدا نوں بیوقوف بنا پان گے!!! کیویں دا انّھا پن!!!

جدوں میں ایس واعظ نوں چند اِک راتاں پیشتر ساڈے غسل خانے وچ لکھ رہیا سی، میں ساڈے نہان دے ٹب دے کنارے تے بیہیا ہویا سی۔ اِک موقع تے میں نہان دے ٹب وچ کمر دے بل ڈِگ پیا سی، ساڈے ٹب دے پیندے وچ اپنے سر دی ٹکر دے نال میں اوتھے لَتّاں سِدھی اُتے کیتے پیا سی۔ میں آزاد ہون لئی ایتھے اوتھے ہلن دی کوشش کیتی۔ لیکن میں آزاد ہو نئیں پایا۔ جدوں میں اوتھے ڈِگیا پیا سی، ٹب وچ پھنسیا ہویا، میں سوچیا میں اپنی گردن توڑ لئی اے۔ لیکن میں اپنے پیراں دے انگوٹھیاں نوں ہِلا سکدا سی، لہٰذا میں جان گیا کہ میری ریڑھ دی ہڈی نئیں ٹُٹی۔

جدوں میں اوتھے اُوس ہولناک صورتحال وچ پیا سی، تے شیطان نے مینوں دسیا کہ اسی کدی وی حقیقی حیات نو نئیں حاصل کر پاواں گے۔ ایہہ اُوسی ویلے سی جدوں خُدا نے میرے تے ظاہر کر دِتا کہ تاریخ وچ عظیم ترین حیات نو ویزلی، ماری مون سین، تے جاناتھن گوفورتھ جیویں دے لوکاں دے بعد آئے سی تے دوجے لوکی جیویں جان سُنگ، جیہڑا شدید امتحاناں دے تجربیاں وچوں لنگے، جیویں یوناہ بہت وڈی مچھلی دے پیٹ وچ، ایدے توں پہلاں کہ خُداوند اُوہدے تے اِک اینج دے حیاتِ نو لئی پرہوسا کردیاں پاندا۔ کی اسی ہُن اِک حقیقی حیات نو پا سکدے آں؟ شاید۔ لیکن سانوں انتہائی مخلص تے انتہائی سچا ہونا چائیدا اے، ورنہ خداوند حقیقی حیاتِ نو نوں نازل نئیں کرے گا جیدے لئی ایس تمام وریاں دے دوران ساڈے وچوں کُج لوکی دعاواں منگدے رئے نے!

یوناہ وانگوں، اِک کیمونسٹ قید خانے وچ پاسٹر رچرڈ وورمبرانڈ 14 ورے تیکر لئی اِک مچھلی ای دے پیٹ چہ رئے سی۔ اُوہناں نے اُوہناں 14 وریاں وچوں تِن ورے قیدِ تنہائی چہ لنگائے سی، کسی نوں وی ویکھنا نصیب نئیں ہوندا سی ماسوائے اُوہناں نوں اذیت دین آلیاں دے۔ خُدا نے کیوں وورمبرانڈ نوں اُوس سب وچوں لنگن دِتا؟ جے تُسی اُوہناں دی کتاب دا مطالعہ کرو تے تُسی ویکھو گے کہ خداوند نے اُوہناں دے قیدخانے نوں اُوہناں نوں محبت کرن آلا تے مخلص بننا سِکھایا۔ میں کدی وی اینے مخلص شخص نال جیہنے رچرڈ وورمبرانڈ نئیں ملیا۔ قید توں رہائی دے بعد اُوہناں نے ساری دُنیا نال مخلصی نال گل کرنا قید تنہائی ای وچ سکھیا سی۔ کرھیٹن تے گریفتھ وانگوں چھوٹے لوکی کدی وی مخلص نئیں سی۔ اُوہناں نے تے خُدا تک دے نال جھوٹ بولیا۔ اُوہناں نے ایتھوں تیکر کہ اُوہناں گناہواں دا وی ’’اعتراف‘‘ کیتا جیہڑے اُوہناں لئی کدی وی اہمیت دے حامل نئیں سی۔

ایہہ ویکھنا نہایت آسان جئی گل اے کہ جان ویزلی، ماری مون سین تے جاناتھن گوفورتھ سنجیدہ لوکی سن، ناکہ غیر سنجیدہ۔ یوناہ وی اُوہناں وانگوں ای سی!

ڈاکٹر اے۔ ڈبلیو۔ ٹوزر نے کہیا، ’’جے اسی اینوں کرن لئی اینے ای احمق آں تے اسی خدا دے کول حیاتِ نو بھیجن لئی بے جا ورے لنگا سکنے آں، جدوں کہ اسی اکھاں بند کر کے اُوہدی ضرورتاں نوں نظر انداز کر دیندے آں تے اوہدے قوانین نوں توڑنا جاری رکھنے آں۔ یا اسی ہُنے ای توں فرمانبرداری کرنا شروع کر دیاں تے تابعداری دی برکتاں نوں جان لواں۔ خُداوند دا کلام ساڈے سمنے اے۔ سانوں صرف اینوں پڑھنا تے جو اوتھے لکھیا اے اُو کرنا اے تے حیاتِ نو… اینے ای قدرتی طور تے آ جائے گا جیہنے قدرتی طور تے بیج بون تے اُگن دے بعد فصل دی کاشت ہوندی اے‘‘ (’’حیات نو دے بارے وچ کی خیال اے؟ – حصہ اوّل What About Revival? – Part I‘‘)۔ مخلصی اے جیدی خدا تلاش کر رہیا اے!

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔