ڈاکٹر ٹموتھی لِن توں سِکھنا

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

واعظ توں پہلاں گیت گایا: ’’کی میں صلیب دا اِک سپاہی آں؟ Am I a Soldier of the Cross?‘‘ (شاعر ڈاکٹر آئزک واٹز Dr. Isaac Watts، 1674۔1748).

ڈاکٹر ٹموٹھی لِن Dr. Timothy Lin دی کتاب کلیسیا دی ترقی دا راز The Secret of Church Growth نوں فیر پڑھن دے بعد میں ایس گل توں ہور زیادہ واقف ہو گیا کہ ہُن تیکر ساڈا گرجا گھر کیوں وڈے پیمانے تے ناکام رہیا اے۔ ساڈی ساری کمزوریاں تے ناکامیاں خود ساڈی اپنی ای کمزوری توں جڑ پھڑدیاں نے۔

میں اِک ’’بُرے‘‘ خاندان نال تعلق رکھن آلا نوجوان سی۔ ایہہ گل ایس ای قدر سادہ جئی اے۔ میں اپنی پوری قوت دے نال خود نوں تربیت یافتہ بنان دی کوشش کیتی سی۔ میں دُنیاداری آلی نوکری تے صبح 8:00 وجے توں شام 5:00 وجے تیکر کم کیتا سی – تے فیر رات چہ کالج جایا کردا سی! میں جمعہ دیاں شاماں، سارا ہفتے تے اتوار دا دِن چینی گرجا گھر وچ کم کرن چہ گزارا سی۔ خود میری اپنی حیرانگی لئی، میں اِک ’’خود ساختہ‘‘ شخص بن گیا سی۔ لیکن فیر وی اِک بَدّل سی جیہڑا مینوں اِک مضبوط مشنری بنن توں روک رہیا سی۔ میں دِن چہ سولہ سولہ گھنٹے پورے پورے ہفتے کم کیتا، لیکن میں ’’اِک بُرے‘‘ خاندان دا ہون توں بچ نئیں پایا۔ ’’بُرے‘‘ خاندان دا پس منظر ہون دی وجہ نال، مینوں اِک ذیلی معیاری سیمنری وچ جانا پیا سی۔ ایہی سب کُج سی جیہنوں میں برداشت کر سکنا سی کیوں جے مینوں ’’بُرے‘‘ خاندان توں کوئی سہارا نئیں ملیا سی۔ صرف میری پیاری والدہ نے میری حوصلہ افزائی کیتی سی، لیکن اُوہناں دِناں وچ اُوہناں دے کول میری مدد کرن لئی پیسہ نئیں سی۔ ایس صورتحال نے مینوں میرے چینی گرجا گھر وچوں اِک ’’چنگا‘‘ مشنری بنن نوں ناممکن بنا ڈالیا سی۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

لیکن میں ڈاکٹر ٹموتھی لِن دی عمدہ تعلیمات دے تحت کم کرن وچ ایناں دس وریاں چہ کئی گلاں سِکھیاں۔ مثال دے طور تے، میں ڈاکٹر لِن توں واعظاں نوں تے سنڈے اسکول دے اسباق نوں تیار کرن دا طریقہ سِکھیا۔ میں اُوہناں توں سبق تے واعظ تیار کرن دا طریقہ سِکھیا۔ ڈاکٹر لِن نے سانوں واعظ تے اسباق کیویں تیار کرنے ہوندے نے سِکھایا، اُوہناں طریقیاں دے ذریعے نال نئیں جیہڑے ساؤتھرن بپٹسٹ کنوینشن دے سنڈے سکولاں دے بورڈ نے مہیا کیتے سن، بلکہ اُوہناں نوں براہ راست بائبل وچوں تیار کرن دا طریقہ سِکھایا سی۔ ڈاکٹر لِن نے سانوں سِکھایا –

الف۔ کلام پاک دے حوالے دا اُوس ویلے تیکر مطالعہ کرو جدوں تیکر کہ مرکزی موضوع تہاڈے تے واضح نئیں ہو جاندا۔

ب۔ مرکزی موضوع دی بنیاد تے، اِک مکمل خاکہ تعمیر کرو۔

ج۔ خاکے دے سیاق و سباق دا بغور جائزہ لیو۔ کی حوالے دی وضاحت واضح اے؟ کی سچائیاں دا اِطلاق عملی اے؟ کی اِیس اِطلاق دے محرک نوں واضح کیتا گیا اے؟

(3) خُداوند توں حکمت لئی دعا منگو – اِک دانشمند اُستاد بنو۔

الف۔ تہاڈے کول خداوند دی سچائی دا علم ہونا چائیدا اے۔

ب۔ تہاڈے کول خدا دے مقصد نوں جانن لئی حکمت عملی ہونی چائیدی اے کہ اُوہدے مقصد نوں کیویں بروئے کار لہیایا جائے۔

ج۔ اِساتذہ نوں ایہہ گل سمجھ لینی چائیدی اے کہ ’’اِیس دُنیا دی حکمت‘‘ بشراں نوں نئیں جِتدّی یا طُلبہ دی مدد نئیں کردی، کہ ایہہ تعلیمات بائبل دی بصیرت توں واضح تے متحرک ہو سکدیاں نے – تاں جے غیر نجات یافتہ طالب علم یسوع تے پرہوسا کر پاؤ تے نجات پا سکو، تے اُو جیہڑے نجات پا چکے نے مسیح وچ پختگی دے نال قدم اگے ودھا پاؤ۔

وضاحت – اینج دے لفظ تے جملے استعمال کرو جنہاں توں طالبِ علم واقف ہون۔ طُلبا نوں سوچن لئی متحرک کرو۔ طُلبا نوں شامل کرن لئی سوال پُچھو۔ نئی بصیرتاں نوں تفصیل دے نال بیان کرو۔ عکاسی، خاکیاں یا مثالاں نوں مناسب طور تے استعمال کرو۔

خُدا دی محبت مسیحیاں دی بائبلی ذمہ داریاں نوں پیش کردی اے، تے اج کلیسیا دیاں کمزوریاں، روحانی ترقی لئی ضروریات، خُداوند دی آمد ثانی لئی شرائط نوں پیش کردیاں نے۔

سنڈے سکول دے اِساتذہ دے سمنے ایناں گلاں نوں رکھن لئی، ایناں اصولاں نوں اِساتذہ [دی حیاتی] وچ داخل کرن لئی ڈاکٹر لِن ہفتہ وار سبق پڑھایا کردے سی جیہڑا اُو خود پیش کردے سی (ڈاکٹر لِن دی کتاب کلیسیا دی ترقی دا راز The Secret of Church Growth وچ صفحہ 74 تا 87 وچ ویکھو)۔

ڈاکٹر لِن نے ایس خاکے نوں ایناں لفظاں دے نال ختم کیتا: ’’سنڈے سکول دی اِک مضبوط منادی ساری کلیسیا دی نمو یا ترقی لہیائے گی تے عظیم مقصد نوں پورا کرن چہ کلیسیا دی مدد کرے گی: ’اُوہناں ساریاں گلاں تے جنہاں دا میں تہانوں حکم دِتا اے اُوہناں تے عمل پیرا ہو!‘ فیر کلیسیا بابرکت ہوئے گی تے خداوند دی بادشاہی جلد ای آئے گی۔ آمین! ’خداوند یسوع، آ جا!‘‘‘

میں ڈاکٹر لِن دی کتاب وچ بیان کردہ سنڈے اسکول دی مذہبی خدمت نوں جیویں کہ ڈاکٹر لِن دی کتاب وچوں ایتھے خاکہ پیش کیتا کدی وی نہ کر پایا۔ ساڈے گرجا گھر وچ اندرون شہر دے لوکی اِک چنگا سنڈے سکول تے پرہوسا کرن لئی بے انتہا دُنیاوی سن۔ لیکن ہُن خود خُدا نے زیادہ تر جذباتی لوکاں نوں نکال باہر کیتا تے شاید اسی نئے گرجا گھر وچ اِک سنڈے سکول شروع کرن دے قابل ہو جاواں۔ میں خود پہلی کلاس دی تعلیم دین توں غالباً شروع کراں گا۔ فیر، بعد چہ، دوجے، جیویں ڈاکٹر کیگن Dr. Cagan تے مسٹر نعان Mr. Ngann خود اپنیاں کلاساں پیش کر سکن گے۔ لیکن سانوں شروع شروع چہ دھیمے چلنا چائیدا اے۔

میرے خیال وچ تُسی ڈاکٹر لِن دے خاکے توں دس سکدے اُو خود میری اپنی تبلیغ نوں اُوہناں دی تعلیمات کیس قدر متاثر کر چُکیاں نے۔

کرھیٹن تے والڈریپ نے کدی وی اُو نئیں سِکھیا جیہرا مینوں ڈاکٹر لِن نے سِکھایا۔ پس اُوہناں دوواں وچوں کوئی اِک وی اج دے دِن تیکر خاکہ کیویں بنانا ہوندا اے تے منادی کیویں کرنی ہوندی اے نئیں جانندا۔ اُوہناں دوواں وچوں کسی اِک نوں وی ڈاکٹر لِن ولوں تعلیم دین یا ’’تبلیغ‘‘ کرن لئی چُنیا نئیں گیا ہوئے گا۔

والڈریپ بائبل دی مختلف کتاباں وچوں آیت بہ آیت ’’تفسیراتی‘‘ واعظاں دے ذریعے نال تبلیغ کرن دی کوشش کردا اے۔ کرھیٹین اُو ہُنے تیکر نئیں کردا اے۔ اُو جیہڑا میں کیتا اُوہدی نقل کرن دی کوشش کردا اے۔ لیکن اُو ایہہ کر سکدا کیوں جے اُوہنوں خُدا ولوں بھیجیا نئیں گیا اے! ڈاکٹر لِن نے کہیا، ’’آخیرلے ایام دی کلیسیا دی ویرانی دا سبب پادری صاحبات دی قلت نئیں اے بلکہ بہت سارے پادری صاحبات نے جیہڑے خدا دے بھیجے بغیر ای مذہبی خدمات سر انجام دیندے نے۔ چونکہ اُو خدا ولوں بھیجے نئیں گئے نے، تے اُو کیویں توقع کر سکدے نے کہ خُدا اُوہناں لئی ذمہ دار ہوئے تے اُوہناں نوں پیغام مہیا کرے؟ نا صرف خدا ذمہ دار نئیں اے، بلکہ اُو شاید اُوہناں دے خلاف وی ہوئے (یرمیاہ 23:30۔31). ‘‘ مہربانی نال کھلوو تے یرمیاہ 23:30 کھولو، جدوں میں حوالہ پڑھاں۔

’’ایس لئی خداوند فرماندا اے، میں اُوہناں نبیاں دے خلاف آں جیہڑے ایس خیال نال اِک دوجے دا کلام چُراندے نے گویا اُو میرا اے۔ ایس لئی خداوند فرماندا اے، کہ میں اُوہناں نبیاں دے وی خلاف آں جیہڑے محض اپنی زبان توں کُج بولدے نے لیکن کہندے نے کہ خداوند نے ایویں فرمایا اے۔ یقیناً میں اُوہناں دے وی خلاف آں جیہڑے جھوٹے خواباں دی نبوت خود ای کردے نے مگر کہندے نے ایہہ خداوند نے فرمایا اے۔ اُو اُوہناں نوں بیان کردے نے تے خوب جھوٹ بول کے میرے لوکاں نوں گمراہ کردے نے، حالانکہ میں اُوہناں نوں نہ تے بھیجیا نہ اُوہناں دا تقرر کیتا۔ لہٰذا اُوہناں لوکاں توں میرے لوکاں نوں ذرا وی فائدہ نئیں ہوندا۔ ایہہ خداوند فرماندا اے‘‘ (یرمیاہ 23:30۔32).

ڈاکٹر کیگن نوں یقینی طور تے خدا ولوں بھیجیا گیا سی تے خُدا ولوں تبلیغ کرن دا تحفہ وی عطا کیتا گیا سی۔ لیکن جان John ناکام رہیا کیوں جے اُوہنے فرمانبرداری نئیں کیتی 1۔ تیموتاؤس 6:6۔14، تے متی 10:36۔38 وچ جان لئی دعا منگنا آں کہ ہر رات نوں توبہ کرے۔

’’یقین جانو کہ کسی حرامکار، ناپاک یا لالچی شخص دی مسیح تے خدا دی بادشاہی وچ کوئی میراث نئیں کیوں جے اینج دا شخص بُت پرست دے برابر اے‘‘ (افسیوں 5:5).

بادشاہت قائم کرن لئی تِن گلاں درکار نے: زمین، اِختیار، تے لوکی۔ انگریز وائسرائے دے دِناں چہ انڈیا دے کول لوکی تے زمین موجود سی۔ لیکن انڈیا دے کول خود توں حکومت کرن آلی قوم ہون دا اِختیار نئیں سی۔ بالکل ایویں ای، ایناں تمام تِن گلاں زمین، لوکی تے اِختیار لئی جنت دی بادشاہت نوں وی تیار کرنا چائیدا اے۔ جدوں مسیح واپس جنت وچ چُکیا گیا سی تے اُوہنے کہیا، ’’زمین تے آسمان وچ تمام اختیار مینوں بخشیا جا چُکیا اے‘‘ (متی 28:18). لہٰذا کلیسیا نوں اِختیار تیار کرن دی لوڑ نئیں پیندی۔ لیکن زمین نوں تے لوکاں دے حوالے کیتا جا چُکیا اے (زبور 115:16 – ’’لیکن زمین اُوہنے بنی آدم نوں دِتی اے‘‘)۔ اُودوں تیار کرن لئی گرجا گھر دے کول کی رہ گیا اے؟ ایہہ لوکی نے، جیہڑے غالب آندے نے جیہڑے مسیح دے نال حکمرانی دے اہل نے۔ بائبل کہندی اے، ’’جیہڑا غالب آئے گا میں اُوہنوں اپنے نال اپنے تخت تے بِٹھاواں گا‘‘ (مکاشفہ3:21)۔

آخیرلے دِناں وچ ایمانداراں دے کول بادشاہت یا کلیسیا کی اے ایدا واضح تصور نئیں اے۔ کلیسیا لئی خُداوند دا مقصد بادشاہت دے عملے دی تربیت دا منصوبہ اے، مکمل طور تے بھُلے ہویاں یا مکمل طور تے انجانے لوکاں لئی۔ ایس ای لئی اج کل دی کلیسیا پرانے دور دے اسرائیل وانگوں اے، بیابان وچ دائریاں دی شکل چہ آوارہ گردی کردی ہوئی، کنعان وچ داخل ہون لئی نااہل۔ جے گرجا گھر غالب آن آلیاں دی تربیت دی اہمیت نوں سمجھ چُکیا ہوندا تے وراثت دی بادشاہت تے کدوں دی آ ای چُکی ہوندی!

بڑی حد تیکر کلیسیا ودھدی تے فروغ نئیں پاندی کیوں جے اج کل دے اراکین وچ مستقبل چہ عزت و وقار دی اُمید دی کمی اے۔ اُمید دی کمی گرجا گھر دے بے شمار اراکین دی اپنے خُداوند لئی محبت کم گہری تے بے جوش کر چُکی اے۔

ڈاکٹر کیگن پہلاں ای توں جانندے سی کہ جدوں اُوہناں نے ایس واعظ نوں ٹائپ کیتا تے ایہہ تقریباً لفظ بہ لفظ میرے پیارے پادری صاحب ڈاکٹر ٹموٹھی لِن Dr. Timothy Lin ولوں سی۔ ڈاکٹر لِن نے اپنی کتاب خداوند دی بادشاہتThe Kingdom of God وچ ایس ای بارے چہ تحریر کیتا سی جیہڑا میں ہُنے تہاڈی خدمت چہ پیش کیتا۔ اپنی کتاب دے آغاز وچ، ڈاکٹر لِن نے ڈاکٹر اے۔ ڈبلیو۔ ٹوزر Dr. A. W. Tozer ولوں اِک پیراگراف دا حوالہ دِتا۔ ڈاکٹر ٹوزر نے کہیا،

’’خُداوند تہانوں تہاڈی روزمرّہ دی حیاتی وچ تیار کرنا چاہندا اے تاں جے بلاشک و شُبہ [دائمیت] لئی تیار ہو جاؤ… خداوند دِن بہ دِن، سال بہ سال ساڈے باطن ای چہ کُج نہ کُج خصوصی کرن دی کوششاں کردا رہیا اے۔ کیوں؟ کیوں جے اُوہدا مقصد بے شمار پُتراں – تے تیہیاں نوں وی – جلال وچ لہان دا اے۔‘‘
(اے۔ ڈبلیو۔ ٹوزر، A. W. Tozer، ’’سانوں جلال ول لے جانا!Bringing Us to Glory!‘‘)

ساڈی جلال دی اُمید نوں بس کیویں دا ہونا چائیدا اے؟ کلام پاک کہندا اے، ’’جیہڑا غالب آئے گا میں اُوہنوں اپنے نال اپنے تخت تے بِٹھاواں گا‘‘ (مکاشفہ 3:21). ایس اُمید دی شدید خواہش تے علم دے بغیر، مسیحیاں دی حیثیت نال ساڈی گواہی اپنی پرانی فطرت دی پیروی کرنا تے خدا نال محبت کرن آلیاں دی بجائے ’’خود نال محبت کرن آلیاں دی‘‘ ہوندی اے – تے ایویں بادشاہت دے وارث ہون وچ ناکام ہوندے نے، جیہڑی ساڈے لئی بنائی عالم ای توں تیار کیتی گئی اے۔

ایتھے اِک مثال اے – اِک چینی پادری صاحب نے اِک غیر مسیحی خاندان دی خاتون نال شادی کیتی۔ اُوہنے اُوہناں دی شادی توں پہلاں نجات پائی سی۔ اُو پادری صاحب، خداوند دی محبت نال سرشار سی، تے دِن رات خداوند دی خدمت وچ لگے رہندے سی، ایتھوں تیکر کہ جدوں اُو سیمنری وچ پڑھائی کر رئے سی۔ اُوہناں دی ذمہ داریاں اُوہناں نوں اکثر گھر توں دور لے جایا کردیاں سن۔ شروع شروع چہ اُوہناں دی ووہٹی نے سمجھوتہ کیتا۔ لیکن بالاآخر صورتحال اُوہدے لئی بوجھل ہو گئی۔ اِک دِن [اُوس خاتون] نے [پادری صاحب] نوں پُچھیا، ’’پیارے، کی اسی یسوع تے پرہوسا نئیں کیتا؟‘‘ ’’جی ہاں، خداوند دے فضل نال، اسی اُوہنوں اپنے نجات دہندہ دی حیثیت نال قبول کر چُکے آں۔‘‘ ’’فیر اسی جنت چہ چلے جاواں گے؟‘‘ اُوہنے پُچھیا۔ ’’یقینی طور تے! اسی ایمان دے وسیلے نال اُوہدے فرزند بن جانے آں تے یقینی طور تے جدوں ایناں جسماں نوں چھڈن لئی ساڈی خاطر خداوند تیار ہوئے گا تے جنت ای ساڈا گھر ہوئے گا۔‘‘

اپنے غصے توں بے قابو ہوندے ہوئے، اُو چلائی، ’’تے فیر تُسی دِن تے رات خدمت وچ کیوں لگے رہندے اُو؟ خدمت! خدمت! خدمت! جے تُسی سب دی خدمت کردے اُو تے تہانوں جنت وچ جانا ملدا اے۔ دوجے ایماندار جیہڑے خدمت نئیں کردے اُو وی جنت ای وچ جاندے نے۔ تُسی ایس قدر بیوقوف کیوں اُو؟‘‘

حیران تے پریشان، ایہہ پراہ روندے روندے سینیئر پادری صاحب دے کول گیا۔ سینیئر پادری صاحب نے اُوہناں نوں کہیا، ’’پراہ، ایہہ چنگی گل اے کہ تہاڈی ووہٹی اپنے احساسات نوں الفاظ دے سکدی اے۔ حقیقت ایہہ اے کہ چینی گرجا گھراں وچ زیادہ تر لوکی اج اُوسی [خاتون] وانگوں ای سوچدے نے۔ اُو اکثر سوچدے نے کہ چونکہ اُو یسوع نوں قبول کر چُکے نے تے نئے سرے توں جنم لین دا تجربہ کر چُکے نے، تے اُو پہلاں ای توں اپنے لئی جنت دا ٹکٹ حاصل کر چکے نے تے اُوہناں دے کول کرن لئی کُج وی نئیں باقی بچیا اے۔ چونکہ اُو ایمان رکھدے نے کہ مسیحی جنت چہ جان گے چاہے اُو خداوند دی خدمت کرن یا نہ کرن، تے اُو سوچدے نے کہ اُو ایس دُنیا وچ اُوس دولت مند وانگوں حیاتی بسر کر سکدے نے تے اگلی دُنیا وچ لعزر وانگوں حیاتی بسر کر سکدے نے۔ اُو سوچدے نے کہ ایہہ گل زبردست اے۔‘‘

ایس قسم دا انتظام یقیناً مناسب ہوئے گا، لیکن ایہہ بائبل دے مطابق نئیں اے۔ ایہی وجہ اے کہ مسیح نے کہیا، ’’تُسی دو آقاواں دی خدمت نئیں کر سکدے۔‘‘ ایویں نوجوان پادری صاحب مستعدی دے نال خدا دی خدمت کرن دی لوڑ دے بارے وچ اپنی ووہٹی دے روحانی احساس نوں بہتر بنان دے قابل ہو گیا سی۔

اج خداوند دی بادشاہت تے زور دین دی لوڑ اے، اپنی حیاتیاں ہر روز گزارن دی خاطر مسیحیاں لئی زبردست اہمیت دی لوڑ لئی ایمانداراں نوں روشناس کران دی لوڑ اے – نجات پان دی خاطر نئیں بلکہ خداوند دے جلال دی خاطر، خداوند دی بادشاہت دی خاطر تے اوہدے چہ اُوہناں دی مستقبل دی وراثت دی خاطر۔

اِک نوجوان شخص نوں اِک لڑکی نال شادی کرن توں پہلاں ایناں گلاں نوں احتیاط دے نال وضاحت نال سمجھانا چائیدا اے۔ مسٹر جان ویزلی Mr. John Wesley دی حیاتی دے شدید ترین المیاں وچوں اِک اُوہناں دی شادی سی۔ [اُوہناں دی ووہٹی] اُوہناں توں توقع کردی سی کہ اُو گھر تے ای رہن گے، لیکن اُو نئیں رہ پاندے سی، لہٰذا اُوہنے اُوہناں نوں چھڈ دِتا۔ بہت محتاط رہو کہ تُسی کیدے نال شادی کردے اُو، ورنہ تہاڈے لئی تے اُوس لڑکی لئی ایہہ اِک انتہائی بُرا تجربہ ہوئے گا۔ خود میری اپنی ووہٹی ایس قدر چنگی اے کہ میں یقینی طور تے جاننا واں کہ اُو میرے لئی تے ساڈے گرجا گھر لئی خداوند دا عظیم تحفہ نے۔ مہربانی نال خدا دی خاطر ہفتے چہ اِک دِن روزہ رکھو تے دعا کرو نیا چینی گرجا گھر شروع کرن وچ خداوند ساڈی مدد کرے!

ہُن کھلوو تے ’’کی میں صلیب دا اِک سپاہی آں؟Am I a Soldier of the Cross?‘‘ گاؤ۔

کی میں صلیب دا اِک سپاہی واں، برّے دے پیچھے چلن آلا،
تے کی مینوں اُوس دے مقصد نوں اپنان توں خوفزدہ ہونا چائی دا اے، یا اُوس دا ناں بولن توں شرمندہ ہونا چائی دا اے؟

کی مینوں آسمان تے سہولت دے پھولاں آلے بستراں تے لے جایا جانا چائی دا اے،
جدوں کہ دوجے انعام جیتن لئی لڑن، تے خونی سمندراں وِچوں گزرن؟

کی میرا سامنا کرن لئی کوئی دشمن نئیں؟ کی مینوں سیلاب وِچ شامل نئیں ہونا چائی دا اے؟
ایس غلیظ دُنیا وِچ اِک دوست نوں فضل دلان لئی، مینوں خُدا تیکر پہنچان لئی؟

یقیناً مینوں لڑنا چائی دا اے، جے مینوں حکومت کرنے اے؛ خُداوندا! میرے حوصلے نوں ودھا،
میں سختیاں نوں جھیلاں گا، درد نوں برداشت کراں گا، تیرے کلام دے سہارے دے وسیلے نال
(’’کی میں صلیب دا اِک سپاہی آں؟Am I a Soldier of the Cross?‘‘ شاعر ڈاکٹر آئزک واٹز Dr. Isaac Watts، 1674۔1748)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔