ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 43 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




واعظ توں پہلاں حمدوثنا دا گیت گایا: ’’بُلند ترین زمین Higher Ground‘‘
         (شاعر جانسن اُوٹمین، جونیئر Johnson Oatman, Jr.، 1856۔1926)

کی کرونا وائرس سانوں روک پائے گا؟

SHALL THE CORONAVIRUS STOP US?
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر وَلّوں
ایمیریٹس پادری صاحب
by Dr. R. L. Hymers, Jr.,
Pastor Emeritus


لاس اینجلز دی بپتسمہ دین آلی عبادت گاہ وچ دِتا گیا اِک واعظ
خُداوند دے دِن دی دوپہر، 10 مئی، 2020
A sermon preached at the Baptist Tabernacle of Los Angeles
Lord’s Day Afternoon, May 10, 2020


مہربانی نال لوقا21:8۔11 کھولو۔

’’تے اُوہنے کہیا، خبردار! گمراہ نہ ہو جانا کیوں جے کئی لوکی میرے نام نال آن گے تے کہن گے اُو میں ای آں تے ایہہ وی کہ ویلہ نزدیک آ پہنچا اے۔ تُسی اُوہناں دے پِچھے نہ چلے جانا۔ تے جدوں لڑائیاں تے بغاوتاں دیاں افواہاں سُنو تےخوفزدہ مت ہونا کیوں جے پہلاں اُوہناں دا ہونا ضروری اے لیکن ہُنے آخرت نہ ہوئے گی۔ اُودوں اُوہنے اُوہناں نوں کہیا، اِک قوم دوجی قوم دے خلاف تے اِک سلطنت دوجی سلطنت دے خلاف اُٹھ کھلوئے گی۔ تھاں تھاں وڈے وڈے بھونچال آن گے، قحط پین گے تے وباواں آن گئیاں۔ دہشتناک واقعات رونما ہون گے تے آسمان تے عظیم نشانات ظاہر ہون گے‘‘ (لوقا21:8۔11)۔

ہُن متی24:4۔8 آیت کھولو۔

’’تے یسوع نے جواب وچ اُوہناں نوں کہیا، خبردار! کوئی تہانوں گمراہ نہ کر دے۔ کیوں جے بہتیرے میرے نام نال آن گے تے کہن گے کہ میں مسیح آں تے بہتیرے لوکاں نوں گمراہ کر دین گے۔ لڑائیاں ہون گئیاں تے تُسی لڑائیاں دیاں خبراں تے افواہاں سُنو گے۔ خبردار! گھبرانا مت، کیوں جے ایناں گلاں دا ہونا ضروری اے۔ لیکن ہُنے خاتمہ نئیں ہوئے گا۔ کیوں جے قوم تے قوم تے سلطنت تے سلطنت چڑھائی کرے گی۔ تھاں تھاں قحط پین گے تے زلزلے آن گے۔ مصیبتاں دا آغاز ایناں ای گلاں توں ہوئے گا‘‘ (متی24:4۔8)۔

ایناں حوالیاں وچ میں چاہنا آں کہ تُسی اِک لفظ – ’’وباواں‘‘ تے غور کرو۔ فیر متی 24:8 آیت تے غور کرو، ’’مصیبتاں دا آغاز ایناں ای گلاں توں ہوئے گا۔‘‘

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

ہُن اُو لفظ ’’وباواں‘‘ اہم اے، ایہہ یونانی وچ لوئیموئی loimoi جمع [دے صیغے] وچ اے۔ اُونگر دا تبصرہ بائبل Unger’s Bible Commentary کہندا اے کہ اُو لفظ ’’طاعون … لئی لاگو‘‘ ہویا اے۔ یسوع نے ایڈز دی وبا دی پیشن گوئی کیتی سی۔ کلام وی کورونا وائرس عالمگیری وبا دی پیشن گوئی کردا اے۔ غور کرو 8 آیت وچ مسیح نے ایناں وباواں دے بارے وچ کی کہیا سی، ’’مصیبتاں دا آغاز ایناں ای گلاں توں ہوئے گا۔‘‘ یونانی لفظ دا مطلب ’’[زچگی دے درد] دردِ زہ دا آغاز‘‘ ہوندا اے (میک آرتھر MacArthur).

اپنے زمانے دی گل کردے ہوئے، جے۔ این۔ ڈاربی J. N. Darby نے کہیا، ’’جھوٹے گرجا گھر ہوا کرن گے: قحط، وباواں، زلزلے ہون گے۔‘‘ وائن دی تفسیراتی لغت Vine’s Expository Dictionary وباواں دی ایویں تعریف پیش کردی اے ’’کوئی وی مہلک متعدی بیماری جیہڑی لوقا 21:11 وچ جمع دے صیغے وچ استعمال ہوئی۔‘‘

ہُن غور کرو لوکی کووِیڈ وبا دے بعد ’’گرجا گھر کیویں کرن‘‘ گے۔ وَن نیوز ناؤ۔کام onenewsnow.com تے اِک رپورٹ (24 اپریل، 2020 دا عنوان سی، ’’کووِیڈ دے بحران دے بعد لوکی ’گرجا گھر کیویں کیتا‘ کرن گے؟‘‘ ایہہ کہندا اے کہ بے شمار لوکی ’’آن لائین عبادتاں‘‘ وچ شریک ہون گے۔ ایہہ کہندا اے کہ ’’وبائی مرض دے بعد گرجا گھر دی حیاتی پہلے دی نسبت واضح طور تے مختلف نظر آ سکدی اے۔‘‘ ’’42 % کہندے نے کہ وبائی مرض دے بعد چندہ دینا پہلے دے مقابلے وچ بدترین اے۔‘‘ ’’چرچ دے رہنماواں وچ اِک حد تیکر اضطراب پایا گیا سی جیہڑے ایس گل توں خوفزدہ نے کہ لاک ڈاؤن ختم ہون دے بعد اوہناں نوں کیس گل دا سمنا کرنا پئے گا۔‘‘ ’’گرجا گھر جان آلے افراد دی اِک وڈی تعداد دے میگا چرچ وچ شرکت کرن نال، پورے امریکہ وچ گرجا گھر دے رہنماواں وچ اِک حد تیکر خدشات پائے جاندے نے۔‘‘ رویاں دے سائنسداناں دی حیثیت نال، اسی یقین رکھنے آں کہ منظر نامے وچ زیادہ امکان ایس گل دا اے – تے اُو اے کہ بے شمار پادری حضرات دا تعلق اے۔‘‘ ’’ثقافت نے لوکاں نوں مانگ دے مطابق شیواں دستیاب ہون دی توقع کرنا سکھایا اے۔‘‘

مذہبی خدمت وچ گذشتہ 62 سال گزار چکن دے بعد، میں یقین کرنا واں کہ ایناں خوفاں دی وجہ بہت سخت اے۔ میرا خیال اے کہ 2۔ تسالونیکیوں 2:3 وچ کہی گئی آخیرلے زمانے دی پیشن گوئی دا وی حصہ ہو سکدا اے، ’’نہ ای کسی طرح دے فریب وچ آنا کیوں جے اُو دِن نئیں آئے گا جدوں تیکر کہ لوکی ایمان توں برگشتہ نہ ہو جان‘‘ (اُو اِرتداد the apostasy – Hē apostasia”)۔ ڈاکٹر میریل ایف اُونگر Dr. Merril F. Unger نے کہیا، ’’جُزوی طورتےگمراہ ہونا مکمل طور تے گمراہ ہون دا راستہ فراہم کردا اے – مسیحیاں دے ذریعے تمام ایمان دے عقائد نوں چھڈن دے ذریعے نال‘‘ (بائبلی ڈیمونولوجی Biblical Demonology، صفحہ 207). کی اسی حقیقی ہو سکنے آں جے اسی کلام پاک دی ایس اہم آیت دی فرمانبرداری وچ ناکام رہنے آں؟

’’باہم جمع ہونا نہ چھڈو جیویں بعض لوکی کردے نے بلکہ اسی اِک دوجے نوں نصیحت کراں۔ تُسی جیس قدر خداوند دی فیر آمد دے دِن نوں نزدیک ہوندے ہوئے ویے اُو اُوسی قدر زیادہ ایناں گلاں تے عمل کیتا کرو‘‘ (عبرانیوں 10:25).

ایس آیت دے بارے وچ ڈاکٹر ڈبلیو۔ اے۔ کرِسویل Dr. W. A. Criswell نے کہیا، ’’عبرانیوں دے مصنف دا مؤقف اے کہ اکٹھے جمع ہون دی مشق دے ودھن دے نال نال… جیویں جیویں مسیح دا دِن قریب آندا اے… مقامی گرجا گھر دی اہمیت تے ہر مسیحی نوں مقدسین دی مقامی جماعت دے نال وفادار رہن دی لوڑ تے زور دینا چائیدا اے‘‘ (کرِسویل دا مطالعہ بائبلThe Criswell Study Bible؛ عبرانیوں 10:25 تے غور طلب گل)۔

مینوں یقین اے کہ اج کل ایہہ لفظ ہور وی زیادہ معنی خیز ہو رئے نے، جیویں جیویں اسی مسیح دی آمد ثانی نوں آندا ہویا ویکھدے آں۔ نئے ایونجیلیکلز ایس آیت دی پاسداری نئیں کردے۔ جیویں جیویں اسی بہت وڈے مصائب دے دور ول ودھدے آں تے اینوں ہور وی زیادہ مسترد کر دِتا جائے گا۔ شیطان ایہہ گل جانندا اے کہ اینوں ہور وی کمزور کرن لئی سچے مسیحیاں نوں اُوہدے مقامی گرجا گھراں توں علیحدہ کرنا چائیدا اے، تاں جے بالاآخر نوں دجال [دشمن مسیح] دے سمنے سر تسلیمِ خم ہو جان۔

مینوں بہت دُکھ ہوندا اے کہ ڈیوڈ یرمیاہ David Jeremiah جیویں لوکی مقامی گرجا گھر وچ باقاعدگی نال شرکت تے زیادہ زور نئیں دیندے نے۔ ڈاکٹر یرمیاہ اپنے ناظرین نوں ایہہ دسن چہ ناکام رئے نے کہ کیویں بہت وڈے مصائب دے دور لئی تیاری کرنی چائیدی اے۔

ہُن متی 24:6۔8 کھولو۔

’’تے تُسی لڑائیاں دیاں خبراں تے افواہاں سُنو گے۔ خبردار! گھبرانا مت، کیوں جے ایناں گلاں دا ہونا ضروری اے۔ لیکن ہُنے خاتمہ نئیں ہوئے گا۔ کیوں جے قوم تے قوم تے سلطنت تے سلطنت چڑھائی کرے گی۔ تھاں تھاں قحط پین گے تے زلزلے آن گے۔ مصیبتاں دا آغاز ایناں ای گلاں توں ہوئے گا‘‘ (متی 24:6،7، 8).

’’ہُنے خاتمہ نئیں ہوئے گا‘‘ (24:6).

’’کیوں جے قوم تے قوم تے سلطنت تے سلطنت چڑھائی کرے گی۔ تھاں تھاں قحط پین گے تے زلزلے آن گے۔ مصیبتاں دا آغاز ایناں ای گلاں توں ہوئے گا‘‘ (متی 24:7، 8).

’’مصیبتاں دا آغاز اِیناں ای ساریاں گلاں توں ہوئے گا‘‘ (24:8).

ہُن میں ڈاکٹر جے۔ ورنن میگی Dr. J. Vernon McGee دے نال متفق آں کہ 24:9 بہت وڈے مصائب دے دور دا ای آغاز اے۔ ڈاکٹر اے۔ ڈبلیو۔ ٹوزر Dr. A. W. Tozer نے کہیا،

’’یقیناً دِن بُرے نے تے [ایہہ] دور تیزی نال ودھ رہیا اے، لیکن سچا مسیحی بے خبری وچ نئیں پھڑیا جاندا۔ اُوہنوں ایس طرح دے وقت دے بارے وچ پہلاں توں ای خبردار کیتا جا چُکیا ہوندا اے تے [اُو] اُوہناں دی توقع کر رہیا ہوندا اے‘‘ (’’لوکاں تے خدا دے بارے وچ Of God and Men،‘‘ ورق 131).

مہربانی نال کھلو جاؤ جدوں میں متی 24:7۔14 آیت پڑھاں۔

’’کیوں جے قوم تے قوم تے سلطنت تے سلطنت چڑھائی کرے گی۔ تھاں تھاں قحط پین گے تے زلزلے آن گے۔ مصیبتاں دا آغاز ایناں ای گلاں توں ہوئے گا۔ اُوس ویلے لوکی تہانوں پھڑ پھڑ کے سخت ایذا دین گے تے قتل کرن گے تے ساریاں قوماں میرے نام دی وجہ توں تہاڈے نال دشمنی رکھن گئیاں اُوس ویلے بہتیرے لوکی ایمان نال برگشتہ ہو کے اِک دوجے نوں پھڑوان گے تے آپس وچ عداوت رکھن گے۔ بہتیرے جھوٹے نبی اُٹھ کھلون گے تے بہتیرے لوکاں نوں گمراہ کر دین گے۔ بے دینی دے ودھ جان دے باعث کئی لوکاں دی محبت ٹھنڈی پے جائے گی۔ لیکن جیہڑا کوئی آخر تیکر برداشت کرے گا اُو نجات پائے گا۔ تے بادشاہی دی خوشخبری ساری دُنیا وچ سُنائی جائے گی تاں جے سب قوماں ایدی گواہ ہون تے اُودوں خاتمہ ہوئے گا‘‘ (متی 24:7۔14).

ہُن مینوں تہانوں دس دینا چائیدا اے کہ میں ہُن بہت وڈے مصائب دے دور توں پہلاں ریپچر تے یقین نئیں کرنا واں۔ مینوں یقین ہو چُکیا اے کہ ریپچر خُدا دا قہر نازل ہون توں پہلاں ای ہونا اے۔ ایویں، عمومی طور تے، میں کلیسا تے ریپچر توں قبل اِز قہر وچ یقین رکھنا واں جیویں کہ ایدے بارے وچ ماروِن روزنتھال Marvin Rosenthal اپنی کتاب قبل ازیں قہر کلیسیا دا ریپچر The Pre-Wrath Rapture of the Church (تھامس نیلسن اشاعت خانے Thomas Nelson Publications، 1990) وچ گل کردے نے۔ مہربانی نال روزنتھال دی کتاب دا اُوس ویلے تیکر فیصلہ مت کریو جدوں تیکر تُسی آُپ پہلاں اُوہناں پڑھ نئیں لیندے۔

ماروِن جے۔ روزنتھال میری ای وانگوں بہت وڈے مصائب دے دور توں پہلاں ای کلیسیا دے ریپچر وچ پختہ یقین رکھن آلے سی۔ مسٹر روزنتھال اپنی کتاب وچ تعلیم دیندے نے کہ مکاشفہ 16 باب وچ پیالیاں دے قہر توں بالکل پہلاں تیکر ریپچر نئیں آئے گا۔ ایویں، میں ریپچر وچ یقین رکھنا واں، لیکن میں یقین نئیں رکھدا مکاشفہ 16 باب وچ پیالیاں دے قہر توں انتہائی بالکل پہلاں تیکر ایہہ رونما ہو جائے گا۔ ایہہ کوئی بدعت نئیں اے، بلکہ ایہہ بالکل اوہی اے جیدی پیشن گوئی بائبل کردی اے۔ عظیم چینی ایونجیلسٹ جان سُنگ نے ایدے تے یقین کیتا۔ 24 وریاں توں میرے اُستاد تے پادری ڈاکٹر ٹِموتھی لِن Dr. Timothy Lin نے وی ایدے تے یقین کیتا۔ ڈاکٹر کرسٹوفر ایل۔ کیگن Dr. Christopher L. Cagan وی ایدے تے یقین رکھدے نے۔

کی روزنتھال دُرست نے؟ میرے خیال وچ اُو درست ہون دے انتہائی قریب نے۔ ایدے توں پہلاں کہ تُسی روزنتھال نوں مسترد کرو تہانوں اُوہناں دی کتاب دے سولہویں باب ’’آن آلا دور تے خاتمہ The Coming and the End‘‘ نوں پڑھنا تے اُوہدا مطالعہ کرنا چائیدا اے۔

ایس واعظ وچ میرا مقصد ایہہ ظاہر کرنا اے کہ جے اسی ’’مسیحی‘‘ بہت وڈے مصائب دے دور توں پہلاں دے دِناں وچ کسی ’’وبائی مرض‘‘ دے تلے ڈٹے نئیں رہ سکدے تے اُو اُوسی بہت وڈے مصائب دے دور دے دوران ممکنہ طور تے کیویں ڈٹے رہ پان گے؟

’’کیوں جے اُوس ویلے دی مصیبت اینج دی وڈی ہوئے گی کہ دُنیا دے شروع توں نہ تے ہُن تیکر آئی اے تے نہ فیر کدی آئے گی۔ جے اُوہناں دِناں دی تعداد گھٹائی نہ جاندی تے کوئی شخص نہ بچدا لیکن چُنے ہوئے لوکاں دی خاطر اُوہناں دِناں دی تعداد کم کر دِتی جائے گی‘‘ (متی 24:21، 22).

ایناں آیتاں وچ ’’بہت وڈی مصیبت‘‘ نوں ظاہر کیتا گیا اے۔ ڈاکٹر جے ورنن میگی نے کہیا، ’’اسی مکاشفہ دی کتاب وچ پڑھنے آں کہ بہت وڈی مصیبت دے دور دے دوران زمین دی اِک تہائی آبادی تباہ ہو جائے گی… اُوس عرصہ دے دوران فنا ہو جائے گی۔ اِک ویلہ سی جدوں ایہہ اِک مبالغہ آرائی لگدی سی۔ تاہم، ہُن جدوں کہ دُنیا دی متعدد قوماں دے کول ایٹم بم نے، جیہڑے کہ دُنیا دی آبادی نوں تباہ کر سکدے نے، تے ایہہ مبالغہ آرائی دی صورت نظر نئیں آندی‘‘(بائبل وچوں Thru the Bible؛ متی24:22 تے غور طلب گل)۔

یسوع نے کہیا، ’’جدوں تُسی اُوس اُجاڑ دین آلی مکروہ شے نوں جیدا ذکر دانی ایل نبی نے کیتا اے، مقدس مقام تے کھلوتا ویکھو (پڑھن آلا سمجھ لے)‘‘ (متی 24:15). ڈاکٹر میگی نے کہیا، ’’ساڈے خداوند بِلاشک و شبہ… دجال دی اِک تصویر ول اشارہ کر رئے نے (ویکھو دانی ایل 12:11). جیویں ہیکل وچ [فیر تعمیر] کیتا جائے گا۔‘‘

’’کیوں جے اُوس ویلے دی مصیبت اینج دی وڈی ہوئے گی کہ دُنیا دے شروع توں نہ تے ہُن تیکر آئی اے تے نہ فیر کدی آئے گی۔ جے اُوہناں دِناں دی تعداد گھٹائی نہ جاندی تے کوئی شخص نہ بچدا لیکن چُنے ہوئے لوکاں دی خاطر اُوہناں دِناں دی تعداد کم کر دِتی جائے گی‘‘ (متی 24:21، 22).

ڈاکٹر میگی نے کہیا، ’’خُداوند نسل انسانی نوں خودکشی نئیں کرن دئے گا۔ ایہی وجہ اے کہ ایہہ عرصہ ایس قدر مختصر ہوئے گا‘‘ (میگی، ibid.، متی 24:22 تے غور طلب گل)۔ غور کرو کہ ’’چُنیدہ‘‘ مسیحی وی اُوس ویلے تیکر اوتھے ای ہون گے، جیویں کہ ماروِن جے۔ روزنتھال اپنی کتاب قبل ازیں قہر کلیسیا دا ریپچرThe Pre-Wrath Rapture of the Church وچ کہندے نے۔

ہُن مہربانی نال 2 تسالونیکیوں2:3 کھولو۔

’’نہ ای کسی طرح کسی دے فریب وچ آنا کیوں جے اُو دِن آئے گا جدوں تیکر کہ لوکی ایمان نال برگشتہ نہ ہو جان‘‘ (2۔ تھسلنیکیوں 2:3).

’’ماسوائے اِرتداد پہلاں ای ہوئے‘‘ (جدید ترجمہ)۔

اِرتداد دے ایناں دِناں وچ بے شمار مبلغین، جیویں کہ کرھیٹین تے والڈریپ، اُوس تنبیہ نوں بھُل جان گے جیہڑی 1۔ تیموتاؤس 4:1، 2 وچ پیش کیتی گئی اے۔ 1۔ تیموتاؤس 4:1، 2 کھولو۔

’’لیکن پاک رُوح صاف طور تے فرماندا اے کہ آن آلے دِناں وچ بعض لوکی مسیحی ایمان توں مُنہ موڑ گُمراہ کرن آلی رُوحاں تے شیاطین دی تعلیمات ول متوجہ ہون لگن گے۔ ایہہ گلاں جھوٹے بندیاں دی ریاکاری دے باعث ہون گئیاں جنہاں دا دل گرم لوہے نال داغا گیا اے‘‘ (1۔ تیموتاؤس 4:1،2).

چونکہ اُو ایس پشن گوئی دے بارے وچ سب کُج بھُل جاندے نے، لہٰذا اُو ’’روحاں دے بہکان تے شیاطین دے عقائد تے توجہ دیندے نے؛ منافقت وچ جھوٹ بولنا؛ اپنے ضمیر نوں تپدے لوہے نال داغنا۔‘‘ ایہہ ای وجہ اے کہ اُوہناں جئے لوکی گرجا گھراں نوں تقسیم کردے نے۔ کیوں؟ کیوں جے اُو اکھاں بند کر کے ’’شیاطین دے عقائد تے دھیان دیندے نے، ’’ایہہ ای وجہ اے!

ایتھے رہنماواں دی کئی خصوصیات نے جیہڑے گرجا گھراں نوں تقسیم کردے نے۔ ایناں نوں ڈاکٹر رائے برانسن Dr. Roy Branson نے اپنی کتاب گرجا گھر دی تقسیم Church Split وچ پیش کیتا اے (ورق 29۔31).


1. اُو خودسر ہوندے نے۔ اُو ایہہ گل تسلیم کرن لئی تیار ای نئیں ہوندے کہ کوئی وی ایتھوں تیکر کہ پادری صاحب وی اُوہناں توں زیادہ سمجھدار ہو سکدے نے۔

2. اُو خودغرض ہوندے نے۔ اُوہناں نوں اپنی ای راہ چائیدی ہوندی اے، ایدے نال کوئی فرق نئیں پیندا کہ ایدے نتیجے وچ کسی نوں ہور کی نقصان چُکنا پیندا اے۔

3. جدوں اُو غلط ہون گے تے اُو اینوں تسلیم نئیں کرن گے۔ اِک خودسر دی اِک ہور نشانی۔

4. اُو ذاتی شناخت تے وقار دے پُکھے ہوندے نے۔

5. اُو محکوم ہوندے نے۔ بائبل دی کوئی وی تعلیم پادری صاحب دے اختیار تے اُوہناں دی اطاعت تے پیروی کرن توں واضح نئیں ہوندی۔ اُو کہندے نے کہ اُو مسیح دے وفادار نے۔ اُو کہندے نے کہ پادری صاحب اِک ظالم آمر نے۔

6. اُو دھوکے باز ہوندے نے۔ اُو گرجا گھر لئی فکرمند ہون دا دکھاوا کردے نے۔ لیکن اُو حقیقت وچ خود اپنی فوقیت تے رُتبے لئی فکرمند ہوندے نے۔

7. اُو لفظاں دا غلط استعمال کردے نے۔ ’’میں پادری صاحب نال پیار کرنا واں، لیکن…‘‘ فیر اُو پادری صاحب تے حملہ کر دیندے نے۔

8. اُو پادری صاحب دی غلط تشریح کردے نے، یا اُوہناں لفظاں نوں غلط مقاصد لئی لاگو کردے نے۔

9. اُو پادری صاحب دی ہر گل تے غلط محرکات دا اِطلاق کردے نے۔

10. اُو تعلیم نوں قبول نئیں کرن گے۔ جیہڑے بائبل کہندے نے اُو اُوہدے توں ’’باز رہندے‘‘ نے۔

11. اُو پادری صاحب دے خلاف شکایتاں دے نال دوجیاں دی وجوہات دا مقابلہ کردے نے۔ ایویں، اُو ہون آلی گرجا گھر دی تقسیم لئی اِتحادیاں دی بھرتی کردے نے۔


ایہہ ساری دی ساری خصوصیات کرھیٹین Kreighton \ ولڈریپ Waldrip [دی وجہ توں ہون آلی گرجا گھر دی] تقسیم دے دوران ہوئی سن۔

تبلیغ کردے وقت میں مذید ہور کھلوتا نئیں رہ سکدا سی۔ ایس گل توں کرھیٹین نوں حوصلہ ملیا۔ اُو اِک بزدلانہ جیہا بندہ اے، لیکن اُو میرے نال ناراض سی کہ میں اُوہنوں مرکزی [سب توں وڈا] مبلغ نئیں بنن دِتا۔ اُوہنے بارہا کہیا کہ اُو پریشان نئیں سی۔ ایتھوں تیکر کہ اُوہنے ڈاکٹر کیگن نوں ایہہ کہندے ہوئے لکھیا کہ اُوہنوں ’’مطمئن ہون‘‘ لئی تبلیغ کرن دی لوڑ نئیں سی۔ میں اُوہنوں تبلیغ ایس لئی نئیں کرن دِتی کیوں جے اُوہدے کول ایہہ کرن لئی اُو نعمتاں نئیں سن۔ اُوہنے کہیا کہ اُو میرے نال متفق سی۔ لیکن اُوہنے جھوٹ بولیا سی جدوں اُوہنے ایہہ گل کیتی سی۔ اپنی عمر دے بے شمار دوجے نوجوان لوکاں وانگوں، اُوہدے خود اپنے پیو دے نال تعلقات خراب سن۔ لہٰذا، جدوں میں بیمار پیا، تے اُوہنے میرے تے اپنے پیو دے خلاف بغاوت کر ڈالی۔ لیکن اُوہنے ایہہ حرکت خفیہ طور تے کیتی سی۔ میرے نال گل کرن دی بجائے، اُوہنے اِک ہور مبلغ جان والڈریپ John Waldrip نال خفیہ ملاقاتاں شروع کر دِتیاں سن۔ والڈریپ دے نال اُوہدی ملاقاتاں دے بارے وچ مینوں معلوم نئیں سی۔ والڈریپ ایناں ’’خفیہ‘‘ ملاقاتاں وچ اُوہدا حلیف بن گیا۔

فیر کرھیٹین نے گرجا گھر وچ دوجے لوکاں نوں ایہہ دسنا شروع کر دِتا کہ اُو میرے نال متفق نئیں اے۔ لیکن اُوہنے کدی وی مینوں اپنے اِختلافات دے بارے وچ نئیں دسیا۔ جدوں تیکر مینوں کرھیٹین دی بغاوت دے بارے وچ پتا چلدا بہت دیر ہو چکی سی۔ اُوہنے ساڈے نوجوان لوکاں دی دو تہائی [تعداد] نوں لہیا تے اُوہناں دے نال خود اپنا ’’گرجا گھر‘‘ شروع کر دِتا۔ اسی صرف تقریباً 35 وفادار لوکاں دے نال باقی بچے سی۔

[گرجا گھر] دی تقسیم دے ویلے تیکر، میں تقریباً 80 برس دی عمر دا سی تے میں بیمار سی۔ پہلاں وی اینج دے ای حالات توں گزرن [دی وجہ] توں، میں جاننا سی کہ خُدا ہُن وی میرے نال ای سی لہٰذا میں ایدے بارے وچ زیادہ پریشان نئیں ہویا سی۔

مناداں وچوں اِک نے میرے نال گتھم گُتھا ہون دی کوشش کیتی سی۔ اِک دوجے مناد نے خود اپنی تے اِک عورت دی فحش تصویراں اپنی ویب سائٹ تے چڑھا دِتیاں۔ اِک دوجے رہنما نے کہیا کہ میں ساڈے گرجا گھر وچ حبشی لوکاں توں تعصب رکھدا سی۔ اِک دوجے لیڈر نے شکایت کیتی کہ میں نے ایل جی بی ٹی کیو ایس LGBTQS دے لوکاں وَلّوں حملیاں دی وجہ توں سڑکاں تے تبلیغ روکی سی، جنہاں دی کسی وی طرح توں مدد نئیں کیتی جا رئی سی۔

جدوں ایہہ ساریاں گلاں منظر عام تے آن تے میں پادری صاحب دی حیثیت نال استیفعیٰ دے دِتا تے ڈاکٹر کیگن Dr. Cagan نوں پادری صاحب دی حیثیت نال مقرر کیتا گیا۔ اُوہناں دا اپنا پُتر، جیہنوں میں اگلے پادری دی حیثیت نال تیار کر رہیا سی، چھڈ کے چلا گیا، حالانکہ میں اُوہنوں قریبی بیلی سمجھدا سی۔

تے اودوں کرونا وائرس دا حملہ ہویا! لہٰذا اسی گرجا گھر دی پرانی عمارت توں باہر چلے گئے تے گھراں وچ اِجلاس دا آغاز کیتا، میرے نال، پادری ایمریٹس دی حیثیت نال، گھراں وچ ٹی وی تے ہر اِتوار نوں واعظ دیندا سی۔

اسی لاس اینجلز دے مضافاتی علاقے وچ گرجا گھر دی اِک نئی عمارت خریدی اے۔ جدوں میں مذید ہور تبلیغ نئیں کر پاواں گا تے میں اِک نوجوان چینی شخص دی ذمہ داری سنبھال لواں گا۔

آسیباں تے گرجا گھراں دی تقسیماں تے منادی کرن لئی مینوں تنقید دا نشانہ بنایا گیا، لیکن میرے کول ’’تیجی دُنیا‘‘ دے مبلغین دی اِک بہت وڈی تعداد اے جیہڑی ساری دی ساری تیجی دُنیا وچ 43 زباناں وچ میرے واعظاں نوں پڑھدے نے۔ چونکہ ہُن گرجا گھراں دی تقسیم ’’تیجی دُنیا‘‘ دے نال نال امریکہ وچ وی رونما ہو رئی اے، لہٰذا میں نے محسوس کیتا اے کہ ایہہ واعظ ساڈے نال نال اُوہناں لئی وی مددگار ثابت ہون گے۔ مینوں لگدا اے کہ خدا چاہندا اے کہ میں اِک نیا چینی گرجا گھر شروع کرن نال ای ایس موضوع تے گل کراں۔

میں خداوند دا بوہتا شکر گزار آں کہ اُوہنے مینوں چینی عوام دا مشنری بنن لئی بُلایا جدوں میں 19 برس دی عمر دا سی۔ 60 وریاں توں زیادہ عمر دا ہون دے بعد، میں ہُن وی اوہی کر رہیا واں جو کرن لئی خداوند نے مینوں کئی وریاں پہلاں بُلایا سی۔ خداوند دے فضل نال میں ہُن وی اِک مشنری ای آں۔ بہت عرصہ پہلاں میں کُج ہور بنن دا خیال ترک کر دِتا سی! ایتھے اِک چھوٹی جئی نظم اے جیدا عظیم جان ویزلی John Wesley نے اپنے جریدے وچ حوالہ دِتا،

اِک ننھا جیہا دلبر، ماڑا جیہا اُکسایا ہویا،
سردیاں دے دِن وچ سورج دی شعاع،
ایہی اے جیہڑا عظیم تے قوی کول ہوندا اے
پالنے تے قبر دے وچکار!

میں اپنی 62 سالہ تبلیغ وچ بے شمار گرجا گھراں نوں ’’نقطۂ آغاز‘‘ توں شروع کر چُکیا واں۔ مینوں یقین اے کہ خُداوند فیر شروع کرن لئی میری تے ڈاکٹر کیگن دی مدد کرے گا۔

ایہہ حالانکہ آسان نئیں ہوئے گا۔ اسی خداوند دے فضل نال، آخیرلے دِناں وچ نئے انجیلی بشارتی تعلیم دے اینٹی مونئین اِزم دے وسط چہ ایس نئے گرجا گھر نوں شروع کرن جا رئے آں۔ ایس لئی تہانوں کٹر بنیاد پرست ہون دی لوڑ ہوئے گی۔ ایس لئی تہانوں ایس قدر زیادہ مستحکم رہن دی لوڑ پئے گی کہ کرونا وائرس وانگوں اِک چھوٹی جئی شے وی تہانوں یسوع مسیح دی خاطر اُو سب کُج بنن توں نئیں روک پائے گی، جیویں ڈاکٹر ٹموتھی لِن تے پاسٹر رچرڈ وورمبرانڈ نوں نئیں روک پائی۔ یاد رکھو، سانوں ’’خدا دی بادشاہی وچ داخل ہون لئی بہتیریاں مصیبتاں دا سمنا کرنا لازم اے‘‘ (اعمال 14:22).

میں اُتے ول کوششاں توں ودھ رہیا آں، ہر روز میں نئی اُوچائیاں نوں حاصل کر رہیا آں؛
   میں ہُن وی دعا منگ رہیا آں جدوں میں ودھن لئی پابند آں، ’’خداوندا، میرے قدم بُلند زمین تے جما دے۔‘‘
خداوندا، مینوں اُتے چُک لے تے مینوں کھلو لین دے، جنت دی بعد دی سرزمین تے، ایمان دے وسیلے نال،
   میں ایس توں زیادہ اِک اعلیٰ تھاں پائی اے؛ خُداوندا، میرے قدم بُلند زمین تے جما دے۔

میرے دِل نوں اوتھے رہن دی کوئی خواہش نئیں اے جیتھے شکوک و شبہات پیدا ہون تے خوف و ہراس پھیل جائے؛
   اگرچہ کُج جیتھے ایہہ آباد نے اوتھے رہ سکدے نے، میری دعا، میرا مقصد، بُلند زمین اے۔
خداوندا، مینوں اُتے چُک لے تے مینوں کھلو لین دے، جنت دی بعد دی سرزمین تے، ایمان دے وسیلے نال،
   میں ایس توں زیادہ اِک اعلیٰ تھاں پائی اے؛ خُداوندا، میرے قدم بُلند زمین تے جما دے۔

میں دُنیا توں بالاتر حیاتی بسر کرنا چاہنا آں، اگرچہ شیطان دے تیر تیزری نال میرے زور توں سُٹے جاندے نے؛
   کیوں جے ایمان پُر مسرت آواز سُنا سُکیا اے، بُلند زمین تے مقدسین دا گیت۔
خداوندا، مینوں اُتے چُک لے تے مینوں کھلو لین دے، جنت دی بعد دی سرزمین تے، ایمان دے وسیلے نال،
   میں ایس توں زیادہ اِک اعلیٰ تھاں پائی اے؛ خُداوندا، میرے قدم بُلند زمین تے جما دے۔

میں انتہائی اُوچائی نوں سر کرنا چاہنا آں تے پُرنور جلال دی روشنی نوں پھڑنا چاہنا آں؛
   لیکن میں ہُن وی دعا منگنا رہواں گا جدوں تیکر میں جنت نوں پا نئیں لیندا، ’’خُداوندا، بُلند زمین تے میری رہنمائی کر۔‘‘
خداوندا، مینوں اُتے چُک لے تے مینوں کھلو لین دے، جنت دی بعد دی سرزمین تے، ایمان دے وسیلے نال،
   میں ایس توں زیادہ اِک اعلیٰ تھاں پائی اے؛ خُداوندا، میرے قدم بُلند زمین تے جما دے۔
(’’بُلند زمین Higher Ground‘‘ شاعر جانسن اُوٹمین، جونیئر Johnson Oatman, Jr.، 1856۔1926)۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔