Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 43 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




واعظ توں پہلاں حمدوثنا دا گیت گایا: ’’کی میں صلیب دا اِک سپاہی آں؟ Am I a Soldier of the Cross?‘‘ (شاعر ڈاکٹر آئزک واٹز Dr. Isaac Watts، 1674۔1748)۔

ڈاکٹر ٹموتھی لِن آخیرلے ایام وچ کلیسیا دے بارے وچ!

DR. TIMOTHY LIN ON THE CHURCH IN THE LAST DAYS!
(Punjabi – A Language of Pakistan)


ڈاکٹر آر۔ ایل۔ ہائیمرز، جونیئر وَلّوں
ایمیریٹس پادری صاحب
by Dr. R. L. Hymers, Jr.,
Pastor Emeritus

لاس اینجلز دی بپتسمہ دین آلی عبادت گاہ وچ دِتا گیا اِک واعظ
خُداوند دے دِن دی دوپہر، 19 اپریل، 2020
A sermon preached at the Baptist Tabernacle of Los Angeles
Lord’s Day Afternoon, April 19, 2020

’’اے صبح دے ستارے، اے لوسیفر! تُو کیویں آسمان توں ڈِگ پیا! تُو جیہڑا کسی زمانے وچ قوماں نوں زیر کیتا ڈگدا سی، خود وی زمین تے پٹکیا گیا! کیوں جے تُو اپنے دِل وچ کہندا سی، میں آسمان تے چڑھ جاواں گا تے اپنا تخت خُدا دے ستاریاں توں وی اُوچا کراں گا: میں جماعت دے پہاڑ تے تخت نشین ہواں گا، اُوس مقدس پہاڑ دی بالائی چوٹیاں تے: میں بدلاں دے سراں توں وی اُتے چڑھ جاواں گا؛ میں خُدا تعالیٰ وانگوں بناں گا‘‘ (اشعیا14:12۔14)۔

مستند عالمِ اِلہٰیات ڈبلیو۔ جی۔ ٹی۔ شیڈ W. G. T. Shedd نے مُسلمہ طور تے کہیا کہ گناہ بنیادی طور تے خودغرض اے۔ اُوہناں نے کہیا، ’’آدم نے خُدا دے بجائے پہلاں اپنی ذات ول جھکاؤ کیتا۔‘‘ پس، خودغرضی گناہ دا روح رواں اے۔ خُدا نال نافرمانی کرن نال آدم نے اپنی خودغرضانہ نافرمانی وچ لوسیفر دی پیروی کیتی۔ ڈاکٹر ھنری سی۔ تھائسن Dr. Henry C. Thiessen نے کہیا، ’’ساڈے ہاں خودغرضی وچ گناہ دا روح رواں ہوندا اے۔‘‘

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

تے ایہہ گل سانوں 2 تیموتاؤس، تِن باب تیکر لے جاندی اے۔

’’ایہہ وی جان لوو، کہ آخیرلے زمانے وچ بُرے دِن آن گے۔ لوکی خودغرضی … نوں زیادہ پسند کرن آلے ہون گے‘‘ (2 تیموتاؤس3:1،2)۔

ڈاکٹر ٹِموٹھی لِن Dr. Timothy Lin نے کہیا، ’’2 تیموتاؤس دا تیجا باب اِک واضح تنبیہہ دے نال شروع ہوندا اے: ’ایس گل دا احساس کر لوو‘، سانوں نصیحت کردے ہوئے کیوں جے ’خطرناک دور آئے گا۔‘ اُو لفظ ’خطرناک perilous‘ دا نئے عہد نامے وچ صرف دو وری استعمال ہویا۔ ایتھے تے متی 8:28 وچ، جیتھے ایہہ گدرینیاں دے شہر وچ آسیب زدہ شخص دا بیان کردا اے… کلام پاک وضاحت کردا اے کہ اُوس شخص وچ بدروحاں دی اِک فوج بسی ہوئی سی… اج دے دور دی کلیسیا وچ لُکن دے لحاظ نال، شیطان ہر قسم دے دھوکے نوں استعمال کردا اے… اُوہناں لوکاں نوں جکڑن لئی جیہڑے ایمان وچ کمزور نے۔ اُو گرجا گھر جان آلیاں نوں قتل کرن تے مجبور کر سکدا اے، جیویں کہ اُوہدا لاتعداد معاملات وچ مظاہرہ ہو چُکیا اے…‘‘

’’آخیرلے دِناں دی] کلیسیا وچ آسیباں دی موجودگی دا مذید ہور انکشاف 2 تیموتاؤس 3:3 وچ پاک روح دے ذریعے نال اُوس لفظ ڈایابولوdiabolo دے استعمال نال ہوندا اے۔ حالانکہ ترجمہ ’جھوٹے الزام لگان آلے‘ کیتا گیا اے، ڈایابولو دا اصل چہ مطلب ’ابلیس‘ دے بارے ای وچ اے۔ ایدے توں سختی نال پتہ چلدا اے کہ شیطانی طاقتاں اُوہناں تمام لاقانونیت، ناانصافیاں، جھوٹے تے برے کماں نوں اُبھارن آلیاں تے قابو پا لین گئیاں جیہڑی آخیرلے دِناں وچ [گرجا گھراں] نوں متاثر کرن گئیاں۔ اپنے وچکار شیطان دی موجودگی نوں تسلیم نہ کرنا، زیادہ تر لوکی اکھاں بند کر کے ایدی تجاویز تے عمل کردے نے تے خود انحرافی تے انحطاط دے نال اپنے آپ نوں ضائع کردے نے… جیہڑا اُوہناں دے احساس محرکہ دا مؤجب بنیا…‘‘ (ڈاکٹر ٹموتھی لِن دے ایناں حوالیاں نوں اُوہناں دی کتاب خُدا دی بادشاہت The Kingdom of God توں لہیا گیا اے۔ ڈاکٹر لِن دی کتاب دی توثیق وچ ڈاکٹر یوجین Dr. Eugene، میرل Merrill، جیہڑے کہ ڈلاس تھیالوجیکل سیمنری وچ پرانے عہد نامے دے نامی گرامی پروفیسرز نے نے کہیا، ’’بادشاہت دی حیاتی بسر کرن لئی ایہہ کتاب عمل کرن دی اِک تحریری دستاویز توں کم نئیں اے‘‘).

دوویں ڈاکٹر جے ورنن میگی Dr. J. Vernon McGee تے ڈاکٹر میرل ایف۔ اُونگر Dr. Merrill F. Unger ڈاکٹر لِن دے نال متفق نے کہ 2۔ تیموتاؤس دا تیجا باب مسیح دی آمدثانی توں قبل، آخیرلے زمانے وچ کلیسیاواں دی اِک عکاسی اے۔

ڈاکٹر لِن نے فیر کہیا، ’’کلام پاک سانوں وکھاندا اے کہ ابلیس پُتلیاں [دا نچان آلا] آقا اے جیہڑا اکثر دوجیاں نوں اپنے غدارانہ تے زہریلے منصوبیاں نوں پورا کرن لئی استعمال کردا اے۔ جدوں ہابل دا قتل ہویا سی تے شروع وچ اسی سوچیا سی ایہہ قائین دا کم اے۔ لیکن کلام پاک بعد وچ سانوں دسدا اے کہ دُنیا دا سب توں پہلا قتل دراصل شیطان دے ذریعے نال اُکسایا گیا سی (1۔ یوحنا 3:12). ملکہ آتھالیہ داؤد دے گھرانے نوں فنا کر دینا چاہندی سی، لیکن در حقیقت، شیطان نے آتھالیہ نوں زیادہ تر اُوسی نسل دے خاتمے لئی استعمال کیتا جیدے توں مسیحا نے آنا سی، جیہڑی نجات دہندہ دی پیدائش نوں روکن دی کوشش سی۔ ایہہ اُوس ویلے وی رونما ہویا سی جدوں شیطان نے ہیرودیس بادشاہ نوں بچہ یسوع نوں قتل کرن لئی متحرک کیتا سی… شیطان اِک شاندار تدبیر کار اے۔ اُو نیک ساکھ، نیک اعمال تے متغیر حالات دے پچھے تباہی پھیلان لئی لُک جاندا اے، تے اُو خصوصی طور تے گرجا گھر وچ لُکنا پسند کردا اے جیتھے اُو پاک کلام نوں تے روحانی اصطلاحات نوں خود دے بچیاں نوں دھوکہ دین لئی استعمال کردا اے۔ شیطان دی شدید خواہش ہوندی اے کہ اُو خُدا دی مخالفت کرن، خود نوں تے دوجیاں نوں دھوکہ دین تے پس اُوہدے جال وچ اِیس قدر گہرے کھِچ جان کہ اُو بے بسی نال پھندے وچ اُلجھ جان۔‘‘ (اِیس موقع تے، ڈاکٹر لِن نے تائیوان وچ اِک گرجا گھر وچ دو عورتاں وچوں بدروحاں دے نکالے جان دا اِک تصویری واقعہ پیش کیتا)۔

ڈاکٹر لِن نے کہیا، ’’ایہہ خُدا دی خواہش اے کہ کلیسیا نوں جلالی ہونا چائیدا اے، ’جیدے چہ کوئی داغ یا جُھری یا کوئی ہور نقص نہ ہوئے بلکہ اُو پاک تے بے عیب ہوئے‘ (افسیوں 5:27). ایدے باوجود ایس آخیرلے زمانے وچ کلیسیا اپنے پاک خدا دی بے عزتی لئی بے انتہا تیزی نال ناپاک ہو رئی اے تے دُنیا دے طور طریقیاں تے چلن ول راغب ہو رئی اے تے ایدا حصہ بنندی جا رئی اے۔ حد توں زیادہ غیر یقینی، لالچی تے ہوس پرست، نامزد کلیسیا خُدا دے خلاف خیالاں نوں پروان چڑھاندی اے۔ اُو اپنے ضمیر تے استدلال نوں روک کے اپنی روحانی تفہیم نوں روکدی اے… ایہہ آخیرلے زمانے وچ کلیسیا دی خصوصیت بنندی جائے گی۔ تعجب دی کوئی گل نئیں کہ پُرفضل خُداوند نے اُوہنوں کہیا اے، ’میں تیہنوں اپنے مُنہ توں اُگل دیاں گا‘ (مکاشفہ 3:16).

کیوں کلیسیا اینج دی بدکار راہواں تے چل نکلی اے؟ آخیرلے دِناں وچ کلیسیا دی وگڑدی ہوئی صورتحال دے حساب نال فیر 2 تیموتاؤس 3:1۔7 نوں ویکھو۔ آخیرلے زمانے دی کلیسیا دی بے راہ روی دی بنیادی وجہ ایہہ اے کہ اُو ’خدا نال محبت کرن آلیاں دے بجائے‘ خود نال محبت کرن آلی… بن گئی اے۔

2۔ تیموتاؤس 3:1۔7 وچ گناہواں دی فہرست ’خود نال محبت کرن آلیاں‘ دے نال شروع ہوندی اے۔ پاک کلام دے محتاط مطالعے توں… آشکارہ ہوندا اے کہ اِبتدا توں ای انسان دے سارے دے سارے گناہ خود اُوہدے اپنے ای نفس توں پیدا ہوئے سن… یہودی لوکاں یا کسی وی فرد دے ذریعہ نال کیتے گئے سارے گناہواں دا خلاصہ اِک ای جملے وچ کیتا جا سکدا اے ’ساڈے وچوں ہر اِک نے اپنی اپنی راہ لی اے‘ (اشعیا 53:6). ایویں تمام گناہ دی وجہ دا خلاصہ دو نِکّے جہئے لفظاں وچ کیتا جا سکدا اے: ’اپنی ذات۔‘

اُوہ، نفس، تُسی کیس قدر خوفزدہ اُو! تُسی کِنّے گناہواں نوں تخلیق کر چکے اُو۔ تُسی کیس قدر زیادہ پریشانیاں کھڑی کر چکے اُو۔ تُسی پراہواں نوں اِک دوجے دے خلاف اُکساندے اُو، تُسی شوہراں تے ووہٹیاں نوں الگ کرن دا سبب بنندے اُو، تُسی بیلی بناندے اُو تے اِک دوجے دے خلاف ہو جاندے اُو تے گرجا گھر دی تقسیم دا سبب بنندے اُو۔

اُو ’خود نفسی‘ ہر روز ودھ توں ودھ اشتعال انگیز سرگرمیاں وچ ملوث ہو رئی اے۔ زمین ایناں خود ساختہ مذہبی خادماں توں بھری ہوئی اے جنہاں نوں خُدا نے نئیں بھیجیا اے… خود راستباز وڈھیریاں دے ذریعے نال… کی خُداوند کلیسیا وچ اپنے تخت نوں قائم کرے گا؟ اُو نئیں کرے گا! شیطان خلا نوں پُر کرن لئی داخل ہو جاندا اے تے دشمن ’خود اپنی ذات‘ دی مدد نال [گرجا گھر] وچ خاموشی نال داخل ہو جاندا اے۔

’خود نال محبت کرن آلے‘ ہون دا ظاہری مظہر۔ دوجا تیموتاؤس 3:1۔7 بہت سارے گناہواں دا انکشاف کردا اے جیہڑے اِک منبع توں نکلدے نے: ’خود نال محبت کرن آلے۔‘ ایویں، حوالے دا مرکزی نکتہ اے کہ خود نال محبت ہر قسم دی برائی ول لے جاندی اے – آؤ اسی انفرادی طور تے ایناں نوں ویکھنے آں۔

1. حریص – پیسیاں نال محبت کرن آلے۔ لوکی خُدا دی تنبیہ نوں بھُل جاندے نے – ’کیوں جے زر دوستی ہر قسم دی بُرائی دی جڑ اے، تے بعض لوکاں نے دولت دے لالچ وچ آ کے اپنا ایمان کھو دِتا تے طرح طرح دے غماں نال اپنے آپ نوں چھلنی کر دِتا‘ (1۔ تیموتاؤس 6:10). انفرادی مسیحی جیہڑے اپنے معاملات وچ بے ایمانی کردے نے تے اپنی روز مرّہ دی گواہی تے مذہبی خدمت وچ خُدا دی قدرت دا تجربہ کیویں کر سکدے نے؟ بائبل کہندی اے، ’خواہ تہاڈی دولت ودھ وی جائے ایدے تے اپنا دِل مت لگاؤ‘ (زبور 62:10).

2. شیخی باز – مغرور افراد جنہاں نوں خود انمولیت دا احساس ہوندا اے۔ گھمنڈ آلا شخص نئیں پہچاندا کہ ایدے کول جو کُج وی اے یا جو کُج اُو حاصل کر چُکیا اے اُو ایدے تے خدا دے فضل دا نتیجہ اے۔ پاک کلام کہندا اے، ’تیرے کول کی اے جیہڑا تُو [خُدا توں] نئیں پایا؟‘ (1۔ کرنتھیوں 4:7). ’اُو نومُرید نہ ہو کے مغرور ہو جائے تے ابلیس دی سی سزا پائے‘ (1۔ تیموتاؤس 3:6).

3. مغرور – متکبر۔ اُو شاید اندروں محسوس کردے ہون کہ اُو ایہنے چنگے نئیں نے جیہنے کہ دوجے نے۔ اُو اکثر احساس کمتری نوں لُکان لئی اعلیٰ کارکردگی دا مظاہرہ کردے نے۔ خود نوں دھوکہ دینا شیطان وَلّوں ہوندا اے، اُو بُرائی آلا۔

4. بدگو – بے ادب۔ جیہڑے دوجیاں دے بارے وچ بُرائی کرن۔ مینوں کئی لوکی یاد نے جیہڑے میرے بارے وچ بُرا بولدے نے کیوں جے میں اُوہناں لوکاں وچوں آیاں واں جنہاں نوں اُو ’بُرا گھرانہ‘ کہندے نے۔ لیکن اُوہناں نے دوجیاں دی مدد دے بغیر مینوں خود نوں چنگا کر لین دا کوئی سہرا نئیں بنھیا۔ ایہی ’بے ادب‘ ہون دا مطلب ہوندا اے۔ اُو دوجیاں دے بارے وچ بُرا بولدے نے۔

5. ماں پیو دے نافرمان – افسیوں 6:3 دے مطابق دیندار پیو دے خلاف بغاوت نال حیاتی مختصر ہو جائے گی۔ میرے کول صدر ریگن دے پُتر رون دی توہین دے سوا کُج وی نئیں اے۔ اُوہدے پیو نے اُوہنوں سب کُج دِتا، لیکن اُو اج وی اپنے پیو دے خلاف سرکشی کردا اے، تے کھلم کھُلا اِک مُلحد بن کے اپنے پیو دے خُدا تے اعتقاد دا مذاق اُراندا اے۔ حقیر! اُو اِک خشک زدہ پران تعصبی بن گیا اے! اِک جھوٹے موٹے تے چالباز چہرے دے نال! ساڈے گرجا گھر وچ ہون آلا ہر اُو بچہ جیہڑا چھڈ کے چلا جاندا اے اپنے پیو تے ماں دوواں دی بدنامی کردا اے۔

6. ناشُکرے – احسان فراموش۔ قدیم چینی قول ایدے برعکس اے، ’ادائیگی دی توقع کیتے بغیر ہمدردی یا مہربانی دا مظاہرہ کرو؛ لیکن جدوں تہاڈے تے ہمدردی کی جاندی اے تے کدی وی اینوں فراموش نہ کرو۔ میں اپنے ای پیسیاں نال اِک نوجوان لئی درزی دے سِلے ہوئے دو مہنگے ترین سوٹ خریدے تے ایدے لئی افریقہ تے ہندوستان جان لئی رقم اِکٹھی کیتی۔ لیکن اُو میرا شکریہ ادا کیتے بغیر ای چلا گیا۔ اُو اِک بُرا کردار اے جیہنوں خُدا برکت نئیں دے سکدا! میرے پادری صاحب نے میرے لئی ایس قسم دا کوئی وی کم کدی وی نئیں کیتا۔ ایدے باوجود میں اُوہناں دی تعظیم کرنا واں تے اج دے دِن تیکر اُوہناں دا شکریہ ادا کرنا واں۔ میری ماں نے مینوں شکر ادا کرنا سکھایا۔ اُوہدی ماں نے اُوہناں اُو نئیں سِکھایا سی۔ میں اُوہناں اُوہدی سالگرہ تے اِک مہنگا تحفہ بھیجیا۔ اُوہنے تے ایتھوں تیکر کہ میری سالگرہ تے مینوں سالگرہ مبارک دا کارڈ تک نئیں بھیجیا! ناشکرا۔

7. ناپاک – ایدا مطلب غلیظ تے بے دین ہوندا اے۔ اِک ناپاک شخص صرف اپنے دِل دی خواہشاں نوں پورا کرن وچ دلچسپی رکھدا اے۔ مُناداں دے اِک مخصوص چیئرمین نے اپنی تے اِک عورت دی فحش تصویراں لے کے اپنی ویب سائٹ تے پا دِتیاں۔ اُوہ، اِک ناپاک شخص دا پاگل پن! اِک ناپاک شخص خُدا دے حکم دا تمسخر اُراندا اے، ’پاک ہو جا، کیوں جے میں پاک آں۔‘

8. قدرتی محبت توں خالی – محبت نہ کرن آلا۔ اینج دے لوکی خُدا دے حکم ’اِک دوجے نال پیار کرو‘ دی پیروی کرن وچ ناکام ہو جاندے نے۔ ایدے نتیجے وچ، گرجا گھر وی اکثر رسم و رواج دی ہیکل بن جاندا اے، بجائے ایدے کہ دِل نال محسوس ہون آلی محبت آلا بن جائے۔ میں تے میری اہلیہ کسی ہور ریاست وچ اِک ’رفاقتی‘ اجلاس وچ ویلہ تے پیسا خرچ کر کے گئے۔ کسی نے ساڈے نال گل نہ کیتی تے نہ ای ساڈے نال سلام دعا کیتی۔ میں اپنی اہلیہ نوں کہیا، ’چلو چلیئے۔‘ اسی چلے آئے، تے فیر کدی وی کسی تے ’رفاقتی‘ اجلاس وچ نئیں گئے – تے نہ ای کدی جاواں گے۔ اُو بس ساڈے کولوں پیسے منگدے رہن دے علاوہ کُج وی نئیں کردے۔ میں اُوہناں دیاں درخواستاں نوں کوڑے دی ٹوکری وچ سُٹ دیناں واں!

9. عہدشکن یا جھگڑالو – صُلح نہ کرن آلے۔ جیہڑے صلح کرن تے تیار ای نئیں ہوندے۔ تُسی اُوہنوں تہانوں معاف کرن لئی کہہ سکدے اُو، لیکن تُسی اینج دا کُج وی نئیں کر سکدے جیہڑا ایس قسم دے لوکاں نوں خوش کر سکے۔ یسوع نے کہیا، ’جے تُسی لوکاں دے قصور معاف نئیں کرو گے تے تہاڈا پیو وی تہاڈے قصور معاف نئیں کرے گا‘ (متی 6:15).

10. بدنام کرن آلے یا جھوٹا الزام لگان آلے – شیطان (واقعی وچ بُرائی کرن آلا)۔ شیطان لوکاں وچ بدنیتی تے مبنی گپ شپ دے ذریعہ نال آپس وچ وگاڑ ڈالن نال محبت کردا اے۔ مینوں اِک خاتون یاد آندی اے جنہاں دا کہنا سی کہ اُوہناں دا پادری ’شاہانہ‘ طرز حیاتی رکھدا سی۔ اُو مکمل طور تے جھوٹ سی۔ جدوں میں اِک نوعمر سی تے اُوہدا مینوں ایہہ کہن دے بعد میرے دِل وچ اُوہدے لئی کدی وی احترام نئیں آیا۔

11. بے ضبط – ایدا مطلب ہوندا اے کہ کسی دے کول اپنے ذلیل جذبات نوں قابو کرن دی طاقت نہ ہونا؛ خود نفسی دے بغیر۔ اِک معروف پادری صاحب جن دے بارے وچ میں جاننا سی اُو اِک خفیہ شرابی سی۔ اِک راتی ایہہ ’پادری‘ ایس قدر نشے وچ سی کہ ایناں نے اپنی گڈی اِک سوئمنگ پول وچ گھُسا دِتی۔ ساڈے گرجا گھر وچ اِک مناد وچ خود تے قابو پان دی صلاحیت گھٹ سی تے ساڈے ای گرجا گھر وچ [اُوہنے] بے شمار لوکاں دے سمنے میرے نال مُکابازی کرن دی کوشش کیتی سی۔ افسوس نال [ایہہ کہنا پیہندا اے کہ] آخیرلے زمانے وچ گرجا گھر دے اراکین وچ ’خودنفسی نا ہونا‘ اِک عام خصوصیت اے۔

12. تُند مزاج – لغوی طور تے ’سفاکانہ۔‘ ایہہ حد توں زیادہ جارحانہ رویے دی وضاحت کردا اے۔ یسوع دے دِل نوں اینج دا ہون توں کیس قدر غم ہونا چائیدا اے۔

13. نیکی دے دشمن – بہتر طور تے ترجمہ کیتا جائے تے ’نیکی دے دشمن۔‘ آخیرلے زمانے وچ گرجا گھراں وچ ’نیکی دے دشمن‘ ودھ جان گے کیوں جے اراکین دی اِک بہت وڈی تعداد خود نال محبت کرن آلیاں دی ہوئے گی۔ دو انتہائی بے دین لوکی جنہاں نوں میں جاننا واں اُو ڈاکٹر کیگن Dr. Cagan دی واقعی وچ تحقیر کردے نے۔ کیوں؟ صرف ایس لئی کہ اُو خدا دے ایس قدر نیک تے وفادار بندے نے!

14. دغاباز – دھوکے باز۔ یہوداہ دے بارے وچ کہیا گیا، اُو شخص جیہنے یسوع دے نال دغابازی کیتی۔ بالاآخر دغاباز اُوس مقام تیکر پہنچ جان گے جیتھے اُو توبہ وی نئیں کر پان گے۔

15. بے حیا – بے پرواہ دا مطلب بے حیا ہوندا اے۔

16. گھمنڈی – مطلب جیہڑے تکبر نال اَنّے ہو چکے ہوندے نے۔

17. خُدا دی نسبت عیش و عشرت نوں زیادہ پسند کرن آلے – آخیرلے زمانے دے گرجا گھراں وچ اینج دے لوکی ہون گے جیہڑے مزے لین نوں اپنا خدا بنا لین گے۔ سانوں اپنی حیاتی وچ چنگی گلاں دے مالک بننا چائیدا اے نہ کہ اُوہناں دا غلام بنئیے۔ بائبل کہندی اے،

’’اے پراہوو، تہانوں التماس کرنا واں کہ جیہڑے لوکی اُوس تعلیم دی راہ وچ جیہڑی تُسی پائی اے روڑے اٹکاندے تے لوکاں وچ پھوٹ پاندے نے، اُوہناں توں ہوشیار رہوو تے اُوہناں توں دور ای رہوو۔ کیوں جے اینج دے لوکی ساڈے خداوند مسیح دی نئیں بلکہ اپنے ٹِہڈ دی خدمت کردے نے تے چکنیاں چُپڑیاں گلاں تے خوشامد توں سادہ دِلاں نوں بہکاندے نے‘‘ (رومیوں16:17، 18)۔

18. جیہڑے دینداری جئی وضح تے رکھن مگر حیاتی وچ دینداری دا کوئی اثر قبول نہ کرن۔
     آخیرلے زمانے وچ بے شمار گرجا گھراں وچ، ’خود نفس‘ خود حکمرانی کردا اے تے شیطان ہم آہنگی کردا اے۔ چونکہ اُوہناں دے کول کوئی حقیقی دینداری نئیں اے، ایس لئی اُو اِک ظاہری ہیت اختیار کر کے سمجھوتہ کردے نے، لیکن دینداری دی قوت غائب ہوندی اے۔ اِک شخص واعظ نال بولدا اے، لیکن خُدا وَلّوں کوئی پیغام نئیں سُنیا جاندا۔ جے اُوہناں دا دعائیہ اِجلاس ہوندا اے، تے خُدا دی قوت دا کدی وی اِظہار نئیں ہو پاندا۔ جے انجیل دی گل کیتی جاندی اے تے بے اعتقاداں دے دِل کدی وی نئیں چھیدے جاندے۔ میں ہر ہفتے کرھیٹن Kreighton تے والڈریب Waldrip دے ’واعظاں‘ نوں پڑھنا واں۔ اُوہناں دیاں گلاں وچ چاہے اُو کُج وی بولن قوت نئیں ہوندی اے۔ اُو کُج گلاں کہندے نے جیہڑیاں سچی ہوندیاں نے، لیکن اُو کھوکھلے لفظ ہوندے نے۔ کسی دے وی مسیح وچ ایمان لہیا کے تبدیل ہون دی توقع نئیں کیتی جاندی اے۔ کسی نال توقع نئیں کیتی جاندی کہ اُو اُوہناں دیاں گلاں سُن کے کسی گل [عادت] نوں اچھائی دی خاطر بدل لئے گا۔ اُو جو کہندے نے اُو گل تے [مذہبی طور تے اپاہج] کاتھولک یا ایپسکو پیلئین کاہن دے ذریعے نال وی سُنی جا سکدی اے۔ ’اُو اینج دے اُستاد بنا لین گے تاں جے اُو اوہی کُج دسن جیہڑا اُوہناں دے کَناں دا بھلا معلوم ہوئے‘ (2۔ تیموتاؤس 4:3). ایویں، ’اُو سِکھن دی کوشش تے کردے نے مگر کدی ایس قابل نئیں ہو پاندے کہ حقیقت نوں پہچان سکن‘ (2۔ تیموتاؤس 3:7).

19. ایہہ لوکی ’نکمی تے چھچھوری عورتاں‘ نوں اپنے بس وچ کر لیندے نے۔ ڈاکٹر لِن Dr. Lin نے کہیا، ’کمزور عورتاں اُو نے جیہڑیاں مختلف جذبات نال دوچار نے، جنہاں وچ اخلاقی پردے تے نیک سمجھ دا فقدان ہوندا اے۔ جدوں شیطان ساڈے تے اخلاقی نسبت پسندی دی اِک دے بعد دوجی لہر دا حملہ کر رہیا ہوندا اے، تے سانوں ایدے حرباں توں لاتعلق نئیں رہنا چائیدا اے۔‘ جے تُسی والڈریپ یا چیعین وگرے مُردہ گرجا گھراں وچ جاندے اُو تے تہانوں دُکھ محسوس نئیں ہوندا، تے ایدا مطلب ہوندا اے کہ تہاڈے وچ روحانی سمجھ نئیں اے!

اج گرجا گھر دے بے شماری اراکین خُدا دی اواج نوں سُن نئیں سکدے کیوں جے اُو خود نال محبت نوں باقی سب توں ودھ سمجھدے نے، تے اُوہناں دی حیاتیاں جسمانی گناہواں توں بھری ہوندیاں نے۔ جے تہاڈا دِل غلاظت تے ناراستبازی نال لبریز اے، تے ہمیشہ سِکھنا غم دی وجہ بنندا اے تے ویلے تے کوشش دا ضیاع اے، کیوں جے حقیقت دے مکمل علم تیکر پہنچن وچ کوئی پیشرفت نئیں کیتی جاندی اے۔ ایہہ تے پاک صاف دِل دا ہونا ہوندا اے جیہڑا سمجھ نال خُدا نوں سُنن دے قابل بناندا اے۔

کُج لوکی تے ہر اُوس اِجلاس وچ شامل ہوندے نے جیہڑا ہوندا اے، لیکن اُوہناں دے دِل سخت ہو چکے نے، تے ایس لئی اُو جیہنا زیادہ سِکھدے نے اُوہناں ای کم سِکھدے نے۔

بے شمار سوچدے نے کہ اُوہناں نوں سب کُج معلوم ہو چُکیا اے جدوں کہ اُو درحقیقت بے شمار بنیادی سچائیاں توں لاعلم ہوندے نے۔ اُو آندے نے، ویکھدے نے تے سُنندے نے، لیکن اُو اِدارک [سمجھن] توں قاصر رہ جاندے نے کیوں جے اُو آخیرلے زمانے دی کلیسیا وچ ہون آلے گناہواں وچ ملوث نے۔‘‘ (ڈاکٹر ٹموتھی لِن Dr. Timothy Lin، خُدا دی بادشاہیThe Kingdom of God

میں ایسٹر دے اِتوار دی صبح بہت ای سویرے جاگ گیا سی۔ میں ٹیلی ویژن لگایا تے پوپ دا ایسٹر دا پیغام سارے دا سارا سُنیا۔ اُوہناں نے کورونا وائرس دے بارے وچ چند لفظ کہے۔ اُوہناں نے کہیا پریشان نئیں ہونا۔ بس ایہہ ای کہیا! ایہہ والڈریپ تے چیعین دے ناں نہاد واعظاں توں بہتر نئیں سی۔

ڈاکٹر اے۔ ڈبلیو۔ ٹوزر Dr. A. W. Tozer نے کہیا، ’’شیطان اُوس مبلغ لئی کسی قسم دی پریشانی کھڑی نئیں کرے گا جیہڑا تی منٹاں تیکر بولے گا تے جیہڑا کُج اُو کہے گا اُوہدا خلاصہ ہوئے ’نیک بنو تے تُسی بہتر محسوس کرو گے۔‘

تُسی اینے ای نیک ہو سکدے اُو جیہنا تُسی چاہندے اُو تے فیر وی جہنم وچ جاؤ گے جے تُسی یسوع مسیح وچ اپنا پرہوسا نئیں کیتا! شیطان اُوس مبلغ لئی کسی قسم دی پریشانی کھڑی نئیں کرے گا جیدا واحد پیغام اے ’نیک بنو!‘‘‘

فیر ڈاکٹر ٹوزر نے ہور کہیا، ’’فضل انسان نوں نجات دلائے گا، لیکن اُو انسان تے اُوہدے بُت نوں نجات نئیں دلائے گا۔ مسیح دا لہو تنہا پشیمان گنہگار دی ڈھال بنے گا، لیکن کدی وی گنہگار تے اُوہدے بُت دی نئیں۔ ایمان گنہگار دا انصاف کرے گا، لیکن اُو کدی وی گنہگار تے اُوہدے گناہ دا انصاف نئیں کرے گا‘‘ (’’انسان: خُدا دی بسیرے دی تھاں Man: The Dwelling Place of God،‘‘ صفحہ 90).

تے اِک آخیرلی وری۔ ڈاکٹر ٹوزر نے کہیا، ’’اِک اوسط گرجا گھر وچ اسی سُننے آں… اوہی جانا مانا جملہ، مذہبی طرز، لفظاں وچ اُوہناں دا سطحی تے عارضی تاثر، لیکن عبادت گزار خُدا توں قریب تر نئیں اے، اخلاقی طور تے بہتر نئیں اے، تے جنت دے بارے وچ اینا پُریقین نئیں اے جیہنا اُو پہلاں سی‘‘ (’’ادھی رات دے بعد پیدا ہویا Born After Midnight،‘‘ صفحہ 89)۔

’’کہوو، بیچارے دُنیا دے باسی، ایہہ ہو سکدا اے
کہ میرا دِل تیرے نال حسد کرے؟ ‘‘
     (جرہارڈ ٹرسٹیجن Gerhard Tersteegen، 1697۔1769)۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔