Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 43 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




موروثی گناہ تے مکمل اِخلاقی زوال # 1

ORIGINAL SIN AND TOTAL DEPRAVITY # 1
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر وَلّوں
ایمیریٹس پادری صاحب
by Dr. R. L. Hymers, Jr.,
Pastor Emeritus

لاس اینجلز دی بپتسمہ دین آلی عبادت گاہ وچ دِتا گیا اِک واعظ
خُداوند دے دِن دی دوپہر، 22 مارچ،
2020 A sermon preached at the Baptist Tabernacle of Los Angeles
Lord’s Day Afternoon, March 22, 2020

’’جسمانی نیت خدا دی مخالفت کردی اے۔ اُو نہ تے خُدا دی شریعت دے تابع اے نہ ہو سکدی اے‘‘ (رومیوں8:7)۔


ایہہ پاک کلام دی اِک انتہائی شدید اہم آیت اے۔ اِک غیرنجات یافتہ شخص خُدا نوں اِک دشمن دی حیثیت نال ویکھدا اے۔ ایہہ گل سچ اے چاہے اُو شخص انجیل دی منادی نوں کئی وریاں تیکر سُنندا رہیا ہووے۔ مگر ایہہ شروع شروع چہ واضح نئیں ہوندی اے۔ مثال دے طور تے، نِکے بچے فرشتیاں وانگوں وکھائی دیندے نے۔ لیکن جدوں اُو بلوغت دی عمر تیکر پہنچدے نے تے اُو بغاوت کردے نے تے اُوہناں دی حقیقی فطرت ظاہر ہو جاندی اے۔ فیر اُو خُدا نوں اپنے دشمن دی حیثیت نال ویکھدے نے۔ ایتھوں تیکر کہ اُو اپنے پادری صاحب نوں وی اِک دشمن دی حیثیت نال ویکھن گے، تے اپنے دُنیاوی ماں پیو نوں دشمناں دی حیثیت نال ویکھن گے۔

گرجا گھر دی تقسیماں ہمیشہ مکمل اِخلاقی زوال دا نتیجہ ہوندیاں نے۔ میں ذاتی طور تے گرجا گھر دی پنج تقسیماں نوں ویکھ چُکیا واں۔ اُو پنجاں دی پنجاں مکمل اِخلاقی زوال دے نتیجے وچ رونما ہوئیاں سن۔ ایتھے اِک دا ذکر کر رہیا واں جیدے بارے چہ شاید تُسی نہ سُنیا ہوئے۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

1925 وچ اینڈریو گیہ Andrew Gih نے اوہی تشکیل دِتا جیہنوں اوہناں نے چین وچ ’’بیتھل ورلڈ وائیڈ ایوینجلسٹک بینڈ‘‘ کہیا سی۔ کُج عرصہ بعد ڈاکٹر جان سُنگ Dr. John Sung نوں اینڈریو گیہ نے اُوہناں لوکاں دے نال شامل ہون لئی مدعو کیتا۔ جلد ای ڈاکٹر سُنگ ہزاراں مسیح وچ ایمان لہیا کے تبدیل ہوئے لوکاں دے نال ہور قوت نال بھرپور کثیر تعداد وچ حیاتِ نو دی ٹیم وچ اہم مبشر بن چکے سی۔ لیسلی لیعال نے جان سنگ نوں ’’چین دا ہُن تیکر دا سب توں وڈا مبشر‘‘ مانی جان آلی ہستی دی حیثیت نال پیش کیتا۔ اینڈریو گیہ بیتھل بینڈ دے رہنما سن۔ اُو اِک استاد سی جیہڑا ہمیشہ سہ پہر دے ویلے پڑھایا کردا سی، جان سُنگ شام دے اوقات وچ سنن لئی آئے ہوئے وڈے ہجوم نوں انجیلی بشارت دے خطبیاں دی تبلیغ کردے سی۔ کی تُسی اندازہ لگا سکدے اُو کہ کی ہویا؟ 1934 وچ اینڈریو گیہ نے ’’جان سُنگ دی شراکت توں بیت المقدس دے رہنماواں دے ودھدے ہوئے عدم اطمینان دی گل کرنا شروع کر دِتی۔ گیہ نے شکایت کیتی کہ ڈاکٹر سُنگ گناہ دے خاتمے دے بارے وچ تعلیم نئیں دیندے سی، تے ایہہ کہ سُنگ نے مسیح وچ ایمان لہیا کے تبدیل ہون آلے لوکاں نوں اپنے ول راغب کیتا، لہٰذا اُوہناں دا کم زیادہ عرصہ برقرار نئیں رئے گا۔‘‘ اُوس راتی ڈاکٹر سُنگ نے 1,000 طالب علماں نال گل کیتی سی۔ مسیح وچ ایمان لہیا کے تبدیل ہوئے سینکڑاں نوجوان لوکاں وچ بہت زیادہ خوشی منائی گئی سی۔

کُج دناں بعد اینڈریو گیہ نوں اِک ٹیلیگرام دِتا گیا۔ ٹیلیگرام وچ اینڈریو گیہ نوں کہیا گیا کہ اُو ڈاکٹر سُنگ نوں چھڈن تے دو نئے انجیلی بشارت دے بینڈز دا انتظام کرن۔ اینڈریو گیہ نے ڈاکٹر سُنگ دے نال شراکت وچ کم کرن دا وعدہ کیتا سی۔ لیکن اوہناں نے ڈاکٹر سُنگ توں رفاقت توڑ دِتی تے اوتھوں چلے گئے۔ جان سُنگ بہت افسوس دے نال اینڈریو گیہ نوں اسٹیشن چھڈن گئے۔ لیسلی لیعال نے کہیا، ’’جان سُنگ تے اینڈریو گیہ شاد و نادر ای فیر ملے سن‘‘ (لیسلی ٹی۔ لیعالLeslie T. Lyall، جان سُنگ دی اِک سوانح عمریA Biography of John Sung، صفحہ 147)۔ اگرچہ مسٹر لیعال نے اینج نئیں کہیا، لیکن ایہہ ظاہر اے کہ اینڈریو گیہ ڈاکٹر سُنگ دے انجیلی بشارت دے تحائف توں رشک کردے سن۔

گِلتیوں 5:19۔21 وچ اِک فہرست ملدی اے جیدے وچ مکمل اِخلاقی زوال دا بیان ہوندا اے۔ میں ایس فہرست دا اِک حصہ ESV ترجمہ توں صفائی یا وضاحت لئی جدید انگریزی وچ واضح کراں گا۔

’’دشمنی، جھگڑا، حَسد، غُصہ، خودغرضی، تکرار، فرقہ پرستی، بُغض‘‘ (گلِتیوں5:19۔21)۔

1960 وچ ذاتی طور تے میں ڈاکٹر اینڈریو گیہ نال ملاقات کیتی۔ اُو ہُن اِک وڈھیرے بندے سن۔ اُو پہلاں بپتسمہ دین آلے پہلے چینی گرجا گھر وچ پادری دی حیثیت نال نوکری دی تلاش وچ آئے سی۔ اُوہناں دی منادی خشک تے بے جان سی۔ مکمل اِخلاقی زوال نے اُوہناں دی [اُوہناں] برکتاں نوں لوٹ لہیا سی جنہاں نوں اُو جدوں ڈاکٹر جان سُنگ دے نال [گرجا گھر] دی تقسیم دا سبب بنے تے کھو چکے سن۔ شکر اے کہ گرجا گھر نے اُوہناں نوں پادری دی حیثیت نال نئیں بُلایا۔ ہم نے انتظار کیتا سی جدوں تیکر ڈاکٹر ٹیموتھی لِن Dr. Timothy Lin نوں بُلایا نئیں گیا۔ جیویں کہ میں کہیا اے، ڈاکٹر لِن نے مینوں بوہتے طریقیاں نال، ڈاکٹر جان سُنگ دی یاد دلا دِتی۔ ڈاکٹر لِن نے ساڈے نِکے جئے چینی گرجا گھر دی سب توں وڈے حیاتِ نو وچ رہنمائی کیتی جیدا میں کدی گواہ رہ چُکیا واں!

میں مکمل اِخلاقی زوال وچ یقین رکھنا واں۔ مکمل اِخلاقی زوال دا ایہہ مطلب نئیں ہوندا کہ اسی اینے ای بُرے آں جینا کہ سانوں ہونا چائیدا اے۔ مکمل اِخلاقی زوال دا مطلب ہوندا اے کہ اسی روحانی طور تے تے اخلاقی طور تے مکمل طور نال بدچلن آں۔ ایدا مطلب ہوندا اے کہ ساڈا کوئی وی حصہ گناہ توں اَن چھوا نئیں ہوندا [ ہر حصے نوں گناہ نے چھوا ہوندا] اے۔ میرا پہلی وری مکمل اِخلاقی زوال نال سمنا جدوں میں نوعمر سی اُوس ویلے ہویا۔ میرے پڑوسی مینوں اِک بپتسمہ دین آلے گرجا گھر وچ لے گئے سن جدوں میں تیرہ برس دا سی۔ میں سوچیا سی کہ اوتھے نوجوان لوکی مسیحی نے۔ مگر میں ایہہ جان کے بھونچکا رہ گیا سی کہ اُو مکمل طور نال مسخ شُدہ سن!

مکمل اِخلاقی زوال سانوں آدم توں ملدا اے۔ پولوس رسول نے کہیا،

’’اِک آدمی دی نافرمانی توں بوہتے لوکی گنہگار ٹھہرے‘‘ (رومیوں5:19)۔

اُو آدمی آدم سی۔ آدم دے گناہ دی حقیقت نوں پیدائش 3:4۔8 وچ واضح کیتا گیا اے۔ بائبل دے ایس خوفناک وڈھیرے نقاد بروس میٹزگر Bruce Metzger (1914۔2007) دا مکروہ چہرہ سی۔ اِک شخص جیہنے تصویر وچ اُوہدے چہرے نوں ویکھیا اُوہنے کہیا، ’’اُو آسیب زدہ لگدا اے۔‘‘ ایہہ مکمل طور تے مسخ شُدہ اِک گنہگار دا غصیلہ چہرہ اے، جیہنے خُدا نال نفرت کیتی تے ہر موقع تے خُدا دے کلام تے حملہ کیتا! اپنی کتاب، سمجھ دے نال بائبل نوں کیویں پڑھیا جائے How to Read the Bible with Understanding وچ، میٹزگر نے کہیا کہ آدم دے گناہ دے واقعے نوں ’’تاریخ دی حیثیت نال نئیں پڑھنا چائیدا اے… تے ایدے نال سختی نال تاریخی سلوک نئیں کیتا جا سکدا‘‘ (میٹزگر Metzger، تنقیدی حاشیہ لکھن آلے آکسفورڈ دی نئی بائبل The New Oxford Annotated Bible)۔ بالکل ایہی بکواس میں مغربی بپٹسٹ آزاد خیال سیمنری وچ وی سُنی سی۔ مینوں حیرت نئیں ہوئی سی جدوں مینوں پتا چلیا کہ میٹزگر دی سوانح حیات کِتھے وی نجات دے ذاتی تجربے دا [اپنے لئی] کوئی حوالہ پیش نئیں کردی۔ ڈیوڈ ڈبلیو۔ کلاؤڈ David W. Cloud نے اعلان کیتا کہ ڈاکٹر رابرٹ ایل۔ سُمنر Dr. Robert L. Sumner نے کہیا اُو ’’میٹزگر تے پرہوسا کردے نے تے میٹزگر تے اِک آزاد خیال دا لیبل لگان لئی [کلاؤڈ] دی مذمت کیتی‘‘ (اُو ٹِیموتھی O Timothy، جنوری2020، صفحہ 10)۔ ڈاکٹر سُمنر میرے بیلی سن۔ میں اُوہناں نوں غلط ہون لئی معاف کردا واں کیوں جے اُوہناں نوں غالباً میٹزگر دے بارے وچ اینی معلومات نئیں سی۔ لیکن کلاؤڈ دُرست سن۔ میٹزگر کُلی طور نال آزاد خیال سی جنہاں نے آدم دے گناہ تے گمراہی دے واقعے نوں مسترد کیتا سی!

مگر پولوس رسول، پاک روح دے اِلہٰام دے تحت، آدم وچ انسان دی گمراہی وچ یقین کردا سی۔ پولوس نے کہیا، ’’اِک آدمی دے ذریعے گناہ دُنیا وچ داخل ہویا، تے گناہ دے سبب نال موت آئی، اونج ای موت سب انساناں وچ پھیل گئی…‘‘ (رومیوں 5:12). تے ’’اِک آدمی دے قصور دے سبب نال سب آدمیاں لئی موت دی سزا دا حکم ہویا‘‘ (رومیوں 5:18). تے ’’اِک آدمی دی نافرمانی نال بوہتے لوکی گنہگار ٹھہرے‘‘ (رومیوں 5:19). میں یقین کرنا آں پولوس رسول نے کہیا سی ناکہ آسیب نال اَنّا کیتے ہوئے آزاد خیال بروس میٹزگر نے! کیویں ساری دی ساری نسل انسانی خُدا دی دشمن بن گئی سی؟ کیویں ساری دی ساری نسل انسانی مکمل طور تے اِخلاقی زوال دا شکار ہو گئی؟ خُدا کیویں رومیوں 3:9۔19 وچ کہہ سکیا سی،

’’اسی تے پہلاں ای ثابت کر چُکے آں کہ یہودی تے غیر یہودی سب دے سب گناہ دے قابو وچ نے۔ جیویں کہ پاک کلام وچ لکھیا اے، کوئی راستباز نئیں، اِک وی نئیں؛ کوئی سمجھدار نئیں، کوئی خدا دا طالب نئیں۔ سب دے سب گمراہ ہو گئے، اُو کسے کم دے نئیں رئے؛ کوئی نئیں جیہڑا بھلائی کردا ہوئے، اِک وی نئیں۔ اُوہناں دے حلق کھلی ہوئی قبراں وانگوں نے؛ اُوہناں دی زبان توں دغابازی دیاں گلاں نکلدیاں نے۔ اُوہناں دے بُلّاں وچ سپاں دا زہر اے۔ اُوہناں دے مُنہ لعنت تے کڑواہٹ نال بھرے ہوئے نے۔ اُوہناں دے قدم لہو وگان لئی تیز رفتار ہو جاندے نے؛ اُوہناں دیاں راہواں وچ تباہی تے بدحالی اے، اُو سلامتی دی راہ توں واقف ای نئیں۔ نہ ای اُوہناں دیاں اکھاں وچ خدا دا خوف اے۔ ہُن اسی جانندے آں کہ شریعت جو کُج کہندی اے اُوہناں نوں کہندی اے جیہڑے شریعت دے ماتحت نے تاں جے ہر مُنہ بند ہو جاوے تے ساری دنیا خدا دے سمنے سزا دی مستحق ٹھہرے‘‘ (رومیوں 3:9۔19).

جی ہاں، کیویں خُدا دا کلام کہہ سکدا اے، ’’ساری دُنیا خُدا دے سمنے سزا دی مستحق [بنی]‘‘ (رومیوں 3:19)؟ کیویں ڈاکٹر اے۔ ڈبلیو۔ ٹوزر Dr. A. W. Tozer کہہ پائے،

’’اُو گمراہی اِک بُحران سی [جیہنے] انسان دی فطرت، اخلاق، ذہانت، نفسیاتی، روحانی تے جسمانی طور تے ہر حصے نوں متاثر کیتا… اُوہدے دِل وچ گناہ اُوہدی کُل حیاتی وچ لبریز ہو چُکیا اے، جیہڑا خدا دے نال اُوہدے تعلق نوں متاثر کر رہیا اے، اُوہدے رفیق لوکاں نوں تے ہر اُوس بندے نوں تے شے نوں جیہڑی اُوہنوں چھوندی اے متاثر کر رہیا اے‘‘؟ (’’ادھی رات دے بعد پیدا ہویا Born After Midnight‘‘)۔

کیویں عظیم عالمِ الہٰیات آگسٹین Augustine (354۔430) کہہ پائے کہ آدم دا پہلا گناہ سی ’’خود نوں خوش کرن لئی اُو بدکار خواہش، تے کُھلا گناہ ماسوائے اُوہدے نتیجے دے کُج وی نئیں سی‘‘؟ کیویں اعلیٰ درجے دے عالم الہٰیات ولیم جی۔ ٹی۔ شیڈ William G. T. Shedd کہہ پائے، ’’سارے لوکی آدم توں پھیلے نے تے اُوہدے گناہ نوں وراثت وچ لیے ہوئے نے‘‘؟ کیویں آدم دے پہلے پُتر قائین نے اپنے پراہ ہابل نوں قتل کر دِتا؟ ایہہ ساریاں گلاں نوع اِنسانی دے مکمل اخلاقی زوال توں آئیاں نے – جیہڑیاں پہلاں گنہگار آدم توں وراثت وچ ملیاں نے!!!

اِک شخص!

کیویں ساری نسل اِنسانی وچ گناہ ویکھدا اے، کوئی اِک وی مبرّا نئیں؟ واحد جواب اے – مکمل اِخلاقی زوال!!!

’’اِک آدمی دی نافرمانی توں بوہتے لوکی گنہگار ٹھہرے‘‘ (رومیوں5:19)۔

مکمل اِخلاقی زوال دے بغیر، کیویں جے۔ رچرڈ اُولیواس J. Richard Olivas نے اپنی ٹیوشن فیس ایس گرجا گھر توں ادا کروائی، اپنی گریجوایٹ دی ڈگری کرن لئی، تے اپنی ووہٹی نوں نرس بنان لئی ایس گرجا گھر توں خرچہ لہیا – تے فیر ایس گرجا گھر نوں تقسیم کیتا تے ایدے تمام ممبران نوں لے جان دی کوشش کیتی؟

مکمل اِخلاقی زوال دے بغیر، کیویں ساڈی ہُن تیکر دی ویکھی ہوئی سب توں زیادہ شیطانی گرجا گھر دی تقسیم کرکے ایس گرجا گھر نوں تباہ کرن دی سازش والڈریپ تے چن کرن گئیاں؟

اِک دیندار پادری دا پُتر ملحد کیوں ہوندا؟

کیوں خدا دا تحفہ دین آلا مبلغ قانونی کلرک بنن لئی اپنی حیاتی نوں دور کر دے گا؟

چرچ دا اِک بہت ای ذہین پُتر کیوں سوچے گا کہ اُو واحد نجات دہندہ دے طور تے مسیح دی منادی کردے ہوئیاں سینکڑاں انجیلی بشارت دے خطبات سن کے اپنی نجات حاصل کر سکدا اے؟

کیوں اِک انتہائی ذہین عورت اپنے بنیادی بنیاد پرست چرچ نوں کسے نئے بِلا روک ٹوک آلے انجیلی بشارت [آلے گرجا گھر] وچ شریک ہون لئی چھڈ کے ’’خود نوں بس دے تھلے سُٹ دے گی‘‘؟

کیوں؟ کیوں؟ کیوں؟

چین دے ہُن تیکر دے تیار کردہ سب توں وڈے مبشر نوں دھوکہ دے کے اینڈریو گیہ نے اپنے تحائف نوں کیوں سُٹ دِتا؟

کیوں؟ کیوں؟ کیوں؟

خدا دے خلاف آدم دی سرکشی دی وجہ توں – جیہنے کل تباہی پیدا کیتی!!! ایس لئی!!!

مینوں مکمل اِخلاقی زوال وچ یقین اے۔ میں نو عمری وچ ای گرجا گھر وچ ایدے تے یقین کرنا شروع کیتا سی۔ میرے پڑوسی مینوں اِک بپتسمہ دین آلے گرجا گھر وچ لے گئے سی جدوں میں تیرہ برس دی عمر دا سی۔ میں سوچیا سی کہ اوتھے نوجوان لوکی مسیحی نے۔ مگر میں ایہہ جان کے بھونچکا رہ گیا سی کہ اُو مکمل طور تے مسخ شُدہ سی!

مکمل اِخلاقی زوال دا مطلب ایہہ نئیں اے کہ اسی اینے ای خراب آں جِنے اسی ہو سکدے آں۔ مکمل اِخلاقی زوال دا مطلب ایہہ اے کہ انسان اخلاقی تے روحانی طور تے مکمل طور تے خراب اے۔ ایدا مطلب ایہہ اے کہ ساڈے جسم دا کوئی وی حصہ گناہ توں اَن چھوا نئیں اے [بچیا ہویا نئیں اے]۔ ساڈا کوئی عمل اینا چنگا نئیں جِنا ہونا چائیدا اے۔ انسان دے دل گناہ وچ مر چکے نے۔ خدا دے کلام دے مطابق تمام انسان ’’گناہواں تے قصوراں وچ مر چکے نے‘‘ (افسیوں 2:1). اوہناں دی ’’سمجھ نوں اَنیہرے وچ ڈال دِتا گیا اے،‘‘ تے اُو ’’اپنے دل دے اَنھے پن دی وجہ توں، خود چہ موجود جہالت دے ذریعہ خدا دی حیاتی توں الگ ہو گئے نے‘‘ (افسیوں 4:18). بائبل کہندی اے، ’’شریر پیدائش ای توں گمراہ ہو جاندے نے: ماں دے ٹِڈ ای توں اُو گمراہ تے جھوٹے پیدا ہوندے [نے]‘‘ (زبور 58:3). ’’کوئی نیکوکار نئیں، نئیں، اِک وی نئیں‘‘ (زبور 53:3). ’’یقیناً میں اپنی پیدائش ای توں گنہگار ساں؛ بلکہ اُوس ویلے توں گنہگار آں جدوں میں اپنی ماں دے رحم وچ پیا‘‘ (زبور 51:5). اُو اے مکمل اِخلاقی زوال! ایہہ ای وجہ اے کہ اسی گمراہ آں!!!

نئے عہد نامے وچ اسی مکمل اِخلاقی زوال دے ایس ای پیغام نوں پڑھنے آں۔ پولوس رسول نے کہیا، ’’دوویں یہودی تے غیر یہودی… سب گناہ دے قابو وچ نے۔ کوئی وی راستباز نئیں، نئیں، اِک وی نئیں: کوئی سمجھدار نئیں، کوئی خُدا دا طالب نئیں… کوئی نئیں جیہڑا بھلائی کردا ہوئے، نئیں، اِک وی نئیں… اُو سلامتی دی راہ توں واقف ای نئیں۔ نہ ای اُوہناں دیاں اَکھاں وچ خدا دا خوف اے… ساری دُنیا خدا دے سمنے سزا دی مستحق ٹھہری‘‘ (رومیوں 3:9۔19). ایہہ اے مکمل اِخلاقی زوال!

تے ایہی سی جیہڑا میں خود اپنیاں اَکھاں توں اِک بپٹسٹ گرجا گھر وچ نوعمر بچیاں دے وچکار ویکھیا سی – جدوں میں تیرہ برس دی عمر دا سی! مکمل اِخلاقی زوال!!!

تے فیر میں اوتھے گرجا گھر دی تقسیم نوں ویکھیا سی!! میں جو کُج گرجا گھر دی اُوس تقسیم وچ ویکھیا سی اُو سچے طور تے ہولناک سی! اینوں گلتیوں، 5 باب وچ واضح کیتا گیا اے۔ میں ایدا کُج حصہ انگریزی دی معیاری بائبل (اُوہدا ESV ترجمہ) وچوں ایتھے پیش کر رہیا واں، KJV کِنگ جیمس بائبل نوں دُرست کرن لئی، بلکہ صرف دورِ حاضرہ دی انگریزی وچ صرف لفظاں نوں پیش کرن لئی۔

’’دشمنی، جھگڑا، حَسد، غُصہ، خودغرضی، تکرار، فرقہ پرستی، بُغض‘‘ (گلِتیوں5:19۔21 ESV)۔

میں اُوس گرجا گھر دے بالغ اراکین نوں اِک دوجے تے حمدوثنا دیاں کتاباں سُٹدے ہوئے ویکھیا! میں گرجا گھر دے دو مناداں دے ذریعے نال اِک شخص نوں شدت دے نال زدوکوب کردے ہوئے ویکھیا۔ میں دیندار پادری نوں استیفعیٰ دیندے ہوئے تے اُوس گرجا گھر توں نسدے ہوئے ویکھیا۔ میں اُوس گرجا گھر دی تکلیف دہ بغاوت نوں ویکھیا – مکمل اِخلاقی زوال وچ!!! میں اُوس گرجا گھر توں نس نکلا تے کہیا کہ جدوں تیکر میں زندہ رہواں گا کدی وی واپس نئیں جاواں گا۔ اُوہناں لوکاں دے مکمل اخلاقی زوال نے مینوں اُوہدے توں غصے تے نفرت وچ دور نسن تے مجبور کر دِتا!

لیکن اِک گل نے مینوں بچا لہیا۔ خُداوند نے مینوں اپنے فضل دے وسیلے نال وکھایا کہ اُو حقیقی اے۔ میں ہُنے تیکر نجات نئیں پائی سی، لیکن میں جانندا سی، آرزومندانہ فضل دے وسیلے نال، کہ خُدا حقیقی سی۔ اِک مرتبہ میں اپنی ماں نوں پُچھیا کیوں پادری صاحبان دا اِک گروہ مینوں پسند نئیں کردا۔ ماں نے کہیا، ’’ایہہ ایس لئی اے کیوں جے تُسی خُدا وچ یقین رکھدے اُو۔‘‘ اُو فرق جانندی سن تے ایس ای لئی اُوہناں نے بالاآخر نجات پا لئی سی!

خدا دے آرزومندانہ فضل نے مینوں بُلا لہیا تے مینوں اپنے توں دور نئیں ہون دِتا (آرزومندانہ فضل)۔ اُو ہُن وی میرے کول آندا اے جدوں میں تنہا ہوندا واں۔ ’’میرا دِل تیرے متعلق کہندا اے کہ اُوہدے دیدار دا طالب ہوو! اے خُداوند! میں تیرے دیدار دا طالب رہواں گا… اے خُداوند، مینوں اپنی راہ دس تے میرے تے ظلم ڈھان آلیاں دے سبب توں مینوں راہِ راست تے چلا… مینوں ہُن وی ایس گل دا یقین اے کہ میں زندیاں دی زمین تے خُداوند دے احسان نوں ویکھ لواں گا‘‘ (زبور 27:8، 11، 13).

میں کوئی خصوصی طور تے نیک مُنڈا نئیں سی۔ لیکن خُداوند دا فضل مینوں بپتسمہ دین آلے پہلے چینی گرجا گھر وچ لے گیا۔ میں یسوع تے پرہوسا کیتا، اُوہدے لہو دے وسیلے نال پاک صاف ہویا، تے میرے چینی پادری صاحب، ڈاکٹر ٹیموتھی لِن Dr. Timothy Lin نے بپتسمہ پایا – جیہڑے کہ خُداوند دے اِک سچے بندے سن، جیہنوں میں ’’اِک حقیقی معاملہ‘‘ کہنا واں۔ میں اپنے بارے وچ اِک انتہائی چنگے بندے دی حیثیت نال نئیں سوچدا آں۔ لیکن میں خُداوند وچ یقین رکھنا واں۔ میں خُداوند وچ یقین رکھنا واں کیوں اُوہنے اپنے فضل دے وسیلے نال خود نوں میرے تے آشکارہ کیتا۔

میں مکمل طور تے جان نئیں سکنا کیوں خُداوند نے ایہہ میرے لئی کیتا۔ میں اکثر سوچنا واں، ’’میں نجات کیویں پائی؟ میں کیوں اینے وریاں تیکر گرجا گھر وچ ٹِکیا رہیا؟ میں کیوں 62 وریاں دے بعد وی ہُنے تیکر انجیل دی منادی کر رہیا واں؟ دوجے کیوں چلے گئے جدوں کہ میں ہُنے تیکر جاری آں؟‘‘ میں ایناں سوالاں دے جواب صرف چناؤ دے وسیلے نال دے سکنا واں۔ بائبل کہندی اے، ’’خُداوند نے … نجات لئی تہانوں چُن لہیا سی‘‘ (2۔ تسالونیکیوں 2:13). مذہبی سُدھار دی مطالعہ بائبل The Reformation Study Bible کہندی اے، ’’اسی صرف ہُنے یقین کرنے آں کیوں جے اسی چُنے گئے ساں‘‘ (صفحہ 1630). ’’ایہہ تعجب دی گل اے کہ خُداوند نوں ساڈے وچوں کسی نوں چُننا چائیدا اے‘‘ (ibid.). جان نیوٹن John Newton (1725۔1807) حیرت زدہ رہ گیا سی کہ خُداوند نے اُوہدے جئے گنہگار نوں چُنیا سی۔ اُوہناں نے لکھیا،

ایہہ فضل ای سی جیہنے میرے دِل نوں خوف کرنا سِکھایا،
   تے فضل نے ای میرے تمام خوف ختم کیتے؛
کیس قدر قیمتی اُو فضل ظاہر ہویا سی
   اُوس لمحے وچ جدوں میں پہلی وری یقین کیتا سی!
(’’حیرت انگیز فضلAmazing Grace ‘‘ شاعر جان نیوٹن John Newton ، 1725۔1807).

’’یہ تعجب دی گل اے کہ [خُداوند نوں] ساڈے وچوں کسی نوں چُننا چائیدا اے‘‘!!!

’’اِک آدمی دی نافرمانی توں بوہتے لوکی گنہگار ٹھہرے‘‘ (رومیوں5:19)۔

آگسٹین Augustine (354۔430) نے کہیا کہ آدم دا پہلا گناہ ’’خود نوں خوش کرن لئی سی تے اُو کُھلا گناہ ماسوائے اُوہدے نتیجے دے کُج نئیں سی‘‘ (خُداوند دا شہر City of God، جلد سوئم)۔ تے ایویں، ’’موت سب لوکاں تے ٹھہرے‘‘ (رومیوں 5:12). ڈاکٹر ولیم جی۔ ٹی۔ شیڈ Dr. William G. T. Shedd نے کہیا، ’’سارے لوکی آدم توں پھیلے نے تے اُوہدے گناہ نوں وراثت وچ لیے ہوئے نے۔‘‘ ایہہ اُوس ویلے ثابت ہو گیا سی جدوں آدم دے پہلے پُتر قائین نے اپنے پراہ ہابل نوں قتل کر دِتا۔ قائین دا اپنے پراہ نوں قتل کرن توں پہلاں کوئی وی قتل نئیں ہویا سی۔ ایہہ ایس لئی رونما ہویا سی کیوں جے آدم دا گناہ اُوہدے پُتر قائین توں منسوب ہو گیا سی! نیز، تمام بنی نوع انسان وچ بغیر کسی استثنا دے گناہ ویکھیا جاندا اے۔ ایویں بنی نوع انسان بالکل مسخ شُدہ ہو گیا۔

      انسانیت دی اخلاقی تے روحانی فطرت وچ ہون آلی بدکاری وچ مکمل اِخلاقی زوال نظر آندا اے۔ ایہہ خُدا دے بارے وچ انسان دے ضمیر نوں تباہ کر چُکیا اے۔ بائبل کہندی اے کہ لوکی ’’جان بُجھ کے ایہہ پُل جاندے نے‘‘ (2۔ پطرس 3:5). لوکی پُل جان لئی خواہش رکھدے نے۔ اُوہناں دے ضمیر غلیظ ہوندے نے (1۔ تیموتاؤس 4:2). اُوہناں اے کول ’’اِک چنگا ضمیر‘‘ نئیں ہوندا اے (عبرانیوں 13:18). چرچ وچ پرورش پانا کسی دے ضمیر دی ناپاک حرکت نوں مٹان لئی کُج نئیں کردا اے۔ گرجا گھر دے بچے بدنامی دی حد تیکر باغی ہوندے نے۔ بلوغت تیکر پہنچدے ای اُو جنسی گناہ تے فحاشی ول مائل ہو جاندے نے۔
     اُوہناں دا فطری مسخ شُدہ ہونا اُوہناں نوں خود نوں پختہ مسیحیاں توں لُکان دا سبب بنندا اے۔ اُوہناں دے چرچ چھڈن تے کرھیٹن Kreighton دے نال جان لئی متاثر ہون دی تقریبا پوری وجہ اُوہناں دی خواہش تے مبنی سی کہ اُو آزاد ہو کے جنسی خواہش وچ مبتلا ہو جان۔ ایہہ تے عناد پرستی دا جوہر اے – مکمل طور تے اِخلاقی زوال دے ہون دا نتیجہ!
     مکمل طور تے اِخلاقی زوال وچ ہونا خُدا نوں اُوہناں دا دشمن بنا ڈالدا اے، ’’دُنیا نال دوستی کرنا خُدا نال دشمنی رکھنا ہوندا اے‘‘ (یعقوب 4:4). اُو جیہڑا چنگا ہوندا اے اُوہدے نال نفرت کردے نے تے جیہڑا فطری طور تے بُرا ہوندا اے اُوہدے نال محبت کردے نے۔
     اوتھے اُو لوکی نے جیہڑے ’’ساڈے وچوں ای نکلے نے لیکن دِل توں ساڈے نال نئیں سی۔ جے ہوندے تے ساڈے نال ای رہندے۔ جے ہوندے تے ساڈے نال ای رہندے۔ ہُن جدوں کہ ایہہ لوکی ساڈے وچوں نکل گئے نے تے ظاہر ہو گیا کہ ایہہ لوکی دِل توں ساڈے نال نئیں سن‘‘ (1۔ یوحنا 2:19). ڈاکٹر ڈبلیو۔ اے۔ کرسویل Dr. W. A. Criswell نے کہیا، ’’اُوہناں دی روانگی دراصل نجات دلان آلے ایمان دے مظاہرے لئی سی تے ایس ای وجہ توں، حقیقی رفاقت غیر حاضر سی‘‘ (کرسویل دا مطالعۂ بائبل Criswell Study Bible، 1یوحنا2:19 تے غور طلب گل)۔ روح دا نہ ہونا ای روحانی حیاتی دا نہ ہونا ہوندا اے… دوجے لفظاں چہ اِک بے اعتقادہ ہونا ہوندا اے‘‘ (میک آرتھر دا مطالعۂ بائبل The MacArthur Study Bible، یہودہ19 تے غور طلب گل)۔ بنیادی گرجا گھر نوں چھڈنا تے نئے انجیلی بشارت دے گرجا گھر وچ جانا مکمل طور تے اِخلاقی زوال دی اِک یقینی علامت اے۔


آدم دے اصل گناہ دے نتیجے ایدی ساری نسل - تمام بنی نوع انسان تے نازل ہوئے نے – اِیناں نتیجیاں وچ شامل نے:


(1) سب اِک لعنت دے تحت نے ، گلتیوں 3:10

(2) سب ابلیس دے بچے نے، یوحنا8:44

(3) سب گناہ دے غلام نے، رومیوں6:17

(4) سب دے کول گناہ توں بھرپور اِک دِل اے، یرمیاہ17:9

(5) سب دے دِلاں تے انیہرا چھا چُکیا اے، رومیوں1:21

(6) سب خُدا دے دشمن نے، رومیوں8:7، 8

(7) سب قہر دے بچے نے، افسیوں2:3

(8) سب گناہ وچ مُردہ نے، افسیوں2:1

(9) سب دے نصیب موت اے، عبرانیوں9:27۔ ہر قبرستان وکھاندا اے کہ بائبل سچی اے – ’’لوکاں لئی اِک وری مرنا مقرر ہو چُکیا اے‘‘ – مکمل اخلاقی زوال دی وجہ توں! ایہی وجہ اے!


انسان دی موت دی تِن تہاں نے،


(1) جسمانی موت، روح دا بدن توں جُدا ہونا۔

(2) روحانی موت، روح دا خُدا توں جدا ہونا۔

(3) دائمی موت، جیہنوں ’’دوجی موت‘‘ کہیا جاندا اے – ڈاکٹر آر۔ اے۔ ٹورے Dr. R. A. Torrey نے


کہیا، ’’دوجی موت ضمیر تے کدی نہ ختم ہون آلی اذیت دی اِک تھاں اے۔‘‘ – ’’اَگ تے گندھک دے نال اذیت… دوجے لفظاں وچ اِک بے اعتقادہ ہونا ہوندا اے‘‘ (میک آرتھر دا مطالعۂ بائبل The MacArthur Study Bible، یہودہ19 تے غور طلب گل)۔ بنیادی گرجا گھر نوں چھڈنا تے نئے انجیلی بشارت دے گرجا گھر وچ جانا مکمل طور تے اِخلاقی زوال دی اِک یقینی علامت اے۔


مکمل اَخلاقی زوال دا حتمی نتیجہ ایویں ای اے!

لیکن صحیفاں وچ کہیا گیا اے کہ خدا نے گناہ توں بھرپور انسان نوں اِک او جیہا راستہ فراہم کیتا کہ اینوں اِخلاقی زوال دے خوفناک عذاب نال تبدیل کیتا جا سکے۔

یسوع مسیح، خُداوند دا اِکلوتا پُتر، ’’دُنیا وچ گنہگاراں نوں بچان لئی آیا‘‘ (1۔ تیموتاؤس 1:15). اشعیا دا 53 واں باب ساڈی جگہ تے یسوع دی موت، اُوہدے کوڑے کھان، اُوہدی مصلوبیت دی اِک قوت نال بھرپور عکاسی پیش کردا اے۔ اُوہنے ساڈے تمام گناہواں نوں پاک صاف کرن لئی اپنا لہو وگایا (1۔ یوحنا 1:7)، ’’اُوہدے پُتر یسوع مسیح دا لہو سانوں تمام گناہ توں پاک صاف کردا اے۔‘‘ ایہہ ساڈی تھاں تے یسوع دے اذیت سہن تے موت دے ذریعے نال اے کہ اسی گناہ دی لعنت توں بچائے جا سکن، تے خدا دے نال امن پان۔ ایہہ ای واحد راہ اے کہ تباہ شُدہ گنہگار نجات پا سکن۔ ’’برباد گنہگاراں نوں سُدھارن لئی یا واپس حاصل کرن لئی، ھیلیلویاہ، کیہو جیہا اِک نجات دہندہ!‘‘ یسوع مسیح نے کہیا،

’’راہ، حق تے حیاتی میں آں۔ میرے وسیلے دے بغیر کوئی پیو دے کول نئیں آندا‘‘ (یوحنا14:6)۔

ڈاکٹر اے۔ ڈبلیو۔ ٹوزر نے کہیا، ’’مسیحی گرجا گھر دے ہون دی اِک ای وجہ اے۔ او اے یسوع مسیح دی حیاتی تے رحمت تے فضل دا مظاہر کرنا۔‘‘

شارلٹ ایلیٹCharlotte Elliott دا حمدوثنا دا زبردست گیت اِک ذریعہ رہیا اے جیدے ذریعہ بوہتے گنہگاراں نوں یسوع نے بچایا اے۔ کی تُسی اُوہناں لفظاں دے بارے وچ سوچن لئی اینوں اکثر گای اے؟ مینوں اُمید نئیں۔

انتظار کیتے بغیر، میں جیویں دا وی آں، میری جان نوں [گناہ دے] تاریک دھبے توں چُھڑان لئی،
تیرے لئی جیدا لہو ہر داغ مٹا سکدا اے، اے خُدا دے برّے، میں آیا! میں آیا!

میں جیویں دا وی آں، غریب، تباہ حال، اَنھا؛ نظارے، دولت، ذہن دی شفایابی؛
جی ہاں، جیدی مینوں لوڑ اے میں تیرے وچ پاندا آں، اے خُدا دے برّے، میں آیا! میں آیا!
   (’’میں جیویں دا وی آں Just As I Am‘‘ شاعرہ شارلٹ ایلیٹ Charlotte Elliott، 1789۔1871)۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔