ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

یسوع نے ایہہ الفاظ سُمرنہ دی کلیسیا نوں کہے سن۔ اُوہناں نے یسوع تے ایمان لہیانے دی وجہ توں مصیبتاں سہیاں سن۔ اُوہناں نے جو کُج اُوہناں دا اپنا سی اُو سب کُج کھو دِتا سی۔ اُو زمین تے مفلس سن لیکن یسوع نے اُوہناں نوں دولتمند کہیا۔ اُوہناں دے کول عظیم روحانی برکتاں سن تے اُوہناں نوں شاندار انعامات توں نوازا جائے گا جدوں یسوع اپنی بادشاہی قائم کرن آئے گا۔ یسوع نے اُوہناں نوں دسیا سی کہ اُس بوہتے چنگے سن۔ اُوہنے، اُوہناں نوں برکت دتی سی!

اَس مسیح اُوہی سب کُج چین وِچ مسیحیاں نوں کہے گا۔ میں ’’دکھاوے‘‘ آلے جعلی گرجا گھراں دے بارے وِچ گل نئیں کر رہیا آں جیہڑے حکومت دے نال رل کے کم کر رئے نے۔ میں زیرزمین گھریلو گرجا گھراں وِچ مسیحیاں دے بارے چہ گل کر رہیا آں جیہڑے مسیح نوں پہلی تھاں تے رکھدے نے پاویں کُج وی قیمت چکانی پہئے۔ اُوہناں نوں قید تے موت برداشت کرنی پہئی اے – یسوع دی خاطر۔ اُوہناں دے کول ہر اک شے جیہڑے اُوہناں دے کول ہوندی اے گنوانی پیندی اے – یسوع دی خاطر، اَج اُو اُوہناں نوں برکت دیوے گا تے عزت دے گا!

اُو جدوں کہ زمین تےمفلس نے، یسوع سوچدا اے اُو دولتمند نے! اُو ایتھے امریکہ وِچ ’’آسانی نال بنن آلے‘‘ کمزور مسیحیاں دے مقابلے وِچ امیر تیرین نے۔ امریکہ وِچ نئے ایونجیلیکلز دے کول دولت اے، لیکن روحانی طور تے اُو ’’بدبخت، بے چارے، غریب، اَنّہے تے ننگے نے‘‘ (مکاشفہ3:17)۔ امریکہ دے نئے ایونجیلیکز لئی میرے کوئی کوئی ستائش یا برکت نئیں اے۔ لیکن اَج میں کہنا واں، ’’چین وِچ مسیحیاں نوں برکت حاصل ہووے!‘‘ اُوہناں نوں برکت دین لئی میں تہانوں تین وجوہات پیش کراں گا۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

I. پہلی گل، چین وِچ مسیحیاں نوں اُوہناں دی تہذیب لئی برکت حاصل ہووے!

سیاسی طور تے اِک دے مقابلے وِچ دوجی تہذیب نوں بہتر کہنا سیاسی طور تے دُرست نئیں اے۔ لیکن ایہی سچ اے۔ چینی لوکی – ناصرف محض مسیحی، بلکہ ساری چینی لوکی – اُوہناں دے کول ساڈے مقابلے وِچ اِک بہتر تہذیب اے۔ اُوہناں دے کول اُو اے جیہڑا ساڈے کول ہویا کردا سی۔ ساڈے کول ’’پروٹسٹنٹ خلاقی اعمال‘‘ ہویا کردے سن۔ اَج امریکی اُوہناں دا مذاق اُڑاندے نے۔ اُو اِک سُست نکمی ثقافت یا تہذیب چاہندے نے۔ پروٹسٹنٹ اعمالی اخلاقیات اُونج دیاں سن جیویں چینی اعمالی اخلاقیات اے۔ ایہدا مطلب ہوندا اے کہ کم کرنا چنگا ہوندا اے تے سُستی بُری ہوندی اے۔ ایہہ گل بائبل دی پیروی کردی اے، جیہڑی کہندی اے،

’’اے کاہل [سُست شخص]، چیونٹی دے کول جا: اُوس دے روّشاں نوں غور کر تے دانشمند بن: اُوہدا کوئی قائد نئیں ہوندا، نہ ای کوئی نگران یا حاکم ہوندا اے، فیر وی اُو گرمی دے موسم وِچ اپنی خوراک بٹوردی اے تے فضل کٹدے ویلے اپنے لئی غذا جمع کردی اے‘‘ (امثال6:6۔8)۔

ایہو ای وجہ اے کہ چینی اَگے پہنچے نے! چینیاں دے کم۔ امریکی [لوکی اگے] نئیں پہنچے نے۔ اُو ساڈے مُلک دے نال رونما ہوئے گا؟ مفلسی۔ بائبل کہندی اے،

’’اے کاہل، توں کدوں تیکر اُوتھے پیہیا رئے گا؟ توں اپنی نیندر توں کدوں اُٹھے گا؟ اِک ماڑی جیہئی نیندر یا اِک جھپکی، لمحہ بھر چھاتی تے ہاتھ رکھے لیٹے رہن نال: غُربت اِک رہزن دی مانند تے محتاجی اِک مسلح بندے دی مانند تیرے تے آ پہئی اے‘‘ (امثال6:9۔11)۔

ایہو ای وجہ اے کہ زیادہ تر امریکی اَگے نئیں ودھ پاندے۔ اُو سُست کاہل نے۔ چینیاں دی مانند بنو! آئیے مینوں تہانوں چینیاں دے اعمال دی اخلاقیات دے بارے وِچ تہانوں دَس لین دیو۔ درج ذیل کُج اِقتباسات یا حوالے نے:

چینیاں دی تہذیب دی اعمالی اخلاقیات دی روحِ رواں ایہہ اے کہ سخت محنت رنگ لاندی اے تے اِک خوشگوار حیاتی وِچ اپنا حصہ رکھدی اے۔ ایہو جیہئی اِک کہاوت یا مقولہ اے شی شینگ وو نانشی، جیہدا ترجمہ ’’اِک رضامند ذہن لئی کُج وی ناممکن نئیں ہوندا‘‘ کیتا جاندا اے۔

[امریکی مصنف] مارک ٹوائن Mark Twain نے اِک وری مشاہدہ کیتا کہ ’’چین دا سُست آدمی کوئی وجود ای نئیں رکھدا،‘‘ تے اضافہ کیتا، ’’اُو ہمیشہ کُج نہ کُج کرن لئی کامیاب ہو جاندا اے‘‘ (’’چینیاں دی اعمالی اخلاقیات توں 7 اہم گلاں جیہڑیاں تُسی سِکھ سکدے اُو 7 Important Things You Can Learn from the Chinese Work Ethic،‘‘ 5 مارچ، 2018۔ https://www.aiesec.in/7-important-things-can-learn-chinese-work-ethic/)۔

ایہو ای وجہ اے کہ زیادہ تر جیہڑیاں [شیواں] اَسی خریددے آں چین دی بنی ہویاں ہوندیاں نے۔ چھیتی ای اُو دُنیا تے راج کرن گے!

چینیاں دے کول محض اعمال دی اخلاقیات ای نئیں اے۔ اُوہناں دے کول پڑھن دی اخلاقیات وی اے۔ چینی والدین اپنے بچیاں نوں پڑھن لئی زور دیندے نے۔ کینیڈا دے اِک اخبار نے لکھیا، ’’ایشیائی امریکی والدین اپنے بچیاں دے پراں تھلے مسلسل ہوا میسر کردے نے‘‘ (ڈیلی میل Daily Mail، 23 مئی، 2014)۔

ایہو ای وجہ اے کہ چینی طالب علم گورے، کالے تے ہسپانوی [طالب علم] توں کہیں بوہتے نمبر SAT وگرے کالج دے داخلے دے اِمتحانات وِچ لیہندے نے۔ جدوں میں UCLA وِچ ریاضی پڑھایا کردا سی، تے میرے بے شمار شاگرد چینی سن – تے اُو ساریاں [طالب علماں] وِچ بہترین پوزیشن حاصل کردے سن!

امریکیاں وانگوں زیادہ تر چینی لوکی جنونی تے باغی نئیں ہوندے۔ کنفوشیئس نے اُوہناں نوں بزرگاں دا احترام کرنا سیکھایا سی۔ اِیہنوں ’’پِدرانہ سعادت مندیfilial piety‘‘ کہندے نے۔ چینی لفظ ژیاؤXiao اے، جیس دا تلفظ ’’ہشیا‘‘ ہوندا اے۔ برطانوی انسائیکلوپیدیا لکھدی اے،

شیاؤXiao فرمانبرداری، خلوص تے عقیدت تے اپنے ماں پیو تے خاندان دے بزرگ لوکاں دی پرواہ کرن دا روئیہ ہوندا اے جیہڑا اِک فرد دے اخلاقی کردار تے معاشرتی یگانگت یا ہم آہنگی دی بنیاد ہوندا اے۔

بائبل وی ایہو ای کہندی اے، ’’اپنی ماں تے پیو دی عزت کر‘‘ (خروج20:12)۔ کنفوشیئس نے اِک ایہو جئے نظام نوں یکجا کیتا جیتھے نِچلا طبقہ اعلیٰ طبقے دی فرمانبرداری کردا اے۔ ایہہ گل صرف پُتر دی پیو دے نال ای تعلق نئیں رکھدی بلکہ اِک پیروکار دی رہنما دے نال وہی تعلق رکھدی اے۔ ایہو ای وجہ اے کہ زیادہ تر چینی لوکی گرجا گھر دے اِک شاندار رُکن بنندے نے جدوں اُو یسوع تے پرہوسا کردے نے۔ اُوہناں لئی گرجا گھر دی کوئی تقسیم نئیں ہوندی! ایہہ اُوہناں دی ثقافت یا تہذیب وِچ نئیں اے۔ میں خوش آں کہ اَسی سان گیبرئیل وادی وِچ اِک چینی گرجا گھر شروع کر رئے آں تے اِک بہتر ثقافت دے لوکاں دے نال کم کر رئے آں! میں بے اِتنہا خوش آں کہ اَسی اندرون شہر نوں اُوہدی دیوانگیاں تے بغاوتاں دے نال چھڈ رئے آں۔ تُسی اندرون شہر دی بغاوت یا ناپائیداری دے نال اِک چنگا گرجا گھر تعمیر نئیں کر سکدے۔ آؤ چینی لوکاں دے نال اِک بہتر گرجا گھر دی تعمیر کرئیے!

لیکن اگلے موضوع وَل جان توں پہلاں مینوں اِک گل کہہ دینی چائیدی اے۔ اپنے ماں پیو دی عزت کرنا چنگی گل اے لیکن ایہہ کدی نئیں بُھلنا چائیدا اے کہ سب توں اعلیٰ ہستی خُدا دی اے۔ ایہو ای وجہ اے کہ یسوع نے کہیا،

’’جیہڑا وی کوئی اپنے پیو یا اپنی ماں نوں میرے توں زیادہ پیار کردا اے اُو میرے لائق نئیں‘‘ (متی10:37)۔

اپنے والدین دا احترام کرو، لیکن یاد رکھو کہ خُدا اُوہناں توں بُلند مرتبے تے اے۔ جے تہاڈے غیر مسیحی ماں پے تہانوں یسوع دی پیروی نہ کرن لئی کہندے نے تے اُوہناں نال پیار کرو لیکن مسیح دی پیروی فیر وی کرو جیہڑا ماں یا پیو توں ودھ کے ہوندی اے۔ بعد چہ اُو ویکھن گے کہ یسوع نے تہانوں بہتر بنا چھڈیا۔ لیکن ہمیشہ اُوس [یسوع] نوں پہلے مقام تے رکھو!

II. دوجی گل، چین وِچ ایذارسانیاں دے سبب مسیحیاں نوں اُوہناں دے وفاداری لئی برکت حاصل ہووے!

یسوع نے سامریہ وِچ تکلیفاں برداشت کردی ہوئی کلیسیا نوں کہیا، ’’جان دین تیکر وفادار رہ تے میں تینوں حیاتی دا تاج بخشاں گا‘‘ (مکاشفہ2:10)۔ اُو اُوس سچائی نوں جانندے سی جیہڑی پولوس رسول نے کہی سی، ’’جے اَسی دُکھ چُکاں گے تے اُوہدے نال بادشاہی وی کراں گے۔ جے اَسی اُوہدا انکار کراں گے تے اُو وی ساڈا انکار کرے گا‘‘ (2تیموتاؤس2:12)۔ اَج اینج ای چین وچ ہوندا اے۔ حکومت حقیقی مسیحیاں دے خلاف اے، لیکن اُو یسوع دے نال وفادار رہندے نے۔ اِک اخبار نے لکھیا،

گرجا گھراں نوں مکمل طور تے منہدم یا جڑ توں اُکھاڑ دِتا گای۔ بائبلاں نوں سزا دے طور تے ضبط کر لہیا گیا تےایمانداراں نوں ’فیر تعلیم دین آلے‘ کیمپاں وِچ پیج دِتا گیا (واشنگٹن ٹائمز Washington Times، 6 جون، 2018)۔

حکومتی افسران نے گولڈن لیمپ سٹینڈ گرجا گھر نوں بارود نال اُڈا دِتا، جیہڑا شمالی شانسی صوبے وِچ سب توں وڈا ایونجیلیکل گرجا گھراں وِچوں اِک سی۔ دوجے حربیاں وِچ صلیباں نوں صفحۂ ہستی توں نابود کرنا، بائبلاں نوں ضبط کرنا یا مخصوص حوالیاں نوں سنسر کرنا، واعظ گاہواں تے کیمرے نصب کرنا جیہڑے چہریاں نوں شناخت کر پان تے ایمانداراں نوں ’’فیر تعلیم دین آلے کیمپاں‘‘ وِث پیجنا شامل اے (ibid.)۔

ایہہ اِک ہولناک اذیت اے۔ کی تُسی ایہدے تحت ڈٹے رہ پاؤ گے؟ میں جاننا واں کہ چینی مسیحی ڈٹے رہن گے! اَسی جنہاں [حالات] توں لنگنہے آں اُو کوئی ماڑی گل نئیں اے۔ اُو سب کُج جیہڑا ہوندا اے اِینا ای اے کہ کوئی تہاڈے بارے چہ بُرا بولدا اے۔ اُو قید تے موت نوں برداشت کردے نے۔ کی تُسی چند اِک سخت کلمات برداشت کر سکدے اُو؟ کی تُسی اپنے شیڈول نوں تبدیل کر سکدے اُو تاکہ تُسی مسیح دی پیروی کر سکو؟ کی تُسی ایہنوں برداشت کر سکدے اُو جدوں لوکی تہاڈے بارے چہ بُرا بولدے نے؟ زیادہ تر امریکی مسیح دی خاطر کسی وی گل نوں نئیں بدلدے، یا کسی [مشکل] وِچوں نئیں لنگہدے۔ تہاڈے بارے چہ کی خیال اے؟

چین وِچ مسیحیت تے اُتے سب توں زیادہ شیطانیت توں بھرپور حملہ جسمانی نئیں ہوندا اے۔ اُو روحانی ہوندا اے۔ او مسیحیاں دی روحاں نو تباہ کرن دی کوششاں کر رئے نے۔ سُنو جدوں میں تہانوں کُج رپورٹاں سناواں۔

اُو گرجا گھر جنہاں دے اندر [وڈی] صلیباں نصب نے اُوہناں نوں چیئرمین ماؤMao تے چیئرمین ژیXi [جنپینگ Jinping] دی تصویراں نوں صلیب دے دوویں پاسے نصب کرنا ہوئے گا (کرسچن پوسٹ Christian Post، 28 ستمبر، 2018)۔

گرجا گھر وِچ پرستش دی ہر عبادت دے شروع وِچ، گرجا گھر دی کوائر نوں چند اِک انقلابی اشتراکیت پسند گیت گانے نے جیہڑے کیمونسٹ پارٹی دی ستائش کردے ہون، ایس توں پہلاں کہ اُو عبادتی گیت گان (ibid.)۔

لیکن ایس توں وی بدتر ہو جاندا اے۔

عیسائیت نوں شوشلزم دے نال مذید مطابقت پذیر بنان لئی چینی حکومت پنج سالہ منصوبے دی نگرانی کر رئی اے جیس وِچ بائبل نوں اِک وری ’’فیر توں لکھنا‘‘ ہووے گا… پرانے عہدنامے دی ’’دوبارہ ترجمانی‘‘ کر کے تے نئے عہدنامے دی نئی تفسیر پیش کرن دے نال [تاکہ اشتراکیت پسندی کی پیروی کرن لئی بائبل نوں بنایا جائے] (ibid.)۔

حکومت دے تین ذاتی گرجا گھرThree-Self churches کیمونسٹاں دی کتاب نوں قبول کرن گے۔ لیکن ایہہ اِک ہولناک گناہ اے۔ یسوع نے بائبل دے بارے چہ کہیا،

’’جے کوئی ایہناں گلاں وِچوں کوئی اِک گل ودھائے گا تے خُدا ایس کتاب وِچ لکھی ہوئیاں آفتاں اُوہدے تے نازل کرے گا۔ تے جے کوئی نبوت دی ایس کتاب دی گلاں وِچوں کوئی گل کڈے گا تے خُدا اُوس کتاب وِچ ذکر کیتے ہوئے حیاتی دے درخت تے مقدس شہر وِچوں اُوہدا حصہ کڈ دے گا‘‘ (مکاشفہ22:18، 19)۔

بائبل وِچ کسی گل دا اضافہ مت کرو یا کوئی گل اُوہدے وِچوں مت کڈو – اپنی جان نوں خطرے چہ پا کے! میں پُر یقین آں کہ زیرِ زمین گھریلو گرجا گھر دے مسیحی خُدا دے سچے کلام دے نال رہن گے، حتّیٰ کہ قید تے موت دے ہٹاں وی۔ ایہہ حیاتی یا موت دا اِمتحان اے۔ کی تُسی ڈٹے رہ پاؤ گے؟ چینی مسیحی ڈٹے رہن گے! کی جدوں ویلہ آئے گا تے تُسی اپنے ایمان لئی تکلیفاں برداشت کرو گے؟ ایہہ تہاڈی سوچ توں وی شاید چھیتی ہو جائے!

’’میں تیرے اعمال، مصیبت تے مفلسی نوں جاننا واں، (لیکن توں دولتمند اے)‘‘ (مکاشفہ2:9)۔

III. تیجی گل، چین وِچ مسیحیاں نوں اُوہناں دی انجیلی بشارت دے لئی برکت حاصل ہووے!

چین وِچ مسیحی تکلیفاں دے ہٹاں مسیح دا انکار نئیں کردے۔ لیکن اُو اُوس مقابلے وِچ کِدرے بوہتا زیادہ کر جاندے نے۔ ہولناک دباؤ دے ہٹاں، موت دا سامنا کردے ہوئیاں، اُو انجیلی بشارت دے پرچار نوں جاری رکھدے نے۔ اُو اپنی حیاتیاں نوں خطرے وِچ پا کے یسوع لئی بندیاں نوں جِتدے نے!

اِک چینی پادری صاحب نے کہیا، ’’جی ہاں، میں خوفزدہ آں، لیکن مینوں چنگے کم کردے رہنا جاری رکھنا اے۔‘‘ تے اُو جاری رکھدے نے! اُو جانندے نے کہ یسوع نے کہیا، ’’ساری دُنیا وِچ جا کے تمام لوکاں وِچ انجیل دی منادی کرو‘‘ (مرقس16:15)۔ اُو جانندے نے کہ مسیح نے کہیا، ’’راہواں تے کھیتاں دی باڑاں وَل نکل جا تے لوکاں نوں مجبور کر کہ اُو آن تاکہ میرا گھر بھر جائے‘‘ (لوقا14:23)۔ تے اُو جانندے نے کہ نجات دہندہ نے اپنے سارے شاگرداں نوں زمانے دے خاتمے تیکر لئی حکم دِتا سی،

’’تُسی جاؤ تے ساری قوماں نوں شاگرد بناؤ، اُوہناں نوں باپ، بیٹے تے پاک روح دے ناں تے بپتسمہ دیو، تے اُوہناں نوں ایہہ تعلیم دیو کہ اُوہناں ساریاں گلاں تے عمل کرن جنہاں دا میں تہانوں حکم دیتا اے تے ویکھو! میں دُنیا تے اخیر تیکر تہاڈے نال آں‘‘ (متی28:19، 20)۔

ساڈے خداوند دا حکم ہر تھاں تے تمام کلیسیاواں وچہ تمام مسیحیاں لئی اے۔ ظلم و ستم توں کوئی مُستثنیٰ نئیں اے۔ تے چینی لوکی محض صرف دوجے چینی لوکاں نوں ای گواہی نئیں پیش کردے۔ چینی کلیسیائیں مشنریاں نوں باہر [دوجے مُلکاں] وِچ پیجدے نے! اِک بین الاقوامی اخبار لکھدا اے،

مُلک توں باہر تقریباً 1,000 چینی مشنری نے، کلیسیاواں تے ایکڈیمیاں دے مطابق، جنہاں دے موازنہ اِک دہائی پہلاں کیتا جائے تے اِک وی نئیں سی۔ کلیسیاواں دے رہنماواں نوں [2030] تیکر 20,000 [مسیحیاں] تیکر اُوہناں دی تعداد ودھان دی اُمید اے۔ شنگھائی وِچ وُانگبینگ مشنری گرجا گھر وِچ … 20 توں زیادہ مشنری بیرون مُلک نے، زیادہ تر شمال مشرقی ایشیا تے مشرقِ وسطیٰ وِچ… چینی مشنری مینگ لی سی Meng Li Si تے لی ژن ہینگ Li Xinheng قتل کیتے جا چکے سن (فائننشیئل ٹائمز Financial Times، 20 اگست، 2017)۔

چین وِچ بے شمار کلیسیائیں ’’یروشلیم لئی واپسی‘‘ کہلائی جان آلی اِک تحریک دے ذریعے متاثر نے، جیہدا ناں اِک چینی پادری صاحب دے تصور تے رکھیا گیا جیہڑا مشرقی چین توں آبادی نوں مسیح وِچ ایمان لہیا کے تبدیل کرن توں شروع ہو کے یروشلیم تیکر پہچن دے بارے وِچ [تصور] سی۔ اُوہناں دی ویب سائٹ نے رپورٹ پیش کیتی

جُون توں لہیا جائے تے کُل 274 مشنری کم کر رئے نے اُوہناں [علاقیاں] وِچ جنہاں نوں ایہہ ’’دُںیا دے تاریک ترین علاقے‘‘ کہندے نے، بشمول میانمار Myanmar وِچ (فائننشیئل ٹائمز Financial Times، ibid.)۔

میانمار اِک بُدھ مت مُلک اے جیتھے اِک ظالم آمریت دا راج اے۔ لیکن چین وِچ مسیحی اُوتھے خوشخبری دے نال جاندے نے! تے گل ایتھے ای مُک نئیں جاندی! چین دی کلسیاواں دا سب توں زیادہ جرأتمندانہ منصوبہ ’’مشن چائنہ 2030‘‘ اے، جیس دا مقصد 2030 تیکر 20,000 ایماندار مسیحیاں نوں بیرونِ مُلک پیجن دا اے (ibid.)۔ اُو ظلم و ستم سہندے ہوئے چینی خوشخبری نوں اُوہناں مقامات تیکر لے جان گے جیتھے مغربی مشنری جان توں خوفزدہ ہو جاندے نے۔ اُو دُنیا وِچ انجیلی بشارت دا پرچار کرن گے!

ایس سب دے پِچھے کیہڑی گل اے؟ کیوں چینی مسیحی انجیلی بشارت دا پرچار کرن گے پاویں اُوہناں نوں ایہدے لئی اپنی جان دے نال قیمت چکانی پہئے؟ اُوہناں دے کول یسوع لئی محبت تے بشراں نوں جیتن دے لئی دِل اے!

اِک امریکی خاتون چین گئی تے گھریلو گرجا گھراں دے مسیحیاں نوں ویکھا۔ اُوہناں نے کہیا، ’’سانوں قیادت دے بارے وِچ کسی وی گل دی سمجھ نئیں اے، اَسی مغربی قیادت دے طریقیاں دے بارے وِچ سمجھ نئیں پاندے… اَسی صرف ایہناں جاننے آں کہ دعا کینج کرنی ہوندی اے، اَسی صرف ایہناں جاننے آں کہ خُدا وِچ یقین کیویں کرنا ہوندا اے۔ اَسی اپنے لوکاں نوں قیات دی صرف تربیت دینے آں کہ اَسی اُوہناں نوں سیکھانے آں کہ اُوہناں دی پھانسی دی راہ وِچ اُوہناں نوں اپنے جلاد نوں کیویں گواہی دینی چائیدی اے‘‘ (فوکس نیوز، 17 جون، 2019)۔ یسوع اُوہناں نوں کہندا اے،

’’میں تیرے اعمال، مصیبت تے مفلسی نوں جاننا واں، (لیکن توں دولتمند اے)‘‘ (مکاشفہ2:9)۔

اُو چین وِچ مسیحی نے، دُنیا دے عمدہ ترین۔ سب اُوہناں دے عزت کرن! ہُن میں تہاڈے کولوں پُچھنا آں، ’’کی تُسی ماڑے جیہئے وہ اُوہناں وگرے اُو؟‘‘ ماڑے جیہئے ظلم و ستم مگر خود نوں مت لُکاؤ۔ مسیح کولوں مُنہ مت موڑو جدوں لوکی تہاڈے بارے چہ بُرا کہندے نے۔ تے اُوہناں دی انجیلی بشارت دے پرچار دی تعلیم نوں یاد رکھو! گمراہ [لوکاں] دے کول جان لئی ویلہ کڈو – ایتھوں تیکر کہ جدوں تُسی خود اپنے طور تے ہوندے اُو – ناکہ بس صرف جدوں گرجا گھر اُوہنوں [تہاڈے نال] رَل کے کرے۔ ایہدے لئی ویلہ کڈو۔ گمراہ [لوکاں] دے مگر جاؤ۔ اُوہناں نوں مِلو تے اُوہناں دے فون نمبرز حاصل کرو۔ اُوہناں نوں میسج کرو تے اُوہناں نال فون تے گل کرو۔ اُوہناں نال دوستانہ روئیہ اختیار کرو۔ تے اُوہناں نوں گرجا گھر لے کے آؤ جیتھے اُو خوشخبری دی منادی نوں سُن سکن۔ سان گیبرئیل وادی وِچ چینی باشندے مستقبل وِچ سب توں بہتر کامیابی دا اِمکان رکھدے نے جیہڑی اَسی پہلاں کدی وی نئیں ویکھی۔ لیکن تُسی اُوہناں دا دِل نئیں جِت سکدے جے تُسی اُوہناں دے مگر نئیں جاندے۔ آؤ چلو! آؤ چلو!

تہاڈے وِچوں کُج نے یسوع تے پروہسا نئیں کیتا اے۔ تُسی اُو مسیحی حیاتی بسر نئیں کردے، کیوں جے تُسی اِک مسیحی نئیں اُو۔ تُسی ہُنےتیکر اپنے گناہواں وِچ اُو۔ تہاڈے تے چین وِچ مسیحیاں دے درمیان کیس گل دا فرق اے؟ یسوع دا۔ یسوع تہاڈے گناہواں دی ادائیگی دے لئی صلیب تے قربان ہو گیا۔ اُوہنے تہاڈے گناہ نوں دھون لئی اپنا لہو وگایا۔ اُو تہانوں حیات بخشن لئی مُردیاں وِچوں جی اُٹھیا۔ اُوہناں نے یسوع تے پروہسا کیتا۔ کی تُسی نئیں کیتا۔ جے تُسی یسوع تے پروہسا کرن دے بارے وِچ ساڈے نال گل بات کرنا چاہندے اُو تے مہربانی نال ایس واعظ دے اِختتام تے کمرے دے اَگے ٹُری آؤ۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔