Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




خُدا دے بارے چہ خود آگاہی

THE SELF-REVELATION OF GOD
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وچ دِتا گیا اِک واعظ
خُداوند دے دِن دی شام، 26 جنوری، 2020
A sermon preached at the Baptist Tabernacle of Los Angeles
Lord’s Day Evening, January 26, 2020


نظریہ علم یا علمیات فلسفے دی اُو شاخ اے جیہڑی ایس گل توں نمٹدی اے کہ اَسی کیویں جاننے آں جیہڑا جاننے آں۔ اَسی کیویں خُدا دے بارے چہ جان سکنے آں؟ عقلیت پسندی وِچ، اَسی بیہ جانے آں تے خُدا دے بارے وِچ سوچنے آں۔ لیکن چونکہ کسی نے وی خُدا نوں نئیں ویکھیا اے، جیہڑے نتیجے لوکی خُدا دے بارے وِچ کڈدے نے اُو حقائق تے مشتمل نئیں ہوندے بلکہ کسی دے خیالات تے مشتمل ہوندے نے۔

الہٰام اُو واحد راہ اے جیہڑی سانوں خُدا دے بارے وِچ شعور تیکر لے جا سکدی اے۔ مسیحی کلیسیاواں تعلیم دیندیاں نے کہ خُدا دے بارے چہ پاک صحائف، ضمیر تے مسیح دے ذریعے نال انکشاف کرتا اے۔ لہٰذا، خُدا اُو نئیں اے جیہڑا اَسی سوچنے آں کہ اُو اے۔ خُداوند اِک روح اے جیہڑی تین طرح نال خود دا اظہار کردی اے۔

I. پہلی گل، خُدا خُود دا اِظہار قدرت دے ذریعے نال کردا اے۔

عمانوئیل کانت اِک مشہور و معروف فلسفی سن۔ کانت نے کہیا کہ خُدا دی وجودیت دے لئی تکینکی دلیل سب توں زیادہ معتبر مباحثہ اے۔ ایس تکنیکی بحث دی بنیاد جیہڑی اَسی دُنیا وِچ ویکھنے آں اُوس تے مشتمل اے۔ جیہڑا اَسی ویکھنے آں انتہائی پیچیدہ اے تے ایس دے خالق دا انکشاف اِک پیچیدہ تے قوت توں بھرپور ہستی دے طور تے ہوندا اے یعنی کہ خُدا۔ ایس گل دا احساس کرنا اہم اے کہ نکے بچے تکنیکل دلیل دی آگاہی فوراً کر لیندے نے۔ نکے بچے کدی وی خُدا توں منکر نئیں ہوندے۔ جدوں تُسی اُوہناں نوں پُچھدے اُو ’’کی خُدا اے؟‘‘ اُو ہمیشہ آسمان وِچ اِک بدل وَل یا صحن وِچ اِک پُھل وَ اشارہ کرن گے تے کہین گے، ’’اُو خُدا نے بنایا اے۔‘‘ لہٰذا نکے بچیاں دا قدرتی علم الہیٰات خُدا دی وجودیت دی تکنیکی دلیل اے۔ ’’خُدا نے پُھلاں تے درختاں نوں بنایا اے۔‘‘

تکنیکی پوزیشن وی جدید دور دے لوکاں دا آفاقی نقطۂ نظر اے، جیہڑے اکثر فوراً مسیحی ہو جاندے نے۔ حالیہ سالاں دے دوران چین وِچ لکھاں لوکی یسوع دے کول آ چکے نے۔ رومیوں1:20 آیت کھولو۔

’’کیوں جے خُدا دی ازلی قدرت تے الوہیت جیہڑی اُوہدی ان ویکھی صفتاں وِچ دُنیا دی پیدائش دے ویلے توں اُوہدی بنائی ہوئی شیواں توں چنگی طرح ظاہر نے؛ لہٰذا انسان دے کول کوئی بہانہ نئیں اے‘‘ (رومیوں1:20)۔

اَج دی راتی، سارے یورپ وِچ، شمالی تے جنوبی امریکہ نوں مِلا کے [اُوتھے] جنّہے مسیحی نے اُوہناں دے مقابلے وِچ چین وِچ زیادہ مسیحی نے! ایہہ کیمونسٹاں دے مسیحی نہ بنن دے دباؤ دے باوجود نے۔ پُرکشش کیمونیسٹ سادہ لوح نوجوان چینی لوکاں نوں مسیحی تے پروہسا کرن، تے اُوہدے ذریعے نال نجات پان توں نئیں روک سکدے!

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

جدوں میں چینی گرجا گھر دا اِک رُکن سی تے میں اپنے سنڈے سکول دے بچیاں وِچوں اِک دی رہنمائی مسیح تیکر کیتی سی، اُوس ویلے اُو 11 وریاں دا اِک مُںڈا سی۔ اُوہد پیو اُوس ویلے تیکر غصے وِچ نئیں آیا سی جدوں تیکر اُوس منڈے نے [پیو نوں] دسیا نئیں کہ اُو بپتسمہ لینا چاہندا سی۔ اُوہدا پیو غصے نال دیوانہ ہو گیا سی تے اُوہنوں واپس گرجا گھر جان توں منع کر دِتا۔ میں اُوس پیو نوں اُوہدے کاروبار [دی تھاں تے] مِلن لئی گیا۔ اُوس بندے نے جھاڑو پھڑی تے مینوں اپنے سٹور توں باہر کڈ دِتا۔

بعد چہ پیو نے اپنا ذہن بدل لہیا، تے اپنے پُتر نوں بپتسمہ لین دِتا۔ جوں جوں ورے لنگدے گئے، تے پیو نے غور کیتا کہ یسوع تے پروہسا کرن تے بپتسمہ لین دے بعد اُوہدے مُنڈا اِک بہتر پُتر بن گیا سی۔ بعد چہ، اُوس پیو نے آپئے مسیح تے پروہسا کیتا تے بپتسمہ لہیا! میں ایہہ گل رونما ہوندیاں ہویاں بے شمار چینی خانداناں وِچ ویکھ چکیا آں!

اُو مُںڈا اَج دے دِن تیکر میرے بیلیاں وِچ اِک اے! اوہدے پیو نے سوچیا سی کہ اُو مُںڈا اِک مسیحی بنن دا فیصلہ کرن لئی انتہائی کم عمر سی۔ لیکن اُوہدا اُلٹ صحیح سی – اُو پیو انتہائی دُنیاوی تے خود اعتماد ہو گیا سی۔ لیکن اُوہدا پُتر، اِک بچے دے دِل دے نال، یسوع دے کول چھیتی نال آ گیا سی تے نجات پا گیا سی!

مینوں یاد اے جدوں میں اِک نکا بچہ سی۔ میں باہر صحن وِچ جایا گردا سی تے پُھلاں نوں ویکھدا سی۔ میں گھا وِچ لیٹ جایا کردا سی تے بدلاں نوں اُوتے ویکھا کردا سی۔ کسی نے مینوں خُدا دے بارے چہ نئیں دسیا سی۔ میرے خاندان وِچوں کوئی وی مسیحی نئیں سی۔ میں بس پُھلاں تے بدلاں نوں ویکھا کردا سی تے جانندا سی کہ اِک خُدا نوں ہونا ای سی جنہے اِیناں نوں تخلیق کیتا! بعد چہ میں یسوع تے پروہسا کیتا تے نجات پائی سی۔

چین لئی اِک نارویجیئین مشنری مس ماری مونسین دی تحریر کیتی ہوئی اِک نکی جئی کتاب میں پڑھدا رہیا آں۔ مس ماری مونسین نے یسوع تے ایمان دے نال پروہسا کیتا سی تے خُداوند نے اُوہناں نوں اُوس عظیم حیات ںو نوں لہیانے لئی استعمال کیتا جیہڑا اِس ویلے وی عوامی جہموریہ چین وِچ جاری اے جیس وِچ ہزاراں لاکھاں لوکی یسوع تے پروہسا کر رئے نے تے نئے مسیحیاں دی حیثیت نال بپتسمہ لے رئے نے! یسوع نے کہیا،

’’بچیاں نوں میرے کول آن دیو، اُوہناں نوں مت روکو کیوں جے خُدا دی بادشاہی ایہو جیہاں دی ای اے‘‘ (لوقا18:16)۔

II. دوجی گل، خُدا خود نوں ضمیر دے ذریعے نال منکشف کردا اے۔

لیکن اِک دوجا طریقہ وی اے جیس نال خُدا مسیح دے لئی لوکاں نوں بُلاندا اے – اُوہناں دے ضمیر دے ذریعے نال۔ رومیوں2:14، 15 کھولو۔ کھِلو جاؤ جدوں میں تے مسٹر سونگ اینوں پڑھن۔

’’البتہ اُو قوماں جیہڑیاں شریعت نئیں رکھدیاں تے طبعی طور تے شریعت دے مطابق کم کردیاں نے تے شریعت نہ رکھدے ہوئیاں وی اُو خود اپنے لئی اِک شریعت نے۔ ایس طرح اُو ایہہ ظاہر کردیاں نے کہہہ شریعت دے احکام اُوہناں دے دِلاں تے نقش نے تے اُوہناں دا ضمیر وی ایس گل دی گواہی دیندا اے تے اُوہناں دے خیالات وی کدی اُوہناں تے الزام لاندے نے تے کدی اُوہناں نوں بری ٹھہراندے نے‘‘ (رومیوں2:14، 15)۔

تُسی تشریف رکھ سکدے اُو۔

جدوں اَسی نوجوان ہونے آں، تے ساڈے لئی مسیحی ہونا آسان تر ہوندا اے۔ لیکن جیویں جیویں اَسی وڈیرے ہونے آں تے لوکاں لئی یسوع تے پروہسا کرنا تے نجات پانا مشکل توں مشکل ہوندا جاندا اے۔ اکثر ساڈے چینی لوکی سوچدے نے ایہہ ایس لئی ہوندا اے کیوں جے اُو عقلمند ہوندے نے۔ لیکن میں ویکھیا اے کہ ایہہ گل سچ نئیں اے۔ ایہہ مشکل ہو جاندا اے کیوں جے اُوہناں دے گناہ اُوہناں دے ضمیراں نوں آلودہ کر چکے ہوندے نے! بائبل کہندی اے، ’’حتّیٰ کہ اُوہناں دی عقل تے ذہن دوویں ناپاک نے‘‘ (طِطُس1:15)۔ جنہا بہوتا ذہن گناہ دے وسیلے نال ناپاک ہوندا اے اُوہنا ای کم ضمیر بہتر طور تے کم کرن وِچ گھٹ ہوندا جاندا اے۔ کُج ویلے بعد، اُو ’’ضمیر لوہے دی تتی سلاخ نال جھلسا دِتا جاندا اے‘‘ (1تیمُتھِیُس4:2)۔ ’’جُھلسانا‘‘ اِک طبّی اصطلاح اے جیہڑی تتے لوہے یا کاسٹک دی شے یا انجماد دے ذریعے نال خون نوں جمان یا ٹشو نوں ختم کرن ول اشارہ کردا اے۔ ڈاکٹر میک آرتھر بجا طور تے کہندے نے، ’’جھوٹے اُستاد اپنے منافقانہ جھوٹاں دی تعلیم دے سکدے نے کیوں جے اُوہناں دے ضمیر بے حِس ہو چکے ہوندے نے، جیویں اُو رگاں [جیہڑیاں اُوہناں دے ضمیراں دے نال جُڑیاں ہوندیاں نے] تباہ کیتی جا چکیاں ہون تے شیطانی دھوکہ بازی دے آلاؤ دے ذریعے نال داغدار ٹشو وِچ بدل چکیاں ہون‘‘ (1تیمُتھِیُس4:1 تے غور طلب گل)۔ لوکی کیس قدر گناہ دی گہرائی وِچ جا سکدے نے میں ایس توں اکثر حیران ہو جایا کرنا آں، جدوں اُو شیطانی قوتاں نوں اُوہناں دے ضمیراں نوں غلیظ کرن دی اجازت دے دیندے نے!

جیویں جیویں اُو لوکی عمر وِچ ودھدے جاندے نے تے ضمیر دا اُو نور، جیس دے بارے وِچ رومیوں 2:15 وِچ دسیا گیا اے، گناہ دے ذریعے نال آلودہ ہوندا جاندا اے۔ ایہہ ای وجہ اے کہ تہانوں اپنے ضمیر دی سُننی چائیدی اے جدوں تُسی جوان ہوندے اُو۔ تے ایہو ای وجہ اے کہ مسیح وِچ ایمان لہیا کے تبدیل ہون آلے لوکاں دی تعداد گھٹ توں گھٹ ہوندی جاندی اے جیویں جیویں لوکی عمر وِچ ودھدے جاندے نے۔ تے ایہہ ای وجہ اے کہ تہانوں توبہ کرنی چائیدی اے تے یسوع تے پروہسا کرنا چائیدا اے جدوں تیکر کہ تہاڈا ضمیر نوجوان اے تے ہُنے تیکر ملائم ای اے۔

III. تیجی گل، خُدا خود نوں یسوع مسیح دے ذریعے نال منکشف کردا اے۔

مسیح خُدا دا اہم مکاشفہ اے۔ رومیوں 3:21۔24 آیت نوں ویکھو۔

’’مگر ہُن خُدا نے ایہو جئی راستبازی ظاہر کیتی اے جیس دا تعلق شریعت نال نئیں اے حالانکہ شریعت تے نبیاں دے کتاباں ایس دی گواہی ضرور دیندیاں نے۔ ایہہ خُدا دی اُو راستبازی اے جیہڑی انسان نوں ضرف یسوع مسیح تے لہیان نال حاصل ہوندی اے یعنی اُوس تے ایمان لہیان آلے سارے دے سارے لوکی بِلا تفریق راستباز ٹھہرائے جاندے نے کیوں جے سب نے گناہ کیتا تے خُدا دے جلال توں محروم نے۔ مگر اُوہدے فضل دے سبب اُوس مخلصی دے وسیلے نال جیہڑی یسوع مسیح وِچ اے مفت راستباز ٹھہرائے جاندے نے‘‘(رومیوں3:21۔24)۔

یسوع مسیح خُدا دا ازلی پُتر اے۔ خُدا نے یسوع نوں تہانوں تے مجھ وگرے گنہگاراں نوں لبھن تے بچان لئی ایس دُنیا وِچ کلیا۔ یوحنا1:14 کہندی اے،

’’کلام متجسم ہویا تے ساڈے درمیان خیمہ زنہ ہویا، (تے اَسی اُوہدے وِچ پیو دے اکلوتے پُتر وگرا جلال ویکھیا) جیہڑا فضل تے سچائی نال معمور سی‘‘ (یوحنا1:14)۔

خُدا دا مکمل اظہار اُوس دے اکلوتے پُتر یسوع وِچ ہوندا اے۔ لیکن تہانوں توبہ کرن تے یسوع تے پروہسا کرن دے ذریعے نال دوبارہ جنم لینا چائیدا اے۔

20 صدی دے پہلے حصے وِچ مِس ماری مونسین چین لئی اِک نارویجیئین مشنری سن۔ خُدا نے مِس ماری مونسین نوں بے شمار چینی لوکاں نوں مسیح وَل رہنمائی کرن لئی استعمال کیتا۔ اُوہناں وِچوں بے شمار بیرونی مسیحی سن، لیکن نئے سرے توں جنم لہئے بغیر۔

مس مونسین دے کول اِک مبشر آئے۔ ایہہ شخص انجیل دی منادی کردا سی لیکن ہُنے تیکر نئے سرے توں جنم لہیا ہویا نئیں سی۔ اُوہناں نے [مِس مونسین نے] اُوہنوں کہیا، ’’کی تُسی نئے سرے توں جنم لہیا ہویا اے۔‘‘ اُو ایہہ جانندے ہویاں اُودھروں ٹر گیا کہ اُوہنے نیا جنم نئیں لہیا ہویا اے! لیکن اُو سارا ویلہ روندا رہیا سی۔ کسی نے اُوس مبلغ نوں کہیا، ’’تُسی کیوں رو رئے اُو؟‘‘ اُوہنے کہیا، ’’کیوں جے میں ایسی قدر بوہتا وڈھا گنہگار آں۔‘‘ اُوس دوجے بندے نے اُوس مبلغ نوں کہیا، ’’کی تُسی ای ہمیشہ نئیں کہندے کہ یسوع گنہگاراں نوں نجات دلاندا اے؟‘‘ اُوس مبلغ نے مِس مونسین نوں کہیا، ’’اِک ای لمحے وِچ مسیح اِک جیوندی جاگدی حقیقت بن گیا، تے میں سکون نال بھر گیا جدوں میں اُوس تے پروہسا کیتا۔‘‘ مس مونسین نے اُوہنوں کہیا، ’’ایہہ اُوسی انتہائی دِن ہویا جدوں تُسی نجات پائی۔‘‘ اُوہنے اُوہناں نوں کہیا، ’’جی ہاں، اُو گل مینوں ہُن سمجھ چہ آئی۔ ہُن میں دوجیاں نوں دس سکنا واں نجات کیویں مِلدی اے۔‘‘

اُوہدے بعد مس مونسین دے کول اِک پادری آیا۔ اُوہناں نے اُوس پادری نوں کہیا، ’’کی تُسی نئے سرے توں جنم لہیا اے؟‘‘ انتہائی سنجیدگی دے نال اُوس وڈیرے پادری نے اُوہناں نوں کہیا، ’’میری خواہش اے کش میں جانندا۔‘‘ اُوہناں نے اُوس پادری نوں پُچھیا اُو کینج محسوس کردے نے۔ اُوہنے اُوہناں نوں دسیا کہ اُو دوجیاں نوں منادی تے کردے نے لیکن اُوہناں نے آپئے یسوع دے اُوس امن تے سکون دا نئیں پتا۔ اُوہناں نے اُوس پادری نوں کہیا، ’’مینوں تہانوں دسنا پہئے گا کہ تُسی اِک غیر نجات یافتہ شخص اُو۔ تُسی انّیاں دے اَنّہے رہنما رئے اُو۔‘‘ بعد چہ اُو چینی پادری واپس آئے تے اُوہناں نوں دسیا، ’’میں اِک منافقانہ پادری رہیا آں۔‘‘ اُوہناں نے یسوع تے پروہسا کیتا تے نجات پائی! فیر اُوہناں نے مس مونسین نوں کہیا، ’’مینوں جیہڑا مکمل انّا سی ہُن ویکھدا اے۔‘‘ اُوہدے بعد اُوس پادری نے بے شمار لوکاں نوں یسوع مسیح دے وسیلے نال نئے سرے توں جنم کینج لینا اے دسیا!

صلیب تے مسیح دی موت نے اُوہناں دے گناہ دا مکمل کفارہ ادا کیتا سی۔ جدوں تُسی مسیح تے پروہسا کردے اُو تے اُو لہو جیہڑا اُوہنے صلیب تے وگایا تہانوں تمام گناہ توں پاک صاف کر دے گا، تے خدا دے نال تُسی چین پاؤ گے تے نئے سرے توں جنم پاؤ گے! عظیم عالم الہٰیات آگسٹین دی مشہور گلا اے، ’’ساڈے دِل بے چین ہوندے نے جدوں تیکر اُو مسیح وِچ چین نئیں پا لیندے۔‘‘ ایہہ ساڈی دعا اے کہ تُسی اگلے اِتوار واپس آؤ گے تے مسیح کیویں تہانوں خُدا دے نال چین مہیا کر سکدا اے ایس دے بارے وِچ مذید ہُور سُنو گے۔

مہربانی نال کھڑے ہو جاؤ تے اپنے گیتاں دے ورق توں سب توں آخری گیت ’’نجات پائی Redeemed‘‘ گاؤ۔

نجات پائی، میں ایس دا اِعلان کرن نال کیس قدر محبت کرنی آں! برّے دے لہو دے وسیلے توں نجات پائی؛
   نجات پائی، اُوس لامحدود رحم دے ذریعے نال، اُوس دے بچے تے میں ہمیشہ لئی!
نجات پائی، نجات پائی، نجات پائی برّے دے لہو دے وسیلے نال؛
   نجات پائی، نجات پائی، اُوس دے بچے تے میں ہمیشہ لئی۔

نجات پائی، تے یسوع وِچ ایس قدر خوش، کوئی وی زبان میرے ریپچر دا بیان نئیں کر سکدی؛
   میں جاننا واں کہ اُوس دی موجودگی دا نور میرے نال مسلسل وسدا اے۔
نجات پائی، نجات پائی، نجات پائی برّے دے لہو دے وسیلے نال؛
   نجات پائی، نجات پائی، اُوس دے بچے تے میں ہمیشہ لئی۔

میں جاننا واں میں اُوہدی خوبصورتی وِچ اُوس بادشاہ نوں ویکھاں گا جیس دی شریعت وِچ مینوں خوشی ملدی اے؛
   جیہڑا محبت دے نال میرے نقش پا دی حفاظت کردا اے، تے رات وِچ مینوں نغمے بخشدا اے۔
نجات پائی، نجات پائی، نجات پائی برّے دے لہو دے وسیلے نال؛
   نجات پائی، نجات پائی، اُوس دے بچے تے میں ہمیشہ لئی۔
(نجات پائی Redeemed‘‘ شاعر فینی جے۔ کراسبی Fanny J. Crosby، 1820۔1915)۔

آمین۔ آسمانی باپ، مہربانی نال ایس خوراک نوں جیہڑی اَسی ہُن پان کھان لگے آں برکت دے۔ تے ہر اُوس شخص نوں جہیڑا اَج دی راتی آیا برکت دے۔ یسوع دے ناں وِچ، آمین۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

خُدا دے بارے وِچ خود آگاہی

THE SELF-REVELATION OF GOD

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

I.    پہلی گل، خُدا خود نوں قدرت دے ذریعے منکشف کردا اے، رومیوں1:20؛ لوقا18:16۔

II.   دوجی گل، خُدا خود نوں ضمیر دے ذریعے منکشف کردا اے، رومیوں2:14، 15؛ طِطُس1:15؛ تیمتھیس4:2 .

III.  تیجی گل، خُداوند یسوع مسیح دے ذریعے نال خود نوں منکشف کردا اے، رومیوں3:21۔24؛ یوحنا1:14 .